ບຸນຂະໜົມບົວລອຍ " ຢວນຊ່ຽວ "
(GMT+08:00) 2012-02-22 16:22:48 cri
ສະບາຍດີມິດລາຍການເບິ່ງເມືອງຈີນທີ່ຄິດຮອດແລະຄິດເຖິງທຸກໆທ່ານ! ພໍຮອດ 19 ໂມງ ໜຸ່ມໃຫຍ່ອາລົມດີກໍ່ມາພົບກັບທ່ານໂລດທາງ CRI FM 93Mhz ແຫ່ງນີ້! ພົບກັບຄືນນີ້ແມ່ນວັນຈັນທີ 6 ກຸມພາ, ຄັນແມ່ນເດືອນລາວກໍ່ແມ່ນມື້ຂື້ນ 14 ຄ່ຳເດືອນ 3 ແລ້ວ, ແຕ່ຄັນວ່າຕາມປະຕິທິນຫຼືຈັນທະຄະຕິຂອງຈີນກໍ່ແມ່ນຂື້ນ 15 ຄ່ຳເດືອນຈຽງ !ທ້ອງຟ້າຄືນນີ້ປອດໂປ່ງໃສດີເນາະທ່ານຜູ້ຟັງເດືອນກໍ່ງາມໆ ໃຜມີຄວາມຮັກໃໝ໋ໆຢູ່ໄກກັນຄິດຮອດກັນແຮງບໍ່ແມ່ນພວມແຫງນຄໍເບິ່ງເດືອນຢູ່ບໍ່ນໍ້? ເຖິງໄກກັນແຕ່ສາຍຕາເຮົາພົບກັນຢູ່ທີ່ດວງເດືອນ ໃຫ້ດວງເດືອນເປັນພະຍານຮັກພະຍານໃຈ ເປັນແນວນັ້ນກະມີເດີ້ຄັນຜູ້ໃດຮັກກັນແທ້ຮັກກັນຈິງນະ! ນອກຈາກຮັກກັນເພື່ອຫຼອກຮັກກັນເພື່ອມ່ວນຮັກກັນເພື່ອຜົນປະໂຫຍດເພື່ອສິ່ງຕອບແທນບາງອັນເທົ່ານັ້ນລະຈຶ່ງບໍ່ຄິດແນວນັ້ນ! ຄືນນີ້ຄັນເວົ້າຕາມປະເພນີຈີນແລ້ວນັບແຕ່ວັນທີ 23 ມັງກອນ ທີ່ເປັນມື້ຂື້ນປີໃໝ່ຈີນເປັນຕົ້ນມາຄືນນີ້ຖືວ່າເປັນຄືນທຳອິດທີ່ຄົນຈີນໄດ້ເບິ່ງໄດ້ຊົມເດືອນເຕັມດວງທີ່ງົດງາມທັງໃຫຍ່ທັງງາມແຈ້ງສະຫວ່າງແລະທັງເປັນມື້ສຸດທ້າຍຂອງໄລຍະການສະຫຼອງບຸນກຸດຈີນ, ຄົນຈີນຈຶ່ງຖືເອົາມື້ນີ້ ຄືນນີ້ເປັນມື້ບຸນກິນຂະໜົມບົວລອຍ ທີ່ຄົນໃນຄອບຄົວມານັ່ງກິນຂະໜົມບົວລອຍຊົມເດືອນຮ່ວມກັນຊັ້ນໄດ໋,! ຄັນຊັ້ນໂອກາດດີແນວນີ້ໜຸ່ມໃຫຍ່ບໍ່ພາດແນ່ນອນທີ່ຈະເວົ້າເລື່ອງປະເພນີກິນຂະໜົມບົວລອຍຂອງຄົນຈີນສູ່ຟັງ!
ເພງ
ເອົາ, ຫຼັງຈາກທີ່ຄົນຈີນຢູ່ປະເທດຈີນກໍ່ຄືຄົນຕ່າງປະເທດເຊື້ອສາຍຈີນໃນທົ່ວໂລກ ລວມທັງຄົນລາວເຊື້ອສາຍຈີນຢູ່ນະຄອນຫຼວງວຽງຈັນຫຼືແຂວງວຽງຈັນ ສະຫຼອງບຸນກຸດຈີນກັນມາແຕ່ວັນທີ 22-23 ເດືອນແລ້ວນີ້ ດ້ວຍການກິນຂະໜົມຮ່ວມກັນໃນຄອບຄົວ ໄປຢື້ຢາມຖາມຂ່າວເບີກບານມ່ວນຊື່ນຮ່ວມກັບຄອບຄົວຂອງຍາດພີ່ນ້ອງໝູ່ຄູ່, ຕາມປະຕິທິນຕາມຈັນທະຄະຕິຈີນແທ້ໆ ມື້ນີ້ແມ່ນມື້ຂື້ນ 15 ຄ່ຳເດືອນຈຽງຈຶ່ງແມ່ນມື້ສຸດທ້າຍແທ້ໆຂອງການສະຫຼອງບຸນກຸດຈີນແລະມື້ອັດທ້າຍການສະຫຼອງນີ້ແມ່ນມື້ບຸນຂະໜົມບົວລອຍຫຼືຄົນຈີນເອີ້ນວ່າ: "ຢວນຊຽວ" ທີ່ໃນປະເພນີແລ້ວຄົນຈີນຈະເຕົ້າໂຮມກັນກິນຂະໜົມບົວລອຍຊົມເດືອນເພງທີ່ງົດງາມຮ່ວມກັນ ທັງຊົມໂຄມໄຟທີ່ງົດງາມອີກ! ບຸນຄືນນີ້ເວົ້າແລ້ວກໍ່ມີ 2-3 ກິດຈະກຳໃຫຍ່ນິລະ! ອັນໜຶ່ງກໍ່ແມ່ນກິນຂະໜົມບົວລອຍຊົມເດືອນເຕັມດວງເທື່ອທຳອິດຂອງປີໃໝ່, ອັນທີ 2 ກໍ່ຊົມໂຄມໄຟທີ່ຫຼາກຫຼາຍສີຫຼາຍຊະນິດ, ອັນທີ 3 ກໍ່ແມ່ນການເຊີດສິງໂຕຕາມປະເພນີແທ້ໆຂອງຈີນມາດົນນານແລ້ວເປັນແນວນັ້ນໄດ໋! ແຕ່ວ່າມາຮອດຍຸກນີ້ມັນກໍ່ຂື້ນກັບເງື່ອນໄຂຕົວຈິງສະຫຼອງຫຼິ້ນບຸນບໍ່ຄືກັນ!ເອົາ, ຄັນຊັ້ນຈັກໜ້ອຍໜຸ່ມໃຫຍ່ຈະເອົາປະຫວັດຂອງຂະໜົມບົວລອຍຫຼືບາງຄົນກໍ່ເອີ້ນວ່າ: " ບຸນໂຄມໄຟ " ມາເວົ້າສູ່ຟັງ!
711477 ຫຼື 9300 ສົ່ງເຂົ້າມາໂທເຂົ້າມາມີຄຳຄິດຄຳເຫັນກັບລາຍການເຮົາໄດ້! ຄັນເວົ້າເຖິງບຸນ " ຢວນຊ່ຽວ " ຫຼືບຸນຂະໜົມບົວລອຍຫຼືບຸນໂຄມໄຟ ຕາມປະເພນີຂອງຄົນຈີນ ທີ່ປີນີ້ຖືກກັບຄືນນີ້ຄືນທີ່ເດືອນງາມ ເດືອນແຈ້ງ ເດືອນເຕັມ ເດືອນໃຫຍ່ທີ່ສຸດ ຕາມປະຕິທິນຈັນທະຄະຕິຂອງຈີນແມ່ນມື້ເພງ 15 ຄ່ຳເດືອນຈຽງໄດ໋ນິ! ບໍ່ແມ່ນມື້ຂື້ນ 14 ຄ່ຳເດືອນ 3 ຄືລາວເຮົາໄດ໋! ຫ່າງກັນຕັ້ງ 5-6-7 ພັນກິໂລແມັດ ມັນກໍ່ມີການຄາດເຄື່ອນລື່ນກັນບໍ່ຫຼາຍກໍ່ໜ້ອຍແລ້ວ! ຢູ່ວຽງຈັນຄືນນີ້ເດືອນຍັງບໍ່ເຕັມດວງປານໃດແຕ່ຢູ່ຈີນພຸ້ນເຕັມຄັກລະໄດ໋! ບັດນີ້ຈະເວົ້າເຖິງປະຫວັດບຸນໂຄມໄຟໃຫ້ຟັງ! ຄົນຈີນເລົ່າກັນວ່າ: ເມື່ອປີ 180 ກ່ອນ ຄສ ຈັກກະພັດ ຮັ້ນເຫວິນຕີ້ ຂອງລາຊະວົງ ຮັ້ນ ຂື້ນຄອງລາດໃນມື້ 15 ຄ່ຳເດືອນຈຽງ ສະນັ້ນເພື່ອເປັນການສະເຫຼີມສະຫຼອງຈັກກະພັດ ຮັ້ນເຫວິນຕີ້ ຈຶ່ງກຳນົດເອົາມື້ 15 ຄ່ຳເດືອນຈຽງເປັນບຸນໂຄມໄຟ ພໍຮອດຄືນນັ້ນພະອົງຈະສະເດັດອອກໄປນອກວັງເພື່ອຮ່ວມສະຫຼອງມ່ວນຊື່ນກັບໄຜ່ຟ້າລາຊະດອນ ຄືນນັ້ນບໍ່ວ່າເຮືອນນ້ອຍເຮືອນໃຫຍ່ຮ່ອມໃດກໍ່ແຂນໂຄມໄຟຫຼາກຫຼາຍສີທີ່ມີຮູບລັກສະນະແຕກຕ່າງກັນ, ຈົນຮອດ 104 ກ່ອນ ຄ.ສ ບຸນໂຄມໄຟໄດ້ກຳນົດໃຫ້ເປັນບຸນສຳຄັນຂອງຊາດເຮັດໃຫ້ການສະຫຼອງມີຂະໜາດໃຫຍ່ໂຕມະໂຫລານຂື້ນອີກ, ຂໍ້ກຳນົດໃໝ່ນີ້ໃຫ້ສະຖານທີ່ສາທາລະນະແລະທຸກເຮືອນຕ້ອງໄດ້ປະດັບໂຄມໄຟໂດຍສະເພາະແມ່ນເຂດຄ້າຂາຍຫຼືສູນກາງວັດທະນະທຳຕ້ອງຈັດບຸນໂຄມໄຟຂະໜາດໃຫຍ່ບໍ່ວ່າຊາຍ ຍິງ ເຖົ້າ ໜຸ່ມ ພາກັນໄປຊົມໂຄມໄຟທວາຍຄຳທວາຍຢູ່ໂຄມໄຟທັງເຊີດໂຄມໄຟມັງກອນຕະຫຼອດຄືນ! ຕໍ່ມາປະເພນີນີ້ໄດ້ສືບທອດກັນມາທຸກຍຸກທຸກສະໄໝ, ຕາມການບັນທຶກປະຫວັດສາດປີຄ.ສ 731 ສະໄໝລາຊະວົງ ຖັງ ເຄີຍເຮັດພູໂຄມໄຟສູງເຖິງ 7 ແມັດທີ່ປະກອບດ້ວຍໂຄມໄຟຫຼາຍກ່ວາ 5 ໝືນອັນຕັ້ງຢູ່ໃນເມືອງ ສາງອ່ານ ທີ່ເປັນເມືອງຫຼວງຂອງລາຊະວົງ ຖັງ. ເອົາຟັງເພງມ່ວນໆອີກກ່ອນເນາະ! ເພງນີ້ຂໍມອບໃຫ້ແກ່ມິດລາຍການທີ່ຊື່ວ່າ ເກົາຫຼີ ຢູ່ບ້ານ ນາສາລາ ດົງບັງ ເມືອງໄຊທານີທີ່ໂທມາຂໍເພງຈີນທີ່ເປັນຜູ້ຍິງຮ້ອງຈັງຫວະໄວໆມ່ວນໆກໍ່ຂໍຈັດໃຫ້ເລີຍ!
