ຫ້າມຍົນນ້ອຍບິນໃນໄລຍະກອງປະຊຸມ 2 ສະພາ
(GMT+08:00) 2012-04-26 15:15:22 cri
ສະບາຍດີມິດລາຍການທຸກໆທ່ານ! 19 ໂມງປັບໜຸ່ມໃຫຍ່ອາລົມດີສົ່ງສຽງມາທັກທາຍມິດລາຍການຕາມເຄີຍ ທາງ CRI FM 93Mhz. ເປັນປະຈຳທຸກມື້! ນີ້ຄືລາຍການເບິ່ງເມືອງຈີນ! ພົບກັນມື້ນີ້ແມ່ນມື້ທຳອິດຂອງເດືອນ ມີນາ 2012! ເດືອນນີ້ຄັນເວົ້າເຫດການສຳຄັນຂອງສາກົນກໍ່ແມ່ນ ວັນທີ 8 ມີນາ, ວັນແມ່ຍິງສາກົນ. ຄັນລາວກໍ່ແມ່ນວັນທີ 22 ວັນສ້າງຕັ້ງພັກປະຊາຊົນປະຕິວັດລາວ. ຄັນວັນສຳຄັນຂອງຈີນ ວັນທີ 12 ເດືອນນີ້ແມ່ນວັນປູກຕົ້ນໄມ້ແຫ່ງຊາດຂອງຈີນໄດ໋! ວັນທີ 22 ຄັນວັນສຳຄັນຂອງໂລກກໍ່ແມ່ນວັນນ້ຳໂລກໄດ໋ນິທ່ານຜູ້ຟັງ! ແຕ່ວ່າເດືອນນີ້ເຫດການທີ່ສຳຄັນທາງການເມືອງຂອງຈີນກໍ່ແມ່ນໃນວັນທີ 3 ຫຼືມື້ວັນເສົາທີ່ຈະມາຮອດນິລະ ກອງປະຊຸມສະພາທີ່ປຶກສາ ການເມືອງປະຊາຊົນຈີນ ກໍ່ຈະໄຂຂື້ນ ຫຼັງຈາກນັ້ນພຽງສອງມື້ຄືວັນທີ 5 ກອງປະຊຸມສະພາປະຊາຊົນແຫ່ງຊາດຈີນກໍ່ຈະໄຂຂື້ນ. ຖືວ່າສອງກອງປະຊຸມສະພານີ້ສຳຄັນຫຼາຍຕໍ່ຊີວິດການເມືອງ ການພັດທະນາເສດຖະກິດ-ສັງຄົມຂອງຈີນ! ສະນັ້ນນັບແຕ່ມື້ນີ້ໄປໜຸມໃຫຍ່ກໍ່ຈະເອົາເລື່ອງລາວຕ່າງໆທີ່ກ່ຽວຂ້ອງກັບສອງກອງປະຊຸມສະພາຂອງຈີນມາເວົ້າສູ່ຟັງ! ເພື່ອໃຫ້ທ່ານເຂົ້າໃຈລະບົບການເມືອງຂອງຈີນໃຫ້ດີຂື້ນຕື່ມ! ເອົາ, ຈັກໜ້ອຍຈະກັບມາເວົ້າສູ່ຟັງວ່າສອງສະພາຂອງຈີນນີ້ມີພາລະບົດບາດຕ່າງກັນແນວໃດ? ຕອນນີ້ຟັງເພງຊຸດທຳອິດຈາກລາຍການສາກ່ອນ!
ເພງ
ສອງເພງຜ່ານໄປ ບັດນີ້ກ່ອນທີ່ກອງປະຊຸມສະພາຂອງຈີນຈະໄຂຂື້ນໃນວັນທີ 3 ແລະວັນທີ 5 ເດືອນນີ້ໜຸ່ມໃຫຍ່ກໍ່ຂໍແນະນຳໃຫ້ມິດລາຍການຟັງໂດຍຫຍໍ້ສາກ່ອນວ່າສອງສະພານີ້ມີພາລະບົດບາດຕ່າງກັນແນວໃດ? ການດຳເນີນກອງປະຊຸມຂອງສອງສະພານີ້ ຈະຢູ່ໃກ້ໆຫຼືພ້ອມກັນເລີຍມີແຕ່ໄຂກັບອັດຫ່າງກັນບໍ່ພໍທໍ່ໃດມື້ ແລະຈະຈັດຂື້ນປີລະເທື່ອ! ບໍ່ຄືກັບລາວ ເພາະວ່າກອງປະຊຸມສະພາແຫ່ງຊາດຂອງລາວຈັດຂື້ນປີລະ 2 ເທື່ອ. ແຕ່ຂອງຈີນປີລະເທື່ອແລະກໍ່ແມ່ນໃນເດືອນ ມີນາ ຂອງແຕ່ລະປີນີ້ລະ! ແນ່ນອນລະວ່າມາຮອດມື້ນີ້ຜູ້ແທນຂອງສອງສະພາ ຈາກເຂດແຂວງຂອງຈີນກໍ່ເດີນທາງໄປຮອດນະຄອນຫຼວງປັກກິ່ງເກືອບໝົດແລ້ວລະ! ເພິ່ນດຳເນີນກອງປະຊຸມກໍ່ປະມານ 10 ມື້ນິລະ! ສະພາປຶກສາການເມືອງປະຊາຊົນຈີນ ທີ່ເພິ່ນຈະໄຂກອງປະຊຸມໃນວັນເສົາທີ່ຈະມາຮອດນີ້ມີພາລະໜ້າທີ່ແນວໃດ? ຄັນຈະເວົ້າແລ້ວບົດບາດຂອງສອງສະພານີ້ ຟັງຊື່ກໍ່ພໍຈະຮູ້ໜ້ອຍໜຶ່ງແລ້ວວ່າມີໜ້າທີ່ໃຫ້ຄຳປຶກສາມີຄຳຄິດເຫັນ ນຳຂໍ້ສະເໜີຕ່າງໆຂອງປະຊາຊົນມາແຈ້ງໃຫ້ລັດຖະບານຊາບ! ໜ້າທີ່ກໍ່ຄ້າຍໆກັບວຽກແນວໂຮມຂອງລາວນິລະ! ສະມາຊິກຂອງສະພານີ້ກໍ່ເປັນຕົວແທນຂອງທຸກຊັ້ນຄົນ. ທຸກຊົນເຜົ່າ ທຸກສາຂາອາຊີບ ທຸກເພດທຸກໄວ ທັງລັດແລະເອກກະຊົນ! ແມ່ນບ່ອນເຕົ້າໂຮມຄວາມຄິດມັນສະໝອງ ຂອງຕົວແທນຈາກຄົນຈີນທົ່ວປະເທດ ເພືື່ອມາສະເໜີຕໍ່ລັດຖະບານອີ່ຫຼີ. ໃນຫັ້ນກໍ່ຍັງມີ 8 ພັກການເມືອງທີ່ມາສະໜັບສະໜູນ ແລະມາຮ່ວມມືກັບພັກກອມມູນິດອິນດູຈີນອີກ! ອັນນີ້ກໍ່ຄືໜ້າທີ່ພາລະບົດບາດຂອງສະພາປຶກສາການເມືອງປະຊາຊົນຈີນ! ຈັກໜ້ອຍຈະເວົ້າເຖິງພາລະບົດບາດຂອງສະພາປະຊາຊົນແຫ່ງຊາດຈີນສູ່ຟັງ!
ເພງ
ຄັນເວົ້າເຖິງບົດບາດໜ້າທີ່ຂອງປະຊາຊົນແຫ່ງຊາດຈີນທີ່ຈະໄຂກອງປະຊຸມປະຈຳປີຂອງຕົນຂື້ນໃນວັນທີ 5 ຫຼືວັນຈັນທີ່ຈະມາເຖິງນີ້ກໍ່ທຳໜ້າທີ່ຄ້າຍໆກັບ ສະພາແຫ່ງຊາດຂອງລາວນິລະ! ຄືພິຈາລະນາຮັບຮອງເອົາການພັດທະນາເສດຖະກິດ-ການເມືອງຂອງລັດຖະບານໃນຜ່ານມາ! ຄົ້ນຄ້ວາພິຈາລະນາຮັບຮອງແຜນຕໍ່ໄປ! ລວມທັງການຄົ້ນຄ້ວາແລະຮັບຮອງເອົາການປັບປຸງແລະສ້າງກົດໝາຍໃໝ່! ແລະແຜນງົບປະມານການເງິນນິລະ! ອັນນີ້ຄືບົດບາດຫຍໍ້ໆຂອງສະພາປະຊາຊົນແຫ່ງຊາດຈີນ! ມື້ໜ້າໜຸ່ມໃຫຍ່ຈະມາເວົ້າລະອຽດຕື່ມ ເພາະວ່າມື້ນີ້ເລື່ອງຕົ້ນຕໍທີ່ຈະເອົາມາເວົ້າສູ່ຟັງບໍ່ແມ່ນໜ້າທີ່ ພາລະບົດບາດຂອງສອງສະພານີ້ ແຕ່ແມ່ນການຫ້າງຫາກະກຽມຮັບຮອງກອງປະຊຸມ ໂດຍສະເພາະກໍ່ແມ່ນການຮັກສາຄວາມສະຫງົບປອດໄພໃຫ້ກອງປະຊຸມ! ເລື່ອງນີ້ບໍ່ວ່າປະເທດໃດກໍ່ຄືກັນໝົດຫັ້ນລະເນາະທ່ານຜູ້ຟັງ! ຄັນມີພິທີ, ມີກອງປະຊຸມ, ມີງານສຳຄັນລະດັບຊາດ ຫຼື ລະດັບພາກພື້ນ ຫຼື ລະດັບໂລກ ທີ່ມາຈັດໃນປະເທດເຮົາ ກໍ່ຕ້ອງໄດ້ເຄັ່ງການຮັກສາຄວາມສະຫງົບປອດໄພຂື້ນຕື່ມເລື່ອງທຳມະດາ! ຄືເທື່ອນີ້ຄືກັນສອງກອງປະຊຸມສຳຄັນທີ່ສຸດຂອງຊາດ ໃນດ້ານລັດກໍ່ຈະໄຂຂື້ນໃນມື້ຮື ກັບວັນຈັນນີ້ຢູ່ນະຄອນຫຼວງປັກກິ່ງ ກໍ່ມີການກະກຽມປ້ອງກັນໄວ້ເປັນທຳມະດາຂະໜາດວ່າຈີນເຂັ້ມແຂງຊ່ຳໃດ ເພິ່ນກໍ່ຍັງບໍ່ປະໝາດ ແລ້ວວຽງຈັນເດ? ກອງປະຊຸມອາເຊັມທີ່ຈະຈັດຂື້ນໃນທ້າຍປີນີ້ແຜນການຮັກສາຄວາມປອດໄພ ປະຕິບັດໄວ້ແຕ່ໄກໄດ້ດີຊ່ຳໃດແລ້ວ? ການປາບປາມພວກບໍ່ດີ ນັກເລງອັນຕະພານ ໄພສັງຄົມ ຂີ້ລັກ ງັດແງະ ດຶງລົດ ດຶງກະເປົາ ພວກຄ້າພວກເສບ ຢາເສບຕິດ ຫຼື ພວກອັນຕະພານກວນເມືອງ ຈັດການໄດ້ຊ່ຳໃດແລ້ວ? ອັນນີ້ເປັນເລື່ອງທີ່ໜ້າເປັນຫ່ວງນຳຢູ່! ຄັນປ່ອຍໃຫ້ພວກນີ້ໄດ້ເດີ້ມ ອັນຕະລາຍແນ່ນອນ! ມີຄວາມສ່ຽງທີ່ຈະກໍ່ຄວາມບໍ່ສະຫງົບແນ່ນອນ! ຢູ່ນະຄອນຫຼວງປັກກິ່ງຂອງຈີນໃນອາທິດສອງອາທິດຜ່ານມານີ້ ເພິ່ນເຮັດສອງອັນທີ່ເຂັ້ມງວດຂື້ນ ເພາະວ່າໂດຍພື້ນຖານແລ້ວ ນະຄອນຫຼວງປັກກິ່ງຂອງຈີນມີຄວາມປອດໄພສູງຢູ່ແລ້ວ! ຄືເພິ່ນສັ່ງຫ້າມຍົນນ້ອຍ ເອກະຊົນຂື້ນບິນໃນໄລຍະກອງປະຊຸມ ແລະເຄັ່ງຄັດການກວດກາລົດທີ່ເຂົ້າມາແຕ່ຕ່າງແຂວງ ລາຍລະອຽດຈະເປັນແນວໃດນັ້ນອີກຈັກໜ້ອຍຈະກັບມາເວົ້າສູ່ຟັງ!
