ເຂດແຂວງທີ່ຍັງທຸກຍາກຂອງຈີນ
(GMT+08:00) 2012-04-26 15:32:29 cri
ສະບາຍດີມິດລາຍການທຸກທ່ານ!ພໍຮອດເວລານີ້ໜຸ່ມໃຫຍ່ອາລົມດີກໍຂໍນໍາພາທ່ານເຂົ້າສູ່ບັນຍາກາດຂອງລາຍການເບິ່ງເມືອງຈີນຂອງ CRI FM 93Mhzທຸກຄືນພົບກັນຢູ່ທີ່ນີ້ເວລາ 19 ໂມງ!ຄັນເວົ້າເລື່ອງການພັດທະນາຂອງປະເທດຈີນແລ້ວ ຜົນສຳເລັດກໍ່ສູງຫຼາຍແບບກ້າວກະໂດດພຸ້ນລະໃນ 30 ປິຜ່ານມານີ້. ໂດຍສະເພາະ 10 ປີຫຼັງຜ່ານມານີ້ແຮ່ງໄປແຮງ ຈົນດຽວນີ້ກໍ່ກາຍເປັນປະເທດທີ່ມີຂະໜາດເສດຖະກິດໃຫຍ່ທີ່ສຸດອັນດັບ 2 ຂອງໂລກແລ້ວ ຮອງຈາກອາເມລິກາເທົ່ານັ້ນ. ສະນັ້ນລະຈຶ່ງມີຫຼາຍປະເທດໂດຍສະເພາະປະເທດຕາເວັນຕົກ ຕັ້ງຄຳຖາມຂື້ນມາວ່າ: ເສດຖະກິດຈີນເຕີບໂຕໄວປານນີ້ ຍັງຈະຈັດຈີນຢູ່ໃນປະເທດພວມພັດທະນາຢູ່ຫວາ? ຄວນເລື່ອນຈີນໄປເປັນປະເທດທີ່ພັດທະນາແລ້ວບໍ່? ເພື່ອຈະໄດ້ແບບຫາບພາລະຂອງໂລກຊ່ວຍກັນຫຼາຍຂື້ນ! ແຕ່ສະພາບຕົວຈິງແລ້ວເປັນແນວໃດແມ່ນຢູ່ວ່າບັນດາເຂດແຂວງທາງດ້ານຕາເວັນອອກ ດ້ານໃຕ້ ທີ່ຕິດກັບທະເລ ແລະຈະເລີນໄວຫຼາຍ ແຕ່ວ່າບັນດາເຂດແຂວງທາງດ້ານຕາເວັນຕົກຂອງປະເທດກໍ່ຍັງຢາກທຸກຫຼາຍດ້ອຍພັດທະນາຫຼາຍຄືກັນ ສະນັ້ນລະຈີນຈຶ່ງບໍ່ສາມາດຮັບວ່າຕົນເອງເປັນປະເທດທີ່ພັດທະນາແລ້ວໄດ້! ແລະວຽກບຸລິມະສິດຂອງລັດຖະບານຈີນດຽວນີ້ກໍ່ແມ່ນເລັ່ງພັດທະນາພາກຕາເວັນຕົກໃຫ້ໄວຂື້ນ! ກໍ່ຄືຄໍາແນະນໍາຂອງທ່ານ ເຕີ້ງ ສ້ຽວຜິງ ໃນອະດີດທີ່ບອກວ່າ: ການປະຕິຮູບແລະໄຂປະຕູສູ່ພາຍນອກ ຈຳເປັນຕ້ອງປ່ອຍໃຫ້ບາງຄົນ ບາງເຂດຮັ່ງມີຂື້ນກ່ອນ ແລ້ວຈຶ່ງເອົາທຶນຮອນນຳບ່ອນຮັ່ງກ່ວານັ້ນມາຊ່ວຍພັດທະນາເຂດທີ່ທຸກຍາກຫຼາຍ! ເຂດທີ່ຍັງທຸກຍາກຫຼາຍກໍ່ໝາຍເຖິງເຂດພາກຕາເວັນຕົກນີ້ລະທ່ານຜູ້ຟັງ! ພາກຕາເວັນຕົກຂອງຈີນກໍ່ກວມເອົາ 12 ເຂດແຂວງຄື: ຊິ່ນຈ່ຽງ, ຕິເບດ, ມົງໂກນ, ກວາງຊີ, ໝິງເຊຍ, ກ່ານຊູ, ຊິ່ງຫາຍ, ເສສວນ, ຈຸ່ງກິ່ງ, ສານຊີ່, ກຸ້ຍໂຈ່ວ ແລະ ຢູນນານ. ເພິ່ນຈະເລັ່ງພັດທະນາແນວໃດ? ຟັງເພງຊຸດທຳອິດກ່ອນເນາະແລ້ວຈະກັບມາເວົ້າສູ່ຟັງ!
ເພງ
ສອງເພງທຳອິດຈາກລາຍການເບິ່ງເມືອງຈີນຜ່ານໄປ! ຢາກຮູ້ເລື່ອງຫຍັງກ່ຽວກັບຈີນ ຫຼື ມີຄຳຄິດເຫັນຫຍັງໂທເຂົ້າມາຕັ້ງໂຕະ 711477 ເດີ້ທ່ານຜູ້ຟັງ ຂໍ້ຄວາມສັ້ນ........................,ບັດນີ້ໜຸ່ມໃຫຍ່ຈະມາເວົ້າສູ່ຟັງວ່າລັດຖະບານຈີນເພິ່ນຈະເລັ່ງພັດທະນາເຂດທີ່ຍັງທຸກຍາກຄືພາກຕາເວັນຕົກຂອງຈີນແນວໃດ? ໃນທ້າຍເດືອນ ກຸມພາ ປີນີ້ສະພາລັດຖະມົນຕີຂອງຈີນ ເພິ່ນກໍ່ໄດ້ຮັບຮອງເອົາແຜນເລັ່ງພັດທະນາພາກຕາເວັນຕົກແຕ່ນີ້ຮອດປີ 2015 ເພື່ອຫຼຸດຊ່ອງຫ່ວາງຂອງການພັດທະນາ ລະຫວ່າງຕົວເມືອງກັບຊົນນະບົດ ແລະ ລະຫ່ວາງເຂດແຂວງຕ່າງໆ! ເປົ້າໝາຍທີ່ເພິ່ນຕັ້ງໄວ້ກໍ່ແມ່ນ ເນັ້ນການເຕີບໂຕທາງດ້ານເສດຖະກິດ, ກໍ່ສ້າງພື້ນຖານໂຄງລ່າງ, ຮັກສາສະພາບແວດລ້ອມ, ການບໍລິໂພກປະຊາຊົນ ແລະຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂື້ນໂດຍໄວ ເພາະວ່າດຽວນີ້ມັນຍັງຫ່າງໄກກັບເຂດແຄມທະເລ ແລະ ພາກຕາເວັນອອກຫຼາຍ. ແຜນເລັ່ງການພັດທະນານີ້ ເພິ່ນຈະເຮັດໃຫ້ລາຍໄດ້ຂອງປະຊາຊົນ ແລະ ການເຕີບໂຕທາງເສດຖະກິດຂອງພາກຕາເວັນຕົກໃຫ້ສູງຂື້ນກ່ວາເຂດອື່ນຂອງປະເທດ! ທາງລົດໄຟປະມານ 15,000 ກິໂລແມັດ ກໍ່ຈະເລີ່ມນຳໃຊ້. ຈຳນວນປະຊາຊົນທີ່ອາໄສຢູ່ຕົວເມືອງນ້ອຍໃຫຍ່ ກໍ່ຈະກວມ 45% ຂອງພົນລະເມືອງທັງໝົດຂອງພາກຕາເວັນຕົກ! ການເລັ່ງພັດທະນາເທື່ອນີ້ກໍ່ກ່ຽວພັນໄປເຖິງການຮັກສາສະພາບແວດລ້ອມ ປະຢັດການໃຊ້ຊັບພະຍາກອນທຳມະຊາດນຳໄດ໋! ຄືແຕ່ປີ 2010 ມານີ້ພາກຕາເວັນຕົກກໍ່ໄດ້ຫຼຸດການນຳໃຊ້ພະລັງງານນຕໍ່ຫົວຄົນລົງໄດ້ 15% ແລະຈະສືບຕໍ່ຫຼຸດລົງໄປອີກ. ສ່ວນການນຳໃຊ້ນ້ຳກໍ່ຈະພາຍາຍາມໃຫ້ຫຼຸດການນຳໃຊ້ລົງໃຫ້ໄດ້ 30% ຮອດປີ 2015 ເພິ່ນກໍ່ຕັ້ງເປົ້າວ່າໃຫ້ປ່າໄມ້ປົກຄຸມພາກຕາເວັນຕົກໃຫ້ໄດ້ເກືອບ 1/5 ຂອງເນື້ອທີ່ທັງໝົດ. ເວົ້າແທ້ຈີນເລີ່ມເອົາໃຈໃສ່ພັດທະນາພາກຕາເວັນຕົກຢ່າງຈິງຈັງ ກໍ່ເລີ່ມມາແຕ່ປີ 2000 ພຸ້ນລະ ເພາະວ່າເລີ່ມມີທຶນຮອນຫຼາຍລະເດ! ເງິນເຂົ້າຄັງລັດຖະບານດີ ບໍ່ຮົ່ວບໍ່ໄຫຼ ລັດຖະບານກໍ່ຮັ່ງມີ. ແລ້ວກໍ່ມີເງິນໄປພັດທະນາບ່ອນທຸກ! ຄັນເງິນຮົ່ວໄຫຼເຂົ້າຖົງສ່ວນຕົວຫຼາຍ ລັດຖະບານກໍ່ທຸກແລ້ວຊິເອົາເງິນໃສໄປພັດທະນາລະເນາະ? ຢາກສ້າງກໍ່ມີແຕ່ຂໍຄວາມຊ່ວຍເຫຼືອລ້າ ຫຼື ກູ້ຢືມ ສ້າງໜີ້ສິນໄລຍະຍາວໃຫ້ປະຊາຊົນທໍ່ນັ້ນແລ້ວ! ມືນຕາເບິ່ງໂລກປັບ ຍັງບໍ່ຮູ້ອີ້ໂນອີ້ເນຫຍັງ ມີໜີ້ແລ້ວ! ເຮັດແນວນັ້ນບໍ່ເປັນໄດເນາະ! ເອົາ, ຟັງເພງກ່ອນເນາະແລ້ວຈຶ່ງມາລົມກັນຕໍ່ເລື່ອງການເລັ່ງພັດທະນາພາກຕາເວັນຕົກຂອງຈີນຕໍ່!
