ຕາເວັນຕົກໃສ່ຮ້າຍຈີນເລື່ອງສິດທິມະນຸດ
(GMT+08:00) 2012-04-26 15:35:33 cri
ສະບາຍດີມິດລາຍການເບິ່ງເມືອງຈີນຂອງ CRI FM 93Mhz. ທຸກທ່ານ! ພໍຮອດ 19 ໂມງທຸກມື້ໜຸ່ມໃຫຍ່ອາລົມດີກໍ່ນຳເອົາລາຍການນີ້ມາພົບກັບທ່ານເປັນປະຈຳບໍ່ໄດ້ຂາດ ສ່ວນຫຼາຍກໍ່ຈັດສົດ ມື້ໃດຄາວຽກກໍ່ຈຳເປັນແທ້ໆ ຫຼື ບໍ່ໄດ້ຢູ່ວຽງຈັນນິກໍ່ຈຶ່ງເປີດລາຍການທີ່ອັດໄວ້ລ່ວງໜ້າ! ແຕ່ຮັບຮອງວ່າທັງລາຍການສົດຫຼືລາຍການທີ່ອັດໄວ້ ກໍ່ຈະເຕັມໄປດ້ວຍສາລະຄວາມຮູ້ດ້ານຕ່າງໆທີ່ໜ້າສົນໃຈກ່ຽວກັບປະເທດຈີນ ບວກກັບເພງຈີນມ່ວນໆໄວ້ຄອຍຮັບໃຊ້ທ່ານທຸກຄືນໃນເວລານີ້ໄປຈົນຮອດ 19:50! ບອກຕາມຊື່ວ່າລາຍການນີ້ກໍ່ແມ່ນລາຍການອັດ ເພາະວ່າໜຸ່ມໃຫຍ່ຕິດທຸລະ ແຕ່ວ່າຄັນມິດລາຍການໂທເຂົ້າມາຫຼືສົ່ງຂໍ້ຄວາມສັ້ນເຂົ້າມາ ພວກເຮົາກໍ່ມີນ້ອງໜຸ່ງທີມງານ CRI ຫຼາຍຄົນຮັບໄວ້ໃຫ້ໜຸ່ມໃຫຍ່ຢູ່. ໂທເຂົ້າມາໂລດເດີ້ຢາກມີຄຳຄິດເຫັນ ຢາກຮູ້ເລື່ອງຫຍັງກ່ຽວກັບປະເທດຈີນ 711477,…………….ໄປອ່ານພໍ້ບົດຂຽນຂອງ ເສິງຊີ່ເວິນ ຜູ້ຊ່ຽວຊານດ້ານຄວາມສຳພັນສາກົນ ທີ່ໂຕ້ຕອບການບິດເບື່ອນໃສ່ຮ້າຍປ້າຍສີຕາເວັນຕົກ ທີ່ມີຕໍ່ສະພາບສິດທິມະນຸດໃນຈີນໃນໄລຍະຕົ້ນປີນີ້! ເອົາ, ຈັກໜ້ອຍຈັ່ງມາຟັງວ່າປະເທດຕາເວັນຕົກມັກໂຈມຕີດ້ານສິດທິມະນຸດແນວໃດ? ແລະທ່ານ ເສິງຊີ່ເວິນ ເພິ່ນຂຽນບົດຊີ້ແຈງອະທິບາຍເຫດຜົນແລະຕອບໂຕ້ຕາເວັນຕົກຄືແນວໃດ?
ເພງ
ຟັງເພງມ່ວນໆແລ້ວບັດນີ້ກໍ່ກັບເຂົ້າສູ່ເລື່ອງທີ່ປະເທດຕາເວັນຕົກບາງປະເທດມັກໂຈມຕີບັນຫາສິດທິມະນຸດໃນຈີນ. ທ່ານ ເສິງຊີ່ເວິນ ຜູ້ຊ່ຽວຊານດ້ານການພົວພັນສາກົນຂອງຈີນເພິ່ນຂຽນວ່າ: " ຄົນ 1 ຕື້ 3 ຮ້ອຍລ້ານຄົນ ຍ່ອມສຳຄັນກ່ວາຄົນ 13 ຄົນແນ່ນອນ " ຄົນທຳມະດາສາມັນທົ່ວໄປກໍ່ບໍ່ຍອມເຫັນດີກ່ຽວກັບເລື່ອງນີ້! ແຕ່ຕໍ່ສູ້ສິດທິມະນຸດບາງຄົນເພິ່ນບໍເຫັນດີກັບຄຳເວົ້ານີ້ ເພາະວ່ານັບແຕ່ຕົ້ນປີ 2012 ນີ້ມາ ມີນັກການເມືອງ, ນັກການທູດ ແລະ ຜູ້ສັງເກດການຂອງບາງປະເທດຕາເວັນຕົກໄດ້ອອກບົດລາຍງານກ່ຽວກັບຄົນຈີນບາງຄົນທີ່ໄດ້ຮັບຜົນກະທົບ. ແລະສະພາບສິດທິມະນຸດໃນຈີນ, ພວກເພິ່ນພາກັນເດົາ ພາກັນສັນນິຖານແບບສຸມ 4 ສຸມ 5 ເອົາວ່າ: ດຽວນີ້ຄົນຈີນສ່ວນຫຼາຍດຳລົງຊີວິດແບບທຸກຍາກລຳບາກ ແລະ ສຽງຮ້ອງໄຫ້ທຸກໂສກສາມາດໄດ້ຍິນຢູ່ທົ່ວທຸກແຫ່ງວ່າຊັ້ນ. ເຊິ່ງຕາມການກ່າວຫາຄາດເດົາຂອງພວກເຂົານີ້ມັນບໍ່ມີນ້ຳໜັກຫຍັງເລີຍ ແລະ ຫ່າງໄກຈາກຄວາມເປັນຈິງຂອງຊີວິດຄົນຈີນ 1 ຕື້ 300 ລ້ານຄົນຢ່າງຫຼວງຫຼາຍ! ການຂຽນບົດລາຍງານນີ້ຂອງພວກຕາເວັນຕົກນີ້ ຂຽນຂື້ນໂດຍລືມຄວາມຮູ້ສຶກທີ່ແທ້ຈິງຂອງຄົນຈີນແທ້ໆ ສ່ວນໃຫຍ່ໄປເລີຍແລ້ວມາຄາດເດົາຕັດສິນຕາມລຳພັງໃຈວ່າຄົນຈີນມີຄວາມສຸກຫຼືບໍ່? ທ່ານ ເສິງຊີ່ເວິນ ໄດ້ຍົກເອົາຜົນການສຳຫຼວດຂອງສູນສຳຫຼວດພິວທີ່ເຮັດຫວ່າງບໍ່ດົນມານີ້ຂື້ນມາອ້າງອີງວ່າ: