ມາຮູ້ກັບສະພາສຶກສາການເມືອງປະຊາຊົນຈີນທີ່ຈະໄຂກອງປະຊຸມໃນມື້ອື່ນ
(GMT+08:00) 2012-04-26 15:14:01 cri
ສະບາຍດີມິດລາຍການທີ່ຮັກແພງທຸກໆທ່ານ! ຮອດ 19 ໂມງທຸກມື້ໜຸ່ມໃຫຍ່ອາລົມດີນຳເອົາລາຍການເບິ່ງເມືອງຈີນມາພົບພໍ້ກັບທ່ານຜູ້ຟັງທຸກມື້! ມື້ນີ້ແມ່ນວັນສຸກ, ທີ 2 ມີນາ; ຄັນແມ່ນເດືອນລາວກໍ່ແມ່ນມື້ຂື້ນ 10 ຄ່ຳ ເດືອນ 4 ແລ້ວເດ! ຍັງບໍ່ຮອດ 2 ເດືອນກະຊິໄດ້ຫົດນ້ຳກັນລະໄດ໋ເນາະທ່ານຜູ້ຟັງ! ອາກາດເລີ່ມຮ້ອນເອົ້າແນວນີ້ຄົນທົ່ວໄປມັກກິນນ້ຳເຢັນໆ ໂດຍສະເພາະເດັກນ້ອຍຊາວໜຸ່ມ ລະວັງຮ້ອນກະທົບເຢັນຫຼາຍ ຊິເປັນຫວັດ, ເຈັບຄໍ, ເຈັບອະມີດານເດີ້! ອາກາດຮ້ອນແນວນີ້ອາຫານມັກບູດໄວ ແມງວັນກໍ່ຫຼາຍ ລະວັງແທ້ໆ ຄວາມສະອາດຂອງອາຫານການກິນ ຮ້ອນແນວນີ້ມັກເຈັບທ້ອງງ່າຍໄດ໋, ໝາກສົ້ມໝາກແສວ ໝາກມ່ວງອ່ອນ ໝາກຫຼອດ ໝາກຜາງ ສົ້ມໆແນວນີ້ ຈ້ຳແຈ່ວເດັດໆ ເຜັດໆ ເຄັມໆ ເພິ່ນວ່າຄັກໃຈຂະໜາດ ແຕ່ລະວັງແຊບປາກມັນຊິຍາກທ້ອງຫັ້ນລະເດີ້ ການກິນຫຼາຍໂພດຫຼືວ່າລ້າງມັນບໍ່ສະອາດຫັ້ນນະເນາະ! ເອົາ, ເຕືອນມາດ້ວຍຄວາມເປັນຫ່ວງເປັນໄຍຈາກ CRI FM 93Mhz ຄືນວານນີ້ໜຸ່ມໃຫຍ່ເວົ້າສູ່ຟັງກ່ຽວກັບການຫ້າງຫາກະກຽມໃຫ້ແກ່ກອງປະຊຸມສະພາຂອງຈີນ ທີ່ໄຂຂື້ນຢູ່ປັກກິ່ງ! ສະພາທີ່ຈະໄຂກ່ອນກໍ່ແມ່ນ ສະພາສຶກສາການເມືອງປະຊາຊົນຕາມແຜນກໍ່ຈະໄຂເວລາ 15 ໂມງບ່າຍມື້ອື່ນ ທີ່ຫໍສະພາປະຊາຊົນ. ຟັງເພງກ່ອນເນາະແລ້ວຈະເວົ້າສູ່ຟັງວ່າມາຮອດມື້ນີ້ຜູ້ແທນຮອດປັກກິ່ງຄົບລະເບາະ? ແລະຄືນນີ້ກໍ່ຈະເວົ້າໃຫ້ຟັງລະອຽດຕື່ມວ່າ ສະພາປຶກສາການເມືອງປະຊາຊົນຈີນມີໜ້າທີ່ພາລະບົດບາດແນວໃດ? ແຕ່ວ່າຕອນນີ້ຟັງເພງຊຸດທຳອິດຈາກລາຍການກ່ອນເນາະ!
