ເລື່ອງແປກ ກະຕ່າຍ ໄດ້ລູກເປັນ ແມວ
ແມວໂຕໜຶ່ງເກີດລູກ 6 ໂຕ ແລ້ວແທນທີ່ຈະລ້ຽງ ພັດລຳຄານລູກດູດກິນນົມ ເລີຍຖິ້ມລູກໜີຈ້ອຍ ປ່ອຍພວກແມວນ້ອຍທັງ 6 ໂຕກຳພ້າ
ໄຄແຕ່ພວກມັນໂຊຄະດີ ນາງ ເມລານີ ຮຳເບີ້ດ ໄວ 29 ນາງພະຍາບານສັດຕະວະແພດພົບເຫັນ ນາງເລີຍເກັບໃສ່ຕະກ້າຫິ້ວກັບເຮືອນໃນເມືອງອາເບີລ໌ດີນ ກະວ່າຈະໃຫ້ ແມວ ເພດເມຍຂອງນາງຮັບໄວ້ເປັນລູກລ້ຽງ ແຕ່ເອົາໄປເອົາມາກາຍເປັນກະຕ່າຍຕຸ້ຍ ອຸ້ຍລຸ້ຍ ທີ່ຊື່ວ່າ "ຊຳເມີລ໌" ສັດລ້ຽງສຸດຮັກຂອງນາງ ຍອມເປັນແມ່ລ້ຽງໃຫ້ແທ່ນດ້ວຍຄວາມເຕັມໃຈ "ດ໋ຽວນີ້ລູກແມວທັງຫົກຮັກແມ່ລ້ຽງສຸດຈິດສຸດໃຈ ຕິດຕາມແມ່ທີ່ເປັນກະຕ່າຍບໍ່ຍອມຫ່າງ ໄປໃສກະນຳໄປຂີ່ຫລັງ ບາງໂຕກະແກະຮອດຂີ້ຫູໃຫ້ ພວກມັນເຊື່ອສະນິດວ່າກະຕ່າຍຄືແມ່ແທ້ໆຂອງມັນ, ແລະກະຕ່າຍໂຕນີ້ ກໍ່ບໍ່ໄດ້ມີທ່າທີ ທີ່ຈະຢ້ານອິຫຍັງເລີຍ ມັນນອນໃຫ້ດູດນົມຕາມສະບາຍເລີຍ... ໜ້າອັດສະຈັນແທ້ໆ" ເມລານີ ເລົ່າເຖິງຄວາມສຳພັນລະຫວ່າງແມ່ກະຕ່າຍ ກັບລູກແມວ ນີ້ວ່າ "ພວກມັນຮັກກັນຫລາຍ ເຫັນແລ້ວສະບາຍໃຈ" ຫວັງວ່າເມື່ອລູກແມວພວກນີ້ໃຫຍ່ເຕັ່ມທີ່ ພວກມັນຄົງບໍ່ເຫັນແມ່ກະຕ່າຍໂຕນີ້ເປັນອາຫານ!?
ອື້ຮື! "ຫ້ອງນ້ຳ" ທອງຄຳ
ຮ່ອງກົງຂອງຈີນມີການສ້າງ ຫ້ອງນ້ຳທອງຄຳ ໂດຍຫ້ອງນ້ຳນີ້ ເຮັດດ້ວຍທອງຄຳແທ້ 24 ກະລັດ ບໍ່ວ່າຈະເປັນໂຖສັກໂຄ ອ່າງລ້າງມື ແປງພັດຫ້ອງນ້ຳ ກອບແວນແຍງ ໂຄມໄຟແລະ ອື່ນໆ ຫ້ອງສຸຂາທອງຄຳທີ່ວ່ານີ້ ເປີດໃຫ້ຊົມມາຕັ້ງແຕ່ວັນທີ່ 23 ກຸມພາ.2001 ພຸ້ນລະ ບໍ່ຮູ້ວ່າປ່ານນີ້ຍັງຢູ່ດີຫລືບໍ່ ເຊີ່ງວ່າຫ້ອງນ້ຳທີ່ວ່ານີ້ ຈັດສ້າງຂຶ້ນໃນຮ້ານ ຂາຍເພັດຊື່ 3D-Gold ໃນຮ່ອງກົງຂອງຈີນ ເຈົ້າຂອງຮ້ານແມ່ນທ້າວ ລຳ ໄຊ-ວິງ ໜຸ່ມຈີນແຜ່ນດິນໃຫຍ່ໄວ 45ປີ ມາເຮັດຄ້າຂາຍກ່ຽວເລື່ອງເພັດ ເລື່ອງພອຍ ຂອງ ຈົນມາຕັ້ງຮ້ານເປັນຂອງຕົວເອງໄດ້ສຳເລັດລ້ຳລວຍສົມປາດຖະຫນາ ຫ້ອງນ້ຳທອງຄຳແຫ່ງນີ້ເປັນທີ່ກ່າວຂວັນກັນຢ່າງທົ່ວເຖີ່ງ ເພາະເຮັດດ້ວຍທອງຄຳແທ້ 24 ກະລັດ ບໍ່ວ່າຈະເປັນໂຖວີດ ອ່າງລ້າງມື ກອບແວນ ໂຄມໄຟ ແມ່ນກະທັ່ງເພດານ ຝາຫ້ອງ ພື້ນກະໂລ້ ແລະ ປະຕູ ກໍ່ຍັງເຮັດດ້ວຍທອງຄຳແທ້ ໆ ສະເພາະເພດານວີດນັ້ນຍັງຝັງເພັດ-ພອຍຈຳພວກ ທັບທິບ ໄພລິນ ແລະອຳຍະມະນີ ຈຳນວນ 6,200 ເມັດ
