ແມ່ນ້ຳ 5 ສີ ທີ່ໂຄລົມເບຍ ແມ່ນ້ຳທີ່ງາມທີ່ສຸດໃນໂລກ
(GMT+08:00) 2012-04-26 10:38:02 cri
"The river of the five colors" ຫລື ແມ່ນ້ຳ 5 ສີ ຫລື ເອີ້ນອີກຢ່າງໜຶ່ງວ່າ "The river that run away to paradise" ຫລືແມ່ນ້ຳສູ່ສະຫວັນ, ແມ່ນໍ້ານີ້ຂຶ້ນຊື່ວ່າເປັນແມ່ນ້ຳທີ່ງາມທີ່ສຸດໃນໂລກສຸດ, ປົກກະຕິເວລາທີ່ເຮົາໄປພົບແມ່ນ້ຳທີ່ໃສສະອາດກໍນັບວ່າງາມສົມຄວນແລ້ວ, ແຕ່ແມ່ນ້ຳແຫ່ງນີ້!! ນ້ຳມີເຖີງ 5 ສີ.
ແມ່ນ້ຳ 5 ສີ ເປັນແມ່ນ້ຳນີ້ຢູ່ທາງຕອນເໜືອຂອງປະເທດໂຄລົມເບຍ, ໃນເມືອງ Macarena La ຊຶ່ງເປັນຕົ້ນນ້ຳ ມີລັກສະນະເປັນທານຫິນຕື້ນໆ ບໍ່ມີດິນຕົມ, ນ້ຳບ່ອນນີ້ຈຶ່ງໃສສະອາດ, ພໍແສງແດດສ່ອງລົງຮອດພື້ນນ້ຳ, ເຮົາກໍຈະເຫັນປະຕິມາກຳໃຕ້ນ້ຳ, ຕົ້ນຫຍ້າ mosses ແລະ algae ທີ່ມີສີນ້ຳຕານ ຫລື ສີຂຽວ ເກືອບຕະຫລອດທັງປີ ແລະຂໍບອກວ່າແມ່ນ້ຳງາມສາຍນີ້ ເປັນແມ່ນ້ຳທີ່ງາມດ້ວຍຕົວເອງ ບໍ່ໄດ້ງາມດ້ວຍສະພາບແວດລ້ອມຫລືທິວທັດສອງຟາກຝັ່ງແລະພາບທີ່ເຫັນເປັນຂອງແທ້ຂອງເກີດຂື້ນເອງ. ໂດຍສິ່ງທີ່ແຕກຕ່າງຈາກແມ່ນ້ຳສາຍອື່ນໆ ກໍຄື ໂງ່ນຫິນທີ່ປົກຄຸມດ້ວຍຫຍ້າສີຂຽວ, ສີມ່ວງ, ສີແດແລະສີຂຽວ ປະສົມຜະສານກົມກືນຈົນສາຍນ້ຳກາຍເປັນສີຟ້າເຂ້ມ, ເປັງປະກາຍຄວາມງາມຫລາກຫລາຍໃຫ້ໃຜຕໍ່ໃຜຕ່າງປະທັບໃຈບໍ່ຮູ້ລືມ, ເພາະເຮັດໃຫ້ແມ່ນ້ຳສາຍນີ້ງົດງາມດັ່ງສາຍຮຸ້ງໃນລະດູຝົນ.
ສ່ວນລະດູການທີ່ເໝາະສົມທີ່ສຸດໃນການມາທ່ຽວຈະເປັນໄລຍະຮອຍຕໍ່ສັ້ນໆ ລະຫວ່າງລະດູຝົນ ກັບ ລະດູຮ້ອນ, ເພາະລະດັບນ້ຳກຳລັງພໍດີ, ພືດນ້ຳແຕ່ລະຊະນິດຈະພາກັນຊູຊໍ່ອອກດອກຫລາຍຫລາກສີສັນ, ຕັດສະຫລັບສີຟ້າ ສີຂຽວ ສີດຳ ສີແດງເຕັມສອງຟາກຝັ່ງ ແລະໃນພື້ນແມ່ນ້ຳອີກດ້ວຍ, ບັນດານັກທ່ອງທ່ຽວຈຶ່ງໃຈຈົດໃຈຈໍ່ລໍຄອຍດ້ວຍໃຈຢາກມາສຳຜັດຊຶ່ງຕະຫລອດໄລຍະຄວາມກວ້າງຂອງແມ່ນ້ຳ 5 ສີ 20 ແມັດ ຄວາມຍາວກວ່າ 100 ກິໂລແມັດ, ນັບເປັນຄວາມມະຫັດສະຈັນຫລາຍ, ນອກນັ້ນຄວາມງົດງາມນີ້ຍັງບໍ່ໄດ້ຖືກກະທົບກະເທືອນ, ເພາະບໍ່ມີຖະໜົນເສັ້ນໃດໆເຂົ້າໄປເຖິງ, ນອກຈາກເຮົາຈະຂີ່ມ້າຫລືຂີ່ລາຫລືຖ້າຖຶກໆກໍສາມາດຍ່າງຕີນໄດ້, ດັ່ງນັ້ນສິ່ງທີ່ບໍລິສັດທ່ອງທ່ຽວທົ່ວໂລກເຮັດໄດ້ກໍຄືຕ້ອງກຽມຈັດເສັ້ນທາງການບິນເພື່ອນຳນັກທ່ອງທ່ຽວບິນໄປໃຫ້ໃກ້ເມືອງ La Macarena ຫລາຍທີ່ສຸດ.
