ສວນອຸດສະຫະກຳມຽນຢາງ ແລະ ຕຶກທີ່ສູງອັນດັບ 2 ຂອງຈີນ
(GMT+08:00) 2012-04-26 15:33:52 cri
ສະບາຍດີມິດລາຍການທີ່ຮັກແພງ! ພໍເຖິງເວລານີ້ໜຸ່ມໃຫຍ່ຍິນດີຕ້ອນຮັບທ່ານເຂົ້າສູ່ລາຍການເບິ່ງເມືອງຈີນຂອງ CRI FM 93Mhz. ເປັນປະຈຳທຸກມື້ໃນເວລາ 19 ໂມງ! ຄັນເວົ້າເຖິງເລື່ອງການພັດທະນາທາງດ້ານຕ່າງໆຂອງຈີນດຽວນີ້ຄົງຈະບໍ່ມີໃຜປະຕິເສດໄດ້ລະວ່າໄປໄວຫຼາຍຈົນໂລກງຶດງໍ້ພຸ້ນລະ! ໂດຍສະເພາະຈີນເນັ້ນການພັດທະນາສັງຄົມນິຍົມນິຍົມທີ່ທັນສະໄໝນິລະ! ການພັດທະນາດ້ານວິທະຍາເຕັກໂນໂລຊີກໍ່ໄປໄວຫຼາຍອີ່ຫຼີ, ສວນອຸດສະຫະກຳທີ່ໄປຄຽງຄູ່ກັບການອະນຸຮັກສະພາບແວດລ້ອມກໍ່ເກີດຂື້ນຫຼາຍ ຕຶກອາຄານທີ່ຍິ່ງໃຫຍ່ສູງເດັ່ນທັນສະໄໝລະດັບໂລກ ກໍ່ແຂ່ງຂັນກັນສ້າງຂື້ນປົ່ງຂື້ນປານດອກເຫັດ ຄັນເສດຖະກິດບໍ່ປະສົບຜົນສຳເລັດສິ່ງຂອງຕ່າງໆທີ່ວ່າມານີ້ກໍ່ເກີດຂື້ນບໍ່ໄດ້ດັອກເນາະທ່ານຜູ້ຟັງ! ສະນັ້ນຄືນນີ້ໜຸ່ມໃຫຍ່ຈະພາມິດລາຍການລາວທີ່ຮັກແພງທັງຫຼາຍໄປເບິ່ງ 2 ຕົວຢ່າງຂອງຜົນສຳເລັດໃນການພັດທະນາເສດຖະກິດທີ່ທັນສະໄໝຂອງຈີນ ນັ້ນກໍ່ຄືສວນວິທະຍາສາດແລະເຕັກໂນໂລຊີຢູ່ເມືອງມຽນຢາງ ແຂວງ ເສສວນ ຫຼັງຈາກນັ້ນກໍ່ຈະເວົ້າເຖິງໂຄງການສ້າງຕຶກທີ່ສູງອັນດັບ 2 ຂອງຈີນ ແລະ ສູງອັນດັບ 3 ຂອງໂລກຢູ່ແຂວງ ຫູເປີຍ ສູ່ຟັງ! ແຕ່ວ່າຕອນນີ້ຟັງເພງມ່ວນໆຈາກລາຍການຈັກສອງເພງສາກ່ອນ!
ເພງ
ສອງເພງຈາກລາຍການຜ່ານໄປ ກໍ່ຫັວງວ່າຈະສ້າງຄວາມເບີກບານມ່ວນຊື່ນ ເຮັດໃຫ້ມິດລາຍການໄດ້ພັກຜ່ອນຢ່ອນໃຈຫຼັງວຽກງານໃນຕອນຫົວຄ່ຳແນວນີ້ໄດ້ດີສົມຄວນເນາະ! ກໍ່ຢ່າລືມຢາກຮູ້ເລື່ອງໃດກ່ຽວກັບເມືອງຈີນກໍ່ໂທເຂົ້າມາ 711477,………………. ຕຳນິສົ່ງຂ່າວມາແດ່ກະດີຄືກັນ! ຟັງເພງແລ້ວບັດນີ້ໜຸ່ມໃຫຍ່ກໍ່ຈະພາໄປເບິ່ງຜົນສຳເລັດຂອງສວນວິທະຍາສາດເຕັກໂນໂລຊີຢູ່ເມືອງ ມຽນຢາງ ແຂວງ ເສສວນ ທີ່ຕັ້ງຢູ່ທາງພາກຕາເວັນຕົກສຽງໃຕ້ຂອງຈີນ! ຄັນເວົ້າແລ້ວແຂວງເສສວນກໍ່ເປັນແຂວງໜຶ່ງໄດ໋ທີ່ຍັງທຸກຍາກດ້ອຍພັດທະນາຂອງຈີນ, ອັນນີ້ລະຄືຄວາມພະຍາຍາມຂອງພັກ-ລັດຖະບານຈີນ ເພື່ອຫຼຸດຊ່ອງຫວ່າງຂອງການພັດທະນາລະຫ່ວາງຕົວເມືອງກັບຊົນນະບົດ, ລະຫວ່າງເຂດແຂວງຂອງປະເທດໃຫ້ຫຍັບເຂົ້າໃກ້ກັນ! ບໍ່ໃຫ້ຫ່າງກັນຫຼາຍຄືຜ່ານມາ! ເລື່ອງການຫຼຸດຊ່ອງຫວ່າງລະຫວ່າງຕົວເມືອງແລະຊົນນະບົດ, ລະຫວ່າງຄວາມທຸກກັບຄວາມຮັ່ງນີ້ ເປັນເລື່ອງສຳຄັນໄດ໋ທ່ານຜູ້ຟັງ ຄັນລັດຖະບານປະເທດໃດເມີນເສີຍແລະປ່ອຍໃຫ້ຊ່ອງຫວ່າງນັບມື້ນັບກ້ວາງອອກແລ້ວ ບໍ່ດົນສິ່ງທີ່ຈະຕາມມາກໍ່ແມ່ນເລື່ອງຄວາມບໍ່ກົມກຽວປອງດອງກັນໃນສັງຄົມນິແລ້ວ! ທີ່ຈະນຳໄປສູ່ຄວາມສັບສົນວຸ້ນວາຍຂາດສະຖຽນລະພາບໃນສັງຄົມຈະເກີດຂື້ນແນ່ນອນ ບໍ່ໄວກໍ່ຊ້າ! ສະນັ້ນລັດຖະບານຈີນເພິ່ນກໍ່ທຸ້ມເທທຶນຮອນເຂົ້າພັດທະນາເຂດທີ່ດ້ອຍກ່ວາ ນັບມື້ນັບຫຼາຍຂື້ນ, ເສສວນກໍ່ຍັງເປັນແຂວງທຸກຄືເວົ້າຫັ້ນລະ ແລະ ເສສວນວິທະຍາສາດເຕັກໂນໂລຊີມຽນຢາງນີ້ກໍ່ແມ່ນຕົວຢ່າງໜຶ່ງຂອງຜົນສຳເລັດທີ່ດຶງການພັດທະນາໄປສູ່ຊົນນະບົດ, ບໍ່ແມ່ນໃຫ້ມາຈຸກຕົວກັນ ຫຸ້ມກັນ ແຫຍ້ກັນ ແຕ່ຢູ່ໃນຕົວເມືອງ! ລັດຖະບານຈີນເພິ່ນມີຈຸດປະສົງສ້າງເມືອງມຽນຢາງ ໃຫ້ກາຍເປັນສູນກາງແຫ່ງການພັດທະນາ ແຫ່ງການປ່ຽນແປງດ້ານວິທະຍາສາດເຕັກໂນໂລຊີລະດັບສາກົນພຸ້ນໄດ໋! ມຽນຢາງແມ່ນເປັນບ້ານຂອງສູນຄົ້ນຄວ້າແລະສະຖາບັນທາງດ້ານການປ້ອງກັນຊາດມາແຕ່ຊຸມປີ 1950 ພຸ້ນໄດ໋! ບໍ່ແມ່ນຫາກໍ່ຕັ້ງຂື້ນໄດ໋! ແຕ່ເກືອບ 50 ປິ ກໍ່ຍັງເປັນເມືອງນ້ອຍໆທີ່ດ້ອຍພັດທະນາຄືເກົ່າ ຍ້ອນບໍ່ມີທຶນຮອນນິລະ! ຈົນມາຮອດປີ 2000 ລັດຖະບານຈຶ່ງຕັດສິນໃຈສ້າງເມືອງນີ້ໃຫ້ເປັນເມືອງທີ່ອຸດົມສົມບູນໄປດ້ວຍຊັບພະຍາກອນທຳມະຊາດ ທາງວິທະຍາສາດແລະເຕັກໂນໂລຊີ ແລະສ້າງໃຫ້ເປັນແຫຼ່ງຜະລິດ ແຫຼ່ງຕະຫຼາດ! 11 ປີຫຼັງມານີ້ທີ່ທຸ້ມເທທັງທຶນຮອນ ສະຕິປັນຍາ ຈຶ່ງພົບຫົນທາງແຫ່ງຄວາມສຳເລັດຂອງການພັດທະນານັ້ນກໍ່ຄືການຫັນເຕັກໂນໂລຊີທາງການທະຫານອອກມານຳໃຊ້ອຸດສະຫະກຳດ້ານພົນລະເຮືອນ, ທ່ານ ຫຼິວເຈ ຮອງເຈົ້າແຂວງເສສວນບອກວ່າ: ນັບແຕ່ປີ 2009 ເປັນຕົ້ນມາລັດຖະບານໄດ້ລົງທຶນຫຼາຍ 10 ຕື້ຢວນ ເຂົ້າໃສ່ຫຼາຍກ່ວາພັນໂຄງການໃນເມືອງນີ້ ແລະໃນ 10 ປີກ່ວາມານີ້ມັນກໍ່ໄດ້ກາຍເປັນສວນອຸດສະຫະກຳທີ່ນຳໃຊ້ເຕັກໂນໂລຊີທີ່ທັນສະໄໝລ້ຳຍຸກ. ການເຕີບໂຕໂດຍສະເລ່ຍຂອງການລົງທຶນກໍ່ແມ່ນ 30.3% ຕໍ່ປີພຸ້ນລະ! ຟັງເພງກ່ອນເນາະແລ້ວຈະລົມສູ່ຟັງຕໍ່!
ເພງ
ມາລົມເຖິງສວນອຸດສະຫະກຳໄຮ-ເທັກຂອງເມືອງ ມຽນຢາງ ແຂວງ ເສສວນຕໍ່ເນາະ! ດຽວນີ້ຈຳນວນວິສະຫະກິດ ໂຮງຈັກໂຮງງານທັງຂອງຈີນເອງ ທັງຂອງທົ່ວໂລກທີ່ມາຕັ້ງໂຮງງານຢູ່ທີ່ແຂວງ ມຽນຢາງ ແຂ່ງຂັນກັນປົ່ງຂື້ນ ອັນນີ້ກໍ່ເປັນຜົນດີແກ່ການສ້າງວຽກເຮັດງານທຳໃຫ້ຄົນທ້ອງຖິ່ນເສດ ຖະກິດທ້ອງຖິ່ນກໍ່ດີຂື້ນນຳຢ່າງວ່ອງໄວ! ໂດຍສະເພາະຫຼັງປີ 2008 ທີ່ເກີດແຜ່ນດິນໄຫວຂະໜາດໃຫຍ່ຢູ່ເມືອງ ເວີນສ່ວນ ແຂວງ ເສສວນ; ສວນອຸດສະຫະກຳມຽນຢາງກໍ່ໄດ້ປະກອບສ່ວນຢ່າງໃຫຍ່ຫຼວງໃນການຟື້ນຟູຫຼັງນ້ຳຖ້ວມ! ບໍລິສັດຜະລິດເຄື່ອງໃຊ້ໄຟຟ້າ Emeson ຂອງ USA ກໍ່ເຂົ້າມາລົງທຶນຂະໜາດໃຫຍ່ຢູ່ນີ້ມາແຕ່ປີ 2009 ພຸ້ນ. ບໍລິສັດ Foxconn, ບໍລິສັດ Pulse Electronics, Sinotruck ແລະ BMW ທີ່ລ້ວນແຕ່ເປັນບໍລິສັດໃຫຍ່ລະດັບໂລກກໍ່ມາລົງທຶນຢູ່ນີ້. ບໍລິສັດຜະລິດເຄື່ອງໃຊ້ໄຟຟ້າ ຈ່າງຫົງ ຂອງເສສວນເອງກໍ່ຈ້າງຄົນງານທັງພາຍໃນແລະຕ່າງປະເທດຕັ້ງວ່າ 8 ໝື່ນຄົນ ໃນນີ້ເຄິ່ງໜຶ່ງແມ່ນຄົນມຽນຢາງເອງ. ປີ 2011 ບໍລິສັດນີ້ຂາຍຜະລິດຕະພັນໄດ້ຮອດ 11 ຕື້ກ່ວາໂດລາ! ນີ້ກໍ່ເປັນຕົວຢ່າງໜຶ່ງທີ່ດີ ທີ່ທັງຊ່ວຍສ້າງເສດຖະກິດທ້ອງຖິ່ນແລະທັງສ້າງວຽກເຮັດງານທຳໃຫ້ຄົນທ້ອງຖິ່ນໄດ້ຢ່າງຫຼວງຫຼາຍອີກ! ມັນກໍ່ຄວນເປັນແນວນີ້ເນາະທ່ານຜູ້ຟັງ! ໄປລົງທຶນຢູ່ໃສ? ເຮັດໂຮງງານຢູ່ໃສ? ຄົນທ້ອງຖິ່ນກໍ່ຄວນໄດ້ຮັບຜົນປະໂຫຍດ ເຂົາຈັ່ງດີໃຈ. ບໍ່ແມ່ນຊິຫອບເອົາຄົນໂຕມາເຮັດໝົດ ແລ້ວຊິໄດ້ຮັບການຮ່ວມໄມ້ຮ່ວມມື ອຳນວຍຄວາມສະດວກທີ່ດີຈາກຄົນທ້ອງຖິ່ນບໍ່ລະ? ລຸງ ຈີສຽວປິງ ທີ່ເປັນຄົນທ້ອງຖິ່ນຂອງເມືອງ ມຽນຢາງເກືອບ 50 ປີແລ້ວ ບອກວ່າ: ໃນຊຸມປີ 1990 ມຽນຢາງຂາດເຂີນສິ່ງອຳນວຍຄວາມສະດວກໃຫ້ປະຊາຊົນຫຼາຍອີ່ຫຼີ ເຂດສີຂຽວງາມໆກໍ່ບໍ່ມີ, ປະຊາຊົນສ່ວນຫຼາຍກໍ່ທຸກຍາກ ແຕ່ຍ້ອນມີສວນອາກາດນີ້ເຂົ້າມາກໍ່ຈຶ່ງເຮັດໃຫ້ມຽນຢາງພັດທະນາໄວຫຼາຍ ຊີວິດການເປັນຢູ່ຂອງປະຊາຊົນກໍ່ດີຂື້ນຫຼາຍ ຖະໜົນຫົນທາງ ຕຶກອາຄານກໍ່ມີບ່ອນງາມໆ ທັນສະໄໝ ສະອາດງາມຕາ, ຄົນທ້ອງຖິ່ນພູມໃຈຫຼາຍທີ່ມຽນຢາງແມ່ນເມືອງທີ່ເປັນສວນແຫ່ງຊາດ ແຫ່ງທຳອິດຢູ່ພາກຕາເວັນຕົກທີ່ດ້ອຍພັດທະນາຂອງຈີນ, ດຽວນີ້ 40% ຂອງເຂດໃນເມືອງກໍ່ປົກຄຸມໄປດ້ວຍສີຂຽວຂອງຕົ້ນໄມ້ໃບຫຍ້າ ດຽວນີ້ທັງເປັນສວນອາກາດທີ່ທັນສະໄໝ ທັງເປັນເມືອງທີ່ສວຍງາມດ້ວຍທຳມະຊາດກໍ່ເລີຍດຶງດູດນັກທ່ອງທ່ຽວໄດ້ຫຼາຍອີກ! ຫໍພິພິທະພັນຂອງເມືອງທີ່ລົງທຶນສ້າງ 250 ລ້ານຢວນ ທີ່ເປັນບ່ອນສະແດງການປ້ອງກັນຊາດ, ລະເບີດອາຕອມ, ລະເບີດເຄມີ, ດາວທຽມ ແລະ ອື່ນໆທີ່ເປີດໃນປີ 2006 ກໍ່ໄດ້ຮັບຄວາມນິຍົມຈາກນັກທ່ອງທ່ຽວຈາກເຂດແຂວງອື່ນຂອງຈີນຫຼາຍ! ເອີ, ຟັງແລ້ວກໍ່ດີໃຈນຳປະຊາຊົນເມືອງ ມຽນຢາງເນາະ ຈາກທີ່ເຄີຍເປັນເມືອງນ້ອຍໆດ້ອຍພັດທະນາ ກາຍເປັນເມືອງທີ່ທັນສະໄໝ ຮັ່ງມີຍ້ອນສວນອາກາດໄຮເທັກ
