ຈຳກັດຄວາມຍາວຂອງຄຳປາໄສ/ຈຳກັດການໃຊ້ລົດລັດເພື່ອຫຼຸດມົນລະພິດ
(GMT+08:00) 2012-04-26 15:20:02 cri
ສະບາຍດີມິດລາຍການທີ່ເຄົາລົບຮັກແພງທຸກໆທ່ານ! 19 ໂມງ ທຸກມື້ໜຸ່ມໃຫຍ່ອາລົມດີຂໍຕ້ອນຮັບທ່ານເຂົ້າສູ່ບັນຍາກາດຂອງລາຍການເບິ່ງເມືອງຈີນ! ພັບກັນມື້ນີ້ກໍ່ແມ່ນວັນພະຫັດ, ທີ 23 ກຸມພາ 2012! ໃນລາຍການມື້ນີ້ໜຸ່ມໃຫຍ່ຈະເອົາເລື່ອງເມືອງຈີນຈັກ 2-3 ເລື່ອງມາເວົ້າສູ່ຟັງກ່ຽວກັບພະນັກງານລັດໝົດ! ຄັນມິດລາຍການທ່ານໃດຕິດຕາມລາຍການນີ້ເລື້ອຍໆກໍ່ອາດເຄີຍໄດ້ຍິນໜຸ່ມໃຫຍ່ເວົ້າສູ່ຟັງກ່ຽວກັບຊີວິດການເປັນຢູ່ຂອງພະນັກງານລັດຢູ່ຈີນດີຫຼາຍ ເງິນເດືອນກໍ່ສູງສົມຄວນ ມີນະໂຍບາຍ ມີສະຫວັດດີການຕ່າງໆຫຼາຍ ຖ້າບໍ່ໃຊ້ຈ່າຍຫຼາຍກໍ່ສະບາຍລະ ການປິ່ນປົວສຸຂະພາບລັດກໍ່ເບິ່ງແຍງຄ່າປິ່ນປົວເກືອບໝົດແລະອື່ນໆ! ນັກສຶກສາຈີນທີ່ຮຽນຈົບໃໝ່ໆໃນແຕ່ລະປີຫຼຸຫຼັ່ງທັ່ງເທກັນໄປສະໝັກເປັນພະນັກງານລັດ ແຕ່ໂຄຕາມັນກໍ່ຈຳກັດແດ່! ໃຜກໍ່ຢາກເປັນລະເນາະເພາະເປັນອາຊີບທີ່ໝັ້ນຄົງ ລ້ຽງໂຕເອງໄດ້ຢ່າງສະບາຍ ມີສະຫວັດດີການອີກໃຜຊິບໍ່ຢາກເຮັດເນາະ! ແຕ່ວ່າເລື່ອງທີ່ຈະເວົ້າສູ່ຟັງຄືນນີ້ບໍ່ແມ່ນເລື່ອງກ່ຽວກັບເງິນເດືອນຂອງພະນັກງານລັດດັອກ! ແຕ່ຈະເວົ້າເຖິງແນວຄິດລິເລີ່ມຂອງນະຄອນກວາງໂຈ່ວ ທີ່ຕັ້ງຢູ່ທາງພາກໃຕ້ຂອງຈີນ ຄືເພິ່ນມີແນວຄິດຈະກຳຈັດຄວາມຍາວຂອງການກ່າວຄຳປາໄສ ຫຼື ກ່າວຄຳເຫັນຂອງເຈົ້າໜ້າທີ່ລັດໃຫ້ສັ້ນເຂົ້າ! ແຕ່ຕອນນີ້ຟັງເພງຊຸດທຳອິດຈາກລາຍການກ່ອນ ເນາະ!