ເພງ
ຂະນະນີ້……………… ບັດນີ້ກໍ່ອອກມາສືບຕໍ່ລົມເລື່ອງບຸນໂຄມໄຟຫຼືບຸນຂະໜົມບົວລອຍ ທີ່ປີນີ້ກົງກັບຄືນນີ້ລະ! ໂຄມໄຟທີ່ແຂວນໃນຍາມບຸນ ຢວນຊ່ຽວ ສ່ວນຫຼາຍແມ່ນເຮັດດ້ວຍເຈ້ຍສີບາງໆ ບາງຄົນກໍ່ເຮັດເປັນຮູບພູ ຮູບເຮືອນ ຮູບຄົນ ຮູບດອກໄມ້ ສັດນາໆຊະນິດ! ໂຄມໄຟ "ໂຈ່ວໝ່າເຕິງ" ເປັນໂຄມໄຟທີ່ເປັນເອກກະລັກຂອງຈີນຢ່າງຈະແຈ້ງ, ໂຄມໄຟວຽນ " ໂຈ່ວໝ່າເຕິງ" ເປັນເຄື່ອງຫຼິ້ນຊະນິດໜຶ່ງທີ່ມີມາແຕ່ 1 ພັນກ່ວາປີມາແລ້ວ ຄືຢູ່ໃນໂຄມໄຟຕິດກົງລໍ້ໃສ່ ເມື່ອໄຕ້ທຽນໃນໂຄມໄຟກະແສອາກາດທີ່ໄດ້ຮັບຄວາມຮ້ອນຈາກແປວທຽນຈະດັນກົງລໍ້ທີ່ຕິດເຈ້ຍຮູບຄົນຂີ່ມ້າ ຈະສະທ້ອນຢູ່ເທິງເຈ້ຍດ້ານນອກຂອງໂຄມໄຟເບິ່ງແລ້ວຄືມ້າກຳລັງແລ່ນຢ່າງຫ້າວຫັນນິລະ! ຕໍ່ມາການກິນຂະໜົມ "ຢວນຊ່ຽວ" ຫຼືຂະໜົມບົວລອຍນິລະຖືວ່າເປັນບຸນປະເພນີອັນສຳຄັນອັນໜຶ່ງຂອງຢວນຊ່ຽວ, ໃນສະໄໝລາຊະວົງ ຊົ້ງ ປະຊາຊົນນິຍົມກັນກິນຂະໜົມຊະນິດໜຶ່ງໃນມື້ບຸນມັນຈະເປັນຮູບວົງມົນ ເຮັດດ້ວຍແປ້ງເຂົ້າໜຽວທາງໃນມີໄສ້ຫວານ, ພາກເໜືອຈີນເອີ້ນວ່າ: " ຢວນຊ່ຽວ " ສ່ວນພາກໃຕ້ເອີ້ນວ່າ " ທັງຢວນ " ຫຼື " ທັງຖວນ " ມາຮອດດຽວນີ້ໄສ້ຂອງຂະໜົມບົວລອຍມີຫຼາຍ 10 ຊະນິດເຊັ່ນ: ຖົ່ວແດງ, ງາ, ເນີຍ ແລະອື່ນໆ. ຊັອກໂກລາກະຍັງມີຂະໜົມບົວລອຍໃນເຂດແຂວງທີ່ຕ່າງກັນ ລົດຊາດກໍ່ຕ່າງກັນໄປ! ຄືນນີ້ນິຢູ່ຈີນນອກຈາກຈະຫ້ອຍໂຄມໄຟງາມໆເຕັມໄປໝົດກິນຂະໜົມບົວລອຍແລ້ວກໍ່ຍັງມີຫຼາຍກິດຈະກຳຕື່ມໄດ໋ ບໍ່ວ່າການຟ້ອນຕໍ່ໄມ້ຕໍ່ຂາ, ໄມ້ໂຢກເຢກ, ຟ້ອນວີ, ເຊີດສິງໂຕແລະອື່ນໆອີກ, ການເຊີດສິງໂຕນິແບ່ງອອກເປັນສຳນັກໃຕ້ກັບສຳນັກເໜືອອີກໄດ໋ທ່ານຜູ້ຟັງ! ການເຊີດການຍົກສຳນັກໃຕ້ເນັ້ນອະລິຍະບົດທ່າທາງການເຄື່ອນໄຫວການກະໂດດເຕັ້ນຫ້າວວ່ອງໄວຄ່ອງແຄ້ວ ສ່ວນຫຼາຍໃຊ້ 2 ຄົນເຊີດ ແຕ່ຂອງສຳນັກເໜືອເນັ້ນຄວາມສະຫງ່າຜ່າເຜີຍ ຕາມປົກກະຕິຈະມີ 10 ຫຼືຫຼາຍ 10 ຄົນເຊີດ ມີດົນຕີພື້ນເມືອງຈີນປະກອບໃສ່ບໍ່ວ່າຈະເປັນກ້ອງໃຫຍ່ ແຊ່ງນ້ອຍໃຫຍ່ດັງອຶກກະທຶກປະກອບການສະແດງສ້າງຄວາມຕື່ນຕາຕື່ນໃຈໃຫ້ຜູ້ໄດ້ເບິ່ງໄດ້ຊົມຫຼາຍແລ້ວ, 2-3 ມື້ຜ່ານມານີ້ຢູ່ຈີນແນ່ນອນລະຮ້ານຂາຍຂະໜົມບົວລອຍມື້ນີ້ລູກຄ້າບໍ່ຂາດແລ້ວເບິ່ງຮູບຢູ່ເວັບໄຊຂ່າວສານຊິນຫົວມື້ເຊົ້ານີ້ຢູ່ປັກກິ່ງຕາມຮ້ານຄ້າຢູ່ປັກກິ່ງຄົນຈີນລຽນແຖວຍາວເພື່ອຊື້ຂະໜົມບົວລອຍມາຕົ້ມສູ່ຄົນໃນຄອບຄົວກິນໃນຄືນນີ້! ຟັງເພງອີກກ່ອນເນາະແລ້ວຈະເວົ້າສູ່ຟັງວ່າອາກາດຢູ່ຈີນຕ້ອນຮັບບຸນໂຄມໄຟຫຼືບຸນຂະໜົມບົວລອຍໃນຄືນນີ້ເປັນແນວໃດ?
ເພງ
ຂໍຂອບໃຈ………..ເວົ້າເຖິງດິນຟ້າອາກາດແລ້ວຢູ່ຈີນຍາມນີ້ກໍ່ແມ່ນຍາມໜາວຢູ່ແລ້ວໄລຍະບຸນກຸດຈີນແຫ່ງໜາວແຕ່ວ່າມາມື້ນີ້ກໍ່ບໍ່ແມ່ນແຕ່ຄືນນີ້ດັອກແຕ່ແລງວານນີ້ພຸ້ນມາແລະຈະແກ່ຍາວໄປຮອດເຊົ້າມື້ອື່ນອາກາດຢູ່ຈີນໜາວຂະໜາດ, ຢູ່ປັກກິ່ງທ່ານຜູ້ຟັງຄິດເບິ່ງອຸນຫະພູມສູງສຸດມີແຕ່ -1 ຫຼື -2 ອົງສາທໍ່ນັ້ນ, ຕ່ຳສຸດກໍ່ -9 ຫຼື -10 ອົງສາພຸ້ນແລ້ວແຕ່ວ່າໄລຍະນີ້ມີແສງແດດດີໄດ໋ລະ! ແຕ່ວ່າຂໍເຕືອນເດີ້ວ່າໃຜຢາກໄປປັກກິ່ງຕື່ນເຊົ້າມັນໜາວນິຄັນເຫັນແສງແດດສົດໃສຢ່າໄປນຸ່ງເຄື່ອງໜ້ອຍໄດ໋ໄຂ້ແຕກແທ້້ໄດ໋! ແດດປັກກິ່ງບໍ່ຄືແດດວຽງຈັນໄດ໋ເພິ່ງແກ້ໜາວບໍ່ໄດ້ດັອກ. 3 ມື້ນິນະຄືແຕ່ວັນອາທິດວານນີ້, ມື້ນີ້ວັນຈັນທີ່ເປັນມື້ບຸນໂຄມໄຟຂອງຄົນຈີນແລະມື້ອື່ນວັນອັງຄານ, ກົມອຸດຕຸນິຍົມຂອງຈີນບອກວ່າ: ອາກາດໜາວປົກຄຸມໄປເກືອບທົ່ວທຸກພາກຂອງປະເທດຍ້ອນລົມໜາວຈາກພາກເໜືອ. ລະດັບການເຕືອນຄວາມໝາວຂອງຈີນມີ 4 ລະດັບແຕ່ລະໜາວສຸດຕ່ຳສຸດແມ່ນສີຟ້ານິລະ! ເພິ່ນວ່າແຕ່ລະພາກອຸນຫະພູມຈະຫຼຸດລົງແຕ່ 6-8 ອົງສາພຸ້ນນະ! ສະເພາະເຂດປົກຄອງຕົນເອງມົງໂກນໃນກັບພາກເໜືອຂອງຈີນອາດຫຼຸດລົງຕັ້ງວ່າ 14 ອົງສາພຸ້ນນະ! ແລະຫຼາຍບ່ອນກໍ່ມີຫິມະຕົກຫຼາຍໂດຍສະເພາະແຕ່ມື້ວານນີ້ມາເພິ່ນວ່າຢູ່ບັນດາເຂດແຂວງພາກເໜືອຂອງຈີນກໍ່ຈະມີຫິມະຕົກຕື່ມອີກ! ທ່ານຜູ້ຟັງທ່ານໃດຈະໄປປັກກິ່ງຫຼືເມືອງອື່ນໆຂອງຈີນໃນໄລຍະນີ້ກໍ່ກຽມເຄື່ອງນຸ່ງໃຫ້ຫຼາຍໆນິລະ! ເອົາກ້ອງຖ່າຍຮູບໄປນຳແດ່ຄັນມີອາດຈະໄດ້ຖ່າຍຮູບກັບຫິມະຂາວໜຸ້ມງາມໆມາອ້າງໝູ່ໄດ໋! ເອົາ, ຄືນນີ້ວັນຈັນທີ 6 ກຸມພາຄັນແມ່ນຕາມຈັນທະຄະຈີນກໍ່ແມ່ນມື້ເພງ 15 ຄ່ຳເດືອນຈຽງເປັນມື້ບຸນ " ຢວນຊ່ຽວ " ບຸນໂຄມໄຟຫຼືບຸນຂະໜົມບົວລອຍກໍ່ແລ້ວແຕ່ຊິເອີ້ນ! ກໍ່ຖືວ່າແມ່ນມື້ສຸດທ້າຍແທ້ໆຂອງການຫຼິ້ນບຸນກຸດຈີນຂອງຄົນຈີນແລະຄົນຕ່າງປະເທດເຊື້ອສາຍຈີນທີ່ເລີ່ມມາແຕ່ວັນທີ 23 ເດືອນແລ້ວນີ້ລວມແລ້ວ 15 ມື້ເຕັມໆມ່ວນຊື່ນກັນຢ່າງເຕັມທີ່! ອັນນີ້ສຳລັບຄົນຈີນເນາະແຕ່ສຳລັບຄົນລາວອີກ 72 ມື້ກໍ່ຮອດບຸນປີໃໝ່ລາວຊິໄດ້ປຽກກັນແລ້ວເດ່ນິນະ! ປີນີ້ມື້ທຳອິດມື້ສັງຂານລ່ວງແມ່ນຖືກວັນສຸກທີ 14 ເມສາ, ວັນທີ 15 ວັນເສົາແມ່ນມື້ເນົາ, ທີ 16 ວັນອາທິດແມ່ນມື້ສັງຂານຂື້ນ! ຄັນເປັນແນວນີ້ກະຊິໄດພັກທົດແທນ 2 ມື້ລວມເປັນ 5 