ເຫີ່ເກີດລູກໃນປີມັງກອນ
(GMT+08:00) 2012-04-26 15:02:42 cri
ສະບາຍດີມິດຮັກແຟນລາຍການເບິ່ງເມືອງຈີນທຸກທ່ານ! ຈົບຂ່າວກິລາກັບ ເອກກະສັນ ກັບ ກະຕ່າຍ ກໍ່ແມ່ນໜ້າທີ່ຂອງໜຸ່ມໃຫຍ່ອາລົມດີມາສະເໜີເລື່ອງລາວຕ່າງໆກ່ຽວກັບປະເທດຈີນສູ່ທ່ານຟັງໂລດ ທຸກຄືນໃນເວລາ 19 ໂມງ! ພົບກັນຄືນນີ້ແມ່ນມື້ສຸດທ້າຍຂອງເດືອນກຸມພາແລ້ວ ເລີ່ມເຊົ້າມື້ອື່ນກໍ່ແມ່ນເດືອນ ມີນາແລ້ວ ເປັນເດືອນທີ 3 ຂອງປີ 2012ແລ້ວ! ຄັນແມ່ນເດືອນລາວມື້ນີ້ແມ່ນມື້ຂື້ນ 8 ຄ່ຳ ເດືອນ 4 ລະໄດ໋! ຄືນນີ້ໜຸ່ມໃຫຍ່ຈະເອົາເລື່ອງການເຫີ່ເກີດລູກປີມັງກອນ ປີໃໝ່ຂອງຈີນປີນີ້! ເປັນຫຍັງຄືມາເຫີ່ກັນເອົາແທ້ເອົາວ່າແທ້? ກໍ່ຍ້ອນຄວາມເຊື່ອນີ້ລະ! ເພາະວ່າກ້າວເຂົ້າວັນທີ 23 ມັງກອນ ປີນີ້ປັບ ຕາມປະຕິທິນຂອງຈີນກໍ່ແມ່ນມື້ຂື້ນປີໃໝ່ທີ່ເປັນປີມັງກອນ! ທ່ານຜູ້ຟັງບາງທ່ານກໍ່ອາດຈະຮູ້ແລ້ວວ່າມັງກອນນີ້ຄົນຈີນເຊື່ອຖືກັນເອົາແທ້ເອົາວ່າ ເປັນສັດທີ່ສະຫຼາດ ເຂັ້ມແຂງ ກ້າຫານ ຍິ່ງໃຫຍ່! ສະນັ້ນບັນດາພໍ່-ແມ່ ໃໝ່ທັງຫຼາຍກໍ່ເລີຍພາກັນວາງແຜນເກີດລູກປີມັງກອນໃນປີນີ້ອຶກກະທຶກ ເພື່ອໃຫ້ລູກເພິ່ນເປັນລູກມັງກອນເດ! ເອົາ, ຄັນຊັ້ນເລື່ອງລາວຈະເປັນແນວໃດ? ຈັກໜ້ອຍໜຸ່ມໃຫຍ່ຈະກັບມາເວົ້າສູ່ຟັງ!
ເພງ
ຜ່ານໄປສອງເພງທຳອິດຈາກລາຍການ 711477, 9300 ເອົາ, ບັດນີ້ມາຟັງເລື່ອງທີ່ປີນີ້ຄົນຈີນ ໂດຍສະເພາະພໍ່-ແມ່ ໜຸ່ມເຫີ່ຫຼາຍໃນການເອົາລູກໃຫ້ຖືກກັບປີນີ້ທີ່ເປັນປີມັງກອນ Dragon ທີ່ເປັນສັດສັນຍາລັກຂອງຈີນ ຂອງປະເທດຈີນເລີຍກໍ່ວ່າໄດ້! ບັນຫາມັນກໍ່ຕັ້ງຂື້ນວ່າ: ຖ້າປີໃດເດັກນ້ອຍເກີດປີດຽວກັນຫຼາຍ ບາດອະນາຄົດຕໍ່ໄປຫຼາຍປີຂ້າງໜ້າ ເດັກນ້ອຍເຫຼົ່ານັ້ນລວມທັງພໍ່-ແມ່ຈະໄດ້ຮັບການກົດດັນຫຼາຍສົມຄວນ ໂດຍສະເພາະແມ່ນຄ່າເບິ່ງແຍງ ລ້ຽງດູທີ່ແພງກ່ວາເດັກນ້ອຍທົ່ວໄປ ການເຂົ້າໂຮງຮຽນກໍ່ອາດຈະຍາກກ່ວາເດັກນ້ອຍທີ່ເກີດໃນປີອື່ນ ເພາະວ່າຕ້ອງໄດ້ຍາດຊິງກັນເຂົ້າເດ! ແຕ່ພໍ່-ແມ່ໜຸ່ມຂອງຈີນບໍ່ສົນ ອັນນັ້ນຈັ່ງຫາວິທີແກ້ໄຂທີຫຼັງ ຕອນນີ້ຂໍໃຫ້ລູກຜູ້ດຽວຂອງຂ້ອຍໄດ້ເກີດເປັນສິຣິມຸງຄຸນນີ້ກ່ອນວ່າຊັ້ນສະ! ດັອກເຕີຜູ້ໜຶ່ງຢູ່ຮົງກົງລາວຄາດວ່າ: ປີນີ້ການເກີດລູກໃໝ່ຕ້ອງເພີ່ມຂື້ນ 5% ແນ່ນອນ, ສະເພາະຢູ່ຊຽງໄຮ ທີ່ເປັນນະຄອນທີ່ໃຫຍ່ທີ່ສຸດຂອງຈີນ ກໍ່ຄາດວ່າ ປີນີ້ຈະມີເດັກເກີດໃໝ່ປະມານ 180.000 ຄົນ. ໃນໄລຍະປີໃໝ່ຈີນປີນີ້ຢູ່ຕາມໂຮງໝໍແມ່ແລະເດັກຂອງນະຄອນຊຽງໄຮ ເຕັມໄປດ້ວຍບັນດາແມ່ທີ່ມາກວດທ້ອງ ມາກວດສຸຂະພາບ ມາວາງແຜນລູກ! ສະເພາະ 5 ມື້ທຳອິດຂອງປີໃໝ່ຈີນປີນີ້ ຢູ່ໂຮງໝໍປະຊາຊົນເລກ 10 ຂອງຊຽງໄຮກໍ່ມີເດັກເກີດໃໝ່ 40 ຄົນແລ້ວ! ນາຍໝໍກໍ່ຈົນໄດ້ເສີມຕຽງເກີດລູກໃໝ່! ນາງ ໂຈວເຫວີນ ເວົ້າວ່າ: ລູກຊາຍລາວເກີດໃນປີມັງກອນ ຕື່ນເຕັ້ນຂະໜາດວ່າຊັ້ນ! ລູກຂ້ອຍຄົບເດືອນອອກກ່ອນປີໃໝ່ 1 ອາທິດ ແລະກໍ່ອອກມາໃສ່ປີໃໝ່ເລີຍ, ຂ້ອຍຄິດວ່າລາວຕ້ອງນຳຄວາມໂຊກດີມາໃຫ້ພວກເຮົາ ເພາະວ່າມັງກອນເປັນສັດສັນຍາລັກຂອງຄວາມສະຫຼາດ ແລະ ກ້າຫານວ່າຊັ້ນ! ນາງ ໂຈ່ວເຫວີນ ແລະ ຜົວຂອງນາງຮ່ວມກັນຕັ້ງຊື່ໃຫ້ລູກຊາຍວ່າ: ຫວາງໂຈ່ວຫຼິນ ເພາະຄຳວ່າ ຫຼິນ ກໍ່ໝາຍເຖິງມັງກອນ ແລະຄຳວ່າ ຫຼິນ ກໍ່ມີຫຼາຍຄົນອີກຕັ້ງເປັນຊື່ລູກ ທີ່ເກີດໃນໂຮງໝໍດຽວກັນນີ້! ເອົາ, ຟັງເພງກ່ອນເນາະ ແລ້ວຈັ່ງມາລົມກັນຕໍ່!
ເພງ
ຂະນະນີ້…….. ຄືນນີ້ໜຸ່ມໃຫຍ່ພວມລົມເລື່ອງພໍ່ແມ່ໃໝ່ຂອງຈີນເຫີ່ກັນເອົາລູກປີນີ້ຫຼາຍ ເພາະວ່າເປັນປີມັງກອນ ຢູ່ນະຄອນຫຼວງປັກກິ່ງ ໂຮງໝໍປະດຸງຄັງແຕ່ລະຕຽງຖືກຈອງໄວ້ໝົດແລ້ວ ຍາວໄປຈົນຮອດເດືອນສິງຫາພຸ້ນລະ! ສະນັ້ນທ່ານໝໍກໍ່ເລີຍຕັດສິນໃຈຮັບເກີດລູກໃໝ່ສູງສຸດເດືອນໜຶ່ງ 1 ພັນຄົນເທົ່ານັ້ນ ແລະກໍ່ຈະໃຫ້ບຸລິມະສິດແກ່ແມ່ມານທີ່ເກີດລູກຄົບກຳນົດອອກກ່ອນ! ມີໄດ໋ ພໍ່-ແມ່ ບາງຄົນລູກບໍ່ທັນຄົບເດືອນແທ້ 7 ເດືອນປາຍ 8 ເດືອນແນວນີ້ ເພິ່ນກໍ່ໃຫ້ແພດຜ່າຕັດອອກໃຫ້ຖືກກັບມື້ດີ ເດືອນດີ ປີດີ ກໍ່ມີໄດ໋! ຄວາມເຊື່ອນີ້ຫ້າມກັນຍາກເນາະ! ບາງຄົນເຊື່ອແບບຫຼັບຫູຫຼັບຕາເກີນໄປ ກໍ່ຈົນກາຍເປັນຄົນງົມງາຍ ດີບໍ່ດີອັນຕະລາຍຕໍ່ລູກ ຕໍ່ແມ່ອີກຊ້ຳ! ມີແມ່ໃໝ່ຜູ້ໜຶ່ງ ຄືນາງ ຫຼີຈົ່ງ, ຖືພາມາກວດທ້ອງ ລາວນັ່ງຖ້າກວດດ້ວຍສີໜ້າທີ່ລຳຄານເບື່ອໜ່າຍ! ລາວເປັນຄົນນະຄອນ ຈີ້ໝານ, ແຂວງ ຊ່ານຕົ່ງ! ລາວເບື່ອຍ້ອນຕ້ອງໄດ້ຖ້າເປັນຫຼາຍຊົ່ວໂມງ! ຕາມກຳນົດແມ່ນລາວຈະອອກລູກຜູ້ນີ້ໃນເດືອນເມສາ. ລາວວ່າ: ໄດ້ວາງແຜນໃຫ້ເກີດລູກໃນປີນີ້ກໍ່ຍ້ອນໝົດຄອບຄົວ ຈັກຜົວ ຈັກພໍ່ ຈັກແມ່ ຈັກປູ່ ຈັກຍ່າ ເຊື່ອວ່າເດັກເກີດປີມັງກອນແມ່ນຈະນຳຄວາມເປັນສິຣິມຸງຄຸນມາໃຫ້ວ່າຊັ້ນ! ລາວວ່າ: ແຕ່ວ່າປີນີ້ລູກນ້ອຍມັງກອນມັນຈະເກີດໃໝ່ຫຼາຍແທ້ໆ ບັນຫາກໍ່ຄືມັນຈະເຮັດໃຫ້ເດັກພວກນີ້ເຂົ້າໂຮງຮຽນອະນຸບານ, ປະຖົມ, ມັດທະຍົມ ມະຫາວິທະຍາໄລ ຍາກໃນຫຼາຍປີຕໍ່ໜ້າ! ຟັງເຫດຜົນຂອງນາງ ຫຼີ ທີ່ກັງວົນກໍ່ແມ່ນເຫດຜົນທີ່ດີໄດທ່ານຜູ້ຟັງ! ເພາະວ່າມັນກໍ່ເຄີຍເກີດປະກົດການດັ່ງທີ່ນາງ ຫຼີ ກັງວົນມາແລ້ວ! ຄືໃນປີ 2000 ປີນັ້ນເປັນປີມັງກອນ, ຕໍ່ມາແມ່ນປີ 2007 ປີນັ້ນແມ່ນປີໝູ, ແລະໃນປີ 2008 ຈີນກໍ່ເປັນເຈົ້າພາບຈັດກິລາໂອເລັມປິກ ທັງ 3 ປີນັ້ນຕຽງໂຮງໝໍຢູ່ພະແນກປະດຸງຄັນຈົນຂາດ ແລ້ວພວກເດັກນ້ອຍທີ່ເກີດປີນັ້ນໆ ຕໍ່ມາກໍ່ເຂົ້າອະນຸບານ ເຂົ້າປະຖົມຍາກຄືຄວາມນາງ ຫຼີ ເວົ້າແທ້ ເພາະວ່າປີມັງກອນ ກັບ ປີໝູ ຄົນຈີນມັກສຸດໃຈລະ ເພາະວ່າໝູແມ່ນປີທີຄົນຈີນເຊື່ອວ່າເປັນປີທີ່ອຸດົມສົມບູນດ້ວຍອາຫານການກິນ ຊັບສິນເງິນຄຳວ່າຊັ້ນສະ! ທ້າວ ຢ່າງຊິ່ນ ພະນັກງານຫ້ອງການ ເມືອງ ຈີ້ໝານ ຍັງຈື່ໄດ້ຢູ່ວ່າ ລາວຈົນໄດ້ມີເຄື່ອງຕ້ອນຂອງຝາກພິເສດໃຫ້ ຜູ້ອຳນວຍການໂຮງຮຽນອະນຸບານ ແລະ ຕໍ່ມາກໍ່ໂຮງຮຽນປະຖົມ ຍ້ອນລູກສາວລາວເກີດໃນປີ 2000 ທີ່ເປັນປີມັງກອນ. ລາວເວົ້າໃຫ້ຟັງວ່າ: ຕອນລູກສາວຂ້ອຍເຂົ້າໂຮງຮຽນອະນຸບານ ແຕ່ລະຫ້ອງມີນັກຮຽນ 25 ຄົນ, ຄັນແມ່ນພວກເກີດໃນປີອື່ນຫ້ອງໜຶ່ງມີແຕ່ 18 ຄົນ, ບາດລູກສາວເຂົ້າປະຖົມກໍ່ມີເດັກນ້ອຍຕັ້ງວ່າ 500 ຄົນ ເສັງແຂ່ງຂັນເຂົ້າເອົາ ບ່ອນນັ່ງທີ່ມີແຕ່ 160 ບ່ອນນັ່ງ! ຢູ່ປັກກິ່ງຄືກັນ ລູກໂອເລັມປິກບາງຄົນ ຕ້ອງໄດ້ລໍຖ້າເຂົ້າໂຮງຮຽນອະນຸບານ ທັ້ງໆທີ່ໃນ 2 ປີມານີ້ ລັດຖະບານກໍ່ໄດ້ເປີດໂຮງຮຽນອະນະບານໃໝ່ຂື້ນຫຼາຍ ເພື່ອຮອງຮັບເດັກທີ່ເກີດໃນປີ 2008 ແຕ່ປານນັ້ນກໍ່ຍັງບໍ່ພໍ! ມາຟັງເພງມ່ວນໆປ່ຽນບັນຍາກາດກ່ອນເນາະແລ້ວຈັ່ງຊິກັບມາເວົ້າສູ່ຟັງຕໍ່ ກ່ຽວກັບການກົດດັນທາງດ້ານການເງິນຂອງພໍ່ແມ່ທີ່ເຫີ່ກັນເກີດລູກໃນປີມັງກອນນີ້!