ເພງ
ຜ່ານໄປສອງເພງ 711477, 9300 ບັດນີ້ມາເຂົ້າເລື່ອງທີ່ຈະລົມສູ່ຟັງເລື່ອງທຳອິດຄືນນີ້ແມ່ນກ່ຽວກັບນະຄອນກວາງໂຈ່ວຂອງຈີນ ເພິ່ນມີຄວາມຄິດລິເລີ່ມວ່າ: ບໍ່ໃຫ້ເຈົ້າໜ້າທີ່ລັດກ່າວຄຳປາໄສ ຫຼື ມີຄຳເຫັນໃນກອງປະຊຸມຍາວເກີນໄປມັນໜ້າເບື່ອທັງເມື່ອຍພ້ອມ! ຢູ່ໃນກອງປະຊຸມສະໄໝສາມັນຄັ້ງທີ 12 ຂອງຄະນະພັກນະຄອນກວາງໂຈ່ວໃນຕົ້ນເດືອນນີ້ ທ່ານ ຫວານ ຊິ່ງຫຼຽງ ເລຂາພັກກວາງໂຈ່ວບອກວ່າ: ເຈົ້າໜ້າທີ່ລັດຄວນຈຳກັດຄຳປາໄສຂອງຕົນເອງຢ່າໃຫ້ມັນຍາວໂພດ ຄັນກອງປະຊຸມໃຫຍ່ສຳຄັນກໍ່ບໍ່ຄວນຮອດ 1 ຊົ່ວໂມງ, ຄັນກອງປະຊຸມທີ່ມີຄວາມສຳຄັນຫຼຸດລົງມາກໍ່ບໍ່ຄວນໃຫ້ຮອດ 30 ນາທີ, ເພິ່ນວ່າ: ດຽວນີ້ຂ້າພະເຈົ້າກໍ່ເປັນແບບຢ່າງຄົນທຳອິດແລ້ວເພາະວ່າການກ່າວຄຳປາໄສມີແຕ່ 58 ນາທີວ່າຊັ້ນ, ເພິ່ນວ່າບາງເທື່ອກອງປະຊຸມໜ້າເບື່ອແລະເມື່ອຍຂະໜາດຍ້ອນເຈົ້າໜ້າທີ່ບາງຄົນເວົ້າຍາວໂພດ ເຫຼືອເວລາໄວ້ໃຫ້ການປຶກສາຫາລືແກ້ໄຂບັນຫາ ຫຼື ຕັດສິນໃຈຮ່ວມກັນ ເຫຼືອເວລາໄວ້ໃຫ້ໜ້ອຍດຽວ! ກໍ່ຖືວ່າເປັນກອງປະຊຸມທີ່ບໍ່ມີປະສິດທິພາບ! ຕ້ອງເວົ້າໜ້ອຍ ຫຼື ມີຄຳເຫັນກ່າວຄຳປາໄສໃຫ້ສັ້ນເຂົ້າ ເພື່ອຈົ່ງເວລາໄວ້ໃຫ້ແກ່ການອອກຄຳເຫັນ ປຶກສາຫາລື ຕັດສິນບັນຫາໃຫ້ຫຼາຍ! ຄືເປັນຄວາມຄິດລິເລີ່ມທີ່ດີໄດເນາະທ່ານຜູ້ຟັງ! ໜຸ່ມໃຫຍ່ກໍ່ຜູ້ໜຶ່ງລະທີ່ບໍ່ມັກຄົນເວົ້ານ້ຳຖ້ວມທົ່ງ ຫຼື ເວົ້າບໍ່ເຊົາຫາບ່ອນເອົາບໍ່ມີມາຫັ້ນນະ! ບາງຄົນເພິ່ນດີໃຈໄດວ່າຕົນເອງສາມາດເວົ້າໄດ້ດົນໄດ້ຍາວ ວິໄສທັດກ້ວາງໄກວ່າຊັ້ນເດ່ ຄັັນເວົ້າສັ້ນໝູ່ຊິວ່າໂຕເອງບໍ່ມີຄວາມຮູ້ ບໍ່ມີທິດສະດີຫຼາຍ ຕັ້ງຂີ່ແທ້ຜູ້ນັ່ງຟັງເບື່ອເກືອບຕາຍແລ້ວ! ບາງຄົນກໍ່ເປັນຕາຫົວໄດ໋ ຄັນໄດ້ຂື້ນວ່າຫຼືກ່າວຄຳປາໄສແລ້ວເພິ່ນບໍ່ໄດ້ສົນໄດວ່າຜູ້ຮ່ວມປະຊຸມສົນໃຈເລື່ອງທີ່ເພິ່ນເວົ້າຫຼືບໍ່? ກົ້ມໜ້າເວົ້າງຸບໆຢູ່ແລ້ວຊອກບ່ອນລົງບ່ອນສະຫຼຸບບໍ່ພໍ້ ເວົ້າກ້ຽວໄປກ້ຽວມາຢູ່ຫັ້ນແລ້ວ ບາດຜູ້ປະຊຸມຢູ່ທາງໜ້າກໍ່ລຳຄານເກືອບຕາຍແລ້ວ ຜູ້ນັ່ງຢູ່ທາງຫຼັງກໍ່ລົມກັນເສີຍ! ບັນຍາກາດນີ້ໜ້າເບື່ອອີ່ຫຼີໄດ໋ເນາະທ່ານຜູ້ຟັງ! ການເວົ້າມັນກໍ່ຄວນເວົ້າສັ້ນກະທັດຮັດແຕ່ໄດ້ເນື້ອໃນ ຜູ້ຟັງກໍ່ສາມາດຈັບເອົາຈຸດສຳຄັນໄດ້ ເພິ່ນຈັ່ງວ່າເປັນນັກເວົ້າເກັ່ງ! ເວົ້າເລື່ອງນີ້ແລ້ວຈົນມີເລື່ອງຕະຫຼົກໄດ໋ຢູ່ລາວເຮົາແຕ່ກີ້ເຊີນນາຍບ້ານຂື້ນມີຄຳເຫັນໃຫ້ຄຳໂອວາດຕັກເຕືອນແກ່ຄູ່ບ່າວ-ສາວ, ນາຍບ້ານໄດ້ເວົ້າໃສ່ໄມແລ້ວບໍ່ລົງຈັກເທື່ອ ບ່າວສາວເຈົ້າໂຄດລຸງຕາກໍ່ຢືນຢູ່ກາງເວທີຈົນປວດຂາ ຜູ້ມາຮ່ວມງານດອງກໍ່ຈົນລຳຄານ ອາຫານກໍ່ຈົນບູດ! ຍຸກນີ້ບໍ່ຄວນແລ້ວບໍ່ວ່າໃຜຄືກັນ ພະນັກງານເຈົ້າໜ້າທີ່ລັດທັງສູນກາງກໍ່ຄືທ້ອງຖິ່ນຕ້ອງໄດ້ພັດທະນາການເວົ້າ ການກ່າວຄຳປາໄສໃຫ້ກະທັດຮັດ ເຂົ້າໃຈງ່າຍໄດ້ເນື້ອໃນ ມັນຈັ່ງຊິແມ່ນ! ເອົາ, ຟັງເພງແລ້ວຈະກັບມາເວົ້າເລື່ອງການຈຳກັດການໃຊ້ລົດລັດເພື່ອຊ່ວຍຮັກສາສະພາບແວດລ້ອມ ຊ່ວຍຫຼຸດມົນລະພິດທາງອາກາດ!
ເພງ
ບັດນີ້ຈະລົມເລື່ອງທີສອງຂອງຄືນນີ້ສູ່ຟັງກ່ຽວກັບຈີນຈຳກັດການນຳໃຊ້ລົດລັດນິລະ! ສຳນັກງານອົງການ ໜ່ວຍງານຂອງລັດຢູ່ຈີນດຽວນີ້ມີການຊຸກຍູ້ໃຫ້ຫຼຸດໃຊ້ລົດລັດໜຶ່ງມື້ຕໍ່ອາທິດ ໂດຍປ່ຽນໝູນໄປຕາມປ້າຍທະບຽນລົດຫັ້ນລະ! ເພື່ອເປັນການປະຢັດພະລັງງານ ທັງຊ່ວຍໂຄງການຫຼຸດຜ່ອນການລະບາຍມົນລະພິດ ທີ່ຖືກນຳໃຊ້ໃນທົ່ວຈີນ. ຜ່ານມານີ້ຫຼາຍເມືອງໃຫຍ່ຢູ່ຈີນມີແຕ່ຈຳກັດການແລ່ນລົດຂອງລົດເອກກະຊົນ ລົດສ່ວນຕົວຕາມປ້າຍທະບຽນ ເພື່ອຫຼຸດຜ່ອນລົດຕິດ ແລະ ມົນລະພິດທາງອາກາດ, ແຕ່ໂຄງການໃໝ່ນີ້ແມ່ນຄວາມພະຍາຍາມຂອງລັດຖະບານຈີນທີ່ຕ້ອງການປົກປ້ອງສະພາບແວດລ້ອມ ທັງສົ່ງເສີມການພັດທະນາທີ່ຍືນຍົງ ສະນັ້ນຈຶ່ງບໍ່ຈຳແນກວ່າລົດລັດ ລົດເອກກະຊົນຕ້ອງເຮັດຄືກັນໝົດ ບໍ່ແມ່ນລົດລັດແລ້ວຈະບໍ່ມີອະພິສິດອິກບໍ່ໄດ້ແລ້ວຢູ່ຈີນນະ ແລະເພິ່ນວ່າມັນກໍ່ເຖິງເວລາແລ້ວ ທີ່ຕ້ອງສ້າງຄວາມຖືກຕ້ອງບໍ່ແມ່ນຊິປ່ອຍໃຫ້ລົດລັດມີອະພິສິດຢູ່ຕະຫຼອດ, ເພາະວ່າຄັນຈຳກັດຈຳນວນລົດລັດທີ່ແລ້ວຕາມທ້ອງຖະໜົນແລ້ວກໍ່ຈະຊ່ວຍໄດ້ຫຼາຍ! ເພາະວ່າລົດລັດກໍ່ມີບັກຫຼາຍໆໄດ໋ທ່ານຜູ້ຟັງ! ແຕ່ວ່າຈຳນວນທີ່ຊັດເຈນກໍ່ບໍ່ຮູ້ວ່າດຽວນີ້ຢູ່ຈີນລົດລັດມີຫຼາຍໜ້ອຍຊ່ຳໃດ? ເອົາ, ຟັງເພງກ່ອນແລ້ວຈະກັບມາລົມຕໍ່.
ເພງ
ຈົບ
ເພງ
ຜ່ານໄປສອງເພງ 711477, 9300 ບັດນີ້ມາເຂົ້າເລື່ອງທີ່ຈະລົມສູ່ຟັງເລື່ອງທຳອິດຄືນນີ້ແມ່ນກ່ຽວກັບນະຄອນກວາງໂຈ່ວຂອງຈີນ ເພິ່ນມີຄວາມຄິດລິເລີ່ມວ່າ: ບໍ່ໃຫ້ເຈົ້າໜ້າທີ່ລັດກ່າວຄຳປາໄສ ຫຼື ມີຄຳເຫັນໃນກອງປະຊຸມຍາວເກີນໄປມັນໜ້າເບື່ອທັງເມື່ອຍພ້ອມ! ຢູ່ໃນກອງປະຊຸມສະໄໝສາມັນຄັ້ງທີ 12 ຂອງຄະນະພັກນະຄອນກວາງໂຈ່ວໃນຕົ້ນເດືອນນີ້ ທ່ານ ຫວານ ຊິ່ງຫຼຽງ ເລຂາພັກກວາງໂຈ່ວບອກວ່າ: ເຈົ້າໜ້າທີ່ລັດຄວນຈຳກັດຄຳປາໄສຂອງຕົນເອງຢ່າໃຫ້ມັນຍາວໂພດ ຄັນກອງປະຊຸມໃຫຍ່ສຳຄັນກໍ່ບໍ່ຄວນຮອດ 1 ຊົ່ວໂມງ, ຄັນກອງປະຊຸມທີ່ມີຄວາມສຳຄັນຫຼຸດລົງມາກໍ່ບໍ່ຄວນໃຫ້ຮອດ 30 ນາທີ, ເພິ່ນວ່າ: ດຽວນີ້ຂ້າພະເຈົ້າກໍ່ເປັນແບບຢ່າງຄົນທຳອິດແລ້ວເພາະວ່າການກ່າວຄຳປາໄສມີແຕ່ 58 ນາທີວ່າຊັ້ນ, ເພິ່ນວ່າບາງເທື່ອກອງປະຊຸມໜ້າເບື່ອແລະເມື່ອຍຂະໜາດຍ້ອນເຈົ້າໜ້າທີ່ບາງຄົນເວົ້າຍາວໂພດ ເຫຼືອເວລາໄວ້ໃຫ້ການປຶກສາຫາລືແກ້ໄຂບັນຫາ ຫຼື ຕັດສິນໃຈຮ່ວມກັນ ເຫຼືອເວລາໄວ້ໃຫ້ໜ້ອຍດຽວ! ກໍ່ຖືວ່າເປັນກອງປະຊຸມທີ່ບໍ່ມີປະສິດທິພາບ! ຕ້ອງເວົ້າໜ້ອຍ ຫຼື ມີຄຳເຫັນກ່າວຄຳປາໄສໃຫ້ສັ້ນເຂົ້າ ເພື່ອຈົ່ງເວລາໄວ້ໃຫ້ແກ່ການອອກຄຳເຫັນ ປຶກສາຫາລື ຕັດສິນບັນຫາໃຫ້ຫຼາຍ! ຄືເປັນຄວາມຄິດລິເລີ່ມທີ່ດີໄດເນາະທ່ານຜູ້ຟັງ! ໜຸ່ມໃຫຍ່ກໍ່ຜູ້ໜຶ່ງລະທີ່ບໍ່ມັກຄົນເວົ້ານ້ຳຖ້ວມທົ່ງ ຫຼື ເວົ້າບໍ່ເຊົາຫາບ່ອນເອົາບໍ່ມີມາຫັ້ນນະ! ບາງຄົນເພິ່ນດີໃຈໄດວ່າຕົນເອງສາມາດເວົ້າໄດ້ດົນໄດ້ຍາວ ວິໄສທັດກ້ວາງໄກວ່າຊັ້ນເດ່ ຄັັນເວົ້າສັ້ນໝູ່ຊິວ່າໂຕເອງບໍ່ມີຄວາມຮູ້ ບໍ່ມີທິດສະດີຫຼາຍ ຕັ້ງຂີ່ແທ້ຜູ້ນັ່ງຟັງເບື່ອເກືອບຕາຍແລ້ວ! ບາງຄົນກໍ່ເປັນຕາຫົວໄດ໋ ຄັນໄດ້ຂື້ນວ່າຫຼືກ່າວຄຳປາໄສແລ້ວເພິ່ນບໍ່ໄດ້ສົນໄດວ່າຜູ້ຮ່ວມປະຊຸມສົນໃຈເລື່ອງທີ່ເພິ່ນເວົ້າຫຼືບໍ່? ກົ້ມໜ້າເວົ້າງຸບໆຢູ່ແລ້ວຊອກບ່ອນລົງບ່ອນສະຫຼຸບບໍ່ພໍ້ ເວົ້າກ້ຽວໄປກ້ຽວມາຢູ່ຫັ້ນແລ້ວ ບາດຜູ້ປະຊຸມຢູ່ທາງໜ້າກໍ່ລຳຄານເກືອບຕາຍແລ້ວ ຜູ້ນັ່ງຢູ່ທາງຫຼັງກໍ່ລົມກັນເສີຍ! ບັນຍາກາດນີ້ໜ້າເບື່ອອີ່ຫຼີໄດ໋ເນາະທ່ານຜູ້ຟັງ! ການເວົ້າມັນກໍ່ຄວນເວົ້າສັ້ນກະທັດຮັດແຕ່ໄດ້ເນື້ອໃນ ຜູ້ຟັງກໍ່ສາມາດຈັບເອົາຈຸດສຳຄັນໄດ້ ເພິ່ນຈັ່ງວ່າເປັນນັກເວົ້າເກັ່ງ! ເວົ້າເລື່ອງນີ້ແລ້ວຈົນມີເລື່ອງຕະຫຼົກໄດ໋ຢູ່ລາວເຮົາແຕ່ກີ້ເຊີນນາຍບ້ານຂື້ນມີຄຳເຫັນໃຫ້ຄຳໂອວາດຕັກເຕືອນແກ່ຄູ່ບ່າວ-ສາວ, ນາຍບ້ານໄດ້ເວົ້າໃສ່ໄມແລ້ວບໍ່ລົງຈັກເທື່ອ ບ່າວສາວເຈົ້າໂຄດລຸງຕາກໍ່ຢືນຢູ່ກາງເວທີຈົນປວດຂາ ຜູ້ມາຮ່ວມງານດອງກໍ່ຈົນລຳຄານ ອາຫານກໍ່ຈົນບູດ! ຍຸກນີ້ບໍ່ຄວນແລ້ວບໍ່ວ່າໃຜຄືກັນ ພະນັກງານເຈົ້າໜ້າທີ່ລັດທັງສູນກາງກໍ່ຄືທ້ອງຖິ່ນຕ້ອງໄດ້ພັດທະນາການເວົ້າ ການກ່າວຄຳປາໄສໃຫ້ກະທັດຮັດ ເຂົ້າໃຈງ່າຍໄດ້ເນື້ອໃນ ມັນຈັ່ງຊິແມ່ນ! ເອົາ, ຟັງເພງແລ້ວຈະກັບມາເວົ້າເລື່ອງການຈຳກັດການໃຊ້ລົດລັດເພື່ອຊ່ວຍຮັກສາສະພາບແວດລ້ອມ ຊ່ວຍຫຼຸດມົນລະພິດທາງອາກາດ!