ເພງ
ຜ່ານໄປສອງເພງ! ເວົ້າເຖິງຜູ້ແທນສະພາການເມືອງປະຊາຊົນຈີນ ທີ່ຈະເຂົ້າຮ່ວມກອງປະຊຸມທີ່ຈະເລີ່ມໃນຕອນບ່າຍມື້ອື່ນເວລາ 15 ໂມງ ທີ່ນະຄອນຫຼວງປັກກິ່ງເທື່ອນີ້ ທົ່ວປະເທດຈີນກໍ່ມີ 2.262 ທ່ານພຸ້ນໄດ໋! ມາຮອດຕອນທ່ຽງມື້ນີ້ ຜູ້ແທນມາລົງທະບຽນແລ້ວ 1.501 ຄົນແລ້ວ. ເຫຼືອນັ້ນກໍ່ຄົງຈະສືບຕໍ່ເດີນທາງມານະຄອນຫຼວງປັກກິ່ງ ແລະ ລົງທະບຽນໃນຕອນບ່າຍ ຕອນແລງມື້ນີ້ກັບຕອນເຊົ້າມື້ອື່ນນີ້ລະ! ມາຮອດມື້ນີ້ກອງເລຂາກອງປະຊຸມໄດ້ຮັບຄຳສະເໜີ 792 ອັນແລ້ວ, ທັງໄດ້ຮັບຮ່າງຄຳປະໄສຂອງຜູ້ແທນ 429 ສະບັບແລ້ວ! ກອງເລຂາກວດກາເບິ່ງ ຄຳສະເໜີທີ່ຜູ້ແທນຖືມານຳຫັ້ນ ສ່ວນຫຼາຍກໍ່ກ່ຽວກັບການພັດທະນາເສດຖະກິດ-ສັງຄົມນິລະ! ໂດຍສະເພາະກໍ່ແມ່ນການພັດທະນາເສດຖະກິດຕົວຈິງ. ສົ່ງເສີມວິສະຫະກິດຂະໜາດກາງແລະຂະໜາດນ້ອຍ, ກະຕຸ້ນການບໍລິໂພກພາຍໃນ, ປັບປຸງສະພາບແວດລ້ອມ ແລະ ຄຸນນະພາບຂອງອາກາດ, ນອກນັ້ນກໍ່ມີກ່ຽວກັບການປອດໄພດ້ານອາຫານ ແລະ ຢາ. ປັບປຸງລະບົບການເບິ່ງແຍງ ປິ່ນປົວສຸຂະພາບ ໂດຍສະເພາະກໍ່ແມ່ນລະດັບທ້ອງຖິ່ນ, ເພີ່ມຄວາມເຂັ້ມແຂງດ້ານການບໍລິຫານຄຸ້ມຄອງສັງຄົມ, ສົ່ງເສີມວັດທະນະທຳແລະບັນຫາອື່ນໆ! ດຽວນີ້ຜູ້ເປັນຜູ້ແທນປະທານສະພາປຶກສາການເມືອງປະຊາຊົນຂອງຈີນກໍ່ແມ່ນ ທ່ານ ເຈຍຊິ່ງຫຼິນ. ສະພານີ້ຄັນເອີ້ນຫຍໍ້ກໍ່ແມ່ນ ສະພາປຶກສາການເມືອງປະຊາຊົນ. ຖືວ່າເປັນອົງການແນວໂຮມຮັກຊາດຂອງປະຊາຊົນຈີນ ຖືວ່າເປັນອົງການສຳຄັນໃນການຮ່ວມມືກັບຫຼາຍພັກ. ແລະການປຶກສາຫາລືກັນທາງດ້ານການເມືອງທີ່ນຳໂດຍພັກກອມມູນິດອິນດູຈີນ ຖືວ່າເປັນຮູບແບບສຳຄັນຫຼາຍ ທີ່ສົ່ງເສີມປະຊາທິປະໄຕຂອງສັງຄົມນິຍົມໃນຊີວິດການເມືອງຂອງຈີນ. ຄວາມສາມັກຄີແລະປະຊາທິປະໄຕ ເປັນຫົວຂໍ້ສຳຄັນສອງອັນຂອງການປະຊຸມຂອງສະພານີ້ໃນແຕ່ລະປີ. ເພາະວ່າສະພານີ້ຈະປະຊຸມປີລະເທື່ອ! ເອົາ, ຟັງເພງກ່ອນເນາະ ແລ້ວຈະກັບມາເວົ້າສູ່ຟັງວ່າ ສະມາຊິກຂອງສະພານີ້ແມ່ນຕົວແທນມາຈາກໃສແດ່?
