ວັນແຫ່ງຄວາມຮັກຢູ່ຈີນ
(GMT+08:00) 2012-04-26 14:54:03 cri
ສະບາຍດີມິດຮັກແຟນລາຍການເບິ່ງເມືອງຈີນທຸກໆທ່ານ! 19 ໂມງປັບພົບກັບໜຸ່ມໃຫຍ່ອາລົມດີທີ່ນຳເອົາລາຍການເບິ່ງເມືອງຈີນມາພົບກັບທ່ານທຸກມື້ທາງຄື້ນ CRI FM 93Mhz! ພົບກັນມື້ນີ້ກໍ່ແມ່ນຄືນວັນອັງຄານ, ທີ 14 ກຸມພາ 2012 ເດືອນນີ້ມີແຕ່ 29 ມື້ໄດທ່ານຜູ້ຟັງ! ບາງທ່ານລືມແລ້ວບໍ່ຈັກ ມື້ສອງມື້ມາເບິ່ງ, ມາຟັງຂ່າວຄາວຂອງປະເທດຕາເວັນຕົກຫຼືບາງປະເທດອອ້ມແອ້ມລາວເຮົານິກໍ່ຄືວ່າຟົດຟື້ນສະອິ່ນສະອອນນຳແທ້ໆ ກັບວັນແຫ່ງຄວາມຮັກ ຫຼືເພິ່ນເອີ້ນເປັນພາສາອັງກິດວ່າ: Valentine's day, ຊາວໜຸ່ມລາວບ່າວ-ສາວນ້ອຍໃຫຍ່ຈຳນວນໜຶ່ງກໍ່ຫ້າວຂະໜາດ ເພື່ອສະຫຼອງກັນໃນມື້ນີ້ ຮ້ານດອກໄມ້ນ້ອຍແຄມທາງປົ່ງຂື້ນປານດອກເຫັດ ກຸຫຼາບແດງຢູ່ວຽງຈັນນີ້ໄປເສັ້ນໃດກໍ່ເຫັນໝົດ ຂອງຂັວນຕຸກກະຕາຕິດຄຳວ່າ LOVE ມີຂາຍໄປທົ່ວ! ເວົ້າແທ້ແລ້ວເວົ້າເຖິງຄຳວ່າຮັກມັນກໍ່ດີໝົດຫັ້ນລະເນາະທ່ານຜູ້ຟັງ! ຮັກກັນມັນດີກ່ວາຊັງກັນຢູ່ແລ້ວ ເພາະວ່າຄັນສ້າງຮັກມັນກໍ່ໝາຍຄວາມວ່າສ້າງມິດ ຄັນສ້າງຄວາມກຽດຊັງມັນກໍ່ໝາຍຄວາມວ່າສ້າງສັດຕູແມ່ນບໍ່ລະ? ແຕ່ວ່າອັນທີ່ໜ້າເປັນຫ່ວງນັ້ນລະແມ່ນ ອັນໜຶ່ງມັນບໍ່ແມ່ນວັດທະນະທຳເຮົາ ແຕ່ບ່າວ-ສາວຈຳນວນໜຶ່ງໄປເຫີ່ນຳແຮງໂພດ ໄປຕາມກະແສຂອງສື່ຕາເວັນຕົກ ແລະສື່ຂອງບາງປະເທດໃກ້ຄຽງທີ່ຫຼົງໄຫຼນຳວັດທະນະທຳຕາເວັນຕົກ! ອັນສອງກໍ່ແມ່ນພວກທຸລະກິດຫົວໃສຈຳນວນໜຶ່ງ ໂດຍສະເພາະແມ່ນທຸລະກິດບັນເທີງນິລະ! ບໍ່ວ່າຈະເປັນ Night cub, bar, Karaoke, ຮ້ານອາຫານ, ໂຮງແຮມ ບາງແຫ່ງກໍ່ສວຍໂອກາດສ້າງກິດຈະກຳບາງອັນທີ່ກະຕຸ້ນໃຫ້ຊາວໜຸ່ມຫຼົງໄຫຼນຳວັດທະນະທຳຕາເວັນຕົກນີ້ຢ່າງຮຸນແຮງ! ບໍ່ວ່າຈະເປັນການຫຼຸດແລກແຈກແຖມ ຊັກຊວນກັນສະຫຼອງ ດື່ມຈົນມຶນເມົາຂາດສະຕິສະຕາງ ໂດຍສະເພາະຜູ້ສາວນ້ອຍສາວໃຫຍ່ຈົນເສຍຄວາມບໍລິສຸດໃນມື້ນີ້ກໍ່ອາດມີ! ຂໍນຳເດີ້ນ້ອງນຸ່ງຍິງສາວທີ່ລົງເຮືອນໃນມື້ນີ້ ຢ່າໄປຫຼົງນຳກະແສນິຍົມທີ່ຜິດໆ ໄປໄດ້ດອກກຸຫຼາບງາມໆ ດື່ມເຫຼົ້າເຂົ້າໄປ ແລ້ວໄປມອບຄວາວສາວໃຫ້ຄູ່ຮັກແບບໃຈງ່າຍໃນມື້ນີ້ ຢ່າເຮັດແທ້ໆ ມັນມີແຕ່ຈະສ້າງຜົນສະທ້ອນທາງລົບມາເດີ້! ພໍ່-ແມ່ ຜູ້ປົກຄອງຄືກັນ ລູກລົງເຮືອນຄືນນີ້ໄດ້ເຕືອນສະຕິລູກດີລະບໍ່? ໂດຍສະເພາະລູກສາວຫັ້ນ! ເປັນໄປໄດ້ບໍ່ໃຫ້ລົງເຮືອນເລີຍແຮ່ງດີ ໂດຍສະເພາະຜູ້ທີ່ຍັງບໍ່ຮູ້ອີ່ໂນອີ່ເນຫັຍງຫັ້ນນະ! ໂດຍສະເພາະຜູ້ສາວທີ່ອາຍຸຕ່ຳກ່ວາ 20 ປີແນວນີ້ສ່ຽງຫຼາຍ ທີ່ຈະຕົກເປັນເຫຍື່ອຂອງບັນດາຜູ້ບ່າວໃຫຍ່ ບ່າວນ້ອຍ ທີ່ຈະສວຍໂອກາດໃນຄືນທີ່ພາກັນວ່າ ໂຣແມນຕິກທີ່ສຸດເລີຍໃນຄືນນີ້! ເອົາ, ເຕືອນມາດ້ວຍຄວາມເປັນຫ່ວງເປັນໄຍອີ່ຫຼີ! ຟັງເພງຊຸດທຳອິດກ່ອນເນາະ! ແຕ່ບໍ່ຕ້ອງແປກໃຈເດີ້ມິດລາຍການ, ຄືນນີ້ໜຸ່ມໃຫຍ່ຈະເປີດເພງຈີນກັບເພງອັງກິດສະຫຼັບສັບປ່ຽນກັນໄປ! ມາຟັງເພງຊຸດທຳອິດສາກ່ອນແລ້ວຈະມາເວົ້າເລື່ອງບັນຍາກາດການສະຫຼອງວັນແຫ່ງຄວາມຮັກຢູ່ຈີນສູ່ຟັງວ່າເປັນແນວໃດ?
ເພງ
ສອງເພງທຳອິດມ່ວນໆຊື້ງໆຜ່ານໄປເຂົ້າກັບບັນຍາກາດວັນວາເລນທາຍຂອງຕາເວັນຕົກດີ! ເວົ້າເຖິງມື້ນີ້ແລ້ວບ່າວສາວຈີນກໍ່ເຫີ່ບໍ່ແມ່ນທຳມະດາໄດທ່ານຜູ້ຟັງ! ບ່າວສາວຫຼາຍຄົນກໍ່ເຈັບຫົວຍ້ອນຊື້ຂອງຂັວນແພງໆໃຫ້ແຟນສາວ! ແຕ່ຫຼາຍຄົນກໍ່ຫາປະຢັດດີ ບໍ່ຕ້ອງອອກໄປກິນເຂົ້າຄ່ຳ, ບໍ່ຕ້ອງໄປເບິ່ງຮູບເງົາ, ບໍ່ຕ້ອງໄປເທັກໄປບາ! ຝາກຄວາມຈາກໃຈຜ່ານອິນເຕີເນັດກໍ່ໄດ້ ປະຢັດດີ! ດຽວນີ້ເຄືອຂ່າຍສັງຄົມອອນລາຍມີປະໂຫຍດຫຼາຍບໍ່ວ່າຈະເປັນ Facebook, MSN, Twiter, Skype ແລະອື່ນໆ! ສົ່ງສຽງ, ຮູບ, ຕົວໜັງສືງາມໆໄດ້ໝົດ ຊິເອົາໂຣແມນຕິກຊ່ຳໃດ? ຢູ່ຈີນເວັບໄຊ ທຽນຍາ.cnໄດ້ຮັບຄວາມນິຍົມຫຼາຍ! ຜູ້ບ່າວຜູ້ສາວຈີນສົ່ງຄວາມໃນໃຈຫວານໆຫາກັນອຶກກະທຶກ, ນັບມາຮອດ 7ໂມງແລງວານນີ້ມີບ່າວສາວຫຼືຜູ້ອື່ນໆສົ່ງຄຳຫວານໆໃຫ້ກັນຜ່ານເວັບໄຊນີ້ຕັ້ງວ່າ 527.731 ຂໍ້ຄວາມ. ມື້ນີ້ໝົດມື້ແຮ່ງຊິເຕັມແລ້ວ! ແຕ່ເວັບນີ້ຈຳກັດຄຳເວົ້າເທື່ອໜຶ່ງໄດ້ 140 ຄຳເທົ່ານັ້ນ, ກໍ່ຍາວເຕີບແລ້ວເນາະ! ສ່ວນຫຼາຍຄົນເຮົາສົ່ງຄຳເວົ້າດີໆງາມໆໃຫ້ກັນສັ້ນໆແຕ່ຄົມຄາຍກິນໃຈກໍ່ໄດ້ແລ້ວ! ຄຳຫວານໆຢູ່ຂອກແຄແຈຮົ້ວໃດກໍ່ໄປແງະໄປໂງ້ເອົາມາໃຊ້ມື້ນີ້ໝົດລະນໍ້! ຜູ້ຊື່ວ່າ ສຽວສຽວໝີ ຂຽນຂື້ນວ່າ: ມື້ນີ້ແລະມື້ອື່ນ! ຖ້າໄດ້ພຽງສອງມື້ ມັນຈະແມ່ນມື້ກາງເວັນແລະກາງຄືນ, ຖ້າໄດ້ແຕ່ມື້ດຽວມັນຈະແມ່ນທຸກໆມື້ພຸ້ນຕວະ! ຫວານຈົນມົດຕອມຍຶໆເນາະ! ຜູ້ໃສ່ລະຫັດຕົວເອງວ່າ 2204371701 ກໍ່ຂຽນວ່າ: ຂ້ອຍເຫັນຊື່ເຈົ້າຢູ່ເທິງເວັບໄຊ ແລະຂ້ອຍຄິດຮອດເຈົ້າທີ່ສຸດເລີຍ! ຄວາມຮັກຄັ້ງທຳອິດຂອງຂ້ອຍ! ຂ້ອຍຄິດຮອດມື້ທີ່ພວກເຮົາຢູ່ນຳກັນແລະຂໍອວຍພອນໃຫ້ເຈົ້າຈົ່ງມີຄວາມສຸກຕະຫຼອດໄປ! ຜູ້ຊື່ວ່າ ສູ້ເຝີຍ ຈູຊື ກໍຂຽນວ່າ: ຄວາມເສຍດາຍທີ່ບໍ່ມີເວລາຢູ່ກັບແຟນໃນວັນແຫ່ງຄວາມຮັກວ່າ: ຂ້ອຍຕ້ອງການໃຊ້ເວລາທີ່ເຫຼືອທັງໝົດຊີວິດຢູ່ກັບເຈົ້າ! ອື່, ຊື້ງຂະໜາດເນາະ! ບໍ່ອຶດແຕ່ຄຳເວົ້າຫວານໆສົ່ງຫາກັນຈີບກັນ. ທ່ານ ທັນ ເກີຈຽງ ນັກສຳຫຼວດຂອງສະຖາບັນສຳຫຼວດວິທະຍາສາດ-ສັງຄົມແຂວງ ຊ່ານຊີ ເວົ້າວ່າ: ການສົ່ງຄຳຮັກຜ່ານທາງອິນເຕີເນັດ ທຽບກັບການສົ່ງຈົດໝາຍຮັກໃນເມື່ອກ່ອນມັນກໍ່ຄືກັນ ເພາະວ່າທັງສອງວິທີມັນກໍ່ແມ່ນການນຳສົ່ງອາລົມຄວາມຮູ້ສຶກເຖິງກັນ ແຕ່ຄວາມແຕກຕ່າງຂອງມັນກໍ່ຄືຈົດໝາຍເປັນສ່ວນຕົວກ່ວາ! ແຕ່ຄັນເຮົາພິມ Post ຂື້ນເທິງເວັບໄຊມັນອາດຈະສາມາດສົ່ງຕໍ່ໄປໃຫ້ຜູ້ອື່ນໆອ່ານໄດ້ນຳຢ່າງກ້ວາງຂວາງ ສະນັ້ນຄັນເນື້ອໃນທີ່ສົ່ງຂື້ນເວບມັນບໍ່ເກີນຂອບເຂດ ແລະບໍ່ໄປແຕະຕ້ອງສິດສ່ວນຕົວຂອງຜູ້ອື່ນ ມັນກໍ່ເປັນວິທີທາງທີ່ດີຄືກັນ! ເພິ່ນເວົ້າກໍ່ໜ້າຄິດ ສະນັ້ນລະວັງກັນແດ່ຊາວໜຸ່ມທີ່ໃຊ້ Social Network ທັງຫຼາຍຈະ Post ຫັຍງຂື້ນໄປ ບໍ່ວ່າຈະເປັນຮູບນິ້ງ ຮູບວີດີໂອ ຫຼື ເນື້ອໃນຕ່າງໆ ຄຶດແດ່ວ່າມັນຈະມີຜົນດີຫຼືບໍ່? ອັນໃດແດ່ທີ່ຈະຕາມມາພາຍຫຼັງ ບໍ່ແມ່ນຄິດຫາແຕ່ຄວາມມ່ວນຄວາມຊື່ນ ບາງເທື່ອມັນອາດທຳລາຍຊື່ສຽງ ໃບໜ້າໃບຕາເຮົາ ຕໍ່ໄປເຖິງພໍ່ແມ່ຍາດພີ່ນ້ອງໃນໄລຍະຍາວກໍ່ໄດ້ໄດ໋! ຄຶດກ່ອນເຮັດ ບໍ່ແມ່ນ Post ຂື້ນໄປແລ້ວຈັ່ງມາຄຶດ ມັນແກ້ໄຂຫຍັງບໍ່ໄດ້ແທ້ໄດ! ອະ! ຟັງເພງກ່ອນເນາະແລ້ວຈະມາລົມສູ່ຟັງວ່າຢູ່ຈີນມີຄົນກຸ່ມໜຶ່ງທີ່ມີແນວຄິດສັງສັນ ເພື່ອຕໍ່ຕ້ານການມີຊູ້ມີກິກ ຕໍ່ຕ້ານການນອກໃຈໃນວັນແຫ່ງຄວາມຮັກ ແລະ ຕໍ່ຕ້ານກະແສນິຍົມທີ່ບໍ່ດີຂອງຊາວໜຸ່ມທີ່ມັກໄປນອນນຳກັນໃນວັນວາເລນທາຍ!
ເພງ
ສອງເພງຊຶ້ງໆຜ່ານໄປ! ໂດຍສະເພາະເພງຈີນທີ່ຫາກໍ່ຈົບໄປກີ້ນີ້ແມ່ນ ກຸຫຼາບແດງ 999 ດອກ! ໃນຄວາມໝາຍຂອງຈີນເລກ 9 ສາມໂຕແມ່ນໝາຍເຖິງ: ນິລັນດອນ ໄດທ່ານຜູ້ຟັງ! ດອກກຸຫຼາບແດງ 999 ດອກ ໝາຍເຖິງ ຄວາມຮັກທີ່ນິລັນດອນ ຫຼື Forever Love ນັ້ນລະ! ຄວາມໝາຍດີຂະໜາດເນາະ! ຢາກໃຫ້ແຟນຫຼືຜົວ-ເມຍທຸກຄູ່ເປັນແນວນີ້ເດ້! ສັງຄົມຄືຊິສະຫງົບຜາສຸກອົບອຸ່ນດີ! ມາຟັງກ່ຽວກັບຢູ່ຈີນມີກຸ່ມຄົນທີ່ມີແນວຄິດສັງສັນດີຫຼາຍກຸ່ມໜຶ່ງ! ເຂົາເຈົ້າເຮັດປ້າຍໂຄສະນາບັກໃຫຍ່ໄປຕິດຕັ້ງໄວ້ແຄມຖະໜົນທີ່ສຳຄັນວ່າ: ຂໍຢ່າໃຫ້ວັນແຫ່ງຄວາມຮັກກາຍເປັນວັນບຸນແຫ່ງການນອກໃຈ ແລະ ຂໍໃຫ້ຄວາມຮັກກັບເຮືອນ ! ເຂົາເຈົ້າຕິດຢູ່ແຄມທາງດ່ວນ ສືຫວງ ໃນນະຄອນ ຈື້ຢ່າຈ່ວງ ແຂວງ ເຫີເປີຍ. ຊື່ແທ້ໆຂອງກຸ່ມຄົນທີ່ມີແນວຄິດສັງສັນນີ້ແມ່ນ: ກຸ່ມເຄືອຂ່າຍຕໍ່ຕ້ານການມີຊູ້! ເຂົາເຈົ້າເປັນກຸ່ມຜູ້ຍິງທີ່ໃຊ້ອິນເຕີເນັດໃນນະຄອນ ຈື້ຢ່າຈ່ວງ ເຂົາເຈົ້າເຫັນເຖິງຄວາມອັນຕະລາຍຂອງການມີຊູ້ ນອກໃຈຜົວນອກໃຈເມຍວ່າຊັ້ນສະ! ລວມໄປເຖິງຊາວໜຸ່ມທີ່ມັກສະຫຼະຄວາມສົດໃຫ້ກັນກ່ອນໄວອັນຄວນໃນມື້ວັນແຫ່ງຄວາມຮັກ ທີ່ເປັນການກະທຳທີ່ບໍ່ດີເລີຍ! ເຂົາເຈົ້າກໍ່ເລີຍຮ່ວມກັນເປີດເວັບໄຊຕໍ່ຕ້ານການມີຊູ້ຂື້ນມາ. ໂດຍໃສ່ຄຳຂັວນຂອງເວັບໄຊວ່າ: " ຫ່າງໄກກັນຫຼາຍມັກມີຊູ້ ຈົ່ງຖະໜອມຮັກທີ່ມີຄຸນຄ່າ " ຖືວ່າເວັບຂອງເຂົາເຈົ້າໄດ້ຮັບການຕອບຮັບທີ່ດີຫຼາຍຈາກຜູ້ໃຊ້ອິນເຕີເນັດທັງຫຼາຍໃນເວລາບໍ່ພໍເທົ່າໃດເດືອນຜ່ານມານີ້! ເວັບໄຊນີ້ຍັງແຈ້ງໃຫ້ຕຳຫຼວດຈັບເວັບໄຊທີ່ລາມົກອະນາຈານ ຈົນໄດ້ຮັບລາງວັນຈາກລັດຖະບານ 10.000 ຢວນໃນປີກາຍນີ້! ແຕ່ວ່າກໍ່ຖືກຂົ່ມຂູ່ຈາກກຸ່ມມືມືດຄືກັນໄດ໋! ຜູ້ອຸປະຖຳເວັບນີ້ແມ່ນທ່ານ ຢາໄຫ່ຊິ່ນ ບອກວ່າໃນບໍ່ພໍເທົ່າໃດໃນປີຜ່ານມານີ້ ກຸ່ມທຸລະກິດໄດ້ທຸ້ມການໂຄສະນາຈັດກິດຈະກຳຕ່າງໆເພື່ອກະຕຸ້ນໃຫ້ຄົນຈີນມາສະຫຼອງວັນວາເລນທາຍ ຈົນນິຍົມກັນໄປໝົດໃນໝູ່ຊາວໜຸ່ມຈີນ ທັງໆທີ່ບໍ່ແມ່ນວັດທະນະທຳຈີນເລີຍ! ມັນໄດ້ສ້າງເລື່ອງທາງລົບຂື້ນຫຼາຍໃນສັງຄົມຈີນໃນລະຫ່ວາງວັນແຫ່ງຄວາມຮັກ 14 ກຸມພານີ້! ທາງເວັບນີ້ໄດ້ທຳການສຳຫຼວດຄວາມເຫັນ ແລະ ພົບວ່າໃນໄລຍະວັນແຫ່ງຄວາມຮັກ ວັນວາເລນທາຍເດ່ 14 ກຸມພານີ້ ການບໍລິການທີ່ຂາຍດີແບບເທນ້ຳເທທ່າໄດ້ດີແມ່ນ ໂຮງແຮມ, ເຮືອນພັກ ມີຄົນຍາດກັນຈອງລ່ວງໜ້າ, ຮ້ານບັນເທີງ, ຮ້ານຂາຍດອກໄມ້ສົດ, ຮ້ານເຊັກຊັອບ, ຮ້ານຂາຍເຄື່ອງປະດັບ! ແຕ່ວ່າມີຄູ່ຜົວ-ເມຍ ພາກັນໄປສະຫຼອງຈັກຄູ່ແດ່? ເພິ່ນຕັ້ງຄຳຖາມທີ່ໜ້າຄຶດຂື້ນມາ! ຈົນມີຄົນໃຊ້ອິນເຕີເນັດຢູ່ຈີນຈຳນວນໜຶ່ງເອີ້ນວັນວາເລນທາຍວ່າ: " ບຸນຫຼິ້ນຊູ້ ຫຼິ້ນກິກ " ເວັບໄຊແນວຄິດສັງສັນກຸ່ມນີ້ຢູ່ຈີນຈຶ່ງເຮັດປ້າຍໂຄສະນາຂະໜາດໃຫຍ່ຂື້ນມາແລ້ວເອົາໄປຕິດຕັ້ງໄວ້ຂ້າງຖະໜົນສຳຄັນຂອງນະຄອນ ຈື້ຢ່າຈ່ວງ ແຂວງ ເຫີເປີຍ ເພື່ອເຕືອນສະຕິກຸ່ມຄົນທີ່ຫຼົງໄຫຼໃນກາມໂລກີ ທາງເພດທັງຫຼາຍ. ເຂົາເຈົ້າເຮັດປ້າຍຂະໜາດໃຫຍ່ທັງໝົດ 4 ປ້າຍ ຂະໜາດ 18x6 ແມັດ ຢາຍໄປຕິດຕັ້ງຕາມຖະໜົນສາຍສຳຄັນກ່ອນວັນວາເລນທາຍ! ບໍລິສັດເຮັດປ້າຍໂຄສະນາກໍ່ສະໜັບສະໜູນແນວຄິດສັງສັນຂອງເຂົາເຈົ້າ ເລີຍຫຼຸດລາຄາຄ່າເຮັດປ້າຍໃຫ້ເປັນພິເສດ! ຟັງເພງກ່ອນແລ້ວຄ່ອຍລົມກັນຕໍ່!
