知足 ( Zhi Zhu ) Contented ຄວາມພໍໃຈ
(GMT+08:00) 2012-03-30 10:40:28 cri
ຜົນງານເພງຂອງສິລະປິນກຸ່ມ Wu Yue Tian ( Mayday ) ທີ່ ແນະນຳໃຫ້ພວກເຮົາຮູ້ຈັກຄວາມພຽງພໍ ແລະ ພໍໃຈກັບທຸກໆສິ່ງ ທີ່ໄດ້ປະສົບພົບພໍ້ຈາກການດຳລົງຊີວິດ ລວມໄປເຖິງເລື່ອງຄວາມຮັກ
ເນື້ອເພງໄດ້ພັນລະຍາເຖິງຄວາມປາຖະໜາ ໃນຫລາຍໆສິ່ງທີ່ເປັນໄປບໍ່ໄດ້ ເຊັ່ນວ່າ ເຮັດແນວໃດຈຶ່ງຈະໄດ້ເປັນເຈົ້າຂອງສາຍຮຸ້ງ ເຮັດແນວໃດຈຶ່ງຈະສາມາດໂອບກອດສາຍລົມເອົາໄວ້ ດາວໃນທ້ອງຟ້າຕ່າງກໍຍິ້ມໃຫ້ກັບຜູ້ຄົນ ທີ່ບໍ່ຮູ້ຈັກຄຳວ່າພຽງພໍ
ຖ້າຂ້ອຍຫລົງຮັກໃນຮອຍຍິ້ມຂອງເຈົ້າ ຈະຕ້ອງເຮັດແບບໃດຈຶ່ງຈະສາມາດເປັນເຈົ້າຂອງຮອຍຍິ້ມຂອງເຈົ້າ ຖ້າເຈົ້າມີຄວາມສຸກ ແຕ່ຫາກຄວາມສຸກນັ້ນ ບໍ່ໄດ້ມາຈາກຂ້ອຍ ເຮົາຄວນແຍກທາງກັນດີບໍ່ ຫລືວ່າຂ້ອຍນັ້ນຍັງຄົງມີຫວັງ ຫລື ຕ້ອງມີການປັບປ່ຽນຕົວເອງ
ແນມເຫັນວ່າວທີ່ຖືກສາຍລົມພັດປິວໄປສູ່ທ້ອງຟ້າ ຂ້ອຍຂໍພອນນາໆປະການໃຫ້ເຈົ້າໄດ້ພົບກັບຄວາມສຸກ ແຕ່ສຸດທ້າຍເຈົ້ານັ້ນກໍຈາກຂ້ອຍໄປໃນກຸ່ມຄົນທີ່ແອອັດ ເຮັດໃຫ້ຂ້ອຍສຳຜັດໄດ້ເຖິງຮອຍຍິ້ມ ທີ່ມີທັງຄວາມເຈັບປວດ
ເຫລືອໄວ້ພຽງຄວາມຊົງຈຳດີໆ ທີ່ເຈົ້າໄດ້ມອບໃຫ້ ໃນຄືນທີ່ສອງເຮົາຮ້ອງເພງຮ່ວມກັນທີ່ເນີນພູ ພຽງເທົ່ານີ້ຂ້ອຍກໍພໍໃຈ ແລະ ມີຄວາມສຸກ ກັບຊີວິດທີ່ຫງວ່ມເຫງົາໃນແຕ່ລະມື້
