ຈັງຫວະການເໜັງຕີງຂອງອັດຕາແລກປ່ຽນເງິນຢວນຈີນສາມາດເພີ່ມຂຶ້ນຢ່າງເໝາະສົມ
ວັນທີ5ມີນານີ້, ໃນເວລາໃຫ້ສໍາພາດຕໍ່ນັກຂ່າວ, ທ່ານໂຈວຊ່ຽວຊວນ,ຜູ້ວ່າການທະນາຄານປະຊາຊົນຈີນເຊິ່ງເປັນທະນາຄານກາງຂອງຈີນກ່າວວ່າ, ອັດຕາແລກປ່ຽນຂອງເງິນຢວນຈີນໄດ້ມີເງື່ອນໄຂດ້ານການເໜັງຕີງ, ຈັງຫວະເໜັງຕີງສາມາດເພີ່ມຂຶ້ນຢ່າງເໝາະສົມ, ສາມາດສະແດງໃຫ້ເຫັນກົນໄກທີ່ການພົວພັນການສະໜອງກັບຄວາມຕ້ອງການຕັດສິນອັດຕາແລກປ່ຽນຫລາຍກວ່າເກົ່າ.
ຕົວເລກຂອງກົມສະຖິຕິແຫ່ງລັດຈີນສະແດງໃຫ້ເຫັນວ່າ, ອັດຕາແລກປ່ຽນລະຫວ່າງເງິນຢວນຈີນກັບໂດລາໄດ້ເພີ່ມຂຶ້ນ5,1%ໃນທ້າຍປີ2011,ເມື່ອທຽບໃສ່ທ້າຍປີ2010. ຕອນເຊົ້າວັນທີ5ມີນານີ້, ບົດລາຍງານວຽກງານລັດຖະບານທີ່ຍື່ນໃຫ້ພິຈາລະນາໃນວັນທີ5ມີນານີ້ຊີ້ອອກວ່າ, ຈະປັບປຸງກົນໄກອັດຕາແລກປ່ຽນຂອງເງິນຢວນຈີນໃຫ້ດີຂຶ້ນ, ເພີ່ມທະວີການເໜັງຕີງດ້ານອັດຕາແລກປ່ຽນຂອງເງິນຢວນຈີນ, ຮັກສາອັດຕາຄວາມໝັ້ນທ່ຽງໂດຍພື້ນຖານໃນລະດັບສົມເຫດສົມຜົນແລະດຸນດ່ຽງໃນອັດຕາແລກປ່ຽນຂອງເງິນຢວນຈີນ.