ເພງ
ຂະນະນີ້………… ຄືນນີ້ໜຸ່ມໃຫຍ່ພວມລົມເຖິງກິດຈະກຳສັງສັນຂອງກຸ່ມຜູ້ຍິງຈີນ ຢູ່ນະຄອນ ຈື້ຢ່າຈ່ວງ ແຂວງ ເຫີເປີຍ ທີ່ມີທັງເວັບໄຊຕໍ່ຕ້ານການມີຊູ້ມີກິກ ນອກໃຈຜົວ ນອກໃຈເມຍ ແລະຕໍ່ຕ້ານຊາວໜຸ່ມທີ່ເສຍຕົວ ເສຍຄວາມສາວກ່ອນໄວອັນຄວນ, ໃກ້ວັນແຫ່ງຄວາມຮັກເຂົາເຈົ້າກໍ່ເຮັດປ້າຍບັກໃຫຍ່ ໄປຕັ້ງໄວ້ແຄມຖະໜົນເພື່ອຕໍ່ຕ້ານເລື່ອງນີ້! ສະມາຊິກຜູ້ໜຶ່ງຂອງກຸ່ມນີ້ ນາມສະກຸນ ເຈົ້າ ເວົ້າວ່າ: ໃນຖານະທີ່ເປັນແມ່ຍິງຜູ້ໜຶ່ງທີ່ມີລູກສາວຮຽນຢູ່ມັດທະຍົມ ເວລາເຫັນປ້າຍໂຄສະນາເອົາລູກອອກ ຢູ່ໃກ້ປະຕູເຂົ້າໂຮງຮຽນ ກໍ່ອຸກໃຈວ່າ ລູກສາວຈະເຕີບໂຕເປັນສາວຂື້ນມາແນວໃດ? ແລະຫວັງວ່າຄົນໃນສັງຄົມຈະຊ່ວຍກັນຕໍ່ຕ້ານການມີຊູ້ມີກິກ ແລະຕ້ານຊາວໜຸ່ມທີຫຼົງລະເລີງກັບກະແສສັງຄົມຕາເວັນຕົກ ທີ່ມັກກັນໄປທ່ຽວຫຼິ້ນກິນ ຈົນເມົາມັນ ແລ້ວກໍ່ໄປຈົບທີ່ໂຮງແຮມ, ເຮືອນພັກໃນຄືນວັນວາເລນທາຍ! ອື່, ອັນນີ້ລະເນາະຈິດໃຈຂອງຜູ້ເປັນພໍ່-ແມ່ ທີ່ຫ່ວງໄຍລູກ ໂດຍສະເພາະລູກສາວ. ບໍ່ວ່າຄົນຈີນ, ຄົນລາວ ຄົນອາຊີກໍ່ຫ່ວງລູກໝົດຊູ່ຄົນຫັ້ນລະ! ຫ່ວງນຳກະແສວັດທະນະທຳທີ່ເປື່ອຍເຍື່ອຍບາງອັນຂອງຕາເວັນຕົກບຸກເຂົ້າມາແຮງໂພດ, ດ້ານໜຶ່ງຄົນລຸ້ນໃໝ່ຈຳນວນໜຶ່ງກໍ່ຫຼົງໄຫຼນຳຈົນບໍ່ຮູ້ຈຳແນກວ່າອັນໃດຖືກ ອັນໃດຜິດ ອັນໃດຄວນ ອັນໃດບໍ່ຄວນ? ເວົ້າເຖິງຄວາມຮັກມັນຫ້າມກັນບໍ່ໄດ້ນ້ອງນຸ່ງເອີ້ຍ! ແຕ່ວ່າເຮົາຈະເຮັດແນວໃດໃຫ້ຖືກຕ້ອງຕາມຮີດຄອງປະເພນີ! ບໍ່ທຳລາຍອະນາຄົດຂອງຕົນເອງ ບໍ່ທຳລາຍຊື່ສຽງໜ້າຕາຂອງພໍ່-ແມ່ຍາດພີ່ນ້ອງ! ຢ່າລືມວ່າ ຖ້າເວົ້າເຖິງຄວາມຮັກ ມັນບໍ່ແມ່ນມີແຕ່ສຳລັບແຟນເທົ່ານັ້ນ ຄວາມຮັກມັນຄວນມີໄວ້ໃຫ້ ພໍ່-ແມ່ ອ້າຍເອື້ອຍນ້ອງຄອບຄົວ, ຍາດພີ່ນ້ອງຜູ້ທີ່ເພິ່ນຮັກເຮົາຫ່ວງເຮົານຳ! ຢ່າລືມວ່າຄວາມຮັກທີ່ບໍລິສຸດທີ່ສຸດ ຄວາມຮັກທີ່ບໍ່ຫວັງສິ່ງຕອບແທນກໍ່ຄືຄວາມຮັກຈາກພໍ່-ແມ່ນັ້ນເອງ.
ເພງ
ຈົບ
ເພງ
ສອງເພງທຳອິດມ່ວນໆຊື້ງໆຜ່ານໄປເຂົ້າກັບບັນຍາກາດວັນວາເລນທາຍຂອງຕາເວັນຕົກດີ! ເວົ້າເຖິງມື້ນີ້ແລ້ວບ່າວສາວຈີນກໍ່ເຫີ່ບໍ່ແມ່ນທຳມະດາໄດທ່ານຜູ້ຟັງ! ບ່າວສາວຫຼາຍຄົນກໍ່ເຈັບຫົວຍ້ອນຊື້ຂອງຂັວນແພງໆໃຫ້ແຟນສາວ! ແຕ່ຫຼາຍຄົນກໍ່ຫາປະຢັດດີ ບໍ່ຕ້ອງອອກໄປກິນເຂົ້າຄ່ຳ, ບໍ່ຕ້ອງໄປເບິ່ງຮູບເງົາ, ບໍ່ຕ້ອງໄປເທັກໄປບາ! ຝາກຄວາມຈາກໃຈຜ່ານອິນເຕີເນັດກໍ່ໄດ້ ປະຢັດດີ! ດຽວນີ້ເຄືອຂ່າຍສັງຄົມອອນລາຍມີປະໂຫຍດຫຼາຍບໍ່ວ່າຈະເປັນ Facebook, MSN, Twiter, Skype ແລະອື່ນໆ! ສົ່ງສຽງ, ຮູບ, ຕົວໜັງສືງາມໆໄດ້ໝົດ ຊິເອົາໂຣແມນຕິກຊ່ຳໃດ? ຢູ່ຈີນເວັບໄຊ ທຽນຍາ.cnໄດ້ຮັບຄວາມນິຍົມຫຼາຍ! ຜູ້ບ່າວຜູ້ສາວຈີນສົ່ງຄວາມໃນໃຈຫວານໆຫາກັນອຶກກະທຶກ, ນັບມາຮອດ 