ຂອງຂັວນປີໃໝ່ມີຫຍັງແດ່?
(GMT+08:00) 2012-04-26 14:55:07 cri
ສະບາຍດີມິດລາຍການທີ່ຮັກແພງ! ພົບກັນອີກແລ້ວກັບໜຸ່ມໃຫຍ່ອາລົມດີທາງຄື້ນ CRI FM 93Mhz ແຫ່ງນີ້! 19 ໂມງທຸກຄືນໜຸ່ມໃຫຍ່ນຳເອົາລາຍການເບິ່ງເມືອງຈີນມາພົບກັບທ່ານຜູ້ຟັງໂລດ! ມື້ນີ້ກໍ່ແມ່ນວັນພະຫັດ, ທີ 16 ກຸມພາແລ້ວ! ກາງເດືອນແລ້ວເດບຶດດຽວໜຶ່ງບໍ່ມີຫຍັງເວລາແລ່ນໄວແທ້ໆ! ຄັນແມ່ນເດືອນລາວກໍ່ແມ່ນມື້ແຮມ 9 ຄ່ຳ ເດືອນ 3 ລະໄດນິ! ສັງເກດເຫັນບໍ່ທ່ານຜູ້ຟັງຕື່ນເຊົ້າມາ ບັນຍາກາດຍາມຮ້ອນເລີ່ມມາລະເດີ້, ຕາເວັນກໍ່ບໍ່ກ້າປານໃດໄດ໋ຕອນເຊົ້າຈົນຮອດທ່ຽງນິລະ ມີໝອກແຫ້ງໆບາງໆບົດບັງຄວາມກ້າຂອງແສງແດດໄວ້ຊັ້ນໄດ໋! ກາງຄືນແນວນີ້ກໍ່ພໍເຢັນໜ້ອຍໜຶ່ງຢູ່ ແຕ່ຕໍ່ໄປກໍ່ຊິຮ້ອນຂື້ນຮ້ອນຂື້ນແລ້ວ 5-6 ໂມງແລງເດືອນກ່ອນມືດແລ້ວ ແຕ່ວ່າດຽວນີ້ 6 ໂມງປາຍກໍ່ຍັງບແລງເດືອນກ່ອນມືດແລ້ວ ແຕ່ວ່າດຽວນີ້ 6 ໂມງປາຍກໍ່ຍັງບແລງເດືອນກ່ອນມືດແລ້ວ ແຕ່ວ່າດຽວນີ້ 6 ໂມງປາຍກໍ່ຍັງບໍ່ໄດ້ໄຕ້ໄຟຕາລົດເທື່ອ! ກໍ່ແນວນີ້ລະທຳມະຊາດໝູນວຽນປ່ຽນໄປຕາມກາລະເວລາ ຕາມລະດູການ ຄົນເຮົາກໍ່ປ່ຽນໄປຕາມຍຸກຕາມສະໄໝຄືກັນ ບໍ່ວ່າຈະເປັນຈິດໃຈນິໄສໃຈຄໍ ການນຸ່ງຖື ແຕ່ວ່າຊິປ່ຽນແນວໃດກໍ່ປ່ຽນເນາະ ຂໍໃຫ້ປ່ຽນໄປໃນທາງທີ່ດີກ່ວາເກົ່າເທົ່ານັ້ນກໍ່ພໍນໍ້! ປ່ຽນຂີ້ຮ້າຍກ່ວາເກົ່າບໍ່ປ່ຽນຍັງດີກ່ວາ ແມ່ນບໍ່ທ່ານຜູ້ຟັງ! ເອົາ, ທັກທາຍກັນຊ່ຳນີ້ກ່ອນເນາະ! ແຕ່ສຳລັບເລື່ອງເມືອງຈີນທີ່ຈະຍົກຂື້ນມາເວົ້າສູ່ຟັງໃນມື້ນີ້ເຖິງແມ່ນວ່າບຸນກຸດຈີນຈະສິ້ນສຸດໄປແລ້ວແຕ່ທ້າຍເດືອນແລ້ວນີ້ ແຕ່ວ່າກໍ່ຍັງມີຫຼາຍເລື່ອງທີ່ກ່ຽວພັນ ແລະ ໜ້າສົນໃຈທີ່ເປັນຕາເອົາມາເວົ້າມາລົມສູ່ຟັງໄດທ່ານຜູ້ຟັງ! ຄືນນີ້ຈະເອົາເລື່ອງຂອງການໃຫ້ ການຮັບຂອງຂັວນປີໃໝ່ຫຼືໃນໂອກາດສຳຄັນຕ່າງໆຕາມປະເພນີຂອງຈີນວ່າມັນມີຜົນດີ ຜົນເສຍແນວໃດແດ່? ຈັກໜ້ອຍຈະກັບມາ! ຕອນນີ້ມ່ວນກັບເພງຈີນສອງເພງສາກ່ອນ!
ເພງ
ຜ່ານໄປສອງເພງຟັງແບບສະບາຍ ສະບາຍເຂົ້າກັບບັນຍາກາດຫົວຄ່ຳແນວນີ້! ຢ່າລືມຢາກຮູ້ຢາກເຫັນ ມີຄຳຄິດຄຳເຫັນກໍ່ໂທມາ 7114177 ຂໍ້ຄວາມສັ້ນກໍ່ແມ່ນ 9300 ຍິນດີຮັບທຸກຄຳຕຳນິສົ່ງຂ່າວ! ບັດນີ້ກໍ່ມາເຂົ້າຫາເລື່ອງທີ່ຈະຍົກມາເວົ້າສູ່ຟັງຄືນນີ້ກ່ຽວກັບການໃຫ້ ການຮັບຂອງຂັວນໃນໂອກາດບຸນກຸດຈີນ ຫຼື ໂອກາດວັນສຳຄັນຕ່າງໆຂອງຈີນວ່າມີຜົນດີ ຜົນເສຍແນວໃດ? ຄັນເວົ້າເຖິງເລື່ອງນີ້ແລ້ວໃນໂອກາດບຸນກຸດຈີນນີ້ນັ້ນ ຖືວ່າເປັນໄລຍະເວລາແພງທີ່ສຸດລະສຳລັບຄົນຈີນ! ເປັນຫັຍງຈຶ່ງວ່າຊັ້ນ? ກໍ່ຍ້ອນວ່າການຫ້າງຫາກະກຽມຊື້ອາຫານການກິນ ເພື່ອເຕົ້າໂຮມຄອບຄົວ ຕ້ອນຮັບຍາດພີ່ນ້ອງກໍ່ແພງແລ້ວ ຍັງມີການຊື້ເຄື່ອງນຸ່ງຂອງຖື ແລະໂດຍສະເພາະເຄື່ອງຕ້ອນຂອງຝາກນິີ້ກໍ່ບໍ່ແມ່ນທຳມະດາ ໂດຍສະເພາະສິ່ງທີ່ຈະຊື້ໄປເປັນຂອງຂັວນໃຫ້ຜູ້ຮັກຜູ້ເຄົາລົບນັບຖື ກໍ່ຢາກໃຫ້ຜູ້ຮັບເຫັນແລ້ວ ຮັບແລ້ວ ເປີດອອກເບິ່ງແລ້ວ ຍິ້ມໄດ້ວ່າເປັນຂອງຂັວນບໍ່ກະຈອກວ່າຊັ້ນສະ! ເວົ້າເຖິງບຸນກຸດຈີນແລ້ວຖືວ່າເປັນບຸນມອບ-ຮັບຂອງຂັວນກັນແທ້ໆລະ! ສະຖາບັນຕຳຫຼວດອຸດສະຫະກຳຂອງຈີນທີ່ຕັ້ງຢູ່ນະຄອນຫຼວງປັກກິ່ງ ເພິ່ນປະມານວ່າໃນແຕ່ລະປີຄົນຈີນຈ່າຍເງິນຊື້ຂອງຂັວນໃຫ້ກັນປະມານ 800ຕື້ຢວນ. ຫຼືປະມານ 127ຕື້ໂດລາພຸ້ນລະ! ເປັນເງິນມະຫາສານໄດເນາະທ່ານຜູ້ຟັງ! ມັນຫຼາຍກ່ວາ GDP ຂອງບາງປະເທດຊ້ຳ ເຊັ່ນວ່າ: ມຽນມາ ຫຼື ໂຊມາລີ ແນວນີ້! ກະຄືເວົ້າຫັ້ນລະວ່າຄົນຈີນໃຫ້ຂອງຂັວນກັນບໍ່ແມ່ນສະເພາະແຕ່ບຸນກຸດຈີນດັອກ ຕະຫຼອດປີຍັງມີໂອກາດບຸນສຳຄັນຕ່າງໆອີກ! ເອົາ, ສົມມຸດວ່າ ໝູ່ອອກລູກໃໝ່ກໍ່ຊື້ໃຫ້, ແຕ່ງງານກໍ່ຊື້ໃຫ້, ຂື້ນເຮືອນໃໝ່ກໍ່ຊື້ໃຫ້, ບຸນທາງການບຸນປະເພນີຕື່ມອີກ ໂອ໊ຍ, ຫຼວງຫຼາຍພາຍມາກ! ຂອງຂັວນທີ່ໃຫ້ກັນກໍ່ນັບແຕ່ຊື້ໝາກໄມ້ໃຫ້ກັນພີ້ລະຂື້ນໄປຈົນຮອດຂອງຂັວນຫຼູໆແພງໆ ເຫັນລາຄາແລ້ວຜູ້ມີລາຍຮັບປານກາງກໍ່ຈົນຂົນຫົວລຸກພຸ້ນແລ້ວ! ແຕ່ວ່າຊິເປັນຂອງຂັວນທຳມະດາຂອງຂັວນລາຄາສູງໆກໍ່ຕາມ ສິ່ງສຳຄັນຄົນຈີນຈະຫຼີກລ້ຽງການໃຫ້ຂອງຂັວນຜູ້ອື່ນທີ່ເຮັດໃຫ້ຕົນເອງຂາຍໜ້າ ຫຼື ເຮັດໃຫ້ຜູ້ຮັບບໍ່ພໍໃຈ! ຍົກຕົວຢ່າງສຳຄັນເດີ້ທ່ານຜູ້ຟັງ! ຄົນຈີນຈະບໍ່ຊື້ໂມງໃຫ້ເປັນຂອງຂັວນຜູ້ອື່ນຈັກເທື່ອ ບໍ່ວ່າຈະເປັນໂມງໃສ່ແຂນ ໂມງຫ້ອຍຝາກໍ່ແລ້ວແຕ່ລະ! ເພາະວ່າຄຳສັບຂອງຄຳວ່າໂມງໃນພາສາຈີນ ມັນໄປອອກສຽງຄ້າຍໆກັບຄຳວ່າຕາຍ ຫຼື ສົ່ງສະການ! ຈື່ໄວ້ເດີ້ມິດລາຍການລາວ! ຊື້ໂມງບັກແພງໆໄປໃຫ້ຄົນຈີນແທນທີ່ເຂົາເຈົ້າຊິດີໃຈ ຊ້ຳພັດຄຽດຊ້ຳໄດ໋! ສຳລັບຄົນລາວເຮົາບໍ່ຖືເນາະ! ເອົາໂມງຄຸນນະພາບດີມາໃຫ້ເປັນຂອງຂັວນຄົນລາວເຮົາແຮ່ງດີໃຈແລ້ວ ຊິໄດ້ໃຊ້ດົນໆອ້າງໝູ່ອີກ, ແມ່ນລະບໍ? ນິລະຄືຄວາມແຕກຕ່າງ! ແຜ່ນດິນ ແມ່ນ້ຳຕິດຈອດກັນຢູ່ ແຕ່ວັດທະນະທຳຮີດຄອງປະເພນີ ຄວາມເຊື່ອຫຼືນິໄສໃຈຄໍຫຼາຍອັນບໍ່ຄືກັບກັນຄົນຈີນກັບຄົນລາວເຮົານິ! ບໍ່ແມ່ນຊິຄືກັນໝົດໄດ໋! ຟັງເພງອີກກ່ອນເນາະ!
