ໜຶ່ງຄອບຄົວ ສອງບ່ອນຢູ່
(GMT+08:00) 2012-02-22 16:29:59 cri
ສະບາຍດີມິດລາຍການເບິ່ງເມືອງຈີນທຸກທ່ານ! ເບິ່ງເມືອງຈີນມາອີກແລ້ວ! 19 ໂມງບໍ່ເຄີຍພາດໄດ້ຍິນດົນຕີຈີນມ່ວນອອນຊອນແນວນີ້ພ້ອມກັບສຽງຂອງໜຸ່ມໃຫຍ່ອາລົມດີໂລດ! ອາກາດເດືອນມັງກອນແນວນີ້ຢູ່ວຽງຈັນບໍ່ຄືຢູ່ພາກເໜືອໄດເນາະທ່ານຜູ້ຟັງ! ຢູ່ອຸດົມໄຊ, ຫຼວງນ້ຳທາ, ຜົ້ງສາລີ, ຊຽງຂວາງ, ຫົວພັນ ໜາວຫຼາຍເກືອບທຸກມື້ໄດເນາະ! ແຕ່ວ່າຢູ່ວຽງນີ້ຕິບາງມື້ໜາວບາງມື້ຮ້ອນ ປ່ຽນໄປປ່ຽນມາຢູ່ຈັ່ງຊີ້ຄົນເຮົາເປັນຫວັດເປັນໄອໄດ້ງ່າຍໄດເນາະ! ເອົາ, ດີແທ້ກະຕິດຕາມຂ່າວພະຍາກອນອາກາດນຳວິທະຍຸຫຼືໂທລະພາບແຫ່ງຊາດກະດີເດີ! ເພື່ອຈະໄດ້ກຽມເຄື່ອງນຸ່ງໃຫ້ເໝາະສົມໃນມື້ຕໍ່ໄປ! ສົມມຸດມື້ນີ້ນຸ່ງເສື້ອແຂນສັ້ນອອກເຮືອນສະບາຍ, ແຕ່ມື້ຕໍ່ມານຸ່ງເຄື່ອງຄືເກົ່າຟາດທັງບົດທັງໜາວທັງລົມອີກໄຂ້ແຕກຍ້ອນເກາະເນາະ! ເອົາ, ເປັນຫ່ວງນຳສຸຂະພາບຮ່າງກາຍຂອງທ່ານຜູ້ຟັງບໍ່ວ່າຈະເປັນຄົນລາວຫຼືຄົນຈີນ! ໂດຍສະເພາະຄົນຈີນ ຫຼື ຄົນລາວເຊື້ອສາຍຈີນໄລຍະນີ້ຄັນຮັກສາສຸຂະພາບຮ່າງກາຍບໍ່ດີມາເປັນພະຍາດບາດເຍົາໃສ່ໃນຍາມນີ້ບໍ່ມ່ວນເດີ້ ບໍ່ໄດ້ສະຫຼອງກຸດຈີນໃຫ້ສົມໃຈໄດ໋! ປີໜຶ່ງມີເທື່ອດຽວໄດເນາະ! ສຳລັບຄືນນີ້ໜຸ່ມໃຫຍ່ກໍຈະມາເວົ້າເລື່ອງປີໃໝ່ກຸດຈີນທີ່ຈະມາຮອດນິລະ! ຄືນນີ້ເອົາຄວາມຮູ້ສຶກຂອງແຮງງານເຄື່ອນຍ້າຍຂອງຈີນທີ່ເດີນທາງກັບບ້ານມາເວົ້າສູ່ຟັງວ່າເຂົາເຈົ້າມີຄວາມຮູ້ສຶກແນວໃດ? ທີ່ຈະໄດ້ກັບໄປເຕົ້າໂຮມກັບຄອບຄົວເພື່ອສະຫຼອງປີໃໝ່
ເພງ
ຜ່ານໄປ2ເພງຈາກລາຍການເບິ່ງເມືອງຈີນຖ້າທ່ານໃດມີຄຳຄິດຄຳເຫັນກໍສາມາດໂທເຂົ້າມາໄດ້ທີ່ເບີ 711477 ຫຼືຂໍ້ຄວາມສັ້ນກໍແມ່ນ 9300ບັດນີ້ເຂົ້າສູ່ເລື່ອງລາວຄືນນີ້ເນາະ! ຄັນມິດລາຍການທ່ານໃດຕິດຕາມຂ່າວຄາວຂອງຈີນກໍຄືຊິຮູ້ດີວ່ານັບແຕ່ຈີນນຳໃຊ້ນະໂຍບາຍປະຕິຮູບແລະໄຂປະຕູສູ່ພາຍນອກມາໄດ້ 30ປີນີ້ເສດຖະກິດຈີນໄປໄວຫຼາຍໂດຍສະເພາະ 10 ປີຫຼັງມານີ້ແຫ່ງໄປແຫ່ງໄວຈົນໂລກງຶດງໍ້ພຸ້ນລະ! ອາຊີ, ອາຊຽນເຄີຍເກີດວິກິດການການເງິນ, ອາເມຣິກາ, ເອີຣົບ ກໍພວມປະເຊີນກັບວິກິດການເສດຖະກິດຢ່າງໜັກໜ່ວງຈົນຊິເງີຍຫົວບໍ່ຂື້ນແລ້ວ ແຕ່ຈີນກະພົບພຽງໜ້ອຍດຽວ ທັງຍັງໄດ້ຊ່ວຍປະເທດອື່ນຟື້ນຕົວໄວນຳອີກອັນນີ້ລະຄືຜົນສຳເລັດອັນຍິ່ງໃຫຍ່ຂອງເສດຖະກິດຈີນ. ແຕ່ທ່ານຜູ້ຟັງຮູ້ບໍ່ວ່າ ຢູ່ເບື້ອງຫຼັງຂອງຄວາມສຳເລັດ ຢູ່ເບື້ອງຫຼັງຂອງຄວາມຈະເລີນສີວິໄລ ເບື້ອງຫຼັງຂອງຕຶກອາຄານທີ່ຫຼູຫຼາງົດງາມສູງສຽບຟ້າ ຖະໜົນຫົນທາງກ້ວາງໃຫຍ່ໄດ້ໄຟຟ້ານ້ຳປະປະສິນຄ້າສົ່ງອອກໄດ້ມາດຕະຖານສາກົນແລະສິ່ງກໍ່ສ້າງອື່ນໆທີ່ຜຸດຂື້ນປານດອກເຫັດຢູ່ເມືອງໃຫຍ່ໆຂອງຈີນນັ້ນລ້ວນແຕ່ມີສ່ວນຮ່ວມຢ່າງຫຼວງຫຼາຍຂອງແຮງງານຊາວກະສິກອນທີ່ທັງທຸກຍາກທັງການສຶກສາຕ່ຳ, ເຂົາເຈົ້າເຫຼົ່ານີ້ຫຼາຍຮ້ອຍລ້ານຄົນລຸຫຼັ່ງເທເຂົ້າສູ່ຕົວເມືອງເພື່ອຫາວຽກເຮັດງານທຳ ແຕ່ຢູ່ເບື້ອງຫຼັງຢູ່ບ້ານເກີດເມືອງນອນຍັງມີພໍ່-ແມ່, ລູກເມຍ ຍາດຕິພີ່ນ້ອງລໍຖ້າຢູ່! ເມື່ອໃກ້າຈະຮອດກກຸດຈີນແນວນີ້ຈຶ່ງເກີດມີຄຳວ່າ " ມະຫະກຳການເດີນທາງກັບບ້ານທີ່ໃຫຍ່ທີ່ສຸດໃນໂລກກໍເກີດຂື້ນຢູ່ປະເທດຈີນ! ນອກຈາກກຳມະກອນ, ພະນັກງານຊາວຄ້າຂາຍແລ້ວກໍຍັງມີນັກຮຽນນັກສຶກສາອີກທີ່ລໍຄອຍວັນບຸນນີ້ເພື່ອເດີນທາງກັບບ້ານເກີດເພື່ອເຕົ້າໂຮມກັບຄອບຄົວເພື່ອສະຫຼອງປີໃໝ່! ເປັນເດືອນ 2ເດືອນມາແລ້ວທີ່ໄປໃສມາໃສກໍໄດ້ຍິນແຕ້ຜູ້ຄົນໃນຕົວເມືອງລົມກັນຖາມກັນແຕ່ເລື່ອງປີ້ລົດເມ ລົດໄຟຢູ່ໃສລາຄາຖືກ ຢູ່ໃສຊິມີ, ທາງອິນເຕີເນັດເດ ເວັບໃດຂາຍຖືກຈະໄດ້ຍິນຕະຫຼອດເພາະຄົນສ່ວນໃຫຍ່ທີ່ເດີນທາງກັບບ້ານແລ້ວຫຼືພວມຈະກັບແມ່ນຜູ້ທີ່ມີລາຍຮັບຕ່ຳ ເປັນຜູ້ມາໃຊ້ແຮງງານຢູ່ໃນຕົວເມືອງໃຫຍ່ ຕາມໂຮງຈັກໂຮງງານ ຕາມໂຄງການກໍ່ສ້າງຕ່າງໆ! ຟັງເພງ! ແລ້ວຈະນຳເອົາຄວາມຮູ້ສຶກບາງຄົນມາເວົ້າສູ່ຟັງ
ເພງ
ຂະນະນີ້..........................ບັດນີ້ຈະເອົາຄວາມຮູ້ສຶກຂອງກຳມະກອນແຮງງານເຄື່ອນຍ້າຍຈາກຊົນນະບົດຈີນທີ່ເຂົ້າມາເຮັດວຽກໃນຕົວເມືອງໃຫຍ່ມາເວົ້າສູ່ຟັງວ່າເຂົາເຈົ້າຄອງຄອຍໂອກາດນີ້ຫຼາຍຊ່ຳໃດ? ນັກຂ່າວຈີນໄດ້ໄປທີ່ສະຖານີລົດເມ " ຈີ້ນຢາງ " ທີ່ຄັບແຄແອອັດໄປດ້ວຍຜູ້ໂດຍສານໃນອາທິດຜ່ານມາ ຫຼຽວໄປໃສກໍເຫັນແຕ່ຜູ້ໂດຍສານທີ່ເປັນຄົນຕ່າງຖິ່ນ ທີ່ລໍຖ້າຂື້ນລົດຢ່າງໃຈຈົດໃຈຈໍ່! ນັກຂ່າວຈີນເລີຍເຂົ້າໄປລົມກັບທ້າວ ເລົ່າຢາງ ບ້ານຂອງລາວຢູ່ເຂດພູດອຍຕ່າງແຂວງພຸ້ນລະ! ລົດໄຟໄປບໍຮອດກໍເລີຍຊື້ປີ້ລົດເມ, ລາວວ່າລາວເປັນຊາວນາແຕ່ວ່ານາແຫ້ງແລ້ງໂພດຕົ້ນທຶນການຜະລິດກໍສູງ ຈົນຂາດທຶນແລ້ວກາຍເປັນໜີ້ລາວບໍ່ມີທາງເລືອກອື່ນກໍເລີຍຕັດສິນໃຈເຂົ້າມາເມືອງ " ເວິນໂຈ່ວ "ແຂວງ ເຈີ້ຈ່ຽງ ເພື່ອຫາວຽກເຮັດງານທຳເພື່ອສົ່ງເງິນໄປໃຫ້ຄອບຄົວ ເຖິງຈະຢູ່ໄກກັນກໍຍັງດີກ່ວາບໍ່ມີເງິນໄຊ້ໜີ້ ບໍ່ມີເງິນຈຸນເຈືອຄອບຄົວວ່າຊັ້ນ! ລາວເອົາປີ້ລົດເມໃຫ້ນັກຂ່າວເບິ່ງທັງເວົ້າວ່າ: " ພຽງແຕ່ຄິດວ່າຈະໄດ້ກັບບ້ານແລ້ວກໍມີຄວາມສຸກຂື້ນມາຢ່າງບອກບໍ່ຖືກ ເພາະວ່າມີຄົນທີ່ເຮົາຮັກລໍຖ້າຢູ່ບ້ານສະເໝີ " ລາວວ່າ: ແມ່ຂອງຂ້ອຍອາຍຸ 80 ປີແລ້ວຂອ້ຍຄິດຮອດແມ່ຫຼາຍເພາະວ່າເພິ່ນເຖົ້າຫຼ!ຍແລ້ວ ແລະປີໜ້າຂ້ອຍກໍຄືຊິບໍ່ໄດ້ໄປເຮັດວຽກຢູ່ໄກອີກແລ້ວເພາະເປັນຫ່ວງເພິ່ນ ຢາກເບິ່ງແຍງໃກ້ຊິດເພິ່ນ ຟັງແນວນີ້ກໍຮູ້ລະເນາະທ່ານຜູ້ຟັງວ່າຈີນກະຕັນຍູຮູ້ບຸນຄຸນພໍ່-ແມ່ ຫຼາຍຊ່ຳໃດ! ເມື່ອຮອດເວລາລົດເມຈະອອກແລ້ວ ທ້າວ ເຫຼົາຢາງ ກໍຫອບຫິ້ວພາຍມະລຸງຕຸງນັງຂື້ນລົດເມລາວວ່ານອກຈາກຂອງຝາກຂອງຕ້ອນເລັກໆນ້ອຍໆໃຫ້ກັບແມ່ກັບເມຍແລ້ວກໍຍັງມີເກີບອ່າວງາມ 3ຄູ່ທີ່ລາວທ້ອນເງິນຊື້ໄປຕ້ອນລູກໆໃນມື້ປີໃໝ່! ນີ້ເປັນແຮງງານເຄື່ອນຍ້າຍຜູ້ໜຶ່ງທທີ່ນັກຂ່າວຈີນໄດ້ເຫັນໄດ້ລົມນຳໄດ້ສຳຜັດຄວາມຮູ້ສຶກດີໃຈແລະຄອງຄອຍລົດເມຈະອອກນອກນັ້ນສະຖານີລົດເມກໍແອອັດໄປດ້ວຍຜູ້ໂດຍສານທີ່ມີຄວາມຮູ້ສຶກຄືກັບ ທ້າວ ເຫຼົາຢາງ ນິລະ! ເອົາ, ຟັງເພງກ່ອນເນາະແລ້ວຈຶ່ງລົມກັນຕໍ່
ເພງ
ຟັງເພງແລ້ວໜຸ່ມໃຫຍ່ຈະລົມສູ່ຟັງຕໍ່ກ່ຽວກັບຄວາມກະຕືລືລົ້ນ ຄວາມດີໃຈຄອງຄອຍຂອງກຳມະກອນ, ພະນັກງານລັດ-ເອກະຊົນ, ແມ່ຄ້າຊາວຂາຍ ຫຼື ນັກຮຽນນັກສຶກສາຈີນທີ່ພັດພາກຈາກຄອບຄົວ ພໍ່-ແມ່ ລູກ ຜົວ ເມຍ ແລ້ວຈະໄດ້ກັບບ້ານໄປເຕົ້າໂຮມຄອບຄົວສະຫຼອງບຸນກຸດຈີນທີ່ຈະມາຮອດນີ້! ຄອບຄົວແລ້ວແມ່ນຄຳສັບທີ່ມີຄຸນຄ່າຫຼາຍສຳລັບຄົນຈີນ ວັດທະນະທຳຈີນ ເພາະວ່າເຂົາເຈົ້າມີຄວາມເຊື່ອວ່າ: ຊີວິດຄົນກໍຄືກັບຕົ້ນໄມ້ ມັນຈະເຕີບໃຫຍ່ສູງເທົ່າໃດກໍບໍ່ສຳຄັນທໍ່ກັບຮາກທີ່ແຜ່ຍາວອອກໄປ ຄົນທີ່ຫຼົງລືມບັນພະບູລຸດ ກໍປຽບກັບຕົ້ນໄມ້ທີ່ບໍ່ມີຮາກ ຍາກທີ່ຈະຈະເລີນເຕີບໂຕງອກງາມ ແລະ ບຸນກຸດຈີນນີ້ກໍຖືວ່າເປັນຮີດຄອງປະເພນີທີ່ເກົ່າແກ່ຍາວນານມາແລ້ວຂອງຄົນຈີນທີ່ສະທ້ອນໃຫ້ເຫັນຄວາມຮັກ ຄວາມຜູກພັນຂອງຄອບຄົວທີ່ເປັນຮາກຖານຊີວິດແລະເຄີຍມີຄົນເວົ້າວ່າຫາກຄົນປະເທດອື່ນຢາກຮູ້ຈັກຄົນຈີນດີຄວນຈະເລີ່ມຕົ້ນຈາກບຸນກຸດຈີນນິລະ! ເປັນຫຍັງຈຶ່ງວ່າຊັ້ນ? ກໍຍ້ອນວ່າພິທີກຳ ພິທີການ ກິດຈະກຳຕ່າງໆທີ່ຈັດທີ່ມີໃນໄລຍະບຸນກຸດຈີນນີ້ ຈະສະທ້ອນໃຫ້ເຫັນປັດຊະຍາຂອງການຢູ່ຮ່ວມກັນຂອງຄອບຄົວຄົນຈີທ່າມກາງສັງຄົມທີ່ປ່ຽນແປງໄປຕາມການເວລາ ບໍ່ວ່າຈະເປັນການໃຊ້ຊີວິດຂອງຜູ້ຄົນສະພາບຕົວເມືອງລະບົບຄົມມະນາຄົມ ຫຼື ປະເພນີປະຕິບັດຕ່າງໆທີ່ມີການປັບແດ່ແລະບາງອັນກໍປ່ຽນຫຼາຍແຕ່ຈະເຖິງຢ່າງໃດກໍຕາມຄົນຕ່າງປະເທດຫຼືຄົນທີ່ບໍ່ແມ່ນຄົນຈີນສາມາດຮຽນຮູ້ຫົວໃຈຂອງຄົນຈີນໄດ້ໃນໄລຍະເວລາສັ້ນໆ 10 ມື້ນິລະວ່າຄົນຈີນມີຄວາມຮັກຄວາມຜູກພັນຕໍ່ຄອບຄົວໜ້ອຍຫຼາຍຊ່ຳໃດ? ມີນັກສຶກສາທີ່ເຂົ້າມາຮຽນໃນເມືອງຄົນໜຶ່ງເລົ່າປະສົບການຕອນເມືອຢາມບ້ານເທື່ອທຳອິດໃນໂອກາດບຸນກຸດຈີນສູ່ຟັງວ່າ: ຕອນນັ້ນລາວໄດ້ປີ້ຢືນເພາະປີ້ນັ່ງໝົດ ຊອກຊື້ໃສກໍບໍ່ມີ ລາວຈຶ່ງໄດ້ຢືນໄປຈົນເກືອບຕະຫຼອດທາງ ບໍ່ແມ່ນຢືນລ້າໆໄດ໋ ທາງຫຼັງກໍເປ້ຖົງໜັກຕັ້ງວ່າ 5 ກິໂລໄປນຳອີກດ້ວຍ ບາງເທື່ອກໍໄດ້ນັ່ງໜ້ອຍໜຶ່ງຂໍບຽດຜູ້ໂດຍສານຜູ້ອື່ນໆອີກ 3 ຄົນ ສຸດແສນທໍລະມານເພາະເດີນທາງຫຼາຍຮ້ອຍກິໂລແມັດແຕ່ປານນັ້ນບັນຍາກາດໃນລົດທີ່ທັງນັ່ງທັງຢືນນັ້ນບໍ່ມີໃຜຈົ່ມວ່າ ເພາະໃນໃຈຂອງທຸກຄົນຄິດວ່າ: ພວກເຮົາກຳລັງກັບບ້ານແລ້ວທຸກຄົນກໍມີຄວາມສຸກ, ກໍມີຫຼາຍຄົນຫຼາຄວາມຄິດທີ່ຢາກປັບຢາກປ່ຽນມື້ພັກຍາວນີ້ເພື່ອບໍ່ຢາກໃຫ້ຜູ້ໂດຍສານແອອັດຍັດຍຽດກັນຫຼາຍເພາະວ່າມັນມີບັນຫາຫຼາຍລົງທຶນສູງຜູ້ໂດຍສານກໍທໍລະມານຫຼືບາງເທື່ອມັນກໍບໍ່ມີຄວາມຈຳເປັນທີ່ຕ້ອງລຸລັ່ງທັງເທກັບຫັ້ນຈົນເປັນຄື້ນມະນຸດໃນຍາມບຸນກຸດຈີນແນວນີ້! ແຕ່ໃນຄວາມຄິດຄວາມເຊື່ອດ້ານວັດທະນະທຳແລ້ວຄົນຈີນຍັງສືບທອດທຳນຽມປະຕິບັດອັນເກົ່າແກ່ທີ່ໃຫ້ຄວາມສຳຄັນແກ່ " ຄອບຄົວ " ແລະຄວາມຜູກພັນກັບບ້ານຍິ່ງກ່ວາສິ່ງອື່ນໃດຢ່າງບໍ່ເຄີຍຈືດຈາງ ເຖິງການເດີນທາງຈະຍາກລຳບາກເທົ່າໃດກໍບໍ່ສົນໃຈ ຂໍແຕ່ໄດ້ກັບໄປເຕົ້າໂຮມກັບຄອບຄົວໃນຍາມກຸດຈີນກໍ່ດີໃຈແລ້ວ! ຟັງເພງອີກກ່ອນເນາະແລ້ວຈະເອົາເລື່ອງວີດີໂອສັ້ນ ຫຼື ຄຼິບວີດີໂອອັນໜຶ່ງທີ່ສ້າງຄວາມປະທັບໃຈໃຫ້ຄົນຈີນຫຼາຍລ້ານຄົນມາເວົ້າສູ້ຟັງກ່ຽວກັບການເດີນທາງກັບບ້ານໂອກາດບຸນກຸດຈີນນີ້ລະ!
