ຜູ້ເຖົ້າຄວນສະສົມຂອງເກົ່າ 4 ຢ່າງ
(GMT+08:00) 2012-04-26 15:40:12 cri
ສະບາຍດີມິດຮັກແຟນລາຍການເບິ່ງເມືອງຈີນທຸກໆທ່ານທີ່ພວມຟັງຢູ່ໃນຂະນະນີ້! ຮອດເວລາ 19 ໂມງຂອງທຸກມື້ໜຸ່ມໃຫຍ່ອາລົມດີຂໍນຳພາທ່ານເຂົ້າສູ່ບັນຍາກາດຂອງລາຍການເບິ່ງເມືອງຈີນທາງຄື້ນ CRIFM93Mhz ແຫ່ງນີ້! ທ່ານຜູ້ຟັງບາງທ່ານອາດຈະເຄີຍໄດ້ຍິນຄຳເວົ້າທີ່ວ່າ: " ຕຳແໜ່ງສູງສູ້ເງິນເດືອນສູງບໍ່ໄດ້ ເງິນເດືອນສູງສູ້ອາຍຸຍືນບໍ່ໄດ້ ອາຍຸຍືນສູ້ຄວາມເບີກບານມ່ວນຊື່ນບໍ່ໄດ້ " ຄຳເວົ້ານີ້ຕ້ອງການສະທ້ອນໃຫ້ເຫັນວ່າ: ອາລົມຄວາມຮູສຶກນັ້ນມີຄວາມສຳຄັນຕໍ່ສຸຂະພາບກາຍແລະໃຈຫຼາຍ. ສຳລັບຜູ້ທີ່ສູງອາຍຸແລ້ວ ຄວນເອົາໃຈໃສ່ອາລົມຄວາມຮູ້ສຶກໃຫ້ຕັ້ງໝັ້ນຢູ່ໃນຄວາມສະຫງົບ ແລະ ດູແລເບິ່ງແຍງສຸຂະພາບຈິດຂອງຕົນເອງໃຫ້ຢູ່ເຢັນເປັນສຸກ. ຜູ້ຊ່ຽວຊານດ້ານການຮັກສາສຸຂະພາບຂອງຈີນແນະນຳວ່າ: ຜູ້ເຖົ້າຄວນສະສົມຂອງ 4 ຢ່າງ ແລ້ວສຸຂະພາບຈະດີຫຼາຍ. ສະນັ້ນເລື່ອງທີ່ຈະເອົາມາເວົ້າສູ່ຟັງຄືນນີ້ແນ່ນອນມີປະໂຫຍດຕໍ່ທຸກເພດທຸກໄວ, ຄັນເປັນຊາວໜຸ່ມຫຼືໄວກາງຄົນກໍ່ເອົາໄວ້ເບິ່ງແຍງພໍ່-ແມ່ ພໍ່ຕູ້-ແມ່ຕູ້. ຄັນເປັນຜູ້ເຖົ້າກໍ່ເອົາໄວ້ເບິ່ງແຍງຕົນເອງ. ເອົາ, ຂອງເກົ່າ 4 ຢ່າງທີ່ຜູ້ເຖົ້າຄວນສະສົມມີຫຍັງແດ່? ຟັງເພງກ່ອນຈັກໜ້ອຍໜຸ່ມໃຫຍ່ຈະກັບມາເວົ້າສູ່ຟັງ
ເພງ
711477, ……………… ບັດນີ້ຈະເອົາຄຳແນະນຳຂອງຊ່ຽວຊານຈີນທີ່ເພິ່ນແນະນຳຜູ້ເຖົ້າວ່າ: ຄວນສະສົມຂອງເກົ່າ 4 ຢ່າງມາເວົ້າສູ່ຟັງ! ຂອງເກົ່າ 4 ຢ່າງໄດ້ແກ່: ຄູ່ຄອງເກົ່າ, ເງິນທ້ອນເກົ່າ, ເຮືອນເກົ່າ ແລະ ເພື່ອນມິດເກົ່າ! ມາເວົ້າເຖິງຄູ່ຄອງເກົ່າກ່ອນເນາະ! ໃນສະໄໝກ່ອນການເບິ່ງແຍງດູແລກັນຂອງຄົນຈີນເປັນແບບລວງຕັ້ງຄືລູກດູແລພໍ່-ແມ່ ພໍ່-ແມ່ດູແລລູກ ພໍ່ຕູ້ ແມ່ຕູ້ ພໍ່ເຖົ້າແມ່ເຖົ້າດູແລຫຼານ. ແຕ່ວ່າມາຮອດດຽວນີ້ການດູແລກັນມັນເປັນແບບລວງນອນຫຼາຍກ່ວາຄື: ຜູ້ເຖົ້າຜູ້ແກ່ດູແລເບິ່ງແຍງເຊິ່ງກັນແລະກັນ. ເມື່ອເຈັບໄຂ້ໄດ້ຊ່ວຍເລັກນ້ອຍ ລົ້ມໜາວນອນເສື່ອ ຜູ້ເບິ່ງແຍງທີ່ດີທີ່ສຸດກໍ່ຄືຜົວ-ເມຍ ຄູ່ຄອງເກົ່ານິລະ ເພາະສະນັ້ນການມີຄູ່ຄອງແບບຢູ່ນຳກັນຈົນເຖົ້າຈົນແກ່ແມ່ນສຳຄັນຫຼາຍ. ຂອງເກົ່າອັນທີ 2 ແມ່ນເງິນທ້ອນຫອມເກົ່າ ອັນນີ້ກໍ່ສຳຄັນ ຜູ້ເຖົ້າຜູ້ແກ່ຄວນມີເງິນທ້ອນສະສົມໄວ້ຈຳນວນໜຶ່ງ ຢ່າຟ້າວມອບເງິນຫຼືຊັບສົມບັດໃຫ້ລູກຫຼານໄວເກີນໄປ. ເປັນຫຍັງຈຶ່ງຄວນເຮັດແນວນີ້? ກໍ່ຍ້ອນວ່າ: ເຖິງແມ່ນວ່າການມີເງິນທ້ອນຫອມມາຊົ່ວຊີວິດ ອາດຈະບໍ່ມີໂອກາດໃຊ້ ແຕ່ມັນສາມາດສ້າງຄວາມໝັ້ນຄົງທາງຈິດໃຈໄດ້ ຫາກມີເລື່ອງຈຳເປັນຕ້ອງການໃຊ້ເງິນກໍ່ເອົາອອກມາໃຊ້ໄດ້ໂລດ. ຈະໃຊ້ຫຼາຍໃຊ້ໜ້ອຍມັນກໍ່ແມ່ນເງິນເຮົາ ເຮັດແນວນີ້ມັນຈະມີຄວາມຮູ້ສຶກທີ່ແຕກຕ່າງກັບການມອບເງິນໃຫ້ລູກຫຼານໝົດແລ້ວ. ແລ້ວກັບໄປຂໍເງິນລູກຫຼານມາໃຊ້! ຊ່ຽວຊານຈີນຍົກຕົວຢ່າງເລື່ອງນີ້ວ່າ: ຜົວ-ເມຍກິນບຳນານແລ້ວຄູ່ໜຶ່ງຄິດຢາກໄປທ່ຽວເອີຣົບ ຕ້ອງໃຊ້ເງິນ 4 ໝື່ນຢວນ. ໃນກໍລະນີທີ່ຄູ່ຜົວ-ເມຍນີ້ ຍັງມີເງິນເປັນຂອງຕົນເອງຢູ່ ຈຶ່ງມີຄວາມສາມາດຈ່າຍເອງ ບໍ່ຕ້ອງໄປຂໍກັບລູກ ເມື່ອລູກຮູ້ແລະເຕືອນພໍ່-ແມ່ວ່າ: ຢ່າໄປເທາະ ສຸຂະພາບກໍ່ບໍ່ດີ ຄັນໄປກິນອາຫານເອີຣົບ ຢ້ານບໍ່ຖືກປານຖືກໃຈ ທັງເດີນທາງເມື່ອຍອີກ. ຄັນເຈັບປ່ວຍຂື້ນມາຊິເຮັດແນວໃດ? ຢ່າໄປເທາະ ລູກເປັນຫ່ວງ ຄູ່ຜົວເມຍຟັງແລ້ວກໍ່ຄິດວ່າລູກເປັນຫ່ວງ ລູກກະຕັນຍູ! ແຕ່ຄັນເປັນກໍລະນີທີ່ໄປຂໍເງິນລູກໄປທ່ຽວເອີຣົບແລ້ວມາໄດ້ຍິນຄຳເຕືອນແນວນີ້ຈາກລູກ ມັນກໍ່ເກີດຄວາມຮູ້ສຶກທີ່ແຕກຕ່າງກັນໂລດແລ້ວ ອາດຈະເຂົ້າໃຈວ່າ ລູກບໍ່ມີຄວາມກະຕັນຍູ ຂີ້ຖີ່ ບໍ່ຍອມເອົາເງິນໃຫ້ພໍ່ແມ່ໄປທ່ຽວ! ຕ່າງກໍລະນີຄວາມຮູ່ສຶກຕ່າງກັນແນວນີ້ລະ ສະນັ້ນຄວນມີເງິນທ້ອນເກົ່າໄວ້ກັບຕົວເອງ ເຮັດຫຍັງກໍ່ສະບາຍໃຈ. ຢ່າຟ້າວແບ່ງປັນໃຫ້ລູກໝົດໄວເກີນໄປ ຈັກໜ້ອຍຕົນເອງຈະໄຮ້ຄ່າ! ເລື່ອງນີ້ທ່ານຜູ້ຟັງເຄີຍໄດ້ຍິນຄຳເວົ້າທີ່ວ່າ: " ພໍ່-ແມ່ ສາມາດທຸກທົນທໍລະມານ ລ້ຽງລູກ 7-8 ຄົນຈົນໃຫຍ່ກ້າໜ້າບານ ໄດ້ຜົວ ໄດ້ເມຍ ໄດ້ລູກ ແຕ່ລູກ 7-8 ຄົນນັ້ນ ລ້ຽງພໍ່ແມ່ 2 ຄົນຄືນບໍ່ໄດ້ ພໍ່ແມ່ເຖົ້າຫຼາຍແລ້ວກໍ່ປ່ອຍໃຫ້ຕົກລະກຳລຳບາກ ທຸກຍາກໜັກຕ້ອງເບິ່ງແຍງຕົນເອງຕາມລຳພັງໃນບັ້ນທ້າຍຊີວິດ" ບໍ່? ກໍລະນີນີ້ມັນມີແທ້ໄດ໋ບໍ່ແມ່ນເວົ້າຫຼິ້ນ! ພໍ່ແມ່ເຖົ້າແລ້ວຂໍເງິນລູກເລັກໆໜ້ອຍໆເພື່ອຊື້ນັ້ນຊື້ນີ້ ຫຼື ໄປກິນໄປທານ ລູກກໍ່ເວົ້າໃຫ້ຈົ່ມໃຫ້ ເຈັບຊ້ຳນ້ຳໃຈ ຍ້ອນລູກໃພ້ ລູກເຂີຍຂີ້ຖີ່ຈົນເກີນໄປ ແນວນີ້ກໍ່ມີ. ລູກຊາຍ ລູກສາວກໍ່ບໍ່ຄິດອີກວ່າ ກ່ວາທີ່ຕົນເອງຈະໃຫຍ່ກ້າໜ້າບານ ຈົນມີຜົວມີເມຍໄດ້ລູກໃຫຍ່ຊ່ຳນີ້ ພໍ່ແມ່ ສະຫຼະຫຍາດເຫື່ອແຮງງານ ເງິນຄຳກຳແກ້ວໃຫ້ໂຕຫຼາຍຊ່ຳໃດ? ລືມຄຶດ ຫຼື ບໍ່ຄຶດເລີຍກໍ່ມີ! ເອົາ, ຟັງເພງກ່ອນເນາະ! ແລ້ວຈຶ່ງກັບມາເວົ້າສູ່ຟັງວ່າຜູ້ເຖົ້າຄວນສະສົມຂອງເກົ່າອັນທີ 3 ຄືເຮືອນເກົ່າ!