ມື້ພຸ້ນແລ້ວ, ກະບໍ່ຮູ້ເທື່ອວ່າລັດຖະບານລາວເພິ່ນຈະໃຫ້ພັກຜ່ອນຫຼືຫຼັງວັນເສົາວັນທິດ, ບຸນກຸດຈີນຄົນຈີນກໍ່ມ່ວນຊື່ນສະຫຼອງກັນຢ່າງເຕັມທີ່, ບຸນປີໃໝ່ລາວຄົນລາວກໍ່ມ່ວນຊື່ນສະຫຼອງຢ່າງເຕັມທີ່ຄືກັນທັງປຽກທັງມ່ວນບາງຄົນກໍ່ມັງເມົາ! ເວົ້າກັນໄດ້ແຕ່ໄກເນາະ ເຮັດແນວໃດກໍ່ຂໍນຳຢ່າລືມຄວາມໝາຍຈຸດປະສົງແທ້ໆຂອງບຸນປີໃໝ່ລາວທີ່ປູ່ຍ່າຕາຍາຍເພິ່ນພາເຮັດມາຫຼາຍຮ້ອຍປີເພິ່ນພາເຮັດແນວໃດ? ພໍ່ຕູ້ແມ່ຕູ້ ອ້າຍເອື້ອຍລຸງປ້ານ້າອາລູກຫຼານສືບທອດແດ່! ເພາະວ່າຄວາມໝາຍມັນບໍແມ່ນແຕ່ຫົດນ້ຳກັນຈົນມືນຫູມືນຕາບໍ່ໄດ້ໄດ໋ ມັນຍັງມີຫຼາຍພິທີຫຼາຍກິດຈະກຳທີ່ດີທີ່ເປັນສິຣິມຸງຄຸນເພື່ອຕ້ອນຮັບປີໃໝ່ໃນມື້ສັງຂານຂື້ນ, ລະກະເປັນຫ່ວງຫຼາຍກິນເຫຼົ້າສະຫຼອງກັນຈົນບໍ່ຈື່ໜ້າກັນຈົນບໍ່ມີສະຕິສະຕັງແລ້ວຂັບລົດຈັກໃຫຍ່ຫັ້ນນ່າ! ແຕ່ລະປີ 6-7 ມື້ປີໃໝ່ອຸປະຕິເຫດຫຼາຍແທ້ໆຈັກຜູ້ເຈັບຜູ້ຕາຍກໍ່ມີຫຼາຍ! ເຕືອນໂຕເອງເຕືອນລູກເຕືອນຫຼານໄວແຕ່ໄກໆສະເນາະ
ເພງ
ຈົບ
ເພງ
ເອົາ, ຫຼັງຈາກທີ່ຄົນຈີນຢູ່ປະເທດຈີນກໍ່ຄືຄົນຕ່າງປະເທດເຊື້ອສາຍຈີນໃນທົ່ວໂລກ ລວມທັງຄົນລາວເຊື້ອສາຍຈີນຢູ່ນະຄອນຫຼວງວຽງຈັນຫຼືແຂວງວຽງຈັນ ສະຫຼອງບຸນກຸດຈີນກັນມາແຕ່ວັນທີ 22-23 ເດືອນແລ້ວນີ້ ດ້ວຍການກິນຂະໜົມຮ່ວມກັນໃນຄອບຄົວ ໄປຢື້ຢາມຖາມຂ່າວເບີກບານມ່ວນຊື່ນຮ່ວມກັບຄອບຄົວຂອງຍາດພີ່ນ້ອງໝູ່ຄູ່, ຕາມປະຕິທິນຕາມຈັນທະຄະຕິຈີນແທ້ໆ ມື້ນີ້ແມ່ນມື້ຂື້ນ 15 ຄ່ຳເດືອນຈຽງຈຶ່ງແມ່ນມື້ສຸດທ້າຍແທ້ໆຂອງການສະຫຼອງບຸນກຸດຈີນແລະມື້ອັດທ້າຍການສະຫຼອງນີ້ແມ່ນມື້ບຸນຂະໜົມບົວລອຍຫຼືຄົນຈີນເອີ້ນວ່າ: "ຢວນຊຽວ" ທີ່ໃນປະເພນີແລ້ວຄົນຈີນຈະເຕົ້າໂຮມກັນກິນຂະໜົມບົວລອຍຊົມເດືອນເພງທີ່ງົດງາມຮ່ວມກັນ ທັງຊົມໂຄມໄຟທີ່ງົດງາມອີກ! ບຸນຄືນນີ້ເວົ້າແລ້ວກໍ່ມີ 2-3 ກິດຈະກຳໃຫຍ່ນິລະ! ອັນໜຶ່ງກໍ່ແມ່ນກິນຂະໜົມບົວລອຍຊົມເດືອນເຕັມດວງເທື່ອທຳອິດຂອງປີໃໝ່, ອັນທີ 2 ກໍ່ຊົມໂຄມໄຟທີ່ຫຼາກຫຼາຍສີຫຼາຍຊະນິດ, ອັນທີ 3 ກໍ່ແມ່ນການເຊີດສິງໂຕຕາມປະເພນີແທ້ໆຂອງຈີນມາດົນນານແລ້ວເປັນແນວນັ້ນໄດ໋! ແຕ່ວ່າມາຮອດຍຸກນີ້ມັນກໍ່ຂື້ນກັບເງື່ອນໄຂຕົວຈິງສະຫຼອງຫຼິ້ນບຸນບໍ່ຄືກັນ!ເອົາ, ຄັນຊັ້ນຈັກໜ້ອຍໜຸ່ມໃຫຍ່ຈະເອົາປະຫວັດຂອງຂະໜົມບົວລອຍຫຼືບາງຄົນກໍ່ເອີ້ນວ່າ: " ບຸນໂຄມໄຟ " ມາເວົ້າສູ່ຟັງ!