ເພງ
ຂະນະນີ້ທ່ານພວມຟັງລາຍການເບິ່ງເມືອງຈີນທີ່ໜຸ່ມໃຫຍ່ອາລົມດີເປັນຄົນຈັດໃຫ້ຟັງຢູ່! ຄືນນີ້ໜຸ່ມໃຫຍ່ພວມລົມເລື່ອງການເລັ່ງພັດທະນາພາກຕາເວັນຕົກຂອງຈີນຢູ່! ພາກຕາເວັນຕົກຂອງຈີນອຸດົມສົມບູນໄປດ້ວຍຊັບພະຍາກອນທຳມະຊາດໄດ໋ທ່ານຜູ້ຟັງ! ແຕ່ພັດທະນາຊ້າກ່ວາເຂດແຄມທະເລ ແລະ ພາກຕເວັນອອກຫຼາຍ. ຊ່ອງຫວ່າງການພັດທະນາຫ່າງໄກກັນຄົນລະເລື່ອງເລີຍລະ! ໃນລະຫວ່າງ 2006-2010 ເສດຖະກິດຂອງພາກຕາເວັນຕົກຂະຫຍາຍຕົວສະເລ່ຍ 13.6% ມີຖະໜົນຫົນທາງ 365.000 km, ທາງລົດໄຟ 8000 km, ແຕ່ວ່າຮອດປີ 2015 ເພິ່ນຈະໃຫ້ທາງລົດໄຟມີ 15.000 km ພຸ້ນໄດ໋! ບັດນີ້ຈະພາລົງເລິກໄປເບິ່ງການພັດທະນາຂອງແຂວງ ກຸ້ຍໂຈ່ວ ທີ່ຢູ່ພາກຕາເວັນຕົກສ່ຽວໃຕ້ຂອງຈີນ ທີ່ເປັນແຂວງໜຶ່ງທີ່ທຸກຍາກທີ່ສຸດຂອງຈີນ. ລັດຖະບານຈີນວາງແຜນພັດທະນາແຂວງນີ້ເພື່ອໃຫ້ປະຊາຊົນຫຼຸດພົ້ນຄວາມທຸກຍາກໃຫ້ໄດ້ຫຼາຍລ້ານຄົນ! ບັນຫາຕົ້ນຕໍຂອງກຸ້ຍໂຈ່ວມີ 2 ອັນຄື: ຄວາມທຸກຍາກ ກັບ ຄວາມດ້ອຍພັດທະນາ, ສະນັ້ນຈຶ່ງຕ້ອງໄດ້ພັດທະນາຢ່າງຈິງຈັງເພື່ອຄວາມຜາສຸກລວມຂອງຊາດ! ອັນນີ້ແມ່ນຄຳເວົ້າຂອງທ່ານ ຕູ້ຍິງ, ຮອງປະທານຄະນະກຳມະການປະຕິຮູບແລະພັດທະນາແຫ່ງຊາດ! ລັດຖະບານຈີນຈະສຸມໃສ່ພັດທະນາ ກຸ້ຍໂຈ່ວດ້ວຍ 176 ໂຄງການກໍ່ສ້າງໃຫຍ່, ທັງເພີ່ມການລົງທຶນ, ຫຼຸດພາສີໃຫ້ພາກທຸລະກິດເພື່ອຊ່ວຍລັດພັດທະນາ! ປີນີ້ລາຍຮັບສະເລ່ຍຕໍ່ຫົວຄົນຂອງແຂວງກຸ້ຍໂຈ່ວແມ່ນຕ່ຳກ່ວາ 2000 ໂດລາ. ປະມານ 16 ລ້ານກີບ, ຮອດປີ 2015 ຕ້ອງໃຫ້ໄດ້ປະມານ 5000 ໂດລາຕໍ່ຄົນຕໍ່ປີ! ຫຼືປະມານ 40 ລ້ານກີບ! ທ່ານ ຈາວເຄີ້ຊີ່ ເຈົ້າແຂວງ ກຸ້ຍໂຈ່ວ ບອກວ່າ ກຸ້ຍໂຈ່ວ ບອກວ່າ ແຂວງເພິ່ນພັດທະນາຊ້າກ່ວາແຂວງອື່ນໃນປະເທດປະມານ 8 ປີ! ລາຍຮັບສະເລ່ຍຂອງປະຊາຊົນກຸ້ຍໂຈ່ວ ຄັນທຽບໃສ່ກັບຊຽງໄຮແລ້ວມີແຕ່ 1/6 ເອົາ, ຟັງເພງກ່ອນແລ້ວຈະມາລົມສູ່ຟັງວ່າຕື່ມກ່ຽວກັບສະພາບຄວາມທຸກຍາກຂອງແຂວງກຸ້ຍໂຈ່ວຕື່ມ! ແຂວງນີ້ປີ 2009 ໜຸ່ມໃຫຍ່ກໍ່ເຄີຍໄປມາແລ້ວ, ເມືອງເອກເພິ່ນກໍ່ແມ່ນ ກຸ້ຍຢ້າງ! ຟັງເພງກ່ອນເນາະ!
ເພງ
ບັດນີ້ມາຮູ້ສະພາບຄວາມທຸກຍາກຂອງແຂວງກຸ້ຍໂຈ່ວຕໍ່ເນາະ! ແຂວງນີ້ຄັນເວົ້າເຖິງເນື້ອທີ່ກໍ່ບໍ່ໃຫຍ່ທໍ່ລາວດັອກ! ຄືມີເນື້ອທີ່ 170.000km, ແຕ່ພົນລະເມືອງດຽວນີ້ເກືອບ 40 ລ້ານຄົນພຸ້ນໄດ໋! ແຕ່ວ່າໃນຫັ້ນປະມານ 15 ລ້ານຄົນຍັງດຳລົງຊີວິດຢູ່ກ້ອງເສັ້ນທຸກຍາກຂອງປະເທດ ເພາະວ່າປີກາຍນີ້ຈີນໄດ້ຍົກລະດັບເສັ້ນຄວາມທຸກຍາກຂື້ນສູງອີກຄືຈາກລາຍຮັບຕໍ່ປີ 1.274 ຢວນ ໃນປີ 2010 ຂື້ນມາເປັນ 2.300ຢວນ ຕໍ່ປີ ຫຼື ປະມານ 356 ໂດລາຕໍ່ປີ! ຄັນໃຜໄດ້ຕ່ຳກ່ວານີ້ຖືວ່າຍັງທຸກຍາກຢູ່! 