ຄວາມບຸກບຶນຂອງເຂດປົກຄອງຕົນເອງຕິເບດຂອງຈີນ
(GMT+08:00) 2012-04-26 14:50:38 cri
ສະບາຍດີມິດລາຍການທຸກທ່ານ! ພົບກັບອີກແລ້ວກັບລາຍການເບິ່ງເມືອງຈີນທີ່ໜຸ່ມໃຫຍ່ອາລົມດີເປັນຜູ້ຈັດຢູ່ CRI FM 93Mhz ທຸກຄືນໃນເວລາດຽວກັນນີ້! ຄືນນີ້ກໍ່ແມ່ນວັນທີ 10 ມັງກອນແລ້ວເດທ່ານຜູ້ຟັງ! ບຶດດຽວໜຶ່ງເດືອນທຳອິດຂອງປີໃໝ່ 2012 ກໍ່ຊິຮອດເຄິ່ງເດືອນແລ້ວເດນີ້! ປີນີ້ເວົ້າແລ້ວກໍ່ມີຫຼາຍເຫດການສຳຄັນຢູ່ໄດ໋! ອັນທີ່ຈະໃຫຍ່ທີ່ສຸດກໍ່ແມ່ນກອງປະຊຸມສຸດຍອດອາຊີ-ເອີຣົບ ໃນທ້າຍປີນີ້! ຜູ້ນຳຈາກອາຊີ-ເອີຣົບເກືອບ 50 ປະເທດພຸ້ນນະຈະເດີນທາງມາວຽງຈັນນີ້! ກອງປະຊຸມລະດັບນີ້ບໍ່ແມ່ນປະເທດໃດຢາກເປັນເຈົ້າພາບກໍ່ເປັນໄດ້ໄດ໋! ໂດຍສະເພາະປະເທດດ້ອຍພັດທະນາຄືລາວນີ້ແຫ່ງຍາກແລ້ວທີ່ຈະໄດ້ຮັບກຽດເປັນເຈົ້າພາບແນວນີ້! ຜູ້ນຳຈາກ 50 ປະເທດທີ່ຈະມາກໍ່ມີແຕ່ປະເທດໃຫຍ່ໆ ມີຊື່ສຽງ ມີອິດທິພົນໃນໂລກ ຄັນພວກເພິ່ນບໍ່ໄວ້ໃຈຄວາມປອດໄພເພິ່ນກະບໍ່ເອົາມາລະເນາະ! ອັນນີ້ລະຄືຄວາມສຳເລັດນະໂຍບາຍຕ່າງປະເທດຂອງລາວ ກໍ່ເປັນຕາດີໃຈນຳແທ້ໄດ໋! ນະໂຍບາຍເພີ່ມມິດ ຫຼຸດຜ່ອນສັດຕູ ຫັນໜ້າໄປລົມກັບໃຜໄດ້ໝົດ ມີແຕ່ຄົນຮັກຄົນແພງ ອັນນີ້ລະບຸກຄະລິກທີ່ເປັນເອກກະລັກຂອງຄົນລາວ ຂອງປະເທດລາວ! ແຕ່ກໍ່ຢ່າສຸປະໝາດເດີ້ ໂດຍສະເພາະປະກົດການຫຍໍ້ທໍ້ທາງດ້ານສັງຄົມ ໃນນະຄອນຫຼວງວຽງຈັນນິ! ດຽວນີ້ໜ້າເປັນຫ່ວງຫຼາຍ, ບໍ່ວ່າຈະເປັນອຸປະຕິເຫດທາງຖະໜົນ, ພວກໄວລຸ້ນຂັບຂີ່ລົດຈັກ ລົດໃຫຍ່ປ່ວນເມືອງ; ໂດຍສະເພາະຕອນກາງຄືນ ພວກເມົາແລ້ວຂັບ ພວກມີເງິນເຫຼືອງຖົງແລ້ວຕາມໃຈລູກ ປັບປຸງເສີມແຕ່ງລົດໃຫຍ່ໃສ່ເຄື່ອງສຽງເນືອງນັນຄັບທີບ! ຂັບຂີ່ລົດໄວຕາມກຳນົດ ບໍ່ເຄົາລົບກົດຈາລະຈອນບໍ່ເກງກົວຕໍ່ເຈົ້າໜ້າທີ່, ພວກຄ້າແລະເສບຢາເສບຕິດ, ພວກຂີ້ລັກມັກສົກປຸ້ນຈີ້ຂ້າເຈົ້າເອົາຂອງ ງັດແງະ ດຶງກະເປົາ ຈີ້ເອົາລົດ ເອົາຊັບສິນແນວນີ້ລະ! ຄັນບໍ່ປາບບໍ່ດັບໄຟແຕ່ຕົ້ນລົມໄປແຕ່ດຽວນີ້ ບາດຈໍ້ໆເຫດການສຳຄັນໃກ້ກອງປະຊຸມມາມັນຊິປາບຍາກເດີ້! ຄັນເຮັດແທ້ ວຽງຈັນທຽບກັບນະຄອນຫຼວງຂອງປະເທດອື່ນກໍ່ບໍ່ໃຫຍ່ເລີຍ! ຄັນທຸກຝ່າຍເອົາຈິງບໍ່ຫຼິ້ນພັກຫຼິ້ນພວກ ບໍ່ຫຼິ້ນເສັ້ນ ບໍ່ປົກປ້ອງຜູ້ນັ້ນກໍ່ລູກຂ້ອຍ ຜູ້ນີ້ກໍ່ຫຼານເຈົ້າ ຄັນໃຫ້ສິດເຈົ້າໜ້າທີ່ປະຕິບັດງານຢ່າງເຕັມທີ່ ພວກອັນຕະພານກວນເມືອງທັງຫຼາຍໄປບໍ່ມົ້ມດັອກ! ຂໍນຳຫຼາຍໆ ຢ່າເຂົ້າຂ້າງ ຢ່າພ້ອມ ຢ່າໃຫ້ທ້າຍລູກຫຼານເຮັດແນວບໍ່ດີບໍ່ງາມຕໍ່ສັງຄົມສ່ວນລວມເນາະ! ຄັນຂືນປ່ອຍໃຫ້ເຂົາເຮັດ ຊື່ສຽງໜ້າຕາບັນດາທ່ານຫັ້ນລະຈະເສຍຫາຍ! ເອົາ, ຂໍຝາກໄວ້ນຳທຸກທ່ານ ທຸກຝ່າຍ ຊ່ວຍກັນເຮັດໃຫ້ປີ 2012 ເປັນປີທີ່ສ້າງຊື່ສຽງຄວາມພາກພູມໃຈໃຫ້ແກ່ຄົນລາວ ແກ່ປະເທດລາວຊ່ວຍກັນເນາະ! ເອົາ, ຟັງເພງຊຸດທຳອິດຈາກລາຍການສາບາດນິ ແລ້ວໜຸ່ມໃຫຍ່ຈະເວົ້າເຖິງຄວາມບຸກບຶນຂອງເຂດປົກຄອງຕົນເອງຕິເບດຂອງຈີນ ເພື່ອຂື້ນເປັນຈຸດໝາຍປາຍທາງເພື່ອການທ່ອງທ່ຽວລະດັບໂລກສູ່ຟັງ!