ເພງ
ຂະນະນີ້………….ໜຸ່ມໃຫຍ່ຂໍລົມຕໍ່ກ່ອນເປີດເພງກໍ່ລົມສູ່ຟັງເລື່ອງຄວາມກົດດັນຂອງພໍ່ແມ່ຈີນ ທີ່ມັກເກີດລູກໃນປີສຳຄັນ ຍ້ອນຄວາມເຊື່ອຖືວ່າເປັນປີສິຣິມຸງຄຸນແລະນຳໂຊກນຳໄຊມາໃຫ້ ແຕ່ສຸດທ້າຍກໍ່ຈົນເຂົ້າຮຽນໂຮງຮຽນປະຖົມ ມັດທະຍົມຍາກ ຍ້ອນເດັກເກີດພ້ອມກັນຫຼາຍ! ບັດນີ້ພໍ່-ແມ່ທີເຫີ່ປີເກີດເຫຼົ່ານີ້ກໍ່ມີຄວາມກົດດັນດ້ານການໃຊ້ຈ່າຍອີກໄດ໋! ສື່ມວນຊົນທ້ອງຖິ່ນກໍ່ໄດ້ລາຍງານຂ່າວກ່ຽວກັບການບໍລິການຂອງແມ່ລ້ຽງເດັກທີ່ສູງຂື້ນຫຼາຍຢູ່ປັກກິ່ງ ແລະ ນະຄອນ ທຽນສິນ. ຄືຢູ່ທຽນສິນພໍ່-ແມ່ໃໝ່ຕ້ອງໄດ້ຈ່າຍປະມານ 6-8 ພັນຢວນ, ກໍ່ປະມານ 9 ລ້ານກີບພຸ້ນແລ້ວ ເພື່ອຈ່າຍໃຫ້ແກ່ນາງລ້ຽງເດັກ ທີ່ໄດ້ຜ່ານການຝຶກອົບຮົມມາເປັນຢ່າງດີ, ເພາະວ່າໃນເດືອນທຳອິດຄົນຈີນໃນເມືອງທີ່ອ່າວມີເງິນແດ່ເພິ່ນມັກຈ້າງນາງລ້ຽງເດັກທີ່ໄດ້ມາດຕະຖານມາລ້ຽງລູກໃຫ້! ເພື່ອລູກຈະໄດ້ມີສຸຂະພາບແຂງແຮງວ່າຊັ້ນ! ຊຶ່ງຄ່າຈ້າງນີ້ມັນອາດສູງກ່ວາເງິນເດືອນຂອງສອງຜົວເມຍບວກກັນອີກຊ້ຳ! ເຖິງວ່າຄ່າຈ້າງສູງປານນີ້ ນາງ ກຸ່ຍຢິງ, ທີ່ເປັນນາງລ້ຽງເດັກເກີດໃໝ່ ກໍ່ຍັງເຊັນສັນຍາກັບພໍ່ແມ່ເດັກຕັ້ງວ່າ 7 ຄົນ ເຮັດໃຫ້ວຽກລ້ຽງເດັກຂອງລາວຫຍຸ້ງຫຼາຍ ໄປຈົນຮອດຍຍາມຮ້ອນພຸ້ນລະ! ດຽວນີ້ຢູ່ຈີນຍັງເປັນຍາມໜາວຢູ່ໄດ໋ທ່ານຜູ້ຟັງ! ສ່ວນສາດສະດາຈານ ຫວາງ ຈົ່ງອູ ຂອງມະຫາວິທະຍາໄລ ຊ່ານຕົ່ງ ກໍ່ເຫັນອີກວ່າ: ການເຫີ່ເກີດລູກໃນປີດີໆ ກໍ່ສົ່ງຜົນໃຫ້ພໍ່ແມ່ເຫຼົ່ານີ້ຄາດຫວັງກັບລູກຜູ້ນີ້ສູງຫຼາຍ! ເພາະວ່າພໍ່ແມ່ໜຸ່ມດຽວນີ້ເກືອບທັງໝົດແມ່ນເກີດໃນຊຸມປີ 1980 ແລະເຕີບໃຫຍ່ຂື້ນໃນສະພາບແວດລ້ອມທີ່ຄອບຄົວມີລູກຜູ້ດຽວ, ສະນັ້ນເມື່ອເຂົາເຈົ້າມີລູກ ມີຫຍັງດີໆກໍ່ຈະເທີດທູນໃຫ້ໝົດ ລວມທັງວັນ, ເດືອນ, ປີເກີດ ຜົວເມຍຕ້ອງໄດ້ເລືອກເຟັ້ນວາງແຜນຮ່ວມກັນຄັກແນ່ຊັ້ນແລ້ວ! ຜົນສະທ້ອນຂອງມັນແມ່ນຫຍັງ? ພໍ່ແມ່ເຫຼົ່ານີ້ເມື່ອຕັ້ງຄວາມຫວັງຕໍ່ລູກຜູ້ທີ່ເກີດໃນປີທີ່ດີໆນີ້ສູງ ກໍ່ຍ່ອມອາດຈະສ້າງອຸປະສັກຄວາມຫຍຸ້ງຍາກຕໍ່ລູກຂອງເຂົາເຈົ້າເອງ! ເປັນຕົ້ນວ່າຕ້ອງເປັນຄົນເກັ່ງ, ຄົນສະຫຼາດຫຼັກແຫຼມ ເຂັ້ມແຂງກ່ວາຜູ້ອື່ນນ ແລ້ວຄວາມກົດດັນນັ້ນກໍ່ຈະຕົກໄປໃສ່ເດັກນ້ອຍແລະຊາວໜຸ່ມຜູ້ເປັນລູກ ເພາະວ່າພໍ່ແມ່ຕັ້ງຄວາມຫວັງໄວ້ສູງຫຼາຍເກີນໄປ! ຕ້ອງເຮັດໃຫ້ໄດ້ໃຈພໍ່ແມ່ ຮຽນໃຫ້ເກັ່ງໃຫ້ໄດ້ຄະແນນດີໆ ສູງໆບໍ່ໄດ້ຫຼັບ ບໍ່ໄດ້ນອນ ພັກຜ່ອນບໍ່ພຽງພໍແລ້ວບາດນີ້! ສຸດທ້າຍກໍ່ສະທ້ອນຕໍ່ສັງຄົມ! ໜຸ່ມໃຫຍ່ເຄີຍເຫັນກັບຕາມາແລ້ວຢູ່ປັກກິ່ງ ທັງໆທີ່ລູກຊາຍກໍ່ເປັນຄົນດີແລ້ວ ເຂັ້ມແຂງ, ຮຽນເກັ່ງ, ໄດ້ຄະແນນດີສົມຄວນແລ້ວ ບາດສອບເສັງມາກໍ່ໄດ້ຄະແນນສູງສົມຄວນແລ້ວ ແຕ່ແມ່ຖືກແມ່ຂອງເດັກນ້ອຍທີ່ໄດ້ຄະແນນສູງກ່ວາໃນຫ້ອງມາເວົ້າເຢາະເຢີ້ຍ ແມ່ຜູ້ນີ້ກໍ່ເສຍປຽບເສຍຍົດ ແລ້ວກໍ່ມາລົງທີ່ລູກ ມາຮ້າຍມາດ່າລູກ ດີບໍ່ດີອາດຈະຕີພຸນ້ແລ້ວ ແຕ່ໜຸ່ມໃຫຍ່ກໍ່ບໍ່ເຫັນດັອກ! ແມ່ເດັກນ້ອຍຜູ້ນັ້ນອາລົມບໍ່ດີຍ້ອນເລື່ອງນີ້ເກືອບເປັນອາທິດແລ້ວ, ເບິ່ງແມ້ເລື່ອງນ້ອຍໆຊ່ຳນີ້ຍັງຂົ່ມເຫງຈິດໃຈ ຮ່າງກາຍ ສະໝອງລູກປານນັ້ນ. ລູກກໍ່ບໍ່ໄດ້ເສັງຕົກ ຍັງໄດ້ຄະແນນແນວຢູ່ແຖວໜ້າຂອງຫ້ອງແລ້ວ ແມ່ກໍ່ຍັງບໍ່ພໍໃຈ ມີແຕ່ບອກວ່າຕ້ອງຊະນະຜູ້ອື່ນທໍ່ນັ້ນ! ໂອ່, ຄັນໃຜຊະນະໝົດ ມັນຊິມີຜູ້ບໍ່ຊະນະຕວະຊັ້ນເນາະ? ມັນເປັນໄປບໍ່ໄດ້! ເອົາ, ມ່ວນຊື່ນກັບສຽງເພງຈີນອີກກ່ອນແລ້ວຈັ່ງກັບມາລົມກັນຕໍ່
ເພງ
ຂໍຂອບໃຈ……………. ຄືນນີ້ໜຸ່ມໃຫຍ່ພວມລົມສູ່ຟັງກ່ຽວກັບຄົນຈີນມັກເຫີ່ເກີດລູກໃນປີດີ ປີທີ່ເປັນສິຣິມຸງຄຸນປີນຳໂຊກ! ນີ້ຄືຄວາມເຊື່ອມາແຕ່ບູຮານນະການ ມາຮອດສັດຕະວັດທີ 21 ແລ້ວຍັງຕິດຕ້ອຍຫ້ອຍຕາມມາຢູ່ ຍັງແກະບໍ່ອອກ! ເລື່ອງຄວາມເຊື່ອມັນກໍ່ເປັນສິດທິຂອງໃຜມັນດອັກເນາະທ່ານຜູ້ຟັງ! ແຕ່ກໍ່ຄືເວົ້າຫັ້ນລະ ເລື່ອງໃດຄືກັນຄັນເຊື່ອຖືຫຼາຍເກີນໄປ ແບບຫຼັບຫູຫຼັບຕາມັນກໍ່ກາຍເປັນງົມງາຍຫຼ້າຫຼັງ. ເວົ້າເລື່ອງລູກມັນຈະເປັນຄົນດີຫຼືບໍ່ດີ? ມັນບໍ່ໄດ້ຂື້ນກັບປີເກີດດັອກ ຕາມທັດສະນະສ່ວນຕົວຂອງໜຸ່ມໃຫຍ່ໄດ໋! ເດັກເກີດປີໃດມັນກໍ່ຄືແພຂາວບໍລິສຸດ ແພຜືນນັ້ນຈະງາມຫຼາຍໜ້ອຍຊ່ຳໃດ ມັນຂື້ນກັບພໍ່ແມ່ ຜູ້ປົກຄອງແຕ່ງແຕ້ມສີສັນເຂົ້າໄປ ສະພາບແວດລ້ອມກໍ່ມີສ່ວນ ແຕ່ບໍ່ຫຼາຍດັອກ ຖ້າພໍ່ແມ່ສາມັກຄີກັນ ຮ່ວມມືຮ່ວມແຮງກັນສຶກສາອົບຮົມລູກໃຫ້ເປັນຄົນດີມາແຕ່ນ້ອຍ, ຄວາມຮັກ ຄວາມອົບອຸ່ນ ຄວາມໃກ້ຊິດ ສຳຄັນຫຼາຍສຳລັບສອນລູກ! ຖ້າໃຜຫ່າງເຫີນລູກຫຼາຍມີແຕ່ຄາວຽກ ແລ້ວຊິເອົາເງິນລ້ຽງລູກ ຫຼື ຮັກລູກເກີນໄປ ຕາມໃຈໝົດທຸກຢ່າງຈົນຈຳແນກບໍ່ໄດ້ ມາແຕ່ນ້ອຍໆເລີຍວ່າອັນໃດຖືກ ອັນໃດຜິດ ອັນໃດຄວນ ອັນໃດບໍ່ຄວນ ຈຳແນກບໍ່ໄດ້ເລີຍ! ເພາະເຮັດບໍ່ດີຫຼາຍເທື່ອ ແທນທີ່ພໍ່ແມ່ຈະບອກກ່າວເຕືອນ ຊ້ຳພັດໃຫ້ທ້າຍຊ້ຳ! ຢ້ານລູກຄຽດ ຍ້ອນຮັກລູກຫຼາຍເກີນໄປ; ສຸດທ້າຍມື້ໃດມື້ໜຶ່ງທ່ານຈະກິນແໜງໃຈ ເມື່ອລູກຂອງທ່ານກາຍເປັນຄົນຊົ່ວ ກາຍເປັນມານສັງຄົມ ການເປັນບຸກຄົນທີ່ສັງຄົມ ໝູ່ຄູ່ ບໍ່ເພິ່ງປະຖາໜາ! ເຖິງລູກຂອງທ່ານຈະເກີດປີເສືອ ປີໝູ ປີມັງກອນ ຫຼື ມື້ດີມື້ງາມຫຍັງກໍ່ແລ້ວແຕ່ ກໍ່ເປັນຄົນບໍ່ດີໄດ້ຄືກັນ ເຮັດໃຫ້ພໍ່ແມ່ເສຍໃຈ ເສຍນ້ຳຕາ ເດືອດຮ້ອນ ເກີດເລື່ອງໄດ້ຄືກັນ ຖ້າພໍ່ແມ່ບໍ່ຊ່ວຍກັນເບັດມາຕັ້ງແຕ່ນ້ອຍໆ
ເພງ
ຈົບ
ເພງ
ຜ່ານໄປສອງເພງທຳອິດຈາກລາຍການ 711477, 9300 ເອົາ, ບັດນີ້ມາຟັງເລື່ອງທີ່ປີນີ້ຄົນຈີນ ໂດຍສະເພາະພໍ່-ແມ່ ໜຸ່ມເຫີ່ຫຼາຍໃນການເອົາລູກໃຫ້ຖືກກັບປີນີ້ທີ່ເປັນປີມັງກອນ Dragon ທີ່ເປັນສັດສັນຍາລັກຂອງຈີນ ຂອງປະເທດຈີນເລີຍກໍ່ວ່າໄດ້! ບັນຫາມັນກໍ່ຕັ້ງຂື້ນວ່າ: ຖ້າປີໃດເດັກນ້ອຍເກີດປີດຽວກັນຫຼາຍ ບາດອະນາຄົດຕໍ່ໄປຫຼາຍປີຂ້າງໜ້າ ເດັກນ້ອຍເຫຼົ່ານັ້ນລວມທັງພໍ່-ແມ່ຈະໄດ້ຮັບການກົດດັນຫຼາຍສົມຄວນ ໂດຍສະເພາະແມ່ນຄ່າເບິ່ງແຍງ ລ້ຽງດູທີ່ແພງກ່ວາເດັກນ້ອຍທົ່ວໄປ ການເຂົ້າໂຮງຮຽນກໍ່ອາດຈະຍາກກ່ວາເດັກນ້ອຍທີ່ເກີດໃນປີອື່ນ ເພາະວ່າຕ້ອງໄດ້ຍາດຊິງກັນເຂົ້າເດ! ແຕ່ພໍ່-ແມ່ໜຸ່ມຂອງຈີນບໍ່ສົນ ອັນນັ້ນຈັ່ງຫາວິທີແກ້ໄຂທີຫຼັງ ຕອນນີ້ຂໍໃຫ້ລູກຜູ້ດຽວຂອງຂ້ອຍໄດ້ເກີດເປັນສິຣິມຸງຄຸນນີ້ກ່ອນວ່າຊັ້ນສະ! ດັອກເຕີຜູ້ໜຶ່ງຢູ່ຮົງກົງລາວຄາດວ່າ: ປີນີ້ການເກີດລູກໃໝ່ຕ້ອງເພີ່ມຂື້ນ 5% ແນ່ນອນ, ສະເພາະຢູ່ຊຽງໄຮ ທີ່ເປັນນະຄອນທີ່ໃຫຍ່ທີ່ສຸດຂອງຈີນ ກໍ່ຄາດວ່າ ປີນີ້ຈະມີເດັກເກີດໃໝ່ປະມານ 180.000 ຄົນ. ໃນໄລຍະປີໃໝ່ຈີນປີນີ້ຢູ່ຕາມໂຮງໝໍແມ່ແລະເດັກຂອງນະຄອນຊຽງໄຮ ເຕັມໄປດ້ວຍບັນດາແມ່ທີ່ມາກວດທ້ອງ ມາກວດສຸຂະພາບ ມາວາງແຜນລູກ! ສະເພາະ 5 ມື້ທຳອິດຂອງປີໃໝ່ຈີນປີນີ້ ຢູ່ໂຮງໝໍປະຊາຊົນເລກ 10 ຂອງຊຽງໄຮກໍ່ມີເດັກເກີດໃໝ່ 40 ຄົນແລ້ວ! ນາຍໝໍກໍ່ຈົນໄດ້ເສີມຕຽງເກີດລູກໃໝ່! ນາງ ໂຈວເຫວີນ ເວົ້າວ່າ: ລູກຊາຍລາວເກີດໃນປີມັງກອນ ຕື່ນເຕັ້ນຂະໜາດວ່າຊັ້ນ! ລູກຂ້ອຍຄົບເດືອນອອກກ່ອນປີໃໝ່ 1 ອາທິດ ແລະກໍ່ອອກມາໃສ່ປີໃໝ່ເລີຍ, ຂ້ອຍຄິດວ່າລາວຕ້ອງນຳຄວາມໂຊກດີມາໃຫ້ພວກເຮົາ ເພາະວ່າມັງກອນເປັນສັດສັນຍາລັກຂອງຄວາມສະຫຼາດ ແລະ ກ້າຫານວ່າຊັ້ນ! ນາງ ໂຈ່ວເຫວີນ ແລະ ຜົວຂອງນາງຮ່ວມກັນຕັ້ງຊື່ໃຫ້ລູກຊາຍວ່າ: ຫວາງໂຈ່ວຫຼິນ ເພາະຄຳວ່າ ຫຼິນ ກໍ່ໝາຍເຖິງມັງກອນ ແລະຄຳວ່າ ຫຼິນ ກໍ່ມີຫຼາຍຄົນອີກຕັ້ງເປັນຊື່ລູກ ທີ່ເກີດໃນໂຮງໝໍດຽວກັນນີ້! ເອົາ, ຟັງເພງກ່ອນເນາະ ແລ້ວຈັ່ງມາລົມກັນຕໍ່!