ເພງ
ເລື່ອງທີສອງຂອງຄືນນີ້ຈະພາໄປຮູ້ກ່ຽວກັບຕຶກທີ່ກາຍເປັນຕຶກທີ່ສູງອັນດັບ 2 ຂອງຈີນ ແລະເປັນອັນດັບ 3 ຂອງໂລກທີ່ພວມສ້າງຢູ່ແຄມແມ່ນ້ຳ ຢັງຊີກຽງ ແຂວງ ຫູເປີຍ ປີ 2017 ກໍ່ຈະສຳເລັດແລ້ວ; ບາງທ່ານກໍ່ອາດຈະສົນໃຈວ່າເປັນຫຍັງຫຼາຍປະເທດມັກສ້າງຕຶກສູງແຂ່ງກັນ? ຄຳຕອບກໍ່ບໍ່ຍາກດັອກທ່ານຜູ້ຟັງ! ມັນແມ່ນສັນຍາລັກຂອງຜົນສຳເລັດຂອງການພັດທະນາຂອງປະເທດນັ້ນໆ! ປະເທດທຸກຊິປຸກຕຶກສູງໆຈັກເທື່ອເນາະ! ກໍ່ມີປະເທດຫຼືນະຄອນທີ່ຮັ່ງມີແລ້ວທໍ່ນັ້ນລະຈຶ່ງປຸກ ບໍລິສັດ ຫຼີຕີ້ຖວນ ອຸຮັ້ນ ຖະແຫຼງໃນເດືອນກຸມພາຜ່ານມານີ້ວ່າ: ທາງບໍລິສັດພວມສ້າງຕຶກສູງ 606 ແມັດ ໄລຍະນີ້ວິສະວະກອນພວມປັບປ່ຽນຂະໜາດຂອງຕຶກຫຼັງນີ້ໃຫ້ສູງກ່າວຕຶກທີ່ຕັ້ງຢູ່ໃຈກາງເມືອງຊຽງໄຮທີ່ສູງ 632 ແມັດ. ແລະກໍ່ອາດຈະກາຍເປັນຕຶກທີ່ສູງທີ່ສຸດໃນຈີນເລີຍ! ຕຶກທີ່ພວມສ້າງໃໝ່ຢູ່ແຂວງ ຫູເປີຍ ມີຊື່ວ່າ: ອູຮ້ານຫຼິວຕີ້ ເຊັນເຕີ້! ຈົ່ງຊິ່ນ ກໍ່ແປວ່າ ເຊັນເຕີ້ ຫັ້ນລະ! ແຂວງຫູເປີຍແມ່ນຕັ້ງຢູ່ທາງພາກກາງຂອງຈີນ ຄັນຕຶກນີ້ສ້າງແລ້ວກໍ່ຈະສູງທີ່ສຸກໃນພາກກາງ ດຽວນີ້ຢູ່ໃນຂັ້ນຕອນຂອງການຂຸດເຈາະຖານຂອງຕຶກຢູ່, ການສ້າງຕຶກນີ້ເພື່ອໃຫ້ຄົງທົນແຂງແຮງ ຕ້ອງໄດ້ຂຸດຂຸມຂອງຖານຂະໜາດໃຫຍ່ທີ່ສຸດໃນອາຊີ ທີ່ກ້ວາງເຖິງ 36.000 ຕາລາງແມັດ. ໃຫຍ່ກວ່າເດີ່ນເຕະບານ 5 ເດີ່ນພຸ້ນແລ້ວ ຄວາມເລິກຂອງຂຸມ 30 ແມັດ. ຝາແລະເສົາເຂັມກໍ່ຕ້ອງຝັງເລິກລົງໄປໃນດິນ 50 ກວ່າແມັດທັງຕ້ອງເສີມສິ່ງປ້ອງກັນນ້ຳຖ້ວມອີກ ທີ່ຖືວ່າເປັນວຽກກໍ່ສ້າງຂຸມຂອງຖານຕຶກທີ່ຍາກທີ່ສຸດບ່ອນໜຶ່ງຂອງໂລກເລີຍລະ! ຕຶກນີ້ຈະມີທັງໝົດ 119 ຊັ້ນ ແລະຢູ່ໃຕ້ດິນອີກ 6 ຊັ້ນ! ເວົ້າແລ້ວໃນໄລຍະຫຼັງໆມານີ້ ຍ້ອນວ່າຈີນປະສົບຜົນສຳເລັດໃນການພັດທະນາຫຼາຍ ຈຶ່ງມີຫຼາຍນະຄອນແຂ່ງຂັນກັນສ້າງຕຶກສູງໆ; ເພື່ອເປັນເອກະລັກແຫ່ງຜົນສຳເລັດໃນໂລກນີ້ມີຕຶກສູງທີ່ສຸດ 15 ຕຶກໃນນີ້ 9 ຕຶກແມ່ນຢູ່ຈີນ! ດຽວນີ້ຕຶກທີ່ສູງທີ່ສຸດໃນໂລກກໍ່ແມ່ນຕຶກ ເບີກາລີຟາ ທາວເວີ ຢູ່ປະເທດ…………..ສູງ 800 ແມັດ, ຮອງລົງມາກໍ່ແມ່ນຕຶກ ຊຽງໄຮເຊັນເຕີ ສູງ 632 ແມັດ. ຕຶກນີ້ໜຸ່ມໃຫຍ່ກໍ່ໄປເຫັນມາແລ້ວ ຕັ້ງຢູ່ແຄມແມ່ນ້ຳ ຫວງຜູ ທີ່ແບ່ງຊຽງໄຮອອກເປັນ 2 ເຂດ! ເປັນຕຶກທີ່ສູງຂື້ນໄປຮອດປາຍກໍ່ເປັນຮູຢູ່ກາງ ເບິ່ງແລ້ວຄືເຫຼັກໄຂແກ້ວເບຍນິລະ ທັນສະໄໝຫຼາຍ!