7ໂມງແລງວານນີ້ມີບ່າວສາວຫຼືຜູ້ອື່ນໆສົ່ງຄຳຫວານໆໃຫ້ກັນຜ່ານເວັບໄຊນີ້ຕັ້ງວ່າ 527.731 ຂໍ້ຄວາມ. ມື້ນີ້ໝົດມື້ແຮ່ງຊິເຕັມແລ້ວ! ແຕ່ເວັບນີ້ຈຳກັດຄຳເວົ້າເທື່ອໜຶ່ງໄດ້ 140 ຄຳເທົ່ານັ້ນ, ກໍ່ຍາວເຕີບແລ້ວເນາະ! ສ່ວນຫຼາຍຄົນເຮົາສົ່ງຄຳເວົ້າດີໆງາມໆໃຫ້ກັນສັ້ນໆແຕ່ຄົມຄາຍກິນໃຈກໍ່ໄດ້ແລ້ວ! ຄຳຫວານໆຢູ່ຂອກແຄແຈຮົ້ວໃດກໍ່ໄປແງະໄປໂງ້ເອົາມາໃຊ້ມື້ນີ້ໝົດລະນໍ້! ຜູ້ຊື່ວ່າ ສຽວສຽວໝີ ຂຽນຂື້ນວ່າ: ມື້ນີ້ແລະມື້ອື່ນ! ຖ້າໄດ້ພຽງສອງມື້ ມັນຈະແມ່ນມື້ກາງເວັນແລະກາງຄືນ, ຖ້າໄດ້ແຕ່ມື້ດຽວມັນຈະແມ່ນທຸກໆມື້ພຸ້ນຕວະ! ຫວານຈົນມົດຕອມຍຶໆເນາະ! ຜູ້ໃສ່ລະຫັດຕົວເອງວ່າ 2204371701 ກໍ່ຂຽນວ່າ: ຂ້ອຍເຫັນຊື່ເຈົ້າຢູ່ເທິງເວັບໄຊ ແລະຂ້ອຍຄິດຮອດເຈົ້າທີ່ສຸດເລີຍ! ຄວາມຮັກຄັ້ງທຳອິດຂອງຂ້ອຍ! ຂ້ອຍຄິດຮອດມື້ທີ່ພວກເຮົາຢູ່ນຳກັນແລະຂໍອວຍພອນໃຫ້ເຈົ້າຈົ່ງມີຄວາມສຸກຕະຫຼອດໄປ! ຜູ້ຊື່ວ່າ ສູ້ເຝີຍ ຈູຊື ກໍຂຽນວ່າ: ຄວາມເສຍດາຍທີ່ບໍ່ມີເວລາຢູ່ກັບແຟນໃນວັນແຫ່ງຄວາມຮັກວ່າ: ຂ້ອຍຕ້ອງການໃຊ້ເວລາທີ່ເຫຼືອທັງໝົດຊີວິດຢູ່ກັບເຈົ້າ! ອື່, ຊື້ງຂະໜາດເນາະ! ບໍ່ອຶດແຕ່ຄຳເວົ້າຫວານໆສົ່ງຫາກັນຈີບກັນ. ທ່ານ ທັນ ເກີຈຽງ ນັກສຳຫຼວດຂອງສະຖາບັນສຳຫຼວດວິທະຍາສາດ-ສັງຄົມແຂວງ ຊ່ານຊີ ເວົ້າວ່າ: ການສົ່ງຄຳຮັກຜ່ານທາງອິນເຕີເນັດ ທຽບກັບການສົ່ງຈົດໝາຍຮັກໃນເມື່ອກ່ອນມັນກໍ່ຄືກັນ ເພາະວ່າທັງສອງວິທີມັນກໍ່ແມ່ນການນຳສົ່ງອາລົມຄວາມຮູ້ສຶກເຖິງກັນ ແຕ່ຄວາມແຕກຕ່າງຂອງມັນກໍ່ຄືຈົດໝາຍເປັນສ່ວນຕົວກ່ວາ! ແຕ່ຄັນເຮົາພິມ Post ຂື້ນເທິງເວັບໄຊມັນອາດຈະສາມາດສົ່ງຕໍ່ໄປໃຫ້ຜູ້ອື່ນໆອ່ານໄດ້ນຳຢ່າງກ້ວາງຂວາງ ສະນັ້ນຄັນເນື້ອໃນທີ່ສົ່ງຂື້ນເວບມັນບໍ່ເກີນຂອບເຂດ ແລະບໍ່ໄປແຕະຕ້ອງສິດສ່ວນຕົວຂອງຜູ້ອື່ນ ມັນກໍ່ເປັນວິທີທາງທີ່ດີຄືກັນ! ເພິ່ນເວົ້າກໍ່ໜ້າຄິດ ສະນັ້ນລະວັງກັນແດ່ຊາວໜຸ່ມທີ່ໃຊ້ Social Network ທັງຫຼາຍຈະ Post ຫັຍງຂື້ນໄປ ບໍ່ວ່າຈະເປັນຮູບນິ້ງ ຮູບວີດີໂອ ຫຼື ເນື້ອໃນຕ່າງໆ ຄຶດແດ່ວ່າມັນຈະມີຜົນດີຫຼືບໍ່? ອັນໃດແດ່ທີ່ຈະຕາມມາພາຍຫຼັງ ບໍ່ແມ່ນຄິດຫາແຕ່ຄວາມມ່ວນຄວາມຊື່ນ ບາງເທື່ອມັນອາດທຳລາຍຊື່ສຽງ ໃບໜ້າໃບຕາເຮົາ ຕໍ່ໄປເຖິງພໍ່ແມ່ຍາດພີ່ນ້ອງໃນໄລຍະຍາວກໍ່ໄດ້ໄດ໋! ຄຶດກ່ອນເຮັດ ບໍ່ແມ່ນ Post ຂື້ນໄປແລ້ວຈັ່ງມາຄຶດ ມັນແກ້ໄຂຫຍັງບໍ່ໄດ້ແທ້ໄດ! ອະ! ຟັງເພງກ່ອນເນາະແລ້ວຈະມາລົມສູ່ຟັງວ່າຢູ່ຈີນມີຄົນກຸ່ມໜຶ່ງທີ່ມີແນວຄິດສັງສັນ ເພື່ອຕໍ່ຕ້ານການມີຊູ້ມີກິກ ຕໍ່ຕ້ານການນອກໃຈໃນວັນແຫ່ງຄວາມຮັກ ແລະ ຕໍ່ຕ້ານກະແສນິຍົມທີ່ບໍ່ດີຂອງຊາວໜຸ່ມທີ່ມັກໄປນອນນຳກັນໃນວັນວາເລນທາຍ!