ເພງ
ມາດຕະການຮັກສາຄວາມສະຫງົບ ປອດໄພ ອັນທີໜຶ່ງທີ່ຈະເວົ້າສູ່ຟັງໃນຄືນນີ້ ເພື່ອຕ້ອນຮັບສອງກອງປະຊຸມສະພາຂອງຈີນທີ່ຈະໄຂຂື້ນຢູ່ນະຄອນຫຼວງປັກກິ່ງ ໃນວັນເສົາ ແລະ ວັນຈັນ ທີ່ຈະມາຮອດນີ້ ແມ່ນເພິ່ນຫ້າມຍົນນ້ອຍເອກກະຊົນບິນຢູ່ນານຟ້າປັກກິ່ງ! ຍົນນ້ອຍນີ້ບໍ່ແມ່ນຍົນນ້ອຍທີ່ມີຄົນຂັບໄດທ່ານຜູ້ຟັງ! ແມ່ນຍົນນ້ອຍທີ່ໃຊ້ລີໂມດ ບັນຊາບິນຂື້ນບິນລົງ ເພື່ອສະແດງຜາດໂຜນຫັ້ນນ່າ! ແມ່ນພວກມີເງິນຫຼາຍ ຫຼື ພວກເສດຖີມັກຊື້ມາຫຼິ້ນໃນຍາມຫວ່າງດັອກ! ຍົນບິນຂື້ນໄປ ຜູ້ເຈົ້າຂອງຍົນກໍ່ບີບເຄື່ອງບັນຊາຢູ່ພື້ນດິນພີ້ ແພງຫຼາຍໄດ໋ຍົນນິ ໜັກກໍ່ປະມານ 2-3 ກິໂລຂື້ນໄປຈົນຮອດ 10-20 ກິໂລພຸ້ນລະ! ບິນໄວບິນຊ້າກໍ່ມີ ເປັນຍົນແບບແລ່ນຂື້ນ ຫຼື ແບບເຮລີຄັອບແດ່ກໍ່ມີ ເຂົາເຈົ້າມີສະມາຄົມຂອງເຂົາເຈົ້າຄັກແນ່ໄດ໋! ລະກະມີໃບອະນຸຍາດຄັກແນ່ໄດ໋ ບໍ່ແມ່ນຫ່າວໄດ້ຫ່າວຊື້ມາຫຼິ້ນໄດ໋ ມີການຄວບຄຸມຈາກເຈົ້າໜ້າທີ່ຮັກສາຄວາມປອດໄພຂອງຕົວເມືອງ ຂອງນະຄອນຄັກແນ່! ຄັນບໍ່ມີການຄວບຄຸມ ຄົນບໍ່ດີສາມາດນຳຍົນນີ້ໄປກໍ່ຄວາມບໍ່ສະຫງົບວຸ້ນວາຍກໍ່ໄດ້ໄດ໋! ຢູ່ປັກກິ່ງດຽວນີ້ຈຳນວນຍົນນ້ອຍລົງທະບຽນມີທັງໝົດ 2.134 ຄັນພຸ້ນໄດ໋! ເພິ່ນຫ້າມບໍ່ໃຫ້ຂື້ນບິນເລີ່ມແຕ່ມື້ອື່ນນິລະໄປຈົນຮອດວັນທີ 15 ເດືອນນີ້; ເພາະວ່າແມ່ນໄລຍະດຳເນີນກອງປະຊຸມສອງສະພາຂອງຈີນ ຢູ່ນະຄອນຫຼວງປັກກິ່ງ ຄືສະພາປຶກສາການເມືອງປະຊາຊົນ ແລະສະພາປະຊາຊົນຈີນ! ຕຳຫຼວດກຳນົດໂລດວ່າໃນໄລຍະຫ້າມບິນນີ້ ແມ່ນບໍ່ໃຫ້ມີຍົນນ້ອຍຈຳພວກນິ້ບິນເຂົ້າມາໃກ້ສະໜາມຫຼວງ ທຽນອ້ານເໝີນ ທີ່ເປັນໃຈກາງຂອງນະຄອນຫຼວງປັກກິ່ງແທ້ໆ 200Km, ໃນລັດສະໝີນັບຈາກສະໜາມຫຼວງ ທຽນອ້ານເໝີນອອກໄປ 200KM, ຫ້າມບິນແທ້ໆ, ບໍ່ວ່າເປັນການບິນແທ້ ບິນຊ້ອມ ຫຼື ເປັນການໂຄສະນາຂາຍກໍ່ຕາມ, ເພິ່ນຍັງຮຽກຮ້ອງປະຊາຊົນເປັນຫູເປັນຕາ ຄັນຍັງເຫັນຢູ່ໃຫ້ຂ້ຽວແຈ້ງຕຳຫຼວດປັກກິ່ງໂລດ! ມີໃຜກ້າອໍ້ແອ້ກັບຕຳຫຼວດຈີນບໍ່ນໍ້? ເບິ່ງທ່າທາງກໍ່ເປັນຕາຢ້ານແລ້ວ! ຈຶກຈັກ, ເຂັ້ມແຂງ ເອົາຈິງເອົາຈັງໃນເວລາປະຕິບັນໜ້າທີ່ ຖືກຄືຖືກ ຜິດຄືຜິດ ເອົາສິນບົນໃຫ້ກໍ່ຖືກຈັບອີກ! ເອີ; ທ່ານໃດໄດ້ໄປປັກກິ່ງກໍ່ຄືຊິໄດ້ເຫັນແລ້ວລະນໍ້! ມື້ວານນີ້ຕຳຫຼວດປະມານ 10 ຄົນ ກໍ່ໄປພົບປະ ໂອ້ລົມກັບສະມາຄົມສະໂມສອນເຮືອບິນນ້ອຍ ຢູ່ເຂດ ສາງຜິງ ຂອງນະຄອນຫຼວງປັກກິ່ງ ຮຽບຮ້ອຍແລ້ວ! ສະໂມສອນນີ້ເປັນສະໂມສອນເຮືອບິນນ້ອຍທຳອິດສ້າງມາແຕ່ປີ 1987 ພຸ້ນລະ! ຟັງເພງມ່ວນໆອີກກ່ອນເນາະແລ້ວຈະລົມສູ່ຟັງຕໍ່!
