ລັດຖະບານ-ສັງຄົມຊ່ວຍທຶນນັກຮຽນທຸກ/ລົດໄຟຄວາມໄວສູງ
(GMT+08:00) 2012-04-26 15:18:43 cri
ສະບາຍດີມິດລາຍການທຸກທ່ານ! ຫຼັງຂ່າວກິລາກໍ່ມາພົບກັບໜຸ່ມໃຫຍ່ອາລົມດີໃນລາຍການເບິ່ງເມືອງຈີນໂລດ! ເປັນປະຈຳທຸກມື້ໃນເວລາ 19 ໂມງ! ມາເບິ່ງສະພາບການສັນຈອນໃນນະຄອນຫຼວງວຽງຈັນດຽວນີ້ກໍສັບສົນຫຼາຍກໍ່ຄືເຫັນນຳກັນຫັ້ນລະເນາະທ່ານຜູ້ຟັງ! ຖະໜົນກໍ່ແຄບບາງເສັ້ນແຖວຊານເມືອງສະພາບກໍ່ບໍ່ດີ ລົດກໍ່ຕິດຫຼາຍຍາມເຊົ້າແລງ ດີບໍ່ດີຕອນທ່ຽງດຽວນີ້ລົດກໍ່ຕິດອຶກກະທຶກຢູ່ຕາມເສັ້ນໃຈກາງເມືອງ ບວກກັບຜູ້ຂັບຂີ່ບາງຄົນບໍ່ປະຕິບັດກົດລະບຽບຈາລະຈອນ ຟ້າວໄປລະກະໝົ້ນໄປອີກແຫ່ງສັບສົນ! ແລ້ວປະກົດການໜຶ່ງທີ່ທ່ານຜູ້ຟັງຫຼາຍທ່ານກໍ່ອາດຈະເຫັນເດັກນ້ອຍເຍົາວະຊົນທີ່ອາຍຸບໍ່ເຖິງກະສຽນແລ້ວຂັບຂີ່ລົດໃຫຍ່ ອັນນີ້ອັນຕະລາຍຫຼາຍ, ບາງເທື່ອກໍ່ເຫັນເປັນກຸ່ມລົດຈັກ 5-6 ຄັນຂັບຂີ່ແຂ່ງກັນບັກໄວໆ ຊ້ອນກັນກໍ່ມີ ຂີ່ຄົນດຽວກໍ່ມີ ບາດເບິ່ງໜ້າແລ້ວຄືຊິບໍ່ຮອດ 15 ປີແນ່ນອນ ອາດຈະ 13-14 ຫຼື ອາດຈະ 12 ປີກໍ່ມີ ຮ້າຍກ່ວານັ້ນບາງເທື່ອຍັງເຫັນເດັກນ້ອຍ 14-15 ປີ ຂັບຂີ່ລົດໃຫຍ່ແລ້ວກໍ່ຍັງມີ ໂດຍສະເພາະແມ່ນຜູ້ຊາຍ! ໂອ, ອັນນີ້ເບິ່ງແລ້ວອັນຕະລາຍຫຼາຍແມ່ນລັກລົດພໍ່-ແມ່ອອກມາຂັບຂີ່ບໍ? ຫຼືວ່າພໍ່ແມ່ຕັ້ງຮູ້ເຫັນເປັນໃຈ ຍ້ອນຮັກລູກໂພດຈົນບໍ່ຮູ້ອັນໃດຖືກ ອັນໃດຜິດ ອັນໃດອັນຕະລາຍ ອັນໃດບໍ່ອັນຕະລາຍ! ດຽວນີ້ຜູ້ເພິ່ນອ່າວມີເງິນແດ່ຢູ່ເຮືອນມີລົດໃຫຍ່ຫຼາຍຄັນ ບາງຄົນລູກຊາຍມັນຂີ້ດື້ ຫ້າວວອງ 11-12 ປີ ກໍ່ຂັດກໍ່ວົນພໍ່ແມ່ຢາກຮຽນຂັບລົດໃຫຍ່ກໍ່ມີກໍ້! ພໍ່-ແມ່ບາງຄົນແທນທີ່ຈະອະທິບາຍໃຫ້ລູກຟັງວ່າມັນອັນຕະລາຍມັນຍັງບໍ່ເຖິງເວລາເທື່ອ! ຊ້ຳພັດໄປຕາມໃຈລູກຫຼືພັດວ່າອາທິດນີ້ອາທິດໜ້າຊິແອບໃຫ້ ແບບໃຫ້ຄວາມຫວັງລູກໂພດຍ້ອນຮັກລູກຫຼາຍຫັ້ນນະ! ລະວັງຄວາມຮັກເກີນໄປຈະເຮັດໃຫ້ທ່ານກິນແໜງໃຈໜັກບໍ່ມີມື້ໃດກໍ່ມື້ໜຶ່ງລະ ຄັນສະໜັບສະໜູນລູກຂັບລົດຈັກລົດໃຫຍ່ກ່ອນໄວອັນຄວນນະ! ເອົາ, ເຕືອນກັນມາດ້ວຍຄວາມຫວັງດີເນາະ! ແລ້ວຫຼັງຈາກນັ້ນຈະເອົາເລື່ອງລັດຖະບານຈີນຊ່ວຍເຫຼືອນັກຮຽນ ນັກສຶກສາທີ່ທຸກຍາກແນວໃດ?