ເພງ
ສອງເພງຊຶ້ງໆຜ່ານໄປ! ໂດຍສະເພາະເພງຈີນທີ່ຫາກໍ່ຈົບໄປກີ້ນີ້ແມ່ນ ກຸຫຼາບແດງ 999 ດອກ! ໃນຄວາມໝາຍຂອງຈີນເລກ 9 ສາມໂຕແມ່ນໝາຍເຖິງ: ນິລັນດອນ ໄດທ່ານຜູ້ຟັງ! ດອກກຸຫຼາບແດງ 999 ດອກ ໝາຍເຖິງ ຄວາມຮັກທີ່ນິລັນດອນ ຫຼື Forever Love ນັ້ນລະ! ຄວາມໝາຍດີຂະໜາດເນາະ! ຢາກໃຫ້ແຟນຫຼືຜົວ-ເມຍທຸກຄູ່ເປັນແນວນີ້ເດ້! ສັງຄົມຄືຊິສະຫງົບຜາສຸກອົບອຸ່ນດີ! ມາຟັງກ່ຽວກັບຢູ່ຈີນມີກຸ່ມຄົນທີ່ມີແນວຄິດສັງສັນດີຫຼາຍກຸ່ມໜຶ່ງ! ເຂົາເຈົ້າເຮັດປ້າຍໂຄສະນາບັກໃຫຍ່ໄປຕິດຕັ້ງໄວ້ແຄມຖະໜົນທີ່ສຳຄັນວ່າ: ຂໍຢ່າໃຫ້ວັນແຫ່ງຄວາມຮັກກາຍເປັນວັນບຸນແຫ່ງການນອກໃຈ ແລະ ຂໍໃຫ້ຄວາມຮັກກັບເຮືອນ ! ເຂົາເຈົ້າຕິດຢູ່ແຄມທາງດ່ວນ ສືຫວງ ໃນນະຄອນ ຈື້ຢ່າຈ່ວງ ແຂວງ ເຫີເປີຍ. ຊື່ແທ້ໆຂອງກຸ່ມຄົນທີ່ມີແນວຄິດສັງສັນນີ້ແມ່ນ: ກຸ່ມເຄືອຂ່າຍຕໍ່ຕ້ານການມີຊູ້! ເຂົາເຈົ້າເປັນກຸ່ມຜູ້ຍິງທີ່ໃຊ້ອິນເຕີເນັດໃນນະຄອນ ຈື້ຢ່າຈ່ວງ ເຂົາເຈົ້າເຫັນເຖິງຄວາມອັນຕະລາຍຂອງການມີຊູ້ ນອກໃຈຜົວນອກໃຈເມຍວ່າຊັ້ນສະ! ລວມໄປເຖິງຊາວໜຸ່ມທີ່ມັກສະຫຼະຄວາມສົດໃຫ້ກັນກ່ອນໄວອັນຄວນໃນມື້ວັນແຫ່ງຄວາມຮັກ ທີ່ເປັນການກະທຳທີ່ບໍ່ດີເລີຍ! ເຂົາເຈົ້າກໍ່ເລີຍຮ່ວມກັນເປີດເວັບໄຊຕໍ່ຕ້ານການມີຊູ້ຂື້ນມາ. ໂດຍໃສ່ຄຳຂັວນຂອງເວັບໄຊວ່າ: " ຫ່າງໄກກັນຫຼາຍມັກມີຊູ້ ຈົ່ງຖະໜອມຮັກທີ່ມີຄຸນຄ່າ " ຖືວ່າເວັບຂອງເຂົາເຈົ້າໄດ້ຮັບການຕອບຮັບທີ່ດີຫຼາຍຈາກຜູ້ໃຊ້ອິນເຕີເນັດທັງຫຼາຍໃນເວລາບໍ່ພໍເທົ່າໃດເດືອນຜ່ານມານີ້! ເວັບໄຊນີ້ຍັງແຈ້ງໃຫ້ຕຳຫຼວດຈັບເວັບໄຊທີ່ລາມົກອະນາຈານ ຈົນໄດ້ຮັບລາງວັນຈາກລັດຖະບານ 10.000 ຢວນໃນປີກາຍນີ້! ແຕ່ວ່າກໍ່ຖືກຂົ່ມຂູ່ຈາກກຸ່ມມືມືດຄືກັນໄດ໋! ຜູ້ອຸປະຖຳເວັບນີ້ແມ່ນທ່ານ ຢາໄຫ່ຊິ່ນ ບອກວ່າໃນບໍ່ພໍເທົ່າໃດໃນປີຜ່ານມານີ້ ກຸ່ມທຸລະກິດໄດ້ທຸ້ມການໂຄສະນາຈັດກິດຈະກຳຕ່າງໆເພື່ອກະຕຸ້ນໃຫ້ຄົນຈີນມາສະຫຼອງວັນວາເລນທາຍ ຈົນນິຍົມກັນໄປໝົດໃນໝູ່ຊາວໜຸ່ມຈີນ ທັງໆທີ່ບໍ່ແມ່ນວັດທະນະທຳຈີນເລີຍ! ມັນໄດ້ສ້າງເລື່ອງທາງລົບຂື້ນຫຼາຍໃນສັງຄົມຈີນໃນລະຫ່ວາງວັນແຫ່ງຄວາມຮັກ 14 ກຸມພານີ້! ທາງເວັບນີ້ໄດ້ທຳການສຳຫຼວດຄວາມເຫັນ ແລະ ພົບວ່າໃນໄລຍະວັນແຫ່ງຄວາມຮັກ ວັນວາເລນທາຍເດ່ 14 ກຸມພານີ້ ການບໍລິການທີ່ຂາຍດີແບບເທນ້ຳເທທ່າໄດ້ດີແມ່ນ ໂຮງແຮມ, ເຮືອນພັກ ມີຄົນຍາດກັນຈອງລ່ວງໜ້າ, ຮ້ານບັນເທີງ, ຮ້ານຂາຍດອກໄມ້ສົດ, ຮ້ານເຊັກຊັອບ, ຮ້ານຂາຍເຄື່ອງປະດັບ! ແຕ່ວ່າມີຄູ່ຜົວ-ເມຍ ພາກັນໄປສະຫຼອງຈັກຄູ່ແດ່? ເພິ່ນຕັ້ງຄຳຖາມທີ່ໜ້າຄຶດຂື້ນມາ! ຈົນມີຄົນໃຊ້ອິນເຕີເນັດຢູ່ຈີນຈຳນວນໜຶ່ງເອີ້ນວັນວາເລນທາຍວ່າ: " ບຸນຫຼິ້ນຊູ້ ຫຼິ້ນກິກ " ເວັບໄຊແນວຄິດສັງສັນກຸ່ມນີ້ຢູ່ຈີນຈຶ່ງເຮັດປ້າຍໂຄສະນາຂະໜາດໃຫຍ່ຂື້ນມາແລ້ວເອົາໄປຕິດຕັ້ງໄວ້ຂ້າງຖະໜົນສຳຄັນຂອງນະຄອນ ຈື້ຢ່າຈ່ວງ ແຂວງ ເຫີເປີຍ ເພື່ອເຕືອນສະຕິກຸ່ມຄົນທີ່ຫຼົງໄຫຼໃນກາມໂລກີ ທາງເພດທັງຫຼາຍ. ເຂົາເຈົ້າເຮັດປ້າຍຂະໜາດໃຫຍ່ທັງໝົດ 4 ປ້າຍ ຂະໜາດ 18x6 ແມັດ ຢາຍໄປຕິດຕັ້ງຕາມຖະໜົນສາຍສຳຄັນກ່ອນວັນວາເລນທາຍ! ບໍລິສັດເຮັດປ້າຍໂຄສະນາກໍ່ສະໜັບສະໜູນແນວຄິດສັງສັນຂອງເຂົາເຈົ້າ ເລີຍຫຼຸດລາຄາຄ່າເຮັດປ້າຍໃຫ້ເປັນພິເສດ! ຟັງເພງກ່ອນແລ້ວຄ່ອຍລົມກັນຕໍ່!