ເພງ
ຂະນະນີ້…….. ຄືນນີ້ໜຸ່ມໃຫຍ່ພວມລົມເລື່ອງພໍ່ແມ່ໃໝ່ຂອງຈີນເຫີ່ກັນເອົາລູກປີນີ້ຫຼາຍ ເພາະວ່າເປັນປີມັງກອນ ຢູ່ນະຄອນຫຼວງປັກກິ່ງ ໂຮງໝໍປະດຸງຄັງແຕ່ລະຕຽງຖືກຈອງໄວ້ໝົດແລ້ວ ຍາວໄປຈົນຮອດເດືອນສິງຫາພຸ້ນລະ! ສະນັ້ນທ່ານໝໍກໍ່ເລີຍຕັດສິນໃຈຮັບເກີດລູກໃໝ່ສູງສຸດເດືອນໜຶ່ງ 1 ພັນຄົນເທົ່ານັ້ນ ແລະກໍ່ຈະໃຫ້ບຸລິມະສິດແກ່ແມ່ມານທີ່ເກີດລູກຄົບກຳນົດອອກກ່ອນ! ມີໄດ໋ ພໍ່-ແມ່ ບາງຄົນລູກບໍ່ທັນຄົບເດືອນແທ້ 7 ເດືອນປາຍ 8 ເດືອນແນວນີ້ ເພິ່ນກໍ່ໃຫ້ແພດຜ່າຕັດອອກໃຫ້ຖືກກັບມື້ດີ ເດືອນດີ ປີດີ ກໍ່ມີໄດ໋! ຄວາມເຊື່ອນີ້ຫ້າມກັນຍາກເນາະ! ບາງຄົນເຊື່ອແບບຫຼັບຫູຫຼັບຕາເກີນໄປ ກໍ່ຈົນກາຍເປັນຄົນງົມງາຍ ດີບໍ່ດີອັນຕະລາຍຕໍ່ລູກ ຕໍ່ແມ່ອີກຊ້ຳ! ມີແມ່ໃໝ່ຜູ້ໜຶ່ງ ຄືນາງ ຫຼີຈົ່ງ, ຖືພາມາກວດທ້ອງ ລາວນັ່ງຖ້າກວດດ້ວຍສີໜ້າທີ່ລຳຄານເບື່ອໜ່າຍ! ລາວເປັນຄົນນະຄອນ ຈີ້ໝານ, ແຂວງ ຊ່ານຕົ່ງ! ລາວເບື່ອຍ້ອນຕ້ອງໄດ້ຖ້າເປັນຫຼາຍຊົ່ວໂມງ! ຕາມກຳນົດແມ່ນລາວຈະອອກລູກຜູ້ນີ້ໃນເດືອນເມສາ. ລາວວ່າ: ໄດ້ວາງແຜນໃຫ້ເກີດລູກໃນປີນີ້ກໍ່ຍ້ອນໝົດຄອບຄົວ ຈັກຜົວ ຈັກພໍ່ ຈັກແມ່ ຈັກປູ່ ຈັກຍ່າ ເຊື່ອວ່າເດັກເກີດປີມັງກອນແມ່ນຈະນຳຄວາມເປັນສິຣິມຸງຄຸນມາໃຫ້ວ່າຊັ້ນ! ລາວວ່າ: ແຕ່ວ່າປີນີ້ລູກນ້ອຍມັງກອນມັນຈະເກີດໃໝ່ຫຼາຍແທ້ໆ ບັນຫາກໍ່ຄືມັນຈະເຮັດໃຫ້ເດັກພວກນີ້ເຂົ້າໂຮງຮຽນອະນຸບານ, ປະຖົມ, ມັດທະຍົມ ມະຫາວິທະຍາໄລ ຍາກໃນຫຼາຍປີຕໍ່ໜ້າ! ຟັງເຫດຜົນຂອງນາງ ຫຼີ ທີ່ກັງວົນກໍ່ແມ່ນເຫດຜົນທີ່ດີໄດທ່ານຜູ້ຟັງ! ເພາະວ່າມັນກໍ່ເຄີຍເກີດປະກົດການດັ່ງທີ່ນາງ ຫຼີ ກັງວົນມາແລ້ວ! ຄືໃນປີ 2000 ປີນັ້ນເປັນປີມັງກອນ, ຕໍ່ມາແມ່ນປີ 2007 ປີນັ້ນແມ່ນປີໝູ, ແລະໃນປີ 2008 ຈີນກໍ່ເປັນເຈົ້າພາບຈັດກິລາໂອເລັມປິກ ທັງ 3 ປີນັ້ນຕຽງໂຮງໝໍຢູ່ພະແນກປະດຸງຄັນຈົນຂາດ ແລ້ວພວກເດັກນ້ອຍທີ່ເກີດປີນັ້ນໆ ຕໍ່ມາກໍ່ເຂົ້າອະນຸບານ ເຂົ້າປະຖົມຍາກຄືຄວາມນາງ ຫຼີ ເວົ້າແທ້ ເພາະວ່າປີມັງກອນ ກັບ ປີໝູ ຄົນຈີນມັກສຸດໃຈລະ ເພາະວ່າໝູແມ່ນປີທີຄົນຈີນເຊື່ອວ່າເປັນປີທີ່ອຸດົມສົມບູນດ້ວຍອາຫານການກິນ ຊັບສິນເງິນຄຳວ່າຊັ້ນສະ! ທ້າວ ຢ່າງຊິ່ນ ພະນັກງານຫ້ອງການ ເມືອງ ຈີ້ໝານ ຍັງຈື່ໄດ້ຢູ່ວ່າ ລາວຈົນໄດ້ມີເຄື່ອງຕ້ອນຂອງຝາກພິເສດໃຫ້ ຜູ້ອຳນວຍການໂຮງຮຽນອະນຸບານ ແລະ ຕໍ່ມາກໍ່ໂຮງຮຽນປະຖົມ ຍ້ອນລູກສາວລາວເກີດໃນປີ 2000 ທີ່ເປັນປີມັງກອນ. ລາວເວົ້າໃຫ້ຟັງວ່າ: ຕອນລູກສາວຂ້ອຍເຂົ້າໂຮງຮຽນອະນຸບານ ແຕ່ລະຫ້ອງມີນັກຮຽນ 25 ຄົນ, ຄັນແມ່ນພວກເກີດໃນປີອື່ນຫ້ອງໜຶ່ງມີແຕ່ 18 ຄົນ, ບາດລູກສາວເຂົ້າປະຖົມກໍ່ມີເດັກນ້ອຍຕັ້ງວ່າ 500 ຄົນ ເສັງແຂ່ງຂັນເຂົ້າເອົາ ບ່ອນນັ່ງທີ່ມີແຕ່ 160 ບ່ອນນັ່ງ! ຢູ່ປັກກິ່ງຄືກັນ ລູກໂອເລັມປິກບາງຄົນ ຕ້ອງໄດ້ລໍຖ້າເຂົ້າໂຮງຮຽນອະນຸບານ ທັ້ງໆທີ່ໃນ 2 ປີມານີ້ ລັດຖະບານກໍ່ໄດ້ເປີດໂຮງຮຽນອະນະບານໃໝ່ຂື້ນຫຼາຍ ເພື່ອຮອງຮັບເດັກທີ່ເກີດໃນປີ 2008 ແຕ່ປານນັ້ນກໍ່ຍັງບໍ່ພໍ! ມາຟັງເພງມ່ວນໆປ່ຽນບັນຍາກາດກ່ອນເນາະແລ້ວຈັ່ງຊິກັບມາເວົ້າສູ່ຟັງຕໍ່ ກ່ຽວກັບການກົດດັນທາງດ້ານການເງິນຂອງພໍ່ແມ່ທີ່ເຫີ່ກັນເກີດລູກໃນປີມັງກອນນີ້!