2.300% ກໍ່ປະມານ 2 ລ້ານ 7 ແສນກ່ວາກີບນິລະ! ທ່ານ ຕູ່ຢິງ ຮອງປະທານຄະນະກຳມາທິການປະຕິຮູບແລະພັດທະນາຂອງຈີນບອກວ່າ: ຄັນກຸ້ຍໂຈ່ວ ເຮັດໃຫ້ປະຊາຊົນຫຼຸດພົ້ນຈາກຄວາມທຸກຍາກບໍ່ໄດ້ ມັນກໍ່ຄືຈີນບໍ່ປະສົບຜົນສຳເລັດຄືກັນ! ອື່, ເປັນຄຳເວົ້າທີ່ໜ້າຟັງຫຼາຍ ສະແດງເຖິງຄວາມຫ່ວງໄຍຂອງພັກ ຂອງລັດຕໍ່ທຸກເຂດແຂວງ ບໍ່ພັດທະນາບາງແຂວງ ແລ້ວຖິ້ມບາງແຂວງ! ທ່ານ ຕູ້ຢິງ ບອກວ່າ ກຸ້ຍໂຈ່ວມີຊັບພະຍາກອນທຳມະຊາດຫຼາຍຢູ່ ເປັນທ່າແຮງໃຫ້ການພັດທະນາ, ການເລັງພັດທະນາແຂວງກຸ້ຍໂຈ່ວ ເປັນວຽກທີ່ສຳຄັນຫຼາຍເພື່ອຮັກສາຄວາມເອກະພາບເຜົ່າຕ່າງໆ ແລະຮັກສາຄວາມປອງດອງກົມກຽວກັນຂອງສັງຄົມ. ເພາະວ່າຢູ່ແຂວງນີ້ປະຊາຊົນຫຼາຍກ່ວາ 1/3 ແມ່ນເປັນເຜົ່າສ່ວນໜ້ອຍ ບໍ່ແມ່ນເຜົ່າຮັ້ນ. ເຜົ່າຮັ້ນກໍ່ແມ່ນຄົນຈີນນິລະທ່ານຜູ້ຟັງ! ນອກນັ້ນຢູ່ຈີນເພິ່ນເອີ້ນວ່າ ຊົນເຜົ່າສ່ວນໜ້ອຍ! ເຜົ່າມົ້ງ, ເຜົ່າໄຕ, ເຜົ່າອີ, ເຜົ່າເຕີອາງ ຫຼື ເຜົ່າອື່ນໆເອີ້ນວ່າຊົນເຜົ່າສ່ວນໜ້ອຍໝົດລະຢູ່ຈີນນະ! ເພື່ອເລັ່ງພັດທະນາໃຫ້ຫຼຸດຜ່ອນຄວາມທຸກຍາກຕາມແຜນການນີ້ ປີນີ້ແຂວງກຸ້ຍໂຈ່ວ ຈະລົງທຶນ 1 ຕື້ 200 ລ້ານຢວນເພື່ອດຳເນີນໂຄງການຈັດສັນພູມລຳເນົາ ທີ່ຢູ່ອາໄສໃຫ້ຊົນເຜົ່າສ່ວນໜ້ອຍຄືນໃໝ່, ໂດຍສະເພາະໃຫ້ເຂົາເຈົ້າຍ້າຍຈາກບ່ອນທຳການຜະລິດຍາກ ໄປສູ່ບ່ອນທີ່ສະດວກເໝາະສົມ! ຍ້າຍມາກໍ່ຈະມີເງິນປະກັນໄພໃຫ້, ຜູ້ອາຍຸລະຫ່ວາງ 40-50 ປີ ກໍ່ຈະຊອກອາຊີບໃຫ້ ພ້ອມທັງຝຶກອາຊີບຝຶກສີໄມ້ລາຍມືໃຫ້ຊາວໜຸ່ມພ້ອມ! ເອົາ, ຟັງເພງມ່ວນໆອີກກ່ອນແລ້ວຈະມາເວົ້າເລື່ອງການສ້າງທາງລົດ, ທາງລົດໄຟເຊື່ອມຕໍ່ຊົນນະບົດກັບຕົວເມືອງຢູ່ແຂວງກຸ້ຍໂຈ່ວ! ທີ່ເປັນໂຄງການໜຶ່ງເພື່ອຫຼຸດຜ່ອນຄວາມທຸກຍາກຂອງປະຊາຊົນ
ເພງ
ບັດນີ້ຈະລົມສູ່ຟັງໂຄງການໃຫຍ່ສ້າງທາງລົດໄຟສາຍດ່ວນ ເຊື່ອມຕໍ່ຕົວເມືອງກັບຊົນນະບົດໃນແຂວງກຸ້ຍໂຈ່ວ ທີ່ຈະຊ່ວຍພັດທະນາແຂວງນີ້ໃຫ້ໄວຂື້ນ! ດຽວນີ້ເພິ່ນພວມສ້າງທາງລົດໄຟດ່ວນ ຈາກກຸ້ຍຢ້າງ ເມືອງເອກຂອງແຂວງກຸ້ຍໂຈ່ວ ໄປຫາ ກວາງໂຈ່ວ ທີ່ເປັນເມືອງເອກຂອງແຂວງ ກວາງຕຸ້ງ ຍາວ 857 km ຖືວ່າເຊື່ອມແຂວງທຸກກັບແຂວງເສດຖະກິດພັດທະນາໄວເຂົ້າກັນ ເພື່ອຊ່ວຍແຂວງກຸ້ຍໂຈ່ວ ໃຫ້ພັດທະນາໄວທັນກັບແຂວງອື່ນ! ຮອດປີ 2014 ກໍ່ຈະສຳເລັດແລ້ວ ລົງທຶນເກືອບ 86 ຕື້ຢວນ ຫຼື ປະມານເກືອບ 13 ຕື້ໂດລາພຸ້ນລະ! ຄວາມໄວຂອງລົດໄຟສາຍນີ້ 200km/h ຫຼຸດລົດໄຟຄວາມໄວສູງໜ້ອຍດຽວເນາະ! ເບິ່ງແລ້ວແຂວງກຸ້ຍໂຈ່ວຂອງຈີນກໍ່ມີສະພາບພູມມີປະເທດຄ້າຍໆຄືກັບລາວນິລະ! ຊົນເຜົ່າສ່ວນໜ້ອຍກໍ່ຫຼາຍ ເປັນເຂດພູດອຍຫ່າງໄກສອກຫຼີກ ບັນຫາຕົ້ນຕໍກໍ່ແມ່ນເສັ້ນທາງຄົມມະນາຄົມບໍ່ລຸໂລ່ງໄປຫາຊົນນະບົດນິລະ! ຈຶ່ງເຮັດໃຫ້ການພັດທະນາຍາກຫຼາຍ ປະຊາຊົນກໍ່ເລີຍຍັງທຸກຫຼາຍຢູ່ ແຂວງກຸ້ຍໂຈ່ວ ດ້ານຕາເວັນອອກຕິດກັບແຂວງ ຫູໝານ, ຕ້ານໃຕ້ຕິດກັບເຂດປົກຄອງຕົນເອງ ເຜົ່າຈ້ວງກວາງຊີ, ທິດຕາເວັນຕົກຕິດກັບແຂວງ ຢູນນານ ແລະທິດເໜືອຕິດກັບແຂວງ ເສສວນ ແລະກຳແພງນະຄອນຈຸ່ງກິ່ງ. ດຽວນີ້ລັດຖະບານຈີນເນັ້ນການກໍ່ສ້າງເຄືອຄ່າຍເສັ້ນທາງລົດໄຟຫຼາຍທີ່ສຸດ! ລົງທຶນໃສ່ຫຼາຍທີ່ສຸດ ໂດຍສະເພາະແມ່ນເຊື່ອມຕໍ່ເຂດແຂວງທຸກເຂົ້າກັບແຂວງຮັ່ງມີນິລະ! ເຮັດແນວນີ້ກໍ່ເພື່ອເມື່ອມີລົດໄຟແລ້ວ ແຂວງຈະເລີນກັບແຂວງທີ່ຍັງທຸກຍາກກໍ່ໄປມາຫາສູ່ກັນ ຄ້າຂາຍ ເຮັດທຸລະກິດ ສົ່ງຜົນຜະລິດແລກປ່ຽນແຮງງານ ແລກປ່ຽນວັດຖຸດິບ ແລກປ່ຽນສິນຄ້າ ບໍ່ດົນແຂວງທຸກຍາກກໍ່ພົ້ນທຸກໂລດແລ້ວ! ການຫຼຸດຊ່ອງຫວ່າງລະຫວ່າງຄວາມທຸກຍາກກັບຄວາມຮັ່ງ ລະຫວ່າງຊົນນະບົດກັບຕົວເມືອງແຮ່ງເປັນນະໂຍບາຍບຸລິມະສິດຂອງພັກ-ລັດຖະບານຈີນໃນປະຈຸບັນນີ້ຢູ່ແລ້ວ! ເພາະວ່າຄັນການພັດທະນາຫຼຸດໂຕນກັນຫຼາຍ ແກ່ຍາວຫຼາຍບໍ່ແກ້ໄຂຈັກເທື່ອ ອ້າງນັ້ນອ້າງນີ້ຄັນເປັນແນວນັ້ນບໍ່ດົນ ຄົນທຸກທີ່ເປັນຄົນກຸ່ມໃຫຍ່ ຫຼື ໃນເຂດແຂວງທີ່ທຸກຍາກໜັກໆ ມີບັນຫາແນ່ນອນ! ສັດຕູຝ່າຍກົງກັນຂ້າມຝ່າຍປໍລະປັກກໍ່ມັກສວຍໃຊ້ເພື່ອໂຈມຕີແທ້ໆໄດ໋!ຄັນບໍ່ຂ້ຽວພັດທະນາເຂດທຸກ ຄົນທຸກຢ່າງຈິງຈັງນະເນາະ!
ເພງ
ຈົບ
ເພງ
ສອງເພງທຳອິດຈາກລາຍການເບິ່ງເມືອງຈີນຜ່ານໄປ! ຢາກຮູ້ເລື່ອງຫຍັງກ່ຽວກັບຈີນ ຫຼື ມີຄຳຄິດເຫັນຫຍັງໂທເຂົ້າມາຕັ້ງໂຕະ 711477 ເດີ້ທ່ານຜູ້ຟັງ ຂໍ້ຄວາມສັ້ນ........................,ບັດນີ້ໜຸ່ມໃຫຍ່ຈະມາເວົ້າສູ່ຟັງວ່າລັດຖະບານຈີນເພິ່ນຈະເລັ່ງພັດທະນາເຂດທີ່ຍັງທຸກຍາກຄືພາກຕາເວັນຕົກຂອງຈີນແນວໃດ? ໃນທ້າຍເດືອນ ກຸມພາ ປີນີ້ສະພາລັດຖະມົນຕີຂອງຈີນ ເພິ່ນກໍ່ໄດ້ຮັບຮອງເອົາແຜນເລັ່ງພັດທະນາພາກຕາເວັນຕົກແຕ່ນີ້ຮອດປີ 2015 ເພື່ອຫຼຸດຊ່ອງຫ່ວາງຂອງການພັດທະນາ ລະຫວ່າງຕົວເມືອງກັບຊົນນະບົດ ແລະ ລະຫ່ວາງເຂດແຂວງຕ່າງໆ! ເປົ້າໝາຍທີ່ເພິ່ນຕັ້ງໄວ້ກໍ່ແມ່ນ ເນັ້ນການເຕີບໂຕທາງດ້ານເສດຖະກິດ, ກໍ່ສ້າງພື້ນຖານໂຄງລ່າງ, ຮັກສາສະພາບແວດລ້ອມ, ການບໍລິໂພກປະຊາຊົນ ແລະຍົກລະດັບຊີວິດການເປັນຢູ່ຂອງປະຊາຊົນໃຫ້ດີຂື້ນໂດຍໄວ ເພາະວ່າດຽວນີ້ມັນຍັງຫ່າງໄກກັບເຂດແຄມທະເລ ແລະ ພາກຕາເວັນອອກຫຼາຍ. ແຜນເລັ່ງການພັດທະນານີ້ ເພິ່ນຈະເຮັດໃຫ້ລາຍໄດ້ຂອງປະຊາຊົນ ແລະ ການເຕີບໂຕທາງເສດຖະກິດຂອງພາກຕາເວັນຕົກໃຫ້ສູງຂື້ນກ່ວາເຂດອື່ນຂອງປະເທດ! ທາງລົດໄຟປະມານ 15,000 ກິໂລແມັດ ກໍ່ຈະເລີ່ມນຳໃຊ້. ຈຳນວນປະຊາຊົນທີ່ອາໄສຢູ່ຕົວເມືອງນ້ອຍໃຫຍ່ ກໍ່ຈະກວມ 45% ຂອງພົນລະເມືອງທັງໝົດຂອງພາກຕາເວັນຕົກ! ການເລັ່ງພັດທະນາເທື່ອນີ້ກໍ່ກ່ຽວພັນໄປເຖິງການຮັກສາສະພາບແວດລ້ອມ ປະຢັດການໃຊ້ຊັບພະຍາກອນທຳມະຊາດນຳໄດ໋! ຄືແຕ່ປີ 2010 ມານີ້ພາກຕາເວັນຕົກກໍ່ໄດ້ຫຼຸດການນຳໃຊ້ພະລັງງານນຕໍ່ຫົວຄົນລົງໄດ້ 15% ແລະຈະສືບຕໍ່ຫຼຸດລົງໄປອີກ. ສ່ວນການນຳໃຊ້ນ້ຳກໍ່ຈະພາຍາຍາມໃຫ້ຫຼຸດການນຳໃຊ້ລົງໃຫ້ໄດ້ 30% ຮອດປີ 2015 ເພິ່ນກໍ່ຕັ້ງເປົ້າວ່າໃຫ້ປ່າໄມ້ປົກຄຸມພາກຕາເວັນຕົກໃຫ້ໄດ້ເກືອບ 1/5 