ການອ່ານ
(GMT+08:00) 2012-02-22 15:57:41 cri
ການອ່ານຄືຫົວໃຈຂອງການຮຽນ ຜ່ານມາພວກເຮົາ ຍັງບໍ່ທັນໄດ້ເອົາໃຈໃສ່ຕໍ່ວຽກງານການອ່ານ ຢ່າງກວ້າງຂວາງ ເພາະຍັງຂາດຫລາຍປັດໃຈເຊັ່ນ: ເອກະສານ, ປຶ້ມອ່ານ, ຕຳລາຮຽນ, ວາລະສານ, ຫນັງສືພິມ, ຫ້ອງສະຫມຸດ, ຫ້ອງອ່ານ ແລະ ອື່ນໆ ແຕ່ສຳລັບຜູ້ມີເງື່ອນໄຂເຫລົ່ານີ້ ກົງກັນຂ້າມ ພັດລະເລີຍໃນການອ່ານ ພໍ່ແມ່ຜູ້ປົກຄອງ ຫັນໄປຊື້ ເຄື່ອງນຸ່ງ, ເຄື່ອງຫລິ້ນ ໃຫ້ກັບລູກຫລານ ຫລາຍກວ່າຊື້ປຶ້ມອ່ານນັ້ນອີກ.
ຫລາຍຄົນໄດ້ໃຫ້ທັດສະນະການອ່ານ ທີ່ແຕກຕ່າງກັນ ບາງຄົນກໍເວົ້າວ່າ: ການອ່ານເພື່ອການບັນເທີງ, ບາງຄົນກໍວ່າ ເພື່ອການຄົ້ນຄວ້າ, ເພື່ອເຝິກສະ ມາທິ ນາໆທັດສະນະເຫລົ່ານີ້ ລ້ວນແລ້ວແຕ່ມີຈຸດປະສົງ ແລະ ເຫດຜົນທີ່ແຕກຕ່າງກັນ ມີຄຳຄົມຫນຶ່ງ ໄດ້ກ່າວກ່ຽວກັບການອ່ານວ່າ: " ປຶ້ມປຽບເຫມືອນຢາຜູ້ທີ່ອ່ານປຶ້ມຈະຫາຍຈາກໂລຄາແຫ່ງຄວາມໂງ່ " ນີ້ກໍຫມາຍຄວາມວ່າ ການອ່ານ ແນ່ນອນຈະຊ່ວຍໃຫ້ຄົນເຮົາສະຫລາດຂຶ້ນ. ຈາກບົດຮຽນໃນປະເທດທີ່ພັດທະນາແລ້ວ ເຂົາເຈົ້າໄດ້ປູກຝັງການອ່ານ ໃຫ້ແກ່ລູກຫລານແຕ່ເຍົາໄວ ໂດຍເລີ່ມຈາກຄອບຄົວ, ໂຮງຮຽນອະນຸບານ, ປະຖົມ ຕາມລະດັບ ສ່ວນການຜະລິດປຶ້ມອ່ານ, ເອກະສານ ສິ່ງພິມຕ່າງໆ ແມ່ນມີຫລາກຫລາຍ ສາມາດຊອກຫາອ່ານໄດ້ງ່າຍ ໂຮງຮຽນ ຄູອາຈານ ກໍມີກິດຈະກຳສົ່ງເສີມການອ່ານ ຢ່າງເປັນລະບົບ. ດັ່ງນັ້ນການສ້າງນິໃສຮັກການອ່ານ ຈິ່ງເກີດຂຶ້ນໄດ້ ສິ່ງນີ້ເຮົາສາມາດສັງເກດເນໄດ້ງ່າຍໆ ຈາກຕ່າງປະເທດທີ່ເຂົ້າມາທ່ອງທ່ຽວລາວ ເວລານັ່ງລໍຖ້າຂຶ້ນເຄື່ອງບິນ, ຂຶ້ນລົດເມ, ສ່ວນໃຫຍ່ເຂົາເຈົ້າ ຈະມີປຶ້ມອ່ານຕິດໂຕ ແລະ ໃຊ້ເວລາຫວ່າງໃຫ້ເກີດປະໂຫຍດດ້ວຍການອ່ານປື້ມ. ກົງກັນຂ້າມຢູ່ບ້ານເຮົາເຖິງວ່າເງື່ອນໄຂຂອງປະເທດຈະຍັງບໍ່ທັນເອື້ອອຳນວຍແຕ່ພັກແລະລັດ ຖະບານກໍໄດ້ຕັ້ງຫນ້າ ຕໍ່ວຽກງານສົ່ງເສີມການອ່ານ ຢ່າງເປັນປະຈຳ ແຕ່ຢາກເຮັດໄດ້ດີກໍຕ້ອງອາໃສຫລາຍຝ່າຍ ຮ່ວມມືກັນ.
ປັດໄຈຫນຶ່ງ ການເບິ່ງ, ການຟັງ ແມ່ນງ່າຍກວ່າການອ່ານ ເຮັດໃຫ້ ນັກຮຽນ ຈຳນວນຫນຶ່ງ ໃຊ້ເວລາເບິ່ງໂທລະພາບ, ຟັງວິທະຍຸ, ຫລາຍກວ່າການອ່ານປຶ້ມ ອີກຢ່າງຫນຶ່ງພໍ່ແມ່ຜູ້ປົກຄອງບາງ ຍັງລະເລີຍ ທີ່ຈະສ້າງນິໃສໃຫ້ລູກຫລານຮັກການອ່ານ ເຊັ່ນວ່າ : ເມື່ອພາລູກໄປເລາະຕະຫລາດ ເຂົ້າຮ້ານ ຂາຍປຶ້ມ ເມື່ອລູກຢາກໄດ້ປຶ້ມ ພໍ່ແມ່ພັດບອກວ່າ ບໍ່ຊື້ດອກມັນແພງ ຊື້ແລ້ວ ບໍ່ອີ່ມ, ບໍ່ອຸ່ນ ຄືຊື້ເຄື່ອງກິນ ຫລື ເສື້ອຜ້າດອກ. ນອກນັ້ນ ຢູ່ຫລາຍໆເຮືອນ ຍັງບໍ່ມີຮອດປຶ້ມອ່ານ, ກົງກັນຂ້າມເຄື່ອງຫລິ້ນແນວອື່ນພັດມີຫລາຍຈົນນັບບໍ່ໄຂວ່. ເມື່ອເຮົາຮູວ່າ ຫົວໃຈ ຂອງການຮຽນຄືການອ່ານ ຖ້າຢາກສ້າງໃຫ້ລູກຫລານ ກາຍເປັນນັກຮຽນເກັ່ງ ຜູ້ປົກຄອງ, ຄູອາຈານ ກໍຕ້ອງປູກຝັງໃຫ້ເດັກມີວັດທະນະກ່ຽວກັບການອ່ານໃຫ້ກວ້າງຕໍ່ເນື່ອງເປັນລະບົບໂດຍເລີ່ມຈາກການອ່ານນິທານ,ຊວນຫົວແລະບັນ ເທີງຕ່າງໆ ຈິ່ງຄ່ອຍໆກ້າວໄປສູ່ການອ່ານເພື່ອ ຄົ້ນຄວ້າເພາະການຮຽນຄືການ ຊອກສະ ແຫວງຫາສິ່ງໃຫມ່ໆ ເມື່ອກ້າວສູ່ການຮຽນໃນຂັ້ນສູງຂຶ້ນ ແລ້ວຈະເຮັດໃຫ້ເດັກ ຕິດພັນກ່ຽວກັບການອ່ານ ຈົນການເປັນນິໃສ ທັງເປັນການສ້າງພື້ນ ຖານຄັງຄວາມຮູ້ ສູ່ການສຶກສາທີ່ດີໃນອະນາຄົດ.
ສຸພາສິດສອນໃຈ:
ຄວາມຮັກແລະຄວາມເຂົ້າໃຈກັນເປັນຄວາມສຸກຢ່າງຍິ່ງຂອງຄົນທີ່ມີພູມປັນຍາ ເພາະເຂົາເຫັນແລ້ວວ່າເງິ່ນບໍ່ແມ່ນທຸກສິ່ງທຸກຢ່າງ.
