二胡 ( Er Hu ) ຫຼື ຊໍສອງສາຍ
(GMT+08:00) 2012-03-30 10:17:46 cri
二胡 ( Er Hu ) ຫຼື ຊໍສອງສາຍ ເປັນເຄື່ອງດົນຕຼີ ອີກຊະນິດໜຶ່ງ ທີ່ຈັດເຂົ້າໃນປະເພດສາຍ ເປັນເຄື່ອງດົນຕຼີທີມີຮູບຊົງ ຄ້າຍຄືດັ່ງຄັນທະນູ ແລະ ມີເຕົ້າທີ່ເປັນຮູບ 6 ຫຼ່ຽມຢູ່ທາງດ້ານລຸ່ມ ທີ່ເຮັດດ້ວຍໜັງງູ ແລະ ໄມ້ເນື້ອແຂງ ປະກອບມີ 2 ສາຍ ທີ່ໃຫ້ຫຼາກຫຼາຍທຳນອງດົນຕຼີ
二胡 ( Er Hu ) ເປັນທີ່ຮູ້ຈັກກັນ ອີກຊື່ໜຶ່ງ ແມ່ນ ຊໍພາກໃຕ້ ແລະ ເປັນທີ່ຮູ້ຈັກ ກັນໃນສັງຄົມຕາເວັນຕົກ ທີ່ຊາວຕາເວັນຕົກ ໃຫ້ການຂະໜານນາມແກ່ ຊໍສອງສາຍຂອງຈີນ 二胡 ( Er Hu ) ວ່າ ໄວໂອລີນຈີນ
ເຄື່ອງດົນຕຼີຊະນິດນີ້ ນິຍົມນຳໃຊ້ ເຂົ້າໃນການບັນເລງ ໃນວົງດົນຕຼີ Orchestra ກຸ່ມນ້ອຍໃຫຍ່ຕ່າງໆ ແລະ ເປັນເຄື່ອງດົນຕຼີທີ່ໄດ້ຮັບຄວາມນິຍົມຫຼາຍໃນບັນດາຊົນເຜົ່າຕ່າງໆຂອງຈີນ ນິຍົມນຳມາປະຍຸກ ໃຫ້ເຂົ້າກັບດົນຕຼີຮ່ວມສະໄໝ ປະກອບທຳນອງໃສ່ໃນຫຼາກຫຼາຍແນວເພງ ເຊັ່ນ Pop Rock Jazz ແລະ ອື່ນໆ
二胡 ( Er Hu ) ເປັນເຄື່ອງດົນຕຼີ ທີ່ມີປະຫວັດການນຳໃຊ້ ໃນຈີນມີໄລຍະເວລາຍາວນານ ເຖິງພັນກວ່າປີ ແລະ ປັດຈຸນີ້ ເປັນເຄື່ອງດົນຕຼີອີກຊະນິດໜຶ່ງ ທີ່ໄດ້ຮັບຄວາມນະຍົມສູງ ແລະ ມີການຜະລິດໃນຫລາຍ ໂຮງງານ ທັງໃຫຍ່ ແລະ ນ້ອຍ ເຊັ່ນ ໃນປັກກິ່ງ ຊຽງໄຮ້ ແລະ ສູ່ໂຈ່ວ ເຊິ່ງລ້ວນແຕ່ໄດ້ຮັບການຜະລິດ ທີ່ມີຄຸນນະພາບຈາກບັນດາຊ່າງທີ່ຊຳນິຊຳນານ ແລະ ມີຄວາມຊ່ຽວຊານທາງດ້ານເຄື່ອງດົນຕຼີຊະນິດນີ້
