ຈີນທ່ຽວລາວ
(GMT+08:00) 2012-04-26 15:36:42 cri
ສະບາຍດີມິດລາຍການທຸກທ່ານ! ມື້ນີ້ແມ່ນວັນເສົາ ໜຸ່ມໃຫຍ່ອາລົມດີຍິນດີຕ້ອນຮັບທຸກທ່ານເຂົ້າສູ່ລາຍການເບິ່ງເມືອງຈີນຂອງ CRI FM 93Mhz. ວັນເສົາແນວນີ້ຫຼາຍຄອບຄົວຄົງຈະມີຄວາມສຸກທີ່ໄດ້ຢູ່ພ້ອມໜ້າພ້ອມຕາກັນເນາະ! ພໍ່-ແມ່, ອ້າຍ ເອື້ອຍນ້ອງ ເຖິງຈະເຮັດກິດຈະກຳຫຍັງຮ່ວມກັນກໍ່ແລ້ວແຕ່. ໃນເຮືອນ ນອກເຮືອນກໍ່ລ້ວນແຕ່ມີຄວາມສຸກກັນໝົດລະເນາະ! ເຮັດວຽກເຮືອນການຊານ ອະນາໄມຮ່ວມກັນ ຍາມທ່ຽງ ຍາມແລງແນວນີ້ ແຕ່ງຢູ່ຄົວກິນຊ່ວຍກັນ ເວົ້ານົວ ຫົວມ່ວນ ຢອກໄຍກັນ ຢາກໃຫ້ທຸກຄອບຄົວເປັນແນວນີ້ໝົດຄືຊິດີເນາະ! ເພາະວ່າທຸກຄອບຄົວມີຄວາມສຸກ ຄວາມຮັກ ຄວາມອົບອຸ່ນ ຄວາມເຂົ້າໃຈ ມັນກໍ່ສົ່ງຜົນເຖິງສັງຄົມສ່ວນລວມເປັນສັງຄົມທີ່ມີຄວາມສຸກຄືກັນໄດ໋ເນາະ! ແຕ່ຄວາມຈິງທຸກຄອບຄົວມັນກໍ່ມີບາງສິ່ງບາງຢ່າງບໍ່ເຂົ້າໃຈກັນ, ຂັດແຍ່ງກັນ ບໍຫຼາຍກໍ່ໜ້ອຍສຳຄັນວ່າສະມາຊິກໃນຄອບຄົວຈິງໃຈ ແລະຕ້ອງການທີ່ຢາກແກ້ໄຂຊ່ວຍກັນບໍ່? ຄັນໜ້າບູດໃສ່ກັນ ເວົ້າບໍ່ມ່ວນໃສ່ກັນ ຫຼື ເຖິງຂັ້ນຫັນຫຼັງໃຫ້ກັນ ເບິ່ງໜ້າກໍ່ບໍ່ຕິດ ມັນກໍ່ແກ້ບໍ່ຕົກໄດເນາະ! ດົນໄປ ດີບໍ່ດີ ເຮັດສຽດເຮັດສີກັນອີກ. ແຮ່ງເຮັດໃຫ້ເລື່ອງນ້ອຍກາຍເປັນເລື່ອງໃຫຍ່ ເລື່ອງງ່າຍກາຍເປັນເລື່ອງຍາກໄດ໋ທ່ານຜູ້ຟັງເອີຍ! ດີບໍ່ດີກ້າວໄປຮອດທາງຕັນຊ້ຳໄດ໋! ສະນັ້ນກ່ອນທີ່ສິ່ງບໍ່ດີມັນຈະເກີດໃນຄອບຄົວເຮົາ, ຫັນໜ້າເຂົ້າຫາກັນດີກ່ວາ ຜົວ-ເມຍ, ພໍ່-ແມ່ ລູກ ຄ່ອຍເວົ້າຄ່ອຍວ່າກັນ ບໍ່ໃຊ້ອາລົມຫາວິທີອອກຊ່ວຍກັນ ຄັນເຮັດແນວນີ້ບັນຫານ້ອຍໃຫຍ່ມັນກໍ່ແກ້ຕົກໝົດ, ເອົາ, ຊ່ວຍກັນເນາະເພື່ອຄອບຄົວທີ່ຮັກຂອງເຮົາທຸກຄົນ ເຮັດໃຫ້ຄອບຄົວອື່ນເຫັນແລ້ວອິດສາພຸ້ນເປັນຫຍັງເນາະ? ເອົາ, ພົບກັນວັນເສົາກໍ່ເລີຍໄດ້ໂອກາດລົມເລື່ອງຄອບຄົວຍາວເຕີບເນາະ! ມື້ນີ້ວັນເສົາເລື່ອງທີ່ໜຸ່ມໃຫຍ່ຈະເອົາມາເວົ້າສູ່ຟັງກໍ່ແມ່ນເລື່ອງເບົາໆຄືກັນ! ຈະລົມສູ່ຟັງເລື່ອງດຽວນີ້ນັກທ່ອງທ່ຽວຈີນເຂົ້າມາລາວຫຼາຍຂື້ນເລື່ອງລາວລະອຽດຈະເປັນແນວໃດ ຟັງເພງຊຸດທຳອິດກ່ອນເນາະ!