ເພງ
ສອງເພງມ່ວນໆຈາກລາຍການຈົບໄປ, ນີ້ກໍ່ຄືລາຍການເບິ່ງເມືອງຈີນ ຢ່າລືມຢາກມີຄຳເຫັນຫຍັງ ຫຼື ຢາກຮູ້ຫຍັງກ່ຽວກັບຈີນກໍ່ໂທມາເບີ 711477 ຫຼື ຂໍ້ຄວາມສັ້ນກໍ່ແມ່ນ 9300; ບັດນີ້ໜຸ່ມໃຫຍ່ຈະເອົາເລື່ອງການທ່ຽວຢູ່ຕິເບດມາເວົ້າໃຫ້ຟັງ! ໂດຍສະເພາະແມ່ນນະຄອນລາຊາ ທີ່ເປັນເມືອງເອກຂອງເຂດປົກຄອງຕົນເອງຕິເບດ ທີ່ຕັ້ງຢູ່ພາກຕາເວັນຕົກສຽງໃຕ້ຂອງຈີນ ເພິ່ນຕັ້ງເປົ້າວ່າຈະຫັນເປັນນະຄອນລາຊາໄປເປັນເມືອງທ່ອງທ່ຽວສາກົນ ແລະ ເປັນຈຸດໝາຍປາຍທາງການທ່ອງທ່ຽວສຳຄັນຂອງໂລກເລີຍໄດ໋! ວັນເສົາຜ່ານມານີ້ໂຄສົກຂອງຫ້ອງການທ່ອງທ່ຽວຂອງຕິເບດເພິ່ນບອກວ່າ: ຈະພະຍາຍາມເຮັດໃຫ້ນະຄອນລາຊາບັນລຸເປົ້າໝາຍທີ່ວາງໄວ້ນີ້ ດ້ວຍການຍົກລະດັບຜະລິດຕະພັນການທ່ອງທ່ຽວ ທັງຂະຫຍາຍຕະຫຼາດການທ່ອງທ່ຽວໃນໂລກໃນປີນີ້ໃຫ້ກ້ວາງຂື້ນຕື່ມອີກ! ປີນີ້ເພິ່ນຈະເຮັດໃຫ້ນະຄອນລາຊາໄດ້ຂື້ນໄປເປັນສະຖານທີ່ທ່ອງທ່ຽວລະດັບ 5A ເຊິ່ງເປັນລະດັບສູງສຸດຂອງຈີນ. ແລະປັບປຸງບ່ອນອື່ນໆອອ້ມຂ້າງຕ່ຳສຸດກໍ່ໃຫ້ໄດ້ລະດັບ 3A ວ່າຊັ້ນ. ໂດຍຈະດຳເນີນໂຄງການຍົກລະດັບຄວາມສາມາດໃນການທ່ອງທ່ຽວ ໂດຍການຝຶກອົບຮົມໃຫ້ຜູ້ເຮັດວຽກບໍລິການໃນການອຸດສະຫະກຳທ່ອງທ່ຽວໃຫ້ເປັນມືອາຊີບຂື້ນຕື່ມ ທັງຊ່ວຍໃຫ້ຊາວກະສິກອນໃນຊົນນະບົດໄດ້ມີສ່ວນຮ່ວມເຂົ້າໃນອຸດສະຫະກຳການທ່ອງທ່ຽວພ້ອມ! ຟັງເພງມ່ວນໆອີກກ່ອນເນາະແລ້ວຈັ່ງກັບມາລົມເລື່ອງນີ້ສູ່ຟັງອີກຈັກໜ້ອຍ!
