ນັກວິຊາການກໍາປູເຈຍຕີລາຄາຢ່າງຕັ້ງໜ້າຕໍ່ບົດລາຍງານວຽກງານຂອງລັດຖະບານຈີນ
(GMT+08:00) 2012-03-06 18:54:04 cri
ຕາມຂ່າວCRI, ວັນທີ5ມີນານີ້, ທ່ານເວີນເຈ່ຍປ່າວ, ນາຍົກລັດຖະມົນຕີຈີນໄດ້ກ່າວລາຍງານວຽກງານຂອງລັດຖະບານໃນກອງປະຊຸມເທື່ອທີ5ຂອງສະພາປະຊາຊົນແຫ່ງຊາດຈີນຊຸດທີ11. ສໍາລັບເລື່ອງນີ້, ທ່ານຊຸມຮຸມບຸນ, ຮອງປະທານສະພາບັນດິດວິທະຍາສາດແຫ່ງລາຊະອານາຈັກກໍາປູເຈຍໄດ້ຕີລາຄາໃນລະດັບສູງ, ທ່ານຊຸມຮຸມບຸນໄດ້ກ່າວເຖິງການຖືເອົາການຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງແທ້ຈິງເປັນໜ້າທີ່ສໍາຄັນຂອງລັດຖະບານທີ່ສະໜີຢູ່ໃນບົດລາຍງານວຽກງານຂອງລັດຖະບານຈີນ, ມັນໄດ້ສ່ອງແສງໃຫ້ເຫັນທິດສະດີທີ່ "ຖືຄົນເປັນກົກ"ຂອງລັດຖະບານຈີນ, ຫວັງວ່າກໍາປູເຈຍຈະສາມາດຖອດຖອນໄດ້ບົດຮຽນອັນລໍ້າຄ່າໃນວຽກງານດ້ານນີ້ຈາກຈີນ.