ເພງ
ຂະນະນີ້................ ! ເອົາ, ບັດນີ້ຈະເອົາເລື່ອງຄຼິບວີດີໂອສັ້ນ 5ນາທີທີ່ມີຄົນ Post ຂື້ນເວັບໄຊວີດີໂອດັງຂອງຈີນ, ໂດຍໃສ່ຫົວຂໍ້ວ່າ: " 1 ຄອບຄົວ 2 ບ່ອນຢູ່ "ໂດຍເປັນພາບຂອງກຳມະກອນຊາຍຜູ້ໜຶ່ງຢືນໃກ້ສະຖານີລົດເມຍ້ອນຄວາມດີໃຈທີ່ຈະໄດ້ກັບບ້ານໄປຫາຄອບຄົວປີລະເທື່ອຍ້ອນຄວາມພັດພາກຈາກກັນເພື່ອມາສ້າງຊີວິດແລະອະນາຄົດ! ວີດີໂອສັ້ນນີ້ມີຄົນເອົາຂື້ນເວບໄຊດັ່ງນີ້ພຽງ 7 ຊົ່ວໂມງເທົ່ານັ້ນກໍມີຄົນກົດເຂົ້າໄປເບິ່ງເກືອບເຄີ່ງລ້າຍຄົນແລ້ວ ມາຮອດມື້ນີ້ກໍຄືຊິມີຫຼາຍລ້ານຄົນລະຕິ? ມັນເປັນຄຼິບສັ້ນໆແຕ່ມັນສະທ້ອນໃຫ້ເຫັນເຖິງຄວາມໂດດດ່ຽວຂອງການພັດພາກຈາກຄອບຄົວຍ້ອນຄວາມຈຳເປັນແລະຄວາມຄອງຄອຍທີ່ຈະໄດ້ພົບໜ້າພໍ້ຕາກັນພຽງແຕ່ປີລະເທື່ອໃນໂອກາດບຸນກຸດຈີນນີ້ເທົ່ານັ້ນມັນເລີຍສ້າງຄວາມສະເທືອນໃຈໃຫ້ຜູ້ທີ່ບີບເຂົ້າໄປເບິ່ງຫຼາຍ ນອກຈາກພາບຢືນໃຫ້ໃນມືຖືປີ້ລົດທີ່ເປັນປີ້ຢືນແລ້ວກຳມະກອນບາງຄົນກໍໄດ້ລະບາຍເຖິງຄວາມສຸກທີ່ຈະໄດ້ກັບບ້ານເຖິງຈະເປັນປີ້ຢືນກໍຕາມບາງຄົນກໍກ່າວຂອບໃຈນາຍຈ້າວງ ຂອບໃຈລັດຖະບານ ຂອບໃຈສື່ມວນຊົນ ທີ່ໃຫ້ຄວາມສົນໃຈຕໍ່ຊີວິດກຳມະກອນທຳມະດາຄືເຂົາເຈົ້າ, ບາງຄົນກໍວ່າຈະເປັນປີ້ນັ່ງປີ້ຢືນກໍໄດ້ເພາະຟ້າວເມືອບ້ານ ຂໍແຕ່ໄດ້ເມືອກໍສຸກໃຈແລ້ວວ່າຊັ້ນ! ກຳມະກອນຫຼືແຮງງານນເຄື່ອນຍ້າຍທີ່ມາເຮັດວຽກໃນເມືອງທຸກຄົນບອກວ່າຮູ້ສຶກຕື່ນເຕັ້ນຫຼາຍທີ່ຈະໄດ້ພົບຄອບຄົວທີ່ຢູ່ພ້ອມໜ້າພ້ອມຕາແລະດີໃຈຫຼາຍທີ່ຈະໄດ້ເອົາເງິນທີ່ທ້ອນຈາກຢາດເຫື່ອແຮງງານເຮັດວຽກໜັກໄປໃຫ້ຄອບຄົວທີ່ເຂົາເຈົ້າຮັກແລະກຳລັງລໍຄອຍເຂົາເຈົ້າຢູ່. ຟັງແລ້ວໜຸ່ມໃຫຍ່ບໍ່ໄດ້ເປັນແນວນັ້ນກໍຮູ້ສຶກຕື່ນຕັນໃຈສະທ້ອນອາລົມຫຼາຍຄືກັນ! ຫວ່າງບໍ່ດົນມານີ້ສຳນັກຂ່າວຊິນຮວາກໍໄດ້ອອກຂ່າວການຈັດກິດຈະກຳ " 1 ຄອບຄົວ 2ບ່ອນຢູ່ " ຢູ່ຄືກັນເພື່ອສະທ້ອນໃຫ້ເຫັນປະກົດການຂອງສັງຄົມກ່ຽວກັບແຮງງານເຄື່ອນຍ້າຍຈາກຊົນນະບົດເຂົ້າມາເຮັດວຽກໃນເມືອງຫຼາຍຮ້ອຍລ້ານຄົນ ແລ້ວຈີນປະຈຸບັນນີ້ກໍມີເດັກນ້ອຍປະມານ 58 ລ້ານຄົນພຸ້ນໄດ ທີ່ຕ້ອງໄດ້ຢູ່ກັບພໍ່ຕູ້ແມ່ຕູ້ຫຼືຍາດພີ່ນ້ອງຍ້ອນພໍ່ແມ່ຕ້ອງເຂົ້າໄປເຮັດວຽກຫາເງິນໃນຕົວເມືອງທີ່ຫ່າງໄກ! ເອົາ, ຟັງລາຍການຄືນນີ້ແລ້ວກໍຄິດວ່າມິດລາຍການທຸກທ່ານຈະໄດ້ຮັບຮູ້ຄວາມສຳຄັນຂອງຄຳວ່າ " ຄອບຄົວ " ແລະຄຳວ່າ " ບ້ານ " ວ່າມັນສຳຄັນຕໍ່ຊີວິດຂອງຄົນຈີນຊ່ຳໃດ? ໂດຍສະເພາະໂອກາດບຸນກຸດຈີນທີ່ຈະມາເຖິງນີ້!
