ທ່ຽວແດນໃຕ້ໄປປາກຊ່ອງຊົມວິຖີຊິວິດຊາວສວນກາເຟນໍ້າຕົກຕາດອັນມີສະເຫນ່
(GMT+08:00) 2012-02-22 15:43:35 cri
ເມືອງປາກຊ່ອງ ນອກຈາກຈະມີຊື່ສຽງວ່າເປັນດິນແດນທີ່ມີກາເຟແຊບຕິດລະດັບໂລກແລ້ວ ດິນແດນແຫ່ງນີ້ ຍັງອຸດົມສົມບູນໄປດ້ວຍແຫລ່ງທ່ອງທ່ຽວທາງທຳມະຊາດ ເປັນຕົ້ນແຫລ່ງທິວທັດທຳມະຊາດປ່າສະຫງວນດົງຫົວສາວ, ທຳມະຊາດດ່ານສິນໄຊ,ທຳມະຊາດບ້ານຫນອງຫລວງ ດິນແດນທີ່ມີດອກກຸຫລາບພັນປີ, ພູເທວະດາ(ປາກພູໄຟເກົ່າ) ຫລືຈະເບິ່ງຕາເວັນຂຶ້ນຍາມອາລຸນວັນໃຫມ່ອັນແສນສວຍງາມແລະແຫ່ງອື່ນໆທີ່ພ້ອມໃຫ້ທ່ານໄດ້ຍ່າງສຳພັດກັບຄວາມງາມຕົວຈິງຢ່າງທີ່ທ່ານບໍ່ອາດສາມາດຈິນຕະນາການລ່ວງຫນ້າໄດ້ເລີຍ.
ໃນ10ເມືອງຂອງແຂວງຈຳປາສັກ ຫ່າງຈາກເມືອງປາກເຊ ສູນກາງຂອງແຂວງຈຳປາສັກພຽງ50ກິໂລແມັດ. ປາກຊ່ອງ ເປັນເມືອງທີ່ມີທ່າແຮງທາງດ້ານກະສິກຳ ແລະ ທ່ອງທ່ຽວ ດ້ວຍທຳມະຊາດທີ່ສ້າງຂຶ້ນມາຢ່າງງົດງາມ ມີແຫລ່ງທ່ອງທ່ຽວທີ່ຄອຍໃຫ້ທ່ານໄປສຳພັດກັບບັນຍາກາດອັນເຢັນສະບາຍ ຂອງເມືອງທີ່ຕັ້ງຢູ່ສູງກວ່າລະດັບນໍ້າທະເລພັນກວ່າແມັດ ຫລາຍກວ່າ50ແຫ່ງ ໃນນັ້ນແຫລ່ງທ່ອງທ່ຽວທຳມະຊາດຫລາຍກວ່າຫມູ່ໂດຍສະເພາະນໍ້າຕົກຕາດ ເຊັ່ນ: ຕາດຟານ, ຕາດເຍືອງ, ຕາດອີຕູ້ ແລະ ອີກຫລາຍຕາດ.
ຈາກແຫລ່ງທ່ອງທ່ຽວທີ່ທຳມະຊາດໄດ້ສ້າງຂຶ້ນແລ້ວ ປາກຊ່ອງຍັງມີແຫລ່ງທ່ອງທ່ຽວທີ່ສະແດງໃຫ້ເຫັນເຖິງການພັດທະນາເສດຖະກິດ-ສັງຄົມ ເປັນຕົ້ນອ່າງນ້ຳ ແລະ ປ່າໄມ້ແປກ, ແຫລ່ງທ່ອງທ່ຽວເຂື່ອນໄຟຟ້າຫ້ວຍເຫາະ. ທີ່ສຳຄັນທ່ານຍັງຈະໄດ້ສຳພັດແລະມ່ວນຊື່ນກັບການທ່ຽວຊົມສວນກາເຟຂອງປະຊາຊົນ ກາເຟທີ່ມີຊື່ສຽງລະດັບໂລກ ເພື່ອຊົມວິທີການປູກກາເຟໃຫ້ມີລົດຊາດທີ່ດີ ຈົນເປັນທີ່ຕິດໃຈຂອງນັກດື່ມທົ່ວໄປ.
ທາງດ້ານວັດທະນະທຳ ທ່ານສາມາດ ສຳພັດໄດ້ກັບສີສັນວັດທະນະທຳຂອງຊົນເຜົ່າລະເວນທີ່ເມືອງປາກຊ່ອງເປັນຕົ້ນໄປຊົມເຮືອນເຜົ່າລະເວນທີ່ນ້ຳຄ້າງຫ້ວຍກອງ, ເຮືອນເຜົ່າຍະເຫີນທີ່ເຊນ້ຳນ້ອຍ. ນອກນີ້ຍັງມີແຫລ່ງ ວັດທະນະທຳທີ່ເກົ່າແກ່ເປັນຕົ້ນຄັນຄູຫີນຫນອງພະຫນວນບ້ານພະຫນວນ, ຫີນລຸງລວດ ບ້ານປາກບ້ອງ…ການເດີນທາງໄປປາກຊ່ອງກໍມີຄວາມສະດວກສະບາຍ ເມື່ອທ່ານມາເຖິງຕົວເມືອງປາກເຊ ກໍ່ຂັບລົດຕໍ່ໄປຕາມສາຍທາງປາກເຊ-ປາກຊ່ອງ ຫລື ປາກເຊ-ອັດຕະປື ໂດຍຈະຫລອດສາຍທາງຈະມີແຫລ່ງທ່ອງທ່ຽວນໍ້າຕົກເປັນຍ່ານໆ ຈົນກວ່າຈະເຖິງຕົວເມືອງປາກຊ່ອງ. ສ່ວນທີ່ພັກກໍ່ມີຫລາຍລະດັບຕັ້ງແຕ່ເຮືອນພັກຈົນເຖິງໂຮງແຮມ ເທິງຈອມພູ ທີ່ເຮັດໃຫ້ທ່ານເບິ່ງເຫັນທົ່ວທິວທັດຂອງຕົວເມືອງ.