ເພງ
ກ່ອນເປີດເພງກໍ່ເວົ້າສູ່ຟັງວ່າ ມື້ວານນີ້ຕຳຫຼວດປັກກິ່ງ 10 ຄົນ. ໄດ້ລົງໄປໂອ້ລົມ ແນະນຳສະໂມສອນເຮືອບິນນ້ອຍຢູ່ເຂດສາງຜິງ ຂອງນະຄອນຫຼວງປັກກິ່ງ ເພື່ອແຈ້ງໃຫ້ເຂົາເຈົ້າຊາບວ່າ ບໍ່ໃຫ້ບິນນັບແຕ່ມື້ອື່ນໄປຈົນຮອດວັນທີ 15 ເດືອນນີ້ທີ່ເປັນໄລຍະດຳເນີນກອງປະຊຸມສອງສະພາ ເພື່ອຮັບປະກັນຄວາມປອດໄພຕຳຫຼວດ ແນະນຳໃຫ້ເຂົາເຈົ້າຮູ້ວ່າ ໃນໄລຍະນີ້ໃຫ້ເອົາເຄື່ອງຈັກອອກຈາກຍົນ ລະກະບໍ່ໃຫ້ມີນ້ຳມັນ ທັງໄດ້ເຊັນສັນຍາກັບເຈົ້າຂອງຍົນໃນການປະຕິບັດລະບຽບນີ້! ການຫ້າມແນວນີ້ກໍ່ບໍ່ແມ່ນແຕ່ໃນໂອກາດສອງກອງປະຊຸມສະພານີ້ດັອກ! ໂອກາດສຳຄັນຕ່າງໆກໍ່ຫ້າມຄືກັນເຊັ່ນວ່າ: ວັນຊາດ, ຫຼືວ່າໂອແລັມປິກປັກກິ່ງປີ 2008 ກໍ່ສັ່ງຫ້າມຄືກັນ! ຍົນນ້ອຍທີ່ເຂົາເຈົ້າບິນທາງການອະນຸມັດ ບໍ່ໃຫ້ບິນສູງກ່ວາ 300 ແມັດ ໄດ໋ທ່ານຜູ້ຟັງ! ທາງສະໂມສອນກໍ່ໃຫ້ການຮ່ວມມືດີ ໂດຍເຂົາເຈົ້າຈະປິດລານແລ່ນຂື້ນຂອງຍົນນ້ອຍໃນ 2 ອາທິດນັບຈາກນີ້ໄປ! ທ່ານ ຫວາງ ຫົງຈຸ່ນ ຫົວໜ້າຫ້ອງການຄົ້ນຄ້ວາກ່ຽວກັບຂໍ້ກຳນົດ ກົດລະບຽບສາທາລະນະຊົນ ຂອງມະຫາວິທະຍາໄລ ຄວາມປອດໄພສາທາລະນະ ກໍ່ມີຄຳເຫັນວ່າ: ໃນອະນາຄົດນີ້ ເລື່ອງການຫຼິ້ນຍົນນ້ອຍຕ້ອງມີລະບຽບທີ່ຮັດກຸມກ່ວານີ້ ເພື່ອຮັກສາຄວາມປອດໄພ, ເພິ່ນວ່າດຽວນີ້ຍັງມີບາງຄົນ ມີຍົນລຸ້ນໃຫຍ່ເຕີບທີ່ບັງຄັບດ້ວຍລີໂມດ ແຕ່ກໍ່ຍັງບໍ່ມີໃບອະນຸຍາດ ຕໍ່ໄປມັນອາດເປັນຄວາມສ່ຽງກ່ຽວກັບການຮັກສາຄວາມປອດໄພຂອງເຈົ້າໜ້າທີ່. ເພາະມັນອາດສ້າງຄວາມອັນຕະລາຍໄດ້ ຫຼື ຄັນຄົນບໍ່ດີສວຍໃຊ້ສ້າງສິ່ງບໍ່ດີແຮ່ງອັນຕະລາຍ ເວລາຄົນທົ່ວໄປຫຼຽວເຫັນຍົນນ້ອຍບິນຕ່ຳກໍ່ຮູ້ສຶກບໍ່ດີເລີຍ ຢ້ານມັນບິນມາຕຳ! ເອົາ, ອັນນັ້ນກໍ່ເລື່ອງຍົນ ບັດນີ້ຄັນລົດເດ? ຕໍາຫຼວດປັກກິ່ງມີມາດຕະການແນວໃດ? ໃນວັນອາທິດຜ່ານມານີ້ຕຳຫຼວດປັກກິ່ງປະກາດວ່າ: ນັບແຕ່ວັນອັງຄານຜ່ານມານີ້ ຈົນໄປຮອດວັນທີ 17 ເດືອນນີ້ຈະກວດເຄັ່ງຄັດກັບລົດທີ່ບໍ່ແມ່ນປ້າຍທະບຽນຂອງນະຄອນຫຼວງປັກກິ່ງທີ່ເຂົ້າອອກໃຈກາງເມືອງ! ໂດຍສະເພາະນັບແຕ່ວົງແຫວນທີຫາເຂົ້າມາ! ໂດຍເພິ່ນໄດ້ອອກໃບອະນຸຍາດຊົ່ວຄາວ ທີ່ໝົດອາຍຸພາຍໃນ 1 ອາທິດ. ໃຫ້ລົດທີ່ຂົນສົ່ງຜູ້ໂດຍສານແລະອະນຸຍາດ 3 ມື້ໃຫ້ລົດຕູ້ຂົນ. ແຕ່ວ່າລົດພິເສດເຊັ່ນວ່າ: ລົດໂຮງໝໍ, ລົດຕຳຫຼວດ ກໍ່ຈະບໍ່ຢູ່ໃນການຄວບຄຸມນີ້! ຖືວ່າເຂັ້ມງວດຂື້ນວ່າຊັ້ນສະ! ບໍ່ແມ່ນຈະປ່ອຍໃຫ້ລົດຈາກເຂດແຂວງອື່ນແລ່ນເຂົ້າ-ອອກໃຈກາງເມືອງຢ່າງຕາມໃຈໃນໄລຍະມີກອງປະຊຸມສຳຄັນ! ກໍ່ເປັນມາດຕະການທີ່ດີເນາະທ່ານຜູ້ຟັງ! ເຖິງວ່າບາງມາດຕະການມັນອາດຈະຂັດໃຈຄົນບາງຄົນ ບາງກຸ່ມ ແຕ່ມັນກໍ່ຕ້ອງໄດ້ເຮັດ ເພື່ອຄວາມປອດໄພຂອງສ່ວນລວມ ເພື່ອໃບໜ້າໃບຕາຂອງປະເທດບ້ານເມືອງເດ໋! ເອົາ, ນັບແຕ່ມື້ນີ້ໄປໜຸ່ມໃຫຍ່ກໍ່ຈະຕິດຕາມຂ່າວຄາວຂອງກອງປະຊຸມສະພາຂອງຈີນວ່າເພິ່ນຈະປຶກສາຫາລືບັນຫາໃດແດ່? ທີ່ສຳຄັນແລະໜ້າສົນໃຈສຳລັບຜູ້ຟັງລາວມາເວົ້າສູ່ຟັງ!