ຫ້ອງນ້ຳແຫ່ງນີ້ອອກແບບເປັນສະໄຕລ໌ໂລມັນ ແລະທີ່ພື້ນຫ້ອງຝັງທອງຄຳໜັກປະມານ 2 ປອນດ໌ໄວ້ເທິງກະໂລ້ແຕ່ລະແຜ່ນ ຫ້ອງນ້ຳແຫ່ງນີ້ຖ້າຄີດໄລເປັນເງີນຈະຕົກຢູ່ປະມານ 38 ລ້ານຫລຽນຮ່ອງກົງ ແຕ່ກໍກຸ້ມຄ່າເພາະວ່າມີລູກຄ້າ ພາກັນເຂົ້າມາ ຊົມຢ່າງຫຼວງຫຼາຍ ຈົນຕ້ອງຈັດຄິວເຂົ້າເບິ່ງ ແລະນອກຈາກນັ້ນສະຖານີໂທລະພາບ CNN ຍັງມາຖ່າຍເຮັດຂ່າວອອກເຜີຍແຜ່ໄປທົ່ວໂລກ ດັ່ງລະເບີດ ແຕ່ເຖີງຢ່າງໃດກໍ່ຕາມ ຫ້ອງນ້ຳແຫ່ງນີ້ກໍ່ມີຂໍ້ຫ້າມອັນ1 ຄື ກ່ອນຈະເຂົ້າໄປເບີ່ງຫ້ອງນ້ຳແຫ່ງນີ້ຕ້ອງປົດເກີບເສຍກ່ອນ
ເຂື່ອນທີ່ສູງທີ່ສຸດໃນໂລກ
ແມ່ນເຂື່ອນ ນູຣີກ ເປັນເຂື່ອນດີນຖົມທີ່ໃຫຍ່ຢູ່ທີ່ແມ່ນ້ຳ ວາກ ໃນອາຊີກາງ ປະເທດ ຕາຈີກກີສຖານ
ເຂື່ອນ ນູຣີກ ແຫ່ງນີ້ ມີຄວາມສູງປະມານ 300 ແມັດ ຊື່ງໃນປີ 2008 ໄດ້ຈັດໃຫ້ເປັນເຂື່ອນທີ່ສູງທີ່ສຸດໃນໂລກ
ການກໍ່ສ້າງເຂື່ອນນີ້ ແມ່ນເລີ່ມແຕ່ປີ 1961 ແລະສຳເລັດໃນປີ 1980 ຕັ້ງແຕ່ສະໄໝ ປະເທດ ຕາຈິກກີສຖານ ເປັນລັດໜຶ່ງຂອງອະດີດສະຫະພາບໂຊຫວຽດ.
ຢູ່ທີ່ໃຈກາງຂອງເຂື່ອນແມ່ນ ເປັນເບຕົງ, ຊັ້ນຕໍ່ມາຖົມດ້ວຍຫີນ ແລະ ຖົມດ້ວຍດີນ. ມີບໍລິມາດທັງໝົດ 54ລ້ານ ແມັດກ້ອນ ມີເຄື່ອງຈັກປັ່ນໄຟ 9 ໜ່ວຍ. ເຂື່ອນນີ້ມີກຳລັງຜະລິດໄຟ້າໄດ້ເຖີ່ງ 2,7 ຈິກະວັດ. ໃນປີ 1994 ສາມາດເພີ່ມກຳລັງ ຜະລິດໄຟ້າໄດ້ 4 ຈິກະວັດ. ອ່າງ ສາມາດເກັບກັກນ້ຳໄດ້ເປັນບໍລິມາດນ້ຳທັງໝົດແມ່ນ 10,5 ກິໂລແມັດກ້ອນ, ທີ່ປະກອບດ້ວຍອ່າງນ້ຳທີ່ມີຄວາມຍາວ 70 ກິໂລແມັດ ກວມເອົາເນື້ອທີ່ໜ້ານ້ຳ ປະມານ 98 ກິໂລແມັດກ້ອນ ເຊີ່ງສາມາດນຳໃຊ້ເຂົ້າໃນການຊົນລະປະທານ ແລະ ການກະສິກຳ ກວມເນືອທີ່ປະມານ 700 ກິໂລແມັດກ້ອນ.