ເພງ
ຊ່ຽວຊານຈີນບອກວ່າ: ຂອງເກົ່າອັນທີ 3 ທີ່ຜູ້ເຖົ້າຄວນມີກໍ່ຄືເຮືອນເກົ່າ! ເປັນຫຍັງຈຶ່ງວ່າຊັ້ນ? ເພິ່ນວ່າເຮືອນຂອງຕົນເອງຢ່າຟ້າວມອບ ຟ້າວໂອນໃຫ້ລູກ! ຜູ້ເຖົ້າບາງຄົນຫ່ວງອັນນັ້ນຫ່ວງອັນນີ້ ຢ່າໄປມະລຸບປຸບປັບ ຢ້ານມັນຫຍຸ້ງໃຫ້ລູກ ກໍ່ຟ້າວຂ້ຽວເຮັດໃບມອບກຳມະສິດເຮືອນໄວ້ໃຫ້ລູກ. ເຮັດແນວນັ້ນຄັນຖືກຜູ້ກະຕັນຍູຮູ້ບຸນຄຸນ ບໍ່ຂື້ນກັບເມຍກັບຜົວເກີນໄປ ຫຼື ຖືກລູກໃພ້ລູກເຂີຍດີກໍ່ແລ້ວໄປ! ແຕ່ຄັນມັນບໍ່ເປັນແນວນັ້ນເດລະ? ເມື່ອພໍ່ແມ່ມອບເຮືອນໃຫ້ໄດ້ໄລຍະໜຶ່ງອາດໄລ່ພໍ່ແມ່ໜີອອກຈາກເຮືອນກໍ່ເປັນໄດ້! ຂີ້ຄ້ານລ້ຽງ ຂີ້ຄ້ານເບິ່ງແຍງປິ່ນປົວ ລຳຄານຜູ້ເຖົ້າຈົ່ມດຸກໍ່ເຄີຍມີ ສະນັ້ນຢ່າຟ້າວໄປມອບກຳມະສິດດີກ່ວາ. ອັນທີ 4 ຜູ້ເຖົ້າຄວນມີເພື່ອນມິດສະຫາຍເກົ່າໄວ້ຈຳນວນໜຶ່ງ! ເຖົ້າມາແລ້ວລູກຫຼານບໍ່ມີເວລາໃຫ້ ຜູ້ເຖົ້າມັກເຫງົາຫຼາຍໄດ໋ ຢູ່ຈີນດຽວນີ້ແຮ່ງຮ້າຍ, ມີລູກຄົນດຽວ ລູກກໍ່ຫຍຸ້ງແດ່ ໄດ້ລູກໃພ້ລູກເຂີຍມາເຂົາເຈົ້າກໍ່ຫຍຸ້ງວຽກຄືກັນ ເພາະວ່າສັງຄົມຈີນດຽວນີ້ແຂ່ງຂັນ ຄວາມກົດດັນສູງຫຼາຍ ໂດຍສະເພາະຄັນເຮັດວຽກນຳເອກະຊົນແຮ່ງໜັກ ຈົນລູກຫຼາຍຄົນໄດ້ຊື້ໝາຊື້ແມວມາໃຫ້ພໍ່ແມ່ລ້ຽງເປັນໝູ່ຢ້ານເຫງົາ! ເພາະວ່າມີແຕ່ຢູ່ເຮືອນ ລູກກໍ່ໄປການແຕ່ເຊົ້າໆ ຄ່ຳຈັ່ງມາຮອດເຮືອນແນວນີ້ນະ,! ຄັນມີໝາແມວຜູ້ເຖົ້າກໍ່ມີຜູ້ລົມນຳ ບາງຄົນຮັກປານລູກພຸ້ນແລ້ວ! ຕື່ນເຊົ້າມາຫຼືຄ່ຳແລງມາກໍ່ພາໝາໄປທ່ຽວຍ່າງຫຼິ້ນຕາມແຄມທາງ ຕາມສວນສາທາລະນະໄດ້ປະໂຫຍດທັງໝາ ທັງເຮັດໃຫ້ຕົນເອງສົດຊື່ນ ສຸຂະພາບຈິດ ສຸຂະພາບກາຍດີອີກຊັ້ນເດ! ແຕ່ຖ້າມີເພື່ອນມິດສະຫາຍເກົ່າລຸ້ນລາວຄາວດຽວກັນໄວ້ຈຳນວນໜຶ່ງມັນກໍ່ຍິ່ງດີ ໄດ້ເອົາໃຈໃສ່ເບິ່ງແຍງຊ່ວຍເຫຼືອກັນ ໄດ້ລົມໄດ້ເວົ້າ ໄດ້ສ້າງກິດຈະກຳຮ່ວມກັນໃນກຸ່ມຜູ້ເຖົ້າ ຢູ່ຈີນຢູ່ຕາມຕົວເມືອງໃຫຍ່ ຕາມຄຸ້ມຊຸມຊົນທີ່ໜຸ່ມໃຫຍ່ໄດ້ໄປພັກພາອາໄສຢູ່ຮ່ວມກັບເຂດແຂວງຂອງເຂົາເຈົ້າເກືອບ 5 ປີ. ຜູ້ເຖົ້າເຂົາເຈົ້າມີຄວາມສາມັກຄີຮັກແພງກັນເປັນກ້ອນເປັນກຸ່ມໄດທ່ານຜູ້ຟັງ! ຕອນເຊົ້າກໍ່ເຕົ້າໂຮມກັນຢູ່ເດີ່ນນ້ອຍບ່ອນໃດບ່ອນໜຶ່ງຂອງຊຸມຊົນ ອອກກຳລັງກາຍດ້ວຍວິທີຕ່າງໆ ບໍ່ວ່າຈະເປັນຟ້ອນມວຍໄທເກັກ, ຟ້ອນວີ, ຟ້ອນດາບ ຫຼື ຝຶກສະແດງສິລະປະດົນຕີເສບຮ້ອງ ຫຼືຄວາມສາມາດອັນໃດອັນໜຶ່ງທີ່ງົດງາມ ບາງເທື່ອຮອດເຕັ້ນລີລາລີລາດແບບຕາເວັນຕົກພຸ້ນແລ້ວ! ທັງມ່ວນທັງໄດ້ອອກກຳລັງກາຍ ດີຕໍ່ສຸຂະພາບກາຍແລະໃຈອີກ ບາດຊຳນານແລ້ວເຂົາເຈົ້າກໍ່ພາກັນໄປສະແດງຕາມສວນສາທາລະນະ ຫຼື ບ່ອນທ່ອງທ່ຽວທີ່ສຳຄັນ! ເວລາເຮົາໄປທ່ຽວເຫັນຜູ້ເຖົ້າສົດຊື່ນແນວນີ້ກໍ່ສະອອນກໍ່ດີໃຈນຳເຂົາເຈົ້າແນ່ນອນລະ! ມັນດີແທ້ໄດ໋ທ່ານຜູ້ຟັງທີ່ຜູ້ເຖົ້າຈັບກຸ່ມກັນເຮັດກິດຈະກຳຕ່າງໆຮ່ວມກັນເປັນປົກກະຕິນິນະ! ເພາະວ່າຈະໄດ້ມີໝູ່ເພື່ອນຫຼາຍ ບໍ່ເຫງົາ ສົມມຸດເຂົາເຈົ້າຕັ້ງວົງດົນຕີພື້ນເມືອງຂື້ນມາ ແລ້ວກໍ່ເສບຮ້ອງເພງ ຝຶກຂັບລຳເປັນປົກກະຕິ ເພື່ອໄປສະແດງຮັບໃຊ້ສັງຄົມ ຜູ້ໜຶ່ງຕີກອງ ຜູ້ໜຶ່ງສີຊໍ ຜູ້ໜຶ່ງດີດຂິມ ຜູ້ໜຶ່ງເປົ່າແຄນ ຜູ້ໜຶ່ງຂັບລຳແນວນີ້ ສົມມຸດບັງເອີນລຸງຜູ້ເປົ່າແຄນ ບໍ່ໄດ້ມາຊ້ອມນຳໝູ່ ໝູ່ເພື່ອນໃນຄະນະກໍ່ເກີດຄວາມເປັນຫ່ວງວ່າເກີດຫຍັງຂື້ນກັບລຸງລະເດ! ກໍ່ພາກັນໂທໄປຖາມຫຼືໄປຫາເອງ ຄັນລຸງເປັນຫວັດເປັນໄອກໍ່ໄດ້ຖາມຂ່າວຄາວ ເບິ່ງແຍງສາລະທຸກສຸກດິບລະຫວ່າງຜູ້ເຖົ້ານຳກັນ ຜູ້ເຈັບໂຊເຫັນໝູ່ຄູ່ມາຢາມກໍ່ດີໃຈ ໄດ້ຢາກຳລັງໃຈກໍ່ຊ່ວາງເຊົາໄວຊັ້ນແລ້ວ! ອັນນີ້ກໍ່ຄືປະໂຫຍດຂອງການມີເພື່ອນມິດສະຫາຍເກົ່າ! ເອົາ, ຟັງເພງກ່ອນເນາະແລ້ວມາລົມກັນຕໍ່!
ເພງ
ເປັນຈັ່ງໃດທ່ານຜູ້ຟັງມື້ນີ້ໜຸ່ມໃຫຍ່ເອົາຄຳແນະນຳຂອງຜູ້ຊ່ຽວຊານຈີນ ທີ່ເພິ່ນແນະນຳວ່າ ຜູ້ເຖົ້າຄວນມີຂອງສະສົມ 4 ຢ່າງຄື: ຄູ່ຄອງເກົ່າ, ເງິນທ້ອນເກົ່າ, ເຮືອນເກົ່າ ແລະ ໝູ່ເພື່ອນເກົ່າ ມາເວົ້າສູ່ຟັງ ກໍ່ຫວັງວ່າຈະເປັນປະໂຫຍດທັງຕໍ່ຊາວໜຸ່ມ ຜູ້ໃຫຍ່ ຫຼື ຜູ້ເຖົ້າແກ່ເອງເນາະ! ເວົ້າເຖິງເລື່ອງນີ້ແລ້ວທຽບກັບວັດທະນະທຳອາຊີ ກັບຕາເວັນຕົກແລ້ວ ຕ່າງກັນຫຼາຍ ຄົນອາຊີຖືການຜູກພັນໃນຄອບຄົວຫຼາຍ ໂດຍສະເພາະພໍ່-ແມ່ ກັບລູກເຕົ້າ ຜູ້ໜຸ່ມນ້ອຍກັບຜູ້ອາວຸໂສ ຜັດປ່ຽນກັນເບິ່ງແຍງກັນ ຄອບຄົວຈຶ່ງອົບອຸ່ນ ຜູ້ເຖົ້າຈຶ່ງບໍ່ເຫງົາຫຼາຍ! ແຕ່ວ່າຢູ່ປະເທດຕາເວັນຕົກດຽວນີ້ ຄວາມຜູກພັນລະຫ່ວາງພໍ່ແມ່ ລູກ ມີໜ້ອຍຫຼາຍ ໂດຍສະເພາະຖ້າລູກໄດ້ 18 ປີ ຂື້ນໄປແລ້ວກໍ່ບໍສົນກັນແລ້ວ ປານລູກເປັດໄປໃຜໄປມັນ ເອີ້ນກັນກໍ່ I You Me ໂລດແລ້ວ! ມັນກໍ່ດີໄປຄົນລະຢ່າງເນາະ! ແຕ່ວ່າຈັ່ງໃດກໍ່ຢ່າວ່າວັດທະນະທຳຮີດຄອງປະເພນີເຮົາທີ່ມີບັນພະບູລຸດ ພາປະພຶດປະຕິບັດມາ ເປັນຮ້ອຍເປັນພັນປີ ກໍ່ຄວນອະນຸລັກຮັກສາ ເພາະຄັນມັນບໍ່ດີມັນກໍ່ບໍ່ສືບທອດມາຮອດປະຈຸບັນນີ້ດັອກ! ໂດຍສະເພາະແມ່ນຄວາມກະຕັນຍູຮູ້ບຸນຄຸນຂອງລູກທີ່ມີຕໍ່ພໍ່-ແມ່ນີ້ລະ, ຫຼືການສະແດງຄວາມເຄົາລົບຂອງຜູ້ນ້ອຍຕໍ່ຜູ້ໃຫຍ່ ຜູ້ອາວຸໂສ ຜູ້ເຖົ້າຜູ້ແກ່ນິລະ! ການເວລາປ່ຽນໄປ ສະພາບແວດລ້ອມປ່ຽນໄປ ສັງຄົມປ່ຽນໄປ ແຕ່ຂໍນຳຢ່າໃຫ້ຄວາມກະຕັນຍູຮູ້ບຸນຄຸນປ່ຽນໄປເປັນຄວາມອະກະຕັນຍູຕໍ່ພໍ່ແມ່ ຜູ້ປົກຄອງກໍ່ແລ້ວກັນເນາະ! ຖ້າທ່ານເປັນລູກຫຼານທີ່ອະກະຕັນຍູ ບໍ່ຮູ້ບຸນຄຸນຂອງພໍ່ແມ່ຜູ້ປົກຄອງ ເຮັດໃຫ້ເພິ່ນເສຍໃຈ ເສຍນ້ຳຕາຢູ່ບໍ່ເລີກບໍ່ແລ້ວຈັກເທື່ອ ມື້ໃດມື້ໜຶ່ງບາບໄລ່ເວນທັນ ຫຼື ຍາມທີ່ທ່ານໄດ້ລູກໄດ້ເຕົ້າມາ ແລະລູກເຕົ້າຂອງທ່ານກໍ່ເປັນຄົນອະກະຕັນຍູຕໍ່ທ່ານ ຕອນນັ້ນລະທ່ານຈຶ່ງຈະຮູ້ຊຶ້ງເຖິງຈິດໃຈແລະຄວາມຮູ້ສຶກທີ່ເຈັບປວດທໍລະມານ ທີ່ທ່ານເອງເຄີຍເຮັດໃຫ້ເພິ່ນເສຍໃຈ! ສະນັ້ນໃຜທີ່ຍັງບໍ່ທັນເປັນລູກອະກະຕັນຍູ ກໍ່ບໍ່ຕ້ອງຄຶດເປັນມັນເທາະ! ມັນບໍ່ດີແທ້ໆ ທັງບໍ່ດີຕໍ່ພໍ່ແມ່ ທັງບໍ່ດີຕໍ່ຊີວິດອະນາຄົດໂຕເອງ! ອັນໃດບໍ່ດີ ອັນໃດຈະເຮັດໃຫ້ພໍ່ແມ່ອຸກໃຈ ເສຍໃຈ ເຈັບໃຈ ທໍລະມານໃຈນຳ ຫຼີກໃຫ້ໄດ້ທໍ່ໃດຍິ່ງດີ ບໍ່ວ່າຈະເປັນການມົວເມົາ ນຳສິ່ງເໜົ່າເໝັນ ເປື່ອຍເຍື່ອຍ ຕິດໝູ່ເຫຼົ້າເຂົ້າໝູ່ຢາ ຕິດການພະນັນ ຕິດສິ່ງເສບຕິດ ເປັນນັກເລງອັນຕະພານກວນເມືອງ ກວນສັງຄົມ ຫຼືຢວກຫັວງລວຍທາງລັດ ຈົນກາຍເປັນຄົນຂີ້ລັກ ຂະໂມຍ ດຶງກະເປົາ, ລັກລົດ ຂ້າເຈົ້າເອົາຂອງ ປຸ້ນຈີ້ແນວນີ້ລ້ວນແຕ່ເປັນການກະທຳທີ່ບໍ່ດີຕໍ່ຕົນເອງ ແລະ ເຮັດໃຫ້ພໍ່ແມ່ເສຍໃຈ ອັບອາຍຂາຍຂີ້ໜ້າ ແລະ ເຈັບປວດໃຈທັງນັ້ນ ຫຼີກສະ ເຊົາສະເນາະ ຖ້າບໍ່ຢາກໃຫ້ສັງຄົມເອີ້ນວ່າ: "ລູກອະກະຕັນຍູ"
ເພງ
711477, ……………… ບັດນີ້ຈະເອົາຄຳແນະນຳຂອງຊ່ຽວຊານຈີນທີ່ເພິ່ນແນະນຳຜູ້ເຖົ້າວ່າ: ຄວນສະສົມຂອງເກົ່າ 4 ຢ່າງມາເວົ້າສູ່ຟັງ! ຂອງເກົ່າ 4 ຢ່າງໄດ້ແກ່: ຄູ່ຄອງເກົ່າ, ເງິນທ້ອນເກົ່າ, ເຮືອນເກົ່າ ແລະ ເພື່ອນມິດເກົ່າ! ມາເວົ້າເຖິງຄູ່ຄອງເກົ່າກ່ອນເນາະ! ໃນສະໄໝກ່ອນການເບິ່ງແຍງດູແລກັນຂອງຄົນຈີນເປັນແບບລວງຕັ້ງຄືລູກດູແລພໍ່-ແມ່ ພໍ່-ແມ່ດູແລລູກ ພໍ່ຕູ້ ແມ່ຕູ້ ພໍ່ເຖົ້າແມ່ເຖົ້າດູແລຫຼານ. ແຕ່ວ່າມາຮອດດຽວນີ້ການດູແລກັນມັນເປັນແບບລວງນອນຫຼາຍກ່ວາຄື: ຜູ້ເຖົ້າຜູ້ແກ່ດູແລເບິ່ງແຍງເຊິ່ງກັນແລະກັນ. ເມື່ອເຈັບໄຂ້ໄດ້ຊ່ວຍເລັກນ້ອຍ ລົ້ມໜາວນອນເສື່ອ ຜູ້ເບິ່ງແຍງທີ່ດີທີ່ສຸດກໍ່ຄືຜົວ-ເມຍ ຄູ່ຄອງເກົ່ານິລະ ເພາະສະນັ້ນການມີຄູ່ຄອງແບບຢູ່ນຳກັນຈົນເຖົ້າຈົນແກ່ແມ່ນສຳຄັນຫຼາຍ. ຂອງເກົ່າອັນທີ 2 ແມ່ນເງິນທ້ອນຫອມເກົ່າ ອັນນີ້ກໍ່ສຳຄັນ ຜູ້ເຖົ້າຜູ້ແກ່ຄວນມີເງິນທ້ອນສະສົມໄວ້ຈຳນວນໜຶ່ງ ຢ່າຟ້າວມອບເງິນຫຼືຊັບສົມບັດໃຫ້ລູກຫຼານໄວເກີນໄປ. ເປັນຫຍັງຈຶ່ງຄວນເຮັດແນວນີ້? ກໍ່ຍ້ອນວ່າ: ເຖິງແມ່ນວ່າການມີເງິນທ້ອນຫອມມາຊົ່ວຊີວິດ ອາດຈະບໍ່ມີໂອກາດໃຊ້ ແຕ່ມັນສາມາດສ້າງຄວາມໝັ້ນຄົງທາງຈິດໃຈໄດ້ ຫາກມີເລື່ອງຈຳເປັນຕ້ອງການໃຊ້ເງິນກໍ່ເອົາອອກມາໃຊ້ໄດ້ໂລດ. ຈະໃຊ້ຫຼາຍໃຊ້ໜ້ອຍມັນກໍ່ແມ່ນເງິນເຮົາ ເຮັດແນວນີ້ມັນຈະມີຄວາມຮູ້ສຶກທີ່ແຕກຕ່າງກັບການມອບເງິນໃຫ້ລູກຫຼານໝົດແລ້ວ. ແລ້ວກັບໄປຂໍເງິນລູກຫຼານມາໃຊ້! ຊ່ຽວຊານຈີນຍົກຕົວຢ່າງເລື່ອງນີ້ວ່າ: ຜົວ-ເມຍກິນບຳນານແລ້ວຄູ່ໜຶ່ງຄິດຢາກໄປທ່ຽວເອີຣົບ ຕ້ອງໃຊ້ເງິນ 4 ໝື່ນຢວນ. ໃນກໍລະນີທີ່ຄູ່ຜົວ-ເມຍນີ້ ຍັງມີເງິນເປັນຂອງຕົນເອງຢູ່ ຈຶ່ງມີຄວາມສາມາດຈ່າຍເອງ ບໍ່ຕ້ອງໄປຂໍກັບລູກ ເມື່ອລູກຮູ້ແລະເຕືອນພໍ່-ແມ່ວ່າ: ຢ່າໄປເທາະ ສຸຂະພາບກໍ່ບໍ່ດີ ຄັນໄປກິນອາຫານເອີຣົບ ຢ້ານບໍ່ຖືກປານຖືກໃຈ ທັງເດີນທາງເມື່ອຍອີກ. ຄັນເຈັບປ່ວຍຂື້ນມາຊິເຮັດແນວໃດ? ຢ່າໄປເທາະ ລູກເປັນຫ່ວງ ຄູ່ຜົວເມຍຟັງແລ້ວກໍ່ຄິດວ່າລູກເປັນຫ່ວງ ລູກກະຕັນຍູ! ແຕ່ຄັນເປັນກໍລະນີທີ່ໄປຂໍເງິນລູກໄປທ່ຽວເອີຣົບແລ້ວມາໄດ້ຍິນຄຳເຕືອນແນວນີ້ຈາກລູກ ມັນກໍ່ເກີດຄວາມຮູ້ສຶກທີ່ແຕກຕ່າງກັນໂລດແລ້ວ ອາດຈະເຂົ້າໃຈວ່າ ລູກບໍ່ມີຄວາມກະຕັນຍູ ຂີ້ຖີ່ ບໍ່ຍອມເອົາເງິນໃຫ້ພໍ່ແມ່ໄປທ່ຽວ! ຕ່າງກໍລະນີຄວາມຮູ່ສຶກຕ່າງກັນແນວນີ້ລະ ສະນັ້ນຄວນມີເງິນທ້ອນເກົ່າໄວ້ກັບຕົວເອງ ເຮັດຫຍັງກໍ່ສະບາຍໃຈ. ຢ່າຟ້າວແບ່ງປັນໃຫ້ລູກໝົດໄວເກີນໄປ ຈັກໜ້ອຍຕົນເອງຈະໄຮ້ຄ່າ! ເລື່ອງນີ້ທ່ານຜູ້ຟັງເຄີຍໄດ້ຍິນຄຳເວົ້າທີ່ວ່າ: " ພໍ່-ແມ່ ສາມາດທຸກທົນທໍລະມານ ລ້ຽງລູກ 7-8 ຄົນຈົນໃຫຍ່ກ້າໜ້າບານ ໄດ້ຜົວ ໄດ້ເມຍ ໄດ້ລູກ ແຕ່ລູກ 7-8 ຄົນນັ້ນ ລ້ຽງພໍ່ແມ່ 2 ຄົນຄືນບໍ່ໄດ້ ພໍ່ແມ່ເຖົ້າຫຼາຍແລ້ວກໍ່ປ່ອຍໃຫ້ຕົກລະກຳລຳບາກ ທຸກຍາກໜັກຕ້ອງເບິ່ງແຍງຕົນເອງຕາມລຳພັງໃນບັ້ນທ້າຍຊີວິດ" ບໍ່? ກໍລະນີນີ້ມັນມີແທ້ໄດ໋ບໍ່ແມ່ນເວົ້າຫຼິ້ນ! ພໍ່ແມ່ເຖົ້າແລ້ວຂໍເງິນລູກເລັກໆໜ້ອຍໆເພື່ອຊື້ນັ້ນຊື້ນີ້ ຫຼື ໄປກິນໄປທານ ລູກກໍ່ເວົ້າໃຫ້ຈົ່ມໃຫ້ ເຈັບຊ້ຳນ້ຳໃຈ ຍ້ອນລູກໃພ້ ລູກເຂີຍຂີ້ຖີ່ຈົນເກີນໄປ ແນວນີ້ກໍ່ມີ. ລູກຊາຍ ລູກສາວກໍ່ບໍ່ຄິດອີກວ່າ ກ່ວາທີ່ຕົນເອງຈະໃຫຍ່ກ້າໜ້າບານ ຈົນມີຜົວມີເມຍໄດ້ລູກໃຫຍ່ຊ່ຳນີ້ ພໍ່ແມ່ ສະຫຼະຫຍາດເຫື່ອແຮງງານ ເງິນຄຳກຳແກ້ວໃຫ້ໂຕຫຼາຍຊ່ຳໃດ? ລືມຄຶດ ຫຼື ບໍ່ຄຶດເລີຍກໍ່ມີ! ເອົາ, ຟັງເພງກ່ອນເນາະ! ແລ້ວຈຶ່ງກັບມາເວົ້າສູ່ຟັງວ່າຜູ້ເຖົ້າຄວນສະສົມຂອງເກົ່າອັນທີ 3 ຄືເຮືອນເກົ່າ!
ເພງ
ຊ່ຽວຊານຈີນບອກວ່າ: ຂອງເກົ່າອັນທີ 3 ທີ່ຜູ້ເຖົ້າຄວນມີກໍ່ຄືເຮືອນເກົ່າ! ເປັນຫຍັງຈຶ່ງວ່າຊັ້ນ? ເພິ່ນວ່າເຮືອນຂອງຕົນເອງຢ່າຟ້າວມອບ ຟ້າວໂອນໃຫ້ລູກ! ຜູ້ເຖົ້າບາງຄົນຫ່ວງອັນນັ້ນຫ່ວງອັນນີ້ ຢ່າໄປມະລຸບປຸບປັບ ຢ້ານມັນຫຍຸ້ງໃຫ້ລູກ ກໍ່ຟ້າວຂ້ຽວເຮັດໃບມອບກຳມະສິດເຮືອນໄວ້ໃຫ້ລູກ. ເຮັດແນວນັ້ນຄັນຖືກຜູ້ກະຕັນຍູຮູ້ບຸນຄຸນ ບໍ່ຂື້ນກັບເມຍກັບຜົວເກີນໄປ ຫຼື ຖືກລູກໃພ້ລູກເຂີຍດີກໍ່ແລ້ວໄປ! ແຕ່ຄັນມັນບໍ່ເປັນແນວນັ້ນເດລະ? ເມື່ອພໍ່ແມ່ມອບເຮືອນໃຫ້ໄດ້ໄລຍະໜຶ່ງອາດໄລ່ພໍ່ແມ່ໜີອອກຈາກເຮືອນກໍ່ເປັນໄດ້! ຂີ້ຄ້ານລ້ຽງ ຂີ້ຄ້ານເບິ່ງແຍງປິ່ນປົວ ລຳຄານຜູ້ເຖົ້າຈົ່ມດຸກໍ່ເຄີຍມີ ສະນັ້ນຢ່າຟ້າວໄປມອບກຳມະສິດດີກ່ວາ. ອັນທີ 4 ຜູ້ເຖົ້າຄວນມີເພື່ອນມິດສະຫາຍເກົ່າໄວ້ຈຳນວນໜຶ່ງ! ເຖົ້າມາແລ້ວລູກຫຼານບໍ່ມີເວລາໃຫ້ ຜູ້ເຖົ້າມັກເຫງົາຫຼາຍໄດ໋ ຢູ່ຈີນດຽວນີ້ແຮ່ງຮ້າຍ, ມີລູກຄົນດຽວ ລູກກໍ່ຫຍຸ້ງແດ່ ໄດ້ລູກໃພ້ລູກເຂີຍມາເຂົາເຈົ້າກໍ່ຫຍຸ້ງວຽກຄືກັນ ເພາະວ່າສັງຄົມຈີນດຽວນີ້ແຂ່ງຂັນ ຄວາມກົດດັນສູງຫຼາຍ ໂດຍສະເພາະຄັນເຮັດວຽກນຳເອກະຊົນແຮ່ງໜັກ ຈົນລູກຫຼາຍຄົນໄດ້ຊື້ໝາຊື້ແມວມາໃຫ້ພໍ່ແມ່ລ້ຽງເປັນໝູ່ຢ້ານເຫງົາ! ເພາະວ່າມີແຕ່ຢູ່ເຮືອນ ລູກກໍ່ໄປການແຕ່ເຊົ້າໆ ຄ່ຳຈັ່ງມາຮອດເຮືອນແນວນີ້ນະ,! ຄັນມີໝາແມວຜູ້ເຖົ້າກໍ່ມີຜູ້ລົມນຳ ບາງຄົນຮັກປານລູກພຸ້ນແລ້ວ! ຕື່ນເຊົ້າມາຫຼືຄ່ຳແລງມາກໍ່ພາໝາໄປທ່ຽວຍ່າງຫຼິ້ນຕາມແຄມທາງ ຕາມສວນສາທາລະນະໄດ້ປະໂຫຍດທັງໝາ ທັງເຮັດໃຫ້ຕົນເອງສົດຊື່ນ ສຸຂະພາບຈິດ ສຸຂະພາບກາຍດີອີກຊັ້ນເດ! ແຕ່ຖ້າມີເພື່ອນມິດສະຫາຍເກົ່າລຸ້ນລາວຄາວດຽວກັນໄວ້ຈຳນວນໜຶ່ງມັນກໍ່ຍິ່ງດີ ໄດ້ເອົາໃຈໃສ່ເບິ່ງແຍງຊ່ວຍເຫຼືອກັນ ໄດ້ລົມໄດ້ເວົ້າ ໄດ້ສ້າງກິດຈະກຳຮ່ວມກັນໃນກຸ່ມຜູ້ເຖົ້າ ຢູ່ຈີນຢູ່ຕາມຕົວເມືອງໃຫຍ່ ຕາມຄຸ້ມຊຸມຊົນທີ່ໜຸ່ມໃຫຍ່ໄດ້ໄປພັກພາອາໄສຢູ່ຮ່ວມກັບເຂດແຂວງຂອງເຂົາເຈົ້າເກືອບ 5 ປີ. ຜູ້ເຖົ້າເຂົາເຈົ້າມີຄວາມສາມັກຄີຮັກແພງກັນເປັນກ້ອນເປັນກຸ່ມໄດທ່ານຜູ້ຟັງ! ຕອນເຊົ້າກໍ່ເຕົ້າໂຮມກັນຢູ່ເດີ່ນນ້ອຍບ່ອນໃດບ່ອນໜຶ່ງຂອງຊຸມຊົນ ອອກກຳລັງກາຍດ້ວຍວິທີຕ່າງໆ ບໍ່ວ່າຈະເປັນຟ້ອນມວຍໄທເກັກ, ຟ້ອນວີ, ຟ້ອນດາບ ຫຼື ຝຶກສະແດງສິລະປະດົນຕີເສບຮ້ອງ ຫຼືຄວາມສາມາດອັນໃດອັນໜຶ່ງທີ່ງົດງາມ ບາງເທື່ອຮອດເຕັ້ນລີລາລີລາດແບບຕາເວັນຕົກພຸ້ນແລ້ວ! ທັງມ່ວນທັງໄດ້ອອກກຳລັງກາຍ ດີຕໍ່ສຸຂະພາບກາຍແລະໃຈອີກ ບາດຊຳນານແລ້ວເຂົາເຈົ້າກໍ່ພາກັນໄປສະແດງຕາມສວນສາທາລະນະ ຫຼື ບ່ອນທ່ອງທ່ຽວທີ່ສຳຄັນ! ເວລາເຮົາໄປທ່ຽວເຫັນຜູ້ເຖົ້າສົດຊື່ນແນວນີ້ກໍ່ສະອອນກໍ່ດີໃຈນຳເຂົາເຈົ້າແນ່ນອນລະ! ມັນດີແທ້ໄດ໋ທ່ານຜູ້ຟັງທີ່ຜູ້ເຖົ້າຈັບກຸ່ມກັນເຮັດກິດຈະກຳຕ່າງໆຮ່ວມກັນເປັນປົກກະຕິນິນະ! ເພາະວ່າຈະໄດ້ມີໝູ່ເພື່ອນຫຼາຍ ບໍ່ເຫງົາ ສົມມຸດເຂົາເຈົ້າຕັ້ງວົງດົນຕີພື້ນເມືອງຂື້ນມາ ແລ້ວກໍ່ເສບຮ້ອງເພງ ຝຶກຂັບລຳເປັນປົກກະຕິ ເພື່ອໄປສະແດງຮັບໃຊ້ສັງຄົມ ຜູ້ໜຶ່ງຕີກອງ ຜູ້ໜຶ່ງສີຊໍ ຜູ້ໜຶ່ງດີດຂິມ ຜູ້ໜຶ່ງເປົ່າແຄນ ຜູ້ໜຶ່ງຂັບລຳແນວນີ້ ສົມມຸດບັງເອີນລຸງຜູ້ເປົ່າແຄນ ບໍ່ໄດ້ມາຊ້ອມນຳໝູ່ ໝູ່ເພື່ອນໃນຄະນະກໍ່ເກີດຄວາມເປັນຫ່ວງວ່າເກີດຫຍັງຂື້ນກັບລຸງລະເດ! ກໍ່ພາກັນໂທໄປຖາມຫຼືໄປຫາເອງ ຄັນລຸງເປັນຫວັດເປັນໄອກໍ່ໄດ້ຖາມຂ່າວຄາວ ເບິ່ງແຍງສາລະທຸກສຸກດິບລະຫວ່າງຜູ້ເຖົ້ານຳກັນ ຜູ້ເຈັບໂຊເຫັນໝູ່ຄູ່ມາຢາມກໍ່ດີໃຈ ໄດ້ຢາກຳລັງໃຈກໍ່ຊ່ວາງເຊົາໄວຊັ້ນແລ້ວ! ອັນນີ້ກໍ່ຄືປະໂຫຍດຂອງການມີເພື່ອນມິດສະຫາຍເກົ່າ! ເອົາ, ຟັງເພງກ່ອນເນາະແລ້ວມາລົມກັນຕໍ່!
