ເປັນຫຍັງ ໂຮງຮຽນ ຈິ່ງ ຕ້ອງ ປອດ ຄວັນ ຢາສູບ
ໂຮງຮຽນແມ່ນສະຖາ ບັນການສຶກສາ ເພື່ອ ພັດທະ ນາ ເດັກນ້ອຍ, ເຍົາວະຊົນ ແລະ ຊາວຫນຸ່ມ ໃຫ້ກາຍ ເປັນ ຄົນ ທີ່ມີຄວາມຮູ້ຄວາມສາ ມາດໃນການສ້າງສາ ແລະ ພັດທະນາປະເທດຊາດ. ດັ່ງນັ້ນໂຮງຮຽນຈິ່ງຕ້ອງເປັນ ບ່ອນທີ່ປາສະຈາກສິ່ງເສບຕິດ ທຸກຊະນິດ.
ອີງຕາມກົດຫມາຍວ່າດ້ວຍການຄວບຄຸມຢາເສບຕິດ ແຫ່ງ ສປປ ລາວ ສະບັບເລກ ທີ 07/ສພຊ, ລົງວັນທີ 26 ພະ ຈິກປີ 2009 . ໃນມາດຕາ 37 ແລະ 38 ລະບຸວ່າ:" ສະຖານ ທີ່ຫ້າມສູບຢາ " ມີຄື: ສະ ຖານທີ່ບໍລິການສາທາລະນະສຸກ,ສະຖານທີ່ສຶກສາ, ສຳນັກງານ ຫ້ອງການ, ໂຮງມະໂຫລະ ສົບ, ພາຫະນະໂດຍສານທຸກປະເພດ,ສະຖານທີ່ມີເຊື້ອໄຟ, ໂຮງ ແຮມ, ເຮືອພັກ,ຮ້ານອາ ຫານ, ສະຖານທີ່ບັນເທິງ, ສະ ຖານທີ່ສາທາລະນະ, ວັດວາອາຮາມ, ໂບດ, ສະຫນາມກີ ລາ ແລະ ສະຖານທີ່ອື່ນໆທີ່ ມີເຄື່ອງຫມາຍຫ້າມສູບຢາ.
ຢາສູບ ແລະ ຄວັນຢາສູບມືສອງເປັນອັນຕະລາຍຕໍ່ສຸຂະພາບ, ເຊິ່ງວ່າ9 ໃນ 10 ຂອງມະເຮັງປອດແມ່ນມີສາເຫດມາຈາກການສູບຢາ, ຜູ້ທີ່ສູບຢາຫລາຍແມ່ນມີຄວາມສ່ຽງຕໍ່ການເປັນມະເຮັງປອດຫລາຍກ່ວາຜູ້ບໍ່ສູບຢາ 2 ເທົ່າການໄດ້ຮັບຄວັນຢາສູບມືສອງເຮັດໃຫ້ປອດເສື່ອມປະສິດທິພາບ, ພາໃຫ້ເປັນມະເຮັງ, ພະຍາດເສັ້ນເລືອດຫົວໃຈຕີບຕັນ, ພະຍາດລະບົບ ຫົວໃຈຊ້ຳເຮື້ອແລະ ເປັນຫືດ 1 ໃນ 3 ຂອງຄົນບໍ່ສູບຢາທີ່ເປັນມະເຮັງປອດດ້ວຍການໄດ້ຮັບເອົາຄວັນຢາສູບຂອງຄົນອື່ນ ( ຄົນສູບຢາມືສອງ ) ເດັກນ້ອຍທີ່ຢູ່ໃນສະພາບແວດ ລ້ອມທີ່ມີຄວັນຢາສູບຈະເຮັດໃຫ້ລະບົບຫາຍໃຈອັກເສບຢ່າງຮຸນແຮງ ແລະ ຊ້ຳເຮື້ອ,ເຮັດໃຫ້ປອດຂະຫຍາຍຕົວ ຊ້າ, ເປັນຫືດ, ເປັນຫວັດຊ້ຳເຮື້ອ, ປອດອັກເສບແລະ ອັກເສບຫູກາງ. ໂຮງຮຽນຈະໄດ້ປະໂຫຍດ ຈາກການຈັດເຂດປອດຄວັນ ຢາສູບຄື:
ໂຮງຮຽນຈະມີສະພາບແວດລ້ອມທີ່ດີຂຶ້ນປອດຈາກມົນລະພິດຈາກຄວັນຢາສູບ, ສະອາດງາມຕາ ແລະມີຄວາມປອດໄພ, ຫລຸດຜ່ອນຄວາມສ່ຽງໃນການເກີດອັກຄີ ໄພ, ສ້າງພາບພົດທີ່ດີ ແລະ ສ້າງຊື່ສຽງແກ່ໂຮງຮຽນ, ຜູ້ປົກ ຄອງມີຄວາມຫມັ້ນໃຈວ່າລູກ ຫລານຈະບໍ່ໄດ້ຮັບອັນຕະ ລາຍຈາກສານ ພິດໃນຄວັນຢາສູບ, ສ້າງຄ່ານິຍົມ " ບໍ່ສູບຢາ" ໃຫ້ແກ່ນັກຮຽນ ແລະ ຫ່າງໄກຈາກຢາເສບຕິດທຸກ ຊະນິດ, ໂຮງຮຽນເປັນແບບ ຢ່າງທີ່ດີ ແລະ ໃນການໂຄ ສະນາສົ່ງເສີມການບໍ່ສູບຢາ, ສ້າງຄວາມພູມໃຈໃຫ້ແກ່ຜູ້ບໍລິຫານ ແລະ ບັນດາຄູອາຈານ ແລະ ໂຮງຮຽນກໍ່ເປັນແກນນຳໃນການສ້າງສັງຄົມປອດຄວັນຢາສູບ.
ສຸພາສິດສອນໃຈ:
ແສງສະຫວ່າງຮຸ່ງແຈ້ງ ພົ້ນພຸ້ງໃນນະພາ ຍັງບໍ່ທໍ່ປັນຍາຂອງຄົນຜູ້ສະຫຼາດ
ຫຼັງທາງເສຍເວລາ ຫຼົງຕິຢາເສຍອານາຄົດ
ຄາຖາຮຽນເກັ່ງ
ສຸ_ສຸຕະ ແປວ່າຟັງ
ຈິ_ຈິນຕະ ແປວ່າ ຄິດ
ປຸ_ ປຸດສາ ແປວ່າ ຖາມ
ລິ_ ລິຂິດ ແປວ່າ ຈົດຫຼືບັນທຶກ
ສະຫຼຸບຄວາມໄດ້ວ່າ: ຢາກເກັ່ງຕ້ອງຟັງ, ຟັງແລ້ວຕ້ອງຄິດ, ຖ້າບໍ່ເຂົ້າໃຈຕ້ອງຖາມ, ຖາມແລ້ວກໍບັນທຶກໄວ້ເພື່ອສຶກສາຕໍ່ໄປ.
