ການສ້າງເຮືອນຢູ່ໃຫ້ຊາວລ້ຽງສັດແລະປະຊາຊົນໃນເມືອງຢູ່ເຂດປະສົບໄພແຜ່ນດິນໄຫວອີ້ຊູ້85,9%ສ້າງສຳເລັດແລ້ວ
(GMT+08:00) 2012-03-07 15:03:53 cri
ຄະນະຜູ້ແທນແຂວງຊີ່ງໄຮທີ່ເຂົ້າຮ່ວມກອງປະຊຸມເທື່ອທີ5ຂອງສະພາປະຊາຊົນແຫ່ງຊາດຈີນຊຸດທີ11ໄດ້ປະກາດກວ່າ, ນັບມາຮອດປີ2011, ເຮືອນຢູ່ຂອງຊາວລ້ຽງສັດແລະປະຊາຊົນໃນເມືອງທີ່ກິ່ງແຂວງປົກຄອງຕົນເອງເຜົ່າຕິເບດອີ້ຊູ້ຂອງແຂວງຊີ່ງໄຮທີ່ປະສົບໄພແຜ່ນດິນໄຫວມີ85,9%ໄດ້ສ້າງສາຄືນໃໝ່ຢ່າງສຳເລັດຜົນ.
ຂ່າວແຈ້ງວ່າ, ເລີ່ມແຕ່ດຳເນີນວຽກງານສ້າງສາຄືນໃໝ່ຫຼັງເກີດໄພແຜ່ນດິນໄຫວຢູ່ເຂດອີ້ຊູ້ໃນວັນທີ14ເດືອນເມສາປີ2010ເປັນຕົ້ນມາ, ໄດ້ເລີ່ມລົງມືກໍ່ສ້າງ843 ໂຄງການ, ແມ່ນ66%ຂອງໂຄງການທັງໝົດໃນແຜນການ, ແລະໄດ້ລົງທຶນ20ຕື້900ລ້ານຢວນ.
ໃນນັ້ນ, ເຮືອນຢູ່ໃນຕົວເມືອງແລະຊົນນະບົດໄດ້ສ້າງສຳເລັດແລ້ວ85,9%, ສ່ວນຫຼາຍແມ່ນຊາວກະສິກອນ, ຊາວລ້ຽງສັດແລະປະຊາຊົນໃນເມືອງຈຳນວນໜຶ່ງໄດ້ຍ້າຍເຂົ້າຢູ່ເຮືອນໃໝ່, ກຸຕິໄດ້ສ້າງສຳເລັດ96%. ໂຮງຮຽນຢູ່ເຂດປະສົບໄພສ່ວນຫຼາຍໄດ້ມີເງື່ອນໄຂນຳໃຊ້, ໂຮງໝໍ່ກຳລັງກໍ່ສ້າງຢູ່. ຢູ່ເມືອງເຈຍກູ, ເຊິ່ງເປັນທີ່ຕັ້ງຂອງອົງການປົກຄອງຂອງກິ່ງແຂວງນີ້, ໂຄງລ່າງຕ່າງໆ ເຊັ່ນການຄົມມະນາຄົມ, ລະບົບການສະໜອງນ້ຳແລະລະບົບລະບາຍນ້ຳ, ລະບົບກໍາຈັດຂີ້ເຫຍື້ອແລະອື່ນໆ ໄດ້ສ້າງສຳເລັດເປັນສ່ວນໃຫຍ່ແລ້ວ.