ເພງ
ບັດນີ້ຈະລົມເລື່ອງທີສອງຂອງຄືນນີ້ສູ່ຟັງກ່ຽວກັບຈີນຈຳກັດການນຳໃຊ້ລົດລັດນິລະ! ສຳນັກງານອົງການ ໜ່ວຍງານຂອງລັດຢູ່ຈີນດຽວນີ້ມີການຊຸກຍູ້ໃຫ້ຫຼຸດໃຊ້ລົດລັດໜຶ່ງມື້ຕໍ່ອາທິດ ໂດຍປ່ຽນໝູນໄປຕາມປ້າຍທະບຽນລົດຫັ້ນລະ! ເພື່ອເປັນການປະຢັດພະລັງງານ ທັງຊ່ວຍໂຄງການຫຼຸດຜ່ອນການລະບາຍມົນລະພິດ ທີ່ຖືກນຳໃຊ້ໃນທົ່ວຈີນ. ຜ່ານມານີ້ຫຼາຍເມືອງໃຫຍ່ຢູ່ຈີນມີແຕ່ຈຳກັດການແລ່ນລົດຂອງລົດເອກກະຊົນ ລົດສ່ວນຕົວຕາມປ້າຍທະບຽນ ເພື່ອຫຼຸດຜ່ອນລົດຕິດ ແລະ ມົນລະພິດທາງອາກາດ, ແຕ່ໂຄງການໃໝ່ນີ້ແມ່ນຄວາມພະຍາຍາມຂອງລັດຖະບານຈີນທີ່ຕ້ອງການປົກປ້ອງສະພາບແວດລ້ອມ ທັງສົ່ງເສີມການພັດທະນາທີ່ຍືນຍົງ ສະນັ້ນຈຶ່ງບໍ່ຈຳແນກວ່າລົດລັດ ລົດເອກກະຊົນຕ້ອງເຮັດຄືກັນໝົດ ບໍ່ແມ່ນລົດລັດແລ້ວຈະບໍ່ມີອະພິສິດອິກບໍ່ໄດ້ແລ້ວຢູ່ຈີນນະ ແລະເພິ່ນວ່າມັນກໍ່ເຖິງເວລາແລ້ວ ທີ່ຕ້ອງສ້າງຄວາມຖືກຕ້ອງບໍ່ແມ່ນຊິປ່ອຍໃຫ້ລົດລັດມີອະພິສິດຢູ່ຕະຫຼອດ, ເພາະວ່າຄັນຈຳກັດຈຳນວນລົດລັດທີ່ແລ້ວຕາມທ້ອງຖະໜົນແລ້ວກໍ່ຈະຊ່ວຍໄດ້ຫຼາຍ! ເພາະວ່າລົດລັດກໍ່ມີບັກຫຼາຍໆໄດ໋ທ່ານຜູ້ຟັງ! ແຕ່ວ່າຈຳນວນທີ່ຊັດເຈນກໍ່ບໍ່ຮູ້ວ່າດຽວນີ້ຢູ່ຈີນລົດລັດມີຫຼາຍໜ້ອຍຊ່ຳໃດ? ເອົາ, ຟັງເພງກ່ອນແລ້ວຈະກັບມາລົມຕໍ່.
ເພງ
ຈົບ
