ສະຫຼອງກຸດຈີນບາງອັນບໍ່ເປັນຜົນດີຕໍ່ສຸຂະພາບ
(GMT+08:00) 2012-04-26 14:51:36 cri
ສະບາຍດີມິດຮັກແຟນລາຍການເບິ່ງເມືອງຈີນທີ່ຄິດຮອດແລະຄິດເຖິງທຸກທ່ານ! 19ໂມງພົບກັນອີກແລ້ວກັບໜຸ່ມໃຫຍ່ອາລົມດີທາງ CRI FM 93Mhz ເປັນປະຈຳທຸກມື້! ວັນອາທິດແນວນີ້ກໍ່ບໍເຄີຍເວັ້ນ! ຍັງຮັບໃຊ້ມິດລາຍການສະເໝີຕົ້ນສະເໝີປາຍບໍ່ໄດ້ຂາດ! ມື້ນີ້ກໍ່ເປັນວັນອາທິດ, ທີ 12 ກຸມພາລະໄດທ່ານຜູ້ຟັງ! ເຖິງວ່າໄລຍະຫຼິ້ນບຸນກຸດຈີນໝົດໄປແທ້ໆແລ້ວໃນມື້ວັນຈັນຜ່ານມາພຸ້ນກໍ່ຕາມ! ແຕ່ໃນສັງຄົມຈີນ ສື່ມວນຊົນຈີນກໍ່ຍັງມີຫຼາຍເລື່ອງທີ່ເພິ່ນຖອດຖອນບົດຮຽນຈາກການຫຼິ້ນບຸນກຸດຈີນມາວິເຄາະວິໄຈກັນວ່າມີອັນໃດດີ ທີ່ຄວນສົ່ງເສີມ ແລະມີອັນໃດອ່ອນທີ່ຄວນປັບປຸງແກ້ໄຂ, ຄືນນີ້ໜຸ່ມໃຫຍ່ຈະຈັບເອົາປະເດັນກ່ຽວກັບການຫຼິ້ນບຸນກຸດຈີນຂອງຄົນຈີນທີ່ມີບາງອັນສະທ້ອນຕໍ່ສຸຂະພາບອອກມາເວົ້າສູ່ຟັງ ໂດຍສະເພາະກໍ່ແມ່ນເຮັດໃຫ້ເປັນພະຍາດຫົວໃຈ, ເຮັດໃຫ້ເຈັບກະເພາະຫຼືໄດ້ຮັບບາດເຈັບແລະອື່ນໆ! ໂດຍສະເພາະການດື່ມໜັກນິນະ ໜຸ່ມໃຫຍ່ກໍ່ຂໍຍົກຂື້ນມາເວົ້າສູ່ຟັງ ເພາະວ່າຄັນຮອດບຸນປີໃໝ່ແລ້ວ ບໍ່ວ່າຈີນຫຼືລາວກໍ່ຢາກຄ້າຍໆກັນ. ດື່ມໜັກກ່ວາທຳມະດາ ຈົນອາດພາໃຫ້ເສຍສຸຂະພາບຫຼືເຈັບໂຊກໍ່ມີ ຕາງວ່າເປັນອຸທາຫອນເຕືອນໃຈນໍ້ ເພາະອີກບໍ່ຮອດ 2 ເດືອນເຕັມກໍ່ຮອດບຸນປີໃໝ່ສົງການຫົດນ້ຳຂອງລາວກໍ່ຊິມາຮອດລະເດເນາະ! ແຕ່ວ່າຕອນນີ້ຟັງເພງມ່ວນໆຈາກລາຍການກ່ອນເນາະ!
ເພງ
ສອງເພງທຳອິດຈາກລາຍການຜ່ານໄປ, ເອົາ, ຢາກມີຄຳເຫັນຫຍັງ ຫຼື ຢາກຮູ້ຫຍັງກ່ຽວກັບຈີນກໍ່ຕິດຕໍ່ມາ! ມີບາງທ່ານຢາກຮູ້ກ່ຽວກັບເທບພະເຈົ້າອົງຕ່າງໆຂອງຈີນ ເລື່ອງນີ້ກໍ່ຢາກຊອກອ່າວຍາກແດ່ ຂໍຕິດຄ້າງໄວ້ກ່ອນເນາະ! ເອົາ, ບັດນີ້ກໍ່ກັບເຂົ້າມາສູ່ກິ່ນອາຍຂອງບຸນກຸດຈີນທີ່ຍັງມີໃຫ້ເວົ້າເຖິງເພື່ອເປັນອຸທາຫອນສອນໃຈ ເຕືອນສະຕິວ່າການສະຫຼອງບຸນປະເພນີແທ້ໆແລ້ວເກືອບດີໝົດ ແຕ່ຄົນເຮົາຍຸກໃໝ່ນີ້ເອງທີ່ເຮັດໃຫ້ມັນໂລດໂຜນເຜີນເກີນເລີຍ ຈົນເຮັດໃຫ້ບາງອັນສະທ້ອນ ກະທົບຕໍ່ສຸຂະພາບຮ່າງກາຍ! ໃນປີໃໝ່ຫຼືກຸດຈີນຜ່ານມານີ້ ອີງຕາມຂໍ້ມູນຂອງສູນປະຖົມພະຍາບານເບື້ອງຕົ້ນຂອງນະຄອນ ເສິນຢາງ ແຂວງ ຫຼຽວໝິງ ບອກວ່າ: ຢູ່ນະຄອນເສິນຢາງໃນໄລຍະບຸນກຸດຈີນຜ່ານມານີ້ ຄືໃນລະຫ່ວາງ 7 ມື້ຂອງການສະຫຼອງມີຄົນເສຍຊີວິດ 259 ຄົນ. ຊື່ງສ່ວນໃຫຍ່ແມ່ນຍ້ອນພະຍາດຫົວໃຈຫຼືເສັ້ນເລືອດໃນສະໝອງແຕກ, ຄັນທຽບໃສ່ 7 ມື້ຂອງການສະຫຼອງປີໃໝ່ປີກາຍນີ້ເພີ່ມຂື້ນ 4.1% ທ່ານ ຊູຜິງ ຜູ້ອຳນວຍການໂຮງໝໍ ເສິນໂຈ່ວ ນະຄອນ ເສິນຢາງ ເມືອງເອກຂອງແຂວງ ຫຼຽວໝິງ ບອກວ່າ: ມັນແມ່ນຍາມທີ່ເກີດພະຍາດຫົວໃຈວາຍຫຼາຍທີ່ສຸດ ສາເຫດຕົ້ນຕໍແມ່ນການດື່ມໜັກເກີນໄປໃນຍາມບຸນ, ການນັ່ງຫຼິ້ນໄພ້ດົນ ການຫຼິ້ນອື່ນໆທັງເວັນທັງຄືນກໍ່ເປັນສາເຫດສຳຄັນຄືກັນ! ບັນຫານີ້ບໍ່ແມ່ນເກີດຂື້ນຫຼາຍສະເພາະແຕ່ນະຄອນ ເສິນຢາງ ໄດທ່ານຜູ້ຟັງ! ສູນປະຖົມພະຍາບານເບື້ອງຕົ້ນຂອງເມືອງ ປາວຕິງ ແຂວງ ຫູເປີຍ ກໍ່ໄດ້ຮັບຄົນເຈັບ 125 ຄົນ ທີ່ເປັນພະຍາດຫົວໃຈກະທັນຫັນ ເພີ່ມຂື້ນເຖິງ 32% ທ້າວ ຈີ່ ກ່ວາງຊົ່ງ ອາຍຸ 24 ປີ, ທີ່ກັບເມືອບ້ານເກີດເພື່ອສະຫຼອງປີໃໝ່ຮ່ວມກັບຄອບຄົວແລະຍາດພີ່ນ້ອງຢູ່ແຂວງ ຈີ້ຫຼິນ 7 ມື້ເວົ້າວ່າ: ດຽວນີ້ການສະຫຼອງບຸນກຸດຈີນກາຍເປັນຄວາມຫວານຊື່ນທີ່ທໍລະມານ, ເພາະວ່າມີຫຼາຍຄອບຄົວ ທັງເຕົ້າໂຮມ ທັງມີງານລ້ຽງນ້ອຍງານລ້ຽງໃຫຍ່ສັງສັນກັນ ລະກະບັງຄັບໃຫ້ຂ້ອຍດື່ມຫຼາຍໝົດມື້ຈົນຮອດທ່ຽງຄືນ ສ່ວນຫຼາຍພາກັນດື່ມເຫຼົ້າແວງ ແລະບອກໃຫ້ຍົກໝົດຕະຫຼອດ ຂ້ອຍກໍ່ຈົນໄດ້ລັກຖອກຖິ້ມຫຼາຍເທື່ອ. ຍາມໃດກໍ່ໝົດໆບໍ່ໄຫວແທ້ໄດເນາະທ່ານຜູ້ຟັງ! ຄັນຄ່ອຍກິນ ຄ່ອຍດື່ມ ຄ່ອຍລົມກັນໄປມ່ວນກວ່າດັອກໜຸ່ມໃຫຍ່ວ່າ ບໍ່ຕ້ອງບັງຄັບກັນຫຼາຍມັນແພ້ສຸຂະພາບອີ່ຫຼີໄດ໋! ຮູ້ຢູ່ດັອກວ່າເຈົ້າພາບໃຈໃຫຍ່ ຮັກແຂກແພງຄົນ ແຕ່ບໍ່ຄວນບັງຄັບກັນຫຼາຍ ກໍ່ປະຢັດທັງເງິນທັງສຸຂະພາບຕວະເນາະ! ເອົາ, ຟັງເພງກ່ອນແລ້ວຈະເອົາຜົນສຳຫຼວດການດື່ມໃນປີໃໝ່ຜ່ານມານີ້ເວົ້າສູ່ຟັງ ວ່າຢູ່ໃສດື່ມໜັກກ່ອນໝູ່ໃນຈີນ
ເພງ
ຕາມທີ່ເວບໄຊດັງຂອງຈີນ sohu ສຳຫຼວດການດື່ມເຫຼົ້າໃນໄລຍະປີໃໝ່ ບ່ອນທີ່ຄົນມັກດື່ມຫຼາຍ ດື່ມໜັກ 3 ເມືອງທຳອິດກໍ່ແມ່ນ ນະຄອນ ປັກກິ່ງ, ແຂວງ ຊ່ານຕົ່ງ ແລະ ແຂຍ ເຫີເປີຍ. ນາງ ສາງ ສູໝານ ອາຍຸ 29 ປີ ທີ່ເປັນຜູ້ໜຶ່ງທີ່ຖືກສຳຫຼວດຄວາມເຫັນ ແລະ ກໍ່ເມົາແທ້ເມົາວ່າໃນໄລຍະສະຫຼອງກຸດຈີນກໍ່ເວົ້າວ່າ: ພວກເຮົາຫຼີກການດື່ມເຫຼົ້າໃນປີໃໝ່ບໍ່ໄດ້ ເພາະວ່າມັນເປັນປະເພນີອັນໜຶ່ງ! ການດື່ມໜັກໃນໂອກາດປີໃໝ່ກໍ່ເປັນສາເຫດເຮັດໃຫ້ຫຼາຍຄົນເຈັບກະເພາະ, ດຣ ຫົງໂປ ຂອງໂຮງໝໍສູນກາງເລກ 4 ທຽນສິນເວົ້າວ່າ: ພະຍາດກະເພາະສາເຫດຕົ້ນຕໍກໍ່ມາຈາກການດື່ມເຫຼົ້າຫຼາຍໂພດ, ກິນບໍ່ປົກກະຕິ ຫຼື ການກິນອາຫານບໍ່ຖືກຫຼັກອະນາໄມ. ສ່ວນ ທ້າວ ອູຢາງໝານ ຄົນນະຄອນທຽນສິນ ຫຼື ຖິ່ນຈິ່ນກໍ່ວ່າ: ໃນໄລຍະສະຫຼອງແຕ່ລະມື້ຂ້ອຍຕ້ອງໄປຢາມເຮືອນພີ່ນ້ອງໝູ່ຄູ່ 4 ເຮືອນ ກິນເຂົ້ານຳເຂົາເຈົ້າມື້ໜຶ່ງ 4 ຄາບທີ່ເຕັມໄປດ້ວຍຊີ້ນ ແລ້ວຈັ່ງໃດກະເພາະຂ້ອຍຊິຍ່ອຍທັນວ່າຊັ້ນ! ບັດນີ້ຜູ້ເປັນພະຍາດຫົວໃຈ ການຕື່ນສຽງຈູດໝາກກະໂພກ ຫຼື ຍິງດອກໄມ້ໄຟສຽງດັງແຮງໆກໍ່ອັນຕະລາຍຫຼາຍ. ສ່ວນ ລຸງ ຫຼີ ຊົ່ງຊ່ຽງ ອາຍຸ 62 ປີ ເວົ້າວ່າ: ຂ້ອຍຊິບໍ່ຈູດໝາກກະໂພກດອກໄມ້ໄຟອີກຈັກເທື່ອ, ຂ້ອຍຈູດມາໄດ້ 40 ປີແລ້ວ ບໍ່ຄິດເລີຍວ່າມັນຈະເຮັດໃຫ້ຂ້ອຍໄດ້ຮັບບາດເຈັບ ລຸງຫຼີ ເພິ່ນຈູດດອກໄມ້ໄຟແລ້ວຖືກຕາຊ້າຍເພິ່ນ ຄັນບໍ່ໄປໂຮງໝໍທັນຕາບອດແລ້ວ! ໃນການສະຫຼອງປີໃໝ່ກຸດຈີນຜ່ານມານີ້ ຢູ່ນະຄອນ ເສິນຢາງ ມີຄົນຕາບອດຈາກການຈູດໝາກກະໂພກ ຈູດດອກໄມ້ໄຟ 8 ຄົນພຸ້ນໄດ໋ທ່ານຜູ້ຟັງ! ອັນນີ້ລະເພິ່ນວ່າບຸນປະເພນີກໍ່ຄືບຸນປະເພນີ ຄັນຫຼິ້ນ ຄັນສະຫຼອງດຸເດືອດມັນເມົາເກີນໄປ ເກີນພໍດີມັນກໍ່ອັນຕະລາຍຕໍ່ຕົນເອງຕໍ່ຄອບຄົວ! ເອົາ, ມີເລື່ອງອຸທາຫອນຈັ່ງຊີ້ໜຸ່ມໃຫຍ່ກໍ່ເອົາມາເວົ້າສູ່ຟັງ! ເພື່ອເປັນການເຕືອນສະຕິກັນໄວ້ແຕ່ໄກ ເພາະວ່າອີກບໍ່ຮອດສອງເດືອນກໍ່ຈະຮອດບຸນປີໃໝ່ສົງການແລ້ວ ເປັນຫ່ວງຫຼາຍການດື່ມໜັກເກີນໄປ ຫຼື ຫົດນ້ຳກັນແບບຮຸນແຮງເປີເປື້ອນ, ບໍ່ຖືກກັບຮີດຄອງປະເພນີລາວເຮົາຫັ້ນນ່າ! ເອົາ, ຟັງເພງອີກກ່ອນແລ້ວຈະກັບມາເວົ້າເຖິງເລື່ອງຮົງກົງເລີ່ມວາງແຜນຈຳກັນແມ່ມານຈາກແຜ່ນດິນໃຫ່ຍຈີນຂ້າມໄປອອກລູກ
ເພງ
ຄັນມິດລາຍການທ່ານໃດໄດ້ຟັງລາຍການເບິ່ງເມືອງຈີນໃນໄລຍະອາທິດກ່ອນກໍ່ອາດໄດ້ຍິນໜຸ່ມໃຫຍ່ເອົາເລື່ອງແມ່ມານຈາກແຜ່ນດິນໃຫຍ່ຈີນລຸລັ່ງກັນໄປເກີດລູກຢູ່ຮົງກົງ ເພື່ອໃຫ້ລູກໄດ້ສັນຊາດຮົງກົງໂດຍອັດຕະໂນມັດ ໄດ້ຮຽນລ້າ ເຖົ້າມາກໍ່ມີສະຫວັດດີການດີ ອອກລູກໄດດ້ຫຼາຍຄົນອີກ ຈຳນວນຫຼາຍຂື້ນຫຼາຍຂື້ນຈົນແມ່ຍິງກັບແພດປະດຸງຄັນຂອງຮົງກົງຫຼາຍຄົນເກີດຄວາມບໍ່ພໍໃຈ ເພາະວ່າຄົນຮົງກົງເສຍພາສີໃຫ້ລັດສູງ ແຕ່ຄົນຈີນຈາກແຜ່ນດິນໃຫຍ່ ຫຼາຍຄົນຫາວິທີເຂົ້າມານຳໃຊ້້ສິດຜົນປະໂຫຍດທາງສະຫວັດດີການສັງຄົມຢູ່ຮົງກົງ ໂດຍບໍ່ໄດ້ເສຍພາສີຈັກໂດລາຮົງກົງເລີຍ! ຂ່າວລ່າສຸດໃນຕົ້ນເດືອນນີ້ ທ່ານ ຢັອກໂຈວ ຜູ້ຮັບຜິດຊອບວຽກງານອາຫານ ແລະ ສຸຂະພາບ ຂອງເຂດບໍລິຫານພິເສດຮົງກົງ ອອກມາຖະແຫຼງຂ່າວວ່າ: ອົງການບໍລິຫານຮົງກົງຈະທົບທວນເພື່ອປັບປຸງລະບຽບກົດໝາຍ ນະໂຍບາຍກ່ຽວກັບເລື່ອງນີ້ຄືນ. ທ່ານ ໂຈ່ວ ຖະແຫຼງວ່າ: ອົງການບໍລິຫານຈະປຶກສາບັນຫານີ້ກັບເຈົ້າໜ້າທີ່ໂຮງໝໍລັດ ແລະ ໂຮງໝໍເອກະຊົນຂອງຮົງກົງ ໃນໄລຍະເດືອນນີ້ເດືອນໜ້ານິລະ! ວ່າຈະປັບປຸງແນວໃດ? ຜ່ານມາຮົງກົງກໍ່ຕັດຈຳນວນແມ່ມານທີ່ບໍໍ່ແມ່ນຄົນຮົງກົງມາອອກລູກຢູ່ຮົງກົງໄດ້ແລ້ວ ຄືປີນີ້ໃຫ້ແຕ່ 35.000 ຄົນ. ເພື່ອຫຼຸດຜ່ອນຄວາມຕ້ອງການໃນການບໍລິການ ດຽວນີ້ເບິ່ງຕົວເລກກໍ່ສັງເກດເຫັນແມ່ນມານຄົນຮົງກົງເອງເກີດລູກຫຼາຍຂື້ນ ຖືວ່າເປັນສັນຍານທີ່ດີຫຼາຍ ແລະຊາວໜຸ່ມຮົງກົງກໍ່ແຕ່ງງານກັນຫຼາຍຂື້ນ ສະນັ້ນກໍ່ຕ້ອງບໍລິການຄົນຮົງກົງຫຼາຍຂື້ນ! ທ່ານ ໂຈວ ບອກວ່າ: ຮົງກົງປັບຈຳນວນອະນຸຍາດໃຫ້ແມ່ຍິງຈາກແຜ່ນດິນໃຫຍ່ຫຼືປະເທດອື່ນມາອອກລູກຢູ່ຮົງກົງ ເປັນປີໆໄປ ແລະກໍ່ປຶກສາກັບເຈົ້າໜ້າທີ່ຈີນແຜ່ນດີນໃຫຍ່ ຫາວິທີເຂົ້າມາເກີດລູກຢູ່ຮົງກົງ. ຕາມຕົວເລກໃນປີ 2010 ມີເດັກເກີດໃໝ່ຢູ່ຮົງກົງປະມານ 88.000 ຄົນ. ໃນຫັ້ນແມ່ນແມ່ມານຈາກແຜ່ນດິນໃຫຍ່ປະມານ 41.000 ຄົນ. ເກືອບເຄີ່ງໜຶ່ງເນາະທ່ານຜູ້ຟັງ! ປົວດີ ບໍລິການດີ ສິດທິໄລຍະຍາວໃຫ້ລູກນຳອີ ໃຜຊິບໍ່ຢາກໄປເນາະທ່ານຜູ້ຟັງ! ອອກລູກໄດ້ຫຼາຍຄົນອີກ ຢູ່ແຜ່ນດິນໃຫຍ່ໄດ້ແຕ່ຄົນດຽວໄດ໋ ເປັນແນວນັ້ນຈັກຖືກກົດໝາຍບໍ່ຖືກກົດໝາຍບໍ່ສົນ. ຊອກຊ່ອງທາງໄປແລ້ວບາດນິ ບາງເທື່ອໄດ້ຍັດເງິນໄດ້ຈ້າງຫຼາຍເຕີບກໍ່ຍອມລະ ໂດຍສະເພາະຜູ້ມີຖານະອ່າວດີແດ່ ຈາກແຜ່ນດິນໃຫຍ່ທີ່ຢູ່ໃກ້ຮົງກົງຫັ້ນລະ! ຟັງເພງປ່ຽນບັນຍາກາດກ່ອນເນາະ! ແລ້ວຈະເອົາມາດຕະການໃໝ່ຂອງຄອບຄົວປອງດອງຢູ່ນະຄອນຫຼວງປັກກິ່ງມາເວົ້າສູ່ຟັງ!
ເພງ
711477, 9300 ບັດນີ້ຈະເອົາມາດຕະການໃໝ່ຂອງຄອບຄົວປອງດອງທີ່ສະຫະພັນແມ່ຍິງນະຄອນຫຼວງປັກກິ່ງວາງອອກໃຫມ່ໆ! ມາຟັງເບິ່ງວ່າຫາງສຽງສັງຄົມມີຄຳເຫັນແນວໃດຕໍ່ມາດຕະການໃໝ່ນີ້? ສະຫະພັນແມ່ຍິງນະຄອນຫຼວງປັກກິ່ງ ຮ່ວມກັບສະຖາບັນວິທະຍາສາດສັງຄົມ ເພິ່ນຮ່ວມກັນວາງອອກມາ ແລະປະກາດອອກໃນວັນທີ 2 ເດືອນນີ້ລະ! ມີນຳກັນທັງໝົດ 27 ມາດຖານເພື່ອສ້າງຄອບຄົວປອງດອງ! ອອກມາປັບກໍ່ຖືກຕຳນິຕິຕຽນຈາກມວນຊົນຊາວປັກກິ່ງຫຼາຍສົມຄວນວ່າມັນເໝາະແລ້ວບໍ່ກັບຊີວິດປະຈຳວັນທີ່ເປັນປົກກະຕິຢູ່ສູ່ມື້ນີ້ຂອງຄົນປັກກິ່ງ! ມັນຖືກກັບບຕົວຈິງບໍ່? ຄັນບໍ່ໄດ້ມາດຖານເພິ່ນບໍ່ແມ່ນຄອບຄົວປອງດອງແມ່ນບໍ່? ມີຫາງສຽງແນວນັ້ນລະ? ໃນຈຳນວນ 27 ມາດຖານວາງອອກມາໃໝ່ ກໍ່ມີບາງອັນແນວນີ້ລະ! ຕ້ອງຮູ້ນຳໃຊ້ສິ່ງເສດເຫຼືອຄືນໃໝ່ເພື່ອຮັກສາສະພາບແວດລ້ອມ, ຕ້ອງນຳໃຊ້ລະບົບຂົນສົ່ງສາທາລະນະຄື: ລົດເມ, ລົດໄຟໃຕ້ດິນ, ມີສ່ວນຮ່ວມໃນວຽກງານອາສາສະໝັກຂອງຊຸມຊົນ, ຕ້ອງມີປື້ມອ່ານໃນເຮືອນຢ່າງໜ້ອຍ 3000 ຫົວແລະອື່ນໆ! ບາງມາດຖານມວນຊົນຊາວປັກກິ່ງກໍ່ຖົກຖຽງກັນຫຼາຍວ່າ: ມັນບໍ່ສູງເກີນໄປບໍ ມັນຊິເຮັດໄດ້ບໍ? ຄືປັກກິ່ງຜູ້ໜຶ່ງນາມສະກຸນ ໂຈ່ວ, ອອກຄວາມເຫັນແບບຕະຫຼົກວ່າ: ຄອບຄົວລາວບໍ່ແມ່ນຄອບຄົວສາມັກຄີປອງດອງ ເພາະວ່າບໍ່ໄດ້ມາດຕະຖານເພິ່ນວາງອອກໃໝ່ຈັກອັນ, ລາວວ່າຄວາມເຄົາລົບຮັກແພງ ເບິ່ງແຍງກັນໃນຄອບຄົວພຸ້ນຕິສຳຄັນກ່ວາມາດຕະການເພິ່ນວາງອອກ? ລາວວ່າ: ຄັນຄອບຄົວກຳມະກອນເຄື່ອນຍ້າຍເຮັດວຽກຫາເງິນໜັກ, ລູກກໍ່ຮຽນໜັກແລະຄອບຄົວກໍ່ມີຄວາມຮັກແພງກັນດີ ແຕ່ບໍ່ມີເງິນ ຫຼືເວລາພາຄອບຄົວໄປທ່ຽວ ຫຼືໄປຊື້ເຄື່ອງຕາມຮ້ານໃຫຍ່ໆ ຖືວ່າບໍ່ແມ່ນຄອບຄົວທີ່ປອງດອງວ່າຊັ້ນຫວະ? ລາວຖາມຄືນ! ເງື່ອນໄຂຂອງແຕ່ລະຄອບຄົວມັນຕ່າງກັນໄດເນາະທ່ານຜູ້ຟັງ! ບໍ່ວ່າຄົນຢູ່ປັກກິ່ງຮັ່ງໝົດໄດ໋! ຕອນທ່ຽງກຳມະກອນເຮັດວຽກເມື່ອຍນຸ່ງເຄື່ອງເປື້ອນເປິ ກິນເຂົ້າແບບງ່າຍໆແລ້ວ ນອນຫຼັບພັກຜ່ອນຢູ່ຕາມແຄມທາງກໍ່ມີໄດ! ກ່ຽວກັບເລື່ອງນີ້ສະຫະພັນແມ່ຍິງປັກກິ່ງຍັງບໍ່ໄດ້ອອກມາຕອບຫຍັງເທື່ອ! ແຜນການຮັກສາຄວາມສາມັກຄີປອງດອງຄອບຄົວໃໝ່ນີ້, ທາງສະຫະພັນແມ່ຍິງບອກວ່າ: ປີໜຶ່ງຈະຄັດເລືອກເອົາ 200 ຄອບຄົວມາເປັນຄອບຄົວຕົວແບບທັງໝົດ ເກືອບ 5 ລ້ານ 2 ແສນ 5ໝື່ນຄອບຄົວໃນປັກກິ່ງ! ກໍ່ເປັນແນວຄິດລິເລີ່ມທີ່ດີຢູ່ດັອກ ແຕ່ມັນກໍ່ຕ້ອງເບິ່ງສະພາບຕົວຈິງວ່າບາງມາດຖານຄົນທົ່ວໄປມັນຊິເຮັດໄດ້ບໍ່? ຄັນຄອບຄົວພວກເງິນເຫຼືອຖົງມັນບໍ່ຍາກດັອກ! ແຕ່ກໍ່ອາດຈະຍາກຄືກັນເດີ້! ຄອບຄົວຮັ່ງເພິ່ນບໍ່ຄ່ອຍຢາກສົນ ຢາກມີສ່ວນຮ່ວມກັບວຽກຊຸມຊົນໄດ໋
ເພງ
ຈົບ
ເພງ
ສອງເພງທຳອິດຈາກລາຍການຜ່ານໄປ, ເອົາ, ຢາກມີຄຳເຫັນຫຍັງ ຫຼື ຢາກຮູ້ຫຍັງກ່ຽວກັບຈີນກໍ່ຕິດຕໍ່ມາ! ມີບາງທ່ານຢາກຮູ້ກ່ຽວກັບເທບພະເຈົ້າອົງຕ່າງໆຂອງຈີນ ເລື່ອງນີ້ກໍ່ຢາກຊອກອ່າວຍາກແດ່ ຂໍຕິດຄ້າງໄວ້ກ່ອນເນາະ! ເອົາ, ບັດນີ້ກໍ່ກັບເຂົ້າມາສູ່ກິ່ນອາຍຂອງບຸນກຸດຈີນທີ່ຍັງມີໃຫ້ເວົ້າເຖິງເພື່ອເປັນອຸທາຫອນສອນໃຈ ເຕືອນສະຕິວ່າການສະຫຼອງບຸນປະເພນີແທ້ໆແລ້ວເກືອບດີໝົດ ແຕ່ຄົນເຮົາຍຸກໃໝ່ນີ້ເອງທີ່ເຮັດໃຫ້ມັນໂລດໂຜນເຜີນເກີນເລີຍ ຈົນເຮັດໃຫ້ບາງອັນສະທ້ອນ ກະທົບຕໍ່ສຸຂະພາບຮ່າງກາຍ! ໃນປີໃໝ່ຫຼືກຸດຈີນຜ່ານມານີ້ ອີງຕາມຂໍ້ມູນຂອງສູນປະຖົມພະຍາບານເບື້ອງຕົ້ນຂອງນະຄອນ ເສິນຢາງ ແຂວງ ຫຼຽວໝິງ ບອກວ່າ: ຢູ່ນະຄອນເສິນຢາງໃນໄລຍະບຸນກຸດຈີນຜ່ານມານີ້ ຄືໃນລະຫ່ວາງ 7 ມື້ຂອງການສະຫຼອງມີຄົນເສຍຊີວິດ 259 ຄົນ. ຊື່ງສ່ວນໃຫຍ່ແມ່ນຍ້ອນພະຍາດຫົວໃຈຫຼືເສັ້ນເລືອດໃນສະໝອງແຕກ, ຄັນທຽບໃສ່ 7 ມື້ຂອງການສະຫຼອງປີໃໝ່ປີກາຍນີ້ເພີ່ມຂື້ນ 4.1% ທ່ານ ຊູຜິງ ຜູ້ອຳນວຍການໂຮງໝໍ ເສິນໂຈ່ວ ນະຄອນ ເສິນຢາງ ເມືອງເອກຂອງແຂວງ ຫຼຽວໝິງ ບອກວ່າ: ມັນແມ່ນຍາມທີ່ເກີດພະຍາດຫົວໃຈວາຍຫຼາຍທີ່ສຸດ ສາເຫດຕົ້ນຕໍແມ່ນການດື່ມໜັກເກີນໄປໃນຍາມບຸນ, ການນັ່ງຫຼິ້ນໄພ້ດົນ ການຫຼິ້ນອື່ນໆທັງເວັນທັງຄືນກໍ່ເປັນສາເຫດສຳຄັນຄືກັນ! ບັນຫານີ້ບໍ່ແມ່ນເກີດຂື້ນຫຼາຍສະເພາະແຕ່ນະຄອນ ເສິນຢາງ ໄດທ່ານຜູ້ຟັງ! ສູນປະຖົມພະຍາບານເບື້ອງຕົ້ນຂອງເມືອງ ປາວຕິງ ແຂວງ ຫູເປີຍ ກໍ່ໄດ້ຮັບຄົນເຈັບ 125 ຄົນ ທີ່ເປັນພະຍາດຫົວໃຈກະທັນຫັນ ເພີ່ມຂື້ນເຖິງ 32% ທ້າວ ຈີ່ ກ່ວາງຊົ່ງ ອາຍຸ 24 ປີ, ທີ່ກັບເມືອບ້ານເກີດເພື່ອສະຫຼອງປີໃໝ່ຮ່ວມກັບຄອບຄົວແລະຍາດພີ່ນ້ອງຢູ່ແຂວງ ຈີ້ຫຼິນ 7 ມື້ເວົ້າວ່າ: ດຽວນີ້ການສະຫຼອງບຸນກຸດຈີນກາຍເປັນຄວາມຫວານຊື່ນທີ່ທໍລະມານ, ເພາະວ່າມີຫຼາຍຄອບຄົວ ທັງເຕົ້າໂຮມ ທັງມີງານລ້ຽງນ້ອຍງານລ້ຽງໃຫຍ່ສັງສັນກັນ ລະກະບັງຄັບໃຫ້ຂ້ອຍດື່ມຫຼາຍໝົດມື້ຈົນຮອດທ່ຽງຄືນ ສ່ວນຫຼາຍພາກັນດື່ມເຫຼົ້າແວງ ແລະບອກໃຫ້ຍົກໝົດຕະຫຼອດ ຂ້ອຍກໍ່ຈົນໄດ້ລັກຖອກຖິ້ມຫຼາຍເທື່ອ. ຍາມໃດກໍ່ໝົດໆບໍ່ໄຫວແທ້ໄດເນາະທ່ານຜູ້ຟັງ! ຄັນຄ່ອຍກິນ ຄ່ອຍດື່ມ ຄ່ອຍລົມກັນໄປມ່ວນກວ່າດັອກໜຸ່ມໃຫຍ່ວ່າ ບໍ່ຕ້ອງບັງຄັບກັນຫຼາຍມັນແພ້ສຸຂະພາບອີ່ຫຼີໄດ໋! ຮູ້ຢູ່ດັອກວ່າເຈົ້າພາບໃຈໃຫຍ່ ຮັກແຂກແພງຄົນ ແຕ່ບໍ່ຄວນບັງຄັບກັນຫຼາຍ ກໍ່ປະຢັດທັງເງິນທັງສຸຂະພາບຕວະເນາະ! ເອົາ, ຟັງເພງກ່ອນແລ້ວຈະເອົາຜົນສຳຫຼວດການດື່ມໃນປີໃໝ່ຜ່ານມານີ້ເວົ້າສູ່ຟັງ ວ່າຢູ່ໃສດື່ມໜັກກ່ອນໝູ່ໃນຈີນ
ເພງ
ຕາມທີ່ເວບໄຊດັງຂອງຈີນ sohu ສຳຫຼວດການດື່ມເຫຼົ້າໃນໄລຍະປີໃໝ່ ບ່ອນທີ່ຄົນມັກດື່ມຫຼາຍ ດື່ມໜັກ 3 ເມືອງທຳອິດກໍ່ແມ່ນ ນະຄອນ ປັກກິ່ງ, ແຂວງ ຊ່ານຕົ່ງ ແລະ ແຂຍ ເຫີເປີຍ. ນາງ ສາງ ສູໝານ ອາຍຸ 29 ປີ ທີ່ເປັນຜູ້ໜຶ່ງທີ່ຖືກສຳຫຼວດຄວາມເຫັນ ແລະ ກໍ່ເມົາແທ້ເມົາວ່າໃນໄລຍະສະຫຼອງກຸດຈີນກໍ່ເວົ້າວ່າ: ພວກເຮົາຫຼີກການດື່ມເຫຼົ້າໃນປີໃໝ່ບໍ່ໄດ້ ເພາະວ່າມັນເປັນປະເພນີອັນໜຶ່ງ! ການດື່ມໜັກໃນໂອກາດປີໃໝ່ກໍ່ເປັນສາເຫດເຮັດໃຫ້ຫຼາຍຄົນເຈັບກະເພາະ, ດຣ ຫົງໂປ ຂອງໂຮງໝໍສູນກາງເລກ 4 ທຽນສິນເວົ້າວ່າ: ພະຍາດກະເພາະສາເຫດຕົ້ນຕໍກໍ່ມາຈາກການດື່ມເຫຼົ້າຫຼາຍໂພດ, ກິນບໍ່ປົກກະຕິ ຫຼື ການກິນອາຫານບໍ່ຖືກຫຼັກອະນາໄມ. ສ່ວນ ທ້າວ ອູຢາງໝານ ຄົນນະຄອນທຽນສິນ ຫຼື ຖິ່ນຈິ່ນກໍ່ວ່າ: ໃນໄລຍະສະຫຼອງແຕ່ລະມື້ຂ້ອຍຕ້ອງໄປຢາມເຮືອນພີ່ນ້ອງໝູ່ຄູ່ 4 ເຮືອນ ກິນເຂົ້ານຳເຂົາເຈົ້າມື້ໜຶ່ງ 4 ຄາບທີ່ເຕັມໄປດ້ວຍຊີ້ນ ແລ້ວຈັ່ງໃດກະເພາະຂ້ອຍຊິຍ່ອຍທັນວ່າຊັ້ນ! ບັດນີ້ຜູ້ເປັນພະຍາດຫົວໃຈ ການຕື່ນສຽງຈູດໝາກກະໂພກ ຫຼື ຍິງດອກໄມ້ໄຟສຽງດັງແຮງໆກໍ່ອັນຕະລາຍຫຼາຍ. ສ່ວນ ລຸງ ຫຼີ ຊົ່ງຊ່ຽງ ອາຍຸ 62 ປີ ເວົ້າວ່າ: ຂ້ອຍຊິບໍ່ຈູດໝາກກະໂພກດອກໄມ້ໄຟອີກຈັກເທື່ອ, ຂ້ອຍຈູດມາໄດ້ 40 ປີແລ້ວ ບໍ່ຄິດເລີຍວ່າມັນຈະເຮັດໃຫ້ຂ້ອຍໄດ້ຮັບບາດເຈັບ ລຸງຫຼີ ເພິ່ນຈູດດອກໄມ້ໄຟແລ້ວຖືກຕາຊ້າຍເພິ່ນ ຄັນບໍ່ໄປໂຮງໝໍທັນຕາບອດແລ້ວ! ໃນການສະຫຼອງປີໃໝ່ກຸດຈີນຜ່ານມານີ້ ຢູ່ນະຄອນ ເສິນຢາງ ມີຄົນຕາບອດຈາກການຈູດໝາກກະໂພກ ຈູດດອກໄມ້ໄຟ 8 ຄົນພຸ້ນໄດ໋ທ່ານຜູ້ຟັງ! ອັນນີ້ລະເພິ່ນວ່າບຸນປະເພນີກໍ່ຄືບຸນປະເພນີ ຄັນຫຼິ້ນ ຄັນສະຫຼອງດຸເດືອດມັນເມົາເກີນໄປ ເກີນພໍດີມັນກໍ່ອັນຕະລາຍຕໍ່ຕົນເອງຕໍ່ຄອບຄົວ! ເອົາ, ມີເລື່ອງອຸທາຫອນຈັ່ງຊີ້ໜຸ່ມໃຫຍ່ກໍ່ເອົາມາເວົ້າສູ່ຟັງ! ເພື່ອເປັນການເຕືອນສະຕິກັນໄວ້ແຕ່ໄກ ເພາະວ່າອີກບໍ່ຮອດສອງເດືອນກໍ່ຈະຮອດບຸນປີໃໝ່ສົງການແລ້ວ ເປັນຫ່ວງຫຼາຍການດື່ມໜັກເກີນໄປ ຫຼື ຫົດນ້ຳກັນແບບຮຸນແຮງເປີເປື້ອນ, ບໍ່ຖືກກັບຮີດຄອງປະເພນີລາວເຮົາຫັ້ນນ່າ! ເອົາ, ຟັງເພງອີກກ່ອນແລ້ວຈະກັບມາເວົ້າເຖິງເລື່ອງຮົງກົງເລີ່ມວາງແຜນຈຳກັນແມ່ມານຈາກແຜ່ນດິນໃຫ່ຍຈີນຂ້າມໄປອອກລູກ