ເພງ
ຈົບ
ເພງ
ສອງເພງຜ່ານໄປ ບັດນີ້ກ່ອນທີ່ກອງປະຊຸມສະພາຂອງຈີນຈະໄຂຂື້ນໃນວັນທີ 3 ແລະວັນທີ 5 ເດືອນນີ້ໜຸ່ມໃຫຍ່ກໍ່ຂໍແນະນຳໃຫ້ມິດລາຍການຟັງໂດຍຫຍໍ້ສາກ່ອນວ່າສອງສະພານີ້ມີພາລະບົດບາດຕ່າງກັນແນວໃດ? ການດຳເນີນກອງປະຊຸມຂອງສອງສະພານີ້ ຈະຢູ່ໃກ້ໆຫຼືພ້ອມກັນເລີຍມີແຕ່ໄຂກັບອັດຫ່າງກັນບໍ່ພໍທໍ່ໃດມື້ ແລະຈະຈັດຂື້ນປີລະເທື່ອ! ບໍ່ຄືກັບລາວ ເພາະວ່າກອງປະຊຸມສະພາແຫ່ງຊາດຂອງລາວຈັດຂື້ນປີລະ 2 ເທື່ອ. ແຕ່ຂອງຈີນປີລະເທື່ອແລະກໍ່ແມ່ນໃນເດືອນ ມີນາ ຂອງແຕ່ລະປີນີ້ລະ! ແນ່ນອນລະວ່າມາຮອດມື້ນີ້ຜູ້ແທນຂອງສອງສະພາ ຈາກເຂດແຂວງຂອງຈີນກໍ່ເດີນທາງໄປຮອດນະຄອນຫຼວງປັກກິ່ງເກືອບໝົດແລ້ວລະ! ເພິ່ນດຳເນີນກອງປະຊຸມກໍ່ປະມານ 10 ມື້ນິລະ! ສະພາປຶກສາການເມືອງປະຊາຊົນຈີນ ທີ່ເພິ່ນຈະໄຂກອງປະຊຸມໃນວັນເສົາທີ່ຈະມາຮອດນີ້ມີພາລະໜ້າທີ່ແນວໃດ? ຄັນຈະເວົ້າແລ້ວບົດບາດຂອງສອງສະພານີ້ ຟັງຊື່ກໍ່ພໍຈະຮູ້ໜ້ອຍໜຶ່ງແລ້ວວ່າມີໜ້າທີ່ໃຫ້ຄຳປຶກສາມີຄຳຄິດເຫັນ ນຳຂໍ້ສະເໜີຕ່າງໆຂອງປະຊາຊົນມາແຈ້ງໃຫ້ລັດຖະບານຊາບ! ໜ້າທີ່ກໍ່ຄ້າຍໆກັບວຽກແນວໂຮມຂອງລາວນິລະ! ສະມາຊິກຂອງສະພານີ້ກໍ່ເປັນຕົວແທນຂອງທຸກຊັ້ນຄົນ. ທຸກຊົນເຜົ່າ ທຸກສາຂາອາຊີບ ທຸກເພດທຸກໄວ ທັງລັດແລະເອກກະຊົນ! ແມ່ນບ່ອນເຕົ້າໂຮມຄວາມຄິດມັນສະໝອງ ຂອງຕົວແທນຈາກຄົນຈີນທົ່ວປະເທດ ເພືື່ອມາສະເໜີຕໍ່ລັດຖະບານອີ່ຫຼີ. ໃນຫັ້ນກໍ່ຍັງມີ 8 ພັກການເມືອງທີ່ມາສະໜັບສະໜູນ ແລະມາຮ່ວມມືກັບພັກກອມມູນິດອິນດູຈີນອີກ! ອັນນີ້ກໍ່ຄືໜ້າທີ່ພາລະບົດບາດຂອງສະພາປຶກສາການເມືອງປະຊາຊົນຈີນ! ຈັກໜ້ອຍຈະເວົ້າເຖິງພາລະບົດບາດຂອງສະພາປະຊາຊົນແຫ່ງຊາດຈີນສູ່ຟັງ!