ຈົບ
ເພງ
ຜ່ານໄປ2ເພງຈາກລາຍການເບິ່ງເມືອງຈີນຖ້າທ່ານໃດມີຄຳຄິດຄຳເຫັນກໍສາມາດໂທເຂົ້າມາໄດ້ທີ່ເບີ 711477 ຫຼືຂໍ້ຄວາມສັ້ນກໍແມ່ນ 9300ບັດນີ້ເຂົ້າສູ່ເລື່ອງລາວຄືນນີ້ເນາະ! ຄັນມິດລາຍການທ່ານໃດຕິດຕາມຂ່າວຄາວຂອງຈີນກໍຄືຊິຮູ້ດີວ່ານັບແຕ່ຈີນນຳໃຊ້ນະໂຍບາຍປະຕິຮູບແລະໄຂປະຕູສູ່ພາຍນອກມາໄດ້ 30ປີນີ້ເສດຖະກິດຈີນໄປໄວຫຼາຍໂດຍສະເພາະ 10 ປີຫຼັງມານີ້ແຫ່ງໄປແຫ່ງໄວຈົນໂລກງຶດງໍ້ພຸ້ນລະ! ອາຊີ, ອາຊຽນເຄີຍເກີດວິກິດການການເງິນ, ອາເມຣິກາ, ເອີຣົບ ກໍພວມປະເຊີນກັບວິກິດການເສດຖະກິດຢ່າງໜັກໜ່ວງຈົນຊິເງີຍຫົວບໍ່ຂື້ນແລ້ວ ແຕ່ຈີນກະພົບພຽງໜ້ອຍດຽວ ທັງຍັງໄດ້ຊ່ວຍປະເທດອື່ນຟື້ນຕົວໄວນຳອີກອັນນີ້ລະຄືຜົນສຳເລັດອັນຍິ່ງໃຫຍ່ຂອງເສດຖະກິດຈີນ. ແຕ່ທ່ານຜູ້ຟັງຮູ້ບໍ່ວ່າ ຢູ່ເບື້ອງຫຼັງຂອງຄວາມສຳເລັດ ຢູ່ເບື້ອງຫຼັງຂອງຄວາມຈະເລີນສີວິໄລ ເບື້ອງຫຼັງຂອງຕຶກອາຄານທີ່ຫຼູຫຼາງົດງາມສູງສຽບຟ້າ ຖະໜົນຫົນທາງກ້ວາງໃຫຍ່ໄດ້ໄຟຟ້ານ້ຳປະປະສິນຄ້າສົ່ງອອກໄດ້ມາດຕະຖານສາກົນແລະສິ່ງກໍ່ສ້າງອື່ນໆທີ່ຜຸດຂື້ນປານດອກເຫັດຢູ່ເມືອງໃຫຍ່ໆຂອງຈີນນັ້ນລ້ວນແຕ່ມີສ່ວນຮ່ວມຢ່າງຫຼວງຫຼາຍຂອງແຮງງານຊາວກະສິກອນທີ່ທັງທຸກຍາກທັງການສຶກສາຕ່ຳ, ເຂົາເຈົ້າເຫຼົ່ານີ້ຫຼາຍຮ້ອຍລ້ານຄົນລຸຫຼັ່ງເທເຂົ້າສູ່ຕົວເມືອງເພື່ອຫາວຽກເຮັດງານທຳ ແຕ່ຢູ່ເບື້ອງຫຼັງຢູ່ບ້ານເກີດເມືອງນອນຍັງມີພໍ່-ແມ່, ລູກເມຍ ຍາດຕິພີ່ນ້ອງລໍຖ້າຢູ່! ເມື່ອໃກ້າຈະຮອດກກຸດຈີນແນວນີ້ຈຶ່ງເກີດມີຄຳວ່າ " ມະຫະກຳການເດີນທາງກັບບ້ານທີ່ໃຫຍ່ທີ່ສຸດໃນໂລກກໍເກີດຂື້ນຢູ່ປະເທດຈີນ! ນອກຈາກກຳມະກອນ, ພະນັກງານຊາວຄ້າຂາຍແລ້ວກໍຍັງມີນັກຮຽນນັກສຶກສາອີກທີ່ລໍຄອຍວັນບຸນນີ້ເພື່ອເດີນທາງກັບບ້ານເກີດເພື່ອເຕົ້າໂຮມກັບຄອບຄົວເພື່ອສະຫຼອງປີໃໝ່! ເປັນເດືອນ 2ເດືອນມາແລ້ວທີ່ໄປໃສມາໃສກໍໄດ້ຍິນແຕ້ຜູ້ຄົນໃນຕົວເມືອງລົມກັນຖາມກັນແຕ່ເລື່ອງປີ້ລົດເມ ລົດໄຟຢູ່ໃສລາຄາຖືກ ຢູ່ໃສຊິມີ, ທາງອິນເຕີເນັດເດ ເວັບໃດຂາຍຖືກຈະໄດ້ຍິນຕະຫຼອດເພາະຄົນສ່ວນໃຫຍ່ທີ່ເດີນທາງກັບບ້ານແລ້ວຫຼືພວມຈະກັບແມ່ນຜູ້ທີ່ມີລາຍຮັບຕ່ຳ ເປັນຜູ້ມາໃຊ້ແຮງງານຢູ່ໃນຕົວເມືອງໃຫຍ່ ຕາມໂຮງຈັກໂຮງງານ ຕາມໂຄງການກໍ່ສ້າງຕ່າງໆ! ຟັງເພງ! ແລ້ວຈະນຳເອົາຄວາມຮູ້ສຶກບາງຄົນມາເວົ້າສູ່ຟັງ
ເພງ
ຂະນະນີ້..........................ບັດນີ້ຈະເອົາຄວາມຮູ້ສຶກຂອງກຳມະກອນແຮງງານເຄື່ອນຍ້າຍຈາກຊົນນະບົດຈີນທີ່ເຂົ້າມາເຮັດວຽກໃນຕົວເມືອງໃຫຍ່ມາເວົ້າສູ່ຟັງວ່າເຂົາເຈົ້າຄອງຄອຍໂອກາດນີ້ຫຼາຍຊ່ຳໃດ? ນັກຂ່າວຈີນໄດ້ໄປທີ່ສະຖານີລົດເມ " ຈີ້ນຢາງ " ທີ່ຄັບແຄແອອັດໄປດ້ວຍຜູ້ໂດຍສານໃນອາທິດຜ່ານມາ ຫຼຽວໄປໃສກໍເຫັນແຕ່ຜູ້ໂດຍສານທີ່ເປັນຄົນຕ່າງຖິ່ນ ທີ່ລໍຖ້າຂື້ນລົດຢ່າງໃຈຈົດໃຈຈໍ່! ນັກຂ່າວຈີນເລີຍເຂົ້າໄປລົມກັບທ້າວ ເລົ່າຢາງ ບ້ານຂອງລາວຢູ່ເຂດພູດອຍຕ່າງແຂວງພຸ້ນລະ! ລົດໄຟໄປບໍຮອດກໍເລີຍຊື້ປີ້ລົດເມ, ລາວວ່າລາວເປັນຊາວນາແຕ່ວ່ານາແຫ້ງແລ້ງໂພດຕົ້ນທຶນການຜະລິດກໍສູງ ຈົນຂາດທຶນແລ້ວກາຍເປັນໜີ້ລາວບໍ່ມີທາງເລືອກອື່ນກໍເລີຍຕັດສິນໃຈເຂົ້າມາເມືອງ " ເວິນໂຈ່ວ "ແຂວງ ເຈີ້ຈ່ຽງ ເພື່ອຫາວຽກເຮັດງານທຳເພື່ອສົ່ງເງິນໄປໃຫ້ຄອບຄົວ ເຖິງຈະຢູ່ໄກກັນກໍຍັງດີກ່ວາບໍ່ມີເງິນໄຊ້ໜີ້ ບໍ່ມີເງິນຈຸນເຈືອຄອບຄົວວ່າຊັ້ນ! ລາວເອົາປີ້ລົດເມໃຫ້ນັກຂ່າວເບິ່ງທັງເວົ້າວ່າ: " ພຽງແຕ່ຄິດວ່າຈະໄດ້ກັບບ້ານແລ້ວກໍມີຄວາມສຸກຂື້ນມາຢ່າງບອກບໍ່ຖືກ ເພາະວ່າມີຄົນທີ່ເຮົາຮັກລໍຖ້າຢູ່ບ້ານສະເໝີ " ລາວວ່າ: ແມ່ຂອງຂ້ອຍອາຍຸ 80 ປີແລ້ວຂອ້ຍຄິດຮອດແມ່ຫຼາຍເພາະວ່າເພິ່ນເຖົ້າຫຼ!ຍແລ້ວ ແລະປີໜ້າຂ້ອຍກໍຄືຊິບໍ່ໄດ້ໄປເຮັດວຽກຢູ່ໄກອີກແລ້ວເພາະເປັນຫ່ວງເພິ່ນ ຢາກເບິ່ງແຍງໃກ້ຊິດເພິ່ນ ຟັງແນວນີ້ກໍຮູ້ລະເນາະທ່ານຜູ້ຟັງວ່າຈີນກະຕັນຍູຮູ້ບຸນຄຸນພໍ່-ແມ່ ຫຼາຍຊ່ຳໃດ! ເມື່ອຮອດເວລາລົດເມຈະອອກແລ້ວ ທ້າວ ເຫຼົາຢາງ ກໍຫອບຫິ້ວພາຍມະລຸງຕຸງນັງຂື້ນລົດເມລາວວ່ານອກຈາກຂອງຝາກຂອງຕ້ອນເລັກໆນ້ອຍໆໃຫ້ກັບແມ່ກັບເມຍແລ້ວກໍຍັງມີເກີບອ່າວງາມ 3ຄູ່ທີ່ລາວທ້ອນເງິນຊື້ໄປຕ້ອນລູກໆໃນມື້ປີໃໝ່! ນີ້ເປັນແຮງງານເຄື່ອນຍ້າຍຜູ້ໜຶ່ງທທີ່ນັກຂ່າວຈີນໄດ້ເຫັນໄດ້ລົມນຳໄດ້ສຳຜັດຄວາມຮູ້ສຶກດີໃຈແລະຄອງຄອຍລົດເມຈະອອກນອກນັ້ນສະຖານີລົດເມກໍແອອັດໄປດ້ວຍຜູ້ໂດຍສານທີ່ມີຄວາມຮູ້ສຶກຄືກັບ ທ້າວ ເຫຼົາຢາງ ນິລະ! ເອົາ, ຟັງເພງກ່ອນເນາະແລ້ວຈຶ່ງລົມກັນຕໍ່
ເພງ
ຟັງເພງແລ້ວໜຸ່ມໃຫຍ່ຈະລົມສູ່ຟັງຕໍ່ກ່ຽວກັບຄວາມກະຕືລືລົ້ນ ຄວາມດີໃຈຄອງຄອຍຂອງກຳມະກອນ, ພະນັກງານລັດ-ເອກະຊົນ, ແມ່ຄ້າຊາວຂາຍ ຫຼື ນັກຮຽນນັກສຶກສາຈີນທີ່ພັດພາກຈາກຄອບຄົວ ພໍ່-ແມ່ ລູກ ຜົວ ເມຍ ແລ້ວຈະໄດ້ກັບບ້ານໄປເຕົ້າໂຮມຄອບຄົວສະຫຼອງບຸນກຸດຈີນທີ່ຈະມາຮອດນີ້! ຄອບຄົວແລ້ວແມ່ນຄຳສັບທີ່ມີຄຸນຄ່າຫຼາຍສຳລັບຄົນຈີນ ວັດທະນະທຳຈີນ ເພາະວ່າເຂົາເຈົ້າມີຄວາມເຊື່ອວ່າ: ຊີວິດຄົນກໍຄືກັບຕົ້ນໄມ້ ມັນຈະເຕີບໃຫຍ່ສູງເທົ່າໃດກໍບໍ່ສຳຄັນທໍ່ກັບຮາກທີ່ແຜ່ຍາວອອກໄປ ຄົນທີ່ຫຼົງລືມບັນພະບູລຸດ ກໍປຽບກັບຕົ້ນໄມ້ທີ່ບໍ່ມີຮາກ ຍາກທີ່ຈະຈະເລີນເຕີບໂຕງອກງາມ ແລະ ບຸນກຸດຈີນນີ້ກໍຖືວ່າເປັນຮີດຄອງປະເພນີທີ່ເກົ່າແກ່ຍາວນານມາແລ້ວຂອງຄົນຈີນທີ່ສະທ້ອນໃຫ້ເຫັນຄວາມຮັກ ຄວາມຜູກພັນຂອງຄອບຄົວທີ່ເປັນຮາກຖານຊີວິດແລະເຄີຍມີຄົນເວົ້າວ່າຫາກຄົນປະເທດອື່ນຢາກຮູ້ຈັກຄົນຈີນດີຄວນຈະເລີ່ມຕົ້ນຈາກບຸນກຸດຈີນນິລະ! ເປັນຫຍັງຈຶ່ງວ່າຊັ້ນ? ກໍຍ້ອນວ່າພິທີກຳ ພິທີການ ກິດຈະກຳຕ່າງໆທີ່ຈັດທີ່ມີໃນໄລຍະບຸນກຸດຈີນນີ້ ຈະສະທ້ອນໃຫ້ເຫັນປັດຊະຍາຂອງການຢູ່ຮ່ວມກັນຂອງຄອບຄົວຄົນຈີທ່າມກາງສັງຄົມທີ່ປ່ຽນແປງໄປຕາມການເວລາ ບໍ່ວ່າຈະເປັນການໃຊ້ຊີວິດຂອງຜູ້ຄົນສະພາບຕົວເມືອງລະບົບຄົມມະນາຄົມ ຫຼື ປະເພນີປະຕິບັດຕ່າງໆທີ່ມີການປັບແດ່ແລະບາງອັນກໍປ່ຽນຫຼາຍແຕ່ຈະເຖິງຢ່າງໃດກໍຕາມຄົນຕ່າງປະເທດຫຼືຄົນທີ່ບໍ່ແມ່ນຄົນຈີນສາມາດຮຽນຮູ້ຫົວໃຈຂອງຄົນຈີນໄດ້ໃນໄລຍະເວລາສັ້ນໆ 10 ມື້ນິລະວ່າຄົນຈີນມີຄວາມຮັກຄວາມຜູກພັນຕໍ່ຄອບຄົວໜ້ອຍຫຼາຍຊ່ຳໃດ? ມີນັກສຶກສາທີ່ເຂົ້າມາຮຽນໃນເມືອງຄົນໜຶ່ງເລົ່າປະສົບການຕອນເມືອຢາມບ້ານເທື່ອທຳອິດໃນໂອກາດບຸນກຸດຈີນສູ່ຟັງວ່າ: ຕອນນັ້ນລາວໄດ້ປີ້ຢືນເພາະປີ້ນັ່ງໝົດ ຊອກຊື້ໃສກໍບໍ່ມີ ລາວຈຶ່ງໄດ້ຢືນໄປຈົນເກືອບຕະຫຼອດທາງ ບໍ່ແມ່ນຢືນລ້າໆໄດ໋ ທາງຫຼັງກໍເປ້ຖົງໜັກຕັ້ງວ່າ 5 ກິໂລໄປນຳອີກດ້ວຍ ບາງເທື່ອກໍໄດ້ນັ່ງໜ້ອຍໜຶ່ງຂໍບຽດຜູ້ໂດຍສານຜູ້ອື່ນໆອີກ 3 ຄົນ ສຸດແສນທໍລະມານເພາະເດີນທາງຫຼາຍຮ້ອຍກິໂລແມັດແຕ່ປານນັ້ນບັນຍາກາດໃນລົດທີ່ທັງນັ່ງທັງຢືນນັ້ນບໍ່ມີໃຜຈົ່ມວ່າ ເພາະໃນໃຈຂອງທຸກຄົນຄິດວ່າ: ພວກເຮົາກຳລັງກັບບ້ານແລ້ວທຸກຄົນກໍມີຄວາມສຸກ, ກໍມີຫຼາຍຄົນຫຼາຄວາມຄິດທີ່ຢາກປັບຢາກປ່ຽນມື້ພັກຍາວນີ້ເພື່ອບໍ່ຢາກໃຫ້ຜູ້ໂດຍສານແອອັດຍັດຍຽດກັນຫຼາຍເພາະວ່າມັນມີບັນຫາຫຼາຍລົງທຶນສູງຜູ້ໂດຍສານກໍທໍລະມານຫຼືບາງເທື່ອມັນກໍບໍ່ມີຄວາມຈຳເປັນທີ່ຕ້ອງລຸລັ່ງທັງເທກັບຫັ້ນຈົນເປັນຄື້ນມະນຸດໃນຍາມບຸນກຸດຈີນແນວນີ້! ແຕ່ໃນຄວາມຄິດຄວາມເຊື່ອດ້ານວັດທະນະທຳແລ້ວຄົນຈີນຍັງສືບທອດທຳນຽມປະຕິບັດອັນເກົ່າແກ່ທີ່ໃຫ້ຄວາມສຳຄັນແກ່ " ຄອບຄົວ " ແລະຄວາມຜູກພັນກັບບ້ານຍິ່ງກ່ວາສິ່ງອື່ນໃດຢ່າງບໍ່ເຄີຍຈືດຈາງ ເຖິງການເດີນທາງຈະຍາກລຳບາກເທົ່າໃດກໍບໍ່ສົນໃຈ ຂໍແຕ່ໄດ້ກັບໄປເຕົ້າໂຮມກັບຄອບຄົວໃນຍາມກຸດຈີນກໍ່ດີໃຈແລ້ວ! ຟັງເພງອີກກ່ອນເນາະແລ້ວຈະເອົາເລື່ອງວີດີໂອສັ້ນ ຫຼື ຄຼິບວີດີໂອອັນໜຶ່ງທີ່ສ້າງຄວາມປະທັບໃຈໃຫ້ຄົນຈີນຫຼາຍລ້ານຄົນມາເວົ້າສູ້ຟັງກ່ຽວກັບການເດີນທາງກັບບ້ານໂອກາດບຸນກຸດຈີນນີ້ລະ!