ເພງ
ຂະນະນີ້………… ຄືນນີ້ໜຸ່ມໃຫຍ່ພວມລົມເຖິງກິດຈະກຳສັງສັນຂອງກຸ່ມຜູ້ຍິງຈີນ ຢູ່ນະຄອນ ຈື້ຢ່າຈ່ວງ ແຂວງ ເຫີເປີຍ ທີ່ມີທັງເວັບໄຊຕໍ່ຕ້ານການມີຊູ້ມີກິກ ນອກໃຈຜົວ ນອກໃຈເມຍ ແລະຕໍ່ຕ້ານຊາວໜຸ່ມທີ່ເສຍຕົວ ເສຍຄວາມສາວກ່ອນໄວອັນຄວນ, ໃກ້ວັນແຫ່ງຄວາມຮັກເຂົາເຈົ້າກໍ່ເຮັດປ້າຍບັກໃຫຍ່ ໄປຕັ້ງໄວ້ແຄມຖະໜົນເພື່ອຕໍ່ຕ້ານເລື່ອງນີ້! ສະມາຊິກຜູ້ໜຶ່ງຂອງກຸ່ມນີ້ ນາມສະກຸນ ເຈົ້າ ເວົ້າວ່າ: ໃນຖານະທີ່ເປັນແມ່ຍິງຜູ້ໜຶ່ງທີ່ມີລູກສາວຮຽນຢູ່ມັດທະຍົມ ເວລາເຫັນປ້າຍໂຄສະນາເອົາລູກອອກ ຢູ່ໃກ້ປະຕູເຂົ້າໂຮງຮຽນ ກໍ່ອຸກໃຈວ່າ ລູກສາວຈະເຕີບໂຕເປັນສາວຂື້ນມາແນວໃດ? ແລະຫວັງວ່າຄົນໃນສັງຄົມຈະຊ່ວຍກັນຕໍ່ຕ້ານການມີຊູ້ມີກິກ ແລະຕ້ານຊາວໜຸ່ມທີຫຼົງລະເລີງກັບກະແສສັງຄົມຕາເວັນຕົກ ທີ່ມັກກັນໄປທ່ຽວຫຼິ້ນກິນ ຈົນເມົາມັນ ແລ້ວກໍ່ໄປຈົບທີ່ໂຮງແຮມ, ເຮືອນພັກໃນຄືນວັນວາເລນທາຍ! ອື່, ອັນນີ້ລະເນາະຈິດໃຈຂອງຜູ້ເປັນພໍ່-ແມ່ ທີ່ຫ່ວງໄຍລູກ ໂດຍສະເພາະລູກສາວ. ບໍ່ວ່າຄົນຈີນ, ຄົນລາວ ຄົນອາຊີກໍ່ຫ່ວງລູກໝົດຊູ່ຄົນຫັ້ນລະ! ຫ່ວງນຳກະແສວັດທະນະທຳທີ່ເປື່ອຍເຍື່ອຍບາງອັນຂອງຕາເວັນຕົກບຸກເຂົ້າມາແຮງໂພດ, ດ້ານໜຶ່ງຄົນລຸ້ນໃໝ່ຈຳນວນໜຶ່ງກໍ່ຫຼົງໄຫຼນຳຈົນບໍ່ຮູ້ຈຳແນກວ່າອັນໃດຖືກ ອັນໃດຜິດ ອັນໃດຄວນ ອັນໃດບໍ່ຄວນ? ເວົ້າເຖິງຄວາມຮັກມັນຫ້າມກັນບໍ່ໄດ້ນ້ອງນຸ່ງເອີ້ຍ! ແຕ່ວ່າເຮົາຈະເຮັດແນວໃດໃຫ້ຖືກຕ້ອງຕາມຮີດຄອງປະເພນີ! ບໍ່ທຳລາຍອະນາຄົດຂອງຕົນເອງ ບໍ່ທຳລາຍຊື່ສຽງໜ້າຕາຂອງພໍ່-ແມ່ຍາດພີ່ນ້ອງ! ຢ່າລືມວ່າ ຖ້າເວົ້າເຖິງຄວາມຮັກ ມັນບໍ່ແມ່ນມີແຕ່ສຳລັບແຟນເທົ່ານັ້ນ ຄວາມຮັກມັນຄວນມີໄວ້ໃຫ້ ພໍ່-ແມ່ ອ້າຍເອື້ອຍນ້ອງຄອບຄົວ, ຍາດພີ່ນ້ອງຜູ້ທີ່ເພິ່ນຮັກເຮົາຫ່ວງເຮົານຳ! ຢ່າລືມວ່າຄວາມຮັກທີ່ບໍລິສຸດທີ່ສຸດ ຄວາມຮັກທີ່ບໍ່ຫວັງສິ່ງຕອບແທນກໍ່ຄືຄວາມຮັກຈາກພໍ່-ແມ່ນັ້ນເອງ.
ເພງ
ຈົບ