ເພງ
ຄັນເວົ້າເຖິງບົດບາດໜ້າທີ່ຂອງປະຊາຊົນແຫ່ງຊາດຈີນທີ່ຈະໄຂກອງປະຊຸມປະຈຳປີຂອງຕົນຂື້ນໃນວັນທີ 5 ຫຼືວັນຈັນທີ່ຈະມາເຖິງນີ້ກໍ່ທຳໜ້າທີ່ຄ້າຍໆກັບ ສະພາແຫ່ງຊາດຂອງລາວນິລະ! ຄືພິຈາລະນາຮັບຮອງເອົາການພັດທະນາເສດຖະກິດ-ການເມືອງຂອງລັດຖະບານໃນຜ່ານມາ! ຄົ້ນຄ້ວາພິຈາລະນາຮັບຮອງແຜນຕໍ່ໄປ! ລວມທັງການຄົ້ນຄ້ວາແລະຮັບຮອງເອົາການປັບປຸງແລະສ້າງກົດໝາຍໃໝ່! ແລະແຜນງົບປະມານການເງິນນິລະ! ອັນນີ້ຄືບົດບາດຫຍໍ້ໆຂອງສະພາປະຊາຊົນແຫ່ງຊາດຈີນ! ມື້ໜ້າໜຸ່ມໃຫຍ່ຈະມາເວົ້າລະອຽດຕື່ມ ເພາະວ່າມື້ນີ້ເລື່ອງຕົ້ນຕໍທີ່ຈະເອົາມາເວົ້າສູ່ຟັງບໍ່ແມ່ນໜ້າທີ່ ພາລະບົດບາດຂອງສອງສະພານີ້ ແຕ່ແມ່ນການຫ້າງຫາກະກຽມຮັບຮອງກອງປະຊຸມ ໂດຍສະເພາະກໍ່ແມ່ນການຮັກສາຄວາມສະຫງົບປອດໄພໃຫ້ກອງປະຊຸມ! ເລື່ອງນີ້ບໍ່ວ່າປະເທດໃດກໍ່ຄືກັນໝົດຫັ້ນລະເນາະທ່ານຜູ້ຟັງ! ຄັນມີພິທີ, ມີກອງປະຊຸມ, ມີງານສຳຄັນລະດັບຊາດ ຫຼື ລະດັບພາກພື້ນ ຫຼື ລະດັບໂລກ ທີ່ມາຈັດໃນປະເທດເຮົາ ກໍ່ຕ້ອງໄດ້ເຄັ່ງການຮັກສາຄວາມສະຫງົບປອດໄພຂື້ນຕື່ມເລື່ອງທຳມະດາ! ຄືເທື່ອນີ້ຄືກັນສອງກອງປະຊຸມສຳຄັນທີ່ສຸດຂອງຊາດ ໃນດ້ານລັດກໍ່ຈະໄຂຂື້ນໃນມື້ຮື ກັບວັນຈັນນີ້ຢູ່ນະຄອນຫຼວງປັກກິ່ງ ກໍ່ມີການກະກຽມປ້ອງກັນໄວ້ເປັນທຳມະດາຂະໜາດວ່າຈີນເຂັ້ມແຂງຊ່ຳໃດ ເພິ່ນກໍ່ຍັງບໍ່ປະໝາດ ແລ້ວວຽງຈັນເດ? ກອງປະຊຸມອາເຊັມທີ່ຈະຈັດຂື້ນໃນທ້າຍປີນີ້ແຜນການຮັກສາຄວາມປອດໄພ ປະຕິບັດໄວ້ແຕ່ໄກໄດ້ດີຊ່ຳໃດແລ້ວ? ການປາບປາມພວກບໍ່ດີ ນັກເລງອັນຕະພານ ໄພສັງຄົມ ຂີ້ລັກ ງັດແງະ ດຶງລົດ ດຶງກະເປົາ ພວກຄ້າພວກເສບ ຢາເສບຕິດ ຫຼື ພວກອັນຕະພານກວນເມືອງ ຈັດການໄດ້ຊ່ຳໃດແລ້ວ? ອັນນີ້ເປັນເລື່ອງທີ່ໜ້າເປັນຫ່ວງນຳຢູ່! ຄັນປ່ອຍໃຫ້ພວກນີ້ໄດ້ເດີ້ມ ອັນຕະລາຍແນ່ນອນ! ມີຄວາມສ່ຽງທີ່ຈະກໍ່ຄວາມບໍ່ສະຫງົບແນ່ນອນ! ຢູ່ນະຄອນຫຼວງປັກກິ່ງຂອງຈີນໃນອາທິດສອງອາທິດຜ່ານມານີ້ ເພິ່ນເຮັດສອງອັນທີ່ເຂັ້ມງວດຂື້ນ ເພາະວ່າໂດຍພື້ນຖານແລ້ວ ນະຄອນຫຼວງປັກກິ່ງຂອງຈີນມີຄວາມປອດໄພສູງຢູ່ແລ້ວ! ຄືເພິ່ນສັ່ງຫ້າມຍົນນ້ອຍ ເອກະຊົນຂື້ນບິນໃນໄລຍະກອງປະຊຸມ ແລະເຄັ່ງຄັດການກວດກາລົດທີ່ເຂົ້າມາແຕ່ຕ່າງແຂວງ ລາຍລະອຽດຈະເປັນແນວໃດນັ້ນອີກຈັກໜ້ອຍຈະກັບມາເວົ້າສູ່ຟັງ!