ເພງ
ຂະນະນີ້................ ! ເອົາ, ບັດນີ້ຈະເອົາເລື່ອງຄຼິບວີດີໂອສັ້ນ 5ນາທີທີ່ມີຄົນ Post ຂື້ນເວັບໄຊວີດີໂອດັງຂອງຈີນ, ໂດຍໃສ່ຫົວຂໍ້ວ່າ: " 1 ຄອບຄົວ 2 ບ່ອນຢູ່ "ໂດຍເປັນພາບຂອງກຳມະກອນຊາຍຜູ້ໜຶ່ງຢືນໃກ້ສະຖານີລົດເມຍ້ອນຄວາມດີໃຈທີ່ຈະໄດ້ກັບບ້ານໄປຫາຄອບຄົວປີລະເທື່ອຍ້ອນຄວາມພັດພາກຈາກກັນເພື່ອມາສ້າງຊີວິດແລະອະນາຄົດ! ວີດີໂອສັ້ນນີ້ມີຄົນເອົາຂື້ນເວບໄຊດັ່ງນີ້ພຽງ 7 ຊົ່ວໂມງເທົ່ານັ້ນກໍມີຄົນກົດເຂົ້າໄປເບິ່ງເກືອບເຄີ່ງລ້າຍຄົນແລ້ວ ມາຮອດມື້ນີ້ກໍຄືຊິມີຫຼາຍລ້ານຄົນລະຕິ? ມັນເປັນຄຼິບສັ້ນໆແຕ່ມັນສະທ້ອນໃຫ້ເຫັນເຖິງຄວາມໂດດດ່ຽວຂອງການພັດພາກຈາກຄອບຄົວຍ້ອນຄວາມຈຳເປັນແລະຄວາມຄອງຄອຍທີ່ຈະໄດ້ພົບໜ້າພໍ້ຕາກັນພຽງແຕ່ປີລະເທື່ອໃນໂອກາດບຸນກຸດຈີນນີ້ເທົ່ານັ້ນມັນເລີຍສ້າງຄວາມສະເທືອນໃຈໃຫ້ຜູ້ທີ່ບີບເຂົ້າໄປເບິ່ງຫຼາຍ ນອກຈາກພາບຢືນໃຫ້ໃນມືຖືປີ້ລົດທີ່ເປັນປີ້ຢືນແລ້ວກຳມະກອນບາງຄົນກໍໄດ້ລະບາຍເຖິງຄວາມສຸກທີ່ຈະໄດ້ກັບບ້ານເຖິງຈະເປັນປີ້ຢືນກໍຕາມບາງຄົນກໍກ່າວຂອບໃຈນາຍຈ້າວງ ຂອບໃຈລັດຖະບານ ຂອບໃຈສື່ມວນຊົນ ທີ່ໃຫ້ຄວາມສົນໃຈຕໍ່ຊີວິດກຳມະກອນທຳມະດາຄືເຂົາເຈົ້າ, ບາງຄົນກໍວ່າຈະເປັນປີ້ນັ່ງປີ້ຢືນກໍໄດ້ເພາະຟ້າວເມືອບ້ານ ຂໍແຕ່ໄດ້ເມືອກໍສຸກໃຈແລ້ວວ່າຊັ້ນ! ກຳມະກອນຫຼືແຮງງານນເຄື່ອນຍ້າຍທີ່ມາເຮັດວຽກໃນເມືອງທຸກຄົນບອກວ່າຮູ້ສຶກຕື່ນເຕັ້ນຫຼາຍທີ່ຈະໄດ້ພົບຄອບຄົວທີ່ຢູ່ພ້ອມໜ້າພ້ອມຕາແລະດີໃຈຫຼາຍທີ່ຈະໄດ້ເອົາເງິນທີ່ທ້ອນຈາກຢາດເຫື່ອແຮງງານເຮັດວຽກໜັກໄປໃຫ້ຄອບຄົວທີ່ເຂົາເຈົ້າຮັກແລະກຳລັງລໍຄອຍເຂົາເຈົ້າຢູ່. ຟັງແລ້ວໜຸ່ມໃຫຍ່ບໍ່ໄດ້ເປັນແນວນັ້ນກໍຮູ້ສຶກຕື່ນຕັນໃຈສະທ້ອນອາລົມຫຼາຍຄືກັນ! ຫວ່າງບໍ່ດົນມານີ້ສຳນັກຂ່າວຊິນຮວາກໍໄດ້ອອກຂ່າວການຈັດກິດຈະກຳ " 1 ຄອບຄົວ 2ບ່ອນຢູ່ " ຢູ່ຄືກັນເພື່ອສະທ້ອນໃຫ້ເຫັນປະກົດການຂອງສັງຄົມກ່ຽວກັບແຮງງານເຄື່ອນຍ້າຍຈາກຊົນນະບົດເຂົ້າມາເຮັດວຽກໃນເມືອງຫຼາຍຮ້ອຍລ້ານຄົນ ແລ້ວຈີນປະຈຸບັນນີ້ກໍມີເດັກນ້ອຍປະມານ 58 ລ້ານຄົນພຸ້ນໄດ ທີ່ຕ້ອງໄດ້ຢູ່ກັບພໍ່ຕູ້ແມ່ຕູ້ຫຼືຍາດພີ່ນ້ອງຍ້ອນພໍ່ແມ່ຕ້ອງເຂົ້າໄປເຮັດວຽກຫາເງິນໃນຕົວເມືອງທີ່ຫ່າງໄກ! ເອົາ, ຟັງລາຍການຄືນນີ້ແລ້ວກໍຄິດວ່າມິດລາຍການທຸກທ່ານຈະໄດ້ຮັບຮູ້ຄວາມສຳຄັນຂອງຄຳວ່າ " ຄອບຄົວ " ແລະຄຳວ່າ " ບ້ານ " ວ່າມັນສຳຄັນຕໍ່ຊີວິດຂອງຄົນຈີນຊ່ຳໃດ? ໂດຍສະເພາະໂອກາດບຸນກຸດຈີນທີ່ຈະມາເຖິງນີ້!
ຈົບ