ເພງ
ຂະນະນີ້…………….711477, …………. ເວົ້າເຖິງສະມາຊິກຂອງສະພາປຶກສາການເມືອງປະຊາຊົນ ທີ່ຈະໄຂຂື້ນໃນຕອນບ່າຍຂອງມື້ອື່ນນີ້ ທີ່ຫໍສະພາປະຊາຊົນ ທີ່ນະຄອນຫຼວງປັກກິ່ງຂອງຈີນ ກໍ່ແມ່ນຜູ້ມາຈາກຫຼາຍພາກສ່ວນ, ຄືເປັນສະມາຊິກຂອງພັກກອມມູນິດອິນດູຈີນ, ຈາກອົງການປະຊາຊົນ, ຊົນເຜົ່າຕ່າງໆ, ວົງການຕ່າງໆ, ນອກນັ້ນ ກໍ່ຍັງມີຜູ້ແທນພີ່ນ້ອງຮ່ວມຊາດ ຈາກເຂດບໍລິຫານພິເສດຮົງກົງ ແລະ ມາເກົາ, ພີ່ນ້ອງຮ່ວມຊາດຈາກໃຕ້ຫັວນ, ຈາກຄົນຈີນທີ່ເຄີຍດຳລົງຊີວິດຢູ່ຕ່າງປະເທດ ແລະ ກັບປະເທດຈີນແລ້ວ ລວມທັງບຸກຄົນທີ່ໄດ້ຮັບຄຳເຊີນເປັນພິເສດ! ສະພາປຶກສາການເມືອງປະຊາຊົນມີອາຍຸ 5 ປີ. ພາລະບົດບາດຕົ້ນຕໍຂອງສະພານີ້ທັງຢູ່ສູນກາງແລະທ້ອງຖິ່ນ ກໍ່ແມ່ນການໃຫ້ຄຳປຶກສາຫາລືກັນທາງດ້ານການເມືອງ ຄວບຄຸມການກວດກາແບບປະຊາທິປະໄຕ ເຂົ້າຮ່ວມການບໍລິຫານແລະຮ່ວມກັນປຶກສາຫາລືບັນຫາບ້ານເມືອງ, ການປຶກສາຫາລືກັນທາງດ້ານການເມືອງ ແມ່ນປຶກສາຫາລືກັນກ່ຽວກັບຫຼັກນະໂຍບາຍສຳຄັນຕ່າງໆຂອງລັດຖະບານກໍ່ຄືທ້ອງຖິ່ນ. ຈົນຮອດບັນຫາສຳຄັນທາງດ້ານ ການເມືອງ ເສດຖະກິດ ວັດທະນະທຳ ແລະຊີວິດທາງສັງຄົມກ່ອນຈະວາງນະໂຍບາຍ; ທັງປຶກສາກັນກ່ຽວກັບບັນຫາສຳຄັນໃນຂະບວນການວາງນະໂຍບາຍແລະປະຕິບັດຕາມນະໂຍບາຍ, ສະພາລະດັບທ້ອງຖິ່ນຈະຮິບໂຮມຂໍ້ສະເໜີ ຄວາມມູ່ງມາດປະຖາໜາຂອງປະຊາຊົນໃນແຕ່ລະເຂດແຂວງ ແລະປະຊຸມກັນເພື່ອຄັດໂຕໃດສຳຄັນກ່ອນ ສຳຄັນລຸນ ແລ້ວກໍ່ນຳມາສະເໜີຕໍ່ກອງປະຊຸມໃຫຍ່ທີ່ປັກກິ່ງ! ອັນນີ້ກໍ່ແມ່ນຂັ້ນຕອນວິທີການເຮັດວຽກຂອງສະພາປຶກສາການເມືອງປະຊາຊົນ! ຟັງເພງອີກກ່ອນແລ້ວຈະມາເວົ້າສູ່ຟັງວ່າການມີສ່ວນຮ່ວມຄວບຄຸມກວດກາ ແບບປະຊາທິປະໄຕຂອງສະພານີ້ແມ່ນເພິ່ນເຮັດແນວໃດ?