ເພງ
ຈົບ
ເພງ
ສອງເພງຈາກລາຍການຜ່ານໄປ ກໍ່ຫັວງວ່າຈະສ້າງຄວາມເບີກບານມ່ວນຊື່ນ ເຮັດໃຫ້ມິດລາຍການໄດ້ພັກຜ່ອນຢ່ອນໃຈຫຼັງວຽກງານໃນຕອນຫົວຄ່ຳແນວນີ້ໄດ້ດີສົມຄວນເນາະ! ກໍ່ຢ່າລືມຢາກຮູ້ເລື່ອງໃດກ່ຽວກັບເມືອງຈີນກໍ່ໂທເຂົ້າມາ 711477,………………. ຕຳນິສົ່ງຂ່າວມາແດ່ກະດີຄືກັນ! ຟັງເພງແລ້ວບັດນີ້ໜຸ່ມໃຫຍ່ກໍ່ຈະພາໄປເບິ່ງຜົນສຳເລັດຂອງສວນວິທະຍາສາດເຕັກໂນໂລຊີຢູ່ເມືອງ ມຽນຢາງ ແຂວງ ເສສວນ ທີ່ຕັ້ງຢູ່ທາງພາກຕາເວັນຕົກສຽງໃຕ້ຂອງຈີນ! ຄັນເວົ້າແລ້ວແຂວງເສສວນກໍ່ເປັນແຂວງໜຶ່ງໄດ໋ທີ່ຍັງທຸກຍາກດ້ອຍພັດທະນາຂອງຈີນ, ອັນນີ້ລະຄືຄວາມພະຍາຍາມຂອງພັກ-ລັດຖະບານຈີນ ເພື່ອຫຼຸດຊ່ອງຫວ່າງຂອງການພັດທະນາລະຫ່ວາງຕົວເມືອງກັບຊົນນະບົດ, ລະຫວ່າງເຂດແຂວງຂອງປະເທດໃຫ້ຫຍັບເຂົ້າໃກ້ກັນ! ບໍ່ໃຫ້ຫ່າງກັນຫຼາຍຄືຜ່ານມາ! ເລື່ອງການຫຼຸດຊ່ອງຫວ່າງລະຫວ່າງຕົວເມືອງແລະຊົນນະບົດ, ລະຫວ່າງຄວາມທຸກກັບຄວາມຮັ່ງນີ້ ເປັນເລື່ອງສຳຄັນໄດ໋ທ່ານຜູ້ຟັງ ຄັນລັດຖະບານປະເທດໃດເມີນເສີຍແລະປ່ອຍໃຫ້ຊ່ອງຫວ່າງນັບມື້ນັບກ້ວາງອອກແລ້ວ ບໍ່ດົນສິ່ງທີ່ຈະຕາມມາກໍ່ແມ່ນເລື່ອງຄວາມບໍ່ກົມກຽວປອງດອງກັນໃນສັງຄົມນິແລ້ວ! ທີ່ຈະນຳໄປສູ່ຄວາມສັບສົນວຸ້ນວາຍຂາດສະຖຽນລະພາບໃນສັງຄົມຈະເກີດຂື້ນແນ່ນອນ ບໍ່ໄວກໍ່ຊ້າ! ສະນັ້ນລັດຖະບານຈີນເພິ່ນກໍ່ທຸ້ມເທທຶນຮອນເຂົ້າພັດທະນາເຂດທີ່ດ້ອຍກ່ວາ ນັບມື້ນັບຫຼາຍຂື້ນ, ເສສວນກໍ່ຍັງເປັນແຂວງທຸກຄືເວົ້າຫັ້ນລະ ແລະ ເສສວນວິທະຍາສາດເຕັກໂນໂລຊີມຽນຢາງນີ້ກໍ່ແມ່ນຕົວຢ່າງໜຶ່ງຂອງຜົນສຳເລັດທີ່ດຶງການພັດທະນາໄປສູ່ຊົນນະບົດ, ບໍ່ແມ່ນໃຫ້ມາຈຸກຕົວກັນ ຫຸ້ມກັນ ແຫຍ້ກັນ ແຕ່ຢູ່ໃນຕົວເມືອງ! ລັດຖະບານຈີນເພິ່ນມີຈຸດປະສົງສ້າງເມືອງມຽນຢາງ ໃຫ້ກາຍເປັນສູນກາງແຫ່ງການພັດທະນາ ແຫ່ງການປ່ຽນແປງດ້ານວິທະຍາສາດເຕັກໂນໂລຊີລະດັບສາກົນພຸ້ນໄດ໋! ມຽນຢາງແມ່ນເປັນບ້ານຂອງສູນຄົ້ນຄວ້າແລະສະຖາບັນທາງດ້ານການປ້ອງກັນຊາດມາແຕ່ຊຸມປີ 1950 ພຸ້ນໄດ໋! ບໍ່ແມ່ນຫາກໍ່ຕັ້ງຂື້ນໄດ໋! ແຕ່ເກືອບ 50 ປິ ກໍ່ຍັງເປັນເມືອງນ້ອຍໆທີ່ດ້ອຍພັດທະນາຄືເກົ່າ ຍ້ອນບໍ່ມີທຶນຮອນນິລະ! ຈົນມາຮອດປີ 2000 ລັດຖະບານຈຶ່ງຕັດສິນໃຈສ້າງເມືອງນີ້ໃຫ້ເປັນເມືອງທີ່ອຸດົມສົມບູນໄປດ້ວຍຊັບພະຍາກອນທຳມະຊາດ ທາງວິທະຍາສາດແລະເຕັກໂນໂລຊີ ແລະສ້າງໃຫ້ເປັນແຫຼ່ງຜະລິດ ແຫຼ່ງຕະຫຼາດ! 11 ປີຫຼັງມານີ້ທີ່ທຸ້ມເທທັງທຶນຮອນ ສະຕິປັນຍາ ຈຶ່ງພົບຫົນທາງແຫ່ງຄວາມສຳເລັດຂອງການພັດທະນານັ້ນກໍ່ຄືການຫັນເຕັກໂນໂລຊີທາງການທະຫານອອກມານຳໃຊ້ອຸດສະຫະກຳດ້ານພົນລະເຮືອນ, ທ່ານ ຫຼິວເຈ ຮອງເຈົ້າແຂວງເສສວນບອກວ່າ: ນັບແຕ່ປີ 2009 ເປັນຕົ້ນມາລັດຖະບານໄດ້ລົງທຶນຫຼາຍ 10 ຕື້ຢວນ ເຂົ້າໃສ່ຫຼາຍກ່ວາພັນໂຄງການໃນເມືອງນີ້ ແລະໃນ 10 ປີກ່ວາມານີ້ມັນກໍ່ໄດ້ກາຍເປັນສວນອຸດສະຫະກຳທີ່ນຳໃຊ້ເຕັກໂນໂລຊີທີ່ທັນສະໄໝລ້ຳຍຸກ. ການເຕີບໂຕໂດຍສະເລ່ຍຂອງການລົງທຶນກໍ່ແມ່ນ 30.3% ຕໍ່ປີພຸ້ນລະ! ຟັງເພງກ່ອນເນາະແລ້ວຈະລົມສູ່ຟັງຕໍ່!
ເພງ
ມາລົມເຖິງສວນອຸດສະຫະກຳໄຮ-ເທັກຂອງເມືອງ ມຽນຢາງ ແຂວງ ເສສວນຕໍ່ເນາະ! ດຽວນີ້ຈຳນວນວິສະຫະກິດ ໂຮງຈັກໂຮງງານທັງຂອງຈີນເອງ ທັງຂອງທົ່ວໂລກທີ່ມາຕັ້ງໂຮງງານຢູ່ທີ່ແຂວງ ມຽນຢາງ ແຂ່ງຂັນກັນປົ່ງຂື້ນ ອັນນີ້ກໍ່ເປັນຜົນດີແກ່ການສ້າງວຽກເຮັດງານທຳໃຫ້ຄົນທ້ອງຖິ່ນເສດ ຖະກິດທ້ອງຖິ່ນກໍ່ດີຂື້ນນຳຢ່າງວ່ອງໄວ! ໂດຍສະເພາະຫຼັງປີ 2008 ທີ່ເກີດແຜ່ນດິນໄຫວຂະໜາດໃຫຍ່ຢູ່ເມືອງ ເວີນສ່ວນ ແຂວງ ເສສວນ; ສວນອຸດສະຫະກຳມຽນຢາງກໍ່ໄດ້ປະກອບສ່ວນຢ່າງໃຫຍ່ຫຼວງໃນການຟື້ນຟູຫຼັງນ້ຳຖ້ວມ! ບໍລິສັດຜະລິດເຄື່ອງໃຊ້ໄຟຟ້າ Emeson ຂອງ USA ກໍ່ເຂົ້າມາລົງທຶນຂະໜາດໃຫຍ່ຢູ່ນີ້ມາແຕ່ປີ 2009 ພຸ້ນ. ບໍລິສັດ Foxconn, ບໍລິສັດ Pulse Electronics, Sinotruck ແລະ BMW ທີ່ລ້ວນແຕ່ເປັນບໍລິສັດໃຫຍ່ລະດັບໂລກກໍ່ມາລົງທຶນຢູ່ນີ້. ບໍລິສັດຜະລິດເຄື່ອງໃຊ້ໄຟຟ້າ ຈ່າງຫົງ ຂອງເສສວນເອງກໍ່ຈ້າງຄົນງານທັງພາຍໃນແລະຕ່າງປະເທດຕັ້ງວ່າ 8 ໝື່ນຄົນ ໃນນີ້ເຄິ່ງໜຶ່ງແມ່ນຄົນມຽນຢາງເອງ. ປີ 2011 ບໍລິສັດນີ້ຂາຍຜະລິດຕະພັນໄດ້ຮອດ 11 