ແມ່ນ້ຳ 5 ສີ ເປັນແມ່ນ້ຳນີ້ຢູ່ທາງຕອນເໜືອຂອງປະເທດໂຄລົມເບຍ, ໃນເມືອງ Macarena La ຊຶ່ງເປັນຕົ້ນນ້ຳ ມີລັກສະນະເປັນທານຫິນຕື້ນໆ ບໍ່ມີດິນຕົມ, ນ້ຳບ່ອນນີ້ຈຶ່ງໃສສະອາດ, ພໍແສງແດດສ່ອງລົງຮອດພື້ນນ້ຳ, ເຮົາກໍຈະເຫັນປະຕິມາກຳໃຕ້ນ້ຳ, ຕົ້ນຫຍ້າ mosses ແລະ algae ທີ່ມີສີນ້ຳຕານ ຫລື ສີຂຽວ ເກືອບຕະຫລອດທັງປີ ແລະຂໍບອກວ່າແມ່ນ້ຳງາມສາຍນີ້ ເປັນແມ່ນ້ຳທີ່ງາມດ້ວຍຕົວເອງ ບໍ່ໄດ້ງາມດ້ວຍສະພາບແວດລ້ອມຫລືທິວທັດສອງຟາກຝັ່ງແລະພາບທີ່ເຫັນເປັນຂອງແທ້ຂອງເກີດຂື້ນເອງ. ໂດຍສິ່ງທີ່ແຕກຕ່າງຈາກແມ່ນ້ຳສາຍອື່ນໆ ກໍຄື ໂງ່ນຫິນທີ່ປົກຄຸມດ້ວຍຫຍ້າສີຂຽວ, ສີມ່ວງ, ສີແດແລະສີຂຽວ ປະສົມຜະສານກົມກືນຈົນສາຍນ້ຳກາຍເປັນສີຟ້າເຂ້ມ, ເປັງປະກາຍຄວາມງາມຫລາກຫລາຍໃຫ້ໃຜຕໍ່ໃຜຕ່າງປະທັບໃຈບໍ່ຮູ້ລືມ, ເພາະເຮັດໃຫ້ແມ່ນ້ຳສາຍນີ້ງົດງາມດັ່ງສາຍຮຸ້ງໃນລະດູຝົນ.
ສ່ວນລະດູການທີ່ເໝາະສົມທີ່ສຸດໃນການມາທ່ຽວຈະເປັນໄລຍະຮອຍຕໍ່ສັ້ນໆ ລະຫວ່າງລະດູຝົນ ກັບ ລະດູຮ້ອນ, ເພາະລະດັບນ້ຳກຳລັງພໍດີ, ພືດນ້ຳແຕ່ລະຊະນິດຈະພາກັນຊູຊໍ່ອອກດອກຫລາຍຫລາກສີສັນ, ຕັດສະຫລັບສີຟ້າ ສີຂຽວ ສີດຳ ສີແດງເຕັມສອງຟາກຝັ່ງ ແລະໃນພື້ນແມ່ນ້ຳອີກດ້ວຍ, ບັນດານັກທ່ອງທ່ຽວຈຶ່ງໃຈຈົດໃຈຈໍ່ລໍຄອຍດ້ວຍໃຈຢາກມາສຳຜັດຊຶ່ງຕະຫລອດໄລຍະຄວາມກວ້າງຂອງແມ່ນ້ຳ 5 ສີ 20 ແມັດ ຄວາມຍາວກວ່າ 100 ກິໂລແມັດ, ນັບເປັນຄວາມມະຫັດສະຈັນຫລາຍ, ນອກນັ້ນຄວາມງົດງາມນີ້ຍັງບໍ່ໄດ້ຖືກກະທົບກະເທືອນ, ເພາະບໍ່ມີຖະໜົນເສັ້ນໃດໆເຂົ້າໄປເຖິງ, ນອກຈາກເຮົາຈະຂີ່ມ້າຫລືຂີ່ລາຫລືຖ້າຖຶກໆກໍສາມາດຍ່າງຕີນໄດ້, ດັ່ງນັ້ນສິ່ງທີ່ບໍລິສັດທ່ອງທ່ຽວທົ່ວໂລກເຮັດໄດ້ກໍຄືຕ້ອງກຽມຈັດເສັ້ນທາງການບິນເພື່ອນຳນັກທ່ອງທ່ຽວບິນໄປໃຫ້ໃກ້ເມືອງ La Macarena ຫລາຍທີ່ສຸດ.
