ຈີນຕ້ອງການຊ່ຽວຊານຕ່າງປະເທດ 2
(GMT+08:00) 2012-04-26 14:58:49 cri
ສະບາຍດີມິດລາຍການທຸກທ່ານ! ຮອດ 19 ໂມງໜຸ່ມໃຫຍ່ນຳເອົາລາຍການເບິ່ງເມືອງຈີນມາພົບພໍ້ກັບມິດລາຍການອີກແລ້ວທາງ CRI FM 93Mhz ພົບກັນມື້ນີ້ແມ່ນວັນອາທິດ ທີ 19 ກຸມພາ, ຄັນແມ່ນເດືອນລາວກໍ່ແມ່ນມື້ແຮມ 12 ຄ່ຳ ເດືອນ 3 ແລ້ວ! ດຽວນີ້ເວົ້າແລ້ວຄົນລາວກໍ່ມີຊີວິດດີຂື້ນຫຼາຍໄດເນາະທ່ານຜູ້ຟັງ! ສັງເກດເບິ່ງຕາມຖະໜົນຫົນທາງວຽງຈັນນິແມ້! ລົດໃຫຍ່ ລົດເກັງ ຈັກມືໜຶ່ງມືສອງຈົນຊິລົ້ນຖະໜົນແລ້ວເດດຽວນີ້! ໃຜພໍມີພໍຊື້ກໍ່ຊື້ ຍ້ອນບໍ່ຢາກຕາກແດດຕາກຝົນ ດົມຂີ້ຝຸ່ນເດເນາະ! ເລື່ອງນີ້ກໍ່ດີໃຈນຳຢູ່ດັອກ! ແຕ່ບາດມາເບິ່ງລົດຕິດແລ້ວ ໂອ່! ດຽວນີ້ຜູ້ມີລົດໃຫຍ່ຫຼາຍຄົນກໍ່ຈົ່ມອອ່ຍໆແລ້ວ! ແທນທີ່ມີລົດໃຫຍ່ແລ້ວຊິສະດວກສະບາຍ ຊ້ຳພັດມາທໍລະມານ ມາເສຍເວລານຳລົດຕິດໄດ໋ບາດນິ! ດີບໍ່ດີໄປບໍ່ທັນປະຊຸມ ບໍ່ທັນນັດໝາຍຊ້ຳ! ທາງແກ້ກໍ່ມີແຕ່ ຄັນມີວຽກດ່ວນກໍ່ຕ້ອງອອກເຮືອນແຕ່ 6:30 - 7:00 ພີ້ແລ້ວ ຄັນ 7:30 ຕອນເຊົ້າຈັ່ງອອກ ລອງເບິ່ງບໍ່ຄາອ່າງຍ່າງໂລດ ເສັ້ນໃດກໍ່ຄ້າຍໆກັນແລ້ວດຽວນີ້ ຕອນເຊົ້າ ຕອນທ່ຽງ ຕອນແລງ ຕິດອຶກກະທຶກ ເສຍທັງເວລາ ເສຍທັງອາລົມ ເສຍທັງນ້ຳມັນລົດອີກ! ໜຸ່ມໃຫຍ່ກໍ່ຄຶດແນວນັ້ນຄືກັນເກາະ! ຖະໜົນຂະຫຍາຍບໍ່ທັນ ສ້າງບໍ່ທັນ ຖະໜົນກໍ່ແຄບລົດຊ້ຳພັດເພີ່ມຂື້ນໄວເກີນຄາດບາດນີ້ ມັນກໍ່ຄາອ່າງຍ່າງປານເສັ້ນເຂົ້າປຸ້ນພຸ້ນແລ້ວ! ອັນພໍຊິຊ່ວຍແກ້ໄຂໄດ້ກໍ່ມີແຕ່ເຈົ້າໜ້າທີ່ຕຳຫຼວດຈາລະຈອນໄປຊ່ວຍສັນຍານຢູ່ຕາມຈຸດທີ່ລົດຫຼາຍ ແລະ ສັບສົນເປັນພິເສດໃນຊົ່ວໂມງທີ່ຮີບດ່ວນໃຫ້ຫຼາຍຕື່ມ! ອີກອັນໜຶ່ງຜູ້ຂັບຂີ່ກໍ່ຕ້ອງໃຈເຍັນຕື່ມ ໂດຍສະເພາະລົດໃຫຍ່ ໃຈເຢັນບວກກັບປະຕິບັດກົດລະບຽບຈາລະຈອນຢ່າງເຄັ່ງຄັດ ຄ່ອຍໄປຄ່ອຍມາຕາມເລນຕາມຊ່ອງຂອງຕົນເອງ ຢ່າໃຈຮ້ອນແລ້ວໝົ້ນແຫຍ້ໄປທົ່ວທີບ ເອົາໄປເອົາມາແທນທີ່ຈະໄດ້ຄ່ອຍໄປ ພັດຄາອ່າງຍ່າງໝົດຊ້ຳ! ແຮ່ງຊ້າຕື່ມ, ເອົາ, ຄັນທຸກຄົນຊ່ວຍກັນມັນກໍ່ໄປຮອດຈຸດໝາຍປາຍທາງທັນເວລາ ແລະປອດໄພພ້ອມເນາະ! ເອົາ, ຊ່ວຍກັນໆ! ດ້ວຍຄວາມເປັນຫ່ວງເປັນໄຍຈາກ CRIS; ແຕ່ວ່າສຳລັບເລື່ອງຈີນທີ່ຈະເອົາມາເວົ້າສູ່ຟັງຄືນນີ້ແມ່ນຕໍ່ເນື່ອງຈາກລາຍການຄືນວານນີ້ກ່ຽວກັບຈີນຕ້ອງການຊ່ຽວຊານຕ່າງປະເທດຫຼາຍຂື້ນນິລະ! ໜຸ່ມໃຫຍ່ໄດ້ອ່ານພົບຂໍ້ມູນຂ່າວສານທີ່ໃໝ່ໆແລະຕໍ່ເນື່ອງກັນເລີຍເອົາມາເວົ້າສູ່ຟັງຕື່ມ!
ເພງ
ຜ່ານໄປ………………….. ມາເຂົ້າເລື່ອງເລີຍເນາະກ່ຽວກັບຈີນນຳເຂົ້າຊ່ຽວຊານຈາກຕ່າງປະເທດທີ່ມີອາຊີບແທ້ໆໃຫ້ຫຼາຍຂື້ນຕື່ມ! ລັດຖະບານຈີນວາງແຜນວ່າໃນ 10 ປີຕໍ່ໜ້າຈະນຳເຂົ້າຊ່ຽວຊານຕ່າງປະເທດໃຫ້ໄດ້ປະມານ 500-1.000ຄົນ. ເພື່ອກະຕຸ້ນການປ່ຽນແປງໃໝ່ແລະຍົກລະດັບການຄົ້ນຄ້ວາວິທະຍາສາດ! ໂຄງການນຳເຂົ້າຊ່ຽວຊານຕ່າງປະເທດ 1.000 ຄົນເລີ່ມດຳເນີນໃນທ້າຍປີກາຍນີ້ແລະກໍ່ສາມາດດຶງດູດຄວາມສົນໃຈໃຫ້ຜູ້ສະໝັກເຖິງ 214 ຄົນ ຈາກອາເມລິກາ, ຍີ່ປຸ່ນແລະເຢຍລະມັນ! ໂຄງການນີ້ເລີ່ມຮັບສະໝັກຊຸດທຳອິດເລີ່ມແຕ່ເດືອນພະຈິກປີກາຍນີ້ ໂດຍທ້ອນໂຮມຄວາມຕ້ອງການຊ່ຽວຊານຕ່າງປະເທດຈາກ 214 ມະຫາວິທະຍາໄລ, ສະຖາບັນຄົ້ນຄ້ວາວິທະຍາສາດ ແລະ ບໍລິສັດໃຫຍ່ໆໃນທົ່ວປະເທດ! ຜູ້ທີ່ຈະເປັນຜູ້ຈ້າງ ຄັນຢາກໄດ້ຊ່ຽວຊານຕ່າງປະເທດກໍ່ສະແດງເຈດຈຳນົງ ແລະເງຶ່ອນໄຂທີ່ຕົນເອງຢາກໄດ້ໄປຫາໂຄງການຕ່າງປະເທດພັນຄົນ! ຜູ້ຊ່ຽວຊານທີ່ເກັ່ງໆ ລັດຖະບານຈີນຈະຈ່າຍເງິນໃຫ້ຄ່າຄົ້ນຄ້ວາປະມານ 1 ລ້ານຢວນພຸ້ນໄດ໋! ປະມານ 159.000 ໂດລາ. ແລ້ວຜູ້ທີ່ຈະມາເຮັດການຄົ້ນຄ້ວາວິທະຍາສາດໃຫ້ຈີນກໍ່ຈະໄດ້ເສຍຄ່າສະໜັບສະໜູນຄົ້ນຄ້ວາອີກ 3 ລ້ານຢວນ. ລວມເປັນ 4 ລ້ານຢວນພຸ້ນລະຕໍ່ການຄົ້ນຄ້ວາທີ່ສຳຄັນເທື່ອໜຶ່ງ! 4 ລ້ານຢວນກໍ່ເກືອບ 5 ຕື້ກີບພຸ້ນແລ້ວ! ນອກນັ້ນກໍ່ຍັງຈະອຳນວຍຄວາມສະດວກໃຫ້ນັກຄົ້ນຄ້ວາວິທະຍາສາດອີກຫຼາຍອັນ ເປັນຕົ້ນວ່າ ອອກວິຊາພິເສດໃຫ້, ຍົກເວັ້ນພາສີ, ມີເງິນເດືອນສູງ, ທີ່ພັກທີ່ສະດວກສະບາຍ, ການເບິ່ງແຍງດ້ານສຸຂະພາບ ແລະ ນະໂຍບາຍປະກັນໄພທີ່ພິເສດອີກດ້ວຍ! ເອົາ, ຟັງເພງກ່ອນແລ້ວຈະມາລົມສູ່ຟັງຕໍ່!
ເພງ
ຂະນະນີ້………….. 711477, 9300 ມາລົມກັນຕໍ່ເນາະກ່ຽວກັບການນຳເຂົ້າຊ່ຽວຊານຕ່າງປະເທດຂອງຈີນ, ມາເບິ່ງແລ້ວຈີນຕ້ອງການແມ່ນນັກວິຊາການຫຼືຊ່ຽວຊານທີ່ເກັ່ງທີ່ມີຊື່ສຽງລະດັບອາຈານອີ່ຫຼີໄດ໋ທ່ານຜູ້ຟັງ! ບໍ່ແມ່ນອາຈານທີ່ເອີ້ນກັນໄປທົ່ວທີບຊື່ໆໄດ໋! ເພາະວ່າພາກສ່ວນທີ່ສະແດງຄວາມຕ້ອງການມາ ສ່ວນຫຼາຍກໍ່ແມ່ນມາຈາກມະຫາວິທະຍາໄລ, ສະຖາບັນວິທະຍາສາດ, ວິສະຫະກິດການລົງທຶນ ຫຼື ລັດວິສະຫະກິດຮຸ້ນສ່ວນ ທີ່ມີທຶນຈີນຕ່ຳສຸດ 50% ຂື້ນໄປ ສະນັ້ນລະເປົ້າໝາຍຍທີ່ຈີນຢາກໄດ້ຫຼາຍກໍ່ແມ່ນ ສາດສະດາຈານຈາກມະຫາວິທະຍາໄລທີ່ມີຊື່ສຽງຂອງໂລກ, ຈາກສະຖາບັນຄົ້ນຄ້ວາວິທະຍາສາດ ຫຼື ມືອາຊີບໃນລະດັບອາວຸໂສ ດ້ານເຕັກໂນໂລຊີ ການບໍລິຫານ, ຫຼື ຈາກບໍລິສັດໃຫຍ່ໆ ຫຼື ຈາກສະຖາບັນການເງິນໃຫຍ່ໆຂອງໂລກໄປຈັ່ງຊັ້ນລະ! ຢູ່ລາວນິບໍ່ມີໃຜສົນໃຈບໍ່ນໍ້? ຄັນໝັ້ນໃຈວ່າຕົນເອງໄດ້ຕາມມາດຖານຫຼືເງື່ອນໄຂ ກໍ່ລອງໄປສະໝັກເບິ່ງເນາະ! ຜູ້ຊ່ຽວຊານດ້ານການຄຸ້ມຄອງລິຂະສິດທາງປັນຍາ ຫຼື ຊຳນານດ້ານບໍລິຫານຈັດການທຸລະກິດໃນລະດັບໂລກ ເພິ່ນຕ້ອງການຫຼາຍຄືກັນ! ເງື່ອນໄຂເພິ່ນກໍ່ແມ່ນຕ້ອງບໍ່ແມ່ນຄົນຈີນ ອາຍຸຕ່ຳກ່ວາ 65 ປິິ, ປະຈຸບັນກໍ່ບໍ່ໄດ້ເຮັດວຽກເຕັມເວລາ ຢູ່ບ່ອນໃດໃນປະເທດຈີນ, ຜູ້ກຳລັງເຮັດວຽກຢູ່ໃນປະເທດຈີນກໍ່ສາມາດສະໝັກໄດ້ໄດນິ! ແຕ່ວ່າຕ້ອງແມ່ນຜູ້ທີ່ຫາກໍ່ເຮັດວຽກມາໄດ້ບໍ່ທັນຮອດ 6 ເດືອນກ່ອນມື້ສະໝັກ! ການເປີດຮັບຊຸດທີສອງເພິ່ນເລີ່ມໃນວັນສຸກ 13/2/2012 ຜ່ານມານີ້ລະ! ແລະຈະປິດໃນວັນທີ 12 ເດືອນໜ້າ! ຊ່ຽວຊານເຫຼົ່ານີ້ຢ່າງໜ້ອຍຕ້ອງເຮັດວຽກມາແລ້ວ 3 ປີ ແລະສາມາດຢູ່ຈີນໄດ້ຢ່າງຕ່ຳ 9 ເດືອນຕໍ່ປີ! ພາກສ່ວນກ່ຽວຂ້ອງຂອງຈີນເພິ່ນກໍ່ຈັດຕັ້ງທີມງານ 40 ຄົນພຸ້ນໄດ໋! ເພື່ອຄັດເລືອກວ່າຖືກກັບເງື່ອນໄຂ ແລະມີຄຸນວຸດທິພຽງພໍຫຼືບໍ່? ລວມທັງຜົນງານທີ່ເດັ່ນໆຜ່ານມາວ່າເໝາະທີ່ຈະຈ້າງບໍ່? ຫຼາຍບໍລິສັດຢູ່ປັກກິ່ງກໍ່ສະແດງຄວາມຕ້ອງການຊ່ຽວຊານທີ່ເກັ່ງໆຫຼາຍໄດ໋ເພື່ອມາຊ່ວຍພັດທະນາທຸລະກິດຂອງເຂົາເຈົ້າ! ທ່ານ ເຢ້ ຈິ່ງ ຜູ້ຈັດການຝ່າຍຊັບພະຍາກອນມະນຸດຂອງບໍລິສັດ ອຸດສະຫະກຳເຕັກໂນໂລຊີທີ່ຜະລິດເຄື່ອງຈັກ ເຄື່ອງລານໃໝ່ ແລະ ພັດທະນາພະລັງງານໃໝ່ຂອງປັກກິ່ງບອກວ່າ: ບໍລິສັດລາວມີຊ່ຽວຊານ ເຢຍລະມັນຄົນໜຶ່ງແລ້ວ ແຕ່ຕ້ອງການອີກ 2-3 ຄົນ ຈາກອາເມລິກາ ແລະ ຍີ່ປຸ່ນໃນປີນີ້ ເພາະວ່າຊ່ຽວຊານຈາກປະເທດເຫຼົ່ານີ້ ແມ່ນນຳໜ້າຢູ່ແລ້ວດ້ານອຸດສະຫະກຳ! ສະເພາະຢູ່ປັກກິ່ງຊື່ໆ ແຕ່ລະປີກໍ່ມີຕ່າງປະເທດມາເຮັດວຽກຫຼາຍກ່ວາ 40.000 ຄົນແລ້ວທ່ານຜູ້ຟັງ! ເອົາ, ຟັງເພງກ່ອນເນາະ ແລ້ວຈະມາເວົ້າສູ່ຟັງວ່າຈີນບໍ່ແມ່ນມີແຕ່ຢາກໄດ້ໄດ໋ ຈຳນວນໜຶ່ງກໍ່ຈຳກັດບໍ່ໃຫ້ເຂົ້າມາຄືກັນໄດ໋! ລາຍລະອຽດຈະເປັນແນວໃດຟັງເພງປ່ຽນບັນຍາກາດກ່ອນ!
ເພງ
ຂອບໃຈ………….. ກໍ່ຄືເວົ້າກ່ອນເປີດເພງຫັ້ນລະວ່າຈີນດຽວນີ້ພວມຕ້ອງການນັກວິຊາການ ຊ່ຽວຊານທີ່ເກັ່ງໆຈາກຕ່າງປະເທດ ມາບັນຈຸເຂົ້າໃນຂະແໜງການທີ່ຈີນຈຳເປັນ ແລະຕ້ອງການດ່ວນ ດ້ວຍການອຳນວຍຄວາມສະດວກໃຫ້ທຸກຢ່າງ! ເງິນຄ່າຈ້າງກໍ່ສູງ! ແຕ່ວ່າໃນຂະນະດຽວກັນ ສະພາແຫ່ງລັດຈີນກໍ່ຮ່າງກົດໝາຍ ສະບັບດັດແກ້ອອກມາແລ້ວ ແລະສົ່ງໃຫ້ສະພາປະຊາຊົນແຫ່ງຊາດຈີນແລ້ວ ເພື່ອຄົ້ນຄ້ວາພິຈາລະນາເປັນເທື່ອທຳອິດ ຮ່າງກົດໝາຍນີ້ມີຈຸດປະສົງຄຸ້ມຄອງ ກວດກາ ຄົນຕ່າງປະເທດທີ່ເຂົ້າມາຢູ່ແລະເຮັດວຽກຢ່າງຜິດກົດໝາຍຢູ່ຈີນ! ທີ່ກຳລັງມີບັນຫາຫຼາຍຂື້ນ ເພາະວ່ານີ້ກໍ່ຄືຮູ້ຫັ້ນລະວ່າຈີນເປັນເສດຖະກິດໃຫຍ່ອັນດັບ 2 ຂອງໂລກແລ້ວແລະຄ່າຈ້າງກໍ່ສູງຂື້ນ! ຄົນຕ່າງປະເທດຫຼາຍຄົນໂດຍສະເພາະຜູ້ທີ່ບໍ່ມີຄວາມຮູ້ ຄວາມສາມາດສູງ ບໍ່ພໍເທົ່າໃດກໍ່ຫາວິທີເຂົ້າໄປຊອກວຽກເຮັດງານທຳຢູ່ຈີນ. ກົດໝາຍຄຸ້ມຄອງການເຂົ້າອອກຈີນ ຂອງຄົນຕ່າງປະເທດສະບັບທີ່ໃຊ້ຢູ່ດຽວນີ້ ໃຊ້ມາໄດ້ 26 ປີແລ້ວ! ມັນຈຶ່ງສ້າງຊ່ອງຫ່ວາງໃຫ້ຄົນຕ່າງປະເທດເຂົ້າມາເຮັດວຽກຢູ່ຈີນແບບຜິດກົດໝາຍຢູ່ຈີນຫຼາຍຂື້ນ! ສະນັ້ນຮ່າງກົດໝາຍໃໝ່ນີ້ບອກວ່າ ຄົນຕ່າງປະເທດກ່ອນຈະເຂົ້າມາເຮັດວຽກຢູ່ຈີນຕ້ອງມີທັງໃບຢັ້ງຢືນທີ່ຢູ່ ແລແ ໃບອະນຸຍາດໃຫ້ເຮັດວຽກຈຶ່ງເຮັດໄດ້ ຄັນບໍ່ມີສອງໃບນີ້ຈະຖືກປັບໃໝ 5000-20.000 ຢວນ. ຄັນເປັນເງິນກີບກໍ່ 20 ລ້ານກ່ວາກີບພຸ້ນແລ້ວ! ຄັນຝ່າຝືນໜັກບາງເທື່ອອາດຈະຖືກກັກຕົວ 5-15 ມື້ພຸ້ນໄດ໋! ຜູ້ຮັບເຮັດວຽກກໍ່ຈະຖືກປັບໃໝຄືກັນ! ວາງກົດໝາຍນີ້ອອກມາກໍ່ເພື່ອຄວບຄຸມຕະຫຼາດແຮງງານໃນປະເທດຈີນນິລະທ່ານຜູ້ຟັງ! ເພາະວ່າຈີນມີພົນລະເມືອງຫຼາຍຢູ່ແລ້ວ ເກືອບທຸກອາຊີບ ເກືອບທຸກວຽກ ຄົນຈີນເຮັດໄດ້ດີຢູ່ແລ້ວ! ຊິຈຳເປັນຫຍັງເອົາຄົນຕ່າງປະເທດໄປຍາດວຽກເຮັດງານທຳ ອາຊີບຂອງຕົນເອງອີກ! ສະນັ້ນເພິ່ນຈຶ່ງຢາກຈຳກັດ ແຕ່ຢາກສົ່ງເສີມ ຢາກໄດ້ຄົນຕ່າງປະເທດທີ່ເກັ່ງອີ່ຫຼີພຸ້ນ! ຄົນຕ່າງປະເທດທີ່ເຂົ້າຈີນທົ່ວໄປ ວິຊາຈະອະນຸຍາດໃຫ້ຢູ່ໄດ້ສູງສຸດແມ່ນ 180 ມື້, ຄັນຢູ່ຊ່ຳນີ້ບໍ່ຈຳເປັນຂໍໃບຢັ້ງຢືນການພັກເຊົາກໍ່ໄດ້! ແຕ່ວ່າຄັນກາຍນີ້ແລ້ວກໍ່ຕ້ອງມີໃບຢັ້ງຢືນທີ່ຢູ່ອາໄສພ້ອມ ແລະກໍ່ຕ້ອງເຮັດໃບສະເໜີຂໍຢັ້ງຢືນພັກເຊົາແຕ່ 180 ວັນຈົນຮອດ 5 ປີພຸ້ນແລ້ວ! ແລ້ວແຕ່ຕົວຈິງ! ແລ້ວແຕ່ເວລາຢູ່ຈີນ ຄົນຕ່າງປະເທດກໍ່ຕ້ອງຖືບັດພັກເຊົາຕິດໂຕຕະຫຼອດໄດ໋ ເພື່ອວ່າເວລາເຈົ້າໜ້າທີ່ກວດກາ! ເຄັ່ງແນວນັ້ນໄດ໋ທ່ານຜູ້ຟັງຢູ່ຈີນນະ! ຕອນໜຸ່ມໃຫຍ່ເຮັດວຽກເປັນຊ່ຽວຊານຢູ່ປັກກິ່ງເກືອບ 5ປີ ຕ້ອງເອົາໃບອະນຸຍາດພັກເຊົາແຈ້ງທັງຕຳຫຼວດຄຸ້ມຊຸມຊົນ ເພື່ອຂື້ນບັນຊີໃນຄັອມພິວເຕີໄວ້! ກັອບປີມາໃຫ້ຄົນຍາມອາພາດເມັ້ນອີກ! ຄັນມີໝູ່ຄູ່ຍາດພີ່ນ້ອງມາຢາມກໍ່ຕ້ອງພາໄປແຈ້ງຫ້ອງການຕຳຫຼວດອີກ ພາຍໃນ 24 ຊົ່ວໂມງໄດ໋! ການຄຸ້ມຄອງຄົນຕ່າງປະເທດຢູ່ຈີນເຄັ່ງຄັດ ເປັນລະບຽບແທ້ໆໄດ໋! ບາເມາເບິ່ງຢູ່ລາວຈັກຜູ້ຊິເປີດຮ້ານຂາຍເຄື່ອງ ຈັກຜູ້ຊິຫາບເຄື່ອງຂາຍ ຈັກກຳມະກອນ ເຕັມຍ່າວໆຢູ່ ແຕ່ຜົ້ງສາລີຈົນຮອດ ຈຳປາສັກ ອັດຕະປື! ຈັກມີໜັງສືຖືກຕ້ອງຫຼືບໍ່? ຈັກໜັງສືໝົດກຳນົດແລ້ວຫຼືບໍ່?ກໍ່ບໍ່ແນ່ໃຈ! ນາຍບ້ານນິລະຕ້ອງເປັນເຈົ້າການວ່າໃຜເຂົ້າມາບ້ານໂຕຖືກລະບຽບກົດໝາຍຫຼືບໍ່? ເພາະວ່າຢູ່ໃກ້ຊິດທີ່ສຸດເດ ສົມທົບກັບເຈົ້າໜ້າທີ່ຄຸ້ມຄອງຄົນຕ່າງດ້າວ! ຄັນບໍ່ຈິງຈັງແທ້ບັນຫານ້ອຍອາດເປັນບັນຫາໃຫຍ່ໃນອະນາຄົດອັນໃກ້ໆນີ້ເດີ້! ຄັນລະເຫີງຫຼາຍໜ້າເປັນຫ່ວງນຳຢູ່! ຢູ່ໃນຮ່າງກົດໝາຍໃໝ່ຂອງຈີນທີ່ສະພາປະຊາຊົນແຫ່ງຊາດ ພວມຄົ້ນຄ້ວາພິຈາລະນາຢູ່ນີ້ ຍັງມີຂໍ້ທີ່ບອກວ່າ: ຄົນຕ່າງປະເທດສາມາດຂໍໃບຢັ້ງຢືນຢູ່ຈີນຖາວອນໄດ້ອີກໄດ໋! ແຕ່ເງື່ອນໄຂຄົນຕ່າງປະເທດຜູ້ນັ້ນຕ້ອງເປັນຜູ້ທີ່ປະກອບສ່ວນການພັດທະນາເສດຖະກິດ-ສັງຄົມຂອງຈີນໄດ້ດີຫ້າວຫັນທໍ່ນັ້ນໄດ໋! ໝາຍຄວາມວ່າເປັນຜູ້ທີ່ມີຄວາມຮູ້ຄວາມສາມາດສູງ ເປັນຄົນດີມີຄຸນນະພາບວ່າຊັ້ນສາ! ຄັນຄົນທົ່ວໄປຫຼືຄົນອີເນເກນັງ ຢາກເຂົ້າໄປຢູ່ຈີນເລີຍຢ່າຄຶດໃຫ້ມັນຈ່ອຍ! ຄັນຄົນເກັ່ງບໍ່ແມ່ນຈີນຍິນດີຕ້ອນຮັບລ້າໆອີກ ບາງເທື່ອຍັງເຊີນຊວນອີກພຸ້ນລະ! ພວກຫົວກະທິທັງຫຼາຍທົ່ວໂລກນິ, ອີງຕາມຂໍ້ມູນຂອງລັດຖະບານຈີນແລ້ວຈຳນວນຄົນເຂົ້າ-ອອກຈີນໃນແຕ່ລະປີ ເລີ່ມມາແຕ່ 1990 ເພີ່ມຂື້ນຕັ້ງວ່າ 10% ພຸ້ນໄດ໋ທ່ານຜູ້ຟັງ! ສະເພາະແຕ່ປີ 2010 ມານນີ້ ມີຮອດ 382 ລ້ານຄົນ, ໃນຫັ້ນຄົນຕ່າງປະເທດ 52 ລ້ານຄົນ. ເຫັນບໍ່ທ່ານຜູ້ຟັງຕົວເລກຂອງເຂົາເຈົ້າລະອຽດປານໃດ? ຄົນເຂົ້າອອກຈີນຮູ້ໝົດ ລະບົບເຄືອຂ່າຍຂໍ້ມູນຄຸ້ມຄອງຄົນ ກໍ່ເຊື່ອມຕໍ່ກັນໄປໝົດໃນທົ່ວປະເທດ ແຕ່ໃນເມືອງໃຫຍ່ຈົນຮອດຊົນນະບົດຊາຍແດນ ເພາະວ່າມັນກ່ຽວພັນເຖິງການຄຸ້ມຄອງການເຂົ້າອອກຊາຍແດນ ລະກະຄວາມໝັ້ນຄົງປອດໄພຂອງປະເທດອີກໄດ໋ ເລື່ອງມີຂໍ້ມູນລະອຽດແນວນີ້ນະ!
ເພງ
ຈົບ
ເພງ
ຜ່ານໄປ………………….. ມາເຂົ້າເລື່ອງເລີຍເນາະກ່ຽວກັບຈີນນຳເຂົ້າຊ່ຽວຊານຈາກຕ່າງປະເທດທີ່ມີອາຊີບແທ້ໆໃຫ້ຫຼາຍຂື້ນຕື່ມ! ລັດຖະບານຈີນວາງແຜນວ່າໃນ 10 ປີຕໍ່ໜ້າຈະນຳເຂົ້າຊ່ຽວຊານຕ່າງປະເທດໃຫ້ໄດ້ປະມານ 500-1.000ຄົນ. ເພື່ອກະຕຸ້ນການປ່ຽນແປງໃໝ່ແລະຍົກລະດັບການຄົ້ນຄ້ວາວິທະຍາສາດ! ໂຄງການນຳເຂົ້າຊ່ຽວຊານຕ່າງປະເທດ 1.000 ຄົນເລີ່ມດຳເນີນໃນທ້າຍປີກາຍນີ້ແລະກໍ່ສາມາດດຶງດູດຄວາມສົນໃຈໃຫ້ຜູ້ສະໝັກເຖິງ 214 ຄົນ ຈາກອາເມລິກາ, ຍີ່ປຸ່ນແລະເຢຍລະມັນ! ໂຄງການນີ້ເລີ່ມຮັບສະໝັກຊຸດທຳອິດເລີ່ມແຕ່ເດືອນພະຈິກປີກາຍນີ້ ໂດຍທ້ອນໂຮມຄວາມຕ້ອງການຊ່ຽວຊານຕ່າງປະເທດຈາກ 214 ມະຫາວິທະຍາໄລ, ສະຖາບັນຄົ້ນຄ້ວາວິທະຍາສາດ ແລະ ບໍລິສັດໃຫຍ່ໆໃນທົ່ວປະເທດ! ຜູ້ທີ່ຈະເປັນຜູ້ຈ້າງ ຄັນຢາກໄດ້ຊ່ຽວຊານຕ່າງປະເທດກໍ່ສະແດງເຈດຈຳນົງ ແລະເງຶ່ອນໄຂທີ່ຕົນເອງຢາກໄດ້ໄປຫາໂຄງການຕ່າງປະເທດພັນຄົນ! ຜູ້ຊ່ຽວຊານທີ່ເກັ່ງໆ ລັດຖະບານຈີນຈະຈ່າຍເງິນໃຫ້ຄ່າຄົ້ນຄ້ວາປະມານ 1 ລ້ານຢວນພຸ້ນໄດ໋! ປະມານ 159.000 ໂດລາ. ແລ້ວຜູ້ທີ່ຈະມາເຮັດການຄົ້ນຄ້ວາວິທະຍາສາດໃຫ້ຈີນກໍ່ຈະໄດ້ເສຍຄ່າສະໜັບສະໜູນຄົ້ນຄ້ວາອີກ 3 ລ້ານຢວນ. ລວມເປັນ 4 ລ້ານຢວນພຸ້ນລະຕໍ່ການຄົ້ນຄ້ວາທີ່ສຳຄັນເທື່ອໜຶ່ງ! 4 ລ້ານຢວນກໍ່ເກືອບ 5 ຕື້ກີບພຸ້ນແລ້ວ! ນອກນັ້ນກໍ່ຍັງຈະອຳນວຍຄວາມສະດວກໃຫ້ນັກຄົ້ນຄ້ວາວິທະຍາສາດອີກຫຼາຍອັນ ເປັນຕົ້ນວ່າ ອອກວິຊາພິເສດໃຫ້, ຍົກເວັ້ນພາສີ, ມີເງິນເດືອນສູງ, ທີ່ພັກທີ່ສະດວກສະບາຍ, ການເບິ່ງແຍງດ້ານສຸຂະພາບ ແລະ ນະໂຍບາຍປະກັນໄພທີ່ພິເສດອີກດ້ວຍ! ເອົາ, ຟັງເພງກ່ອນແລ້ວຈະມາລົມສູ່ຟັງຕໍ່!