ຕື້ກ່ວາໂດລາ! ນີ້ກໍ່ເປັນຕົວຢ່າງໜຶ່ງທີ່ດີ ທີ່ທັງຊ່ວຍສ້າງເສດຖະກິດທ້ອງຖິ່ນແລະທັງສ້າງວຽກເຮັດງານທຳໃຫ້ຄົນທ້ອງຖິ່ນໄດ້ຢ່າງຫຼວງຫຼາຍອີກ! ມັນກໍ່ຄວນເປັນແນວນີ້ເນາະທ່ານຜູ້ຟັງ! ໄປລົງທຶນຢູ່ໃສ? ເຮັດໂຮງງານຢູ່ໃສ? ຄົນທ້ອງຖິ່ນກໍ່ຄວນໄດ້ຮັບຜົນປະໂຫຍດ ເຂົາຈັ່ງດີໃຈ. ບໍ່ແມ່ນຊິຫອບເອົາຄົນໂຕມາເຮັດໝົດ ແລ້ວຊິໄດ້ຮັບການຮ່ວມໄມ້ຮ່ວມມື ອຳນວຍຄວາມສະດວກທີ່ດີຈາກຄົນທ້ອງຖິ່ນບໍ່ລະ? ລຸງ ຈີສຽວປິງ ທີ່ເປັນຄົນທ້ອງຖິ່ນຂອງເມືອງ ມຽນຢາງເກືອບ 50 ປີແລ້ວ ບອກວ່າ: ໃນຊຸມປີ 1990 ມຽນຢາງຂາດເຂີນສິ່ງອຳນວຍຄວາມສະດວກໃຫ້ປະຊາຊົນຫຼາຍອີ່ຫຼີ ເຂດສີຂຽວງາມໆກໍ່ບໍ່ມີ, ປະຊາຊົນສ່ວນຫຼາຍກໍ່ທຸກຍາກ ແຕ່ຍ້ອນມີສວນອາກາດນີ້ເຂົ້າມາກໍ່ຈຶ່ງເຮັດໃຫ້ມຽນຢາງພັດທະນາໄວຫຼາຍ ຊີວິດການເປັນຢູ່ຂອງປະຊາຊົນກໍ່ດີຂື້ນຫຼາຍ ຖະໜົນຫົນທາງ ຕຶກອາຄານກໍ່ມີບ່ອນງາມໆ ທັນສະໄໝ ສະອາດງາມຕາ, ຄົນທ້ອງຖິ່ນພູມໃຈຫຼາຍທີ່ມຽນຢາງແມ່ນເມືອງທີ່ເປັນສວນແຫ່ງຊາດ ແຫ່ງທຳອິດຢູ່ພາກຕາເວັນຕົກທີ່ດ້ອຍພັດທະນາຂອງຈີນ, ດຽວນີ້ 40% ຂອງເຂດໃນເມືອງກໍ່ປົກຄຸມໄປດ້ວຍສີຂຽວຂອງຕົ້ນໄມ້ໃບຫຍ້າ ດຽວນີ້ທັງເປັນສວນອາກາດທີ່ທັນສະໄໝ ທັງເປັນເມືອງທີ່ສວຍງາມດ້ວຍທຳມະຊາດກໍ່ເລີຍດຶງດູດນັກທ່ອງທ່ຽວໄດ້ຫຼາຍອີກ! ຫໍພິພິທະພັນຂອງເມືອງທີ່ລົງທຶນສ້າງ 250 ລ້ານຢວນ ທີ່ເປັນບ່ອນສະແດງການປ້ອງກັນຊາດ, ລະເບີດອາຕອມ, ລະເບີດເຄມີ, ດາວທຽມ ແລະ ອື່ນໆທີ່ເປີດໃນປີ 2006 ກໍ່ໄດ້ຮັບຄວາມນິຍົມຈາກນັກທ່ອງທ່ຽວຈາກເຂດແຂວງອື່ນຂອງຈີນຫຼາຍ! ເອີ, ຟັງແລ້ວກໍ່ດີໃຈນຳປະຊາຊົນເມືອງ ມຽນຢາງເນາະ ຈາກທີ່ເຄີຍເປັນເມືອງນ້ອຍໆດ້ອຍພັດທະນາ ກາຍເປັນເມືອງທີ່ທັນສະໄໝ ຮັ່ງມີຍ້ອນສວນອາກາດໄຮເທັກ
ເພງ
ເລື່ອງທີສອງຂອງຄືນນີ້ຈະພາໄປຮູ້ກ່ຽວກັບຕຶກທີ່ກາຍເປັນຕຶກທີ່ສູງອັນດັບ 2 ຂອງຈີນ ແລະເປັນອັນດັບ 3 ຂອງໂລກທີ່ພວມສ້າງຢູ່ແຄມແມ່ນ້ຳ ຢັງຊີກຽງ ແຂວງ ຫູເປີຍ ປີ 2017 