ເພງ
ຂໍຂອບໃຈ……………. ເວົ້າເຖິງບົດບາດໃນການຊ່ວຍຄວບຄຸມກວດກາແບບປະຊາທິປະໄຕຂອງສະພາທີ່ປຶກສາການເມືອງປະຊາຊົນຈີນນີ້ ໝາຍເຖິງດຳເນີນການຄວບຄູມກວດກາຕໍ່ການປະຕິບັດຕາມລັດຖະທຳມະນູນ ກົດໝາຍ ຂໍ້ກຳນົດລະບຽບ ມະຕິຄຳສັ່ງຕ່າງໆ, ການປະຕິບັດຕາມຫຼັກນະໂຍບາຍອັນສຳຄັນ ແລະ ກວດກາວຽກງານຂອງໜ່ວຍງານ ລັດຖະບານແລະເຈົ້າໜ້າທີ່ໃນໜ່ວຍງານລັດຖະບານ ໂດຍຜ່ານການສະເໜີຂໍ້ສະເໜີ ແລະຄຳວິຈານຕ່າງໆນິລະ! ບັດນີ້ສຳລັບການເຂົ້າຮ່ວມບໍລິຫານແລະ ຮ່ວມກັນປຶກສາຫາລື ບັນຫາບ້ານເມືອງກໍ່ໝາຍເຖິງການດຳເນີນການສຳຫຼວດການສຶກສາ, ລາຍງານສະພາບທາງສັງຄົມ ແລະ ຄວາມມຸ່ງມາດປາຖະໜາຂອງປະຊາຊົນ ແລະເອົາມາປຶກສາຫາລື ລວມທັງການຊີ້ແຈງອະທິບາຍຕໍ່ບັນຫາສຳຄັນ ທາງການເມືອງ ເສດຖະກິດ ສັງຄົມ ຕະຫຼອດຈົນເຖິງບັນຫາທີ່ປະຊາຊົນສ່ວນໃຫຍ່ໃຫ້ການສົນໃຈ ເພື່ອສະເໜີຄຳຄິດເຫັນຕໍ່ພັກກອມມຸນິດອິນດູຈີນ ແລະ ລັດຖະບານຈີນ ດ້ວຍວິທີຍື່ນລາຍງານຜົນສຳຫຼວດສຶກສາ ເປັນຍັດຕິແລະວິທີອື່ນໆ!
ໃນເດືອນກັນຍາ 1949 ການປະຊຸມເຕັມຄະນະຄັ້ງທຳອິດຂອງສະພານີ້ໄດ້ໃຊ້ສິດແລະອຳນາດ ແທນການປະຊຸມສະພາປະຊາຊົນແຫ່ງຊາດ ປະກາດສະຖາປະນາ ສາທາລະນະລັດປະຊາຊົນຈີນຂື້ນ ໂດຍໃນນາມຂອງຄວາມມຸ່ງມາດປາຖາໜາຂອງປະຊາຊົນຈີນໃນທົ່ວປະເທດ! ຫຼັງຈາກມີການປະຊຸມສະພາປະຊາຊົນແຫ່ງຊາດຂອງຈີນຄັ້ງທຳອິດ ໃນປີ 1949 ແລ້ວ, ກອງປະຊຸມສະພາທີ່ປຶກສາການເມືອງປະຊາຊົນຈີນ ກໍ່ບໍ່ໄດ້ໃຊ້ສິດແລະອຳນາດແທນສະພາປະຊາຊົນແຫ່ງຊາດອີກ. ແຕ່ຍັງຄົງຕົວຢູ່ຕໍ່ໄປ ໃນຖານະທີ່ເປັນອົງການແນວໂຮມຮັກຊາດ ທີ່ກ້ວາງຂວາງຂອງຈີນ. ຟັງເພງອີກຊຸດໜຶ່ງສາກ່ອນເນາະ ເພາະວ່າໄລຍະນີ້ເວົ້າແຕ່ເລື່ອງການເມືອງຫຼາຍມັນອ່າວເຄັ່ງຕຶງໄດ໋ເນາະ! ປ່ຽນບັນຍາກາດຟັງເພງກ່ອນແລ້ວຈະກັບມາເວົ້າໃຫ້ຟັງວ່າ ບົດບາດຂອງສະພາປຶກສາການເມືອງປະຊາຊົນຈີນປະຈຸບັນນີ້ກ້ວາງຂວາງຊ່ຳໃດ?
