ອາຫານລາວແຊບອີຫຼີ, ມີໄກ່ລາດ, ປາບູ່, ປາດຸກນາ, ປານ້ຳຂອງຫຼາຍໆຊະນິດ, ກຸ້ງເຕັ້ນ, ຫອຍ, ຜັກສົດປອດສານພິດ…ອະລຸນມັກຕົ້ມຍຳກຸ້ງຫຼາຍກວ່າ, ເພາະກິ່ນໝາກນາວມັນທັງສົ້ມທັງຫອມ, ໃສ່ໝາກເພັດໜ້ອຍໜຶ່ງ, ຫົວສີໄຄ ແລະເຄື່ອງຫອມອື່ນໆທີ່ອະລຸນບໍ່ຮູ້ຊື່, ໂອ້ຍ! ລົດຊາດແບບນີ້ ຄຶດວ່າຢູ່ເທິງສະຫວັນກໍບໍ່ມີດອກ, ດັ່ງນັ້ນຢູ່ໂລກມະນຸດເຮົາດີກວ່າ^_^
ດອກຊະນິດນີ້ງາມອີຫຼີ, ແຕ່ບໍ່ຮູ້ເອີ້ນວ່າດອກຫຍັງ
ໄປທ່ຽວລາວເທື່ອນັ້ນ, ໝູ່ໄດ້ພາອະລຸນໄປກິນເຂົ້າຢູ່ຟາມແຫ່ງໜຶ່ງທີ່ຫຼັກ 64. ມື້ນັ້ນ, ອະລຸນໄດ້ດື່ມເບຍລາວຫຼາຍໆຂວດ--ຄືວ່າອະລຸນບໍ່ເຄີຍດື່ມເບຍຫຼາຍປານນັ້ນຈັກເທື່ອ, ມື້ນັ້ນດື່ມຫຼາຍກໍຍ້ອນວ່າອາຫານແຊບ, ເບຍແຊບ, ສະພາບ ແວດລ້ອມດີງາມ ແລະນ້ຳໃຈອັນອົບອຸ່ນຈາກໝູ່ເພື່ອນ…
ຂອບໃຈນຳໄກ່ລາດໂຕນັ້ນແດ່ທີ່ໄດ້ເສຍສະຫຼະຂຶ້ນສະຫວັນເພື່ອໃຫ້ອະລຸນໄດ້ອິ່ມທ້ອງ^_^
ໝາກນາວຫອມ, ແຈ່ວກໍຫອມ, ປາກໍບໍ່ດ້ອຍໄກ່ລາດ
© China Radio International.CRI. All Rights Reserved. 16A Shijingshan Road, Beijing, China. 100040 |