711477 ຫຼື 9300 ສົ່ງເຂົ້າມາໂທເຂົ້າມາມີຄຳຄິດຄຳເຫັນກັບລາຍການເຮົາໄດ້! ຄັນເວົ້າເຖິງບຸນ " ຢວນຊ່ຽວ " ຫຼືບຸນຂະໜົມບົວລອຍຫຼືບຸນໂຄມໄຟ ຕາມປະເພນີຂອງຄົນຈີນ ທີ່ປີນີ້ຖືກກັບຄືນນີ້ຄືນທີ່ເດືອນງາມ ເດືອນແຈ້ງ ເດືອນເຕັມ ເດືອນໃຫຍ່ທີ່ສຸດ ຕາມປະຕິທິນຈັນທະຄະຕິຂອງຈີນແມ່ນມື້ເພງ 15 ຄ່ຳເດືອນຈຽງໄດ໋ນິ! ບໍ່ແມ່ນມື້ຂື້ນ 14 ຄ່ຳເດືອນ 3 ຄືລາວເຮົາໄດ໋! ຫ່າງກັນຕັ້ງ 5-6-7 ພັນກິໂລແມັດ ມັນກໍ່ມີການຄາດເຄື່ອນລື່ນກັນບໍ່ຫຼາຍກໍ່ໜ້ອຍແລ້ວ! ຢູ່ວຽງຈັນຄືນນີ້ເດືອນຍັງບໍ່ເຕັມດວງປານໃດແຕ່ຢູ່ຈີນພຸ້ນເຕັມຄັກລະໄດ໋! ບັດນີ້ຈະເວົ້າເຖິງປະຫວັດບຸນໂຄມໄຟໃຫ້ຟັງ! ຄົນຈີນເລົ່າກັນວ່າ: ເມື່ອປີ 180 ກ່ອນ ຄສ ຈັກກະພັດ ຮັ້ນເຫວິນຕີ້ ຂອງລາຊະວົງ ຮັ້ນ ຂື້ນຄອງລາດໃນມື້ 15 ຄ່ຳເດືອນຈຽງ ສະນັ້ນເພື່ອເປັນການສະເຫຼີມສະຫຼອງຈັກກະພັດ ຮັ້ນເຫວິນຕີ້ ຈຶ່ງກຳນົດເອົາມື້ 15 ຄ່ຳເດືອນຈຽງເປັນບຸນໂຄມໄຟ ພໍຮອດຄືນນັ້ນພະອົງຈະສະເດັດອອກໄປນອກວັງເພື່ອຮ່ວມສະຫຼອງມ່ວນຊື່ນກັບໄຜ່ຟ້າລາຊະດອນ ຄືນນັ້ນບໍ່ວ່າເຮືອນນ້ອຍເຮືອນໃຫຍ່ຮ່ອມໃດກໍ່ແຂນໂຄມໄຟຫຼາກຫຼາຍສີທີ່ມີຮູບລັກສະນະແຕກຕ່າງກັນ, ຈົນຮອດ 104 ກ່ອນ ຄ.ສ ບຸນໂຄມໄຟໄດ້ກຳນົດໃຫ້ເປັນບຸນສຳຄັນຂອງຊາດເຮັດໃຫ້ການສະຫຼອງມີຂະໜາດໃຫຍ່ໂຕມະໂຫລານຂື້ນອີກ, ຂໍ້ກຳນົດໃໝ່ນີ້ໃຫ້ສະຖານທີ່ສາທາລະນະແລະທຸກເຮືອນຕ້ອງໄດ້ປະດັບໂຄມໄຟໂດຍສະເພາະແມ່ນເຂດຄ້າຂາຍຫຼືສູນກາງວັດທະນະທຳຕ້ອງຈັດບຸນໂຄມໄຟຂະໜາດໃຫຍ່ບໍ່ວ່າຊາຍ ຍິງ ເຖົ້າ ໜຸ່ມ ພາກັນໄປຊົມໂຄມໄຟທວາຍຄຳທວາຍຢູ່ໂຄມໄຟທັງເຊີດໂຄມໄຟມັງກອນຕະຫຼອດຄືນ! ຕໍ່ມາປະເພນີນີ້ໄດ້ສືບທອດກັນມາທຸກຍຸກທຸກສະໄໝ, ຕາມການບັນທຶກປະຫວັດສາດປີຄ.ສ 731 ສະໄໝລາຊະວົງ ຖັງ ເຄີຍເຮັດພູໂຄມໄຟສູງເຖິງ 7 ແມັດທີ່ປະກອບດ້ວຍໂຄມໄຟຫຼາຍກ່ວາ 5 ໝືນອັນຕັ້ງຢູ່ໃນເມືອງ ສາງອ່ານ ທີ່ເປັນເມືອງຫຼວງຂອງລາຊະວົງ ຖັງ. ເອົາຟັງເພງມ່ວນໆອີກກ່ອນເນາະ! ເພງນີ້ຂໍມອບໃຫ້ແກ່ມິດລາຍການທີ່ຊື່ວ່າ ເກົາຫຼີ ຢູ່ບ້ານ ນາສາລາ ດົງບັງ ເມືອງໄຊທານີທີ່ໂທມາຂໍເພງຈີນທີ່ເປັນຜູ້ຍິງຮ້ອງຈັງຫວະໄວໆມ່ວນໆກໍ່ຂໍຈັດໃຫ້ເລີຍ!
ເພງ
ຂະນະນີ້……………… ບັດນີ້ກໍ່ອອກມາສືບຕໍ່ລົມເລື່ອງບຸນໂຄມໄຟຫຼືບຸນຂະໜົມບົວລອຍ ທີ່ປີນີ້ກົງກັບຄືນນີ້ລະ! ໂຄມໄຟທີ່ແຂວນໃນຍາມບຸນ ຢວນຊ່ຽວ ສ່ວນຫຼາຍແມ່ນເຮັດດ້ວຍເຈ້ຍສີບາງໆ ບາງຄົນກໍ່ເຮັດເປັນຮູບພູ ຮູບເຮືອນ ຮູບຄົນ ຮູບດອກໄມ້ ສັດນາໆຊະນິດ! ໂຄມໄຟ "ໂຈ່ວໝ່າເຕິງ" ເປັນໂຄມໄຟທີ່ເປັນເອກກະລັກຂອງຈີນຢ່າງຈະແຈ້ງ, ໂຄມໄຟວຽນ " ໂຈ່ວໝ່າເຕິງ" ເປັນເຄື່ອງຫຼິ້ນຊະນິດໜຶ່ງທີ່ມີມາແຕ່ 1 ພັນກ່ວາປີມາແລ້ວ ຄືຢູ່ໃນໂຄມໄຟຕິດກົງລໍ້ໃສ່ ເມື່ອໄຕ້ທຽນໃນໂຄມໄຟກະແສອາກາດທີ່ໄດ້ຮັບຄວາມຮ້ອນຈາກແປວທຽນຈະດັນກົງລໍ້ທີ່ຕິດເຈ້ຍຮູບຄົນຂີ່ມ້າ ຈະສະທ້ອນຢູ່ເທິງເຈ້ຍດ້ານນອກຂອງໂຄມໄຟເບິ່ງແລ້ວຄືມ້າກຳລັງແລ່ນຢ່າງຫ້າວຫັນນິລະ! ຕໍ່ມາການກິນຂະໜົມ "ຢວນຊ່ຽວ" ຫຼືຂະໜົມບົວລອຍນິລະຖືວ່າເປັນບຸນປະເພນີອັນສຳຄັນອັນໜຶ່ງຂອງຢວນຊ່ຽວ, ໃນສະໄໝລາຊະວົງ ຊົ້ງ ປະຊາຊົນນິຍົມກັນກິນຂະໜົມຊະນິດໜຶ່ງໃນມື້ບຸນມັນຈະເປັນຮູບວົງມົນ ເຮັດດ້ວຍແປ້ງເຂົ້າໜຽວທາງໃນມີໄສ້ຫວານ, ພາກເໜືອຈີນເອີ້ນວ່າ: " ຢວນຊ່ຽວ " ສ່ວນພາກໃຕ້ເອີ້ນວ່າ " ທັງຢວນ " ຫຼື " ທັງຖວນ " ມາຮອດດຽວນີ້ໄສ້ຂອງຂະໜົມບົວລອຍມີຫຼາຍ 10 ຊະນິດເຊັ່ນ: ຖົ່ວແດງ, ງາ, ເນີຍ ແລະອື່ນໆ. ຊັອກໂກລາກະຍັງມີຂະໜົມບົວລອຍໃນເຂດແຂວງທີ່ຕ່າງກັນ ລົດຊາດກໍ່ຕ່າງກັນໄປ! ຄືນນີ້ນິຢູ່ຈີນນອກຈາກຈະຫ້ອຍໂຄມໄຟງາມໆເຕັມໄປໝົດກິນຂະໜົມບົວລອຍແລ້ວກໍ່ຍັງມີຫຼາຍກິດຈະກຳຕື່ມໄດ໋ ບໍ່ວ່າການຟ້ອນຕໍ່ໄມ້ຕໍ່ຂາ, ໄມ້ໂຢກເຢກ, ຟ້ອນວີ, ເຊີດສິງໂຕແລະອື່ນໆອີກ, ການເຊີດສິງໂຕນິແບ່ງອອກເປັນສຳນັກໃຕ້ກັບສຳນັກເໜືອອີກໄດ໋ທ່ານຜູ້ຟັງ! ການເຊີດການຍົກສຳນັກໃຕ້ເນັ້ນອະລິຍະບົດທ່າທາງການເຄື່ອນໄຫວການກະໂດດເຕັ້ນຫ້າວວ່ອງໄວຄ່ອງແຄ້ວ ສ່ວນຫຼາຍໃຊ້ 2 ຄົນເຊີດ ແຕ່ຂອງສຳນັກເໜືອເນັ້ນຄວາມສະຫງ່າຜ່າເຜີຍ ຕາມປົກກະຕິຈະມີ 10 ຫຼືຫຼາຍ 10 ຄົນເຊີດ ມີດົນຕີພື້ນເມືອງຈີນປະກອບໃສ່ບໍ່ວ່າຈະເປັນກ້ອງໃຫຍ່ ແຊ່ງນ້ອຍໃຫຍ່ດັງອຶກກະທຶກປະກອບການສະແດງສ້າງຄວາມຕື່ນຕາຕື່ນໃຈໃຫ້ຜູ້ໄດ້ເບິ່ງໄດ້ຊົມຫຼາຍແລ້ວ, 2-3 ມື້ຜ່ານມານີ້ຢູ່ຈີນແນ່ນອນລະຮ້ານຂາຍຂະໜົມບົວລອຍມື້ນີ້ລູກຄ້າບໍ່ຂາດແລ້ວເບິ່ງຮູບຢູ່ເວັບໄຊຂ່າວສານຊິນຫົວມື້ເຊົ້ານີ້ຢູ່ປັກກິ່ງຕາມຮ້ານຄ້າຢູ່ປັກກິ່ງຄົນຈີນລຽນແຖວຍາວເພື່ອຊື້ຂະໜົມບົວລອຍມາຕົ້ມສູ່ຄົນໃນຄອບຄົວກິນໃນຄືນນີ້! ຟັງເພງອີກກ່ອນເນາະແລ້ວຈະເວົ້າສູ່ຟັງວ່າອາກາດຢູ່ຈີນຕ້ອນຮັບບຸນໂຄມໄຟຫຼືບຸນຂະໜົມບົວລອຍໃນຄືນນີ້ເປັນແນວໃດ?
ເພງ
ຂໍຂອບໃຈ………..ເວົ້າເຖິງດິນຟ້າອາກາດແລ້ວຢູ່ຈີນຍາມນີ້ກໍ່ແມ່ນຍາມໜາວຢູ່ແລ້ວໄລຍະບຸນກຸດຈີນແຫ່ງໜາວແຕ່ວ່າມາມື້ນີ້ກໍ່ບໍ່ແມ່ນແຕ່ຄືນນີ້ດັອກແຕ່ແລງວານນີ້ພຸ້ນມາແລະຈະແກ່ຍາວໄປຮອດເຊົ້າມື້ອື່ນອາກາດຢູ່ຈີນໜາວຂະໜາດ, ຢູ່ປັກກິ່ງທ່ານຜູ້ຟັງຄິດເບິ່ງອຸນຫະພູມສູງສຸດມີແຕ່ -1 ຫຼື -2 ອົງສາທໍ່ນັ້ນ, ຕ່ຳສຸດກໍ່ -9 ຫຼື -10 ອົງສາພຸ້ນແລ້ວແຕ່ວ່າໄລຍະນີ້ມີແສງແດດດີໄດ໋ລະ! ແຕ່ວ່າຂໍເຕືອນເດີ້ວ່າໃຜຢາກໄປປັກກິ່ງຕື່ນເຊົ້າມັນໜາວນິຄັນເຫັນແສງແດດສົດໃສຢ່າໄປນຸ່ງເຄື່ອງໜ້ອຍໄດ໋ໄຂ້ແຕກແທ້້ໄດ໋! ແດດປັກກິ່ງບໍ່ຄືແດດວຽງຈັນໄດ໋ເພິ່ງແກ້ໜາວບໍ່ໄດ້ດັອກ. 3 