ຄ່າຈ້າງຕໍ່າສຸດເລີ່ມມີຜົນ, ຖ້າຄ່າແຮງງານ ຍັງຄືເກົ່າແຈ້ງໄດ້ຜູ້ຄຸ້ມຄອງຝ່າຍລັດ
(GMT+08:00) 2012-02-14 16:03:17 cri
ມັງກອນ ປີ 2012 ນັບເປັນເດືອນທຳອິດຂອງການຈັດຕັ້ງປະບັດຄ່າແຮງງານຂັ້ນຕ່ຳສຸດທີ່ປັບຂຶ້ນໃຫມ່ ແຕ່ຜູ້ຄຸ້ມຄອງແຮງງານຄາດເດືອນນີ້ ອາດຈັດຕັ້ງຍັງບໍ່ທົ່ວເຖິງ ພ້ອມສະເຫນີແຮງງານຫາກບໍ່ໄດ້ຮັບຕາມການປັບໃຫມ່ແຈ້ງໄດ້ຜູ້ຄຸ້ມຄອງຂອງລັດທີ່ຢູ່ໃກ້.
ຄ່າແຮງງານຂັ້ນຕ່ຳສຸດທີ່ ປັບຂຶ້ນໃຫມ່ຈາກ 348.000 ກີບ ຕໍ່ເດືອນໃນປີກາຍ ມາເປັນ 626.000 ກີບຕໍ່ເດືອນແມ່ນເລີ່ມຕົ້ນແຕ່ມັງ ກອນປີນີ້ເປັນຕົ້ນໄປ ໂດຍທີ່ກະຊວງແຮງງານ ແລະ ສະຫວັດດີການສັງຄົມ ໄດ້ອອກຖະແຫລງການກ່ຽວກັບການປັບຂຶ້ນດັ່ງກ່າວແລ້ວ ເມື່ອກາງເດືອນຜ່ານມາໂດຍມີຈຸດປະສົງເພື່ອຍົກລະດັບຊີວິດການເປັນຢູ່ຂອງຜູ້ອອກແຮງງານໃຫ້ດີຂຶ້ນເທື່ອລະກ້າວ.
ຢ່າງໃດກໍ່ຕາມ ສະເພາະໃນ ເດືອນທຳອິດທີ່ປະຕິບັດນີ້ ທ່ານ ຄຳຂານ ພິນສະຫວັນ ຫົວຫນ້າ ກົມຄຸ້ມຄອງແຮງງານກະຊວງແຮງງານ ແລະສະຫວັດດີການສັງຄົມ ຫລື ຮສສ ຍອມຮັບວ່າ: ບັນດາຫົວຫນ່ວຍແຮງງານ ໃນທົ່ວປະເທດອາດຍັງບໍ່ສາມາດຈັດຕັ້ງປະຕິບັດໄດ້ຢ່າງເຕັມ ສ່ວນເນື່ອງຈາກການກະຈາຍເອກະສານການແຈ້ງປັບຂຶ້ນ ອາດຍັງບໍ່ທົ່ວເຖິງ ຫລື ບໍ່ກໍ່ ອາດຜູ້ປະກອບການບາງຫົວຫນ່ວຍຍັງບໍ່ພິຈາລະນາ.
ແຕ່ແຮງງານທີ່ຢູ່ຕາມບັນດາຫົວຫນ່ວຍແຮງງານຫາກຍັງຮັບຄ່າແຮງງານຕ່ຳສຸດໃນອັດຕາເກົ່າກໍ່ສາມາດມາແຈ້ງກັບອົງການຄຸ້ມຄອງຂອງລັດທີ່ຢູ່ໃກ້ເປັນຕົ້ນແມ່ນພະແນກ ຮສສ ແຂວງ ແລະ ຫ້ອງການ ຮສສ ເມືອງ ຫລື ຈະແຈ້ງ ໂດຍກົງເຖິງພະແນກຄຸ້ມຄອງແຮງງານກົມ ຄຸ້ມຄອງແຮງງານກະຊວງ ຮສສ ໄດ້ທີ່ຫມາຍເລກໂທລະສັບ 021 213007 ຫລື 021 213247.
