ຜູ່ເຖົ້າເຮັດແນວໃດຈິ່ງນອນຫຼັບດີ
(GMT+08:00) 2012-04-26 10:59:44 cri
ຜູ້ເຖົ້າມັກນອນບໍ່ຫຼັບ, ນອນບໍ່ແຈບຫຼືມັກຕື່ນ, ເມື່ອຕື່ນແລ້ວນອນຫຼັບຍາກຫຼືຕື່ນເຊົ້າໂພດ, ກາງເວັນມັກເຫງົານອນ, ປະກົດການເຫຼົ່ານີ້ອາດຈະແມ່ນເລື່ອງທີ່ພາໃຫ້ຜູ້ເຖົ້າທັງຫຼາຍອຸກໃຈ.
ການນອນບໍ່ຫຼັບແມ່ນບັນຫາທີ່ຜູ້ເຖົ້າຫຼາຍຄົນມັກເປັນ. ມີຜູ້ເຖົ້າຫຼາຍໆຄົນຕ້ອງກິນຢານອນຫຼັບເລື້ອຍໆ. ກິນຫຼາຍຂື້ນເລື້ອຍໆ, ແຕ່ຜົນທີ່ໄດ້ຮັບນັບມື້ນັບບໍ່ດີຕາມສະຖິຕິ, ພຽງແຕ່ຢານອນຫຼັບຢ່າງດຽວ ຢູ່ອາເມລິກາ, ແຕ່ລະປີໄດ້ຂາຍ 3 ຕື້ໂດລາສະຫະລັດ, ສ່ວນຫຼາຍແມ່ນຜູ້ເຖົ້າຊື້ໄປໃຊ້, ແຕ່ປານນັ້ນ, ບັນຫານອນບໍ່ຫຼັບກໍຍັງແກ້ໄຂບໍ່ຕົກຫວ່າງມໍ່ໆນີ້, ນັກວິທະຍາສາດອາເມລິກາໄດ້ສະເໜີທັດສະນະໃໝ່ອ່ຽມຕໍ່ບັນຫາການນອນຂອງຜູ້ເຖົ້າວ່າ,ຜູ່ເຖົ້າຢ່າຖືການນອນໜ້ອຍຫຼືນອນບໍ່ຫຼັບ, ຄວນຖືເອົານອນໜ້ອຍແລະຫຼັບບໍ່ແຈບເປັນປະກົດການທາງຮ່າງກາຍ, ໃຫ້ນອນເດິກຕື່ນເຊົ້າ, ຢານອນຢູ່ເທິງຕຽງຫຼາຍ, ຢ່າມີຄວາມຄຶດແບບເກົ່າທີ່ວ່າ: ນອນຫຼັບດົນນານຈິ່ງປົກກະຕິ.
ຕາມເວົ້າວ່າ, ໃນການຄົ້ນຄວ້ມລາຍນີ້ໄດ້ເຊີນຜູ້ເຖົ້າຍິງ-ຊາຍອາຍຸສະເລ່ຍ69 ປີ ຈຳນວນຫຼວງຫຼາຍທີ່ມີບັນຫາເລື່ອງນອນ, ນັກວິທະຍາສາດໄດ້ແບ່າງຜູ້ເຖົ້າອອກເປັນສອງຈຸຄື: ຈຸ ກ.ແລະ ຈຸ ຂ.ໃຫ້ຜູ້ເຖົ້າຈຸ ກ.ປ່ຽນຄວາມຊິນເຄີຍໃນການນອນຄື: ໃຫ້ນອນເດິກຕື່ນເຊົ້າ ,ບໍ່ໃຫ້ນອນຢູ່ເທິງຕຽງດົນຫຼາຍ. ຕໍ່ຈຸ ຂ.ບໍ່ຈຳກັດເວລາພວກເພິ່ນນອນຢູ່ເທິງຕຽງ, ໃຫ້ພວກເພິ່ນຮັກສາຄວາມຊິນເຄີຍຕາມເດີມ.
