ລູກຈະເປັນຄົນດີ ຖ້າພໍ່ແມ່ເອົາໃຈໃສ່ເບິ່ງແຍງ
(GMT+08:00) 2012-02-22 16:06:41 cri
ພໍ່ແມ່ທຸກຄົນ ກໍລ້ວນແຕ່ຮັກລູກຂອງຕົນເອງ ເໝືອນດັ່ງແກ້ວຕາດວງໃຈ ເຊິ່ງສະແດງຄວາມຮັກອອກມາໄດ້ຫຼາຍຮູບແບບ ມີທັງການສະແດງຄວາມຮັກໃນຮູບແບບທີ່ຖືກຕ້ອງ ແລະ ຮູບແບບທີ່ຜິດ (ການສະແດງຄວາມຮັກໃນຮູບແບບທີ່ຜິດນັ້ນ ແມ່ນພໍ່ແມ່ສະແດງອອກແບບບໍ່ຮູ້ຕົວ) ນັ້ນກໍຄື: ການສະແດງຄວາມຮັກໃຫ້ລູກ ໂດຍການໃຊ້ເງິນຊື້ສິ່ງອຳນວຍຄວາມສະດວກຕ່າງໆ ທາງສັງຄົມໃຫ້ກັບລູກ ໂດຍບໍ່ມີເວລາໃຫ້ກັບລູກຂອງຕົນ ເຊິ່ງພໍ່ແມ່ນັ້ນຄິດວ່າ ລູກຂອງຕົນເອງມີຄວາມສຸກ ຈົນລືມຄິດໄປວ່າ ສິ່ງທີ່ຕົນເອງໃຫ້ຄວາມສຸກແກ່ລູກນັ້ນ ມັນເປັນເໝືອນ ດາບສອງຄົມ ທີ່ຄ່ອຍໆສອດແຊກທຳລາຍອະນາຄົດລູກຂອງທ່ານ ເຊັ່ນ: ລູກອາດນຳເອົາເງິນທີ່ພໍ່ແມ່ໃຫ້ ໄປຫຼິ້ນກິນຟູມເຟືອຍ ເຊັ່ນ: ໄປຫິ້ນເກມ ຫຼິ້ນການພະນັນ ແລະ ຊື້ຢາບ້າມາເສບ ໃນທີ່ສຸດ ກໍເຮັດໃຫ້ພວກເຂົາ ບໍ່ຕ້ອງການໄປໂຮງຮຽນ ເຮັດໃຫ້ລູກຂອງທ່ານ ເສຍອະນາຄົດຂອງການສຶກສາ.
ດັ່ງນັ້ນ ພໍ່ແມ່ທຸກໆຄົນ ຕ້ອງຄຳນຶງເຖິງການສະແດງຄວາມຮັກຕໍ່ລູກ ຖ້າມີການສະແດງຄວາມຮັກແບບເອົາໃຈລູກ ຈະມີຜົນກະທົບແນວໃດຕໍ່ລູກ ສິ່ງທີ່ສຳຄັນທີ່ສຸດ ທີ່ພວກລູກຕ້ອງການຄວາມຮັກຈາກພໍ່ແມ່ນັ້ນກໍຄື ການສະແດງອອກໃນຄວາມເອົາໃຈໃສ່ເບິ່ງແຍງຢ່າງໃກ້ຊິດຕິດແທດ ພ້ອມທັງໃຫ້ຄວາມອົບອຸ່ນ ເມື່ອເວລາລູກມີບັນຫາ ພໍ່ແມ່ພ້ອມທີ່ຈະໃຫ້ຄຳປຶກສາ ແລະ ແກ້ບັນຫາຊ່ວຍ ພ້ອມນັ້ນ ພໍ່ແມ່ຕ້ອງເປັນແບບຢ່າງທີ່ດີໃຫ້ກັບລູກ ແລະ ເປັນເສົາຫຼັກໝັ້ນທີ່ດີໃຫ້ກັບຄອບຄົວ ສິ່ງເຫຼົ່ານີ້ເອງ ທີ່ລູກໆທຸກຄົນຕ້ອງການໃຫ້ພໍ່ແມ່ສະແດງອອກ ແລະ ເປັນສິ່ງໜຶ່ງທີ່ພັກດັນໃຫ້ລູກເປັນຄົນດີໃນສັງຄົມ.
ການສະແດງຄວາມຮັກຂອງພໍ່ແມ່ນັ້ນ ກໍເປັນສິ່ງສຳຄັນທີ່ຈະຊ່ວຍໃຫ້ລູກໆເປັນລູກທີ່ດີຂອງພໍ່ແມ່ ເປັນຄົນທີ່ດີຂອງສັງຄົມ ເປັນອະນາຄົດທີ່ດີຂອງປະເທດຊາດ ນັ້ນກໍລ້ວນແລ້ວແຕ່ເກີດຈາກການອົບຮົບສັ່ງສອນ ຈາກພື້ນຖານໂຄງລ່າງຂອງຄອບຄົວ ນັ້ນກໍຄື ພໍ່ແມ່ ຜູ້ໃຫ້ກຳເນີດ.
ດັ່ງນັ້ນ ພໍ່ແມ່ທຸກໆຄົນ ຕ້ອງຄຳນຶງເຖິງການສະແດງຄວາມຮັກຕໍ່ລູກ ຖ້າມີການສະແດງຄວາມຮັກແບບເອົາໃຈລູກ ຈະມີຜົນກະທົບແນວໃດຕໍ່ລູກ ສິ່ງທີ່ສຳຄັນທີ່ສຸດ ທີ່ພວກລູກຕ້ອງການຄວາມຮັກຈາກພໍ່ແມ່ນັ້ນກໍຄື ການສະແດງອອກໃນຄວາມເອົາໃຈໃສ່ເບິ່ງແຍງຢ່າງໃກ້ຊິດຕິດແທດ ພ້ອມທັງໃຫ້ຄວາມອົບອຸ່ນ ເມື່ອເວລາລູກມີບັນຫາ ພໍ່ແມ່ພ້ອມທີ່ຈະໃຫ້ຄຳປຶກສາ ແລະ ແກ້ບັນຫາຊ່ວຍ ພ້ອມນັ້ນ ພໍ່ແມ່ຕ້ອງເປັນແບບຢ່າງທີ່ດີໃຫ້ກັບລູກ ແລະ ເປັນເສົາຫຼັກໝັ້ນທີ່ດີໃຫ້ກັບຄອບຄົວ ສິ່ງເຫຼົ່ານີ້ເອງ ທີ່ລູກໆທຸກຄົນຕ້ອງການໃຫ້ພໍ່ແມ່ສະແດງອອກ ແລະ ເປັນສິ່ງໜຶ່ງທີ່ພັກດັນໃຫ້ລູກເປັນຄົນດີໃນສັງຄົມ.
ການສະແດງຄວາມຮັກຂອງພໍ່ແມ່ນັ້ນ ກໍເປັນສິ່ງສຳຄັນທີ່ຈະຊ່ວຍໃຫ້ລູກໆເປັນລູກທີ່ດີຂອງພໍ່ແມ່ ເປັນຄົນທີ່ດີຂອງສັງຄົມ ເປັນອະນາຄົດທີ່ດີຂອງປະເທດຊາດ ນັ້ນກໍລ້ວນແລ້ວແຕ່ເກີດຈາກການອົບຮົບສັ່ງສອນ ຈາກພື້ນຖານໂຄງລ່າງຂອງຄອບຄົວ ນັ້ນກໍຄື ພໍ່ແມ່ ຜູ້ໃຫ້ກຳເນີດ.
