ວັນທີ 3 ມີນານີ້, ກອງປະຊຸມປະຈຳປີຂອງສະພາປຶກສາການເມືອງປະຊາຊົນແຫ່ງຊາດຈີນໄຂຂຶ້ນຢູ່ປັກກິ່ງ. ໃນງານຖະແຫຼງຂ່າວທີ່ຈັດຂຶ້ນໃນວັນທີ 2 ມີນານີ້, ທ່ານຈ້າວສີເຈິ້ງ, ໂຄສົກຂອງກອງປະຊຸມໄດ້ແຈ້ງສະພາບການທີ່ກ່ຽວຂ້ອງຂອງກອງປະຊຸມເທື່ອນີ້, ແລະໄດ້ຕອບຄຳຖາມຈຸດສຸມຂອງນັກຂ່າວກ່ຽວກັບການປະຕິຮູບລະບົບການເມືອງຂອງຈີນ, ການອະນຸລັກສິ່ງແວດລ້ອມແລະວິສາຫະກິດຈີນໄປລົງທຶນຢູ່ຕ່າງປະເທດເຫຼົ່ານີ້, ບໍ່ໄດ້ຫຼີກລ້ຽງຫຍັງເລີຍ, ລ້ວນແຕ່ໄດ້ໃຫ້ຄຳຕອບໂດຍກົງ. ທ່າທີເປີດເຜີຍແລະເຊື່ອໝັ້ນຕົນເອງທີ່ສະແດງອອກໃນການຕອບຄຳຖາມນັ້ນໄດ້ຮັບການຍ້ອງຍໍຈາກສື່ມວນຊົນຈີນແລະຕ່າງປະເທດຫຼາຍແຫ່ງ.
ໃນເວລາຕອບຄຳຖາມ, ທ່ານຈ້າວສີເຈິ້ງຊີ້ອອກວ່າ:
"ເລີ່ມແຕ່ປະຕິບັດການປະຕິຮູບເປີດປະຕູສູ່ພາຍນອກມານີ້, ການປະຕິຮູບລະບົບການເມືອງແລະການປະຕິຮູບເສດຖະກິດຂອງຈີນບໍ່ໄດ້ແຍກອອກຈາກກັນ, ຖ້າວ່າແຍກອອກຈາກກັນແລ້ວ, ການປະຕິຮູບເສດຖະກິດຈະບໍ່ສາມາດດຳເນີນໄປຢ່າງສະດວກໄດ້. ແຕ່ວ່າບໍ່ວ່າຈະປະຕິຮູບແນວໃດ, ກໍ່ຕ້ອງດຳເນີນພາຍໃຕ້ຂອບແຫ່ງການນຳພາຂອງພັກກອມມູນິດຈີນແລະສັງຄົມນິຍົມທີ່ມີສີສັນພິເສດຂອງຈີນ."
ສຳລັບກຳມະການສະພາປຶກສາການເມືອງແລ້ວ, ການສະເໜີຍັດຕິແມ່ນວິທີທີ່ເຂົາເຈົ້າປະຕິບັດໜ້າທີ່ຂອງຕົນທີ່ບັງເກີດຜົນທີ່ສຸດ. ທ່ານຈ້າວສີເຈິ້ງກ່າວວ່າ, ໃນກອງປະຊຸມປະຈຳປີເທື່ອນີ້, ບັນດາກຳມະການຂອງສະພາປຶກສາການເມືອງແຫ່ງຊາດຍັງມີຄວາມຫ້າວຫັນຫຼາຍໃນການເຂົ້າຮ່ວມການປົກຄອງແລະຫາລືວຽກບ້ານການເມືອງ."ທ່ານກ່າວວ່າ:
"ມາຮອດເວລາ 12 ໂມງວັນທີ 2 ມີນານີ້, ກອງເລຂາຂອງກອງປະຊຸມໄດ້ຮັບຍັດຕິ 792 ສະບັບແລະຮ່າງປະກອບຄຳເຫັນ 429 ສະບັບ."ທ່ານຈ້າວສີເຈິ້ງຍົກຕົວຢ່າງວ່າ, ໃນໜຶ່ງປີຜ່ານມານີ້, ຂໍ້ສະເໜີຂອງກຳມະການສະພາປຶກສາການເມືອງຫຼາຍທ່ານສະເໜີອອກ່ຽວກັບການຂຸກຍູ້ການຫັນເປັນຕົວເມືອງຢ່າງມີວິທະຍາສາດໄດ້ສະແດງອອກຢູ່"ແຜນການຊຸກຍູ້ການຫັນເປັນຕົວເມືອງພັດທະນາຢ່າງປອດໄສ(2011-2020)" ທີ່ຮ່າງໂດຍຄະນະກຳມະການພັດທະນາແລະປະຕິຮູບແຫ່ງລັດຈີນ.
© China Radio International.CRI. All Rights Reserved. 16A Shijingshan Road, Beijing, China. 100040 |