ຄົນຈີນ 87% ຕອບວ່າ ເຂົາເຈົ້າພໍໃຈກັບທິດທາງເດີນຂອງຈີນ, ເກືອບ 2/3 ບອກວ່ວາ ຊີວິດຂອງເຂົາເຈົ້າດຽວນີ້ດີກ່ວາ 5 ປີກ່ອນຫຼາຍ ແລະ 74% ບອກວ່າເຂົາເຈົ້າເຫັນໄປໃນແງ່ດີອະນາຄົດ! ເວົ້າແລ້ວມັນກໍ່ຄ້າຍຄືກັບການສຳຫຼວດຫຼືການຢັ່ງຄວາມເຫັນອື່ນໆຫັ້ນລະ! ຜົນອອກມາມັນກໍ່ບໍ່ສາມາດຕາງໜ້າຄວາມຄິດເຫັນຄົນຈີນທຸກຄົນໄດ້ດັອກ, ແຕ່ຢ່າງໜ້ອຍເບິ່ງແລ້ວຄົນຈີນກໍ່ຍັງຮູ້ສຶກດີຕໍ່ຊີວິດຕໍ່ປະເທດຫຼາຍກ່ວາຄົນອາເມລິກາ ແລະ ຄົນເອີຣົບ ໃນການສຳຫຼວດອັນດຽວກັນນີ້. ແລະມັນເປັນຂອງທຳມະດາວ່າໃນຈຳນວນພົນລະເມືອງຈີນ 1 ຕື້ 300 ລ້ານຄົນມັນກໍ່ຕ້ອງມີຜູ້ໃດຜູ້ໜຶ່ງບໍ່ມີຄວາມສຸກ ແລະຈົ່ມວ່າກ່ຽວກັບຊີວິດການເປັນຢູ່, ລັດຖະບານຈີນກໍ່ຫວັງຢາກໃຫ້ຄົນຈີນມີຊີວິດທີ່ມີຄວາມສຸກ ແລະ ກໍ່ພວມພະຍາຍາມຢູ່ເພື່ອໃຫ້ໄກກ່ວາຈະໄປຮອດເປົ້າໝາຍນັ້ນ! ເອົາ, ຟັງເພງປ່ຽນບັນຍາກາດກ່ອນແລ້ວຈັ່ງກັບມາຟັງບົດຄວາມຂອງ ທ່ານ ເສິງຊີ່ເວິນ ທີ່ເພິ່ນຈະຍົກສະພາບຕົວຈິງບາງອັນຂອງປະເທດຕາເວັນຕົກບາງປະເທດມາສົມທຽບວ່າ ເຖິງວ່າເຂົາເຈົ້າເປັນປະເທດທີ່ພັດທະນາແລ້ວ ປະຊາຊົນເຂົາເຈົ້າຄວາມສຸກໝົດບໍ່?
ເພງ
ບັດນີ້ກໍ່ມາຟັງ ທ່ານ ເສິງຊີ່ເວິນ ເພິ່ນຍົກເອົາບາງສະພາບຂອງປະເທດຕາເວັນຕົກວ່າ ເຂົາເຈົ້າເປັນປະເທດທີ່ພັດທະນາແລ້ວ ປະຊາຊົນຂອງເຂົາເຈົ້າມີຄວາມສຸກໝົດບໍ່? ເພິ່ນວ່າຫຼາຍປະເທດພັດທະນາແລ້ວ ພົນລະເມືອງກໍ່ໜ້ອຍກ່ວາຈີນອີກ ຮັ່ງມີຫຼາຍອີກ ແຕ່ປານນັ້ນກໍ່ຍັງມີຫຼາຍບັນຫາຕ້ອງແກ້, ບັນຫາສັງຄົມບໍ່ຍຸດຕິທຳກໍ່ປະກົດອອກມາໃຫ້ເຫັນໃນສັງຄົມຕາເວັນຕົກ ເມື່ອກຳມະກອນຝຣັ່ງປະທ້ວງ, ເມື່ອຕາມທ້ອງຖະໜົນຂອງນະຄອນຫຼວງລອນດອນ ຂອງອັງກິດ ເກີດມີການຈາລະຈົນ ແລະ ເມື່ອປ້າຍແລະສຽງຮ້ອງ 99% ຕໍ່ 1% ດັງຂື້ນໃນການປະທ້ວງຢູ່ ວໍສະຕຣີດ ໃນອາເມລິກາ, ອັນນີ້ເປັນບາງປະກົດການເລັກໜ້ອຍທີ່ຍົກຂື້ນມາໃຫ້ເຫັນຊື່ໆ ຕົວຈິງມັນມີຫຼາຍກ່ວານັ້ນ. ບັດນີ້ມາເບິ່ງຢູ່ຈີນມີເຫດການໜຶ່ງ ເມື່ອເກີດຄວາມຂັດແຍ່ງດ້ານຜົນປະໂຫຍດທີ່ມີພຽງ 13 ຄົນເທົ່ານັ້ນ. ຄັນມາທຽບກັບຄົນ 1 ຕື້ 300 ລ້ານຄົນມັນກໍ່ປຽບເໝືອນ 0.1% ຕໍ່ 99.9% ຫຼື ທຽບເທົ່າຄົນກຸ່ມນ້ອຍໆ ຕໍ່ຄົນສ່ວນຫຼາຍຂອງປະເທດ ເພາະວ່າຈີນເປັນປະເທດທີ່ໃຫຍ່ແລະມີພົນລະເມືອງຫຼາຍມະຫາສານ ແຕ່ກ່ອນບໍ່ເຄີຍຍອມຮັບການສົ່ງເສີມໂຄງການໃຫຍ່ທີ່ທັນສະໄໝ ເມື່ອມາເຮັດແລ້ວກໍ່ເຮັດໃຫ້ປະຊາຊົນຫຼາຍຮ້ອຍລ້ານຄົນຫຼຸດພົ້ນຈາກຄວາມທຸກຍາກ ແລະ ການເຮັດໂຄງການທັນສະໄໝແລະໃຫຍ່ໂຕແນວນີ້ ມັນກໍ່ຍາກທີ່ຈະຖືກໃຈຂອງທຸກໆຄົນ ມີບາງອັນກໍ່ອາດຈະແຕະຕ້ອງສິດຜົນປະໂຫຍດຂອງບາງຄົນແດ່! ການເຮັດໃຫ້ປະຊາຊົນ 1 ຕື້ 300 ລ້ານຄົນມີຊີວິດທີ່ມີຄວາມສຸກນັ້ນຄືເປົ້າໝາຍສຸດທ້າຍຂອງຈີນ ແລະ ຖ້າສິ່ງນັ້ນມັນເປັນການປະກອບສ່ວນອັນໃຫຍ່ຫຼວງທີ່ສຸດຕໍ່ສັນຕິພາບແລະການພັດທະນາຂອງໂລກໃນ 30 ກ່ວາປີມານີ້, ເພາະວ່າຈີນໄດ້ຮັບຜົນສຳເລັດສູງເປັນປະຫວັດການແຕ່ກໍ່ຕ້ອງຈ່າຍທົດແທນຜົນສຳເລັດດ້ວຍລາຄາແພງ ບໍ່ວ່າຈະເປັນການເກີດມົນລະພິດທາງສະພາບແວດລ້ອມ, ສິ້ນເປືອງຊັບພະຍາກອນ ລວມທັງເກີດຜົນກະທົບດ້ານລົບຕໍ່ສິດທິຜົນປະໂຫຍດຕໍ່ບາງຄົນ ເຊິ່ງສິ່ງເຫຼົ່ານີ້ບັນຫາເຫຼົ່ານີ້ມັນກໍ່ເປັນເລື່ອງທຳມະດາທີ່ຕ້ອງເກີດຂື້ນ ເມື່ອມີການພັດທະນາ. ແຕ່ວ່າສິ່ງໜຶ່ງທີ່ບໍ່ຄວນລືມກໍ່ແມ່ນ ໃນປະຫວັດສາດແຫ່ງການພັດທະນາຕົວເອງຂອງຈີນ ແມ່ນຂາວສະອາດ ຄືຈີນບໍ່ໄດ້ໄປລັກປຸ້ນຈີ້ສະດົມຫຼືຍາດຊິງເອົາຂອງປະເທດອື່ນ ຫຼື ເຂົ້າຍຶດຄອງດິນແດນຂອງປະເທດອື່ນເປັນຫົວເມືອງຂື້ນ. ລະກະບໍ່ເຄີຍໄດ້ເຮັດການຄ້າທີ່ເອົາຄົນອະຟຣິກາມາເປັນຂ້າທາດ ລະກະບໍ່ເຄີຍເຂັນຂ້າຄົນອິນເດຍແດງ, ເມື່ອຈີນກ້າວຂື້ນມາທຽບທັນໃນລະດັບດຽວກັນໃນການພັດທະນາກັບປະເທດຕາເວັນຕົກແລ້ວ ແຕ່ຈີນກໍ່ເຮັດໃຫ້ດີກ່ວາ ທັງຈະເຮັດໃຫ້ເຫັນວ່າຈີນເຄົາລົບຕໍ່ສິດທິມະນຸດດີກ່ວາປະເທດຕາເວັນຕົກ. ເອີ, ຟັງເຫດຜົນ ຟັງສິ່ງອ້າງອີງຂອງ ທ່ານ ເສິງຊີ່ເວິນ ແລ້ວກໍ່ໜ້າຟັງໄດເນາະທ່ານຜູ້ຟັງ! ບໍ່ທັນໝົດໄດ໋ຍັງມີຫຼາຍອັນເປັນຕາຟັງອີກ ໂດຍສະເພາະສະພາບຂອງຄົນຈີນຕອນຍັງທຸກໆໃນອະດີດ ຕອນນັ້ນປະເທດຕາເວັນຕົກເຄີຍເອີ່ຍເຖິງສິດທິມະນຸດຂອງຈີນບໍ່? ຈັກໜ້ອຍກັບມາຟັງ!
ເພງ
ທ່ານ ເສິງຊີ່ເວິນ ໄດ້ຍົກເອົາເລື່ອງຂອງຈີນໃນອະດີດຂື້ນມາອ້າງເຫດອ້າງຜົນເລື່ອງສິດທິມະນຸດ! ເພິ່ນວ່າ: ໃນອະດີດຕອນທີ່ປະເທດຈີນຕົກທຸກໄດ້ຍາກ ປະຊາຊົນເກືອບທຸກຄົນບໍ່ມີຮອດເຮືອນຊິຢູ່ ບໍ່ມີເຄື່ອງຊິນຸ່ງ ຫຼາຍຄົນກໍ່ຕາຍຍ້ອນຄວາມອຶດຫິວ ຍ້ອນເຈັບປ່ວຍຈາກໂລກພະຍາດ ຕອນນັ້ນສິດພື້ນຖານໃນການຢູ່ລອດຂອງປະຊາຊົນຈີນກໍ່ບໍ່ໄດ້ຮັບການປົກປ້ອງເລີຍ ແລ້ວເປັນຫຍັງຕອນນັ້ນບັນດາປະເທດຕາເວັນຕົກຈຶ່ງບໍ່ສະແດງຄວາມເຫັນໃຈ ອີ່ຕົນສົງສານ ຫຼື ໃຫ້ຄວາມສົນໃຈເລີຍ! ບາດດຽວນີ້ຄົນຈີນພວມຮັ່ງມີ ຢູ່ດີ ຊີວິດການເປັນຢູ່ພວມດີຂື້ນ ດີຂື້ນ ຄົນຕາເວັນຕົກບາງຄົນຊ້ຳພັດອອກມາທຳທ່າສັງແດງຄວາມວິຕົກກັງວົນຕໍ່ເລື່ອງສິດທິມະນຸດຂອງຈີນ ບໍ່ພໍທໍ່ໃດຄົນແບບຄືວ່າ: " ອີຕົນສົງສານ ເປັນຫ່ວງເອົາແທ້ເອົາວ່າ " ເບິ່ງແລ້ວເປັນການກະທຳທີ່ເຂົ້າໃຈຍາກຫຼາຍວ່າຄົນຕາເວັນຕົກບາງຄົນພວມຄິດຫຍັງຢູ່? ຄັນປະເທດຕາເວັນຕົກໃຫ້ຄວາມສົນອົກສົນໃຈກ່ຽວກັບເລື່ອງສິດທິມະນຸດແທ້ກໍ່ຄວນຈັດການກັບບັນຫາຂອງປະເທດຕົນເອງໃຫ້ໄດ້ດີກ່ອນ ສະແດງໃຫ້ເຫັນແຈ້ງຂື້ນເບິ່ງດຸວ່າ ເປັນຫ່ວງສິດ ແລະ ຜົນປະໂຫຍດຂອງຜູ້ປະທ້ວງໃນຝຣັ່ງ ຫຼື ຄວາມທຸກທໍລະມານຂອງຄົນລອນດອນ ແລະ ໄປຊ່ວຍສົມກັບປະເທດມະຫາອຳນາດໃຫຍ່ກ່ວານັ້ນແດ່ວ່າ ເຊົາສະທີ່ໄປເລາະໃຊ້ຄວາມຮຸນແຮງເຂັ່ນຂ້າປະຊາຊົນຕາດຳໆຂອງປະເທດອື່ນ. ຄັນປະເທດຕາເວັນຕົກບາງປະເທດເປັນຫ່ວງສົນໃຈກ່ຽວກັບບັນຫາສິດທິມະນຸດຢູ່ຈີນແທ້ ກໍ່ຄວນສັງເກດເບິ່ງຢ່າງລະມັດລະວັງກວ່າເກົ່າກ່ຽວກັບຊີວິດຕົວຈິງຂອງຄົນຈີນ 1 ຕື້ 300 ລ້ານຄົນ. ແລະເວລາເວົ້າເຖິງ ເລື່ອງສິດທິມະນຸດຢູ່ຈີນ ກໍ່ຄວນເວົ້າດ້ວຍທ່າທີສ້າງສັນແລະຮ່ວມມືກັນຂື້ນກ່ວານີ້ ມີແຕ່ເຮັດແບບນີ້ປະເທດຕາເວັນຕົກຈຶ່ງຈະເຮັດໃຫ້ຄົນຈີນສ່ວນໃຫຍ່ເຄົາລົບ ແລະ ເປັນມິດກັບຈີນແທ້ໆ ແລະຈີນກໍ່ບໍ່ເຄີຍຢ້ານທີ່ຈະລົມເຖິງເລື່ອງສິດທິມະນຸດ ແຕ່ການເວົ້າລົມປຶກສາຫາລືກັນຈະເກີດຂື້ນໄດ້ກໍຕໍ່ເມື່ອຕ່າງຝ່າຍຕ່າງເຄົາລົບເຊິ່ງກັນແລະກັນ! ເອົາ, ອັນນີ້ແມ່ນໜຸ່ມໃຫຍ່ຄັດຈ້ອນເອົາເນື້ອໃນບົດຂຽນຂອງທ່ານ ເສິງຊີ່ເວິນ ຜູ້ຊ່ຽວຊານດ້ານຄວາມສຳພັນສາກົນທີ່ພິມລົງໃນໜັງສືພິມຈີນລາຍວັນ ກ່ຽວກັບກໍລະນີທີ່ມີນັກການເມືອງ ນັກການທູດ ນັກສັງເກດການ ຂອງຕາເວັນຕົກບາງຄົນທີ່ເຜີຍແຜ່ບົດລາຍງານ ຫຼື ມີຄຳເຫັນວິພາກວິຈານກ່ຽວກັບເລື່ອງສິດທິມະນຸດຢູ່ຈີນໃນຕົ້ນປີນີ້! ກໍ່ເປັນການຂຽນບົດແບບລັກສະນະຊີ້ແຈງອະທິບາຍ ຍົກເຫດຍົກຜົນຂື້ນມາອ້າງອີງ ທີ່ເປັນຕາຟັງໄດ໋ເນາະທ່ານຜູ້ຟັງ! ເອົາ, ຟັງເພງປ່ຽນບັນຍາກາດກ່ອນບັດນີ້!
ເພງ
ຕາມທັດສະນາສ່ວນຕົວຂອງໜຸ່ມໃຫຍ່ແລ້ວ ເວົ້າເຖິງເລື່ອງສິດທິມະນຸດ ເວົ້າເຖິງເລື່ອງປະຊາທິປະໄຕແລ້ວ ໝົດໂລກຈະເອົາມາດຕະການດຽວກັນມານຳໃຊ້ໃນທຸກໆປະເທດມັນເປັນໄປບໍ່ໄດ້ດັອກແມ່ນບໍ່ທ່ານຜູ້ຟັງ? ເພາະວ່າແຕ່ລະປະເທດມັນກໍ່ມີປະຫວັດສາດທີ່ມີມາ ມີວັດທະນະທຳຮີດຄອງປະເພນີ ມີສາສະໜາ ມີຄວາມເຊື່ອຖື ມີຄວາມຄິດ ມີສະພາບແວດລ້ອມຕົວຈິງແຕກຕ່າງກັນ ຕັ້ງຢູ່ໄກກັນທໍ່ໃດຍິ່ງຕ່າງກັນຫຼາຍເທົ່ານັ້ນ ແລ້ວຈະເອົາມາດຕະຖານດຽວຂອງສິດທິມະນຸດ ຫຼື ປະຊາທິປະໄຕມາໃຊ້ໃຫ້ມັນຄືກັນໝົດກໍ່ບໍ່ໄດ້ແລ້ວ, ກໍ່ຍ້ອນວ່າມີບາງປະເທດໃຫຍ່ ມີຄວາມເຂັ້ມແຂງ ມີອຳນາດຫຼາຍກ່ວາຜູ້ອື່ນ ແລ້ວ ຄິດວ່າ ສິດທິມະນຸດຫຼືປະຊາທິປະໄຕຂອງບ້ານຕົນເອງຖືກໝົດ ແລ້ວກໍ່ໄປເລາະຍັດໃຫ້ປະເທດນັ້ນປະເທດນີ້ທີ່ນ້ອຍກ່າວ ອອ່ນແອກ່ວາເຮັດຕາມ ຄັນເຂົາເຈົ້າບໍ່ເຫັນດີບໍ່ຍອມ ກໍ່ວ່າປະເທດນັ້ນບໍ່ມີສິດທິມະນຸດ ບໍ່ມີປະຊາທິປະໄຕ ແລ້ວກໍ່ຫາວິທີແຊກແຊງໂຄ່ນລົ້ມໄດ໋ບາດນິ! ອັນນີ້ລະເປັນສາເຫດທີ່ເຮັດໃຫ້ໂລກບໍ່ມີຄວາມສະຫງົບແຕ່ອະດີດ ຈົນຮອດດຽວນີ້ ແລະຍັງຈະສືບຕໍ່ມີຄວາມຂັດແຍ່ງ ມີສົງຄາມກັນຕໍ່ໄປອີກດົນ! ໜຸ່ມໃຫຍ່ຄິດວ່າ ຄັນໂລກນີ້ຢູ້ຮ່ວມກັນໂດຍການຮູ້ຍອມຮັບ ແລະ ເຄົາລົບຄວາມແຕກຕ່າງຂອງກັນແລະກັນແລ້ວ ໂລກນີ້ຈະມີຄວາມສະຫງົບຜາສຸກກ່ວານີ້ຫຼາຍເທົ່າ, ກໍ່ໄດ້ແຕ່ຫັວງວ່າຜູ້ນຳຫຼືນັກການເມືອງຂອງປະເທດໃຫ່ຍໆຈະເຂົ້າໃຈແລະຍອມຮັບຈຸດນີ້ໃນມື້ໃດມື້ໜຶ່ງທໍ່ນັ້ນລະ!
