ການຄັດເລືອກນາງງາມກັບການສຶກສາຂັດກັນ
ຄໍາເຫັນບາງຕອນຂອງທ່ານລັດຖະມົນຕີກະຊວງສຶກສາທິການແລະກິລາທີ່ກ່າວຕໍ່ກອງປະຊຸມສະພາໃນຫົວຂໍ້ແຜນປະຕິຮູບການສຶກສາແຫ່ງຊາດໃນສ່ວນທີ່ພົວພັນກັບການຄັດເລືອກນາງງາມນັ້ນ ທ່ານລັດຖະມົນຕີຊີ້ແຈງເຊິ່ງສາມາດສະຫຼຸບໄດ້ວ່າ:
ກິດຈະກໍາຄັດເລືອກນາງງາມບໍ່ແມ່ນທິດທາງສົ່ງເສີມການສຶກສາດັ່ງນັ້ນ, ກະຊວງສຶກສາແລະກິລາຈະບໍ່ສະໜັບສະໜູນໃຫ້ມີກິດຈະກໍາດັ່ງກ່າວປະຈໍາສະຖາບັນການສຶກສາຕ່າງໆ ບໍ່ວ່າຈະເປັນພາກລັດຫຼືພາກເອກຊົນ
ກິດຈະກໍາຄັດເລືອກນາງງາມບໍ່ແມ່ນການສົ່ງເສີມທີ່ມີຜົນດີຕໍ່ການຮຽນຂອງນັກສຶກສາ ກົງກັນຂ້າມຍິ່ງເຮັດໃຫ້ນັກສຶກສາຫັນໄປສົນໃຈຄ່ານິຍົມທີ່ຜິດ
ສະຖາບັນການສຶກສາແມ່ນບ່ອນທີ່ກໍ່ສ້າງຄົນໃຫ້ມີວິຊາຄວາມຮູ້, ຄວາມສາມາດ, ເປັນຄົນມີຄຸນສົມບັດ, ບໍ່ແມ່ນບ່ອນທີ່ຈະມາແຂ່ງຂັນຄວາມງາມກັນ
ກະຊວງສຶກສາທິການແລະກິລາຈະສະໜັບສະໜູນຢ່າງແຂງແຮງຕໍ່ສະຖາບັນທີ່ຈັດກິດຈະກໍາກ່ຽວກັບການສອນດີ-ສອນເກຫ່ວ, ຮຽນດີ-ຮຽນເກັ່ງ ແຂ່ງຂັນສິນລະປະວັນນະຄະດີຫຼືສິລະປະວັນນະຄະດີປະເພດຕ່າງໆ ທີ່ນອນຢູ່ໃນ 5 ຫຼັກການຂອງການສຶກສາຄື: ຄຸນສົມບັດສຶກສາ, ປັນຍາສຶກສາ, ສິລະປະສຶກສາ, ພາລະສຶກສາແລະແຮງງານສຶກສາ
ນອກຈາກກິດຈະກໍາທີ່ກ່າວມານັ້ນທ່ານລັດຖະມົນຕີກະຊວງສຶກສາທິການແລະກິລາ ຍັງຕໍານິສ່ອງແສງບາງໂຮງຮຽນ ຫຼືສະຖາບັນການສຶກສາທີ່ຈັດກິດຈະກໍາບາງດ້ານທີ່ເປັນການສົ່ງເສີມໃຫ້ນັກຮຽນມີແນວຄິດໄປທາງທີ່ບໍ່ສອດຄ່ອງເຊັ້ນ: ການປະກວດນາງງາມລວມເຖິງການແຕ່ງຕົວທີ່ບໍ່ສອດຄ່ອງກັບຮີດຄອງປະເພນີ
ປັດຊະຍາຊີວິດ
ເປົ້າໝາຍຂອງການສຶກສາຄືສຶກສາເພື່ອຊິວິດ
ເປົ້າໝາຍຂອງຊີວິດຄືດຳລົງຕົນເປັນຜູ້ມີສະຕິ ມີຄຸນນະທຳແລະກ້າຫານ
ກ້າວທຳອິດທີ່ພາດພັ້ງ ຄືກ້າວຫຼັງທີ່ໝັ້ນໃຈ ກ້າວໜຶ່ງທີ່ພາດໄປ ຈົ່ງກ້າໃໝ່ໃຫ້ໝັ້ນຄົງ
ນົກບໍ່ມີຂົ່ນ ຄົນບໍ່ມີຄວາມຮູ້ ຍ່ອມບິນຂື້ນສູ່ບ່ອນສູງບໍ່ໄດ້ ສະນັ້ນ ຈົ່ງເອົາໃຈໃສໃຫ້ ຫຼາຍໆ……ໃນການສຶກສາຮ່ຳຮຽນ.
