Ashlee Nicole Simpson ແລະ Jolin Tsai ( Cai Yi Lin )
(GMT+08:00) 2012-03-20 10:28:14 cri
ນ: ເຂົ້າມາໄລຍະນີ້ພວກເຮົາກໍ່ມີປະຫວັດຂອງນັກຮ້ອງສາວ ໜ້າໃສ ໃຈດີ ທີ່ປະສົບຜົນສຳເລັດສູງກັບການຜະລິດຜົນງານເພງອອກມາສູ່ຜູ້ຟັງທົ່ວອາເມຣິກາ ເຊິ່ງລວມໄປເຖິງການເປັນນັກສະແດງຄຸນນະພາບທີ່ຍາດມາໄດ້ຫລາຍລາງວັນຈາກການສະແດງ ທັງໃນລະຄອນໂທລະພາບ, ລະຄອນເວທີ ! ແລະປັດຈຸບັນໄດ້ພັດທະນາຄວາມສາມາດການສະແດງຂອງຕົນເອງໃຫ້ເປັນທີ່ຍອມຮັບໃນລະດັບ Hollywood ! ເຊິ່ງໜຶ່ງໃນນັ້ນກໍ່ມີເລື່ອງດັງ Chicago ທີ່ຮັບບົດບາດເປັນ Roxie Hart !
ລ: ແລະສິລະປິນສາວຄົນນີ້ເປັນໃຜໄປບໍ່ໄດ້ ນອກຈາກ Ashlee Nicole Simpson ຫລືເປັນທີ່ຮູ້ຈັກສັ້ນໆໃນນາມ Ashlee Simpson ນັກຮ້ອງ-ນັກສະແດງສາວຂອງເມືອງວາໂກ ລັດເທັກຊັດ ສະຫາລັດອາເມຣິກາ ! ທີ່ຍ່າງຕາຮອຍເອື້ອຍ Jessica Simpson ນັກຮ້ອງດັງອີກຄົນໜຶ່ງຂອງລັດດັງກ່າວ ທີ່ແຈ້ງເກີດກ່ອນທັງໃນວົງການເພງແລະການສະແດງ ! ນອກນັ້ນຍັງເປັນນັກອອກແບບເຄື່ອງແຕ່ງກາຍທີ່ມີຊື່ສຽງໃນວົງການແຟຊັນຂອງອາເມຣິການຳອີກ !
ນ: ຈຸດເລີ່ມຕົ້ນການເປັນນັກຮ້ອງຂອງAshlee, ກໍ່ມາຈາກການເປັນຄົນມັກເຕັ້ນມາແຕ່ນ້ອຍ ໂດຍໄດ້ເຂົ້າຮຽນຫລັກສູດພື້ນຖານການເຕັ້ນບາເລຕັ້ງແຕ່ຕອນອາຍຸໄດ້3ປີ ! ແລະພາຍຫລັງຈົບຫລັກສູດດັ່ງກ່າວ ກໍ່ໄດ້ເຂົ້າຮຽນຕໍ່ທີ່ໂຮງຮຽນສອນເຕັ້ນບາເລໃນລະ ດັບທີ່ສູງຂື້ນໃນນະຄອນຫລວງນິວຍອກ ສະຫາລັດອາເມຣິກາ ! ຈົນໃນທີ່ສຸດກໍ່ກາຍເປັນນັກເຕັ້ນບາເລມືອາຊີບ ແລະລອງຫັນມາຈັບໄມຮ້ອງເພງ ທີ່ເປັນອີກຄວາມຝັນໜຶ່ງຂອງສາວຄົນນີ້ !
(ເພງ)
ນ: Ashlee Simpson ນັກຮ້ອງດັງຈາກເມືອງວາໂກ ລັດເທັກຊັດ ສະຫາລັດອາເມຣິກາ ! ປັດຈຸບັນເປັນສາວໄວອາຍຸ28 ສັງກັດໃນຄ້າຍເພງGeffen Records ທີ່ເປັນເຄືອຂ່າຍຂອງຄ້າຍເພງແມ່ Universal Music Group ທີ່ສ້າງຕັ້ງຂື້ນໃນປີ1934 ! ໂດຍມີສຳໜັກງານໃຫຍ່ຕັ້ງຢູ່ເມືອງໃນເມືອງ Santa Monica ລັດແຄລິຟໍເນຍ !
ລ: ພາຍຫລັງທີ່ Ashlee ເຊັນສັນຍາກັບຄ້າຍເພງດັ່ງກ່າວໃນປີ2004 ກໍ່ໄດ້ມີການປ່ອຍອະລາບ້ຳເພງທຳອິດອອກມາ ໂດຍໃສ່ຊື່ວ່າ Autobiography ! ແລະຫລັງຈາກອະລາບ້ຳດັ່ງກ່າວອອກໄປສູ່ຜູ້ຟັງ ກໍ່ໄດ້ກາຍເປັນອະລາບ້ຳດັງອັນດັບ1ຢູ່ອາເມຣິກາ ! ໂດຍມີຍອດຂາຍໃນອາທິດທຳອິດທີ່ສູງເຖິງ 398,000ແຜ່ນ ! ແລະເປັນທີ່ມາຂອງລາງວັນອະລາບ້ຳດີເດັ່ນ ທີ່ມອບໂດຍສະມາຄົມອຸດສາຫະກຳເພງຂອງອາເມຣິກາ !
ນ: ເຊິ່ງປັດຈຸບັນ Ashlee Simpson ໄດ້ກາຍເປັນນັກຮ້ອງທີ່ມີແຟນເພງຢ່າງຫລວງຫລາຍໂດຍສະເພາະໃນອາເມຣິກາ ກັບຜົນງານເພງດັງທີ່ອອກມາທັງໝົດ4ອະລາບ້ຳ: Autobiography(2004), I Am Me(2005), Bittersweet World(2008) ແລະTBA(2012) ! ນອກນັ້ງຍັງມີຜົນງານການສະແດງຫລາຍເຖິງ 8ເລື່ອງ, ໃນນັ້ນກໍ່ມີເລື່ອງດັງ America's Next Top Model ທີ່ອອກສາຍລ່າສຸດໃນທ້າຍປີ2011ທີ່ຜ່ານມາ !