ເພງ
ເວົ້າເຖິງບົດບາດຂອງສະພາປຶກສາການເມືອງປະຊາຊົນປະຈຸບັນນີ້ແລ້ວກໍ່ຖືວ່າກ້ວາງຂວາງແລະສຳຄັນຫຼາຍ ເຮັດວຽກໜັກຫຼາຍໃນທາງຊີວິດການເມືອງ ຊ່ວຍພັກຊ່ວຍລັດຖະບານຈີນ ທາງສັງຄົມຍິ່ງໃກ້ຊິດກັບປະຊາຊົນຂົງເຂດຕ່າງໆ ແລ້ວກໍ່ຍັງພົວພັນກັບອົງການຕ່າງປະເທດ ທີ່ມີບົດບາດໃກ້ຄຽງກັນອີກໄດ໋! ຮອດເດືອນ ມີນາ 2004 ສະພາປຶກສາການເມືອງຂອງຈີນ ໄດ້ສ້າງຄວາມສຳພັນກັບ 170 ອົງການ ໃນ 101 ປະເທດທົ່ວໂລກ ຕະຫຼອດຮອດອົງການຈັດຕັ້ງສາກົນ ຫຼື ອົງການພາກພື້ນ 8 ອົງການ ໂດຍມີການໄປມາຫາສູ່ແລກປ່ຽນບົດຮຽນນຳກັນເລື້ອຍໆ! ຖືວ່າສະພາປຶກສາການເມືອງຈີນມີຄວາມສຳຄັນຫຼາຍໃນການປະກອບສ່ວນພັດທະນາຊາດ ເພາະວ່າຜູ້ແທນກໍ່ຄືເວົ້າຫັ້ນລະວ່າ ມາຈາກທຸກຂະແໜງການ ທຸກທ້ອງຖິ່ນ ທຸກສາຂາອາຊີບ ທຸກເພດທຸກໄວ ທຸກຊົນເຜົ່າ ເພື່ອເຮັດໃຫ້ກວມໝົດທຸກຂະແໜງການທ້ອງຖິ່ນອີ່ຫຼີ, ດາລາ ຫຼື ນັກກິລາດັງໆຂອງຈີນກໍ່ເປັນສະມາຊິກຂອງສະພານີ້ຫຼາຍສົມຄວນໄດ໋! ໃນມື້ອື່ນນີ້ຈະເປັນມື້ທຳອິດຂອງການດຳເນີນກອງປະຊຸມ ແລະ ກໍ່ຈະດຳເນີນໄປປະມານ 10 ວັນ ຕໍ່ໜ້ານີ້ມີຫຼາຍຫົວຂໍ້ທີ່ໜ້າສົນໃຈ ແລະ ຄິດວ່າທ່ານຜູ້ຟັງລາວກໍ່ອາດຈະສົນໃຈຄືກັນ! ໜຸ່ມໃຫຍ່ກໍ່ຈະພະຍາຍາມຕິດຕາມວ່າເພິ່ນສະເໜີເລື່ອງໃດທີ່ໜ້າສົນໃຈແດ່ຕໍ່ລັດຖະບານຈີນ ແລະກໍ່ຈະຄັດສັນມາເວົ້າສູ່ຟັງ!
ເພງ
ຈົບ
ເພງ
ຜ່ານໄປສອງເພງ! ເວົ້າເຖິງຜູ້ແທນສະພາການເມືອງປະຊາຊົນຈີນ ທີ່ຈະເຂົ້າຮ່ວມກອງປະຊຸມທີ່ຈະເລີ່ມໃນຕອນບ່າຍມື້ອື່ນເວລາ 15 ໂມງ ທີ່ນະຄອນຫຼວງປັກກິ່ງເທື່ອນີ້ ທົ່ວປະເທດຈີນກໍ່ມີ 2.262 ທ່ານພຸ້ນໄດ໋! ມາຮອດຕອນທ່ຽງມື້ນີ້ ຜູ້ແທນມາລົງທະບຽນແລ້ວ 1.501 ຄົນແລ້ວ. ເຫຼືອນັ້ນກໍ່ຄົງຈະສືບຕໍ່ເດີນທາງມານະຄອນຫຼວງປັກກິ່ງ ແລະ ລົງທະບຽນໃນຕອນບ່າຍ ຕອນແລງມື້ນີ້ກັບຕອນເຊົ້າມື້ອື່ນນີ້ລະ! ມາຮອດມື້ນີ້ກອງເລຂາກອງປະຊຸມໄດ້ຮັບຄຳສະເໜີ 792 ອັນແລ້ວ, ທັງໄດ້ຮັບຮ່າງຄຳປະໄສຂອງຜູ້ແທນ 429 ສະບັບແລ້ວ! ກອງເລຂາກວດກາເບິ່ງ ຄຳສະເໜີທີ່ຜູ້ແທນຖືມານຳຫັ້ນ ສ່ວນຫຼາຍກໍ່ກ່ຽວກັບການພັດທະນາເສດຖະກິດ-ສັງຄົມນິລະ! ໂດຍສະເພາະກໍ່ແມ່ນການພັດທະນາເສດຖະກິດຕົວຈິງ. ສົ່ງເສີມວິສະຫະກິດຂະໜາດກາງແລະຂະໜາດນ້ອຍ, ກະຕຸ້ນການບໍລິໂພກພາຍໃນ, ປັບປຸງສະພາບແວດລ້ອມ ແລະ ຄຸນນະພາບຂອງອາກາດ, ນອກນັ້ນກໍ່ມີກ່ຽວກັບການປອດໄພດ້ານອາຫານ ແລະ ຢາ. ປັບປຸງລະບົບການເບິ່ງແຍງ ປິ່ນປົວສຸຂະພາບ ໂດຍສະເພາະກໍ່ແມ່ນລະດັບທ້ອງຖິ່ນ, ເພີ່ມຄວາມເຂັ້ມແຂງດ້ານການບໍລິຫານຄຸ້ມຄອງສັງຄົມ, ສົ່ງເສີມວັດທະນະທຳແລະບັນຫາອື່ນໆ! ດຽວນີ້ຜູ້ເປັນຜູ້ແທນປະທານສະພາປຶກສາການເມືອງປະຊາຊົນຂອງຈີນກໍ່ແມ່ນ ທ່ານ ເຈຍຊິ່ງຫຼິນ. ສະພານີ້ຄັນເອີ້ນຫຍໍ້ກໍ່ແມ່ນ ສະພາປຶກສາການເມືອງປະຊາຊົນ. ຖືວ່າເປັນອົງການແນວໂຮມຮັກຊາດຂອງປະຊາຊົນຈີນ ຖືວ່າເປັນອົງການສຳຄັນໃນການຮ່ວມມືກັບຫຼາຍພັກ. ແລະການປຶກສາຫາລືກັນທາງດ້ານການເມືອງທີ່ນຳໂດຍພັກກອມມູນິດອິນດູຈີນ ຖືວ່າເປັນຮູບແບບສຳຄັນຫຼາຍ ທີ່ສົ່ງເສີມປະຊາທິປະໄຕຂອງສັງຄົມນິຍົມໃນຊີວິດການເມືອງຂອງຈີນ. ຄວາມສາມັກຄີແລະປະຊາທິປະໄຕ ເປັນຫົວຂໍ້ສຳຄັນສອງອັນຂອງການປະຊຸມຂອງສະພານີ້ໃນແຕ່ລະປີ. ເພາະວ່າສະພານີ້ຈະປະຊຸມປີລະເທື່ອ! ເອົາ, ຟັງເພງກ່ອນເນາະ ແລ້ວຈະກັບມາເວົ້າສູ່ຟັງວ່າ ສະມາຊິກຂອງສະພານີ້ແມ່ນຕົວແທນມາຈາກໃສແດ່?
ເພງ
ຂະນະນີ້…………….711477, …………. ເວົ້າເຖິງສະມາຊິກຂອງສະພາປຶກສາການເມືອງປະຊາຊົນ ທີ່ຈະໄຂຂື້ນໃນຕອນບ່າຍຂອງມື້ອື່ນນີ້ ທີ່ຫໍສະພາປະຊາຊົນ ທີ່ນະຄອນຫຼວງປັກກິ່ງຂອງຈີນ ກໍ່ແມ່ນຜູ້ມາຈາກຫຼາຍພາກສ່ວນ, ຄືເປັນສະມາຊິກຂອງພັກກອມມູນິດອິນດູຈີນ, ຈາກອົງການປະຊາຊົນ, ຊົນເຜົ່າຕ່າງໆ, ວົງການຕ່າງໆ, ນອກນັ້ນ ກໍ່ຍັງມີຜູ້ແທນພີ່ນ້ອງຮ່ວມຊາດ ຈາກເຂດບໍລິຫານພິເສດຮົງກົງ ແລະ ມາເກົາ, ພີ່ນ້ອງຮ່ວມຊາດຈາກໃຕ້ຫັວນ, ຈາກຄົນຈີນທີ່ເຄີຍດຳລົງຊີວິດຢູ່ຕ່າງປະເທດ ແລະ ກັບປະເທດຈີນແລ້ວ ລວມທັງບຸກຄົນທີ່ໄດ້ຮັບຄຳເຊີນເປັນພິເສດ! ສະພາປຶກສາການເມືອງປະຊາຊົນມີອາຍຸ 5 ປີ. ພາລະບົດບາດຕົ້ນຕໍຂອງສະພານີ້ທັງຢູ່ສູນກາງແລະທ້ອງຖິ່ນ ກໍ່ແມ່ນການໃຫ້ຄຳປຶກສາຫາລືກັນທາງດ້ານການເມືອງ ຄວບຄຸມການກວດກາແບບປະຊາທິປະໄຕ ເຂົ້າຮ່ວມການບໍລິຫານແລະຮ່ວມກັນປຶກສາຫາລືບັນຫາບ້ານເມືອງ, ການປຶກສາຫາລືກັນທາງດ້ານການເມືອງ ແມ່ນປຶກສາຫາລືກັນກ່ຽວກັບຫຼັກນະໂຍບາຍສຳຄັນຕ່າງໆຂອງລັດຖະບານກໍ່ຄືທ້ອງຖິ່ນ. ຈົນຮອດບັນຫາສຳຄັນທາງດ້ານ ການເມືອງ ເສດຖະກິດ ວັດທະນະທຳ ແລະຊີວິດທາງສັງຄົມກ່ອນຈະວາງນະໂຍບາຍ; ທັງປຶກສາກັນກ່ຽວກັບບັນຫາສຳຄັນໃນຂະບວນການວາງນະໂຍບາຍແລະປະຕິບັດຕາມນະໂຍບາຍ, ສະພາລະດັບທ້ອງຖິ່ນຈະຮິບໂຮມຂໍ້ສະເໜີ ຄວາມມູ່ງມາດປະຖາໜາຂອງປະຊາຊົນໃນແຕ່ລະເຂດແຂວງ ແລະປະຊຸມກັນເພື່ອຄັດໂຕໃດສຳຄັນກ່ອນ ສຳຄັນລຸນ ແລ້ວກໍ່ນຳມາສະເໜີຕໍ່ກອງປະຊຸມໃຫຍ່ທີ່ປັກກິ່ງ! ອັນນີ້ກໍ່ແມ່ນຂັ້ນຕອນວິທີການເຮັດວຽກຂອງສະພາປຶກສາການເມືອງປະຊາຊົນ! ຟັງເພງອີກກ່ອນແລ້ວຈະມາເວົ້າສູ່ຟັງວ່າການມີສ່ວນຮ່ວມຄວບຄຸມກວດກາ ແບບປະຊາທິປະໄຕຂອງສະພານີ້ແມ່ນເພິ່ນເຮັດແນວໃດ?
ເພງ
ຂໍຂອບໃຈ……………. ເວົ້າເຖິງບົດບາດໃນການຊ່ວຍຄວບຄຸມກວດກາແບບປະຊາທິປະໄຕຂອງສະພາທີ່ປຶກສາການເມືອງປະຊາຊົນຈີນນີ້ ໝາຍເຖິງດຳເນີນການຄວບຄູມກວດກາຕໍ່ການປະຕິບັດຕາມລັດຖະທຳມະນູນ ກົດໝາຍ ຂໍ້ກຳນົດລະບຽບ ມະຕິຄຳສັ່ງຕ່າງໆ, ການປະຕິບັດຕາມຫຼັກນະໂຍບາຍອັນສຳຄັນ ແລະ ກວດກາວຽກງານຂອງໜ່ວຍງານ ລັດຖະບານແລະເຈົ້າໜ້າທີ່ໃນໜ່ວຍງານລັດຖະບານ ໂດຍຜ່ານການສະເໜີຂໍ້ສະເໜີ ແລະຄຳວິຈານຕ່າງໆນິລະ! ບັດນີ້ສຳລັບການເຂົ້າຮ່ວມບໍລິຫານແລະ ຮ່ວມກັນປຶກສາຫາລື ບັນຫາບ້ານເມືອງກໍ່ໝາຍເຖິງການດຳເນີນການສຳຫຼວດການສຶກສາ, ລາຍງານສະພາບທາງສັງຄົມ ແລະ ຄວາມມຸ່ງມາດປາຖະໜາຂອງປະຊາຊົນ ແລະເອົາມາປຶກສາຫາລື ລວມທັງການຊີ້ແຈງອະທິບາຍຕໍ່ບັນຫາສຳຄັນ ທາງການເມືອງ ເສດຖະກິດ ສັງຄົມ ຕະຫຼອດຈົນເຖິງບັນຫາທີ່ປະຊາຊົນສ່ວນໃຫຍ່ໃຫ້ການສົນໃຈ ເພື່ອສະເໜີຄຳຄິດເຫັນຕໍ່ພັກກອມມຸນິດອິນດູຈີນ ແລະ ລັດຖະບານຈີນ ດ້ວຍວິທີຍື່ນລາຍງານຜົນສຳຫຼວດສຶກສາ ເປັນຍັດຕິແລະວິທີອື່ນໆ!