ຄວາມກະຕັນຍູເປັນເປັນເຄື່ອງໝາຍຂອງຄົນດີ ຄົນລາວບູຮານເຊື່ອວ່າ ເຂົ້າເມັດໜຶ່ງນັ້ນກໍມີຄ່າ ປາໂຕໜຶ່ງນັ້ນກໍມີຄຸນ ນ້ຳດື່ມຈອກໜຶ່ງນັ້ນກໍມີຄວາມໆາຍຕໍ່ຊິວິດ ເຮົາຕ້ອງຄິດແທນຄຸນ.
ສິ່ງທີ່ລ້ຳຄ່າທີ່ສຸດຂອງຊິວິດແລະສິ່ງທີ່ສວຍງາມທີ່ສຸດຂອງຄົນເຮັານັ້ນກໍຄືຄຸນງາມ ຄວາມດີທີ່ເຮົາສ້າງຂື້ນ.
ຫລາຍຄົນໄດ້ໃຫ້ທັດສະນະການອ່ານ ທີ່ແຕກຕ່າງກັນ ບາງຄົນກໍເວົ້າວ່າ: ການອ່ານເພື່ອການບັນເທີງ, ບາງຄົນກໍວ່າ ເພື່ອການຄົ້ນຄວ້າ, ເພື່ອເຝິກສະ ມາທິ ນາໆທັດສະນະເຫລົ່ານີ້ ລ້ວນແລ້ວແຕ່ມີຈຸດປະສົງ ແລະ ເຫດຜົນທີ່ແຕກຕ່າງກັນ ມີຄຳຄົມຫນຶ່ງ ໄດ້ກ່າວກ່ຽວກັບການອ່ານວ່າ: " ປຶ້ມປຽບເຫມືອນຢາຜູ້ທີ່ອ່ານປຶ້ມຈະຫາຍຈາກໂລຄາແຫ່ງຄວາມໂງ່ " ນີ້ກໍຫມາຍຄວາມວ່າ ການອ່ານ ແນ່ນອນຈະຊ່ວຍໃຫ້ຄົນເຮົາສະຫລາດຂຶ້ນ. ຈາກບົດຮຽນໃນປະເທດທີ່ພັດທະນາແລ້ວ ເຂົາເຈົ້າໄດ້ປູກຝັງການອ່ານ ໃຫ້ແກ່ລູກຫລານແຕ່ເຍົາໄວ ໂດຍເລີ່ມຈາກຄອບຄົວ, ໂຮງຮຽນອະນຸບານ, ປະຖົມ ຕາມລະດັບ ສ່ວນການຜະລິດປຶ້ມອ່ານ, ເອກະສານ ສິ່ງພິມຕ່າງໆ ແມ່ນມີຫລາກຫລາຍ ສາມາດຊອກຫາອ່ານໄດ້ງ່າຍ ໂຮງຮຽນ ຄູອາຈານ ກໍມີກິດຈະກຳສົ່ງເສີມການອ່ານ ຢ່າງເປັນລະບົບ. ດັ່ງນັ້ນການສ້າງນິໃສຮັກການອ່ານ ຈິ່ງເກີດຂຶ້ນໄດ້ ສິ່ງນີ້ເຮົາສາມາດສັງເກດເນໄດ້ງ່າຍໆ ຈາກຕ່າງປະເທດທີ່ເຂົ້າມາທ່ອງທ່ຽວລາວ ເວລານັ່ງລໍຖ້າຂຶ້ນເຄື່ອງບິນ, ຂຶ້ນລົດເມ, ສ່ວນໃຫຍ່ເຂົາເຈົ້າ ຈະມີປຶ້ມອ່ານຕິດໂຕ ແລະ ໃຊ້ເວລາຫວ່າງໃຫ້ເກີດປະໂຫຍດດ້ວຍການອ່ານປື້ມ. ກົງກັນຂ້າມຢູ່ບ້ານເຮົາເຖິງວ່າເງື່ອນໄຂຂອງປະເທດຈະຍັງບໍ່ທັນເອື້ອອຳນວຍແຕ່ພັກແລະລັດ ຖະບານກໍໄດ້ຕັ້ງຫນ້າ ຕໍ່ວຽກງານສົ່ງເສີມການອ່ານ ຢ່າງເປັນປະຈຳ ແຕ່ຢາກເຮັດໄດ້ດີກໍຕ້ອງອາໃສຫລາຍຝ່າຍ ຮ່ວມມືກັນ.