ໃນ10ເມືອງຂອງແຂວງຈຳປາສັກ ຫ່າງຈາກເມືອງປາກເຊ ສູນກາງຂອງແຂວງຈຳປາສັກພຽງ50ກິໂລແມັດ. ປາກຊ່ອງ ເປັນເມືອງທີ່ມີທ່າແຮງທາງດ້ານກະສິກຳ ແລະ ທ່ອງທ່ຽວ ດ້ວຍທຳມະຊາດທີ່ສ້າງຂຶ້ນມາຢ່າງງົດງາມ ມີແຫລ່ງທ່ອງທ່ຽວທີ່ຄອຍໃຫ້ທ່ານໄປສຳພັດກັບບັນຍາກາດອັນເຢັນສະບາຍ ຂອງເມືອງທີ່ຕັ້ງຢູ່ສູງກວ່າລະດັບນໍ້າທະເລພັນກວ່າແມັດ ຫລາຍກວ່າ50ແຫ່ງ ໃນນັ້ນແຫລ່ງທ່ອງທ່ຽວທຳມະຊາດຫລາຍກວ່າຫມູ່ໂດຍສະເພາະນໍ້າຕົກຕາດ ເຊັ່ນ: ຕາດຟານ, ຕາດເຍືອງ, ຕາດອີຕູ້ ແລະ ອີກຫລາຍຕາດ.
ຈາກແຫລ່ງທ່ອງທ່ຽວທີ່ທຳມະຊາດໄດ້ສ້າງຂຶ້ນແລ້ວ ປາກຊ່ອງຍັງມີແຫລ່ງທ່ອງທ່ຽວທີ່ສະແດງໃຫ້ເຫັນເຖິງການພັດທະນາເສດຖະກິດ-ສັງຄົມ ເປັນຕົ້ນອ່າງນ້ຳ ແລະ ປ່າໄມ້ແປກ, ແຫລ່ງທ່ອງທ່ຽວເຂື່ອນໄຟຟ້າຫ້ວຍເຫາະ. ທີ່ສຳຄັນທ່ານຍັງຈະໄດ້ສຳພັດແລະມ່ວນຊື່ນກັບການທ່ຽວຊົມສວນກາເຟຂອງປະຊາຊົນ ກາເຟທີ່ມີຊື່ສຽງລະດັບໂລກ ເພື່ອຊົມວິທີການປູກກາເຟໃຫ້ມີລົດຊາດທີ່ດີ ຈົນເປັນທີ່ຕິດໃຈຂອງນັກດື່ມທົ່ວໄປ.
ທາງດ້ານວັດທະນະທຳ ທ່ານສາມາດ ສຳພັດໄດ້ກັບສີສັນວັດທະນະທຳຂອງຊົນເຜົ່າລະເວນທີ່ເມືອງປາກຊ່ອງເປັນຕົ້ນໄປຊົມເຮືອນເຜົ່າລະເວນທີ່ນ້ຳຄ້າງຫ້ວຍກອງ, ເຮືອນເຜົ່າຍະເຫີນທີ່ເຊນ້ຳນ້ອຍ. ນອກນີ້ຍັງມີແຫລ່ງ ວັດທະນະທຳທີ່ເກົ່າແກ່ເປັນຕົ້ນຄັນຄູຫີນຫນອງພະຫນວນບ້ານພະຫນວນ, ຫີນລຸງລວດ ບ້ານປາກບ້ອງ…ການເດີນທາງໄປປາກຊ່ອງກໍມີຄວາມສະດວກສະບາຍ ເມື່ອທ່ານມາເຖິງຕົວເມືອງປາກເຊ ກໍ່ຂັບລົດຕໍ່ໄປຕາມສາຍທາງປາກເຊ-ປາກຊ່ອງ ຫລື ປາກເຊ-ອັດຕະປື ໂດຍຈະຫລອດສາຍທາງຈະມີແຫລ່ງທ່ອງທ່ຽວນໍ້າຕົກເປັນຍ່ານໆ ຈົນກວ່າຈະເຖິງຕົວເມືອງປາກຊ່ອງ. ສ່ວນທີ່ພັກກໍ່ມີຫລາຍລະດັບຕັ້ງແຕ່ເຮືອນພັກຈົນເຖິງໂຮງແຮມ ເທິງຈອມພູ ທີ່ເຮັດໃຫ້ທ່ານເບິ່ງເຫັນທົ່ວທິວທັດຂອງຕົວເມືອງ.