ມື້ນິນະຄືແຕ່ວັນອາທິດວານນີ້, ມື້ນີ້ວັນຈັນທີ່ເປັນມື້ບຸນໂຄມໄຟຂອງຄົນຈີນແລະມື້ອື່ນວັນອັງຄານ, ກົມອຸດຕຸນິຍົມຂອງຈີນບອກວ່າ: ອາກາດໜາວປົກຄຸມໄປເກືອບທົ່ວທຸກພາກຂອງປະເທດຍ້ອນລົມໜາວຈາກພາກເໜືອ. ລະດັບການເຕືອນຄວາມໝາວຂອງຈີນມີ 4 ລະດັບແຕ່ລະໜາວສຸດຕ່ຳສຸດແມ່ນສີຟ້ານິລະ! ເພິ່ນວ່າແຕ່ລະພາກອຸນຫະພູມຈະຫຼຸດລົງແຕ່ 6-8 ອົງສາພຸ້ນນະ! ສະເພາະເຂດປົກຄອງຕົນເອງມົງໂກນໃນກັບພາກເໜືອຂອງຈີນອາດຫຼຸດລົງຕັ້ງວ່າ 14 ອົງສາພຸ້ນນະ! ແລະຫຼາຍບ່ອນກໍ່ມີຫິມະຕົກຫຼາຍໂດຍສະເພາະແຕ່ມື້ວານນີ້ມາເພິ່ນວ່າຢູ່ບັນດາເຂດແຂວງພາກເໜືອຂອງຈີນກໍ່ຈະມີຫິມະຕົກຕື່ມອີກ! ທ່ານຜູ້ຟັງທ່ານໃດຈະໄປປັກກິ່ງຫຼືເມືອງອື່ນໆຂອງຈີນໃນໄລຍະນີ້ກໍ່ກຽມເຄື່ອງນຸ່ງໃຫ້ຫຼາຍໆນິລະ! ເອົາກ້ອງຖ່າຍຮູບໄປນຳແດ່ຄັນມີອາດຈະໄດ້ຖ່າຍຮູບກັບຫິມະຂາວໜຸ້ມງາມໆມາອ້າງໝູ່ໄດ໋! ເອົາ, ຄືນນີ້ວັນຈັນທີ 6 ກຸມພາຄັນແມ່ນຕາມຈັນທະຄະຈີນກໍ່ແມ່ນມື້ເພງ 15 ຄ່ຳເດືອນຈຽງເປັນມື້ບຸນ " ຢວນຊ່ຽວ " ບຸນໂຄມໄຟຫຼືບຸນຂະໜົມບົວລອຍກໍ່ແລ້ວແຕ່ຊິເອີ້ນ! ກໍ່ຖືວ່າແມ່ນມື້ສຸດທ້າຍແທ້ໆຂອງການຫຼິ້ນບຸນກຸດຈີນຂອງຄົນຈີນແລະຄົນຕ່າງປະເທດເຊື້ອສາຍຈີນທີ່ເລີ່ມມາແຕ່ວັນທີ 23 ເດືອນແລ້ວນີ້ລວມແລ້ວ 15 ມື້ເຕັມໆມ່ວນຊື່ນກັນຢ່າງເຕັມທີ່! ອັນນີ້ສຳລັບຄົນຈີນເນາະແຕ່ສຳລັບຄົນລາວອີກ 72 ມື້ກໍ່ຮອດບຸນປີໃໝ່ລາວຊິໄດ້ປຽກກັນແລ້ວເດ່ນິນະ! ປີນີ້ມື້ທຳອິດມື້ສັງຂານລ່ວງແມ່ນຖືກວັນສຸກທີ 14 ເມສາ, ວັນທີ 15 ວັນເສົາແມ່ນມື້ເນົາ, ທີ 16 ວັນອາທິດແມ່ນມື້ສັງຂານຂື້ນ! ຄັນເປັນແນວນີ້ກະຊິໄດພັກທົດແທນ 2 ມື້ລວມເປັນ 5 ມື້ພຸ້ນແລ້ວ, ກະບໍ່ຮູ້ເທື່ອວ່າລັດຖະບານລາວເພິ່ນຈະໃຫ້ພັກຜ່ອນຫຼືຫຼັງວັນເສົາວັນທິດ, ບຸນກຸດຈີນຄົນຈີນກໍ່ມ່ວນຊື່ນສະຫຼອງກັນຢ່າງເຕັມທີ່, ບຸນປີໃໝ່ລາວຄົນລາວກໍ່ມ່ວນຊື່ນສະຫຼອງຢ່າງເຕັມທີ່ຄືກັນທັງປຽກທັງມ່ວນບາງຄົນກໍ່ມັງເມົາ! ເວົ້າກັນໄດ້ແຕ່ໄກເນາະ ເຮັດແນວໃດກໍ່ຂໍນຳຢ່າລືມຄວາມໝາຍຈຸດປະສົງແທ້ໆຂອງບຸນປີໃໝ່ລາວທີ່ປູ່ຍ່າຕາຍາຍເພິ່ນພາເຮັດມາຫຼາຍຮ້ອຍປີເພິ່ນພາເຮັດແນວໃດ? ພໍ່ຕູ້ແມ່ຕູ້ ອ້າຍເອື້ອຍລຸງປ້ານ້າອາລູກຫຼານສືບທອດແດ່! ເພາະວ່າຄວາມໝາຍມັນບໍແມ່ນແຕ່ຫົດນ້ຳກັນຈົນມືນຫູມືນຕາບໍ່ໄດ້ໄດ໋ ມັນຍັງມີຫຼາຍພິທີຫຼາຍກິດຈະກຳທີ່ດີທີ່ເປັນສິຣິມຸງຄຸນເພື່ອຕ້ອນຮັບປີໃໝ່ໃນມື້ສັງຂານຂື້ນ, ລະກະເປັນຫ່ວງຫຼາຍກິນເຫຼົ້າສະຫຼອງກັນຈົນບໍ່ຈື່ໜ້າກັນຈົນບໍ່ມີສະຕິສະຕັງແລ້ວຂັບລົດຈັກໃຫຍ່ຫັ້ນນ່າ! ແຕ່ລະປີ 6-7 ມື້ປີໃໝ່ອຸປະຕິເຫດຫຼາຍແທ້ໆຈັກຜູ້ເຈັບຜູ້ຕາຍກໍ່ມີຫຼາຍ! ເຕືອນໂຕເອງເຕືອນລູກເຕືອນຫຼານໄວແຕ່ໄກໆສະເນາະ
ເພງ
ຈົບ