ເພງ
ຄັນມິດລາຍການທ່ານໃດໄດ້ຟັງລາຍການເບິ່ງເມືອງຈີນໃນໄລຍະອາທິດກ່ອນກໍ່ອາດໄດ້ຍິນໜຸ່ມໃຫຍ່ເອົາເລື່ອງແມ່ມານຈາກແຜ່ນດິນໃຫຍ່ຈີນລຸລັ່ງກັນໄປເກີດລູກຢູ່ຮົງກົງ ເພື່ອໃຫ້ລູກໄດ້ສັນຊາດຮົງກົງໂດຍອັດຕະໂນມັດ ໄດ້ຮຽນລ້າ ເຖົ້າມາກໍ່ມີສະຫວັດດີການດີ ອອກລູກໄດດ້ຫຼາຍຄົນອີກ ຈຳນວນຫຼາຍຂື້ນຫຼາຍຂື້ນຈົນແມ່ຍິງກັບແພດປະດຸງຄັນຂອງຮົງກົງຫຼາຍຄົນເກີດຄວາມບໍ່ພໍໃຈ ເພາະວ່າຄົນຮົງກົງເສຍພາສີໃຫ້ລັດສູງ ແຕ່ຄົນຈີນຈາກແຜ່ນດິນໃຫຍ່ ຫຼາຍຄົນຫາວິທີເຂົ້າມານຳໃຊ້້ສິດຜົນປະໂຫຍດທາງສະຫວັດດີການສັງຄົມຢູ່ຮົງກົງ ໂດຍບໍ່ໄດ້ເສຍພາສີຈັກໂດລາຮົງກົງເລີຍ! ຂ່າວລ່າສຸດໃນຕົ້ນເດືອນນີ້ ທ່ານ ຢັອກໂຈວ ຜູ້ຮັບຜິດຊອບວຽກງານອາຫານ ແລະ ສຸຂະພາບ ຂອງເຂດບໍລິຫານພິເສດຮົງກົງ ອອກມາຖະແຫຼງຂ່າວວ່າ: ອົງການບໍລິຫານຮົງກົງຈະທົບທວນເພື່ອປັບປຸງລະບຽບກົດໝາຍ ນະໂຍບາຍກ່ຽວກັບເລື່ອງນີ້ຄືນ. ທ່ານ ໂຈ່ວ ຖະແຫຼງວ່າ: ອົງການບໍລິຫານຈະປຶກສາບັນຫານີ້ກັບເຈົ້າໜ້າທີ່ໂຮງໝໍລັດ ແລະ ໂຮງໝໍເອກະຊົນຂອງຮົງກົງ ໃນໄລຍະເດືອນນີ້ເດືອນໜ້ານິລະ! ວ່າຈະປັບປຸງແນວໃດ? ຜ່ານມາຮົງກົງກໍ່ຕັດຈຳນວນແມ່ມານທີ່ບໍໍ່ແມ່ນຄົນຮົງກົງມາອອກລູກຢູ່ຮົງກົງໄດ້ແລ້ວ ຄືປີນີ້ໃຫ້ແຕ່ 35.000 ຄົນ. ເພື່ອຫຼຸດຜ່ອນຄວາມຕ້ອງການໃນການບໍລິການ ດຽວນີ້ເບິ່ງຕົວເລກກໍ່ສັງເກດເຫັນແມ່ນມານຄົນຮົງກົງເອງເກີດລູກຫຼາຍຂື້ນ ຖືວ່າເປັນສັນຍານທີ່ດີຫຼາຍ ແລະຊາວໜຸ່ມຮົງກົງກໍ່ແຕ່ງງານກັນຫຼາຍຂື້ນ ສະນັ້ນກໍ່ຕ້ອງບໍລິການຄົນຮົງກົງຫຼາຍຂື້ນ! ທ່ານ ໂຈວ ບອກວ່າ: ຮົງກົງປັບຈຳນວນອະນຸຍາດໃຫ້ແມ່ຍິງຈາກແຜ່ນດິນໃຫຍ່ຫຼືປະເທດອື່ນມາອອກລູກຢູ່ຮົງກົງ ເປັນປີໆໄປ ແລະກໍ່ປຶກສາກັບເຈົ້າໜ້າທີ່ຈີນແຜ່ນດີນໃຫຍ່ ຫາວິທີເຂົ້າມາເກີດລູກຢູ່ຮົງກົງ. ຕາມຕົວເລກໃນປີ 2010 ມີເດັກເກີດໃໝ່ຢູ່ຮົງກົງປະມານ 88.000 ຄົນ. ໃນຫັ້ນແມ່ນແມ່ມານຈາກແຜ່ນດິນໃຫຍ່ປະມານ 41.000 ຄົນ. ເກືອບເຄີ່ງໜຶ່ງເນາະທ່ານຜູ້ຟັງ! ປົວດີ ບໍລິການດີ ສິດທິໄລຍະຍາວໃຫ້ລູກນຳອີ ໃຜຊິບໍ່ຢາກໄປເນາະທ່ານຜູ້ຟັງ! ອອກລູກໄດ້ຫຼາຍຄົນອີກ ຢູ່ແຜ່ນດິນໃຫຍ່ໄດ້ແຕ່ຄົນດຽວໄດ໋ ເປັນແນວນັ້ນຈັກຖືກກົດໝາຍບໍ່ຖືກກົດໝາຍບໍ່ສົນ. ຊອກຊ່ອງທາງໄປແລ້ວບາດນິ ບາງເທື່ອໄດ້ຍັດເງິນໄດ້ຈ້າງຫຼາຍເຕີບກໍ່ຍອມລະ ໂດຍສະເພາະຜູ້ມີຖານະອ່າວດີແດ່ ຈາກແຜ່ນດິນໃຫຍ່ທີ່ຢູ່ໃກ້ຮົງກົງຫັ້ນລະ! ຟັງເພງປ່ຽນບັນຍາກາດກ່ອນເນາະ! ແລ້ວຈະເອົາມາດຕະການໃໝ່ຂອງຄອບຄົວປອງດອງຢູ່ນະຄອນຫຼວງປັກກິ່ງມາເວົ້າສູ່ຟັງ!