ຂອງເນື້ອທີ່ທັງໝົດ. ເວົ້າແທ້ຈີນເລີ່ມເອົາໃຈໃສ່ພັດທະນາພາກຕາເວັນຕົກຢ່າງຈິງຈັງ ກໍ່ເລີ່ມມາແຕ່ປີ 2000 ພຸ້ນລະ ເພາະວ່າເລີ່ມມີທຶນຮອນຫຼາຍລະເດ! ເງິນເຂົ້າຄັງລັດຖະບານດີ ບໍ່ຮົ່ວບໍ່ໄຫຼ ລັດຖະບານກໍ່ຮັ່ງມີ. ແລ້ວກໍ່ມີເງິນໄປພັດທະນາບ່ອນທຸກ! ຄັນເງິນຮົ່ວໄຫຼເຂົ້າຖົງສ່ວນຕົວຫຼາຍ ລັດຖະບານກໍ່ທຸກແລ້ວຊິເອົາເງິນໃສໄປພັດທະນາລະເນາະ? ຢາກສ້າງກໍ່ມີແຕ່ຂໍຄວາມຊ່ວຍເຫຼືອລ້າ ຫຼື ກູ້ຢືມ ສ້າງໜີ້ສິນໄລຍະຍາວໃຫ້ປະຊາຊົນທໍ່ນັ້ນແລ້ວ! ມືນຕາເບິ່ງໂລກປັບ ຍັງບໍ່ຮູ້ອີ້ໂນອີ້ເນຫຍັງ ມີໜີ້ແລ້ວ! ເຮັດແນວນັ້ນບໍ່ເປັນໄດເນາະ! ເອົາ, ຟັງເພງກ່ອນເນາະແລ້ວຈຶ່ງມາລົມກັນຕໍ່ເລື່ອງການເລັ່ງພັດທະນາພາກຕາເວັນຕົກຂອງຈີນຕໍ່!
ເພງ
ຂະນະນີ້ທ່ານພວມຟັງລາຍການເບິ່ງເມືອງຈີນທີ່ໜຸ່ມໃຫຍ່ອາລົມດີເປັນຄົນຈັດໃຫ້ຟັງຢູ່! ຄືນນີ້ໜຸ່ມໃຫຍ່ພວມລົມເລື່ອງການເລັ່ງພັດທະນາພາກຕາເວັນຕົກຂອງຈີນຢູ່! ພາກຕາເວັນຕົກຂອງຈີນອຸດົມສົມບູນໄປດ້ວຍຊັບພະຍາກອນທຳມະຊາດໄດ໋ທ່ານຜູ້ຟັງ! ແຕ່ພັດທະນາຊ້າກ່ວາເຂດແຄມທະເລ ແລະ ພາກຕເວັນອອກຫຼາຍ. ຊ່ອງຫວ່າງການພັດທະນາຫ່າງໄກກັນຄົນລະເລື່ອງເລີຍລະ! ໃນລະຫວ່າງ 2006-2010 ເສດຖະກິດຂອງພາກຕາເວັນຕົກຂະຫຍາຍຕົວສະເລ່ຍ 13.6% ມີຖະໜົນຫົນທາງ 365.000 km, ທາງລົດໄຟ 8000 km, ແຕ່ວ່າຮອດປີ 2015 ເພິ່ນຈະໃຫ້ທາງລົດໄຟມີ 15.000 km ພຸ້ນໄດ໋! ບັດນີ້ຈະພາລົງເລິກໄປເບິ່ງການພັດທະນາຂອງແຂວງ ກຸ້ຍໂຈ່ວ ທີ່ຢູ່ພາກຕາເວັນຕົກສ່ຽວໃຕ້ຂອງຈີນ ທີ່ເປັນແຂວງໜຶ່ງທີ່ທຸກຍາກທີ່ສຸດຂອງຈີນ. ລັດຖະບານຈີນວາງແຜນພັດທະນາແຂວງນີ້ເພື່ອໃຫ້ປະຊາຊົນຫຼຸດພົ້ນຄວາມທຸກຍາກໃຫ້ໄດ້ຫຼາຍລ້ານຄົນ! ບັນຫາຕົ້ນຕໍຂອງກຸ້ຍໂຈ່ວມີ 2 ອັນຄື: ຄວາມທຸກຍາກ ກັບ ຄວາມດ້ອຍພັດທະນາ, ສະນັ້ນຈຶ່ງຕ້ອງໄດ້ພັດທະນາຢ່າງຈິງຈັງເພື່ອຄວາມຜາສຸກລວມຂອງຊາດ! ອັນນີ້ແມ່ນຄຳເວົ້າຂອງທ່ານ ຕູ້ຍິງ, ຮອງປະທານຄະນະກຳມະການປະຕິຮູບແລະພັດທະນາແຫ່ງຊາດ! ລັດຖະບານຈີນຈະສຸມໃສ່ພັດທະນາ ກຸ້ຍໂຈ່ວດ້ວຍ 176 ໂຄງການກໍ່ສ້າງໃຫຍ່, ທັງເພີ່ມການລົງທຶນ, ຫຼຸດພາສີໃຫ້ພາກທຸລະກິດເພື່ອຊ່ວຍລັດພັດທະນາ! ປີນີ້ລາຍຮັບສະເລ່ຍຕໍ່ຫົວຄົນຂອງແຂວງກຸ້ຍໂຈ່ວແມ່ນຕ່ຳກ່ວາ 2000 ໂດລາ. ປະມານ 16 ລ້ານກີບ, ຮອດປີ 2015 ຕ້ອງໃຫ້ໄດ້ປະມານ 5000 ໂດລາຕໍ່ຄົນຕໍ່ປີ! ຫຼືປະມານ 40 ລ້ານກີບ! ທ່ານ ຈາວເຄີ້ຊີ່ ເຈົ້າແຂວງ ກຸ້ຍໂຈ່ວ ບອກວ່າ ກຸ້ຍໂຈ່ວ ບອກວ່າ ແຂວງເພິ່ນພັດທະນາຊ້າກ່ວາແຂວງອື່ນໃນປະເທດປະມານ 8 ປີ! ລາຍຮັບສະເລ່ຍຂອງປະຊາຊົນກຸ້ຍໂຈ່ວ ຄັນທຽບໃສ່ກັບຊຽງໄຮແລ້ວມີແຕ່ 1/6 ເອົາ, ຟັງເພງກ່ອນແລ້ວຈະມາລົມສູ່ຟັງວ່າຕື່ມກ່ຽວກັບສະພາບຄວາມທຸກຍາກຂອງແຂວງກຸ້ຍໂຈ່ວຕື່ມ! ແຂວງນີ້ປີ 2009 ໜຸ່ມໃຫຍ່ກໍ່ເຄີຍໄປມາແລ້ວ, ເມືອງເອກເພິ່ນກໍ່ແມ່ນ ກຸ້ຍຢ້າງ! ຟັງເພງກ່ອນເນາະ!