ເພງ
ຂະນະນີ້…………… ຢ່າລືມຢາກຟັງລາຍການນີ້ເວລາ 19 ໂມງທຸກມື້ປັບຄື້ນວິທະຍຸຂອງທ່ານມາທີ FM 93Mhz ພົບກັບໜຸ່ມໃຫຍ່ໂລດ! ລົມກັນຕໍ່ເລື່ອງຮັບຂອງຂັວນຂອງຄົນຈີນ! ເວົ້າແລ້ວຄົນຈີນກໍ່ຄ້າຍກັບຄົນອາຊີທົ່ວໄປນິລະ! ການໃຫ້ຂອງຂັວນກັນກໍ່ຖືວ່າເປັນວັດທະນະທຳອັນໜຶ່ງ ເພາະວ່າມັນຊ່ວຍພັດທະນາ ຫຼື ເສີມສ້າງສົ່ງເສີມມິດຕະພາບລະຫວ່າງກັນເດ! ມີຫຼາຍໆເທື່ອເດ່ ຄົນຈີນກໍ່ເຊີນຄົນທີ່ຮັກ ທີ່ເຄົາລົບນັບຖືໄປກິນເຂົ້າແລງ ລະກະມອບຂອງຂັວນໃຫ້ກັນພ້ອມ ເພື່ອສະແດງຄວາມເຄົາລົບ ໃຫ້ກຽດ ທັງສ້າງຄວາມຮັກແພງສະໜິດສະໜົມກັນເດ່! ແຕ່ວ່າຄັນເວົ້າເຖິງວົງການທຸລະກິດແລ້ວຊ້ຳພັດມັກໃຫ້ຂອງຂັວນກັນທີ່ຫຼູຫຼາ ລາຄາແພງໆແທ້ໄດ໋ລະ! ໃນການສຳຫຼວດຫວ່າງບໍ່ດົນມານີ້ ທ່ານ Bruno Lannes ປະທານບໍລິສັດ Bain and Company ທີ່ເຮັດທຸຸລະກິດກ່ຽວກັບຜະລິດຕະພັນບໍລິໂພກ ແລະ ຂາຍຍ່ອຍໃນຈີນບອກວ່າ: ໃນບໍ່ຮອດ 5 ປີ ມານີ້ຊ້ຳ ຜູ້ບໍລິໂພກຈີນຫັນຈາກຕະຫຼາດສິນຄ້າທີ່ຈຳເປັນຕໍ່ຊີວິດການເປັນຢູ່ອອກສູ່ສິນຄ້າຫຼູຫຼາຂອງໂລກແລ້ວ! ການສຳຫຼວດສິນຄ້າຫຼູຫຼາຂອງບໍລິສັດນີ້ບອກວ່າ: ຜູ້ບໍລິໂພກຈີນຊື້ສິນຄ້າຫຼູຫຼາໃນປີກາຍນີ້ມູນຄ່າຕັ້ງວ່າ 212 ຕື້ຢວນ ແລະການສຳຫຼວດຍັງພົບອີກວ່າ ໃນການຊື້ສິນຄ້າຫຼູຫຼາຟຸມເຟືອຍລາຄາແພງໆຂອງຄົນຈີນທັງໝົດໃນປີ 2010 ກັບ 2011 ຜ່ານມານີ້ຫຼາຍກ່ວາ 30% ແມ່ນຊື້ໄປເປັນຂອງຂັວນ! ຄັນຊິເວົ້າແລ້ວການໃຫ້ຂອງຂັວນໃນວົງການທຸລະກິດກໍ່ແມ່ນເພື່ອສ້າງເຄືອຄ່າຍຕິດຕໍ່ທຸລະກິດນຳກັນນີ້ແລ້ວ ເພື່ອຜົນສຳເລັດເດ! ແຕ່ກໍ່ຈ່າຍໜັກໄດລະ! ບໍ່ວ່າຈະເປັນງານລ້ຽງອາຫານຄ່ຳ, ການໃຫ້ຄວາມບັນເທີງແກ່ແຂກ ທັງຂອງຂັວນແພງໆອີກ! ເວົ້າແລ້ວຂອງຂັວນກໍ່ແມ່ນວິທີທາງທີ່ສຳຄັນຫຼາຍ ອັນໜຶ່ງເພື່ອສ້າງຄວາມເຊື່ອໝັ້ນ ແລະ ໄດ້ຮັບຄວາມເຄົາລົບໃນວົງການທຸລະກິດ! ໂດຍທົ່ວໄປແລ້ວ ນັກທຸລະກິດທີ່ປະສົບຜົນສຳເລັດໃນດ້ານນີ້ ກໍ່ຍ່ອມມີເຄືອຄ່າຍໝູ່ຄູ່ຍາດພີ່ນ້ອງໃນວົງການທຸລະກິດນຳກັນ ແລະ ວົງການອື່ນໆທີ່ກ່ຽວພັນກັບທຸລະກິດຂອງເຂົາເຈົ້າຫຼາຍ! ເພາະວ່າມັນເປັນປະໂຫຍດຫຼາຍຕໍ່ທຸລະກິດ! ຟັງເພງກ່ອນເນາະແລ້ວຈະເວົ້າສູ່ຟັງວ່າການໃຫ້ແລະຮັບຂອງຂັວນໃນວົງການທຸລະກິດຈີນ ມັນເກີດຄຳຖາມຂື້ນມາແນວໃດ?