ເພງ
ສອງເພງຜ່ານໄປ………….711477, 9300 ຢາກຮູ້ເລື່ອງຢາກມີຄຳຄິດເຫັນ! ບັດນີ້ຈະລົມສູ່ຟັງວ່າລັດຖະບານຈີນເພິ່ນໃຊ້ງົບຫຼາຍໜ້ອຍຊ່ຳໃດໃນການຊ່ວຍເຫຼືອນັກຮຽນທີ່ທຸກຍາກ, ປີກາຍນີ້ເພິ່ນໃຊ້ງົບຮອດ 90 ຕື້ຢວນພຸ້ນໄດ໋ເພື່ອຊ່ວຍນັກຮຽນທຸກຍາກໃນທົ່ວປະເທດຈີນ! ເຮັດໃຫ້ນັກຮຽນໄດ້ຮັບຜົນປະໂຫຍດຫຼາຍກ່ວາ 79 ລ້ານຄົນພຸ້ນລະ! ໃນ 90 ຕື້ຢວນນີ້ເພິ່ນໃຊ້ 73 ຕື້ 200 ລ້ານຢວນ ເພື່ອເປັນຄ່າຮຽນໃຫ້ນັກຮຽນທຸກຍາກ ເພີ່ມຂື້ນຈາກປີ 2010 ຮອດ 5.6% ໃນນີ້ເພິ່ນຍັງໃຊ້ 3 ຕື້ 500 ລ້ານຢວນ ເພື່ອໃຫ້ລາງວັນແກ່ນັກຮຽນດີເດັ່ນອີກ! ສ່ວນທຶນຂອງເຂດແຂວງ, ຂອງໂຮງຮຽນ, ຂອງອົງການຈັດຕັ້ງທາງສັງຄົມ ລວມທັງທຶນຂອງບຸກຄົນເພື່ອຊ່ວຍເຫຼືອນັກຮຽນທຸກຍາກໃນປີກາຍນີ້ກໍ່ມີຮອດ 16 ຕື້ 800 ລ້ານພຸ້ນໄດ໋! ນອກຈາກໃຫ້ທຶນແລ້ວທາງລັດຖະບານຈີນກໍ່ມີນະໂຍບາຍໃຫ້ນັກສຶກສາກູ້ຢືມເງິນເພື່ອຮຽນອີກ 1 ຕື້ 170 ລ້ານຢວນ. ເບິ່ງແລ້ວກໍ່ຮູ້ໂລດວ່າທັງສູນກາງທັງທ້ອງຖິ່ນທັງສັງຄົມ ກໍ່ຄືບຸກຄົນຊ່ວຍເຫຼືອເອົາໃຈໃສ່ສ້າງຊັບພະຍາກອນມະນຸດທີ່ມີຄຸນນະພາບ ແລະໃຫ້ໂອກາດແກ່ນັກຮຽນຜູ້ທີ່ດ້ອຍໂອກາດ ແຕ່ເປັນຄົນດີ ຮຽນດີແນວໃດ? ສຳລັບຜູ້ຢືມເງິນທະນາຄານໄປຮຽນນັ້ນ ຈົບຮຽນແລ້ວກໍ່ຄ່ອຍຊຳລະຄືນ, ເພິ່ນຍັງອຳນວຍຄວາມສະດວກໃຫ້ນັກຮຽນຢູ່ຊົນນະບົດຕ່າງແຂວງສາມາດຢືມເງິນທະນາຄານໃນແຂວງ, ເມືອງ ໂຕເອງໄດ້ ບໍ່ຕ້ອງເຂົ້າໄປໃນເມືອງໃຫຍ່! ປີກາຍນີ້ນັກສຶກສາທີ່ຮຽນຈົບກໍ່ມີຫຼາຍກ່ວາ 2 ໝື່ນຄົນພຸ້ນໄດ໋! ທີ່ເລືອກໄປເຮັດວຽກຢູ່ຊົນນະບົດ ພູດອຍຫ່າງໄກສອກຫຼີກຢູ່ພາກກາງ ແລະ ພາກຕາເວັນຕົກຂອງຈີນ! ກໍ່ຖືວ່າເປັນວິທີການເປັນນະໂຍບາຍທີ່ດີຫຼາຍເນາະທ່ານຜູ້ຟັງ! ເດັກດີ ເດັກມັກຮຽນແຕ່ບໍ່ມີທຶນນິ ໂອ່, ເສຍດາຍຫຼາຍ ທັງພາກລັດ ພາກເອກະຊົນ ສັງຄົມຫຼືບຸກຄົນແນວນີ້ຄວນຊ່ວຍເຫຼືອໃຫ້ໂອກາດແກ່ເຂົາເຈົ້າແດ່ ຈະໄດ້ບຸນກຸສົນຫຼາຍໄດ໋ ສ້າງຄົນຜູ້ໜຶ່ງໃຫ້ເປັນຄົນທີ່ມີຄວາມຮູ້ຄວາມສາມາດ ມີອະນາຄົດທີ່ດີນິ ໂອ່, ເປັນຜົນບຸນທີ່ຍິ່ງໃຫຍ່ຫຼາຍ! ຜູ້ໃດເງິນເຫຼືອຖົງຊື້ວິສະກີແກ້ວໜຶ່ງເປັນລ້ານໆເອົາມາໃຫ້ທຶນການສຶກສາແກ່ນັກຮຽນ ນັກສຶກສາທີ່ທຸກຍາກດ້ອຍໂອກາດໃຈຊິບໍ່ອີ່ມບຸນດີກ່ວາບໍ່ນໍ້? ເອົາເງິນໄປສ້າງວັດ ສ້າງໂຮງຮຽນ ໂຮງໝໍ ກໍ່ດີຢູ່ແຕ່ເອົາມາເປັນທຶນສ້າງຄົນດີຊ່ວຍສັງຄົມນີ້ແຮ່ງດີ ແຮ່ງໄດ້ບຸນກຸສົນຢ່າງໃຫຍ່ຫຼວງລະ! ເອົາ, ປ່ຽນບັນຍາກາດຟັງເພງກ່ອນແລ້ວລົມເລື່ອງໂຄງການລົດໄຟຄວາມໄວສູງຂອງຈີນສູ່ຟັງ!