ເພງ
ໄລຍະນີ້ອາກາດຢູ່ວຽງຈັນກໍ່ປ່ຽນໄປປ່ຽນມາຢູ່ເລື້ອຍໆ ບຶດໜາວບຶດຮ້ອນ ຫຼາຍຄົນໄດ໋ທີ່ເປັນຫວັດເປັນໄອ ໄລຍະນີ້ພະຍາດທີ່ມັກເກີດຫຼາຍກໍ່ແມ່ນພະຍາດທາງເດີນຫາຍໃຈນິລະ! ຄັນຮັກສາຄວາມອົບອຸ່ນ ຫົວ ຄໍ ໜ້າເອິກ ຕີນ ໃຫ້ດີໆມັນກໍ່ບໍ່ເປັນຫຍັງດັອກ! ໂດຍສະເພາະເດັກນ້ອຍກັບຜູ້ເຖົ້າເດີ! ຊາວໜຸ່ມທີ່ມັກກິນນ້ຳເຢັນໆຫັ້ນຍາມນີ້ຫຼີກໄດ້ກະດີ ຄັນບໍ່ຢາກເປັນຫວັດ ເຈັບຄໍ ເສຍຮຽນ ເສຍວຽກ ເສຍຄ້າເສຍຂາຍ ຫຼື ເສຍເວລາປູກຝັງລ້ຽງສັດນະເນາະ! ເອົາ, ມາລົມເລື່ອງນະຄອນລາຊາເພິ່ນວາງແຜນຍົກລະດັບຂື້ນເປັນເມືອງທ່ອງທ່ຽວລະດັບ 5A ຂອງຈີນກັບຈຸດໝາຍປາຍທາງສຳຄັນຂອງໂລກຕໍ່ເນາະ! ຄຳຂັວນທ່ອງທ່ຽວປີນີ້ຂອງຕິເບດແມ່ນ: " ທ່ຽວຍາມໜາວທີ່ຕິເບດ ແລະ ທິວທັດຂອງລາຊາ " ອັນນີ້ກໍ່ເພື່ອກະຕຸ້ນຕະຫຼາດທ່ອງທ່ຽວຂອງຈີນເອງ ແລະດຶງດູດນັກທ່ອງທ່ຽວຈາກຕ່າງປະເທດໃຫ້ຫຼາຍຂື້ນອີກດ້ວຍ ໂດຍສະເພາະຈາກຍີ່ປຸ່ນ, ເກົາຫຼີ, ອາເມລິກາ ແລະບັນດາປະເທດໃນເອີຣົບ! ປີ 2011 ຜ່ານມານີ້ຕິເບດຮັບນັກທ່ອງທ່ຽວຈາກຕ່າງປະເທດຈາກທົ່ວໂລກຕັ້ງວ່າ 8 ລ້ານເຄີ່ງພຸ້ນໄດທ່ານຜູ້ຟັງ! ຄົນຕິເບດມີແຕ່ 3-4 ລ້ານ ແຕ່ວ່າຮັບນັກທ່ອງທ່ຽວຈາກຕ່າງປະເທດປີດຽວຕັ້ງວ່າ 8 ລ້ານເຄິ່ງ ບໍ່ແມ່ນທຳມະດາເນາະທ່ານຜູ້ຟັງ! ສ້າງລາຍຮັບໄດ້ຕັ້ງວ່າ 500 ລ້ານຢວນ ຫຼື ປະມານ 1 ຕື້ 500 ລ້ານໂດລາພຸ້ນໄດ໋! ແລ້ວຕິເບດຍັງຄາດວ່າຕັ້ງແຕ່ປີນີ້ຮອດປີ 1015 ນິນະຈະມີນັກທ່ອງທ່ຽວເຂົ້າຕິເບດປີໜຶ່ງປະມານ 15 ລ້ານຄົນ ແລະຈະສ້າງລາຍຮັບໃຫ້ຕິເບດປີໜຶ່ງປະມານ 18 ຕື້ຢວນ! ຟັງແລ້ວເປັນຕາສະອອນເນາະ! ຄັນທຸ້ມເທງົບປະມານໃສ່ເພື່ອພັດທະນາພື້ນຖານໂຄງລ່າງດ້ານການທ່ອງທ່ຽວໃຫ້ສະດວກສະບາຍ ຄຽງຄູ່ໄປກັບການອະນຸລັກຮັກສາ ວັດຖຸບູຮານ ຮ່ອງຮອຍປະຫວັດສາດ ວັດທະນະທຳ ຮີດຄອງປະເພນີທ້ອງຖິ່ນໄວ້ໃຫ້ດີໆ ແນ່ນອນຄົນຕ່າງປະເທດຢາກໄປໂລດແລ້ວ! ບໍ່ແມ່ນມີແຕ່ຢາກໄດ້ເງິນຈາກການທ່ອງທ່ຽວແລ້ວໄປທຳລາຍໝົດຄວາມງົດງາມທາງດ້ານວັດທະນະທຳ ທາງທຳມະຊາດ ເອກກະລັກຂອງທ້ອງຖິ່ນ ບໍ່ດົນບໍ່ມີໃຜມາທ່ຽວດັອກ! ຄົນເຮົາໄປທ່ຽວບ້ານອື່ນເມືອງອື່ນກໍ່ຕ້ອງການຢາກເຫັນສຳຜັດສິ່ງທີ່ແຕກຕ່າງແມ່ນບໍ່ລະ? ຕິເບດນິກະຊິສາມາດບັນລຸເປົ້າໝາຍທີ່ວາງໄວ້ໄດ້ ເພາະວ່າຫຼາຍຄົນໃນໂລກນີ້ລ້ວນແຕ່ຢາກໄປເຫັນຕິເບດ ດິນແດນຫຼັງຄາໂລກ ດິນແດນທີ່ລຶກລັບດ້ານສາສະໜາ ວັດທະນະທຳ ຮີດຄອງປະເພນີ ແລະ ວິຖີການດຳລົງຊີວິດຂອງຄົນທ້ອງຖິ່ນທີ່ຫາເບິ່ງຍາກໃນໂລກນີ້! ເອົາ, ເລື່ອງນີ້ກໍ່ພໍທໍ່ນີ້ກ່ອນເນາະ! ຟັງເພງແລ້ວຈະເວົ້າເລື່ອງຈີນພວມຮັບມືກັບກະແສວັດທະນະທຳຕາເວັນຕົກເຂົ້າມາແຮງແນວໃດ?
ເພງ
ຢ່າລືມເວລາ 19ໂມງ ຫາ 19:50 ນີ້ຄືເວລາຂອງລາຍການເບິ່ງເມືອງຈີນ ທີ່ອຸດົມສົມບູນໄປດ້ວຍເນື້ອຫາສາລະກ່ຽວກັບຈີນທຸກດ້ານ ພ້ອມດ້ວຍເພງຈີນທຸກຮູບແບບ! ເອົາ, ບັດນີ້ຈະເວົ້າສູ່ຟັງວ່າ ດຽວນີ້ຈີນພວມຮັບມືກັບກະແສວັດທະນະທຳຕາເວັນຕົກທີ່ບໍ່ຄ່ອຍດີແນວໃດ? ກະແນ່ນອນລະເນາະທ່ານຜູ້ຟັງ ຍຸກນີ້ແມ່ນຍຸກໂລກາພິວັດ ປະເທດໃດຈະອັດປະຕູປ່ອງຢ້ຽມແໜ້ນຕຶບບໍ່ສົນກັບໃຜກໍ່ບໍ່ໄດ້ດັອກ! ບໍ່ວ່າຈະເປັນດ້ານເສດຖະກິດ ວັດທະນະທຳ-ສັງຄົມ ມັນກໍ່ຕ້ອງມີການຮ່ວມມືແລກປ່ຽນກັນໝົດ ແຕ່ວ່າວັດທະນະທຳນີ້ແລກປ່ຽນກັນກໍ່ດີ ແຕ່ຄັນເຮົາແລກປ່ຽນເອົາແນວບໍ່ດີ ວັດທະນະທຳຂອງເຮົາທີ່ປູ່ຍ່າຕາຍາຍສ້າງແລະປົກປ້ອງສົ່ງເສີມອອກມາໄດ້ຫຼາຍຮ້ອຍຫຼາຍພັນປີ ກໍ່ດັບມອດຫາຍສາບສູນໄປໄດ້ໄດ໋! ໂດຍສະເພາະຍຸກນີ້ວັດທະນະທຳຕາເວັນຕົກບຸກແຮງຫຼາຍໄປທົ່ວໂລກເລີຍລະ! ໃນຫັ້ນບາງອັນມັນກໍ່ບໍ່ເໝາະກັບຈີນຫຼາຍ ທັງອັນຕະລາຍອີກໄດ໋ ໂດຍສະເພາະຊາວໜຸ່ມຍິງສາວທັງຫຼາຍຍຸກນີ້ຫຼາຍຄົນຢາກເບິ່ງຕ່ຳວັດທະນະທຳຂອງຕົນເອງ ແລ້ວໄປເຫີ່ແລ່ນຕາມວັດທະນະທຳຕາເວັນຕົກ ວັດທະນະທຳປະເທດອື່ນແລ້ວ, ປະກົດການນີ້ກໍ່ໜ້າເປັນຫ່ວງໄດ໋! ຢ່າລືມວ່າ ເສຍວັດທະນະທຳແມ່ນເສຍຊາດໄດ໋ເນາະ! ຍ້ອນແນວນີ້ລະທັງພັກແລະລັດຖະບານຈີນເພິ່ນຈຶ່ງເປັນຫ່ວງຫຼາຍຂື້ນ! ມັນສະແດງອອກງໃນຕົ້ນເດືອນນີ້ ຜູ້ນຳສູງສຸດຂອງຈີນຄື ທ່ານ ຫູຈີນທາວ ເພິ່ນກໍ່ໄດ້ຂຽນບົດຄວາມພິມລົງໃນວາລະສານ ສິວສື້ ທີ່ແປວ່າ ສະແຫວງຫາສັດຈະທຳ ຂອງສູນກາງພັກກອມມູນິດຈີນ; ບາງຕອນເພິ່ນຂຽນວ່າ: ດຽວນີ້ປະເທດຕາເວັນຕົກກຳລັງປ່ຽນຈີນໃຫ້ເປັນຄືຕາເວັນຕົກ ແລະ ພະຍາຍາມແບ່ງແຍກຈີນດ້ວຍອຸດົມຄະຕິ ແລິ ວັດທະນະທຳ! ຄັນລາວເຮົາເວົ້າກະຊິແມ່ນການຫັນປ່ຽນໂດຍສັນຕິຫັ້ນລະເນາະ! ຫັນປ່ຽນໂດຍບໍ່ໃຊ້ອາວຸດວ່າຊັ້ນສາ! ເພິ່ນເຕືອນວ່າ ຈີນຄວນຮູ້ເຖິງໄພທາງດ້ານນີ້ຈາກຕາເວັນຕົກທີ່ກຳລັງໃຊ້ວັດທະນະທຳເປັນເຄື່ອງມືໃນການແບ່ງແຍກຈີນ.