ເພງ
711477, 9300 ບັດນີ້ຈະເອົາມາດຕະການໃໝ່ຂອງຄອບຄົວປອງດອງທີ່ສະຫະພັນແມ່ຍິງນະຄອນຫຼວງປັກກິ່ງວາງອອກໃຫມ່ໆ! ມາຟັງເບິ່ງວ່າຫາງສຽງສັງຄົມມີຄຳເຫັນແນວໃດຕໍ່ມາດຕະການໃໝ່ນີ້? ສະຫະພັນແມ່ຍິງນະຄອນຫຼວງປັກກິ່ງ ຮ່ວມກັບສະຖາບັນວິທະຍາສາດສັງຄົມ ເພິ່ນຮ່ວມກັນວາງອອກມາ ແລະປະກາດອອກໃນວັນທີ 2 ເດືອນນີ້ລະ! ມີນຳກັນທັງໝົດ 27 ມາດຖານເພື່ອສ້າງຄອບຄົວປອງດອງ! ອອກມາປັບກໍ່ຖືກຕຳນິຕິຕຽນຈາກມວນຊົນຊາວປັກກິ່ງຫຼາຍສົມຄວນວ່າມັນເໝາະແລ້ວບໍ່ກັບຊີວິດປະຈຳວັນທີ່ເປັນປົກກະຕິຢູ່ສູ່ມື້ນີ້ຂອງຄົນປັກກິ່ງ! ມັນຖືກກັບບຕົວຈິງບໍ່? ຄັນບໍ່ໄດ້ມາດຖານເພິ່ນບໍ່ແມ່ນຄອບຄົວປອງດອງແມ່ນບໍ່? ມີຫາງສຽງແນວນັ້ນລະ? ໃນຈຳນວນ 27 ມາດຖານວາງອອກມາໃໝ່ ກໍ່ມີບາງອັນແນວນີ້ລະ! ຕ້ອງຮູ້ນຳໃຊ້ສິ່ງເສດເຫຼືອຄືນໃໝ່ເພື່ອຮັກສາສະພາບແວດລ້ອມ, ຕ້ອງນຳໃຊ້ລະບົບຂົນສົ່ງສາທາລະນະຄື: ລົດເມ, ລົດໄຟໃຕ້ດິນ, ມີສ່ວນຮ່ວມໃນວຽກງານອາສາສະໝັກຂອງຊຸມຊົນ, ຕ້ອງມີປື້ມອ່ານໃນເຮືອນຢ່າງໜ້ອຍ 3000 ຫົວແລະອື່ນໆ! ບາງມາດຖານມວນຊົນຊາວປັກກິ່ງກໍ່ຖົກຖຽງກັນຫຼາຍວ່າ: ມັນບໍ່ສູງເກີນໄປບໍ ມັນຊິເຮັດໄດ້ບໍ? ຄືປັກກິ່ງຜູ້ໜຶ່ງນາມສະກຸນ ໂຈ່ວ, ອອກຄວາມເຫັນແບບຕະຫຼົກວ່າ: ຄອບຄົວລາວບໍ່ແມ່ນຄອບຄົວສາມັກຄີປອງດອງ ເພາະວ່າບໍ່ໄດ້ມາດຕະຖານເພິ່ນວາງອອກໃໝ່ຈັກອັນ, ລາວວ່າຄວາມເຄົາລົບຮັກແພງ ເບິ່ງແຍງກັນໃນຄອບຄົວພຸ້ນຕິສຳຄັນກ່ວາມາດຕະການເພິ່ນວາງອອກ? ລາວວ່າ: ຄັນຄອບຄົວກຳມະກອນເຄື່ອນຍ້າຍເຮັດວຽກຫາເງິນໜັກ, ລູກກໍ່ຮຽນໜັກແລະຄອບຄົວກໍ່ມີຄວາມຮັກແພງກັນດີ ແຕ່ບໍ່ມີເງິນ ຫຼືເວລາພາຄອບຄົວໄປທ່ຽວ ຫຼືໄປຊື້ເຄື່ອງຕາມຮ້ານໃຫຍ່ໆ ຖືວ່າບໍ່ແມ່ນຄອບຄົວທີ່ປອງດອງວ່າຊັ້ນຫວະ? ລາວຖາມຄືນ! ເງື່ອນໄຂຂອງແຕ່ລະຄອບຄົວມັນຕ່າງກັນໄດເນາະທ່ານຜູ້ຟັງ! ບໍ່ວ່າຄົນຢູ່ປັກກິ່ງຮັ່ງໝົດໄດ໋! ຕອນທ່ຽງກຳມະກອນເຮັດວຽກເມື່ອຍນຸ່ງເຄື່ອງເປື້ອນເປິ ກິນເຂົ້າແບບງ່າຍໆແລ້ວ ນອນຫຼັບພັກຜ່ອນຢູ່ຕາມແຄມທາງກໍ່ມີໄດ! ກ່ຽວກັບເລື່ອງນີ້ສະຫະພັນແມ່ຍິງປັກກິ່ງຍັງບໍ່ໄດ້ອອກມາຕອບຫຍັງເທື່ອ! ແຜນການຮັກສາຄວາມສາມັກຄີປອງດອງຄອບຄົວໃໝ່ນີ້, ທາງສະຫະພັນແມ່ຍິງບອກວ່າ: ປີໜຶ່ງຈະຄັດເລືອກເອົາ 200 ຄອບຄົວມາເປັນຄອບຄົວຕົວແບບທັງໝົດ ເກືອບ 5 ລ້ານ 2 ແສນ 5ໝື່ນຄອບຄົວໃນປັກກິ່ງ! ກໍ່ເປັນແນວຄິດລິເລີ່ມທີ່ດີຢູ່ດັອກ ແຕ່ມັນກໍ່ຕ້ອງເບິ່ງສະພາບຕົວຈິງວ່າບາງມາດຖານຄົນທົ່ວໄປມັນຊິເຮັດໄດ້ບໍ່? ຄັນຄອບຄົວພວກເງິນເຫຼືອຖົງມັນບໍ່ຍາກດັອກ! ແຕ່ກໍ່ອາດຈະຍາກຄືກັນເດີ້! ຄອບຄົວຮັ່ງເພິ່ນບໍ່ຄ່ອຍຢາກສົນ ຢາກມີສ່ວນຮ່ວມກັບວຽກຊຸມຊົນໄດ໋
ເພງ
ຈົບ