ເພງ
ເອົາ, ບັດນີ້ຈະມາລົມເລື່ອງແຜນການສ້າງທາງລົດໄຟຄວາມໄວສູງສູ່ຟັງ ເພາະວ່າເປັນໂຄງການໃຫຍ່ທັນສະໄໝຫຼາຍຂອງຈີນ ເພື່ອເຊື່ອມຕໍ່ພາກເໜືອຫາພາກໃຕ້! ປີນີ້ກະຊວງທາງລົດໄຟຈີນເພິ່ນຕັ້ງເປົ້າວ່າ: ຕ້ອງສ້າງທາງລົດໄຟຄວາມໄວສູງໃຫ້ສຳເລັດ 3.500 ກິໂລແມັດ, ອັນນີ້ຄັນສຳເລັດແລ້ວກໍ່ຈະເຮັດໃຫ້ຈີນມີເສັ້ນທາງລົດໄຟຄວາມໄວສູງທັງໝົດຫຼາຍກ່ວາ 1 ໝື່ນກິໂລແມັດພຸ້ນລະ! ຜ່ານມາໂຄງການຂະຫຍາຍທາງລົດໄຟຄວາມໄວສູງຂອງຈີນກໍ່ຢຸດສະງັກໄປໄລຍະໜຶ່ງຍ້ອນບັນຫາງົບປະມານ! ແຕ່ມາປີນີ້ເພິ່ນກໍ່ຟື້ນຟູແຜນການຄືນ ເພາະວ່າແຜນການນີ້ມັນກໍ່ປຽບຄືກັບການຕໍ່ເສັ້ນເລືອດຈີນໃຫ້ສຳເລັດ 4 ເສັ້ນ! ເສັ້ນທຳອິດແຕ່ປັກກິ່ງ-ຊຽງໄຮ ກໍ່ແລ້ວແຕ່ເດືອນມິຖຸນາປີກາຍນີ້ແລ້ວ, ສ່ວນອີກ 3 ເສັ້ນຄື: ຈາກປັກກິ່ງ-ກວາງໂຈ່ວ, ປັກກິ່ງ-ຮ່າປິ່ນ ແລະ ຮ່າປິ່ນ-ພາກຕາເວັນອອກສຽງເໜືອ ເຊື່ອມໃສ່ບັນດາເມືອງໃຫຍ່ໆແຄມທະເລຕາເວັນອອກສຽງໃຕ້ກໍ່ຈະຂຸ້ນຂ້ຽວເຮັດແລ້ວລະ! ເຖິງວ່າການສ້າງແຕ່ເຊ້ຍເໝິນ-ເສິນເຈິ້ນ ບໍ່ທັນແລ້ວໃນປີນີ້ແຕ່ວ່າ 4 ເສັ້ນທີ່ເວົ້າມາຫັ້ນກໍ່ເລີ່ມເຮັດໂລດ ເພາະວ່າມັນມີປະໂຫຍດໃຫ້ແກ່ການຫຼຸດເວລາເດີນທາງ ລະຫ່ວາງຕົວເມືອງໃຫຍ່ຕ່າງໆລົງໄດ້ຫຼາຍ! ຕົວຢ່າງວ່າ: ຈາກປັກກິ່ງໄປຫາເສິນເຈິ່ນກໍ່ຈະໃຊ້ເວລາແຕ່ 8 ຊົ່ວໂມງ, ດຽວນີ້ລົດໄຟທຳມະດາໃຊ້ເວລາມື້ໜຶ່ງເຕັມໆລະ! ຈາກປັກກິ່ງໄປຮ່າປິ່ນກໍ່ຈະຫຼຸດຈາກ 9 ຊົ່ວໂມງເຫຼືອແຕ່ 5 ຊົ່ວໂມງ. ທ່ານ ຫວາງ ເໜິງສູ່ ຜູ້ຊ່ຽວຊານດ້ານການຂຸດເຈາະອຸໂມງບອກວ່າ: ເສັ້ນທາງ 6 ພັນກິໂລແມັດທີ່ເຄີຍຢຸດສະງັກຍ້ອນບັນຫາການເງິນຈະມີການເລັ່ງຟື້ນຟູຄືໃນປີນີ້ ສ່ວນງົບປະມານນັ້ນກໍ່ຈະຄ່ອຍໆຊອກມາເທື່ອລະໜ້ອຍ. ສ່ວນ ທ່ານ ຫຼູ ຕົງຝູ ລັດຖະມົນຕີຊ່ວຍວ່າການກະຊວງລົດໄຟຂອງຈີນກໍ່ບອກວ່າໃນທ້າຍປີກາຍນີ້ວ່າ: ກະຊວງມີແຜນໃຊ້ງົບ 406 ຕື້ຢວນ ໃນໂຄງການສ້າງພື້ນຖານໂຄງລ່າງຈຳນວນ 249 ໂຄງການໃນປີນີ້! ແລະງົບຮ່ວງນີ້ລະຈະເອົາມາສຸມໃສ່ສ້າງລົດໄຟ 63 ໂຄງການໃຫ້ແລ້ວສົມບູນ ແລະ ໂຄງການອື່ນໆອີກ 177 ໂຄງການ ລວມທັງເສັ້ນທາງລົດໄຟທຳມະດາໃໝ່ 9 ໂຄງການນຳ. ແລ້ວສະເພາະປີນີ້ທາງກະຊວງລົດໄຟຈີນກໍ່ມີໂຄງການໃໝ່ອີກ 53 ໂຄງການ. ຟັງເພງກ່ອນເນາະແລ້ວຈະເວົ້າສູ່ຟັງ