ເພງ
ຟັງເພງໄປແລ້ວໜຸ່ມໃຫຍ່ກໍ່ຈະເວົ້າສູ່ຟັງຕໍ່ກ່ຽວກັບການເປັນຫ່ວງຂອງຜູ້ນຳຈີນ ທີ່ຕາເວັນຕົກໃຊ້ວັດທະນະທຳບຸກຈີນເພື່ອຫັນປ່ຽນຈີນໃຫ້ໄປນິຍົມວັດທະນະທຳຕາເວັນຕົກ. ທ່ານ ຫູຈີນທາວ ເລຂາ…….. ປະທານປະເທດຈີນ ເພິ່ນຂຽນໃນບົດຄວາມວ່າ: " ຕ້ອງຮັບຮູ້ເຖິງເລື່ອງນີ້ ແລະກຽມຮັບມືກັບມັນທີ່ກຳລັງມາແຮງ ພ້ອມທັງຮັກສາວັດທະນະທຳຂອງຊາດ ພ້ອມທັງເຜີຍແຜ່ຄ່ານິຍົມແຫ່ງອຸດົມການສັງຄົມນິຍົມ ສີສັນຂອງຈີນໃຫ້ໂລກໄດ້ຮູ້ຈັກ " ສະພາບຢູ່ຈີນດຽວນີ້ກໍ່ຄືຜູ້ນຳຈີນເປັນຫ່ວງແທ້ໄດ໋ທ່ານຜູ້ຟັງ. ໂດຍສະເພາະຄົນເກີດຫຼັງຊຸມປີ 1980 ແລະ ຊຸມປີ 1990 ຫຼັງປະຕິຮູບແລະໄຂປະຕູສູ່ພາຍນອກໃນ 30 ປິຜ່ານມານີ້ລະ ເລີ່ມເຫີ່ນຳວັດທະນະທຳຕາເວັນຕົກຫຼາຍ ນິໄສໃຈຄໍການນຸ່ງຖື ແຟຊັນ ການສະຫຼອງຄຣິສມາດ ວັນແຫ່ງຄວາມຮັກ ເພງດົນຕີຮູບເງົາຕ່າງໆນິລະ! ຕົວຢ່າງໃນມໍ່ໆມານີ້ຮູບເງົາຮໍລີວູດສອງເລື່ອງກໍ່ສ້າງລາຍຮັບຢູ່ຈີນແບບທະລົ່ມທະລາຍເລີຍຄືເລື່ອງ: ອາວະຕານ ກັບເລື່ອງ ທຣານສະຟໍເມີ 3 ຄັນແມ່ນນັກຮ້ອງອາເມລິກາຊາວໜຸ່ມຈີນກໍ່ນິຍົມ ເລດີ້ກາກາ ທີ່ມັກເຕັ້ນແບບໂປ້ແບບເປືອຍຫຼາຍ! ທ່າເຕັ້ນກໍ່ຢ້ວນຕັນຫາໂດຍສະເພາະ! ຊາວໜຸ່ມຈີນກໍ່ເຮັດນຳຈົນດຽວນີ້ຈີນໄດ້ຈຳກັດຈຳນວນຮູບເງົາຕາເວັນຕົກ ປີໜຶ່ງບໍ່ໃຫ້ເຂົ້າກາຍ 20 ເລື່ອງ ພ້ອມທັງກວດກາສະພາບແລະເນື້ອໃນທີ່ສ່ຽວສູງອີກ! ທັງສະໜັບສະໜຸນໃຫ້ອຸດສະຫະກຳຮູບເງົາດົນຕີຈີນໃຫ້ເຂັ້ມແຂງຂື້ນກ່ວານີ້ ເພື່ອຕີໂຕ້ຄືນແລິດຶງດູດຈິດໃຈຄົນລຸ້ນໃໝ່ໃຫ້ໄດ້, ສື່ສິ່ງພິມແລະປື້ມຕ່າງໆ ລວມທັງການສະແດງດົນຕີຄອນເສີດກໍ່ຄືກັນ! ກະຊວງຖະແຫຼງຂ່າວ ວັດທະນະທຳຂອງຈີນດຽວນີ້ເຮັດວຽກໜັກເພື່ອແກ້ໄຂເລື່ອງນີ້!
ເພງ
ຈົບ
ເພງ
ສອງເພງມ່ວນໆຈາກລາຍການຈົບໄປ, ນີ້ກໍ່ຄືລາຍການເບິ່ງເມືອງຈີນ ຢ່າລືມຢາກມີຄຳເຫັນຫຍັງ ຫຼື ຢາກຮູ້ຫຍັງກ່ຽວກັບຈີນກໍ່ໂທມາເບີ 711477 ຫຼື ຂໍ້ຄວາມສັ້ນກໍ່ແມ່ນ 9300; ບັດນີ້ໜຸ່ມໃຫຍ່ຈະເອົາເລື່ອງການທ່ຽວຢູ່ຕິເບດມາເວົ້າໃຫ້ຟັງ! ໂດຍສະເພາະແມ່ນນະຄອນລາຊາ ທີ່ເປັນເມືອງເອກຂອງເຂດປົກຄອງຕົນເອງຕິເບດ ທີ່ຕັ້ງຢູ່ພາກຕາເວັນຕົກສຽງໃຕ້ຂອງຈີນ ເພິ່ນຕັ້ງເປົ້າວ່າຈະຫັນເປັນນະຄອນລາຊາໄປເປັນເມືອງທ່ອງທ່ຽວສາກົນ ແລະ ເປັນຈຸດໝາຍປາຍທາງການທ່ອງທ່ຽວສຳຄັນຂອງໂລກເລີຍໄດ໋! ວັນເສົາຜ່ານມານີ້ໂຄສົກຂອງຫ້ອງການທ່ອງທ່ຽວຂອງຕິເບດເພິ່ນບອກວ່າ: ຈະພະຍາຍາມເຮັດໃຫ້ນະຄອນລາຊາບັນລຸເປົ້າໝາຍທີ່ວາງໄວ້ນີ້ ດ້ວຍການຍົກລະດັບຜະລິດຕະພັນການທ່ອງທ່ຽວ ທັງຂະຫຍາຍຕະຫຼາດການທ່ອງທ່ຽວໃນໂລກໃນປີນີ້ໃຫ້ກ້ວາງຂື້ນຕື່ມອີກ! ປີນີ້ເພິ່ນຈະເຮັດໃຫ້ນະຄອນລາຊາໄດ້ຂື້ນໄປເປັນສະຖານທີ່ທ່ອງທ່ຽວລະດັບ 5A ເຊິ່ງເປັນລະດັບສູງສຸດຂອງຈີນ. ແລະປັບປຸງບ່ອນອື່ນໆອອ້ມຂ້າງຕ່ຳສຸດກໍ່ໃຫ້ໄດ້ລະດັບ 3A ວ່າຊັ້ນ. ໂດຍຈະດຳເນີນໂຄງການຍົກລະດັບຄວາມສາມາດໃນການທ່ອງທ່ຽວ ໂດຍການຝຶກອົບຮົມໃຫ້ຜູ້ເຮັດວຽກບໍລິການໃນການອຸດສະຫະກຳທ່ອງທ່ຽວໃຫ້ເປັນມືອາຊີບຂື້ນຕື່ມ ທັງຊ່ວຍໃຫ້ຊາວກະສິກອນໃນຊົນນະບົດໄດ້ມີສ່ວນຮ່ວມເຂົ້າໃນອຸດສະຫະກຳການທ່ອງທ່ຽວພ້ອມ! ຟັງເພງມ່ວນໆອີກກ່ອນເນາະແລ້ວຈັ່ງກັບມາລົມເລື່ອງນີ້ສູ່ຟັງອີກຈັກໜ້ອຍ!