ນອກນີ້, ການເຄື່ອນໄຫວອື່ນໆຂອງຄົນສອງຈຸແມ່ນຄືກັນໝົດ, ແລ້ວໃຫ້ພວກເພີ່ນມາໂຮມກັນ, ຮຽນວິທີຜ່ອນຄາຍຄວາມເຄັ່ງຕຶງ, ຫັດກ້າມເນື້ອໃຫ້ເໜັງຕີງບຶດໜຶ່ງເຄັ່ງບຶດໜ່ຶງຍານ, ພ້ອມດ້ວຍການປິ່ນປົວທາງຈິດໃຈ, ພາຍຫຼັງ6ສັບປະດາແລ້ວ, ຜູ້ເຖົ້າທັງສອງຈຸຕ່າງກໍນອນດີຂຶ້ນ, ແຕ່ຈຸ ກ.ດີກວ່າຢ່າງເດັ່ນຊັດ. ນັກວິທະຍສາດໄດ້ຕິດຕາມອີກ 3 ເດືອນ, ຜູ້ເຖົ້າຈຸ ຂ.ຍັງນອນບໍ່ດີປານໃດ,ແຕ່ຈຸ ກ.ຍັງດີຢູ່ຄືເກົ່າ.
ຜົນການຄົ້ນຄວ້າລາຍນີ້ພິສູດວ່າ: ໜຶ່ງ, ຄົນເຮົາບໍ່ແມ່ນວ່ານອນຫຼາຍທ່ໍໃດແຮ່ງດີ, ທຳມະດານອນມື້ລະ 6 ຫາ 8 ຊົ່ວໂມງກໍພໍແວ້ວ, ສຳລັບຜູ້ເຖົ້າກໍຍິ່ງໜ້ອຍກວ່າ, ກາງຄືນນອນ 5 ຊົ່ວໂມງ, ຕອນທ່ຽງນອນອີກປະມານ 1 ຊົ່ວໂມງກໍພໍ. ສອງ, ຜູ້ເຖົ້າສ່ວນຫຼາຍນອນບໍ່ຫຼັບກໍເປັນຍ້ອນປັດໄຈທາງຈິດໃຈນຳ, ນອນພິກໄປພິກມາດົນຫຼາຍ, ແຮ່ງນອນກໍແຮ່ງອຸກໃຈ. ຈົນກາຍເປັນສິ່ງຂັດຂ້ອງທາງຈິດໃຈ, ກາຍເປັນການໝູນວຽນໄປທາງຮ້າຍ, ແລ້ວແຮ່ງນອນບໍ່ຫຼັບ,ເວົ້າລວມແລ້ວ, ຍາມເຊົ້າພໍຕື່ນນອນກໍລຸກໂລດ, ບໍ່ຕ້ອງໄປຄິດວ່າໂຕເອງນອນດົນບໍ່ດົນ, ລົບລ້າງຄວາມແບກຫາບທາງຈິດໃຈ, ຈິ່ງປ່ຽນແປງການໝູນວຽນໄປທາງຮ້າຍໄດ້, ແລ້ວເຮັດໃຫ້ນອນໄດ້ດີຂຶ້ນ.
ບັນດານັກວິທະຍາສາດເຫັນວ່າ: ຜູ້ເຖົ້າສ່ວນຫຼາຍທີ່ນອນບໍ່ຫຼັບບໍ່ຕ້ອງກິນຢາ, ແຕ່ໃຫ້ປ່ຽນແປງຄວາມຊິນເຄີຍແລະດັດສົມທາງດ້ານຈິດໃຈ. ພວກເພິ່ນສະເໜີໃຫ້ຜູ້ເຖົ້າໃຊ້ວິທີດ່ັງຕໍ່ໄປນີ້ມາປ່ຽນແປງສະພາບການນອນໃຫ້ດີຂຶ້ນຄື:
ໜື່ງ: ຫັດກາຍທຸກມື້ຕາມເວລາອັນແນ່ນອນ, ກ່ອນນອນໃຫ້ອອກກຳລັງກາຍເບົາໆ 2 ຮອດ 4 ຊົ່ວໂມງ, ຈະຊ່ອຍໃຫ້ນອນຫຼັບ.
ສອງ: ປັບໂມງນອນຂອງຕົນໃຫ້ດີແລະຕື່ນຕາມເວລາ.
ສາມ: ຕອນບ່າຍແຕ່ລະມື້, ໃຫ້ຕາກແດດໄລຍະໜຶ່ງ, ຊົມເບິ່ງທິວທັດທຳມະຊາດ.
ສີ່: ກິນເຂົ້າຄາບຄຳຢ່າດື່ມເຫຼົ້າ, ກ່ອນນອນຫຼາຍຊົ່ວໂມງຢ່າດື່ມກາເຟ, ນໍ້າຊາປຸກ, ຢ່າກິນຂອງກິນຫຼິ້ນຫຼາຍ, ໃຫ້ດື່ມນໍ້ານົມຮ້ອນໆຈອກໜ່ຶງຈະຊ່ອຍໃຫ້ນອນຫຼັບດີ.
ຫ້າ: ຜູ້ເຖົ້າທີ່ມັກສູບຢາດີທີ່ສຸດໃຫ້ອອກຢາ, ໂດຍສະເພາະກ່ອນນອນຫຼືເວລານອນບໍ່ຫຼັບຢ່າສູບຢາ, ຖ້າສູບຢາທາດນິໂກຕີນຈະກະຕຸກປະສາດລົບກວນການນອນເປັນປົກກະຕິ.
ຫົກ: ກ່ອນນອນແຕ່ລະມື້, ດີທີ່ສຸດເຮັດເລື່ອງທີ່ເຄີຍເຮັດຊູ່ມື້ເຊັ່ນ: ເບິ່ງໂທລະພາບ, ຂຽນໜັງສື, ແຕ້ມຮູບ, ອ່ານໜັງສື, ອາບນໍ້າແລ້ວນອນ, ຫຼືວ່າເບິ່ງໂທລະພາບແລ້ວອອກໄປຍ່າງຫຼິ້ນ, ອ່ານໜັງສື.ເຈັດ: ກ່ອນນອນໃຫ້ຄຶດເລື່ອງມ່ວນໃຈໃນອະດີດ, ນອນໃນເວລາທີ່ມີອາລົມດີ
ການນອນບໍ່ຫຼັບແມ່ນບັນຫາທີ່ຜູ້ເຖົ້າຫຼາຍຄົນມັກເປັນ. ມີຜູ້ເຖົ້າຫຼາຍໆຄົນຕ້ອງກິນຢານອນຫຼັບເລື້ອຍໆ. ກິນຫຼາຍຂື້ນເລື້ອຍໆ, ແຕ່ຜົນທີ່ໄດ້ຮັບນັບມື້ນັບບໍ່ດີຕາມສະຖິຕິ, ພຽງແຕ່ຢານອນຫຼັບຢ່າງດຽວ ຢູ່ອາເມລິກາ, ແຕ່ລະປີໄດ້ຂາຍ 3 ຕື້ໂດລາສະຫະລັດ, ສ່ວນຫຼາຍແມ່ນຜູ້ເຖົ້າຊື້ໄປໃຊ້, ແຕ່ປານນັ້ນ, ບັນຫານອນບໍ່ຫຼັບກໍຍັງແກ້ໄຂບໍ່ຕົກຫວ່າງມໍ່ໆນີ້, ນັກວິທະຍາສາດອາເມລິກາໄດ້ສະເໜີທັດສະນະໃໝ່ອ່ຽມຕໍ່ບັນຫາການນອນຂອງຜູ້ເຖົ້າວ່າ,ຜູ່ເຖົ້າຢ່າຖືການນອນໜ້ອຍຫຼືນອນບໍ່ຫຼັບ, ຄວນຖືເອົານອນໜ້ອຍແລະຫຼັບບໍ່ແຈບເປັນປະກົດການທາງຮ່າງກາຍ, ໃຫ້ນອນເດິກຕື່ນເຊົ້າ, ຢານອນຢູ່ເທິງຕຽງຫຼາຍ, ຢ່າມີຄວາມຄຶດແບບເກົ່າທີ່ວ່າ: ນອນຫຼັບດົນນານຈິ່ງປົກກະຕິ.
ຕາມເວົ້າວ່າ, ໃນການຄົ້ນຄວ້ມລາຍນີ້ໄດ້ເຊີນຜູ້ເຖົ້າຍິງ-ຊາຍອາຍຸສະເລ່ຍ69 ປີ ຈຳນວນຫຼວງຫຼາຍທີ່ມີບັນຫາເລື່ອງນອນ, ນັກວິທະຍາສາດໄດ້ແບ່າງຜູ້ເຖົ້າອອກເປັນສອງຈຸຄື: ຈຸ ກ.ແລະ ຈຸ ຂ.ໃຫ້ຜູ້ເຖົ້າຈຸ ກ.ປ່ຽນຄວາມຊິນເຄີຍໃນການນອນຄື: ໃຫ້ນອນເດິກຕື່ນເຊົ້າ ,ບໍ່ໃຫ້ນອນຢູ່ເທິງຕຽງດົນຫຼາຍ. ຕໍ່ຈຸ ຂ.ບໍ່ຈຳກັດເວລາພວກເພິ່ນນອນຢູ່ເທິງຕຽງ, ໃຫ້ພວກເພິ່ນຮັກສາຄວາມຊິນເຄີຍຕາມເດີມ.
ນອກນີ້, ການເຄື່ອນໄຫວອື່ນໆຂອງຄົນສອງຈຸແມ່ນຄືກັນໝົດ, ແລ້ວໃຫ້ພວກເພີ່ນມາໂຮມກັນ, ຮຽນວິທີຜ່ອນຄາຍຄວາມເຄັ່ງຕຶງ, ຫັດກ້າມເນື້ອໃຫ້ເໜັງຕີງບຶດໜຶ່ງເຄັ່ງບຶດໜ່ຶງຍານ, ພ້ອມດ້ວຍການປິ່ນປົວທາງຈິດໃຈ, ພາຍຫຼັງ6ສັບປະດາແລ້ວ, ຜູ້ເຖົ້າທັງສອງຈຸຕ່າງກໍນອນດີຂຶ້ນ, ແຕ່ຈຸ ກ.ດີກວ່າຢ່າງເດັ່ນຊັດ. ນັກວິທະຍສາດໄດ້ຕິດຕາມອີກ 3 ເດືອນ, ຜູ້ເຖົ້າຈຸ ຂ.ຍັງນອນບໍ່ດີປານໃດ,ແຕ່ຈຸ ກ.ຍັງດີຢູ່ຄືເກົ່າ.
ຜົນການຄົ້ນຄວ້າລາຍນີ້ພິສູດວ່າ: ໜຶ່ງ, ຄົນເຮົາບໍ່ແມ່ນວ່ານອນຫຼາຍທ່ໍໃດແຮ່ງດີ, ທຳມະດານອນມື້ລະ 6 ຫາ 8 ຊົ່ວໂມງກໍພໍແວ້ວ, ສຳລັບຜູ້ເຖົ້າກໍຍິ່ງໜ້ອຍກວ່າ, ກາງຄືນນອນ 5 ຊົ່ວໂມງ, ຕອນທ່ຽງນອນອີກປະມານ 1 ຊົ່ວໂມງກໍພໍ. ສອງ, ຜູ້ເຖົ້າສ່ວນຫຼາຍນອນບໍ່ຫຼັບກໍເປັນຍ້ອນປັດໄຈທາງຈິດໃຈນຳ, ນອນພິກໄປພິກມາດົນຫຼາຍ, ແຮ່ງນອນກໍແຮ່ງອຸກໃຈ. ຈົນກາຍເປັນສິ່ງຂັດຂ້ອງທາງຈິດໃຈ, ກາຍເປັນການໝູນວຽນໄປທາງຮ້າຍ, ແລ້ວແຮ່ງນອນບໍ່ຫຼັບ,ເວົ້າລວມແລ້ວ, ຍາມເຊົ້າພໍຕື່ນນອນກໍລຸກໂລດ, ບໍ່ຕ້ອງໄປຄິດວ່າໂຕເອງນອນດົນບໍ່ດົນ, ລົບລ້າງຄວາມແບກຫາບທາງຈິດໃຈ, ຈິ່ງປ່ຽນແປງການໝູນວຽນໄປທາງຮ້າຍໄດ້, ແລ້ວເຮັດໃຫ້ນອນໄດ້ດີຂຶ້ນ.
ບັນດານັກວິທະຍາສາດເຫັນວ່າ: ຜູ້ເຖົ້າສ່ວນຫຼາຍທີ່ນອນບໍ່ຫຼັບບໍ່ຕ້ອງກິນຢາ, ແຕ່ໃຫ້ປ່ຽນແປງຄວາມຊິນເຄີຍແລະດັດສົມທາງດ້ານຈິດໃຈ. ພວກເພິ່ນສະເໜີໃຫ້ຜູ້ເຖົ້າໃຊ້ວິທີດ່ັງຕໍ່ໄປນີ້ມາປ່ຽນແປງສະພາບການນອນໃຫ້ດີຂຶ້ນຄື:
ໜື່ງ: ຫັດກາຍທຸກມື້ຕາມເວລາອັນແນ່ນອນ, ກ່ອນນອນໃຫ້ອອກກຳລັງກາຍເບົາໆ 2 ຮອດ 4 ຊົ່ວໂມງ, ຈະຊ່ອຍໃຫ້ນອນຫຼັບ.
ສອງ: ປັບໂມງນອນຂອງຕົນໃຫ້ດີແລະຕື່ນຕາມເວລາ.
ສາມ: ຕອນບ່າຍແຕ່ລະມື້, ໃຫ້ຕາກແດດໄລຍະໜຶ່ງ, ຊົມເບິ່ງທິວທັດທຳມະຊາດ.
ສີ່: ກິນເຂົ້າຄາບຄຳຢ່າດື່ມເຫຼົ້າ, ກ່ອນນອນຫຼາຍຊົ່ວໂມງຢ່າດື່ມກາເຟ, ນໍ້າຊາປຸກ, ຢ່າກິນຂອງກິນຫຼິ້ນຫຼາຍ, ໃຫ້ດື່ມນໍ້ານົມຮ້ອນໆຈອກໜ່ຶງຈະຊ່ອຍໃຫ້ນອນຫຼັບດີ.
ຫ້າ: ຜູ້ເຖົ້າທີ່ມັກສູບຢາດີທີ່ສຸດໃຫ້ອອກຢາ, ໂດຍສະເພາະກ່ອນນອນຫຼືເວລານອນບໍ່ຫຼັບຢ່າສູບຢາ, ຖ້າສູບຢາທາດນິໂກຕີນຈະກະຕຸກປະສາດລົບກວນການນອນເປັນປົກກະຕິ.
ຫົກ: ກ່ອນນອນແຕ່ລະມື້, ດີທີ່ສຸດເຮັດເລື່ອງທີ່ເຄີຍເຮັດຊູ່ມື້ເຊັ່ນ: ເບິ່ງໂທລະພາບ, ຂຽນໜັງສື, ແຕ້ມຮູບ, ອ່ານໜັງສື, ອາບນໍ້າແລ້ວນອນ, ຫຼືວ່າເບິ່ງໂທລະພາບແລ້ວອອກໄປຍ່າງຫຼິ້ນ, ອ່ານໜັງສື.ເຈັດ: ກ່ອນນອນໃຫ້ຄຶດເລື່ອງມ່ວນໃຈໃນອະດີດ, ນອນໃນເວລາທີ່ມີອາລົມດີ