ເພງ
ບັດນີ້ມາຮູ້ສະພາບຄວາມທຸກຍາກຂອງແຂວງກຸ້ຍໂຈ່ວຕໍ່ເນາະ! ແຂວງນີ້ຄັນເວົ້າເຖິງເນື້ອທີ່ກໍ່ບໍ່ໃຫຍ່ທໍ່ລາວດັອກ! ຄືມີເນື້ອທີ່ 170.000km, ແຕ່ພົນລະເມືອງດຽວນີ້ເກືອບ 40 ລ້ານຄົນພຸ້ນໄດ໋! ແຕ່ວ່າໃນຫັ້ນປະມານ 15 ລ້ານຄົນຍັງດຳລົງຊີວິດຢູ່ກ້ອງເສັ້ນທຸກຍາກຂອງປະເທດ ເພາະວ່າປີກາຍນີ້ຈີນໄດ້ຍົກລະດັບເສັ້ນຄວາມທຸກຍາກຂື້ນສູງອີກຄືຈາກລາຍຮັບຕໍ່ປີ 1.274 ຢວນ ໃນປີ 2010 ຂື້ນມາເປັນ 2.300ຢວນ ຕໍ່ປີ ຫຼື ປະມານ 356 ໂດລາຕໍ່ປີ! ຄັນໃຜໄດ້ຕ່ຳກ່ວານີ້ຖືວ່າຍັງທຸກຍາກຢູ່! 2.300% ກໍ່ປະມານ 2 ລ້ານ 7 ແສນກ່ວາກີບນິລະ! ທ່ານ ຕູ່ຢິງ ຮອງປະທານຄະນະກຳມາທິການປະຕິຮູບແລະພັດທະນາຂອງຈີນບອກວ່າ: ຄັນກຸ້ຍໂຈ່ວ ເຮັດໃຫ້ປະຊາຊົນຫຼຸດພົ້ນຈາກຄວາມທຸກຍາກບໍ່ໄດ້ ມັນກໍ່ຄືຈີນບໍ່ປະສົບຜົນສຳເລັດຄືກັນ! ອື່, ເປັນຄຳເວົ້າທີ່ໜ້າຟັງຫຼາຍ ສະແດງເຖິງຄວາມຫ່ວງໄຍຂອງພັກ ຂອງລັດຕໍ່ທຸກເຂດແຂວງ ບໍ່ພັດທະນາບາງແຂວງ ແລ້ວຖິ້ມບາງແຂວງ! ທ່ານ ຕູ້ຢິງ ບອກວ່າ ກຸ້ຍໂຈ່ວມີຊັບພະຍາກອນທຳມະຊາດຫຼາຍຢູ່ ເປັນທ່າແຮງໃຫ້ການພັດທະນາ, ການເລັງພັດທະນາແຂວງກຸ້ຍໂຈ່ວ ເປັນວຽກທີ່ສຳຄັນຫຼາຍເພື່ອຮັກສາຄວາມເອກະພາບເຜົ່າຕ່າງໆ ແລະຮັກສາຄວາມປອງດອງກົມກຽວກັນຂອງສັງຄົມ. ເພາະວ່າຢູ່ແຂວງນີ້ປະຊາຊົນຫຼາຍກ່ວາ 1/3 ແມ່ນເປັນເຜົ່າສ່ວນໜ້ອຍ ບໍ່ແມ່ນເຜົ່າຮັ້ນ. ເຜົ່າຮັ້ນກໍ່ແມ່ນຄົນຈີນນິລະທ່ານຜູ້ຟັງ! ນອກນັ້ນຢູ່ຈີນເພິ່ນເອີ້ນວ່າ ຊົນເຜົ່າສ່ວນໜ້ອຍ! ເຜົ່າມົ້ງ, ເຜົ່າໄຕ, ເຜົ່າອີ, ເຜົ່າເຕີອາງ ຫຼື ເຜົ່າອື່ນໆເອີ້ນວ່າຊົນເຜົ່າສ່ວນໜ້ອຍໝົດລະຢູ່ຈີນນະ! ເພື່ອເລັ່ງພັດທະນາໃຫ້ຫຼຸດຜ່ອນຄວາມທຸກຍາກຕາມແຜນການນີ້ ປີນີ້ແຂວງກຸ້ຍໂຈ່ວ ຈະລົງທຶນ 1 ຕື້ 200 ລ້ານຢວນເພື່ອດຳເນີນໂຄງການຈັດສັນພູມລຳເນົາ ທີ່ຢູ່ອາໄສໃຫ້ຊົນເຜົ່າສ່ວນໜ້ອຍຄືນໃໝ່, ໂດຍສະເພາະໃຫ້ເຂົາເຈົ້າຍ້າຍຈາກບ່ອນທຳການຜະລິດຍາກ ໄປສູ່ບ່ອນທີ່ສະດວກເໝາະສົມ! ຍ້າຍມາກໍ່ຈະມີເງິນປະກັນໄພໃຫ້, ຜູ້ອາຍຸລະຫ່ວາງ 40-50 ປີ ກໍ່ຈະຊອກອາຊີບໃຫ້ ພ້ອມທັງຝຶກອາຊີບຝຶກສີໄມ້ລາຍມືໃຫ້ຊາວໜຸ່ມພ້ອມ! ເອົາ, ຟັງເພງມ່ວນໆອີກກ່ອນແລ້ວຈະມາເວົ້າເລື່ອງການສ້າງທາງລົດ, ທາງລົດໄຟເຊື່ອມຕໍ່ຊົນນະບົດກັບຕົວເມືອງຢູ່ແຂວງກຸ້ຍໂຈ່ວ! ທີ່ເປັນໂຄງການໜຶ່ງເພື່ອຫຼຸດຜ່ອນຄວາມທຸກຍາກຂອງປະຊາຊົນ