ເພງ
ຂະນະນີ້………….. 711477, 9300 ມາລົມກັນຕໍ່ເນາະກ່ຽວກັບການນຳເຂົ້າຊ່ຽວຊານຕ່າງປະເທດຂອງຈີນ, ມາເບິ່ງແລ້ວຈີນຕ້ອງການແມ່ນນັກວິຊາການຫຼືຊ່ຽວຊານທີ່ເກັ່ງທີ່ມີຊື່ສຽງລະດັບອາຈານອີ່ຫຼີໄດ໋ທ່ານຜູ້ຟັງ! ບໍ່ແມ່ນອາຈານທີ່ເອີ້ນກັນໄປທົ່ວທີບຊື່ໆໄດ໋! ເພາະວ່າພາກສ່ວນທີ່ສະແດງຄວາມຕ້ອງການມາ ສ່ວນຫຼາຍກໍ່ແມ່ນມາຈາກມະຫາວິທະຍາໄລ, ສະຖາບັນວິທະຍາສາດ, ວິສະຫະກິດການລົງທຶນ ຫຼື ລັດວິສະຫະກິດຮຸ້ນສ່ວນ ທີ່ມີທຶນຈີນຕ່ຳສຸດ 50% ຂື້ນໄປ ສະນັ້ນລະເປົ້າໝາຍຍທີ່ຈີນຢາກໄດ້ຫຼາຍກໍ່ແມ່ນ ສາດສະດາຈານຈາກມະຫາວິທະຍາໄລທີ່ມີຊື່ສຽງຂອງໂລກ, ຈາກສະຖາບັນຄົ້ນຄ້ວາວິທະຍາສາດ ຫຼື ມືອາຊີບໃນລະດັບອາວຸໂສ ດ້ານເຕັກໂນໂລຊີ ການບໍລິຫານ, ຫຼື ຈາກບໍລິສັດໃຫຍ່ໆ ຫຼື ຈາກສະຖາບັນການເງິນໃຫຍ່ໆຂອງໂລກໄປຈັ່ງຊັ້ນລະ! ຢູ່ລາວນິບໍ່ມີໃຜສົນໃຈບໍ່ນໍ້? ຄັນໝັ້ນໃຈວ່າຕົນເອງໄດ້ຕາມມາດຖານຫຼືເງື່ອນໄຂ ກໍ່ລອງໄປສະໝັກເບິ່ງເນາະ! ຜູ້ຊ່ຽວຊານດ້ານການຄຸ້ມຄອງລິຂະສິດທາງປັນຍາ ຫຼື ຊຳນານດ້ານບໍລິຫານຈັດການທຸລະກິດໃນລະດັບໂລກ ເພິ່ນຕ້ອງການຫຼາຍຄືກັນ! ເງື່ອນໄຂເພິ່ນກໍ່ແມ່ນຕ້ອງບໍ່ແມ່ນຄົນຈີນ ອາຍຸຕ່ຳກ່ວາ 65 ປິິ, ປະຈຸບັນກໍ່ບໍ່ໄດ້ເຮັດວຽກເຕັມເວລາ ຢູ່ບ່ອນໃດໃນປະເທດຈີນ, ຜູ້ກຳລັງເຮັດວຽກຢູ່ໃນປະເທດຈີນກໍ່ສາມາດສະໝັກໄດ້ໄດນິ! ແຕ່ວ່າຕ້ອງແມ່ນຜູ້ທີ່ຫາກໍ່ເຮັດວຽກມາໄດ້ບໍ່ທັນຮອດ 6 ເດືອນກ່ອນມື້ສະໝັກ! ການເປີດຮັບຊຸດທີສອງເພິ່ນເລີ່ມໃນວັນສຸກ 13/2/2012 ຜ່ານມານີ້ລະ! ແລະຈະປິດໃນວັນທີ 12 ເດືອນໜ້າ! ຊ່ຽວຊານເຫຼົ່ານີ້ຢ່າງໜ້ອຍຕ້ອງເຮັດວຽກມາແລ້ວ 3 ປີ ແລະສາມາດຢູ່ຈີນໄດ້ຢ່າງຕ່ຳ 9 ເດືອນຕໍ່ປີ! ພາກສ່ວນກ່ຽວຂ້ອງຂອງຈີນເພິ່ນກໍ່ຈັດຕັ້ງທີມງານ 40 ຄົນພຸ້ນໄດ໋! ເພື່ອຄັດເລືອກວ່າຖືກກັບເງື່ອນໄຂ ແລະມີຄຸນວຸດທິພຽງພໍຫຼືບໍ່? ລວມທັງຜົນງານທີ່ເດັ່ນໆຜ່ານມາວ່າເໝາະທີ່ຈະຈ້າງບໍ່? ຫຼາຍບໍລິສັດຢູ່ປັກກິ່ງກໍ່ສະແດງຄວາມຕ້ອງການຊ່ຽວຊານທີ່ເກັ່ງໆຫຼາຍໄດ໋ເພື່ອມາຊ່ວຍພັດທະນາທຸລະກິດຂອງເຂົາເຈົ້າ! ທ່ານ ເຢ້ ຈິ່ງ ຜູ້ຈັດການຝ່າຍຊັບພະຍາກອນມະນຸດຂອງບໍລິສັດ ອຸດສະຫະກຳເຕັກໂນໂລຊີທີ່ຜະລິດເຄື່ອງຈັກ ເຄື່ອງລານໃໝ່ ແລະ ພັດທະນາພະລັງງານໃໝ່ຂອງປັກກິ່ງບອກວ່າ: ບໍລິສັດລາວມີຊ່ຽວຊານ ເຢຍລະມັນຄົນໜຶ່ງແລ້ວ ແຕ່ຕ້ອງການອີກ 2-3 ຄົນ ຈາກອາເມລິກາ ແລະ ຍີ່ປຸ່ນໃນປີນີ້ ເພາະວ່າຊ່ຽວຊານຈາກປະເທດເຫຼົ່ານີ້ ແມ່ນນຳໜ້າຢູ່ແລ້ວດ້ານອຸດສະຫະກຳ! ສະເພາະຢູ່ປັກກິ່ງຊື່ໆ ແຕ່ລະປີກໍ່ມີຕ່າງປະເທດມາເຮັດວຽກຫຼາຍກ່ວາ 40.000 ຄົນແລ້ວທ່ານຜູ້ຟັງ! ເອົາ, ຟັງເພງກ່ອນເນາະ ແລ້ວຈະມາເວົ້າສູ່ຟັງວ່າຈີນບໍ່ແມ່ນມີແຕ່ຢາກໄດ້ໄດ໋ ຈຳນວນໜຶ່ງກໍ່ຈຳກັດບໍ່ໃຫ້ເຂົ້າມາຄືກັນໄດ໋! ລາຍລະອຽດຈະເປັນແນວໃດຟັງເພງປ່ຽນບັນຍາກາດກ່ອນ!