ເພງ
ຈົບ
ເພງ
ຟັງເພງມ່ວນໆແລ້ວບັດນີ້ກໍ່ກັບເຂົ້າສູ່ເລື່ອງທີ່ປະເທດຕາເວັນຕົກບາງປະເທດມັກໂຈມຕີບັນຫາສິດທິມະນຸດໃນຈີນ. ທ່ານ ເສິງຊີ່ເວິນ ຜູ້ຊ່ຽວຊານດ້ານການພົວພັນສາກົນຂອງຈີນເພິ່ນຂຽນວ່າ: " ຄົນ 1 ຕື້ 3 ຮ້ອຍລ້ານຄົນ ຍ່ອມສຳຄັນກ່ວາຄົນ 13 ຄົນແນ່ນອນ " ຄົນທຳມະດາສາມັນທົ່ວໄປກໍ່ບໍ່ຍອມເຫັນດີກ່ຽວກັບເລື່ອງນີ້! ແຕ່ຕໍ່ສູ້ສິດທິມະນຸດບາງຄົນເພິ່ນບໍເຫັນດີກັບຄຳເວົ້ານີ້ ເພາະວ່ານັບແຕ່ຕົ້ນປີ 2012 ນີ້ມາ ມີນັກການເມືອງ, ນັກການທູດ ແລະ ຜູ້ສັງເກດການຂອງບາງປະເທດຕາເວັນຕົກໄດ້ອອກບົດລາຍງານກ່ຽວກັບຄົນຈີນບາງຄົນທີ່ໄດ້ຮັບຜົນກະທົບ. ແລະສະພາບສິດທິມະນຸດໃນຈີນ, ພວກເພິ່ນພາກັນເດົາ ພາກັນສັນນິຖານແບບສຸມ 4 ສຸມ 5 ເອົາວ່າ: ດຽວນີ້ຄົນຈີນສ່ວນຫຼາຍດຳລົງຊີວິດແບບທຸກຍາກລຳບາກ ແລະ ສຽງຮ້ອງໄຫ້ທຸກໂສກສາມາດໄດ້ຍິນຢູ່ທົ່ວທຸກແຫ່ງວ່າຊັ້ນ. ເຊິ່ງຕາມການກ່າວຫາຄາດເດົາຂອງພວກເຂົານີ້ມັນບໍ່ມີນ້ຳໜັກຫຍັງເລີຍ ແລະ ຫ່າງໄກຈາກຄວາມເປັນຈິງຂອງຊີວິດຄົນຈີນ 1 ຕື້ 300 ລ້ານຄົນຢ່າງຫຼວງຫຼາຍ! ການຂຽນບົດລາຍງານນີ້ຂອງພວກຕາເວັນຕົກນີ້ ຂຽນຂື້ນໂດຍລືມຄວາມຮູ້ສຶກທີ່ແທ້ຈິງຂອງຄົນຈີນແທ້ໆ ສ່ວນໃຫຍ່ໄປເລີຍແລ້ວມາຄາດເດົາຕັດສິນຕາມລຳພັງໃຈວ່າຄົນຈີນມີຄວາມສຸກຫຼືບໍ່? ທ່ານ ເສິງຊີ່ເວິນ ໄດ້ຍົກເອົາຜົນການສຳຫຼວດຂອງສູນສຳຫຼວດພິວທີ່ເຮັດຫວ່າງບໍ່ດົນມານີ້ຂື້ນມາອ້າງອີງວ່າ: ຄົນຈີນ 87% ຕອບວ່າ ເຂົາເຈົ້າພໍໃຈກັບທິດທາງເດີນຂອງຈີນ, ເກືອບ 2/3 ບອກວ່ວາ ຊີວິດຂອງເຂົາເຈົ້າດຽວນີ້ດີກ່ວາ 5 ປີກ່ອນຫຼາຍ ແລະ 74% ບອກວ່າເຂົາເຈົ້າເຫັນໄປໃນແງ່ດີອະນາຄົດ! ເວົ້າແລ້ວມັນກໍ່ຄ້າຍຄືກັບການສຳຫຼວດຫຼືການຢັ່ງຄວາມເຫັນອື່ນໆຫັ້ນລະ! ຜົນອອກມາມັນກໍ່ບໍ່ສາມາດຕາງໜ້າຄວາມຄິດເຫັນຄົນຈີນທຸກຄົນໄດ້ດັອກ, ແຕ່ຢ່າງໜ້ອຍເບິ່ງແລ້ວຄົນຈີນກໍ່ຍັງຮູ້ສຶກດີຕໍ່ຊີວິດຕໍ່ປະເທດຫຼາຍກ່ວາຄົນອາເມລິກາ ແລະ ຄົນເອີຣົບ ໃນການສຳຫຼວດອັນດຽວກັນນີ້. ແລະມັນເປັນຂອງທຳມະດາວ່າໃນຈຳນວນພົນລະເມືອງຈີນ 1 ຕື້ 300 ລ້ານຄົນມັນກໍ່ຕ້ອງມີຜູ້ໃດຜູ້ໜຶ່ງບໍ່ມີຄວາມສຸກ ແລະຈົ່ມວ່າກ່ຽວກັບຊີວິດການເປັນຢູ່, ລັດຖະບານຈີນກໍ່ຫວັງຢາກໃຫ້ຄົນຈີນມີຊີວິດທີ່ມີຄວາມສຸກ ແລະ ກໍ່ພວມພະຍາຍາມຢູ່ເພື່ອໃຫ້ໄກກ່ວາຈະໄປຮອດເປົ້າໝາຍນັ້ນ! ເອົາ, ຟັງເພງປ່ຽນບັນຍາກາດກ່ອນແລ້ວຈັ່ງກັບມາຟັງບົດຄວາມຂອງ ທ່ານ ເສິງຊີ່ເວິນ ທີ່ເພິ່ນຈະຍົກສະພາບຕົວຈິງບາງອັນຂອງປະເທດຕາເວັນຕົກບາງປະເທດມາສົມທຽບວ່າ ເຖິງວ່າເຂົາເຈົ້າເປັນປະເທດທີ່ພັດທະນາແລ້ວ ປະຊາຊົນເຂົາເຈົ້າຄວາມສຸກໝົດບໍ່?