ເພງ
ຂະນະນີ້………….ໜຸ່ມໃຫຍ່ຂໍລົມຕໍ່ກ່ອນເປີດເພງກໍ່ລົມສູ່ຟັງເລື່ອງຄວາມກົດດັນຂອງພໍ່ແມ່ຈີນ ທີ່ມັກເກີດລູກໃນປີສຳຄັນ ຍ້ອນຄວາມເຊື່ອຖືວ່າເປັນປີສິຣິມຸງຄຸນແລະນຳໂຊກນຳໄຊມາໃຫ້ ແຕ່ສຸດທ້າຍກໍ່ຈົນເຂົ້າຮຽນໂຮງຮຽນປະຖົມ ມັດທະຍົມຍາກ ຍ້ອນເດັກເກີດພ້ອມກັນຫຼາຍ! ບັດນີ້ພໍ່-ແມ່ທີເຫີ່ປີເກີດເຫຼົ່ານີ້ກໍ່ມີຄວາມກົດດັນດ້ານການໃຊ້ຈ່າຍອີກໄດ໋! ສື່ມວນຊົນທ້ອງຖິ່ນກໍ່ໄດ້ລາຍງານຂ່າວກ່ຽວກັບການບໍລິການຂອງແມ່ລ້ຽງເດັກທີ່ສູງຂື້ນຫຼາຍຢູ່ປັກກິ່ງ ແລະ ນະຄອນ ທຽນສິນ. ຄືຢູ່ທຽນສິນພໍ່-ແມ່ໃໝ່ຕ້ອງໄດ້ຈ່າຍປະມານ 6-8 ພັນຢວນ, ກໍ່ປະມານ 9 ລ້ານກີບພຸ້ນແລ້ວ ເພື່ອຈ່າຍໃຫ້ແກ່ນາງລ້ຽງເດັກ ທີ່ໄດ້ຜ່ານການຝຶກອົບຮົມມາເປັນຢ່າງດີ, ເພາະວ່າໃນເດືອນທຳອິດຄົນຈີນໃນເມືອງທີ່ອ່າວມີເງິນແດ່ເພິ່ນມັກຈ້າງນາງລ້ຽງເດັກທີ່ໄດ້ມາດຕະຖານມາລ້ຽງລູກໃຫ້! ເພື່ອລູກຈະໄດ້ມີສຸຂະພາບແຂງແຮງວ່າຊັ້ນ! ຊຶ່ງຄ່າຈ້າງນີ້ມັນອາດສູງກ່ວາເງິນເດືອນຂອງສອງຜົວເມຍບວກກັນອີກຊ້ຳ! ເຖິງວ່າຄ່າຈ້າງສູງປານນີ້ ນາງ ກຸ່ຍຢິງ, ທີ່ເປັນນາງລ້ຽງເດັກເກີດໃໝ່ ກໍ່ຍັງເຊັນສັນຍາກັບພໍ່ແມ່ເດັກຕັ້ງວ່າ 7 ຄົນ ເຮັດໃຫ້ວຽກລ້ຽງເດັກຂອງລາວຫຍຸ້ງຫຼາຍ ໄປຈົນຮອດຍຍາມຮ້ອນພຸ້ນລະ! ດຽວນີ້ຢູ່ຈີນຍັງເປັນຍາມໜາວຢູ່ໄດ໋ທ່ານຜູ້ຟັງ! ສ່ວນສາດສະດາຈານ ຫວາງ ຈົ່ງອູ ຂອງມະຫາວິທະຍາໄລ ຊ່ານຕົ່ງ ກໍ່ເຫັນອີກວ່າ: ການເຫີ່ເກີດລູກໃນປີດີໆ ກໍ່ສົ່ງຜົນໃຫ້ພໍ່ແມ່ເຫຼົ່ານີ້ຄາດຫວັງກັບລູກຜູ້ນີ້ສູງຫຼາຍ! ເພາະວ່າພໍ່ແມ່ໜຸ່ມດຽວນີ້ເກືອບທັງໝົດແມ່ນເກີດໃນຊຸມປີ 1980 ແລະເຕີບໃຫຍ່ຂື້ນໃນສະພາບແວດລ້ອມທີ່ຄອບຄົວມີລູກຜູ້ດຽວ, ສະນັ້ນເມື່ອເຂົາເຈົ້າມີລູກ ມີຫຍັງດີໆກໍ່ຈະເທີດທູນໃຫ້ໝົດ ລວມທັງວັນ, ເດືອນ, ປີເກີດ ຜົວເມຍຕ້ອງໄດ້ເລືອກເຟັ້ນວາງແຜນຮ່ວມກັນຄັກແນ່ຊັ້ນແລ້ວ! ຜົນສະທ້ອນຂອງມັນແມ່ນຫຍັງ? ພໍ່ແມ່ເຫຼົ່ານີ້ເມື່ອຕັ້ງຄວາມຫວັງຕໍ່ລູກຜູ້ທີ່ເກີດໃນປີທີ່ດີໆນີ້ສູງ ກໍ່ຍ່ອມອາດຈະສ້າງອຸປະສັກຄວາມຫຍຸ້ງຍາກຕໍ່ລູກຂອງເຂົາເຈົ້າເອງ! ເປັນຕົ້ນວ່າຕ້ອງເປັນຄົນເກັ່ງ, ຄົນສະຫຼາດຫຼັກແຫຼມ ເຂັ້ມແຂງກ່ວາຜູ້ອື່ນນ ແລ້ວຄວາມກົດດັນນັ້ນກໍ່ຈະຕົກໄປໃສ່ເດັກນ້ອຍແລະຊາວໜຸ່ມຜູ້ເປັນລູກ ເພາະວ່າພໍ່ແມ່ຕັ້ງຄວາມຫວັງໄວ້ສູງຫຼາຍເກີນໄປ! ຕ້ອງເຮັດໃຫ້ໄດ້ໃຈພໍ່ແມ່ ຮຽນໃຫ້ເກັ່ງໃຫ້ໄດ້ຄະແນນດີໆ ສູງໆບໍ່ໄດ້ຫຼັບ ບໍ່ໄດ້ນອນ ພັກຜ່ອນບໍ່ພຽງພໍແລ້ວບາດນີ້! ສຸດທ້າຍກໍ່ສະທ້ອນຕໍ່ສັງຄົມ! ໜຸ່ມໃຫຍ່ເຄີຍເຫັນກັບຕາມາແລ້ວຢູ່ປັກກິ່ງ ທັງໆທີ່ລູກຊາຍກໍ່ເປັນຄົນດີແລ້ວ ເຂັ້ມແຂງ, ຮຽນເກັ່ງ, ໄດ້ຄະແນນດີສົມຄວນແລ້ວ ບາດສອບເສັງມາກໍ່ໄດ້ຄະແນນສູງສົມຄວນແລ້ວ ແຕ່ແມ່ຖືກແມ່ຂອງເດັກນ້ອຍທີ່ໄດ້ຄະແນນສູງກ່ວາໃນຫ້ອງມາເວົ້າເຢາະເຢີ້ຍ ແມ່ຜູ້ນີ້ກໍ່ເສຍປຽບເສຍຍົດ ແລ້ວກໍ່ມາລົງທີ່ລູກ ມາຮ້າຍມາດ່າລູກ ດີບໍ່ດີອາດຈະຕີພຸນ້ແລ້ວ ແຕ່ໜຸ່ມໃຫຍ່ກໍ່ບໍ່ເຫັນດັອກ! ແມ່ເດັກນ້ອຍຜູ້ນັ້ນອາລົມບໍ່ດີຍ້ອນເລື່ອງນີ້ເກືອບເປັນອາທິດແລ້ວ, ເບິ່ງແມ້ເລື່ອງນ້ອຍໆຊ່ຳນີ້ຍັງຂົ່ມເຫງຈິດໃຈ ຮ່າງກາຍ ສະໝອງລູກປານນັ້ນ. ລູກກໍ່ບໍ່ໄດ້ເສັງຕົກ ຍັງໄດ້ຄະແນນແນວຢູ່ແຖວໜ້າຂອງຫ້ອງແລ້ວ ແມ່ກໍ່ຍັງບໍ່ພໍໃຈ ມີແຕ່ບອກວ່າຕ້ອງຊະນະຜູ້ອື່ນທໍ່ນັ້ນ! ໂອ່, ຄັນໃຜຊະນະໝົດ ມັນຊິມີຜູ້ບໍ່ຊະນະຕວະຊັ້ນເນາະ? ມັນເປັນໄປບໍ່ໄດ້! ເອົາ, ມ່ວນຊື່ນກັບສຽງເພງຈີນອີກກ່ອນແລ້ວຈັ່ງກັບມາລົມກັນຕໍ່
ເພງ
ຂໍຂອບໃຈ……………. ຄືນນີ້ໜຸ່ມໃຫຍ່ພວມລົມສູ່ຟັງກ່ຽວກັບຄົນຈີນມັກເຫີ່ເກີດລູກໃນປີດີ ປີທີ່ເປັນສິຣິມຸງຄຸນປີນຳໂຊກ! ນີ້ຄືຄວາມເຊື່ອມາແຕ່ບູຮານນະການ ມາຮອດສັດຕະວັດທີ 21 ແລ້ວຍັງຕິດຕ້ອຍຫ້ອຍຕາມມາຢູ່ ຍັງແກະບໍ່ອອກ! ເລື່ອງຄວາມເຊື່ອມັນກໍ່ເປັນສິດທິຂອງໃຜມັນດອັກເນາະທ່ານຜູ້ຟັງ! ແຕ່ກໍ່ຄືເວົ້າຫັ້ນລະ ເລື່ອງໃດຄືກັນຄັນເຊື່ອຖືຫຼາຍເກີນໄປ ແບບຫຼັບຫູຫຼັບຕາມັນກໍ່ກາຍເປັນງົມງາຍຫຼ້າຫຼັງ. ເວົ້າເລື່ອງລູກມັນຈະເປັນຄົນດີຫຼືບໍ່ດີ? ມັນບໍ່ໄດ້ຂື້ນກັບປີເກີດດັອກ ຕາມທັດສະນະສ່ວນຕົວຂອງໜຸ່ມໃຫຍ່ໄດ໋! ເດັກເກີດປີໃດມັນກໍ່ຄືແພຂາວບໍລິສຸດ ແພຜືນນັ້ນຈະງາມຫຼາຍໜ້ອຍຊ່ຳໃດ ມັນຂື້ນກັບພໍ່ແມ່ ຜູ້ປົກຄອງແຕ່ງແຕ້ມສີສັນເຂົ້າໄປ ສະພາບແວດລ້ອມກໍ່ມີສ່ວນ ແຕ່ບໍ່ຫຼາຍດັອກ ຖ້າພໍ່ແມ່ສາມັກຄີກັນ ຮ່ວມມືຮ່ວມແຮງກັນສຶກສາອົບຮົມລູກໃຫ້ເປັນຄົນດີມາແຕ່ນ້ອຍ, ຄວາມຮັກ ຄວາມອົບອຸ່ນ ຄວາມໃກ້ຊິດ ສຳຄັນຫຼາຍສຳລັບສອນລູກ! ຖ້າໃຜຫ່າງເຫີນລູກຫຼາຍມີແຕ່ຄາວຽກ ແລ້ວຊິເອົາເງິນລ້ຽງລູກ ຫຼື ຮັກລູກເກີນໄປ ຕາມໃຈໝົດທຸກຢ່າງຈົນຈຳແນກບໍ່ໄດ້ ມາແຕ່ນ້ອຍໆເລີຍວ່າອັນໃດຖືກ ອັນໃດຜິດ ອັນໃດຄວນ ອັນໃດບໍ່ຄວນ ຈຳແນກບໍ່ໄດ້ເລີຍ! ເພາະເຮັດບໍ່ດີຫຼາຍເທື່ອ ແທນທີ່ພໍ່ແມ່ຈະບອກກ່າວເຕືອນ ຊ້ຳພັດໃຫ້ທ້າຍຊ້ຳ! ຢ້ານລູກຄຽດ ຍ້ອນຮັກລູກຫຼາຍເກີນໄປ; ສຸດທ້າຍມື້ໃດມື້ໜຶ່ງທ່ານຈະກິນແໜງໃຈ ເມື່ອລູກຂອງທ່ານກາຍເປັນຄົນຊົ່ວ ກາຍເປັນມານສັງຄົມ ການເປັນບຸກຄົນທີ່ສັງຄົມ ໝູ່ຄູ່ ບໍ່ເພິ່ງປະຖາໜາ! ເຖິງລູກຂອງທ່ານຈະເກີດປີເສືອ ປີໝູ ປີມັງກອນ ຫຼື ມື້ດີມື້ງາມຫຍັງກໍ່ແລ້ວແຕ່ ກໍ່ເປັນຄົນບໍ່ດີໄດ້ຄືກັນ ເຮັດໃຫ້ພໍ່ແມ່ເສຍໃຈ ເສຍນ້ຳຕາ ເດືອດຮ້ອນ ເກີດເລື່ອງໄດ້ຄືກັນ ຖ້າພໍ່ແມ່ບໍ່ຊ່ວຍກັນເບັດມາຕັ້ງແຕ່ນ້ອຍໆ
ເພງ
ຈົບ