ເພງ
ຂອບໃຈ………….. ກໍ່ຄືເວົ້າກ່ອນເປີດເພງຫັ້ນລະວ່າຈີນດຽວນີ້ພວມຕ້ອງການນັກວິຊາການ ຊ່ຽວຊານທີ່ເກັ່ງໆຈາກຕ່າງປະເທດ ມາບັນຈຸເຂົ້າໃນຂະແໜງການທີ່ຈີນຈຳເປັນ ແລະຕ້ອງການດ່ວນ ດ້ວຍການອຳນວຍຄວາມສະດວກໃຫ້ທຸກຢ່າງ! ເງິນຄ່າຈ້າງກໍ່ສູງ! ແຕ່ວ່າໃນຂະນະດຽວກັນ ສະພາແຫ່ງລັດຈີນກໍ່ຮ່າງກົດໝາຍ ສະບັບດັດແກ້ອອກມາແລ້ວ ແລະສົ່ງໃຫ້ສະພາປະຊາຊົນແຫ່ງຊາດຈີນແລ້ວ ເພື່ອຄົ້ນຄ້ວາພິຈາລະນາເປັນເທື່ອທຳອິດ ຮ່າງກົດໝາຍນີ້ມີຈຸດປະສົງຄຸ້ມຄອງ ກວດກາ ຄົນຕ່າງປະເທດທີ່ເຂົ້າມາຢູ່ແລະເຮັດວຽກຢ່າງຜິດກົດໝາຍຢູ່ຈີນ! ທີ່ກຳລັງມີບັນຫາຫຼາຍຂື້ນ ເພາະວ່ານີ້ກໍ່ຄືຮູ້ຫັ້ນລະວ່າຈີນເປັນເສດຖະກິດໃຫຍ່ອັນດັບ 2 ຂອງໂລກແລ້ວແລະຄ່າຈ້າງກໍ່ສູງຂື້ນ! ຄົນຕ່າງປະເທດຫຼາຍຄົນໂດຍສະເພາະຜູ້ທີ່ບໍ່ມີຄວາມຮູ້ ຄວາມສາມາດສູງ ບໍ່ພໍເທົ່າໃດກໍ່ຫາວິທີເຂົ້າໄປຊອກວຽກເຮັດງານທຳຢູ່ຈີນ. ກົດໝາຍຄຸ້ມຄອງການເຂົ້າອອກຈີນ ຂອງຄົນຕ່າງປະເທດສະບັບທີ່ໃຊ້ຢູ່ດຽວນີ້ ໃຊ້ມາໄດ້ 26 ປີແລ້ວ! ມັນຈຶ່ງສ້າງຊ່ອງຫ່ວາງໃຫ້ຄົນຕ່າງປະເທດເຂົ້າມາເຮັດວຽກຢູ່ຈີນແບບຜິດກົດໝາຍຢູ່ຈີນຫຼາຍຂື້ນ! ສະນັ້ນຮ່າງກົດໝາຍໃໝ່ນີ້ບອກວ່າ ຄົນຕ່າງປະເທດກ່ອນຈະເຂົ້າມາເຮັດວຽກຢູ່ຈີນຕ້ອງມີທັງໃບຢັ້ງຢືນທີ່ຢູ່ ແລແ ໃບອະນຸຍາດໃຫ້ເຮັດວຽກຈຶ່ງເຮັດໄດ້ ຄັນບໍ່ມີສອງໃບນີ້ຈະຖືກປັບໃໝ 5000-20.000 ຢວນ. ຄັນເປັນເງິນກີບກໍ່ 20 ລ້ານກ່ວາກີບພຸ້ນແລ້ວ! ຄັນຝ່າຝືນໜັກບາງເທື່ອອາດຈະຖືກກັກຕົວ 5-15 ມື້ພຸ້ນໄດ໋! ຜູ້ຮັບເຮັດວຽກກໍ່ຈະຖືກປັບໃໝຄືກັນ! ວາງກົດໝາຍນີ້ອອກມາກໍ່ເພື່ອຄວບຄຸມຕະຫຼາດແຮງງານໃນປະເທດຈີນນິລະທ່ານຜູ້ຟັງ! ເພາະວ່າຈີນມີພົນລະເມືອງຫຼາຍຢູ່ແລ້ວ ເກືອບທຸກອາຊີບ ເກືອບທຸກວຽກ ຄົນຈີນເຮັດໄດ້ດີຢູ່ແລ້ວ! ຊິຈຳເປັນຫຍັງເອົາຄົນຕ່າງປະເທດໄປຍາດວຽກເຮັດງານທຳ ອາຊີບຂອງຕົນເອງອີກ! ສະນັ້ນເພິ່ນຈຶ່ງຢາກຈຳກັດ ແຕ່ຢາກສົ່ງເສີມ ຢາກໄດ້ຄົນຕ່າງປະເທດທີ່ເກັ່ງອີ່ຫຼີພຸ້ນ! ຄົນຕ່າງປະເທດທີ່ເຂົ້າຈີນທົ່ວໄປ ວິຊາຈະອະນຸຍາດໃຫ້ຢູ່ໄດ້ສູງສຸດແມ່ນ 180 ມື້, ຄັນຢູ່ຊ່ຳນີ້ບໍ່ຈຳເປັນຂໍໃບຢັ້ງຢືນການພັກເຊົາກໍ່ໄດ້! ແຕ່ວ່າຄັນກາຍນີ້ແລ້ວກໍ່ຕ້ອງມີໃບຢັ້ງຢືນທີ່ຢູ່ອາໄສພ້ອມ ແລະກໍ່ຕ້ອງເຮັດໃບສະເໜີຂໍຢັ້ງຢືນພັກເຊົາແຕ່ 180 ວັນຈົນຮອດ 5 ປີພຸ້ນແລ້ວ! ແລ້ວແຕ່ຕົວຈິງ! ແລ້ວແຕ່ເວລາຢູ່ຈີນ ຄົນຕ່າງປະເທດກໍ່ຕ້ອງຖືບັດພັກເຊົາຕິດໂຕຕະຫຼອດໄດ໋ ເພື່ອວ່າເວລາເຈົ້າໜ້າທີ່ກວດກາ! ເຄັ່ງແນວນັ້ນໄດ໋ທ່ານຜູ້ຟັງຢູ່ຈີນນະ! ຕອນໜຸ່ມໃຫຍ່ເຮັດວຽກເປັນຊ່ຽວຊານຢູ່ປັກກິ່ງເກືອບ 5ປີ ຕ້ອງເອົາໃບອະນຸຍາດພັກເຊົາແຈ້ງທັງຕຳຫຼວດຄຸ້ມຊຸມຊົນ ເພື່ອຂື້ນບັນຊີໃນຄັອມພິວເຕີໄວ້! ກັອບປີມາໃຫ້ຄົນຍາມອາພາດເມັ້ນອີກ! ຄັນມີໝູ່ຄູ່ຍາດພີ່ນ້ອງມາຢາມກໍ່ຕ້ອງພາໄປແຈ້ງຫ້ອງການຕຳຫຼວດອີກ ພາຍໃນ 24 ຊົ່ວໂມງໄດ໋! ການຄຸ້ມຄອງຄົນຕ່າງປະເທດຢູ່ຈີນເຄັ່ງຄັດ ເປັນລະບຽບແທ້ໆໄດ໋! ບາເມາເບິ່ງຢູ່ລາວຈັກຜູ້ຊິເປີດຮ້ານຂາຍເຄື່ອງ ຈັກຜູ້ຊິຫາບເຄື່ອງຂາຍ ຈັກກຳມະກອນ ເຕັມຍ່າວໆຢູ່ ແຕ່ຜົ້ງສາລີຈົນຮອດ ຈຳປາສັກ ອັດຕະປື! ຈັກມີໜັງສືຖືກຕ້ອງຫຼືບໍ່? ຈັກໜັງສືໝົດກຳນົດແລ້ວຫຼືບໍ່?ກໍ່ບໍ່ແນ່ໃຈ! ນາຍບ້ານນິລະຕ້ອງເປັນເຈົ້າການວ່າໃຜເຂົ້າມາບ້ານໂຕຖືກລະບຽບກົດໝາຍຫຼືບໍ່? ເພາະວ່າຢູ່ໃກ້ຊິດທີ່ສຸດເດ ສົມທົບກັບເຈົ້າໜ້າທີ່ຄຸ້ມຄອງຄົນຕ່າງດ້າວ! ຄັນບໍ່ຈິງຈັງແທ້ບັນຫານ້ອຍອາດເປັນບັນຫາໃຫຍ່ໃນອະນາຄົດອັນໃກ້ໆນີ້ເດີ້! ຄັນລະເຫີງຫຼາຍໜ້າເປັນຫ່ວງນຳຢູ່! ຢູ່ໃນຮ່າງກົດໝາຍໃໝ່ຂອງຈີນທີ່ສະພາປະຊາຊົນແຫ່ງຊາດ ພວມຄົ້ນຄ້ວາພິຈາລະນາຢູ່ນີ້ ຍັງມີຂໍ້ທີ່ບອກວ່າ: ຄົນຕ່າງປະເທດສາມາດຂໍໃບຢັ້ງຢືນຢູ່ຈີນຖາວອນໄດ້ອີກໄດ໋! ແຕ່ເງື່ອນໄຂຄົນຕ່າງປະເທດຜູ້ນັ້ນຕ້ອງເປັນຜູ້ທີ່ປະກອບສ່ວນການພັດທະນາເສດຖະກິດ-ສັງຄົມຂອງຈີນໄດ້ດີຫ້າວຫັນທໍ່ນັ້ນໄດ໋! ໝາຍຄວາມວ່າເປັນຜູ້ທີ່ມີຄວາມຮູ້ຄວາມສາມາດສູງ ເປັນຄົນດີມີຄຸນນະພາບວ່າຊັ້ນສາ! ຄັນຄົນທົ່ວໄປຫຼືຄົນອີເນເກນັງ ຢາກເຂົ້າໄປຢູ່ຈີນເລີຍຢ່າຄຶດໃຫ້ມັນຈ່ອຍ! ຄັນຄົນເກັ່ງບໍ່ແມ່ນຈີນຍິນດີຕ້ອນຮັບລ້າໆອີກ ບາງເທື່ອຍັງເຊີນຊວນອີກພຸ້ນລະ! ພວກຫົວກະທິທັງຫຼາຍທົ່ວໂລກນິ, ອີງຕາມຂໍ້ມູນຂອງລັດຖະບານຈີນແລ້ວຈຳນວນຄົນເຂົ້າ-ອອກຈີນໃນແຕ່ລະປີ ເລີ່ມມາແຕ່ 1990 ເພີ່ມຂື້ນຕັ້ງວ່າ 10% ພຸ້ນໄດ໋ທ່ານຜູ້ຟັງ! ສະເພາະແຕ່ປີ 2010 ມານນີ້ ມີຮອດ 382 ລ້ານຄົນ, ໃນຫັ້ນຄົນຕ່າງປະເທດ 52 ລ້ານຄົນ. ເຫັນບໍ່ທ່ານຜູ້ຟັງຕົວເລກຂອງເຂົາເຈົ້າລະອຽດປານໃດ? ຄົນເຂົ້າອອກຈີນຮູ້ໝົດ ລະບົບເຄືອຂ່າຍຂໍ້ມູນຄຸ້ມຄອງຄົນ ກໍ່ເຊື່ອມຕໍ່ກັນໄປໝົດໃນທົ່ວປະເທດ ແຕ່ໃນເມືອງໃຫຍ່ຈົນຮອດຊົນນະບົດຊາຍແດນ ເພາະວ່າມັນກ່ຽວພັນເຖິງການຄຸ້ມຄອງການເຂົ້າອອກຊາຍແດນ ລະກະຄວາມໝັ້ນຄົງປອດໄພຂອງປະເທດອີກໄດ໋ ເລື່ອງມີຂໍ້ມູນລະອຽດແນວນີ້ນະ!
ເພງ
ຈົບ