ເພງ
ມາດຕະການຮັກສາຄວາມສະຫງົບ ປອດໄພ ອັນທີໜຶ່ງທີ່ຈະເວົ້າສູ່ຟັງໃນຄືນນີ້ ເພື່ອຕ້ອນຮັບສອງກອງປະຊຸມສະພາຂອງຈີນທີ່ຈະໄຂຂື້ນຢູ່ນະຄອນຫຼວງປັກກິ່ງ ໃນວັນເສົາ ແລະ ວັນຈັນ ທີ່ຈະມາຮອດນີ້ ແມ່ນເພິ່ນຫ້າມຍົນນ້ອຍເອກກະຊົນບິນຢູ່ນານຟ້າປັກກິ່ງ! ຍົນນ້ອຍນີ້ບໍ່ແມ່ນຍົນນ້ອຍທີ່ມີຄົນຂັບໄດທ່ານຜູ້ຟັງ! ແມ່ນຍົນນ້ອຍທີ່ໃຊ້ລີໂມດ ບັນຊາບິນຂື້ນບິນລົງ ເພື່ອສະແດງຜາດໂຜນຫັ້ນນ່າ! ແມ່ນພວກມີເງິນຫຼາຍ ຫຼື ພວກເສດຖີມັກຊື້ມາຫຼິ້ນໃນຍາມຫວ່າງດັອກ! ຍົນບິນຂື້ນໄປ ຜູ້ເຈົ້າຂອງຍົນກໍ່ບີບເຄື່ອງບັນຊາຢູ່ພື້ນດິນພີ້ ແພງຫຼາຍໄດ໋ຍົນນິ ໜັກກໍ່ປະມານ 2-3 ກິໂລຂື້ນໄປຈົນຮອດ 10-20 ກິໂລພຸ້ນລະ! ບິນໄວບິນຊ້າກໍ່ມີ ເປັນຍົນແບບແລ່ນຂື້ນ ຫຼື ແບບເຮລີຄັອບແດ່ກໍ່ມີ ເຂົາເຈົ້າມີສະມາຄົມຂອງເຂົາເຈົ້າຄັກແນ່ໄດ໋! ລະກະມີໃບອະນຸຍາດຄັກແນ່ໄດ໋ ບໍ່ແມ່ນຫ່າວໄດ້ຫ່າວຊື້ມາຫຼິ້ນໄດ໋ ມີການຄວບຄຸມຈາກເຈົ້າໜ້າທີ່ຮັກສາຄວາມປອດໄພຂອງຕົວເມືອງ ຂອງນະຄອນຄັກແນ່! ຄັນບໍ່ມີການຄວບຄຸມ ຄົນບໍ່ດີສາມາດນຳຍົນນີ້ໄປກໍ່ຄວາມບໍ່ສະຫງົບວຸ້ນວາຍກໍ່ໄດ້ໄດ໋! ຢູ່ປັກກິ່ງດຽວນີ້ຈຳນວນຍົນນ້ອຍລົງທະບຽນມີທັງໝົດ 2.134 ຄັນພຸ້ນໄດ໋! ເພິ່ນຫ້າມບໍ່ໃຫ້ຂື້ນບິນເລີ່ມແຕ່ມື້ອື່ນນິລະໄປຈົນຮອດວັນທີ 15 ເດືອນນີ້; ເພາະວ່າແມ່ນໄລຍະດຳເນີນກອງປະຊຸມສອງສະພາຂອງຈີນ ຢູ່ນະຄອນຫຼວງປັກກິ່ງ ຄືສະພາປຶກສາການເມືອງປະຊາຊົນ ແລະສະພາປະຊາຊົນຈີນ! ຕຳຫຼວດກຳນົດໂລດວ່າໃນໄລຍະຫ້າມບິນນີ້ ແມ່ນບໍ່ໃຫ້ມີຍົນນ້ອຍຈຳພວກນິ້ບິນເຂົ້າມາໃກ້ສະໜາມຫຼວງ ທຽນອ້ານເໝີນ ທີ່ເປັນໃຈກາງຂອງນະຄອນຫຼວງປັກກິ່ງແທ້ໆ 200Km, ໃນລັດສະໝີນັບຈາກສະໜາມຫຼວງ ທຽນອ້ານເໝີນອອກໄປ 200KM, ຫ້າມບິນແທ້ໆ, ບໍ່ວ່າເປັນການບິນແທ້ ບິນຊ້ອມ ຫຼື ເປັນການໂຄສະນາຂາຍກໍ່ຕາມ, ເພິ່ນຍັງຮຽກຮ້ອງປະຊາຊົນເປັນຫູເປັນຕາ ຄັນຍັງເຫັນຢູ່ໃຫ້ຂ້ຽວແຈ້ງຕຳຫຼວດປັກກິ່ງໂລດ! ມີໃຜກ້າອໍ້ແອ້ກັບຕຳຫຼວດຈີນບໍ່ນໍ້? ເບິ່ງທ່າທາງກໍ່ເປັນຕາຢ້ານແລ້ວ! ຈຶກຈັກ, ເຂັ້ມແຂງ ເອົາຈິງເອົາຈັງໃນເວລາປະຕິບັນໜ້າທີ່ ຖືກຄືຖືກ ຜິດຄືຜິດ ເອົາສິນບົນໃຫ້ກໍ່ຖືກຈັບອີກ! ເອີ; ທ່ານໃດໄດ້ໄປປັກກິ່ງກໍ່ຄືຊິໄດ້ເຫັນແລ້ວລະນໍ້! ມື້ວານນີ້ຕຳຫຼວດປະມານ 10 ຄົນ ກໍ່ໄປພົບປະ ໂອ້ລົມກັບສະມາຄົມສະໂມສອນເຮືອບິນນ້ອຍ ຢູ່ເຂດ ສາງຜິງ ຂອງນະຄອນຫຼວງປັກກິ່ງ ຮຽບຮ້ອຍແລ້ວ! ສະໂມສອນນີ້ເປັນສະໂມສອນເຮືອບິນນ້ອຍທຳອິດສ້າງມາແຕ່ປີ 1987 ພຸ້ນລະ! ຟັງເພງມ່ວນໆອີກກ່ອນເນາະແລ້ວຈະລົມສູ່ຟັງຕໍ່!
