ສຳລັບໂຄງການກໍ່ສ້າງທາງ T6
(GMT+08:00) 2012-04-26 10:53:49 cri
ສຳລັບໂຄງການກໍ່ສ້າງທາງ T6 ຄື: ເສັ້ນທາງຜັງເມືອງຂອງນະຄອນຫຼວງວຽງຈັນນັບແຕ່ຖະໜົນ 13 ໃຕ້ບ້ານພະຂາວ-ຄຳຮຸ່ງ-ໜອງພະຍາ (ຖະໜົນສີເກີດ-ດົງໂດກ) ຄາດວ່າຈະໃຫ້ສຳເລັດພາຍໃນ 2 ປີ ນັບແຕ່ປີ 2012 ນີ້ເປັນຕົ້ນໄປ.
ວັນທີ 13 ມີນາຜ່ານມານີ້ກໍໄດ້ມີການເຊັນສັນຍາກັນຢ່າງເປັນທາງການລະຫວ່າງຜູ້ຮັບເໝົາກໍ່ສ້າງກໍຄືຜູ້ລົງທຶນກ່ອນກັບເຈົ້າຂອງໂຄງການທີ່ພະແນກໂຍທາທິການແລະ ຂົນສົ່ງນະຄອນຫຼວງວຽງຈັນ. ຊຶ່ງມີທ່ານຮອງຫົວໜ້້າພະແນກໂຍທາທິການແລະຂົນສົ່ງ ນະຄອນຫຼວງວຽງຈັນຕາງໜ້າເຈົ້າຂອງໂຄງການແລະຜູ້ອຳນວຍການບໍລິສັດທະນູຄຳຊະນະກໍ່ສ້າງຂົວທາງ, ຜູ້ອຳນວຍການບໍລິສັດວຽງຈັນມໍເຕີ້ມາເກັດແລະຫົວໜ້າພະແນກແຜນການແລະການລົງທຶນນະຄອນຫຼວງວຽງຈັນໂດຍມີທ່ານສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນເຂົ້າຮ່ວມເປັນສັກຂີພິຍານ.
ສະເພາະເສັ້ນທາງ T6 ມີຄວາມຍາວທັງໝົດ 6,2 ກິໂລແມັດໜ້າທາງກ້ວາງ 12 ແມັດ ແລະ ທາງຄົນຍ່າງກ້ວາງເບື້ອງລະ 1,5 ແມັດ ປູດ້ວຍຢາງຂົ້ວມີຄວາມໜາ 8 ຊັງຕີແມັດ ເປັນທາງໃນຕົວເມືອງ ຊຶ່ງປະກອບດ້ວຍສິ່ງອຳນວຍຄວາມສະດວກ ຄື: ລະບົບເສົາໄຟຟ້າແສງສະຫວ່າງເຍືອງທາງປ້າຍສັນຍານຈະລາຈອນຄົບຊຸດ ລວມມູນຄ່າການກໍ່ສ້າງທັງໝົດ 147 ຕື້ກ່ວາກີບພາຍຫຼັງສ້າງສຳເລັດກໍຈະເຮັດໃຫ້ນະຄອນຫຼວງວຽງຈັນມີໃບໜ້າອັນໃໝ່ແລະສາມາດຮອງຮັບການສັນຈອນທີ່ຈະເພີ່ມຂຶ້ນໃນຕໍ່ໜ້າຊ່ວຍຫຼຸດຜ່ອນຄວາມແອອັດໃນຕົວເມືອງຕື່ມອີກ
ວັນທີ 13 ມີນາຜ່ານມານີ້ກໍໄດ້ມີການເຊັນສັນຍາກັນຢ່າງເປັນທາງການລະຫວ່າງຜູ້ຮັບເໝົາກໍ່ສ້າງກໍຄືຜູ້ລົງທຶນກ່ອນກັບເຈົ້າຂອງໂຄງການທີ່ພະແນກໂຍທາທິການແລະ ຂົນສົ່ງນະຄອນຫຼວງວຽງຈັນ. ຊຶ່ງມີທ່ານຮອງຫົວໜ້້າພະແນກໂຍທາທິການແລະຂົນສົ່ງ ນະຄອນຫຼວງວຽງຈັນຕາງໜ້າເຈົ້າຂອງໂຄງການແລະຜູ້ອຳນວຍການບໍລິສັດທະນູຄຳຊະນະກໍ່ສ້າງຂົວທາງ, ຜູ້ອຳນວຍການບໍລິສັດວຽງຈັນມໍເຕີ້ມາເກັດແລະຫົວໜ້າພະແນກແຜນການແລະການລົງທຶນນະຄອນຫຼວງວຽງຈັນໂດຍມີທ່ານສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນເຂົ້າຮ່ວມເປັນສັກຂີພິຍານ.
ສະເພາະເສັ້ນທາງ T6 ມີຄວາມຍາວທັງໝົດ 6,2 ກິໂລແມັດໜ້າທາງກ້ວາງ 12 ແມັດ ແລະ ທາງຄົນຍ່າງກ້ວາງເບື້ອງລະ 1,5 ແມັດ ປູດ້ວຍຢາງຂົ້ວມີຄວາມໜາ 8 ຊັງຕີແມັດ ເປັນທາງໃນຕົວເມືອງ ຊຶ່ງປະກອບດ້ວຍສິ່ງອຳນວຍຄວາມສະດວກ ຄື: ລະບົບເສົາໄຟຟ້າແສງສະຫວ່າງເຍືອງທາງປ້າຍສັນຍານຈະລາຈອນຄົບຊຸດ ລວມມູນຄ່າການກໍ່ສ້າງທັງໝົດ 147 ຕື້ກ່ວາກີບພາຍຫຼັງສ້າງສຳເລັດກໍຈະເຮັດໃຫ້ນະຄອນຫຼວງວຽງຈັນມີໃບໜ້າອັນໃໝ່ແລະສາມາດຮອງຮັບການສັນຈອນທີ່ຈະເພີ່ມຂຶ້ນໃນຕໍ່ໜ້າຊ່ວຍຫຼຸດຜ່ອນຄວາມແອອັດໃນຕົວເມືອງຕື່ມອີກ
