Mama媽媽 - 吳建豪 ( Vanness Wu- F4 )
(GMT+08:00) 2012-03-30 11:03:38 cri
ຜົນງານເພງ ທີ່ເລົ່າເຖິງຄວາມຮັກ ທີ່ແມ່ມີຕໍ່ລູກ ເຊິ່ງເປັນຄວາມຮັກ ທີ່ໃຫ້ດ້ວຍຄວາມບໍລິສຸດໃຈ ແລະ ການເສຍສະລະ ໃນການເຮັດທຸກສິ່ງທຸກຢ່າງ ເພື່ອໃຫ້ຄອບຄົວ ແລະ ລູກມີຄວາມສຸກ
ນອກຈາກນັ້ນຍັງໄດ້ເລົ່າເຖິງຄວາມຮັກ ຄວາມຮູ້ບຸນຄຸນທີ່ລູກມີຕໍ່ແມ່ ເຖິງແມ່ນວ່າ ໃນເມື່ອຕອນທີ່ຍັງນ້ອຍ ລູກນັ້ນບໍ່ມັກຟັງຄວາມ ແລະ ມັກເຮັດໃຫ້ແມ່ນັ້ນເປັນຫວ່ງຢູ່ສະເໝີ ພ້ອມທັງມັກຜິດຖຽງກັນກັບແມ່ ແຕ່ຜູ້ເປັນແມ່ນັ້ນ ຮັບໄດ້ທຸກຢ່າງ ທີ່ລູກໄດ້ກະທຳລົງໄປ ເພາະແມ່ຄືຜູ້ທີ່ເອົາໃຈໃສເບິ່ງແຍງຄອບຄົວ
ບາງຄັ້ງທີ່ລູກໄດ້ກະທຳຜິດ ແລະ ສະແດງອາລົມທີ່ບໍ່ດີຕໍ່ກັບແມ່ ເຮັດໃຫ້ແມ່ເກີດຄວາມບໍ່ສະບາຍໃຈ ແລະ ຄິດກັງວົນໄປຕ່າງໆນາໆ ແຕ່ແມ່ນັ້ນຍັງຄົງມີຄວາມຮັກທີ່ບໍລິສຸດມອບໃຫ້ລູກສະເໝີ ແລະ ຄຳວ່າຮັກ ທີ່ອອກຈາກປາກແມ່ໃນແຕ່ລະຄັ້ງນັ້ນຄືຄຳຕອບທີ່ຍິ່ງໃຫຍ່ທີ່ສຸດຈາກໃຈຂອງແມ່
ຂໍໃຫ້ແມ່ ຈົ່ງພັກຜ່ອນ ແລະ ຢ່າຮ້ອງໃຫ້ເສຍໃຈອີກ ເພາະແມ່ນັ້ນໄດ້ຜ່ານຄວາມລຳບາກມາຫລາຍແລ້ວ ຈາກການເບິ່ງແຍງຄອບຄົວ ຈາກນີ້ໄປລູກຈະຂໍເບິ່ງແຍງດູແລແມ່ຜູ່ເປັນທີ່ຮັກຂອງລູກ ແລະ ຄອບຄົວໃຫ້ດີ ແລະ ລູກຂໍສັນຍາວ່າ ຈະບໍ່ເຮັດໃຫ້ແມ່ນັ້ນຜິດຫວັງ ແລະ ເສຍໃຈອີກຕໍ່ໄປ