ເພງ
ກ່ອນເປີດເພງກໍເວົ້າເຖິງວ່າກະຊວງທາງລົດໄຟຈີນມີໂຄງການໃໝ່ໃນປີນີ້ເຖິງ 53 ໂຄງການ ທ່ານ ຢາງ ຫາວ ສາດສະດາຈານດ້ານເສັ້ນທາງລົດໄຟຂອງມະຫາວິທະຍາໄລ ເປີຍຈິ່ງ ຈຽວທົ່ງ ບອກວ່າ: 53 ໂຄງການໃໝ່ນີ້ຕ້ອງໄດ້ຮັບອະນຸມັດຈາກຄະນະກຳມະການປະຕິຮູບແລະພັດທະນາແຫ່ງຊາດກ່ອນຈຶ່ງຈະລົງມືໄດ້, ສຳຄັນກໍ່ແມ່ນເລື່ອງົບປະມານນິລະ! ສ່ວນສາດສະດາຈານ ຈ້າວ ຈ້ຽນ ຂອງມະຫາວິທະຍາໄລ ເປີຍຈິງ ຈ່ຽນທົ່ງ ກໍ່ບອກວ່າ: ຂະນະນີ້ຍັງບໍ່ແນນອນເທື່ອວ່າກະຊວງລົດໄຟຈະເອົາເງິນ 4 ຕື້ຢວນມາແຕ່ໃສ? ເພາະວ່າຈະຫາໄດ້ຈາກກອງທຶນກໍ່ສ້າງທາງລົດໄຟໄດ້ພຽງ 80 ຕື້ຢວນແລະແຫຼ່ງອື່ນໆອີກ! ໂຄງການໃຫຍ່ໂຕຊ່ຳນີ້ຕ້ອງໃຊ້ງົບປະມານສູງແທ້ໄດ໋ເນາະທ່ານຜູ້ຟັງ! ໄລຍະທາງກໍ່ບໍ່ແມ່ນດ້າມພັນ, ສອງພັນກິໂລແມັດໄດ໋! ຄັນເວົ້າເຖິງການສ້າງຕາໜ່າງທາງລົດໄຟທຸກປະເພດໃນທົ່ວປະເທດຈີນແລ້ວໃນປີ 2015 ເພິ່ນຈະໄດ້ທັງໝົດ 120.000 ກິໂລແມັດພຸ້ນໄດ໋, ສະເພາະເສັ້ນທາງລົດໄຟຄວາມໄວສູງກໍ່ໃຫ້ໄດ້ຢ່າງໜ້ອຍ 16.000 ກິໂລແມັດ! ໂອ, ຕ້ອງໃຊ້ທຶນຢ່າງມະຫາສານອີ່ຫຼີເນາະ!
ເພງ
ຂະນະນີ້! ມື້ນີ້ໜຸ່ມໃຫຍ່ພວມລົມເລື່ອງປີນີ້ຈີນຈະເລັ່ງສ້າງທາງລົດໄຟຄວາມໄວສູງຢູ່! ສະເພາະໜຸ່ມໃຫຍ່ກໍ່ໄດ້ໄປສຳຜັດມາແລ້ວອັນລົດໄຟຄວາມໄວສູງຫົວແຫຼມໆຄືຫົວຈະຫຼວດນິ ເຕັກນິກຂອງຈີນທັນສະໄໝຫຼາຍ ທຽບເທົ່າຫຼືທັນສະໄໝກ່ວາຂອງໂລກພຸ້ນລະ! ລົດກໍ່ງາມ ແລ່ນກໍ່ໄວ ຫ້ອງກໍ່ສະອາດ ໂອ້ໂຖງ ຕັ່ງນອນເທີ້ງໄດ້ ໜຸ້ມສະອາດດີຫຼາຍ ການບໍລິການປານຢູ່ເທິງຍົນພຸ້ນແລ້ວ ການນຸ່ງຖືຂອງສາວບໍລິການກໍ່ປານສາວອາກາດພຸ້ນລະ! ຄວາມໜຸ້ມນີ້ພິລຶກຫຼາຍ! ໃນປີ 2009-2010 ໜຸ່ມໃຫຍ່ຂີ່ຈາກປັກກິ່ງໄປນະຄອນທຽນສິນກໍ່ມີແຕ່ 30 ນາທີກໍ່ຮອດແລ້ວ! ແລ່ນໄວແທ້ໆ ກໍ່ 300 ກວ່າກິໂລແມັດ/ຊົ່ວໂມງພຸ້ນແລ້ວ! ຄັນລົດໄຟທຳມະດາກໍ່ເກືອບປະມານ 3 ຊົ່ວໂມງພຸ້ນແລ້ວຈຶ່ງຮອດ! ຕອນຂີ່ຈາກຊຽງໄຮໄປຫາປັກກິ່ງກໍ່ມີແຕ່ 10 ຊົ່ວໂມງ ຄັນລົດໄຟທຳມະດາກໍ່ລື່ນກັນກາຍເຄີ່ງພຸ້ນແລ້ວຄວາມໜຸ້ມນິຍົກໂປ້ໃຫ້ເລີຍ, ໂຕະກິນເຂົ້າຢູ່ທາງໜ້າເຮົາຫັ້ນນະໜຸ່ມໃຫຍ່ລອງເອົາແກ້ວນ້ຳດື່ມເອົາຫົວຕັ້ງລົງບໍ່ລົ້ມເລີຍ! ພິລຶກບໍ່? ແລ້ວສຽງຢູ່ໃນເກືອບວ່າບໍ່ໄດ້ຍິນຈັກສຽງເລີຍ! ມີໂຕໜັງສືຈີນ-ອັງກິດ ບອກອາກາດພາຍນອກພາຍໃນອີກໄດ໋! ໃນຂະນະທີ່ແລ່ນຢູ່ຊ້າຫຼືໄວຊ່ຳໃດກໍ່ບອກໝົດ, ໂອ່! ສະດວກສະອາດທັນສະໄໝຫຼາຍບໍ່ແອອັດຍັດແຍ້ກັນອີກ! ມີແຕ່ລາຄາຫັ້ນແພງເຕີບເກືອບຊ່ຳປີ້ຍົນພຸ້ນລະ! ຖືວ່າລົດໄຟຄວາມໄວສູງນິລະເປັນຄູ່ແຂ່ງທີ່ເປັນຕາຢ້ານຂອງສາຍການບິນຕ່າງໆ ເພາະມັນໄວເກືອບທໍ່ກັບຍົນພຸ້ນເດ! ຫຼ້າສຸດຈີນພັດທະນາໄວຂື້ນອີກປະມານ 500 ກິໂລແມັດຕໍ່ຊົ່ວໂມງພຸ້ນແລ້ວ! ແຕ່ບາດແລ່ນຮັບ-ສົ່ງຜູ້ໂດຍສານແທ້ໆແລ້ວເພິ່ນກໍ່ບໍ່ໄດ້ແລ່ນໄວປານໃດດັອກເພື່ອປ້ອງກັນຄວາມປອດໄພ!
ເພງ
ຈົບ
ເພງ
ສອງເພງຜ່ານໄປ………….711477, 9300 ຢາກຮູ້ເລື່ອງຢາກມີຄຳຄິດເຫັນ! ບັດນີ້ຈະລົມສູ່ຟັງວ່າລັດຖະບານຈີນເພິ່ນໃຊ້ງົບຫຼາຍໜ້ອຍຊ່ຳໃດໃນການຊ່ວຍເຫຼືອນັກຮຽນທີ່ທຸກຍາກ, ປີກາຍນີ້ເພິ່ນໃຊ້ງົບຮອດ 90 ຕື້ຢວນພຸ້ນໄດ໋ເພື່ອຊ່ວຍນັກຮຽນທຸກຍາກໃນທົ່ວປະເທດຈີນ! ເຮັດໃຫ້ນັກຮຽນໄດ້ຮັບຜົນປະໂຫຍດຫຼາຍກ່ວາ 79 ລ້ານຄົນພຸ້ນລະ! ໃນ 90 ຕື້ຢວນນີ້ເພິ່ນໃຊ້ 73 ຕື້ 200 ລ້ານຢວນ ເພື່ອເປັນຄ່າຮຽນໃຫ້ນັກຮຽນທຸກຍາກ ເພີ່ມຂື້ນຈາກປີ 2010 ຮອດ 5.6% ໃນນີ້ເພິ່ນຍັງໃຊ້ 3 ຕື້ 500 ລ້ານຢວນ ເພື່ອໃຫ້ລາງວັນແກ່ນັກຮຽນດີເດັ່ນອີກ! ສ່ວນທຶນຂອງເຂດແຂວງ, ຂອງໂຮງຮຽນ, ຂອງອົງການຈັດຕັ້ງທາງສັງຄົມ ລວມທັງທຶນຂອງບຸກຄົນເພື່ອຊ່ວຍເຫຼືອນັກຮຽນທຸກຍາກໃນປີກາຍນີ້ກໍ່ມີຮອດ 16 ຕື້ 800 ລ້ານພຸ້ນໄດ໋! ນອກຈາກໃຫ້ທຶນແລ້ວທາງລັດຖະບານຈີນກໍ່ມີນະໂຍບາຍໃຫ້ນັກສຶກສາກູ້ຢືມເງິນເພື່ອຮຽນອີກ 1 ຕື້ 170 ລ້ານຢວນ. ເບິ່ງແລ້ວກໍ່ຮູ້ໂລດວ່າທັງສູນກາງທັງທ້ອງຖິ່ນທັງສັງຄົມ ກໍ່ຄືບຸກຄົນຊ່ວຍເຫຼືອເອົາໃຈໃສ່ສ້າງຊັບພະຍາກອນມະນຸດທີ່ມີຄຸນນະພາບ ແລະໃຫ້ໂອກາດແກ່ນັກຮຽນຜູ້ທີ່ດ້ອຍໂອກາດ ແຕ່ເປັນຄົນດີ ຮຽນດີແນວໃດ? ສຳລັບຜູ້ຢືມເງິນທະນາຄານໄປຮຽນນັ້ນ ຈົບຮຽນແລ້ວກໍ່ຄ່ອຍຊຳລະຄືນ, ເພິ່ນຍັງອຳນວຍຄວາມສະດວກໃຫ້ນັກຮຽນຢູ່ຊົນນະບົດຕ່າງແຂວງສາມາດຢືມເງິນທະນາຄານໃນແຂວງ, ເມືອງ ໂຕເອງໄດ້ ບໍ່ຕ້ອງເຂົ້າໄປໃນເມືອງໃຫຍ່! ປີກາຍນີ້ນັກສຶກສາທີ່ຮຽນຈົບກໍ່ມີຫຼາຍກ່ວາ 