ປັດໄຈຫນຶ່ງ ການເບິ່ງ, ການຟັງ ແມ່ນງ່າຍກວ່າການອ່ານ ເຮັດໃຫ້ ນັກຮຽນ ຈຳນວນຫນຶ່ງ ໃຊ້ເວລາເບິ່ງໂທລະພາບ, ຟັງວິທະຍຸ, ຫລາຍກວ່າການອ່ານປຶ້ມ ອີກຢ່າງຫນຶ່ງພໍ່ແມ່ຜູ້ປົກຄອງບາງ ຍັງລະເລີຍ ທີ່ຈະສ້າງນິໃສໃຫ້ລູກຫລານຮັກການອ່ານ ເຊັ່ນວ່າ : ເມື່ອພາລູກໄປເລາະຕະຫລາດ ເຂົ້າຮ້ານ ຂາຍປຶ້ມ ເມື່ອລູກຢາກໄດ້ປຶ້ມ ພໍ່ແມ່ພັດບອກວ່າ ບໍ່ຊື້ດອກມັນແພງ ຊື້ແລ້ວ ບໍ່ອີ່ມ, ບໍ່ອຸ່ນ ຄືຊື້ເຄື່ອງກິນ ຫລື ເສື້ອຜ້າດອກ. ນອກນັ້ນ ຢູ່ຫລາຍໆເຮືອນ ຍັງບໍ່ມີຮອດປຶ້ມອ່ານ, ກົງກັນຂ້າມເຄື່ອງຫລິ້ນແນວອື່ນພັດມີຫລາຍຈົນນັບບໍ່ໄຂວ່. ເມື່ອເຮົາຮູວ່າ ຫົວໃຈ ຂອງການຮຽນຄືການອ່ານ ຖ້າຢາກສ້າງໃຫ້ລູກຫລານ ກາຍເປັນນັກຮຽນເກັ່ງ ຜູ້ປົກຄອງ, ຄູອາຈານ ກໍຕ້ອງປູກຝັງໃຫ້ເດັກມີວັດທະນະກ່ຽວກັບການອ່ານໃຫ້ກວ້າງຕໍ່ເນື່ອງເປັນລະບົບໂດຍເລີ່ມຈາກການອ່ານນິທານ,ຊວນຫົວແລະບັນ ເທີງຕ່າງໆ ຈິ່ງຄ່ອຍໆກ້າວໄປສູ່ການອ່ານເພື່ອ ຄົ້ນຄວ້າເພາະການຮຽນຄືການ ຊອກສະ ແຫວງຫາສິ່ງໃຫມ່ໆ ເມື່ອກ້າວສູ່ການຮຽນໃນຂັ້ນສູງຂຶ້ນ ແລ້ວຈະເຮັດໃຫ້ເດັກ ຕິດພັນກ່ຽວກັບການອ່ານ ຈົນການເປັນນິໃສ ທັງເປັນການສ້າງພື້ນ ຖານຄັງຄວາມຮູ້ ສູ່ການສຶກສາທີ່ດີໃນອະນາຄົດ.
ສຸພາສິດສອນໃຈ:
ຄວາມຮັກແລະຄວາມເຂົ້າໃຈກັນເປັນຄວາມສຸກຢ່າງຍິ່ງຂອງຄົນທີ່ມີພູມປັນຍາ ເພາະເຂົາເຫັນແລ້ວວ່າເງິ່ນບໍ່ແມ່ນທຸກສິ່ງທຸກຢ່າງ.
ຄວາມກະຕັນຍູເປັນເປັນເຄື່ອງໝາຍຂອງຄົນດີ ຄົນລາວບູຮານເຊື່ອວ່າ ເຂົ້າເມັດໜຶ່ງນັ້ນກໍມີຄ່າ ປາໂຕໜຶ່ງນັ້ນກໍມີຄຸນ ນ້ຳດື່ມຈອກໜຶ່ງນັ້ນກໍມີຄວາມໆາຍຕໍ່ຊິວິດ ເຮົາຕ້ອງຄິດແທນຄຸນ.
ສິ່ງທີ່ລ້ຳຄ່າທີ່ສຸດຂອງຊິວິດແລະສິ່ງທີ່ສວຍງາມທີ່ສຸດຂອງຄົນເຮັານັ້ນກໍຄືຄຸນງາມ ຄວາມດີທີ່ເຮົາສ້າງຂື້ນ.