ເພງ
ບັດນີ້ຈະລົມສູ່ຟັງໂຄງການໃຫຍ່ສ້າງທາງລົດໄຟສາຍດ່ວນ ເຊື່ອມຕໍ່ຕົວເມືອງກັບຊົນນະບົດໃນແຂວງກຸ້ຍໂຈ່ວ ທີ່ຈະຊ່ວຍພັດທະນາແຂວງນີ້ໃຫ້ໄວຂື້ນ! ດຽວນີ້ເພິ່ນພວມສ້າງທາງລົດໄຟດ່ວນ ຈາກກຸ້ຍຢ້າງ ເມືອງເອກຂອງແຂວງກຸ້ຍໂຈ່ວ ໄປຫາ ກວາງໂຈ່ວ ທີ່ເປັນເມືອງເອກຂອງແຂວງ ກວາງຕຸ້ງ ຍາວ 857 km ຖືວ່າເຊື່ອມແຂວງທຸກກັບແຂວງເສດຖະກິດພັດທະນາໄວເຂົ້າກັນ ເພື່ອຊ່ວຍແຂວງກຸ້ຍໂຈ່ວ ໃຫ້ພັດທະນາໄວທັນກັບແຂວງອື່ນ! ຮອດປີ 2014 ກໍ່ຈະສຳເລັດແລ້ວ ລົງທຶນເກືອບ 86 ຕື້ຢວນ ຫຼື ປະມານເກືອບ 13 ຕື້ໂດລາພຸ້ນລະ! ຄວາມໄວຂອງລົດໄຟສາຍນີ້ 200km/h ຫຼຸດລົດໄຟຄວາມໄວສູງໜ້ອຍດຽວເນາະ! ເບິ່ງແລ້ວແຂວງກຸ້ຍໂຈ່ວຂອງຈີນກໍ່ມີສະພາບພູມມີປະເທດຄ້າຍໆຄືກັບລາວນິລະ! ຊົນເຜົ່າສ່ວນໜ້ອຍກໍ່ຫຼາຍ ເປັນເຂດພູດອຍຫ່າງໄກສອກຫຼີກ ບັນຫາຕົ້ນຕໍກໍ່ແມ່ນເສັ້ນທາງຄົມມະນາຄົມບໍ່ລຸໂລ່ງໄປຫາຊົນນະບົດນິລະ! ຈຶ່ງເຮັດໃຫ້ການພັດທະນາຍາກຫຼາຍ ປະຊາຊົນກໍ່ເລີຍຍັງທຸກຫຼາຍຢູ່ ແຂວງກຸ້ຍໂຈ່ວ ດ້ານຕາເວັນອອກຕິດກັບແຂວງ ຫູໝານ, ຕ້ານໃຕ້ຕິດກັບເຂດປົກຄອງຕົນເອງ ເຜົ່າຈ້ວງກວາງຊີ, ທິດຕາເວັນຕົກຕິດກັບແຂວງ ຢູນນານ ແລະທິດເໜືອຕິດກັບແຂວງ ເສສວນ ແລະກຳແພງນະຄອນຈຸ່ງກິ່ງ. ດຽວນີ້ລັດຖະບານຈີນເນັ້ນການກໍ່ສ້າງເຄືອຄ່າຍເສັ້ນທາງລົດໄຟຫຼາຍທີ່ສຸດ! ລົງທຶນໃສ່ຫຼາຍທີ່ສຸດ ໂດຍສະເພາະແມ່ນເຊື່ອມຕໍ່ເຂດແຂວງທຸກເຂົ້າກັບແຂວງຮັ່ງມີນິລະ! ເຮັດແນວນີ້ກໍ່ເພື່ອເມື່ອມີລົດໄຟແລ້ວ ແຂວງຈະເລີນກັບແຂວງທີ່ຍັງທຸກຍາກກໍ່ໄປມາຫາສູ່ກັນ ຄ້າຂາຍ ເຮັດທຸລະກິດ ສົ່ງຜົນຜະລິດແລກປ່ຽນແຮງງານ ແລກປ່ຽນວັດຖຸດິບ ແລກປ່ຽນສິນຄ້າ ບໍ່ດົນແຂວງທຸກຍາກກໍ່ພົ້ນທຸກໂລດແລ້ວ! ການຫຼຸດຊ່ອງຫວ່າງລະຫວ່າງຄວາມທຸກຍາກກັບຄວາມຮັ່ງ ລະຫວ່າງຊົນນະບົດກັບຕົວເມືອງແຮ່ງເປັນນະໂຍບາຍບຸລິມະສິດຂອງພັກ-ລັດຖະບານຈີນໃນປະຈຸບັນນີ້ຢູ່ແລ້ວ! ເພາະວ່າຄັນການພັດທະນາຫຼຸດໂຕນກັນຫຼາຍ ແກ່ຍາວຫຼາຍບໍ່ແກ້ໄຂຈັກເທື່ອ ອ້າງນັ້ນອ້າງນີ້ຄັນເປັນແນວນັ້ນບໍ່ດົນ ຄົນທຸກທີ່ເປັນຄົນກຸ່ມໃຫຍ່ ຫຼື ໃນເຂດແຂວງທີ່ທຸກຍາກໜັກໆ ມີບັນຫາແນ່ນອນ! ສັດຕູຝ່າຍກົງກັນຂ້າມຝ່າຍປໍລະປັກກໍ່ມັກສວຍໃຊ້ເພື່ອໂຈມຕີແທ້ໆໄດ໋!ຄັນບໍ່ຂ້ຽວພັດທະນາເຂດທຸກ ຄົນທຸກຢ່າງຈິງຈັງນະເນາະ!
ເພງ
ຈົບ