ເພງ
ປີນີ້ແມ່ນປີທ່ອງທ່ຽວລາວໄດ໋ທ່ານຜູ້ຟັງ! ຫວັງວ່າຄົນລາວທຸກຄົນຈະຮູ້ດີ ເພື່ອທຳຕົວເປັນເຈົ້າຂອງບ້ານທີ່ດີຊ່ວຍກັນຫັ້ນລະເນະ! ປີນີ້ມີແຕ່ເຫດການໃຫຍ່ໆເລີຍຢູ່ລາວ ເປັນປີທ່ອງທ່ຽວ. ເດືອນ ພະຈິກກໍ່ແມ່ນກອງປະຊຸມສຸດຍອດອາຊີ-ເອີຣົບ ຫຼື ອາເຊັມ. ຮອດເດືອນທັນວາກໍ່ມີງານມະຫາກຳກິລາ ມະຫາວິທະຍາໄລອາຊຽນອີກ. ມີແຕ່ເຫດການໃຫຍ່ໆແນວນີ້ລະ ຈຶ່ງຮຽກຮ້ອງໃຫ້ຄົນລາວທຸກຄົນເປັນເຈົ້າຂອງເຮືອນ ເປັນເຈົ້າພາບທີ່ດີຊ່ວຍກັນແທ້ໆ ອັນເລື່ອງຮອຍຍິ້ມສຽງຫົວຄວາມສຸພາບອ່ອນໂຍນ ຮັກແຂກແພງຄົນຫັ້ນບໍ່ຫ່ວງດັອກ ເພາະມັນເປັນມູນເຊື້ອຂອງຄົນລາວແທ້ໆຢູ່ແລ້ວ! ແຕ່ເປັນຫວ່ງ ເລື່ອງປະກົດການຫຍໍ້ທໍ້ໃນສັງຄົມບາງອັນນິລະທີ່ນັບມື້ນັບແຮງນິນະ! ໂດຍສະເພາະພວກຂີ້ລັກມັກຈົກ ດຶງກະເປົາ ງັດແງະ ຈີ້ເຈົ້າເອົາຂອງ ນັກເລງອັນຕະພານ ແລະ ພວກຢາເສບຕິດໝູ່ນີ້ນະ! ໂອ່, ດຽວນີ້ກ້າເວົ້າເລີຍວ່າໜ້າເປັນຫ່ວງຫຼາຍ. ສູ່ມື້ນີ້ສັງຄົມ ເຄືອຄ່າຍສັງຄົມອອນລາຍຜ່ານອິນເຕີເນັດ ມັນແຮງໄວແຮງກ້ວາງ ຈັກ E-mail, Facebook, Twitter, Skype, MSM ມັນໄປທົ່ວໂລກດຽວນີ້. ຄັນສົມມຸດວ່ານັກທ່ອງທ່ຽວຜູ້ໜຶ່ງມາທ່ຽວວຽງຈັນ, ຫຼວງພະບາງ ຫຼື ບ່ອນອື່ນໆ ແລ້ວດຶງກະເປົາ ເງິນກະເສຍ ບັດເຄຼດິດກໍ່ເສຍ ພາສປອດ ກໍ່ເສຍ ເອກະສານສຳຄັນອື່ນໆກໍ່ເສຍ ແລ້ວເຂົາໄປຈົ່ມຢູ່ Social Network ພວກນີ້ປະນາມລາວວ່າບໍ່ປອດໄພ ມືຕໍ່ມື ປາກຕໍ່ປາກ ມັນໄວມັນກ້ວາງ ປາໂຕດຽວເໝັນຄັບຂ້ອງ ມີດ້າມຄົນດ້າມກຸ່ມມັນໄປເຮັດ ພັດເຮັດໃຫ້ຄົນລາວ, ປະເທດລາວໝົດປະເທດຂາຍໜ້າ ຂາດຄວາມເຊື່ອໝັ້ນ ເສຍທັງສື່ ເສຍທັງການທ່ອງທ່ຽວໄດ໋! ເອົາ, ຄັນຊັ້ນເຈົ້າໜ້າທີ່ທຸກຄົນນີ້ລະຊ່ວຍກັນປາບ ຊ່ວຍກັນຈັດພວກມານສັງຄົມພວກນີ້ໃຫ້ສິ້ນຊາກໄປໄວໆ ມັນມີບໍ່ຫຼາຍພໍເທົ່າໃດດັອກຄັນເຮັດແນວນີ້ແທ້ນະ! ຄັນຖືກລູກຫຼານຜູ້ມີສິດອຳນາດ ຫຼື ລູກຄົນຮັ່ງມີແລ້ວອອກມາປົກປ້ອງເອົາລູກຫຼານໂຕເອງ ຜູ້ນັ້ນລະເປັນຄົນເຫັນແກ່ໂຕ ເຫັນແກ່ຄອບຄົວ ບໍ່ເຫັນຕໍ່ປະເທດຊາດ! ເອົາ, ທຸກຄົນຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ເນາະ! ປາບບໍ່ໝົດແທ້ກໍ່ໃຫ້ມັນຫຼຸດນ້ອຍຖອຍລົງເຫຼືອໜ້ອຍທີ່ສຸດກໍ່ຍັງດີກ່ວາທີ່ຈະປ່ອຍໃຫ້ພວກຂີ້ລັກມັກຈົກ ອັນຕະພານກວນເມືອງນັບມື້ນັບເຕີບໃຫຍ່ຈັກໜ້ອຍເອົາບໍ່ຢູ່ໄດ໋! ແຕ່ດຽວນີ້ກໍ່ຍັງຄຸມຍາກແລ້ວ! ເອົາ, ຟັງເພງອີກຊຸດໜຶ່ງກ່ອນເນາະແລ້ວຈະກັບມາເວົ້າເລື່ອງນັກທ່ອງທ່ຽວຈີນເຂົ້າມາລາວຫຼາຍຂືນສູ່ຟັງ!
ເພງ
711477,………………ຄັນເວົ້າເຖິງນັນທ່ອງທ່ຽວຕ່າງປະເທດທີ່ເຂົ້າມາລາວຫຼາຍຜ່ານມານີ້ກໍ່ແມ່ນໄທ, ຍີ່ປຸ່ນ, ເອີຣົບ ແລະບ່ອນອື່ນໆອີກ ແຕ່ວ່າຄົນຈີນບໍ່ຄ່ອຍມາທ່ຽວລາວຫຼາຍປານໃດ! ແຕ່ວ່າມາເບິ່ງຕົວເລກຈາກຂ່າວແລ້ວປີກາຍນີ້ເປັນໜ້າດີໃຈຫຼາຍ ເພາະປະກົດວ່ານັກທ່ອງທ່ຽວຈີນເລີ່ມເຂົ້າມາລາວຫຼາຍຂື້ນ! ເປັນຫຍັງຈຶ່ງວ່າເປັນໜ້າດີໃຈນຳ? ເພາະວ່າຖ້າລາວຕີຕະຫຼາດທ່ອງທ່ຽວເຈົ້າເຂົ້ານັກທ່ອງທ່ຽວ ດຶງດູດເຂົາເຈົ້າມາທ່ຽວລາວໄດ້ເປັນເລື່ອງດີທີ່ສຸດ ເພາະວ່າຈີນເປັນຕະຫຼາດໃຫຍ່ຫຼາຍ ໃກ້ກັບລາວອີກ ແລະ ທີ່ສຳຄັນນັກທ່ອງທ່ຽວຈີນດຽວນີ້ບໍ່ຄືນັກ 10-20 ປີກ່ອນໄດ໋ທ່ານຜູ້ຟັງ! ດຽວນີ້ກຳລັງຊື້ຂອງຄົນຈີນສູງຫຼາຍ! 10-20 ປີກ່ອນຕະຫຼາດ ຮ້ານຂາຍເຄື່ອງແພງໆ ໄຮໂຊ ມີລະດັບຢູ່ເອີຣົບ ອາເມລິກາ ເຫັນວ່ານັກທ່ອງທ່ຽວຈີນຍ່າງເຂົ້າໄປເລາະເບິ່ງສິນຄ້າ ເຈົ້າຂອງຮ້ານບໍ່ສົນໃຈດັອກ! ເພາະວ່ານັກທ່ອງທ່ຽວຈີນບໍ່ມີເງິນ! ແຕ່ວ່າດຽວນີ້ມັນປີ້ນກັບແລ້ວ ຕະຫຼາດຮ້ານຄ້າທີ່ຂາຍສິນຄ້າຫຼູຫຼາ ຟຸມເຟືອຍ ຢູ່ເອີຣົບ ອາເມລິກາເຫັນນັກທ່ອງທ່ຽວຈີນ ສະອອນຫອມປານເຂົ້າເໝົ້າພຸ້ນຕວະ! ເພາະວ່າເຂົາເຈົ້າຈ່າຍຊື້ບໍ່ອັ້ນ ຈົນກຸດຈີນຜ່ານມານີ້ ຕະຫຼາດສິນຄ້າຫຼູຫຼາຢູ່ເອີຣົບທີ່ຄໍເຕືີ່ອຍເຕະເຊະຍ້ອນວິກິດການຂອງເສດຖະກິດຈົນສາມາດລຸກໂປ່ງໂງ່ງ ເປັ່ງເງັ່ງຂື້ນມາສົດຊື່ນໄດ້ກໍ່ຍ້ອນນັກທ່ອງທ່ຽວຈີນນິລະບິນໄປຊື້ໃຫ້ນະ! ຄົນຈີນດຽວນີ້ມີລາຍຮັບສູງ ກຳລັງຊື້ສູງ ຄົນເຮົາມີເງິນສົດ ມີເງິນທ້ອນສະສົມ ມີປະກັນຊີວິດດີແລ້ວຊິມີຫຍັງ ກໍ່ໄປຊອກທ່ຽວທໍ່ນັ້ນຕວະເນາະ! ທ່ຽວບ້ານຕົນເອງຫຼາຍແລ້ວກໍ່ຢາກໄປທ່ຽວບ້ານເພິ່ນເມືອງເຂົາ, ຕ່າງບ້ານຕ່າງເມືອງຊັ້ນແລ້ວບັດນີ້! ສະນັ້ນລະຈຶ່ງວ່າຄັນເຈາະຕະຫຼາດນັກທ່ອງທ່ຽວຈີນໄດ້ ລາຍຮັບຈາກການທ່ອງທ່ຽວຂອງລາວຈະເພີ່ມຂື້ນຢ່າງໃຫຍ່ໂລດລະ! ດຽວນີ້ມີແວວ ເລີ່ມດີຂື້ນແລ້ວຈັກໜ້ອຍລົມກັນຕໍ່!