ເພງ
ຂໍຂອບໃຈ……………. ຄືນນີ້ໜຸ່ມໃຫຍ່ອາລົມດີພວມລົມເລື່ອງປະເພນີການໃຫ້ຂອງຂັວນແກ່ກັນຂອງຄົນຈີນ! ມື້ກີ້ກ່ອນເປີດເພງກໍ່ລົມກ່ຽວກັບການໃຫ້ຂອງຂັວນໃນວົງການທຸລະກິດຈີນ ແຕ່ຄຳຖາມມັນກໍ່ຖືກຕັ້ງຂື້ນມາວ່າ: ໃນວົງການທຸລະກິດເຂົາເຈົ້າເອີ້ນຂອງຂັວນກັນວ່າແມ່ນຫຍັງແທ້? ເອີ້ນວ່າຂອງຂັວນ, ເອີ້ນວ່າສິ່ງຍ້ອມໃຈຫຼືເອີ້ນວ່າ ສິນບົນແທ້? ບັນດານັກທຸລະກິດມອບຂອງຂັວນໃຫ້ກັນດ້ວຍສິ່ງທີ່ມີລາຄາແພງໆ ທີ່ປຽບຄືກັບຂອງຂັວນທາງທຸລະກິດ ເພື່ອສະແດງໃຫ້ເຫັນລົດນິຍົມແລະຖານະຂອງເຂົາເຈົ້າ! ບັດນີ້ຜູ້ໄດ້ຮັບກໍ່ຮູ້ສຶກວ່າໄດ້ຮັບຄວາມເຄົາລົບຢ່າງສູງ ລະກະບໍ່ຕ້ອງສົງໄສເລີຍວ່າ ບັນດານັກທຸລະກິດທັງຫຼາຍເຊື່ອວ່າ ຂອງຂັວນແມ່ນວິທີທາງທີ່ດີ ເພື່ອເຮັດໃຫ້ທຸລະກິດຂອງເຂົາເຈົ້າໝູນວຽນໄປໄດ້ດີໄດ້ໄວ! ຢູ່ຈີນຜູ້ເກີດໃນຊຸມປີ 1950 ແລະ 1960 ແມ່ນເປັນກຸ່ມຄົນໃຫຍ່ທີ່ສຸດທີ່ໄດ້ຮັບຂອງຂັວນປະເພດນີ້. ແລະກໍ່ຖືກຟ້ອງຂື້ນສານຫຼາຍອີກ ຍ້ອນເຂົາເຈົ້າສ່ວນຫຼາຍແມ່ນມີຖານະຕຳແໜ່ງສູງໃນທຸກລະດັບຂອງລັດຖະບານຈີນ ບໍ່ວ່າສູນກາງຫຼືທ້ອງຖິ່ນ! ຢູ່ຈີນ ພັກ-ລັດຖະບານແມ່ນເຮັດວຽກຢ່າງຈິງຈັງຫຼາຍ ເພື່ອຕ້ານການໃຫ້ຮັບສິນບົນ ແລະ ສໍ້ລາດບັງຫຼວງ ຈົນໄດ້ວາງລະບຽບອອກມາກ່ຽວກັບການຮັບຂອງຂັວນລາຄາແພງຂອງເຈົ້າໜ້າທີ່ລັດ. ແຕ່ວ່າຍັງບໍ່ໄດ້ລະບຸແຈ້ງວ່າມູນຄ່າຂອງ ຂອງຂັວນຄວນເປັນທໍ່ໃດ? ອັນນີ້ຍັງຢູ່ໃນການປຶກສາຄົ້ນຄ້ວາກັນເພື່ອຈະກຳນົດອອກມາລະອຽດຕື່ມ! ໃນລະຫວ່າງປີ 2005 - 2007 ຢູ່ປັກກິ່ງໃນຈຳນວນເຈົ້າໜ້າທີ່ລັດທີ່ຖືກດຳເນີນຄະດີຢູ່ສານມີທັງໝົດ 100 ກໍລະນີ ທີ່ຮັບສິນບົນຢູ່ເຂດຕົງເຊິ່ງ, ເຂດ ຫາຍຕ່ຽນ ແລະ ສານຊັ້ນກາງເລກ 1 ນັ້ນ 78 ກໍລະນີ ແມ່ນຮັບສິນບົນໂດຍຜ່ານການຮັບຂອງຂັວນກຸດຈີນນິລະ! ກໍລະນີໃຫ້ຂອງຂັວນລາຄາແພງໆແກ່ເຈົ້າໜ້າທີ່ລັດຢູ່ຈີນພວມຖືກຈັບຕາຈາກພາກສ່ວນກວດກາ ພັກ-ລັດ ແລະໜ່ວຍງານຕ້ານສິນບົນ ແລະສໍ້ລາດບັງຫຼວງຢ່າງໃກ້ຊິດ ເພາະວ່າມັນມີຊ່ອງຫ່ວາງຫຼາຍ ແລະ ນັກທຸລະກິດກັບເຈົ້າໜ້າທີ່ລັດ ລະດັບສູງບາງຄົນກໍ່ຮ່ວມຫົວກັນ ຫາຊ່ອງທາງໃໝ່ໆໃຫ້ຂອງຂັວນກັນແບບບໍ່ຜິດກົດໝາຍ ແລະບໍ່ໃຫ້ໜ່ວຍງານຕ້ານການສໍ້ລາດບັງຫຼວງຈັບໄດ້! ຍົກຕົວຢ່າງຢູ່ນະຄອນ ອູ້ຫານ ແຂວງ ຫູເປີຍ! ນັກທຸລະກິດກໍ່ເອົາເຫຼົ້າຂາວດັງເໝົາຖາຍທີ່ຊື້ລາຄາ 800 ຢວນ ມອບໃຫ້ເຈົ້າໜ້າທີ່ລັດເປັນຂອງຂັວນປີໃໝ່. ແລ້ວເຈົ້າໜ້າທີ່ຜູ້ນັ້ນໄດ້ເຫຼົ້າຫຼາຍໆ ກໍ່ເອົາໄປຂາຍຕໍ່ໃຫ້ຮ້ານທີ່ນັດກັນໄວ້ໃນລາຄາ 1.200 ຢວນ ນີ້ກໍ່ເປັນພຽງຕິກຕັກໜຶ່ງຂອງການຮ່ວມຫົວກັນ! ສະນັ້ນນັກຂ່າວອາວຸໂສຜູ້ໜຶ່ງຂອງໜັງສືພິມ China Daily ຈຶ່ງຂຽນບົດຄວາມໜຶ່ງກ່ຽວກັບເລື່ອງນີ້ວ່າ: ລັດຖະບານຫຼືອຳນາດການປົກຄອງທ້ອງຖິ່ນຄວນບໍ່ອະນຸຍາດໃຫ້ເຈົ້າໜ້າທີ່ລັດທີ່ມີຖານະຕຳແໜ່ງຮັບຂອງຂັວນຈາກນັກທຸລະກິດ ທຸກຊະນິດ ຈະຖືກຫຼືແພງກໍ່ຕາມ ເພື່ອອັດຊ່ອງຫ່ວາງ! ຖ້າຢາກສະແດງຄຳອວຍພອນເຄົາລົບໃຫ້ກຽດ ສົ່ງໄປຊະນີຍະບັດອວຍພອນ ຫຼື ກາກກໍ່ໄດ້ແລ້ວ ແຕ່ໃນຊອງນັ້ນກໍ່ຕ້ອງມີແຕ່ບັດອວຍພອນອີ່ຫຼີ ຢ່າມີການຍັດໄສ້! ເອີ! ກໍ່ໜັກໃຈນຳຢູ່ເນາະ ແນວຜູ້ໜຶ່ງຊອກຫາແຕ່ວິທີ ແຕ່ຊ່ອງຫວ່າງເພື່ອໃຫ້ ເພື່ອຮັບສິນບົນນຳກັນ! ແຕ່ວ່າຄັນເຈົ້າໜ້າທີ່ກວດກາເຂັ້ມແຂງ ສານ ຫຼື ໄອຍະການ ຫຼື ເຈົ້າໜ້າທີ່ສືບສວນໄດ້ຮັບສິດມອບໝາຍຢ່າງເຕັມທີ່ ມັນບໍ່ເໜືອບ່າກ່ວາແຮງໄປໃສດອກ! ຄັນອຳນາດມືດບໍ່ຢູ່ເໜືອກົດໝາຍແລ້ວ ພວກນັກທຸລະກິດທີ່ຮ່ວມຫົວກັບເຈົ້າໜ້າທີ່ລັດ ເພື່ອຊອກຊ່ອງທາງກິນສິນບົນ ຫຼື ສໍ້ລາດບັງຫຼວງໄປບໍ່ໄດ້ຮອດໃສດອກ ເສັດໃຫ້ກົດໝາຍໂລດລະ!
ເພງ
ຈົບ
ເພງ
ຜ່ານໄປສອງເພງຟັງແບບສະບາຍ ສະບາຍເຂົ້າກັບບັນຍາກາດຫົວຄ່ຳແນວນີ້! ຢ່າລືມຢາກຮູ້ຢາກເຫັນ ມີຄຳຄິດຄຳເຫັນກໍ່ໂທມາ 7114177 ຂໍ້ຄວາມສັ້ນກໍ່ແມ່ນ 9300 ຍິນດີຮັບທຸກຄຳຕຳນິສົ່ງຂ່າວ! ບັດນີ້ກໍ່ມາເຂົ້າຫາເລື່ອງທີ່ຈະຍົກມາເວົ້າສູ່ຟັງຄືນນີ້ກ່ຽວກັບການໃຫ້ ການຮັບຂອງຂັວນໃນໂອກາດບຸນກຸດຈີນ ຫຼື ໂອກາດວັນສຳຄັນຕ່າງໆຂອງຈີນວ່າມີຜົນດີ ຜົນເສຍແນວໃດ? ຄັນເວົ້າເຖິງເລື່ອງນີ້ແລ້ວໃນໂອກາດບຸນກຸດຈີນນີ້ນັ້ນ ຖືວ່າເປັນໄລຍະເວລາແພງທີ່ສຸດລະສຳລັບຄົນຈີນ! ເປັນຫັຍງຈຶ່ງວ່າຊັ້ນ? ກໍ່ຍ້ອນວ່າການຫ້າງຫາກະກຽມຊື້ອາຫານການກິນ ເພື່ອເຕົ້າໂຮມຄອບຄົວ ຕ້ອນຮັບຍາດພີ່ນ້ອງກໍ່ແພງແລ້ວ ຍັງມີການຊື້ເຄື່ອງນຸ່ງຂອງຖື ແລະໂດຍສະເພາະເຄື່ອງຕ້ອນຂອງຝາກນິີ້ກໍ່ບໍ່ແມ່ນທຳມະດາ ໂດຍສະເພາະສິ່ງທີ່ຈະຊື້ໄປເປັນຂອງຂັວນໃຫ້ຜູ້ຮັກຜູ້ເຄົາລົບນັບຖື ກໍ່ຢາກໃຫ້ຜູ້ຮັບເຫັນແລ້ວ ຮັບແລ້ວ ເປີດອອກເບິ່ງແລ້ວ ຍິ້ມໄດ້ວ່າເປັນຂອງຂັວນບໍ່ກະຈອກວ່າຊັ້ນສະ! ເວົ້າເຖິງບຸນກຸດຈີນແລ້ວຖືວ່າເປັນບຸນມອບ-ຮັບຂອງຂັວນກັນແທ້ໆລະ! ສະຖາບັນຕຳຫຼວດອຸດສະຫະກຳຂອງຈີນທີ່ຕັ້ງຢູ່ນະຄອນຫຼວງປັກກິ່ງ ເພິ່ນປະມານວ່າໃນແຕ່ລະປີຄົນຈີນຈ່າຍເງິນຊື້ຂອງຂັວນໃຫ້ກັນປະມານ 800ຕື້ຢວນ. ຫຼືປະມານ 127ຕື້ໂດລາພຸ້ນລະ! ເປັນເງິນມະຫາສານໄດເນາະທ່ານຜູ້ຟັງ! ມັນຫຼາຍກ່ວາ GDP ຂອງບາງປະເທດຊ້ຳ ເຊັ່ນວ່າ: ມຽນມາ ຫຼື ໂຊມາລີ ແນວນີ້! ກະຄືເວົ້າຫັ້ນລະວ່າຄົນຈີນໃຫ້ຂອງຂັວນກັນບໍ່ແມ່ນສະເພາະແຕ່ບຸນກຸດຈີນດັອກ ຕະຫຼອດປີຍັງມີໂອກາດບຸນສຳຄັນຕ່າງໆອີກ! ເອົາ, ສົມມຸດວ່າ ໝູ່ອອກລູກໃໝ່ກໍ່ຊື້ໃຫ້, ແຕ່ງງານກໍ່ຊື້ໃຫ້, ຂື້ນເຮືອນໃໝ່ກໍ່ຊື້ໃຫ້, ບຸນທາງການບຸນປະເພນີຕື່ມອີກ ໂອ໊ຍ, ຫຼວງຫຼາຍພາຍມາກ! ຂອງຂັວນທີ່ໃຫ້ກັນກໍ່ນັບແຕ່ຊື້ໝາກໄມ້ໃຫ້ກັນພີ້ລະຂື້ນໄປຈົນຮອດຂອງຂັວນຫຼູໆແພງໆ ເຫັນລາຄາແລ້ວຜູ້ມີລາຍຮັບປານກາງກໍ່ຈົນຂົນຫົວລຸກພຸ້ນແລ້ວ! ແຕ່ວ່າຊິເປັນຂອງຂັວນທຳມະດາຂອງຂັວນລາຄາສູງໆກໍ່ຕາມ ສິ່ງສຳຄັນຄົນຈີນຈະຫຼີກລ້ຽງການໃຫ້ຂອງຂັວນຜູ້ອື່ນທີ່ເຮັດໃຫ້ຕົນເອງຂາຍໜ້າ ຫຼື ເຮັດໃຫ້ຜູ້ຮັບບໍ່ພໍໃຈ! ຍົກຕົວຢ່າງສຳຄັນເດີ້ທ່ານຜູ້ຟັງ! ຄົນຈີນຈະບໍ່ຊື້ໂມງໃຫ້ເປັນຂອງຂັວນຜູ້ອື່ນຈັກເທື່ອ ບໍ່ວ່າຈະເປັນໂມງໃສ່ແຂນ ໂມງຫ້ອຍຝາກໍ່ແລ້ວແຕ່ລະ! ເພາະວ່າຄຳສັບຂອງຄຳວ່າໂມງໃນພາສາຈີນ ມັນໄປອອກສຽງຄ້າຍໆກັບຄຳວ່າຕາຍ ຫຼື ສົ່ງສະການ! ຈື່ໄວ້ເດີ້ມິດລາຍການລາວ! ຊື້ໂມງບັກແພງໆໄປໃຫ້ຄົນຈີນແທນທີ່ເຂົາເຈົ້າຊິດີໃຈ ຊ້ຳພັດຄຽດຊ້ຳໄດ໋! ສຳລັບຄົນລາວເຮົາບໍ່ຖືເນາະ! ເອົາໂມງຄຸນນະພາບດີມາໃຫ້ເປັນຂອງຂັວນຄົນລາວເຮົາແຮ່ງດີໃຈແລ້ວ ຊິໄດ້ໃຊ້ດົນໆອ້າງໝູ່ອີກ, ແມ່ນລະບໍ? ນິລະຄືຄວາມແຕກຕ່າງ! ແຜ່ນດິນ ແມ່ນ້ຳຕິດຈອດກັນຢູ່ ແຕ່ວັດທະນະທຳຮີດຄອງປະເພນີ ຄວາມເຊື່ອຫຼືນິໄສໃຈຄໍຫຼາຍອັນບໍ່ຄືກັບກັນຄົນຈີນກັບຄົນລາວເຮົານິ! ບໍ່ແມ່ນຊິຄືກັນໝົດໄດ໋! ຟັງເພງອີກກ່ອນເນາະ!
ເພງ
ຂະນະນີ້…………… ຢ່າລືມຢາກຟັງລາຍການນີ້ເວລາ 19 ໂມງທຸກມື້ປັບຄື້ນວິທະຍຸຂອງທ່ານມາທີ FM 93Mhz ພົບກັບໜຸ່ມໃຫຍ່ໂລດ! ລົມກັນຕໍ່ເລື່ອງຮັບຂອງຂັວນຂອງຄົນຈີນ! ເວົ້າແລ້ວຄົນຈີນກໍ່ຄ້າຍກັບຄົນອາຊີທົ່ວໄປນິລະ! ການໃຫ້ຂອງຂັວນກັນກໍ່ຖືວ່າເປັນວັດທະນະທຳອັນໜຶ່ງ ເພາະວ່າມັນຊ່ວຍພັດທະນາ ຫຼື ເສີມສ້າງສົ່ງເສີມມິດຕະພາບລະຫວ່າງກັນເດ! ມີຫຼາຍໆເທື່ອເດ່ ຄົນຈີນກໍ່ເຊີນຄົນທີ່ຮັກ ທີ່ເຄົາລົບນັບຖືໄປກິນເຂົ້າແລງ ລະກະມອບຂອງຂັວນໃຫ້ກັນພ້ອມ ເພື່ອສະແດງຄວາມເຄົາລົບ ໃຫ້ກຽດ ທັງສ້າງຄວາມຮັກແພງສະໜິດສະໜົມກັນເດ່! ແຕ່ວ່າຄັນເວົ້າເຖິງວົງການທຸລະກິດແລ້ວຊ້ຳພັດມັກໃຫ້ຂອງຂັວນກັນທີ່ຫຼູຫຼາ ລາຄາແພງໆແທ້ໄດ໋ລະ! ໃນການສຳຫຼວດຫວ່າງບໍ່ດົນມານີ້ ທ່ານ Bruno Lannes ປະທານບໍລິສັດ Bain and Company ທີ່ເຮັດທຸຸລະກິດກ່ຽວກັບຜະລິດຕະພັນບໍລິໂພກ ແລະ ຂາຍຍ່ອຍໃນຈີນບອກວ່າ: ໃນບໍ່ຮອດ 5 ປີ ມານີ້ຊ້ຳ ຜູ້ບໍລິໂພກຈີນຫັນຈາກຕະຫຼາດສິນຄ້າທີ່ຈຳເປັນຕໍ່ຊີວິດການເປັນຢູ່ອອກສູ່ສິນຄ້າຫຼູຫຼາຂອງໂລກແລ້ວ! ການສຳຫຼວດສິນຄ້າຫຼູຫຼາຂອງບໍລິສັດນີ້ບອກວ່າ: ຜູ້ບໍລິໂພກຈີນຊື້ສິນຄ້າຫຼູຫຼາໃນປີກາຍນີ້ມູນຄ່າຕັ້ງວ່າ 212 ຕື້ຢວນ ແລະການສຳຫຼວດຍັງພົບອີກວ່າ ໃນການຊື້ສິນຄ້າຫຼູຫຼາຟຸມເຟືອຍລາຄາແພງໆຂອງຄົນຈີນທັງໝົດໃນປີ 2010 ກັບ 2011 ຜ່ານມານີ້ຫຼາຍກ່ວາ 30% ແມ່ນຊື້ໄປເປັນຂອງຂັວນ! ຄັນຊິເວົ້າແລ້ວການໃຫ້ຂອງຂັວນໃນວົງການທຸລະກິດກໍ່ແມ່ນເພື່ອສ້າງເຄືອຄ່າຍຕິດຕໍ່ທຸລະກິດນຳກັນນີ້ແລ້ວ ເພື່ອຜົນສຳເລັດເດ! ແຕ່ກໍ່ຈ່າຍໜັກໄດລະ! ບໍ່ວ່າຈະເປັນງານລ້ຽງອາຫານຄ່ຳ, ການໃຫ້ຄວາມບັນເທີງແກ່ແຂກ ທັງຂອງຂັວນແພງໆອີກ! ເວົ້າແລ້ວຂອງຂັວນກໍ່ແມ່ນວິທີທາງທີ່ສຳຄັນຫຼາຍ ອັນໜຶ່ງເພື່ອສ້າງຄວາມເຊື່ອໝັ້ນ ແລະ ໄດ້ຮັບຄວາມເຄົາລົບໃນວົງການທຸລະກິດ! ໂດຍທົ່ວໄປແລ້ວ ນັກທຸລະກິດທີ່ປະສົບຜົນສຳເລັດໃນດ້ານນີ້ ກໍ່ຍ່ອມມີເຄືອຄ່າຍໝູ່ຄູ່ຍາດພີ່ນ້ອງໃນວົງການທຸລະກິດນຳກັນ ແລະ ວົງການອື່ນໆທີ່ກ່ຽວພັນກັບທຸລະກິດຂອງເຂົາເຈົ້າຫຼາຍ! ເພາະວ່າມັນເປັນປະໂຫຍດຫຼາຍຕໍ່ທຸລະກິດ! ຟັງເພງກ່ອນເນາະແລ້ວຈະເວົ້າສູ່ຟັງວ່າການໃຫ້ແລະຮັບຂອງຂັວນໃນວົງການທຸລະກິດຈີນ ມັນເກີດຄຳຖາມຂື້ນມາແນວໃດ?
ເພງ
ຂໍຂອບໃຈ……………. ຄືນນີ້ໜຸ່ມໃຫຍ່ອາລົມດີພວມລົມເລື່ອງປະເພນີການໃຫ້ຂອງຂັວນແກ່ກັນຂອງຄົນຈີນ! ມື້ກີ້ກ່ອນເປີດເພງກໍ່ລົມກ່ຽວກັບການໃຫ້ຂອງຂັວນໃນວົງການທຸລະກິດຈີນ ແຕ່ຄຳຖາມມັນກໍ່ຖືກຕັ້ງຂື້ນມາວ່າ: ໃນວົງການທຸລະກິດເຂົາເຈົ້າເອີ້ນຂອງຂັວນກັນວ່າແມ່ນຫຍັງແທ້? ເອີ້ນວ່າຂອງຂັວນ, ເອີ້ນວ່າສິ່ງຍ້ອມໃຈຫຼືເອີ້ນວ່າ ສິນບົນແທ້? ບັນດານັກທຸລະກິດມອບຂອງຂັວນໃຫ້ກັນດ້ວຍສິ່ງທີ່ມີລາຄາແພງໆ ທີ່ປຽບຄືກັບຂອງຂັວນທາງທຸລະກິດ ເພື່ອສະແດງໃຫ້ເຫັນລົດນິຍົມແລະຖານະຂອງເຂົາເຈົ້າ! ບັດນີ້ຜູ້ໄດ້ຮັບກໍ່ຮູ້ສຶກວ່າໄດ້ຮັບຄວາມເຄົາລົບຢ່າງສູງ ລະກະບໍ່ຕ້ອງສົງໄສເລີຍວ່າ ບັນດານັກທຸລະກິດທັງຫຼາຍເຊື່ອວ່າ ຂອງຂັວນແມ່ນວິທີທາງທີ່ດີ ເພື່ອເຮັດໃຫ້ທຸລະກິດຂອງເຂົາເຈົ້າໝູນວຽນໄປໄດ້ດີໄດ້ໄວ! ຢູ່ຈີນຜູ້ເກີດໃນຊຸມປີ 1950 ແລະ 1960 ແມ່ນເປັນກຸ່ມຄົນໃຫຍ່ທີ່ສຸດທີ່ໄດ້ຮັບຂອງຂັວນປະເພດນີ້. ແລະກໍ່ຖືກຟ້ອງຂື້ນສານຫຼາຍອີກ ຍ້ອນເຂົາເຈົ້າສ່ວນຫຼາຍແມ່ນມີຖານະຕຳແໜ່ງສູງໃນທຸກລະດັບຂອງລັດຖະບານຈີນ ບໍ່ວ່າສູນກາງຫຼືທ້ອງຖິ່ນ! ຢູ່ຈີນ ພັກ-ລັດຖະບານແມ່ນເຮັດວຽກຢ່າງຈິງຈັງຫຼາຍ ເພື່ອຕ້ານການໃຫ້ຮັບສິນບົນ ແລະ ສໍ້ລາດບັງຫຼວງ ຈົນໄດ້ວາງລະບຽບອອກມາກ່ຽວກັບການຮັບຂອງຂັວນລາຄາແພງຂອງເຈົ້າໜ້າທີ່ລັດ. ແຕ່ວ່າຍັງບໍ່ໄດ້ລະບຸແຈ້ງວ່າມູນຄ່າຂອງ ຂອງຂັວນຄວນເປັນທໍ່ໃດ? ອັນນີ້ຍັງຢູ່ໃນການປຶກສາຄົ້ນຄ້ວາກັນເພື່ອຈະກຳນົດອອກມາລະອຽດຕື່ມ! ໃນລະຫວ່າງປີ 2005 - 2007 ຢູ່ປັກກິ່ງໃນຈຳນວນເຈົ້າໜ້າທີ່ລັດທີ່ຖືກດຳເນີນຄະດີຢູ່ສານມີທັງໝົດ 100 ກໍລະນີ ທີ່ຮັບສິນບົນຢູ່ເຂດຕົງເຊິ່ງ, ເຂດ ຫາຍຕ່ຽນ ແລະ ສານຊັ້ນກາງເລກ 1 ນັ້ນ 78 ກໍລະນີ ແມ່ນຮັບສິນບົນໂດຍຜ່ານການຮັບຂອງຂັວນກຸດຈີນນິລະ! ກໍລະນີໃຫ້ຂອງຂັວນລາຄາແພງໆແກ່ເຈົ້າໜ້າທີ່ລັດຢູ່ຈີນພວມຖືກຈັບຕາຈາກພາກສ່ວນກວດກາ ພັກ-ລັດ ແລະໜ່ວຍງານຕ້ານສິນບົນ ແລະສໍ້ລາດບັງຫຼວງຢ່າງໃກ້ຊິດ ເພາະວ່າມັນມີຊ່ອງຫ່ວາງຫຼາຍ ແລະ ນັກທຸລະກິດກັບເຈົ້າໜ້າທີ່ລັດ ລະດັບສູງບາງຄົນກໍ່ຮ່ວມຫົວກັນ ຫາຊ່ອງທາງໃໝ່ໆໃຫ້ຂອງຂັວນກັນແບບບໍ່ຜິດກົດໝາຍ ແລະບໍ່ໃຫ້ໜ່ວຍງານຕ້ານການສໍ້ລາດບັງຫຼວງຈັບໄດ້! ຍົກຕົວຢ່າງຢູ່ນະຄອນ ອູ້ຫານ ແຂວງ ຫູເປີຍ! ນັກທຸລະກິດກໍ່ເອົາເຫຼົ້າຂາວດັງເໝົາຖາຍທີ່ຊື້ລາຄາ 800 ຢວນ ມອບໃຫ້ເຈົ້າໜ້າທີ່ລັດເປັນຂອງຂັວນປີໃໝ່. ແລ້ວເຈົ້າໜ້າທີ່ຜູ້ນັ້ນໄດ້ເຫຼົ້າຫຼາຍໆ ກໍ່ເອົາໄປຂາຍຕໍ່ໃຫ້ຮ້ານທີ່ນັດກັນໄວ້ໃນລາຄາ 1.200 ຢວນ ນີ້ກໍ່ເປັນພຽງຕິກຕັກໜຶ່ງຂອງການຮ່ວມຫົວກັນ! ສະນັ້ນນັກຂ່າວອາວຸໂສຜູ້ໜຶ່ງຂອງໜັງສືພິມ China Daily ຈຶ່ງຂຽນບົດຄວາມໜຶ່ງກ່ຽວກັບເລື່ອງນີ້ວ່າ: ລັດຖະບານຫຼືອຳນາດການປົກຄອງທ້ອງຖິ່ນຄວນບໍ່ອະນຸຍາດໃຫ້ເຈົ້າໜ້າທີ່ລັດທີ່ມີຖານະຕຳແໜ່ງຮັບຂອງຂັວນຈາກນັກທຸລະກິດ ທຸກຊະນິດ ຈະຖືກຫຼືແພງກໍ່ຕາມ ເພື່ອອັດຊ່ອງຫ່ວາງ! ຖ້າຢາກສະແດງຄຳອວຍພອນເຄົາລົບໃຫ້ກຽດ ສົ່ງໄປຊະນີຍະບັດອວຍພອນ ຫຼື ກາກກໍ່ໄດ້ແລ້ວ ແຕ່ໃນຊອງນັ້ນກໍ່ຕ້ອງມີແຕ່ບັດອວຍພອນອີ່ຫຼີ ຢ່າມີການຍັດໄສ້! ເອີ! ກໍ່ໜັກໃຈນຳຢູ່ເນາະ ແນວຜູ້ໜຶ່ງຊອກຫາແຕ່ວິທີ ແຕ່ຊ່ອງຫວ່າງເພື່ອໃຫ້ ເພື່ອຮັບສິນບົນນຳກັນ! ແຕ່ວ່າຄັນເຈົ້າໜ້າທີ່ກວດກາເຂັ້ມແຂງ ສານ ຫຼື ໄອຍະການ ຫຼື ເຈົ້າໜ້າທີ່ສືບສວນໄດ້ຮັບສິດມອບໝາຍຢ່າງເຕັມທີ່ ມັນບໍ່ເໜືອບ່າກ່ວາແຮງໄປໃສດອກ! ຄັນອຳນາດມືດບໍ່ຢູ່ເໜືອກົດໝາຍແລ້ວ ພວກນັກທຸລະກິດທີ່ຮ່ວມຫົວກັບເຈົ້າໜ້າທີ່ລັດ ເພື່ອຊອກຊ່ອງທາງກິນສິນບົນ ຫຼື ສໍ້ລາດບັງຫຼວງໄປບໍ່ໄດ້ຮອດໃສດອກ ເສັດໃຫ້ກົດໝາຍໂລດລະ!
ເພງ
ຈົບ