ໃນເດືອນກັນຍາ 1949 ການປະຊຸມເຕັມຄະນະຄັ້ງທຳອິດຂອງສະພານີ້ໄດ້ໃຊ້ສິດແລະອຳນາດ ແທນການປະຊຸມສະພາປະຊາຊົນແຫ່ງຊາດ ປະກາດສະຖາປະນາ ສາທາລະນະລັດປະຊາຊົນຈີນຂື້ນ ໂດຍໃນນາມຂອງຄວາມມຸ່ງມາດປາຖາໜາຂອງປະຊາຊົນຈີນໃນທົ່ວປະເທດ! ຫຼັງຈາກມີການປະຊຸມສະພາປະຊາຊົນແຫ່ງຊາດຂອງຈີນຄັ້ງທຳອິດ ໃນປີ 1949 ແລ້ວ, ກອງປະຊຸມສະພາທີ່ປຶກສາການເມືອງປະຊາຊົນຈີນ ກໍ່ບໍ່ໄດ້ໃຊ້ສິດແລະອຳນາດແທນສະພາປະຊາຊົນແຫ່ງຊາດອີກ. ແຕ່ຍັງຄົງຕົວຢູ່ຕໍ່ໄປ ໃນຖານະທີ່ເປັນອົງການແນວໂຮມຮັກຊາດ ທີ່ກ້ວາງຂວາງຂອງຈີນ. ຟັງເພງອີກຊຸດໜຶ່ງສາກ່ອນເນາະ ເພາະວ່າໄລຍະນີ້ເວົ້າແຕ່ເລື່ອງການເມືອງຫຼາຍມັນອ່າວເຄັ່ງຕຶງໄດ໋ເນາະ! ປ່ຽນບັນຍາກາດຟັງເພງກ່ອນແລ້ວຈະກັບມາເວົ້າໃຫ້ຟັງວ່າ ບົດບາດຂອງສະພາປຶກສາການເມືອງປະຊາຊົນຈີນປະຈຸບັນນີ້ກ້ວາງຂວາງຊ່ຳໃດ?
ເພງ
ເວົ້າເຖິງບົດບາດຂອງສະພາປຶກສາການເມືອງປະຊາຊົນປະຈຸບັນນີ້ແລ້ວກໍ່ຖືວ່າກ້ວາງຂວາງແລະສຳຄັນຫຼາຍ ເຮັດວຽກໜັກຫຼາຍໃນທາງຊີວິດການເມືອງ ຊ່ວຍພັກຊ່ວຍລັດຖະບານຈີນ ທາງສັງຄົມຍິ່ງໃກ້ຊິດກັບປະຊາຊົນຂົງເຂດຕ່າງໆ ແລ້ວກໍ່ຍັງພົວພັນກັບອົງການຕ່າງປະເທດ ທີ່ມີບົດບາດໃກ້ຄຽງກັນອີກໄດ໋! ຮອດເດືອນ ມີນາ 2004 ສະພາປຶກສາການເມືອງຂອງຈີນ ໄດ້ສ້າງຄວາມສຳພັນກັບ 170 ອົງການ ໃນ 101 ປະເທດທົ່ວໂລກ ຕະຫຼອດຮອດອົງການຈັດຕັ້ງສາກົນ ຫຼື ອົງການພາກພື້ນ 8 ອົງການ ໂດຍມີການໄປມາຫາສູ່ແລກປ່ຽນບົດຮຽນນຳກັນເລື້ອຍໆ! ຖືວ່າສະພາປຶກສາການເມືອງຈີນມີຄວາມສຳຄັນຫຼາຍໃນການປະກອບສ່ວນພັດທະນາຊາດ ເພາະວ່າຜູ້ແທນກໍ່ຄືເວົ້າຫັ້ນລະວ່າ ມາຈາກທຸກຂະແໜງການ ທຸກທ້ອງຖິ່ນ ທຸກສາຂາອາຊີບ ທຸກເພດທຸກໄວ ທຸກຊົນເຜົ່າ ເພື່ອເຮັດໃຫ້ກວມໝົດທຸກຂະແໜງການທ້ອງຖິ່ນອີ່ຫຼີ, ດາລາ ຫຼື ນັກກິລາດັງໆຂອງຈີນກໍ່ເປັນສະມາຊິກຂອງສະພານີ້ຫຼາຍສົມຄວນໄດ໋! ໃນມື້ອື່ນນີ້ຈະເປັນມື້ທຳອິດຂອງການດຳເນີນກອງປະຊຸມ ແລະ ກໍ່ຈະດຳເນີນໄປປະມານ 10 ວັນ ຕໍ່ໜ້ານີ້ມີຫຼາຍຫົວຂໍ້ທີ່ໜ້າສົນໃຈ ແລະ ຄິດວ່າທ່ານຜູ້ຟັງລາວກໍ່ອາດຈະສົນໃຈຄືກັນ! ໜຸ່ມໃຫຍ່ກໍ່ຈະພະຍາຍາມຕິດຕາມວ່າເພິ່ນສະເໜີເລື່ອງໃດທີ່ໜ້າສົນໃຈແດ່ຕໍ່ລັດຖະບານຈີນ ແລະກໍ່ຈະຄັດສັນມາເວົ້າສູ່ຟັງ!
ເພງ
ຈົບ