ເພງ
ກ່ອນເປີດເພງກໍ່ເວົ້າສູ່ຟັງວ່າ ມື້ວານນີ້ຕຳຫຼວດປັກກິ່ງ 10 ຄົນ. ໄດ້ລົງໄປໂອ້ລົມ ແນະນຳສະໂມສອນເຮືອບິນນ້ອຍຢູ່ເຂດສາງຜິງ ຂອງນະຄອນຫຼວງປັກກິ່ງ ເພື່ອແຈ້ງໃຫ້ເຂົາເຈົ້າຊາບວ່າ ບໍ່ໃຫ້ບິນນັບແຕ່ມື້ອື່ນໄປຈົນຮອດວັນທີ 15 ເດືອນນີ້ທີ່ເປັນໄລຍະດຳເນີນກອງປະຊຸມສອງສະພາ ເພື່ອຮັບປະກັນຄວາມປອດໄພຕຳຫຼວດ ແນະນຳໃຫ້ເຂົາເຈົ້າຮູ້ວ່າ ໃນໄລຍະນີ້ໃຫ້ເອົາເຄື່ອງຈັກອອກຈາກຍົນ ລະກະບໍ່ໃຫ້ມີນ້ຳມັນ ທັງໄດ້ເຊັນສັນຍາກັບເຈົ້າຂອງຍົນໃນການປະຕິບັດລະບຽບນີ້! ການຫ້າມແນວນີ້ກໍ່ບໍ່ແມ່ນແຕ່ໃນໂອກາດສອງກອງປະຊຸມສະພານີ້ດັອກ! ໂອກາດສຳຄັນຕ່າງໆກໍ່ຫ້າມຄືກັນເຊັ່ນວ່າ: ວັນຊາດ, ຫຼືວ່າໂອແລັມປິກປັກກິ່ງປີ 2008 ກໍ່ສັ່ງຫ້າມຄືກັນ! ຍົນນ້ອຍທີ່ເຂົາເຈົ້າບິນທາງການອະນຸມັດ ບໍ່ໃຫ້ບິນສູງກ່ວາ 300 ແມັດ ໄດ໋ທ່ານຜູ້ຟັງ! ທາງສະໂມສອນກໍ່ໃຫ້ການຮ່ວມມືດີ ໂດຍເຂົາເຈົ້າຈະປິດລານແລ່ນຂື້ນຂອງຍົນນ້ອຍໃນ 2 ອາທິດນັບຈາກນີ້ໄປ! ທ່ານ ຫວາງ ຫົງຈຸ່ນ ຫົວໜ້າຫ້ອງການຄົ້ນຄ້ວາກ່ຽວກັບຂໍ້ກຳນົດ ກົດລະບຽບສາທາລະນະຊົນ ຂອງມະຫາວິທະຍາໄລ ຄວາມປອດໄພສາທາລະນະ ກໍ່ມີຄຳເຫັນວ່າ: ໃນອະນາຄົດນີ້ ເລື່ອງການຫຼິ້ນຍົນນ້ອຍຕ້ອງມີລະບຽບທີ່ຮັດກຸມກ່ວານີ້ ເພື່ອຮັກສາຄວາມປອດໄພ, ເພິ່ນວ່າດຽວນີ້ຍັງມີບາງຄົນ ມີຍົນລຸ້ນໃຫຍ່ເຕີບທີ່ບັງຄັບດ້ວຍລີໂມດ ແຕ່ກໍ່ຍັງບໍ່ມີໃບອະນຸຍາດ ຕໍ່ໄປມັນອາດເປັນຄວາມສ່ຽງກ່ຽວກັບການຮັກສາຄວາມປອດໄພຂອງເຈົ້າໜ້າທີ່. ເພາະມັນອາດສ້າງຄວາມອັນຕະລາຍໄດ້ ຫຼື ຄັນຄົນບໍ່ດີສວຍໃຊ້ສ້າງສິ່ງບໍ່ດີແຮ່ງອັນຕະລາຍ ເວລາຄົນທົ່ວໄປຫຼຽວເຫັນຍົນນ້ອຍບິນຕ່ຳກໍ່ຮູ້ສຶກບໍ່ດີເລີຍ ຢ້ານມັນບິນມາຕຳ! ເອົາ, ອັນນັ້ນກໍ່ເລື່ອງຍົນ ບັດນີ້ຄັນລົດເດ? ຕໍາຫຼວດປັກກິ່ງມີມາດຕະການແນວໃດ? ໃນວັນອາທິດຜ່ານມານີ້ຕຳຫຼວດປັກກິ່ງປະກາດວ່າ: ນັບແຕ່ວັນອັງຄານຜ່ານມານີ້ ຈົນໄປຮອດວັນທີ 17 ເດືອນນີ້ຈະກວດເຄັ່ງຄັດກັບລົດທີ່ບໍ່ແມ່ນປ້າຍທະບຽນຂອງນະຄອນຫຼວງປັກກິ່ງທີ່ເຂົ້າອອກໃຈກາງເມືອງ! ໂດຍສະເພາະນັບແຕ່ວົງແຫວນທີຫາເຂົ້າມາ! ໂດຍເພິ່ນໄດ້ອອກໃບອະນຸຍາດຊົ່ວຄາວ ທີ່ໝົດອາຍຸພາຍໃນ 1 ອາທິດ. ໃຫ້ລົດທີ່ຂົນສົ່ງຜູ້ໂດຍສານແລະອະນຸຍາດ 3 ມື້ໃຫ້ລົດຕູ້ຂົນ. ແຕ່ວ່າລົດພິເສດເຊັ່ນວ່າ: ລົດໂຮງໝໍ, ລົດຕຳຫຼວດ ກໍ່ຈະບໍ່ຢູ່ໃນການຄວບຄຸມນີ້! ຖືວ່າເຂັ້ມງວດຂື້ນວ່າຊັ້ນສະ! ບໍ່ແມ່ນຈະປ່ອຍໃຫ້ລົດຈາກເຂດແຂວງອື່ນແລ່ນເຂົ້າ-ອອກໃຈກາງເມືອງຢ່າງຕາມໃຈໃນໄລຍະມີກອງປະຊຸມສຳຄັນ! ກໍ່ເປັນມາດຕະການທີ່ດີເນາະທ່ານຜູ້ຟັງ! ເຖິງວ່າບາງມາດຕະການມັນອາດຈະຂັດໃຈຄົນບາງຄົນ ບາງກຸ່ມ ແຕ່ມັນກໍ່ຕ້ອງໄດ້ເຮັດ ເພື່ອຄວາມປອດໄພຂອງສ່ວນລວມ ເພື່ອໃບໜ້າໃບຕາຂອງປະເທດບ້ານເມືອງເດ໋! ເອົາ, ນັບແຕ່ມື້ນີ້ໄປໜຸ່ມໃຫຍ່ກໍ່ຈະຕິດຕາມຂ່າວຄາວຂອງກອງປະຊຸມສະພາຂອງຈີນວ່າເພິ່ນຈະປຶກສາຫາລືບັນຫາໃດແດ່? ທີ່ສຳຄັນແລະໜ້າສົນໃຈສຳລັບຜູ້ຟັງລາວມາເວົ້າສູ່ຟັງ!
ເພງ
ຈົບ