ສ່ວນມາດຕາການຕໍ່ຫົວຫນ່ວຍແຮງງານທີ່ລະເມີດຫາກ ພາກສ່ວນທີ່ກ່ຽວຂ້ອງຂອງລັດຫາກກວດພົບຈະໄດ້ເອີ້ນເຈົ້າຂອງກິດຈະການເຂົ້າມາສຶກສາອົບຮົບພຽງ 2 ຄັ້ງ ຫາກມີຄັ້ງທີ 3 ກໍ່ຈະໄດ້ສະເຫນີຕໍ່ອົງການທີ່ກ່ຽວຂ້ອງໃນການຕັດນະໂຍບາຍຕ່າງໆດ້ານພາສີອາກອນ ຫລື ຮ້າຍແຮງໄປກວ່ານັ້ນກໍ່ສັ່ງໃຫ້ຖອນໃບອະນຸຍາດການດຳເນີນກິດຈະການ ພ້ອມຖືກດຳເນີນຄະດີຕາມລະບຽບກົດຫມາຍ , ທ່ານ ຄຳຂານ ພິນສະຫວັນ ກ່າວ.
ຂະນະທີ່ຜ່ານມາ ກົມຄຸ້ມຄອງແຮງງານ ໂດຍສົມທົບກັບກົມປົກ ປ້ອງແຮງງານຂອງສູນກາງກຳມະບານລາວ ແລະ ສະພາການຄ້າ ແລະ ອຸດສະຫະກຳແຫ່ງຊາດໄດ້ເຜີຍແຜ່ແຈ້ງການປັບຂຶ້ນດັ່ງກ່າວ ໃຫ້ພາກສ່ວນກ່ຽວຂ້ອງຂອງແຕ່ລະແຂວງ ແລະ ເມືອງຊາບ ໃນທີ່ປະຊຸມປະກອບຄວາມຄິດເຫັນໃສ່ຮ່າງກົດຫມາຍວ່າດ້ວຍການຄຸ້ມຄອງແຮງງານທີ່ຈັດຂຶ້ນຢູ່ບັນດາແຂວງໃນທົ່ວປະເທດແລ້ວ, ທ່ານ ຄຳຂານ ພິນສະຫວັນ ກ່າວຢ້ຳ.
ຄ່າແຮງງານຂັ້ນຕ່ຳສຸດທີ່ ປັບຂຶ້ນໃຫມ່ຈາກ 348.000 ກີບ ຕໍ່ເດືອນໃນປີກາຍ ມາເປັນ 626.000 ກີບຕໍ່ເດືອນແມ່ນເລີ່ມຕົ້ນແຕ່ມັງ ກອນປີນີ້ເປັນຕົ້ນໄປ ໂດຍທີ່ກະຊວງແຮງງານ ແລະ ສະຫວັດດີການສັງຄົມ ໄດ້ອອກຖະແຫລງການກ່ຽວກັບການປັບຂຶ້ນດັ່ງກ່າວແລ້ວ ເມື່ອກາງເດືອນຜ່ານມາໂດຍມີຈຸດປະສົງເພື່ອຍົກລະດັບຊີວິດການເປັນຢູ່ຂອງຜູ້ອອກແຮງງານໃຫ້ດີຂຶ້ນເທື່ອລະກ້າວ.
