ເພງປະກອບລະຄອນ "ເຈົ້າພໍ່ຊຽງໄຮ"(ສຽງ)
"ເຈົ້າພໍ່ຊຽງໄຮ" ເປັນລະຄອນ TV ຂອງຮົງກົງທີ່ອອກອາກາດຢູ່ຈີນໃນຊຸມປີ 1980, ໄດ້ເວົ້າເຖິງເລື່ອງລາວກ່ຽວກັບຄວາມຮັກ, ຄວາມຄຽດແຄ້ນແລະການພົວພັນທີ່ສັບສົນລະຫວ່າງບຸກຄົນຂອງກຸ່ມສັງຄົມມືດຢູ່ນະຄອນຊຽງໄຮໃນຊຸມປີ 1930. ລະຄອນໂທລະພາບ "ເຈົ້າພໍ່ຊຽງໄຮ" ໄດ້ຮັບຄວາມນິຍົມຊົມຊອບຢູ່ປະເທດຕ່າງໆໃນອາຊີຢ່າງວ່ອງໄວ. ເວລານັ້ນ, ຢູ່ແຜ່ນດິນໃຫຍ່ຈີນ, ເມື່ອຮອດເວລາອອກອາກາດລະຄອນເລື່ອງນີ້, ຢູ່ຕາມຖະໜົນຫົນທາງຕ່າງໆ, ຄົນໄປມາກໍ່ໜ້ອຍທີ່ສຸດ, ເພາະວ່າ, ຄົນທັງຫຼາຍກໍ່ເຝົ້າຢູ່ໜ້າຈໍໂທລະພາບເພື່ອເບິ່ງລະຄອນນີ້.
ລະຄອນ "ເຈົ້າພໍ່ຊຽງໄຮ" ແມ່ນລະຄອນ TV ທີ່ມີຜົນສະທ້ອນຫຼາຍທີ່ສຸດຕໍ່ຄົນຈີນ, ໄດ້ປະທັບໃຈຄົນຈີນນັບບໍ່ຖ້ວນ. ຈົນມາຮອດປະຈຸບັນ, "ເຈົ້າພໍ່ຊຽງໄຮ" ຍັງເປັນລະຄອນ TV ທີ່ອຳມະຕະທີ່ສຸດ, ໄດ້ກາຍເປັນພາກສ່ວນໜຶ່ງໃນຄວາມຊົງຈຳຂອງຄົນຈີນລຸ້ນອາຍຸ 30 ປີຂຶ້ນຕໍ່ໄປ. ສ່ວນເພງປະກອບເລື່ອງ "ເຈົ້າພໍ່ຊຽງໄຮ" ກໍ່ໄດ້ກາຍເປັນເພງປະກອບລະຄອນທີ່ອຳມະຕະທີ່ສຸດ, ຄົນຈີນຮ້ອງເປັນເກືອບທຸກຄົນ, ແລະຍັງໄດ້ຮັບຄວາມນິຍົມຫຼາຍຈາກຜູ້ຊົມຂອງປະເທດອາຊີອາຄະເນ. ທີມງານພວກເຮົາກໍ່ເຄີຍໄດ້ຮັບຄຳຮ້ອງຂໍຈາກຜູ້ຟັງລາວຫຼາຍເທື່ອວ່າຢາກໃຫ້ເປີດເພງນີ້ໃນລາຍການ CRI, ສະນັ້ນ, ວິໄລວັນຈຶ່ງຢາກແບ່ງປັນສຽງເພງນີ້ກັບເພື່ອນຜູ້ຟັງຢູ່ເວັບໄຊ້ນີ້, ຫວັງວ່າ, ຄົງຈະຖືກໃຈທ່ານ.