ເພງ
ໄລຍະນີ້ອາກາດຢູ່ວຽງຈັນກໍ່ປ່ຽນໄປປ່ຽນມາຢູ່ເລື້ອຍໆ ບຶດໜາວບຶດຮ້ອນ ຫຼາຍຄົນໄດ໋ທີ່ເປັນຫວັດເປັນໄອ ໄລຍະນີ້ພະຍາດທີ່ມັກເກີດຫຼາຍກໍ່ແມ່ນພະຍາດທາງເດີນຫາຍໃຈນິລະ! ຄັນຮັກສາຄວາມອົບອຸ່ນ ຫົວ ຄໍ ໜ້າເອິກ ຕີນ ໃຫ້ດີໆມັນກໍ່ບໍ່ເປັນຫຍັງດັອກ! ໂດຍສະເພາະເດັກນ້ອຍກັບຜູ້ເຖົ້າເດີ! ຊາວໜຸ່ມທີ່ມັກກິນນ້ຳເຢັນໆຫັ້ນຍາມນີ້ຫຼີກໄດ້ກະດີ ຄັນບໍ່ຢາກເປັນຫວັດ ເຈັບຄໍ ເສຍຮຽນ ເສຍວຽກ ເສຍຄ້າເສຍຂາຍ ຫຼື ເສຍເວລາປູກຝັງລ້ຽງສັດນະເນາະ! ເອົາ, ມາລົມເລື່ອງນະຄອນລາຊາເພິ່ນວາງແຜນຍົກລະດັບຂື້ນເປັນເມືອງທ່ອງທ່ຽວລະດັບ 5A ຂອງຈີນກັບຈຸດໝາຍປາຍທາງສຳຄັນຂອງໂລກຕໍ່ເນາະ! ຄຳຂັວນທ່ອງທ່ຽວປີນີ້ຂອງຕິເບດແມ່ນ: " ທ່ຽວຍາມໜາວທີ່ຕິເບດ ແລະ ທິວທັດຂອງລາຊາ " ອັນນີ້ກໍ່ເພື່ອກະຕຸ້ນຕະຫຼາດທ່ອງທ່ຽວຂອງຈີນເອງ ແລະດຶງດູດນັກທ່ອງທ່ຽວຈາກຕ່າງປະເທດໃຫ້ຫຼາຍຂື້ນອີກດ້ວຍ ໂດຍສະເພາະຈາກຍີ່ປຸ່ນ, ເກົາຫຼີ, ອາເມລິກາ ແລະບັນດາປະເທດໃນເອີຣົບ! ປີ 2011 ຜ່ານມານີ້ຕິເບດຮັບນັກທ່ອງທ່ຽວຈາກຕ່າງປະເທດຈາກທົ່ວໂລກຕັ້ງວ່າ 8 ລ້ານເຄີ່ງພຸ້ນໄດທ່ານຜູ້ຟັງ! ຄົນຕິເບດມີແຕ່ 3-4 ລ້ານ ແຕ່ວ່າຮັບນັກທ່ອງທ່ຽວຈາກຕ່າງປະເທດປີດຽວຕັ້ງວ່າ 8 ລ້ານເຄິ່ງ ບໍ່ແມ່ນທຳມະດາເນາະທ່ານຜູ້ຟັງ! ສ້າງລາຍຮັບໄດ້ຕັ້ງວ່າ 500 ລ້ານຢວນ ຫຼື ປະມານ 1 ຕື້ 500 ລ້ານໂດລາພຸ້ນໄດ໋! ແລ້ວຕິເບດຍັງຄາດວ່າຕັ້ງແຕ່ປີນີ້ຮອດປີ 1015 ນິນະຈະມີນັກທ່ອງທ່ຽວເຂົ້າຕິເບດປີໜຶ່ງປະມານ 15 ລ້ານຄົນ ແລະຈະສ້າງລາຍຮັບໃຫ້ຕິເບດປີໜຶ່ງປະມານ 18 ຕື້ຢວນ! ຟັງແລ້ວເປັນຕາສະອອນເນາະ! ຄັນທຸ້ມເທງົບປະມານໃສ່ເພື່ອພັດທະນາພື້ນຖານໂຄງລ່າງດ້ານການທ່ອງທ່ຽວໃຫ້ສະດວກສະບາຍ ຄຽງຄູ່ໄປກັບການອະນຸລັກຮັກສາ ວັດຖຸບູຮານ ຮ່ອງຮອຍປະຫວັດສາດ ວັດທະນະທຳ ຮີດຄອງປະເພນີທ້ອງຖິ່ນໄວ້ໃຫ້ດີໆ ແນ່ນອນຄົນຕ່າງປະເທດຢາກໄປໂລດແລ້ວ! ບໍ່ແມ່ນມີແຕ່ຢາກໄດ້ເງິນຈາກການທ່ອງທ່ຽວແລ້ວໄປທຳລາຍໝົດຄວາມງົດງາມທາງດ້ານວັດທະນະທຳ ທາງທຳມະຊາດ ເອກກະລັກຂອງທ້ອງຖິ່ນ ບໍ່ດົນບໍ່ມີໃຜມາທ່ຽວດັອກ! ຄົນເຮົາໄປທ່ຽວບ້ານອື່ນເມືອງອື່ນກໍ່ຕ້ອງການຢາກເຫັນສຳຜັດສິ່ງທີ່ແຕກຕ່າງແມ່ນບໍ່ລະ? ຕິເບດນິກະຊິສາມາດບັນລຸເປົ້າໝາຍທີ່ວາງໄວ້ໄດ້ ເພາະວ່າຫຼາຍຄົນໃນໂລກນີ້ລ້ວນແຕ່ຢາກໄປເຫັນຕິເບດ ດິນແດນຫຼັງຄາໂລກ ດິນແດນທີ່ລຶກລັບດ້ານສາສະໜາ ວັດທະນະທຳ ຮີດຄອງປະເພນີ ແລະ ວິຖີການດຳລົງຊີວິດຂອງຄົນທ້ອງຖິ່ນທີ່ຫາເບິ່ງຍາກໃນໂລກນີ້! ເອົາ, ເລື່ອງນີ້ກໍ່ພໍທໍ່ນີ້ກ່ອນເນາະ! ຟັງເພງແລ້ວຈະເວົ້າເລື່ອງຈີນພວມຮັບມືກັບກະແສວັດທະນະທຳຕາເວັນຕົກເຂົ້າມາແຮງແນວໃດ?