ຢ່າງໃດກໍ່ຕາມ ສະເພາະໃນ ເດືອນທຳອິດທີ່ປະຕິບັດນີ້ ທ່ານ ຄຳຂານ ພິນສະຫວັນ ຫົວຫນ້າ ກົມຄຸ້ມຄອງແຮງງານກະຊວງແຮງງານ ແລະສະຫວັດດີການສັງຄົມ ຫລື ຮສສ ຍອມຮັບວ່າ: ບັນດາຫົວຫນ່ວຍແຮງງານ ໃນທົ່ວປະເທດອາດຍັງບໍ່ສາມາດຈັດຕັ້ງປະຕິບັດໄດ້ຢ່າງເຕັມ ສ່ວນເນື່ອງຈາກການກະຈາຍເອກະສານການແຈ້ງປັບຂຶ້ນ ອາດຍັງບໍ່ທົ່ວເຖິງ ຫລື ບໍ່ກໍ່ ອາດຜູ້ປະກອບການບາງຫົວຫນ່ວຍຍັງບໍ່ພິຈາລະນາ.
ແຕ່ແຮງງານທີ່ຢູ່ຕາມບັນດາຫົວຫນ່ວຍແຮງງານຫາກຍັງຮັບຄ່າແຮງງານຕ່ຳສຸດໃນອັດຕາເກົ່າກໍ່ສາມາດມາແຈ້ງກັບອົງການຄຸ້ມຄອງຂອງລັດທີ່ຢູ່ໃກ້ເປັນຕົ້ນແມ່ນພະແນກ ຮສສ ແຂວງ ແລະ ຫ້ອງການ ຮສສ ເມືອງ ຫລື ຈະແຈ້ງ ໂດຍກົງເຖິງພະແນກຄຸ້ມຄອງແຮງງານກົມ ຄຸ້ມຄອງແຮງງານກະຊວງ ຮສສ ໄດ້ທີ່ຫມາຍເລກໂທລະສັບ 021 213007 ຫລື 021 213247.
ສ່ວນມາດຕາການຕໍ່ຫົວຫນ່ວຍແຮງງານທີ່ລະເມີດຫາກ ພາກສ່ວນທີ່ກ່ຽວຂ້ອງຂອງລັດຫາກກວດພົບຈະໄດ້ເອີ້ນເຈົ້າຂອງກິດຈະການເຂົ້າມາສຶກສາອົບຮົບພຽງ 2 ຄັ້ງ ຫາກມີຄັ້ງທີ 3 ກໍ່ຈະໄດ້ສະເຫນີຕໍ່ອົງການທີ່ກ່ຽວຂ້ອງໃນການຕັດນະໂຍບາຍຕ່າງໆດ້ານພາສີອາກອນ ຫລື ຮ້າຍແຮງໄປກວ່ານັ້ນກໍ່ສັ່ງໃຫ້ຖອນໃບອະນຸຍາດການດຳເນີນກິດຈະການ ພ້ອມຖືກດຳເນີນຄະດີຕາມລະບຽບກົດຫມາຍ , ທ່ານ ຄຳຂານ ພິນສະຫວັນ ກ່າວ.
ຂະນະທີ່ຜ່ານມາ ກົມຄຸ້ມຄອງແຮງງານ ໂດຍສົມທົບກັບກົມປົກ ປ້ອງແຮງງານຂອງສູນກາງກຳມະບານລາວ ແລະ ສະພາການຄ້າ ແລະ ອຸດສະຫະກຳແຫ່ງຊາດໄດ້ເຜີຍແຜ່ແຈ້ງການປັບຂຶ້ນດັ່ງກ່າວ ໃຫ້ພາກສ່ວນກ່ຽວຂ້ອງຂອງແຕ່ລະແຂວງ ແລະ ເມືອງຊາບ ໃນທີ່ປະຊຸມປະກອບຄວາມຄິດເຫັນໃສ່ຮ່າງກົດຫມາຍວ່າດ້ວຍການຄຸ້ມຄອງແຮງງານທີ່ຈັດຂຶ້ນຢູ່ບັນດາແຂວງໃນທົ່ວປະເທດແລ້ວ, ທ່ານ ຄຳຂານ ພິນສະຫວັນ ກ່າວຢ້ຳ.