ກໍ່ຈະສຳເລັດແລ້ວ; ບາງທ່ານກໍ່ອາດຈະສົນໃຈວ່າເປັນຫຍັງຫຼາຍປະເທດມັກສ້າງຕຶກສູງແຂ່ງກັນ? ຄຳຕອບກໍ່ບໍ່ຍາກດັອກທ່ານຜູ້ຟັງ! ມັນແມ່ນສັນຍາລັກຂອງຜົນສຳເລັດຂອງການພັດທະນາຂອງປະເທດນັ້ນໆ! ປະເທດທຸກຊິປຸກຕຶກສູງໆຈັກເທື່ອເນາະ! ກໍ່ມີປະເທດຫຼືນະຄອນທີ່ຮັ່ງມີແລ້ວທໍ່ນັ້ນລະຈຶ່ງປຸກ ບໍລິສັດ ຫຼີຕີ້ຖວນ ອຸຮັ້ນ ຖະແຫຼງໃນເດືອນກຸມພາຜ່ານມານີ້ວ່າ: ທາງບໍລິສັດພວມສ້າງຕຶກສູງ 606 ແມັດ ໄລຍະນີ້ວິສະວະກອນພວມປັບປ່ຽນຂະໜາດຂອງຕຶກຫຼັງນີ້ໃຫ້ສູງກ່າວຕຶກທີ່ຕັ້ງຢູ່ໃຈກາງເມືອງຊຽງໄຮທີ່ສູງ 632 ແມັດ. ແລະກໍ່ອາດຈະກາຍເປັນຕຶກທີ່ສູງທີ່ສຸດໃນຈີນເລີຍ! ຕຶກທີ່ພວມສ້າງໃໝ່ຢູ່ແຂວງ ຫູເປີຍ ມີຊື່ວ່າ: ອູຮ້ານຫຼິວຕີ້ ເຊັນເຕີ້! ຈົ່ງຊິ່ນ ກໍ່ແປວ່າ ເຊັນເຕີ້ ຫັ້ນລະ! ແຂວງຫູເປີຍແມ່ນຕັ້ງຢູ່ທາງພາກກາງຂອງຈີນ ຄັນຕຶກນີ້ສ້າງແລ້ວກໍ່ຈະສູງທີ່ສຸກໃນພາກກາງ ດຽວນີ້ຢູ່ໃນຂັ້ນຕອນຂອງການຂຸດເຈາະຖານຂອງຕຶກຢູ່, ການສ້າງຕຶກນີ້ເພື່ອໃຫ້ຄົງທົນແຂງແຮງ ຕ້ອງໄດ້ຂຸດຂຸມຂອງຖານຂະໜາດໃຫຍ່ທີ່ສຸດໃນອາຊີ ທີ່ກ້ວາງເຖິງ 36.000 ຕາລາງແມັດ. ໃຫຍ່ກວ່າເດີ່ນເຕະບານ 5 ເດີ່ນພຸ້ນແລ້ວ ຄວາມເລິກຂອງຂຸມ 30 ແມັດ. ຝາແລະເສົາເຂັມກໍ່ຕ້ອງຝັງເລິກລົງໄປໃນດິນ 50 ກວ່າແມັດທັງຕ້ອງເສີມສິ່ງປ້ອງກັນນ້ຳຖ້ວມອີກ ທີ່ຖືວ່າເປັນວຽກກໍ່ສ້າງຂຸມຂອງຖານຕຶກທີ່ຍາກທີ່ສຸດບ່ອນໜຶ່ງຂອງໂລກເລີຍລະ! ຕຶກນີ້ຈະມີທັງໝົດ 119 ຊັ້ນ ແລະຢູ່ໃຕ້ດິນອີກ 6 ຊັ້ນ! ເວົ້າແລ້ວໃນໄລຍະຫຼັງໆມານີ້ ຍ້ອນວ່າຈີນປະສົບຜົນສຳເລັດໃນການພັດທະນາຫຼາຍ ຈຶ່ງມີຫຼາຍນະຄອນແຂ່ງຂັນກັນສ້າງຕຶກສູງໆ; ເພື່ອເປັນເອກະລັກແຫ່ງຜົນສຳເລັດໃນໂລກນີ້ມີຕຶກສູງທີ່ສຸດ 15 ຕຶກໃນນີ້ 9 ຕຶກແມ່ນຢູ່ຈີນ! ດຽວນີ້ຕຶກທີ່ສູງທີ່ສຸດໃນໂລກກໍ່ແມ່ນຕຶກ ເບີກາລີຟາ ທາວເວີ ຢູ່ປະເທດ…………..ສູງ 800 ແມັດ, ຮອງລົງມາກໍ່ແມ່ນຕຶກ ຊຽງໄຮເຊັນເຕີ ສູງ 632 ແມັດ. ຕຶກນີ້ໜຸ່ມໃຫຍ່ກໍ່ໄປເຫັນມາແລ້ວ ຕັ້ງຢູ່ແຄມແມ່ນ້ຳ ຫວງຜູ ທີ່ແບ່ງຊຽງໄຮອອກເປັນ 2 ເຂດ! ເປັນຕຶກທີ່ສູງຂື້ນໄປຮອດປາຍກໍ່ເປັນຮູຢູ່ກາງ ເບິ່ງແລ້ວຄືເຫຼັກໄຂແກ້ວເບຍນິລະ ທັນສະໄໝຫຼາຍ!
ເພງ
ຈົບ