ເພງ
ບັດນີ້ກໍ່ມາຟັງ ທ່ານ ເສິງຊີ່ເວິນ ເພິ່ນຍົກເອົາບາງສະພາບຂອງປະເທດຕາເວັນຕົກວ່າ ເຂົາເຈົ້າເປັນປະເທດທີ່ພັດທະນາແລ້ວ ປະຊາຊົນຂອງເຂົາເຈົ້າມີຄວາມສຸກໝົດບໍ່? ເພິ່ນວ່າຫຼາຍປະເທດພັດທະນາແລ້ວ ພົນລະເມືອງກໍ່ໜ້ອຍກ່ວາຈີນອີກ ຮັ່ງມີຫຼາຍອີກ ແຕ່ປານນັ້ນກໍ່ຍັງມີຫຼາຍບັນຫາຕ້ອງແກ້, ບັນຫາສັງຄົມບໍ່ຍຸດຕິທຳກໍ່ປະກົດອອກມາໃຫ້ເຫັນໃນສັງຄົມຕາເວັນຕົກ ເມື່ອກຳມະກອນຝຣັ່ງປະທ້ວງ, ເມື່ອຕາມທ້ອງຖະໜົນຂອງນະຄອນຫຼວງລອນດອນ ຂອງອັງກິດ ເກີດມີການຈາລະຈົນ ແລະ ເມື່ອປ້າຍແລະສຽງຮ້ອງ 99% ຕໍ່ 1% ດັງຂື້ນໃນການປະທ້ວງຢູ່ ວໍສະຕຣີດ ໃນອາເມລິກາ, ອັນນີ້ເປັນບາງປະກົດການເລັກໜ້ອຍທີ່ຍົກຂື້ນມາໃຫ້ເຫັນຊື່ໆ ຕົວຈິງມັນມີຫຼາຍກ່ວານັ້ນ. ບັດນີ້ມາເບິ່ງຢູ່ຈີນມີເຫດການໜຶ່ງ ເມື່ອເກີດຄວາມຂັດແຍ່ງດ້ານຜົນປະໂຫຍດທີ່ມີພຽງ 13 ຄົນເທົ່ານັ້ນ. ຄັນມາທຽບກັບຄົນ 1 ຕື້ 300 ລ້ານຄົນມັນກໍ່ປຽບເໝືອນ 0.1% ຕໍ່ 99.9% ຫຼື ທຽບເທົ່າຄົນກຸ່ມນ້ອຍໆ ຕໍ່ຄົນສ່ວນຫຼາຍຂອງປະເທດ ເພາະວ່າຈີນເປັນປະເທດທີ່ໃຫຍ່ແລະມີພົນລະເມືອງຫຼາຍມະຫາສານ ແຕ່ກ່ອນບໍ່ເຄີຍຍອມຮັບການສົ່ງເສີມໂຄງການໃຫຍ່ທີ່ທັນສະໄໝ ເມື່ອມາເຮັດແລ້ວກໍ່ເຮັດໃຫ້ປະຊາຊົນຫຼາຍຮ້ອຍລ້ານຄົນຫຼຸດພົ້ນຈາກຄວາມທຸກຍາກ ແລະ ການເຮັດໂຄງການທັນສະໄໝແລະໃຫຍ່ໂຕແນວນີ້ ມັນກໍ່ຍາກທີ່ຈະຖືກໃຈຂອງທຸກໆຄົນ ມີບາງອັນກໍ່ອາດຈະແຕະຕ້ອງສິດຜົນປະໂຫຍດຂອງບາງຄົນແດ່! ການເຮັດໃຫ້ປະຊາຊົນ 1 ຕື້ 300 ລ້ານຄົນມີຊີວິດທີ່ມີຄວາມສຸກນັ້ນຄືເປົ້າໝາຍສຸດທ້າຍຂອງຈີນ ແລະ ຖ້າສິ່ງນັ້ນມັນເປັນການປະກອບສ່ວນອັນໃຫຍ່ຫຼວງທີ່ສຸດຕໍ່ສັນຕິພາບແລະການພັດທະນາຂອງໂລກໃນ 30 ກ່ວາປີມານີ້, ເພາະວ່າຈີນໄດ້ຮັບຜົນສຳເລັດສູງເປັນປະຫວັດການແຕ່ກໍ່ຕ້ອງຈ່າຍທົດແທນຜົນສຳເລັດດ້ວຍລາຄາແພງ ບໍ່ວ່າຈະເປັນການເກີດມົນລະພິດທາງສະພາບແວດລ້ອມ, ສິ້ນເປືອງຊັບພະຍາກອນ ລວມທັງເກີດຜົນກະທົບດ້ານລົບຕໍ່ສິດທິຜົນປະໂຫຍດຕໍ່ບາງຄົນ ເຊິ່ງສິ່ງເຫຼົ່ານີ້ບັນຫາເຫຼົ່ານີ້ມັນກໍ່ເປັນເລື່ອງທຳມະດາທີ່ຕ້ອງເກີດຂື້ນ ເມື່ອມີການພັດທະນາ. ແຕ່ວ່າສິ່ງໜຶ່ງທີ່ບໍ່ຄວນລືມກໍ່ແມ່ນ ໃນປະຫວັດສາດແຫ່ງການພັດທະນາຕົວເອງຂອງຈີນ ແມ່ນຂາວສະອາດ ຄືຈີນບໍ່ໄດ້ໄປລັກປຸ້ນຈີ້ສະດົມຫຼືຍາດຊິງເອົາຂອງປະເທດອື່ນ ຫຼື ເຂົ້າຍຶດຄອງດິນແດນຂອງປະເທດອື່ນເປັນຫົວເມືອງຂື້ນ. ລະກະບໍ່ເຄີຍໄດ້ເຮັດການຄ້າທີ່ເອົາຄົນອະຟຣິກາມາເປັນຂ້າທາດ ລະກະບໍ່ເຄີຍເຂັນຂ້າຄົນອິນເດຍແດງ, ເມື່ອຈີນກ້າວຂື້ນມາທຽບທັນໃນລະດັບດຽວກັນໃນການພັດທະນາກັບປະເທດຕາເວັນຕົກແລ້ວ ແຕ່ຈີນກໍ່ເຮັດໃຫ້ດີກ່ວາ ທັງຈະເຮັດໃຫ້ເຫັນວ່າຈີນເຄົາລົບຕໍ່ສິດທິມະນຸດດີກ່ວາປະເທດຕາເວັນຕົກ. ເອີ, ຟັງເຫດຜົນ ຟັງສິ່ງອ້າງອີງຂອງ ທ່ານ ເສິງຊີ່ເວິນ ແລ້ວກໍ່ໜ້າຟັງໄດເນາະທ່ານຜູ້ຟັງ! ບໍ່ທັນໝົດໄດ໋ຍັງມີຫຼາຍອັນເປັນຕາຟັງອີກ ໂດຍສະເພາະສະພາບຂອງຄົນຈີນຕອນຍັງທຸກໆໃນອະດີດ ຕອນນັ້ນປະເທດຕາເວັນຕົກເຄີຍເອີ່ຍເຖິງສິດທິມະນຸດຂອງຈີນບໍ່? ຈັກໜ້ອຍກັບມາຟັງ!
ເພງ
ທ່ານ ເສິງຊີ່ເວິນ ໄດ້ຍົກເອົາເລື່ອງຂອງຈີນໃນອະດີດຂື້ນມາອ້າງເຫດອ້າງຜົນເລື່ອງສິດທິມະນຸດ! ເພິ່ນວ່າ: ໃນອະດີດຕອນທີ່ປະເທດຈີນຕົກທຸກໄດ້ຍາກ ປະຊາຊົນເກືອບທຸກຄົນບໍ່ມີຮອດເຮືອນຊິຢູ່ ບໍ່ມີເຄື່ອງຊິນຸ່ງ ຫຼາຍຄົນກໍ່ຕາຍຍ້ອນຄວາມອຶດຫິວ ຍ້ອນເຈັບປ່ວຍຈາກໂລກພະຍາດ ຕອນນັ້ນສິດພື້ນຖານໃນການຢູ່ລອດຂອງປະຊາຊົນຈີນກໍ່ບໍ່ໄດ້ຮັບການປົກປ້ອງເລີຍ ແລ້ວເປັນຫຍັງຕອນນັ້ນບັນດາປະເທດຕາເວັນຕົກຈຶ່ງບໍ່ສະແດງຄວາມເຫັນໃຈ ອີ່ຕົນສົງສານ ຫຼື ໃຫ້ຄວາມສົນໃຈເລີຍ! ບາດດຽວນີ້ຄົນຈີນພວມຮັ່ງມີ ຢູ່ດີ ຊີວິດການເປັນຢູ່ພວມດີຂື້ນ ດີຂື້ນ ຄົນຕາເວັນຕົກບາງຄົນຊ້ຳພັດອອກມາທຳທ່າສັງແດງຄວາມວິຕົກກັງວົນຕໍ່ເລື່ອງສິດທິມະນຸດຂອງຈີນ ບໍ່ພໍທໍ່ໃດຄົນແບບຄືວ່າ: " ອີຕົນສົງສານ ເປັນຫ່ວງເອົາແທ້ເອົາວ່າ " ເບິ່ງແລ້ວເປັນການກະທຳທີ່ເຂົ້າໃຈຍາກຫຼາຍວ່າຄົນຕາເວັນຕົກບາງຄົນພວມຄິດຫຍັງຢູ່? ຄັນປະເທດຕາເວັນຕົກໃຫ້ຄວາມສົນອົກສົນໃຈກ່ຽວກັບເລື່ອງສິດທິມະນຸດແທ້ກໍ່ຄວນຈັດການກັບບັນຫາຂອງປະເທດຕົນເອງໃຫ້ໄດ້ດີກ່ອນ ສະແດງໃຫ້ເຫັນແຈ້ງຂື້ນເບິ່ງດຸວ່າ ເປັນຫ່ວງສິດ ແລະ ຜົນປະໂຫຍດຂອງຜູ້ປະທ້ວງໃນຝຣັ່ງ ຫຼື ຄວາມທຸກທໍລະມານຂອງຄົນລອນດອນ ແລະ ໄປຊ່ວຍສົມກັບປະເທດມະຫາອຳນາດໃຫຍ່ກ່ວານັ້ນແດ່ວ່າ ເຊົາສະທີ່ໄປເລາະໃຊ້ຄວາມຮຸນແຮງເຂັ່ນຂ້າປະຊາຊົນຕາດຳໆຂອງປະເທດອື່ນ. ຄັນປະເທດຕາເວັນຕົກບາງປະເທດເປັນຫ່ວງສົນໃຈກ່ຽວກັບບັນຫາສິດທິມະນຸດຢູ່ຈີນແທ້ ກໍ່ຄວນສັງເກດເບິ່ງຢ່າງລະມັດລະວັງກວ່າເກົ່າກ່ຽວກັບຊີວິດຕົວຈິງຂອງຄົນຈີນ 1 ຕື້ 300 ລ້ານຄົນ. ແລະເວລາເວົ້າເຖິງ ເລື່ອງສິດທິມະນຸດຢູ່ຈີນ ກໍ່ຄວນເວົ້າດ້ວຍທ່າທີສ້າງສັນແລະຮ່ວມມືກັນຂື້ນກ່ວານີ້ ມີແຕ່ເຮັດແບບນີ້ປະເທດຕາເວັນຕົກຈຶ່ງຈະເຮັດໃຫ້ຄົນຈີນສ່ວນໃຫຍ່ເຄົາລົບ ແລະ ເປັນມິດກັບຈີນແທ້ໆ ແລະຈີນກໍ່ບໍ່ເຄີຍຢ້ານທີ່ຈະລົມເຖິງເລື່ອງສິດທິມະນຸດ ແຕ່ການເວົ້າລົມປຶກສາຫາລືກັນຈະເກີດຂື້ນໄດ້ກໍຕໍ່ເມື່ອຕ່າງຝ່າຍຕ່າງເຄົາລົບເຊິ່ງກັນແລະກັນ! ເອົາ, ອັນນີ້ແມ່ນໜຸ່ມໃຫຍ່ຄັດຈ້ອນເອົາເນື້ອໃນບົດຂຽນຂອງທ່ານ ເສິງຊີ່ເວິນ ຜູ້ຊ່ຽວຊານດ້ານຄວາມສຳພັນສາກົນທີ່ພິມລົງໃນໜັງສືພິມຈີນລາຍວັນ ກ່ຽວກັບກໍລະນີທີ່ມີນັກການເມືອງ ນັກການທູດ ນັກສັງເກດການ ຂອງຕາເວັນຕົກບາງຄົນທີ່ເຜີຍແຜ່ບົດລາຍງານ ຫຼື ມີຄຳເຫັນວິພາກວິຈານກ່ຽວກັບເລື່ອງສິດທິມະນຸດຢູ່ຈີນໃນຕົ້ນປີນີ້! ກໍ່ເປັນການຂຽນບົດແບບລັກສະນະຊີ້ແຈງອະທິບາຍ ຍົກເຫດຍົກຜົນຂື້ນມາອ້າງອີງ ທີ່ເປັນຕາຟັງໄດ໋ເນາະທ່ານຜູ້ຟັງ! ເອົາ, ຟັງເພງປ່ຽນບັນຍາກາດກ່ອນບັດນີ້!
ເພງ
ຕາມທັດສະນາສ່ວນຕົວຂອງໜຸ່ມໃຫຍ່ແລ້ວ ເວົ້າເຖິງເລື່ອງສິດທິມະນຸດ ເວົ້າເຖິງເລື່ອງປະຊາທິປະໄຕແລ້ວ ໝົດໂລກຈະເອົາມາດຕະການດຽວກັນມານຳໃຊ້ໃນທຸກໆປະເທດມັນເປັນໄປບໍ່ໄດ້ດັອກແມ່ນບໍ່ທ່ານຜູ້ຟັງ? ເພາະວ່າແຕ່ລະປະເທດມັນກໍ່ມີປະຫວັດສາດທີ່ມີມາ ມີວັດທະນະທຳຮີດຄອງປະເພນີ ມີສາສະໜາ ມີຄວາມເຊື່ອຖື ມີຄວາມຄິດ ມີສະພາບແວດລ້ອມຕົວຈິງແຕກຕ່າງກັນ ຕັ້ງຢູ່ໄກກັນທໍ່ໃດຍິ່ງຕ່າງກັນຫຼາຍເທົ່ານັ້ນ ແລ້ວຈະເອົາມາດຕະຖານດຽວຂອງສິດທິມະນຸດ ຫຼື ປະຊາທິປະໄຕມາໃຊ້ໃຫ້ມັນຄືກັນໝົດກໍ່ບໍ່ໄດ້ແລ້ວ, ກໍ່ຍ້ອນວ່າມີບາງປະເທດໃຫຍ່ ມີຄວາມເຂັ້ມແຂງ ມີອຳນາດຫຼາຍກ່ວາຜູ້ອື່ນ ແລ້ວ ຄິດວ່າ ສິດທິມະນຸດຫຼືປະຊາທິປະໄຕຂອງບ້ານຕົນເອງຖືກໝົດ ແລ້ວກໍ່ໄປເລາະຍັດໃຫ້ປະເທດນັ້ນປະເທດນີ້ທີ່ນ້ອຍກ່າວ ອອ່ນແອກ່ວາເຮັດຕາມ ຄັນເຂົາເຈົ້າບໍ່ເຫັນດີບໍ່ຍອມ ກໍ່ວ່າປະເທດນັ້ນບໍ່ມີສິດທິມະນຸດ ບໍ່ມີປະຊາທິປະໄຕ ແລ້ວກໍ່ຫາວິທີແຊກແຊງໂຄ່ນລົ້ມໄດ໋ບາດນິ! ອັນນີ້ລະເປັນສາເຫດທີ່ເຮັດໃຫ້ໂລກບໍ່ມີຄວາມສະຫງົບແຕ່ອະດີດ ຈົນຮອດດຽວນີ້ ແລະຍັງຈະສືບຕໍ່ມີຄວາມຂັດແຍ່ງ ມີສົງຄາມກັນຕໍ່ໄປອີກດົນ! ໜຸ່ມໃຫຍ່ຄິດວ່າ ຄັນໂລກນີ້ຢູ້ຮ່ວມກັນໂດຍການຮູ້ຍອມຮັບ ແລະ ເຄົາລົບຄວາມແຕກຕ່າງຂອງກັນແລະກັນແລ້ວ ໂລກນີ້ຈະມີຄວາມສະຫງົບຜາສຸກກ່ວານີ້ຫຼາຍເທົ່າ, ກໍ່ໄດ້ແຕ່ຫັວງວ່າຜູ້ນຳຫຼືນັກການເມືອງຂອງປະເທດໃຫ່ຍໆຈະເຂົ້າໃຈແລະຍອມຮັບຈຸດນີ້ໃນມື້ໃດມື້ໜຶ່ງທໍ່ນັ້ນລະ!
ເພງ
ຈົບ