ເພງ
ຢ່າລືມເວລາ 19ໂມງ ຫາ 19:50 ນີ້ຄືເວລາຂອງລາຍການເບິ່ງເມືອງຈີນ ທີ່ອຸດົມສົມບູນໄປດ້ວຍເນື້ອຫາສາລະກ່ຽວກັບຈີນທຸກດ້ານ ພ້ອມດ້ວຍເພງຈີນທຸກຮູບແບບ! ເອົາ, ບັດນີ້ຈະເວົ້າສູ່ຟັງວ່າ ດຽວນີ້ຈີນພວມຮັບມືກັບກະແສວັດທະນະທຳຕາເວັນຕົກທີ່ບໍ່ຄ່ອຍດີແນວໃດ? ກະແນ່ນອນລະເນາະທ່ານຜູ້ຟັງ ຍຸກນີ້ແມ່ນຍຸກໂລກາພິວັດ ປະເທດໃດຈະອັດປະຕູປ່ອງຢ້ຽມແໜ້ນຕຶບບໍ່ສົນກັບໃຜກໍ່ບໍ່ໄດ້ດັອກ! ບໍ່ວ່າຈະເປັນດ້ານເສດຖະກິດ ວັດທະນະທຳ-ສັງຄົມ ມັນກໍ່ຕ້ອງມີການຮ່ວມມືແລກປ່ຽນກັນໝົດ ແຕ່ວ່າວັດທະນະທຳນີ້ແລກປ່ຽນກັນກໍ່ດີ ແຕ່ຄັນເຮົາແລກປ່ຽນເອົາແນວບໍ່ດີ ວັດທະນະທຳຂອງເຮົາທີ່ປູ່ຍ່າຕາຍາຍສ້າງແລະປົກປ້ອງສົ່ງເສີມອອກມາໄດ້ຫຼາຍຮ້ອຍຫຼາຍພັນປີ ກໍ່ດັບມອດຫາຍສາບສູນໄປໄດ້ໄດ໋! ໂດຍສະເພາະຍຸກນີ້ວັດທະນະທຳຕາເວັນຕົກບຸກແຮງຫຼາຍໄປທົ່ວໂລກເລີຍລະ! ໃນຫັ້ນບາງອັນມັນກໍ່ບໍ່ເໝາະກັບຈີນຫຼາຍ ທັງອັນຕະລາຍອີກໄດ໋ ໂດຍສະເພາະຊາວໜຸ່ມຍິງສາວທັງຫຼາຍຍຸກນີ້ຫຼາຍຄົນຢາກເບິ່ງຕ່ຳວັດທະນະທຳຂອງຕົນເອງ ແລ້ວໄປເຫີ່ແລ່ນຕາມວັດທະນະທຳຕາເວັນຕົກ ວັດທະນະທຳປະເທດອື່ນແລ້ວ, ປະກົດການນີ້ກໍ່ໜ້າເປັນຫ່ວງໄດ໋! ຢ່າລືມວ່າ ເສຍວັດທະນະທຳແມ່ນເສຍຊາດໄດ໋ເນາະ! ຍ້ອນແນວນີ້ລະທັງພັກແລະລັດຖະບານຈີນເພິ່ນຈຶ່ງເປັນຫ່ວງຫຼາຍຂື້ນ! ມັນສະແດງອອກງໃນຕົ້ນເດືອນນີ້ ຜູ້ນຳສູງສຸດຂອງຈີນຄື ທ່ານ ຫູຈີນທາວ ເພິ່ນກໍ່ໄດ້ຂຽນບົດຄວາມພິມລົງໃນວາລະສານ ສິວສື້ ທີ່ແປວ່າ ສະແຫວງຫາສັດຈະທຳ ຂອງສູນກາງພັກກອມມູນິດຈີນ; ບາງຕອນເພິ່ນຂຽນວ່າ: ດຽວນີ້ປະເທດຕາເວັນຕົກກຳລັງປ່ຽນຈີນໃຫ້ເປັນຄືຕາເວັນຕົກ ແລະ ພະຍາຍາມແບ່ງແຍກຈີນດ້ວຍອຸດົມຄະຕິ ແລິ ວັດທະນະທຳ! ຄັນລາວເຮົາເວົ້າກະຊິແມ່ນການຫັນປ່ຽນໂດຍສັນຕິຫັ້ນລະເນາະ! ຫັນປ່ຽນໂດຍບໍ່ໃຊ້ອາວຸດວ່າຊັ້ນສາ! ເພິ່ນເຕືອນວ່າ ຈີນຄວນຮູ້ເຖິງໄພທາງດ້ານນີ້ຈາກຕາເວັນຕົກທີ່ກຳລັງໃຊ້ວັດທະນະທຳເປັນເຄື່ອງມືໃນການແບ່ງແຍກຈີນ.