2 ໝື່ນຄົນພຸ້ນໄດ໋! ທີ່ເລືອກໄປເຮັດວຽກຢູ່ຊົນນະບົດ ພູດອຍຫ່າງໄກສອກຫຼີກຢູ່ພາກກາງ ແລະ ພາກຕາເວັນຕົກຂອງຈີນ! ກໍ່ຖືວ່າເປັນວິທີການເປັນນະໂຍບາຍທີ່ດີຫຼາຍເນາະທ່ານຜູ້ຟັງ! ເດັກດີ ເດັກມັກຮຽນແຕ່ບໍ່ມີທຶນນິ ໂອ່, ເສຍດາຍຫຼາຍ ທັງພາກລັດ ພາກເອກະຊົນ ສັງຄົມຫຼືບຸກຄົນແນວນີ້ຄວນຊ່ວຍເຫຼືອໃຫ້ໂອກາດແກ່ເຂົາເຈົ້າແດ່ ຈະໄດ້ບຸນກຸສົນຫຼາຍໄດ໋ ສ້າງຄົນຜູ້ໜຶ່ງໃຫ້ເປັນຄົນທີ່ມີຄວາມຮູ້ຄວາມສາມາດ ມີອະນາຄົດທີ່ດີນິ ໂອ່, ເປັນຜົນບຸນທີ່ຍິ່ງໃຫຍ່ຫຼາຍ! ຜູ້ໃດເງິນເຫຼືອຖົງຊື້ວິສະກີແກ້ວໜຶ່ງເປັນລ້ານໆເອົາມາໃຫ້ທຶນການສຶກສາແກ່ນັກຮຽນ ນັກສຶກສາທີ່ທຸກຍາກດ້ອຍໂອກາດໃຈຊິບໍ່ອີ່ມບຸນດີກ່ວາບໍ່ນໍ້? ເອົາເງິນໄປສ້າງວັດ ສ້າງໂຮງຮຽນ ໂຮງໝໍ ກໍ່ດີຢູ່ແຕ່ເອົາມາເປັນທຶນສ້າງຄົນດີຊ່ວຍສັງຄົມນີ້ແຮ່ງດີ ແຮ່ງໄດ້ບຸນກຸສົນຢ່າງໃຫຍ່ຫຼວງລະ! ເອົາ, ປ່ຽນບັນຍາກາດຟັງເພງກ່ອນແລ້ວລົມເລື່ອງໂຄງການລົດໄຟຄວາມໄວສູງຂອງຈີນສູ່ຟັງ!
ເພງ
ເອົາ, ບັດນີ້ຈະມາລົມເລື່ອງແຜນການສ້າງທາງລົດໄຟຄວາມໄວສູງສູ່ຟັງ ເພາະວ່າເປັນໂຄງການໃຫຍ່ທັນສະໄໝຫຼາຍຂອງຈີນ ເພື່ອເຊື່ອມຕໍ່ພາກເໜືອຫາພາກໃຕ້! ປີນີ້ກະຊວງທາງລົດໄຟຈີນເພິ່ນຕັ້ງເປົ້າວ່າ: ຕ້ອງສ້າງທາງລົດໄຟຄວາມໄວສູງໃຫ້ສຳເລັດ 3.500 ກິໂລແມັດ, ອັນນີ້ຄັນສຳເລັດແລ້ວກໍ່ຈະເຮັດໃຫ້ຈີນມີເສັ້ນທາງລົດໄຟຄວາມໄວສູງທັງໝົດຫຼາຍກ່ວາ 1 ໝື່ນກິໂລແມັດພຸ້ນລະ! ຜ່ານມາໂຄງການຂະຫຍາຍທາງລົດໄຟຄວາມໄວສູງຂອງຈີນກໍ່ຢຸດສະງັກໄປໄລຍະໜຶ່ງຍ້ອນບັນຫາງົບປະມານ! ແຕ່ມາປີນີ້ເພິ່ນກໍ່ຟື້ນຟູແຜນການຄືນ ເພາະວ່າແຜນການນີ້ມັນກໍ່ປຽບຄືກັບການຕໍ່ເສັ້ນເລືອດຈີນໃຫ້ສຳເລັດ 4 ເສັ້ນ! ເສັ້ນທຳອິດແຕ່ປັກກິ່ງ-ຊຽງໄຮ ກໍ່ແລ້ວແຕ່ເດືອນມິຖຸນາປີກາຍນີ້ແລ້ວ, ສ່ວນອີກ 3 ເສັ້ນຄື: ຈາກປັກກິ່ງ-ກວາງໂຈ່ວ, ປັກກິ່ງ-ຮ່າປິ່ນ ແລະ ຮ່າປິ່ນ-ພາກຕາເວັນອອກສຽງເໜືອ ເຊື່ອມໃສ່ບັນດາເມືອງໃຫຍ່ໆແຄມທະເລຕາເວັນອອກສຽງໃຕ້ກໍ່ຈະຂຸ້ນຂ້ຽວເຮັດແລ້ວລະ! ເຖິງວ່າການສ້າງແຕ່ເຊ້ຍເໝິນ-ເສິນເຈິ້ນ ບໍ່ທັນແລ້ວໃນປີນີ້ແຕ່ວ່າ 4 ເສັ້ນທີ່ເວົ້າມາຫັ້ນກໍ່ເລີ່ມເຮັດໂລດ ເພາະວ່າມັນມີປະໂຫຍດໃຫ້ແກ່ການຫຼຸດເວລາເດີນທາງ ລະຫ່ວາງຕົວເມືອງໃຫຍ່ຕ່າງໆລົງໄດ້ຫຼາຍ! ຕົວຢ່າງວ່າ: ຈາກປັກກິ່ງໄປຫາເສິນເຈິ່ນກໍ່ຈະໃຊ້ເວລາແຕ່ 8 ຊົ່ວໂມງ, ດຽວນີ້ລົດໄຟທຳມະດາໃຊ້ເວລາມື້ໜຶ່ງເຕັມໆລະ! ຈາກປັກກິ່ງໄປຮ່າປິ່ນກໍ່ຈະຫຼຸດຈາກ 9 ຊົ່ວໂມງເຫຼືອແຕ່ 5 ຊົ່ວໂມງ. ທ່ານ ຫວາງ ເໜິງສູ່ ຜູ້ຊ່ຽວຊານດ້ານການຂຸດເຈາະອຸໂມງບອກວ່າ: ເສັ້ນທາງ 6 ພັນກິໂລແມັດທີ່ເຄີຍຢຸດສະງັກຍ້ອນບັນຫາການເງິນຈະມີການເລັ່ງຟື້ນຟູຄືໃນປີນີ້ ສ່ວນງົບປະມານນັ້ນກໍ່ຈະຄ່ອຍໆຊອກມາເທື່ອລະໜ້ອຍ. ສ່ວນ ທ່ານ ຫຼູ ຕົງຝູ ລັດຖະມົນຕີຊ່ວຍວ່າການກະຊວງລົດໄຟຂອງຈີນກໍ່ບອກວ່າໃນທ້າຍປີກາຍນີ້ວ່າ: ກະຊວງມີແຜນໃຊ້ງົບ 406 ຕື້ຢວນ ໃນໂຄງການສ້າງພື້ນຖານໂຄງລ່າງຈຳນວນ 249 ໂຄງການໃນປີນີ້! ແລະງົບຮ່ວງນີ້ລະຈະເອົາມາສຸມໃສ່ສ້າງລົດໄຟ 63 ໂຄງການໃຫ້ແລ້ວສົມບູນ ແລະ ໂຄງການອື່ນໆອີກ 177 ໂຄງການ ລວມທັງເສັ້ນທາງລົດໄຟທຳມະດາໃໝ່ 9 ໂຄງການນຳ. ແລ້ວສະເພາະປີນີ້ທາງກະຊວງລົດໄຟຈີນກໍ່ມີໂຄງການໃໝ່ອີກ 53 ໂຄງການ. ຟັງເພງກ່ອນເນາະແລ້ວຈະເວົ້າສູ່ຟັງ
ເພງ
ກ່ອນເປີດເພງກໍເວົ້າເຖິງວ່າກະຊວງທາງລົດໄຟຈີນມີໂຄງການໃໝ່ໃນປີນີ້ເຖິງ 53 ໂຄງການ ທ່ານ ຢາງ ຫາວ ສາດສະດາຈານດ້ານເສັ້ນທາງລົດໄຟຂອງມະຫາວິທະຍາໄລ ເປີຍຈິ່ງ ຈຽວທົ່ງ ບອກວ່າ: 53 ໂຄງການໃໝ່ນີ້ຕ້ອງໄດ້ຮັບອະນຸມັດຈາກຄະນະກຳມະການປະຕິຮູບແລະພັດທະນາແຫ່ງຊາດກ່ອນຈຶ່ງຈະລົງມືໄດ້, ສຳຄັນກໍ່ແມ່ນເລື່ອງົບປະມານນິລະ! ສ່ວນສາດສະດາຈານ ຈ້າວ ຈ້ຽນ ຂອງມະຫາວິທະຍາໄລ ເປີຍຈິງ ຈ່ຽນທົ່ງ ກໍ່ບອກວ່າ: ຂະນະນີ້ຍັງບໍ່ແນນອນເທື່ອວ່າກະຊວງລົດໄຟຈະເອົາເງິນ 4 ຕື້ຢວນມາແຕ່ໃສ? ເພາະວ່າຈະຫາໄດ້ຈາກກອງທຶນກໍ່ສ້າງທາງລົດໄຟໄດ້ພຽງ 80 ຕື້ຢວນແລະແຫຼ່ງອື່ນໆອີກ! ໂຄງການໃຫຍ່ໂຕຊ່ຳນີ້ຕ້ອງໃຊ້ງົບປະມານສູງແທ້ໄດ໋ເນາະທ່ານຜູ້ຟັງ! ໄລຍະທາງກໍ່ບໍ່ແມ່ນດ້າມພັນ, ສອງພັນກິໂລແມັດໄດ໋! ຄັນເວົ້າເຖິງການສ້າງຕາໜ່າງທາງລົດໄຟທຸກປະເພດໃນທົ່ວປະເທດຈີນແລ້ວໃນປີ 2015 ເພິ່ນຈະໄດ້ທັງໝົດ 120.000 ກິໂລແມັດພຸ້ນໄດ໋, ສະເພາະເສັ້ນທາງລົດໄຟຄວາມໄວສູງກໍ່ໃຫ້ໄດ້ຢ່າງໜ້ອຍ 16.000 ກິໂລແມັດ! ໂອ, ຕ້ອງໃຊ້ທຶນຢ່າງມະຫາສານອີ່ຫຼີເນາະ!