ເພງ
ຟັງຕົວເລກຂອງພະແນກຖະແຫຼງຂ່າວ-ວັດທະນະທຳ ຂອງແຂວງຫຼວງພະບາງແລ້ວເປັນຕາດີໃຈນຳໄດ໋ທ່ານຜູ້ຟັງ! ເພາະວ່າປີ 2011 ຜ່ານມານີ້ມີນັກທ່ອງທ່ຽວຈີນເຂົ້າມາທ່ອງທ່ຽວຫຼວງພະບາງຕັ້ງວ່າ 16.200 ຄົນ, ສະເພາະຫຼວງພະບາງໄດ໋ນິ! ຍັງບໍ່ໄດ້ເວົ້າທົ່ວປະເທດ ທຽບກັບປີ 2010 ເພີ່ມຂື້ນຕັງວ່າ 80% ດຽວນີ້ຄົນຈີນເຂົ້າມາທ່ຽວລາວຫຼາຍຂື້ນ ກໍ່ຍ້ອນຢາກມາເຫັນແຫຼ່ງທ່ອງທ່ຽວທຳມະຊາດ ແລະວັດທະນະທຳ ຢູ່ພາກເໜືອຂອງລາວເປັນສ່ວນໃຫຍ່! ເປັນຫຍັງປີກາຍນີ້ຈຶ່ງເພີ່ມຂື້ນໄວແທ້? ກໍ່ຍ້ອນວ່າດຽວນີ້ເສັ້ນທາງເຊື່ອມຕໍ່ກັນລະຫວ່າງອະນຸພາກພື້ນມັນສະດວກຂື້ນ. ໂດຍສະເພາະຖະໜົນ R3 ຈາກຄຸນໝິງ ເມືອງເອກຂອງແຂວງ ຢູນນານ ເນັ່ງມາຜ່ານຊາຍແດນ ບໍ່ເຕັນ-ບໍ່ຫານ ຜ່ານຫຼວງນ້ຳທາເຂົ້າບໍ່ແກ້ວ ເມືອງຫ້ວຍຊາຍໄປສຸດແຄມຂອງ ຈັກໜ້ອຍຂົວຂ້າມນ້ຳຂອງລະຫ່ວາງຫ້ວຍຊາຍຂອງລາວກັບຊຽງຂອງ ຂອງຈັງຫວັດຊຽງລາຍຂອງໄທສຳເລັດແຮ່ງຊິສະດວກ! ເສັ້ນທາງເລກທີ 13 ລົງມາຫາຫຼວງພະບາງກໍ່ສະດວກ ສະນັ້ນນັກທ່ອງທ່ຽວຈີນຈຶ່ງລົງມາທ່ຽວຫຼວງພະບາງຫຼາຍຂື້ນ ດ້ວຍລົດສ່ວນຕົວຈາກຄຸນໝິງ ລົດໂດຍສານໂດຍກົງຈາກຫຼວງພະບາງ ບັດນີ້ໄປເບິ່ງຢູ່ແຂວງບໍ່ແກ້ວ ປີກາຍນີ້ມີນັກທ່ອງທ່ຽວຈີນເດີນທາງເຂົ້າມາຫຼາຍກ່ວາ 7.300 ຄົນ. ເພີ່ມຂື້ນຈາກ 2010 30% ນັບແຕ່ຕົ້ນປີມາພາກສ່ວນທ່ອງທ່ຽວແລະບໍລິສັດທ່ອງທ່ຽວຂອງລາວໄດ້ສໍາຫຼວດເບິ່ງກໍ່ພົບວ່ານັກທ່ອງທ່ຽວຈີນຍັງສືບຕໍ່ເພີ່ມຂື້ນ, ເອົາ, ຄັນຮັບຕ້ອນດີ ຄັນບໍລິການດີ ໜ້າປະທັບໃຈ ແຫຼ່ງທ່ອງທ່ຽວທັງງາມ ທັງສະອາດ ແນ່ນອນກໍ່ຈະສືບຕໍ່ເພີ່ມຂື້ນລະເນາະທ່ານຜູ້ຟັງ! ເອົາ, ຟັງເພງອີກກ່ອນເນາະແລ້ວຈັ່ງລົມກັນຕໍ່!
ເພງ
ເວົ້າແທ້ຄັນພາກສ່ວນກ່ຽວຂ້ອງບໍລິຫານຈັດການໄດ້ດີ ແນ່ນອນລະນັກທ່ອງທ່ຽວຈີນຈະນັບມື້ນັບເຂົ້າມາລາວ ມາທ່ຽວ ມາພັກ ມາຊື້ ມາຈ່າຍ ຫຼາຍຂື້ນ ໂດຍສະເພາະພາກເໜືອຂອງລາວທີ່ນັກທ່ອງທ່ຽວຈີນເຂົ້າມາມັນກໍ່ຫຼາຍແຂວງທີ່ໜ້າສົນໃຈເດ! ຫຼວງນ້ຳທາ ທຳມະຊາດງາມ ຊົນເຜົ່າຫຼາຍ, ອຸດົມໄຊກໍ່ຄືກັນ ມາຫຼວງພະບາງເມືອງມໍລະດົກໂລກສະບາຍ ແລ້ວເລີຍໄປທ່ຽວບັນດາແຂວງພາກຕາເວັນອອກສຽງເໜືອຂອງລາວ ຊຽງຂວາງ, ຫົວພັນ ກໍ່ມີແຕ່ບ່ອນທ່ອງທ່ຽວງາມໆ ທັງທ່ຽວທຳມະຊາດ, ປະຫວັດສາ, ວັດຖຸບູຮານ, ວັດທະນະທຳຂະໜົບທຳນຽມຮີດຄອງປະເພນີມີໝົດ,!, ດຽວນີ້ຂະແໜງການທ່ອງທ່ຽວ ລາວ-ໄທກໍ່ຮ່ວມມືກັນເດເນາະ! ຄົນຈີນກໍ່ມັກໄປທ່ຽວຊຽງໃໝ່ເຫັນບໍ່? ຜ່ານຊາຍແດນບໍ່ເຕັນ-ບໍ່ຫານ ຫຼວງນ້ຳທາ ເຂົ້າອຸດົມໄຊ ໄປຫ້ວຍຊາຍ ຂ້າມເຮືອໄປຊຽງຂອງ ຊຽງລາຍ ໄປທ່ຽວ 3 ລ່ຽມທອງຄຳ ຕໍ່ໄປທ່ຽວຊຽງໃໝ່ ກັບມາເຂົ້າບໍ່ແກ້ວ ຜ່ານຫຼວງນ້ຳທາ ລົງໄປອຸດົມໄຊ ລົງທ່ຽວຫຼວງພະບາງ ເຮັດເປັນອົງການທ່ອງທ່ຽວຮ່ວມກັນລະຫ່ວາງ ລາວ-ໄທ-ຈີນ ແນວນີ້ຮັບຮອງວ່ານັກທ່ອງທ່ຽວຈີນຈະນັບມື້ນັບຫຼາຍຂື້ນລະ ເດີນທາງມາເທື່ອດຽວໄດ້ທ່ຽວເມືອງທ່ອງທ່ຽວທີ່ມີຊື່ສຽງຂອງໂລກຄື ຫຼວງພະບາງຂອງລາວ ກັບ ຊຽງໃໝ່ຂອງໄທ ໃຜຊິບໍ່ຢາກໄປເນາະທ່ານຜູ້ຟັງ! ຕໍ່ໄປເວົ້າບໍ່ໄດ້ເນາະ ຄັນໄປມາຫາສູ່ລະຫວ່າງຄົນຈີນ ຄົນລາວຫຼາຍຂື້ນ ນັກທ່ອງທ່ຽວຈີນສົນໃຈປະເທດລາວຫຼາຍຂື້ນດຽວນີ້ມີຖ້ຽວບິນ ຄຸນໝິງ-ວຽງຈັນ ຕໍ່ໄປກໍ່ອາດຈະມີການເປີດ ຄຸນໝິງ-ຫຼວງພະບາງ, ຄຸນໝິງ-ສະຫັວນນະເຂດ, ຂີ່ລົດຂື້ນມາຄຳມ່ວນໜ້ອຍດຽວ 2 ຊົ່ວໂມງກໍ່ຮອດ ແຫຼ່ງທ່ອງທ່ຽວໃໝ່ໆໜ້າສົນໃຈມະຫັດສະຈັນເຕັມ ຢູ່ແຂວງຄຳມ່ວນດຽວນີ້! ຄັນລົງໄປຈຳປາສັກ ແຮ່ງບໍ່ອຶດບ່ອນທ່ຽວ, ເອົາ, ຊ່ວຍກັນບໍລິຫານຄຸ້ມຄອງດີໆແລ້ວ ນັກທ່ອງທ່ຽວຈີນຈະນັບມື້ນັບເຂົ້າມາທ່ຽວປະເທດລາວຫຼາຍຂື້ນແນ່ນອນ!
ເພງ
ຈົບ
ເພງ
ປີນີ້ແມ່ນປີທ່ອງທ່ຽວລາວໄດ໋ທ່ານຜູ້ຟັງ! ຫວັງວ່າຄົນລາວທຸກຄົນຈະຮູ້ດີ ເພື່ອທຳຕົວເປັນເຈົ້າຂອງບ້ານທີ່ດີຊ່ວຍກັນຫັ້ນລະເນະ! ປີນີ້ມີແຕ່ເຫດການໃຫຍ່ໆເລີຍຢູ່ລາວ ເປັນປີທ່ອງທ່ຽວ. ເດືອນ ພະຈິກກໍ່ແມ່ນກອງປະຊຸມສຸດຍອດອາຊີ-ເອີຣົບ ຫຼື ອາເຊັມ. ຮອດເດືອນທັນວາກໍ່ມີງານມະຫາກຳກິລາ ມະຫາວິທະຍາໄລອາຊຽນອີກ. ມີແຕ່ເຫດການໃຫຍ່ໆແນວນີ້ລະ ຈຶ່ງຮຽກຮ້ອງໃຫ້ຄົນລາວທຸກຄົນເປັນເຈົ້າຂອງເຮືອນ ເປັນເຈົ້າພາບທີ່ດີຊ່ວຍກັນແທ້ໆ ອັນເລື່ອງຮອຍຍິ້ມສຽງຫົວຄວາມສຸພາບອ່ອນໂຍນ ຮັກແຂກແພງຄົນຫັ້ນບໍ່ຫ່ວງດັອກ ເພາະມັນເປັນມູນເຊື້ອຂອງຄົນລາວແທ້ໆຢູ່ແລ້ວ! ແຕ່ເປັນຫວ່ງ ເລື່ອງປະກົດການຫຍໍ້ທໍ້ໃນສັງຄົມບາງອັນນິລະທີ່ນັບມື້ນັບແຮງນິນະ! ໂດຍສະເພາະພວກຂີ້ລັກມັກຈົກ ດຶງກະເປົາ ງັດແງະ ຈີ້ເຈົ້າເອົາຂອງ ນັກເລງອັນຕະພານ ແລະ ພວກຢາເສບຕິດໝູ່ນີ້ນະ! ໂອ່, ດຽວນີ້ກ້າເວົ້າເລີຍວ່າໜ້າເປັນຫ່ວງຫຼາຍ. ສູ່ມື້ນີ້ສັງຄົມ ເຄືອຄ່າຍສັງຄົມອອນລາຍຜ່ານອິນເຕີເນັດ ມັນແຮງໄວແຮງກ້ວາງ ຈັກ E-mail, Facebook, Twitter, Skype, MSM ມັນໄປທົ່ວໂລກດຽວນີ້. ຄັນສົມມຸດວ່ານັກທ່ອງທ່ຽວຜູ້ໜຶ່ງມາທ່ຽວວຽງຈັນ, ຫຼວງພະບາງ ຫຼື ບ່ອນອື່ນໆ ແລ້ວດຶງກະເປົາ ເງິນກະເສຍ ບັດເຄຼດິດກໍ່ເສຍ ພາສປອດ ກໍ່ເສຍ ເອກະສານສຳຄັນອື່ນໆກໍ່ເສຍ ແລ້ວເຂົາໄປຈົ່ມຢູ່ Social Network ພວກນີ້ປະນາມລາວວ່າບໍ່ປອດໄພ ມືຕໍ່ມື ປາກຕໍ່ປາກ ມັນໄວມັນກ້ວາງ ປາໂຕດຽວເໝັນຄັບຂ້ອງ ມີດ້າມຄົນດ້າມກຸ່ມມັນໄປເຮັດ ພັດເຮັດໃຫ້ຄົນລາວ, ປະເທດລາວໝົດປະເທດຂາຍໜ້າ ຂາດຄວາມເຊື່ອໝັ້ນ ເສຍທັງສື່ ເສຍທັງການທ່ອງທ່ຽວໄດ໋! ເອົາ, ຄັນຊັ້ນເຈົ້າໜ້າທີ່ທຸກຄົນນີ້ລະຊ່ວຍກັນປາບ ຊ່ວຍກັນຈັດພວກມານສັງຄົມພວກນີ້ໃຫ້ສິ້ນຊາກໄປໄວໆ ມັນມີບໍ່ຫຼາຍພໍເທົ່າໃດດັອກຄັນເຮັດແນວນີ້ແທ້ນະ! ຄັນຖືກລູກຫຼານຜູ້ມີສິດອຳນາດ ຫຼື ລູກຄົນຮັ່ງມີແລ້ວອອກມາປົກປ້ອງເອົາລູກຫຼານໂຕເອງ ຜູ້ນັ້ນລະເປັນຄົນເຫັນແກ່ໂຕ ເຫັນແກ່ຄອບຄົວ ບໍ່ເຫັນຕໍ່ປະເທດຊາດ! ເອົາ, ທຸກຄົນຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ເນາະ! ປາບບໍ່ໝົດແທ້ກໍ່ໃຫ້ມັນຫຼຸດນ້ອຍຖອຍລົງເຫຼືອໜ້ອຍທີ່ສຸດກໍ່ຍັງດີກ່ວາທີ່ຈະປ່ອຍໃຫ້ພວກຂີ້ລັກມັກຈົກ ອັນຕະພານກວນເມືອງນັບມື້ນັບເຕີບໃຫຍ່ຈັກໜ້ອຍເອົາບໍ່ຢູ່ໄດ໋! ແຕ່ດຽວນີ້ກໍ່ຍັງຄຸມຍາກແລ້ວ! ເອົາ, ຟັງເພງອີກຊຸດໜຶ່ງກ່ອນເນາະແລ້ວຈະກັບມາເວົ້າເລື່ອງນັກທ່ອງທ່ຽວຈີນເຂົ້າມາລາວຫຼາຍຂືນສູ່ຟັງ!
ເພງ
711477,………………ຄັນເວົ້າເຖິງນັນທ່ອງທ່ຽວຕ່າງປະເທດທີ່ເຂົ້າມາລາວຫຼາຍຜ່ານມານີ້ກໍ່ແມ່ນໄທ, ຍີ່ປຸ່ນ, ເອີຣົບ ແລະບ່ອນອື່ນໆອີກ ແຕ່ວ່າຄົນຈີນບໍ່ຄ່ອຍມາທ່ຽວລາວຫຼາຍປານໃດ! ແຕ່ວ່າມາເບິ່ງຕົວເລກຈາກຂ່າວແລ້ວປີກາຍນີ້ເປັນໜ້າດີໃຈຫຼາຍ ເພາະປະກົດວ່ານັກທ່ອງທ່ຽວຈີນເລີ່ມເຂົ້າມາລາວຫຼາຍຂື້ນ! ເປັນຫຍັງຈຶ່ງວ່າເປັນໜ້າດີໃຈນຳ? ເພາະວ່າຖ້າລາວຕີຕະຫຼາດທ່ອງທ່ຽວເຈົ້າເຂົ້ານັກທ່ອງທ່ຽວ ດຶງດູດເຂົາເຈົ້າມາທ່ຽວລາວໄດ້ເປັນເລື່ອງດີທີ່ສຸດ ເພາະວ່າຈີນເປັນຕະຫຼາດໃຫຍ່ຫຼາຍ ໃກ້ກັບລາວອີກ ແລະ ທີ່ສຳຄັນນັກທ່ອງທ່ຽວຈີນດຽວນີ້ບໍ່ຄືນັກ 10-20 ປີກ່ອນໄດ໋ທ່ານຜູ້ຟັງ! ດຽວນີ້ກຳລັງຊື້ຂອງຄົນຈີນສູງຫຼາຍ! 10-20 ປີກ່ອນຕະຫຼາດ ຮ້ານຂາຍເຄື່ອງແພງໆ ໄຮໂຊ ມີລະດັບຢູ່ເອີຣົບ ອາເມລິກາ ເຫັນວ່ານັກທ່ອງທ່ຽວຈີນຍ່າງເຂົ້າໄປເລາະເບິ່ງສິນຄ້າ ເຈົ້າຂອງຮ້ານບໍ່ສົນໃຈດັອກ! ເພາະວ່ານັກທ່ອງທ່ຽວຈີນບໍ່ມີເງິນ! ແຕ່ວ່າດຽວນີ້ມັນປີ້ນກັບແລ້ວ ຕະຫຼາດຮ້ານຄ້າທີ່ຂາຍສິນຄ້າຫຼູຫຼາ ຟຸມເຟືອຍ ຢູ່ເອີຣົບ ອາເມລິກາເຫັນນັກທ່ອງທ່ຽວຈີນ ສະອອນຫອມປານເຂົ້າເໝົ້າພຸ້ນຕວະ! ເພາະວ່າເຂົາເຈົ້າຈ່າຍຊື້ບໍ່ອັ້ນ ຈົນກຸດຈີນຜ່ານມານີ້ ຕະຫຼາດສິນຄ້າຫຼູຫຼາຢູ່ເອີຣົບທີ່ຄໍເຕືີ່ອຍເຕະເຊະຍ້ອນວິກິດການຂອງເສດຖະກິດຈົນສາມາດລຸກໂປ່ງໂງ່ງ ເປັ່ງເງັ່ງຂື້ນມາສົດຊື່ນໄດ້ກໍ່ຍ້ອນນັກທ່ອງທ່ຽວຈີນນິລະບິນໄປຊື້ໃຫ້ນະ! ຄົນຈີນດຽວນີ້ມີລາຍຮັບສູງ ກຳລັງຊື້ສູງ ຄົນເຮົາມີເງິນສົດ ມີເງິນທ້ອນສະສົມ ມີປະກັນຊີວິດດີແລ້ວຊິມີຫຍັງ ກໍ່ໄປຊອກທ່ຽວທໍ່ນັ້ນຕວະເນາະ! ທ່ຽວບ້ານຕົນເອງຫຼາຍແລ້ວກໍ່ຢາກໄປທ່ຽວບ້ານເພິ່ນເມືອງເຂົາ, ຕ່າງບ້ານຕ່າງເມືອງຊັ້ນແລ້ວບັດນີ້! ສະນັ້ນລະຈຶ່ງວ່າຄັນເຈາະຕະຫຼາດນັກທ່ອງທ່ຽວຈີນໄດ້ ລາຍຮັບຈາກການທ່ອງທ່ຽວຂອງລາວຈະເພີ່ມຂື້ນຢ່າງໃຫຍ່ໂລດລະ! ດຽວນີ້ມີແວວ ເລີ່ມດີຂື້ນແລ້ວຈັກໜ້ອຍລົມກັນຕໍ່!
ເພງ
ຟັງຕົວເລກຂອງພະແນກຖະແຫຼງຂ່າວ-ວັດທະນະທຳ ຂອງແຂວງຫຼວງພະບາງແລ້ວເປັນຕາດີໃຈນຳໄດ໋ທ່ານຜູ້ຟັງ! ເພາະວ່າປີ 2011 ຜ່ານມານີ້ມີນັກທ່ອງທ່ຽວຈີນເຂົ້າມາທ່ອງທ່ຽວຫຼວງພະບາງຕັ້ງວ່າ 16.200 ຄົນ, ສະເພາະຫຼວງພະບາງໄດ໋ນິ! ຍັງບໍ່ໄດ້ເວົ້າທົ່ວປະເທດ ທຽບກັບປີ 2010 ເພີ່ມຂື້ນຕັງວ່າ 80% ດຽວນີ້ຄົນຈີນເຂົ້າມາທ່ຽວລາວຫຼາຍຂື້ນ ກໍ່ຍ້ອນຢາກມາເຫັນແຫຼ່ງທ່ອງທ່ຽວທຳມະຊາດ ແລະວັດທະນະທຳ ຢູ່ພາກເໜືອຂອງລາວເປັນສ່ວນໃຫຍ່! ເປັນຫຍັງປີກາຍນີ້ຈຶ່ງເພີ່ມຂື້ນໄວແທ້? ກໍ່ຍ້ອນວ່າດຽວນີ້ເສັ້ນທາງເຊື່ອມຕໍ່ກັນລະຫວ່າງອະນຸພາກພື້ນມັນສະດວກຂື້ນ. ໂດຍສະເພາະຖະໜົນ R3 ຈາກຄຸນໝິງ ເມືອງເອກຂອງແຂວງ ຢູນນານ ເນັ່ງມາຜ່ານຊາຍແດນ ບໍ່ເຕັນ-ບໍ່ຫານ ຜ່ານຫຼວງນ້ຳທາເຂົ້າບໍ່ແກ້ວ ເມືອງຫ້ວຍຊາຍໄປສຸດແຄມຂອງ ຈັກໜ້ອຍຂົວຂ້າມນ້ຳຂອງລະຫ່ວາງຫ້ວຍຊາຍຂອງລາວກັບຊຽງຂອງ ຂອງຈັງຫວັດຊຽງລາຍຂອງໄທສຳເລັດແຮ່ງຊິສະດວກ! ເສັ້ນທາງເລກທີ 13 ລົງມາຫາຫຼວງພະບາງກໍ່ສະດວກ ສະນັ້ນນັກທ່ອງທ່ຽວຈີນຈຶ່ງລົງມາທ່ຽວຫຼວງພະບາງຫຼາຍຂື້ນ ດ້ວຍລົດສ່ວນຕົວຈາກຄຸນໝິງ ລົດໂດຍສານໂດຍກົງຈາກຫຼວງພະບາງ ບັດນີ້ໄປເບິ່ງຢູ່ແຂວງບໍ່ແກ້ວ ປີກາຍນີ້ມີນັກທ່ອງທ່ຽວຈີນເດີນທາງເຂົ້າມາຫຼາຍກ່ວາ 7.300 ຄົນ. ເພີ່ມຂື້ນຈາກ 2010 30% ນັບແຕ່ຕົ້ນປີມາພາກສ່ວນທ່ອງທ່ຽວແລະບໍລິສັດທ່ອງທ່ຽວຂອງລາວໄດ້ສໍາຫຼວດເບິ່ງກໍ່ພົບວ່ານັກທ່ອງທ່ຽວຈີນຍັງສືບຕໍ່ເພີ່ມຂື້ນ, ເອົາ, ຄັນຮັບຕ້ອນດີ ຄັນບໍລິການດີ ໜ້າປະທັບໃຈ ແຫຼ່ງທ່ອງທ່ຽວທັງງາມ ທັງສະອາດ ແນ່ນອນກໍ່ຈະສືບຕໍ່ເພີ່ມຂື້ນລະເນາະທ່ານຜູ້ຟັງ! ເອົາ, ຟັງເພງອີກກ່ອນເນາະແລ້ວຈັ່ງລົມກັນຕໍ່!
ເພງ
ເວົ້າແທ້ຄັນພາກສ່ວນກ່ຽວຂ້ອງບໍລິຫານຈັດການໄດ້ດີ ແນ່ນອນລະນັກທ່ອງທ່ຽວຈີນຈະນັບມື້ນັບເຂົ້າມາລາວ ມາທ່ຽວ ມາພັກ ມາຊື້ ມາຈ່າຍ ຫຼາຍຂື້ນ ໂດຍສະເພາະພາກເໜືອຂອງລາວທີ່ນັກທ່ອງທ່ຽວຈີນເຂົ້າມາມັນກໍ່ຫຼາຍແຂວງທີ່ໜ້າສົນໃຈເດ! ຫຼວງນ້ຳທາ ທຳມະຊາດງາມ ຊົນເຜົ່າຫຼາຍ, ອຸດົມໄຊກໍ່ຄືກັນ ມາຫຼວງພະບາງເມືອງມໍລະດົກໂລກສະບາຍ ແລ້ວເລີຍໄປທ່ຽວບັນດາແຂວງພາກຕາເວັນອອກສຽງເໜືອຂອງລາວ ຊຽງຂວາງ, ຫົວພັນ ກໍ່ມີແຕ່ບ່ອນທ່ອງທ່ຽວງາມໆ ທັງທ່ຽວທຳມະຊາດ, ປະຫວັດສາ, ວັດຖຸບູຮານ, ວັດທະນະທຳຂະໜົບທຳນຽມຮີດຄອງປະເພນີມີໝົດ,!, ດຽວນີ້ຂະແໜງການທ່ອງທ່ຽວ ລາວ-ໄທກໍ່ຮ່ວມມືກັນເດເນາະ! ຄົນຈີນກໍ່ມັກໄປທ່ຽວຊຽງໃໝ່ເຫັນບໍ່? ຜ່ານຊາຍແດນບໍ່ເຕັນ-ບໍ່ຫານ ຫຼວງນ້ຳທາ ເຂົ້າອຸດົມໄຊ ໄປຫ້ວຍຊາຍ ຂ້າມເຮືອໄປຊຽງຂອງ ຊຽງລາຍ ໄປທ່ຽວ 3 ລ່ຽມທອງຄຳ ຕໍ່ໄປທ່ຽວຊຽງໃໝ່ ກັບມາເຂົ້າບໍ່ແກ້ວ ຜ່ານຫຼວງນ້ຳທາ ລົງໄປອຸດົມໄຊ ລົງທ່ຽວຫຼວງພະບາງ ເຮັດເປັນອົງການທ່ອງທ່ຽວຮ່ວມກັນລະຫ່ວາງ ລາວ-ໄທ-ຈີນ ແນວນີ້ຮັບຮອງວ່ານັກທ່ອງທ່ຽວຈີນຈະນັບມື້ນັບຫຼາຍຂື້ນລະ ເດີນທາງມາເທື່ອດຽວໄດ້ທ່ຽວເມືອງທ່ອງທ່ຽວທີ່ມີຊື່ສຽງຂອງໂລກຄື ຫຼວງພະບາງຂອງລາວ ກັບ ຊຽງໃໝ່ຂອງໄທ ໃຜຊິບໍ່ຢາກໄປເນາະທ່ານຜູ້ຟັງ! ຕໍ່ໄປເວົ້າບໍ່ໄດ້ເນາະ ຄັນໄປມາຫາສູ່ລະຫວ່າງຄົນຈີນ ຄົນລາວຫຼາຍຂື້ນ ນັກທ່ອງທ່ຽວຈີນສົນໃຈປະເທດລາວຫຼາຍຂື້ນດຽວນີ້ມີຖ້ຽວບິນ ຄຸນໝິງ-ວຽງຈັນ ຕໍ່ໄປກໍ່ອາດຈະມີການເປີດ ຄຸນໝິງ-ຫຼວງພະບາງ, ຄຸນໝິງ-ສະຫັວນນະເຂດ, ຂີ່ລົດຂື້ນມາຄຳມ່ວນໜ້ອຍດຽວ 2 ຊົ່ວໂມງກໍ່ຮອດ ແຫຼ່ງທ່ອງທ່ຽວໃໝ່ໆໜ້າສົນໃຈມະຫັດສະຈັນເຕັມ ຢູ່ແຂວງຄຳມ່ວນດຽວນີ້! ຄັນລົງໄປຈຳປາສັກ ແຮ່ງບໍ່ອຶດບ່ອນທ່ຽວ, ເອົາ, ຊ່ວຍກັນບໍລິຫານຄຸ້ມຄອງດີໆແລ້ວ ນັກທ່ອງທ່ຽວຈີນຈະນັບມື້ນັບເຂົ້າມາທ່ຽວປະເທດລາວຫຼາຍຂື້ນແນ່ນອນ!
ເພງ
ຈົບ