ເພງ
ຟັງເພງໄປແລ້ວໜຸ່ມໃຫຍ່ກໍ່ຈະເວົ້າສູ່ຟັງຕໍ່ກ່ຽວກັບການເປັນຫ່ວງຂອງຜູ້ນຳຈີນ ທີ່ຕາເວັນຕົກໃຊ້ວັດທະນະທຳບຸກຈີນເພື່ອຫັນປ່ຽນຈີນໃຫ້ໄປນິຍົມວັດທະນະທຳຕາເວັນຕົກ. ທ່ານ ຫູຈີນທາວ ເລຂາ…….. ປະທານປະເທດຈີນ ເພິ່ນຂຽນໃນບົດຄວາມວ່າ: " ຕ້ອງຮັບຮູ້ເຖິງເລື່ອງນີ້ ແລະກຽມຮັບມືກັບມັນທີ່ກຳລັງມາແຮງ ພ້ອມທັງຮັກສາວັດທະນະທຳຂອງຊາດ ພ້ອມທັງເຜີຍແຜ່ຄ່ານິຍົມແຫ່ງອຸດົມການສັງຄົມນິຍົມ ສີສັນຂອງຈີນໃຫ້ໂລກໄດ້ຮູ້ຈັກ " ສະພາບຢູ່ຈີນດຽວນີ້ກໍ່ຄືຜູ້ນຳຈີນເປັນຫ່ວງແທ້ໄດ໋ທ່ານຜູ້ຟັງ. ໂດຍສະເພາະຄົນເກີດຫຼັງຊຸມປີ 1980 ແລະ ຊຸມປີ 1990 ຫຼັງປະຕິຮູບແລະໄຂປະຕູສູ່ພາຍນອກໃນ 30 ປິຜ່ານມານີ້ລະ ເລີ່ມເຫີ່ນຳວັດທະນະທຳຕາເວັນຕົກຫຼາຍ ນິໄສໃຈຄໍການນຸ່ງຖື ແຟຊັນ ການສະຫຼອງຄຣິສມາດ ວັນແຫ່ງຄວາມຮັກ ເພງດົນຕີຮູບເງົາຕ່າງໆນິລະ! ຕົວຢ່າງໃນມໍ່ໆມານີ້ຮູບເງົາຮໍລີວູດສອງເລື່ອງກໍ່ສ້າງລາຍຮັບຢູ່ຈີນແບບທະລົ່ມທະລາຍເລີຍຄືເລື່ອງ: ອາວະຕານ ກັບເລື່ອງ ທຣານສະຟໍເມີ 3 ຄັນແມ່ນນັກຮ້ອງອາເມລິກາຊາວໜຸ່ມຈີນກໍ່ນິຍົມ ເລດີ້ກາກາ ທີ່ມັກເຕັ້ນແບບໂປ້ແບບເປືອຍຫຼາຍ! ທ່າເຕັ້ນກໍ່ຢ້ວນຕັນຫາໂດຍສະເພາະ! ຊາວໜຸ່ມຈີນກໍ່ເຮັດນຳຈົນດຽວນີ້ຈີນໄດ້ຈຳກັດຈຳນວນຮູບເງົາຕາເວັນຕົກ ປີໜຶ່ງບໍ່ໃຫ້ເຂົ້າກາຍ 20 ເລື່ອງ ພ້ອມທັງກວດກາສະພາບແລະເນື້ອໃນທີ່ສ່ຽວສູງອີກ! ທັງສະໜັບສະໜຸນໃຫ້ອຸດສະຫະກຳຮູບເງົາດົນຕີຈີນໃຫ້ເຂັ້ມແຂງຂື້ນກ່ວານີ້ ເພື່ອຕີໂຕ້ຄືນແລິດຶງດູດຈິດໃຈຄົນລຸ້ນໃໝ່ໃຫ້ໄດ້, ສື່ສິ່ງພິມແລະປື້ມຕ່າງໆ ລວມທັງການສະແດງດົນຕີຄອນເສີດກໍ່ຄືກັນ! ກະຊວງຖະແຫຼງຂ່າວ ວັດທະນະທຳຂອງຈີນດຽວນີ້ເຮັດວຽກໜັກເພື່ອແກ້ໄຂເລື່ອງນີ້!
ເພງ
ຈົບ