ເພງ
ຂະນະນີ້! ມື້ນີ້ໜຸ່ມໃຫຍ່ພວມລົມເລື່ອງປີນີ້ຈີນຈະເລັ່ງສ້າງທາງລົດໄຟຄວາມໄວສູງຢູ່! ສະເພາະໜຸ່ມໃຫຍ່ກໍ່ໄດ້ໄປສຳຜັດມາແລ້ວອັນລົດໄຟຄວາມໄວສູງຫົວແຫຼມໆຄືຫົວຈະຫຼວດນິ ເຕັກນິກຂອງຈີນທັນສະໄໝຫຼາຍ ທຽບເທົ່າຫຼືທັນສະໄໝກ່ວາຂອງໂລກພຸ້ນລະ! ລົດກໍ່ງາມ ແລ່ນກໍ່ໄວ ຫ້ອງກໍ່ສະອາດ ໂອ້ໂຖງ ຕັ່ງນອນເທີ້ງໄດ້ ໜຸ້ມສະອາດດີຫຼາຍ ການບໍລິການປານຢູ່ເທິງຍົນພຸ້ນແລ້ວ ການນຸ່ງຖືຂອງສາວບໍລິການກໍ່ປານສາວອາກາດພຸ້ນລະ! ຄວາມໜຸ້ມນີ້ພິລຶກຫຼາຍ! ໃນປີ 2009-2010 ໜຸ່ມໃຫຍ່ຂີ່ຈາກປັກກິ່ງໄປນະຄອນທຽນສິນກໍ່ມີແຕ່ 30 ນາທີກໍ່ຮອດແລ້ວ! ແລ່ນໄວແທ້ໆ ກໍ່ 300 ກວ່າກິໂລແມັດ/ຊົ່ວໂມງພຸ້ນແລ້ວ! ຄັນລົດໄຟທຳມະດາກໍ່ເກືອບປະມານ 3 ຊົ່ວໂມງພຸ້ນແລ້ວຈຶ່ງຮອດ! ຕອນຂີ່ຈາກຊຽງໄຮໄປຫາປັກກິ່ງກໍ່ມີແຕ່ 10 ຊົ່ວໂມງ ຄັນລົດໄຟທຳມະດາກໍ່ລື່ນກັນກາຍເຄີ່ງພຸ້ນແລ້ວຄວາມໜຸ້ມນິຍົກໂປ້ໃຫ້ເລີຍ, ໂຕະກິນເຂົ້າຢູ່ທາງໜ້າເຮົາຫັ້ນນະໜຸ່ມໃຫຍ່ລອງເອົາແກ້ວນ້ຳດື່ມເອົາຫົວຕັ້ງລົງບໍ່ລົ້ມເລີຍ! ພິລຶກບໍ່? ແລ້ວສຽງຢູ່ໃນເກືອບວ່າບໍ່ໄດ້ຍິນຈັກສຽງເລີຍ! ມີໂຕໜັງສືຈີນ-ອັງກິດ ບອກອາກາດພາຍນອກພາຍໃນອີກໄດ໋! ໃນຂະນະທີ່ແລ່ນຢູ່ຊ້າຫຼືໄວຊ່ຳໃດກໍ່ບອກໝົດ, ໂອ່! ສະດວກສະອາດທັນສະໄໝຫຼາຍບໍ່ແອອັດຍັດແຍ້ກັນອີກ! ມີແຕ່ລາຄາຫັ້ນແພງເຕີບເກືອບຊ່ຳປີ້ຍົນພຸ້ນລະ! ຖືວ່າລົດໄຟຄວາມໄວສູງນິລະເປັນຄູ່ແຂ່ງທີ່ເປັນຕາຢ້ານຂອງສາຍການບິນຕ່າງໆ ເພາະມັນໄວເກືອບທໍ່ກັບຍົນພຸ້ນເດ! ຫຼ້າສຸດຈີນພັດທະນາໄວຂື້ນອີກປະມານ 500 ກິໂລແມັດຕໍ່ຊົ່ວໂມງພຸ້ນແລ້ວ! ແຕ່ບາດແລ່ນຮັບ-ສົ່ງຜູ້ໂດຍສານແທ້ໆແລ້ວເພິ່ນກໍ່ບໍ່ໄດ້ແລ່ນໄວປານໃດດັອກເພື່ອປ້ອງກັນຄວາມປອດໄພ!
ເພງ
ຈົບ