ເພງ
ເປັນຈັ່ງໃດທ່ານຜູ້ຟັງມື້ນີ້ໜຸ່ມໃຫຍ່ເອົາຄຳແນະນຳຂອງຜູ້ຊ່ຽວຊານຈີນ ທີ່ເພິ່ນແນະນຳວ່າ ຜູ້ເຖົ້າຄວນມີຂອງສະສົມ 4 ຢ່າງຄື: ຄູ່ຄອງເກົ່າ, ເງິນທ້ອນເກົ່າ, ເຮືອນເກົ່າ ແລະ ໝູ່ເພື່ອນເກົ່າ ມາເວົ້າສູ່ຟັງ ກໍ່ຫວັງວ່າຈະເປັນປະໂຫຍດທັງຕໍ່ຊາວໜຸ່ມ ຜູ້ໃຫຍ່ ຫຼື ຜູ້ເຖົ້າແກ່ເອງເນາະ! ເວົ້າເຖິງເລື່ອງນີ້ແລ້ວທຽບກັບວັດທະນະທຳອາຊີ ກັບຕາເວັນຕົກແລ້ວ ຕ່າງກັນຫຼາຍ ຄົນອາຊີຖືການຜູກພັນໃນຄອບຄົວຫຼາຍ ໂດຍສະເພາະພໍ່-ແມ່ ກັບລູກເຕົ້າ ຜູ້ໜຸ່ມນ້ອຍກັບຜູ້ອາວຸໂສ ຜັດປ່ຽນກັນເບິ່ງແຍງກັນ ຄອບຄົວຈຶ່ງອົບອຸ່ນ ຜູ້ເຖົ້າຈຶ່ງບໍ່ເຫງົາຫຼາຍ! ແຕ່ວ່າຢູ່ປະເທດຕາເວັນຕົກດຽວນີ້ ຄວາມຜູກພັນລະຫ່ວາງພໍ່ແມ່ ລູກ ມີໜ້ອຍຫຼາຍ ໂດຍສະເພາະຖ້າລູກໄດ້ 18 ປີ ຂື້ນໄປແລ້ວກໍ່ບໍສົນກັນແລ້ວ ປານລູກເປັດໄປໃຜໄປມັນ ເອີ້ນກັນກໍ່ I You Me ໂລດແລ້ວ! ມັນກໍ່ດີໄປຄົນລະຢ່າງເນາະ! ແຕ່ວ່າຈັ່ງໃດກໍ່ຢ່າວ່າວັດທະນະທຳຮີດຄອງປະເພນີເຮົາທີ່ມີບັນພະບູລຸດ ພາປະພຶດປະຕິບັດມາ ເປັນຮ້ອຍເປັນພັນປີ ກໍ່ຄວນອະນຸລັກຮັກສາ ເພາະຄັນມັນບໍ່ດີມັນກໍ່ບໍ່ສືບທອດມາຮອດປະຈຸບັນນີ້ດັອກ! ໂດຍສະເພາະແມ່ນຄວາມກະຕັນຍູຮູ້ບຸນຄຸນຂອງລູກທີ່ມີຕໍ່ພໍ່-ແມ່ນີ້ລະ, ຫຼືການສະແດງຄວາມເຄົາລົບຂອງຜູ້ນ້ອຍຕໍ່ຜູ້ໃຫຍ່ ຜູ້ອາວຸໂສ ຜູ້ເຖົ້າຜູ້ແກ່ນິລະ! ການເວລາປ່ຽນໄປ ສະພາບແວດລ້ອມປ່ຽນໄປ ສັງຄົມປ່ຽນໄປ ແຕ່ຂໍນຳຢ່າໃຫ້ຄວາມກະຕັນຍູຮູ້ບຸນຄຸນປ່ຽນໄປເປັນຄວາມອະກະຕັນຍູຕໍ່ພໍ່ແມ່ ຜູ້ປົກຄອງກໍ່ແລ້ວກັນເນາະ! ຖ້າທ່ານເປັນລູກຫຼານທີ່ອະກະຕັນຍູ ບໍ່ຮູ້ບຸນຄຸນຂອງພໍ່ແມ່ຜູ້ປົກຄອງ ເຮັດໃຫ້ເພິ່ນເສຍໃຈ ເສຍນ້ຳຕາຢູ່ບໍ່ເລີກບໍ່ແລ້ວຈັກເທື່ອ ມື້ໃດມື້ໜຶ່ງບາບໄລ່ເວນທັນ ຫຼື ຍາມທີ່ທ່ານໄດ້ລູກໄດ້ເຕົ້າມາ ແລະລູກເຕົ້າຂອງທ່ານກໍ່ເປັນຄົນອະກະຕັນຍູຕໍ່ທ່ານ ຕອນນັ້ນລະທ່ານຈຶ່ງຈະຮູ້ຊຶ້ງເຖິງຈິດໃຈແລະຄວາມຮູ້ສຶກທີ່ເຈັບປວດທໍລະມານ ທີ່ທ່ານເອງເຄີຍເຮັດໃຫ້ເພິ່ນເສຍໃຈ! ສະນັ້ນໃຜທີ່ຍັງບໍ່ທັນເປັນລູກອະກະຕັນຍູ ກໍ່ບໍ່ຕ້ອງຄຶດເປັນມັນເທາະ! ມັນບໍ່ດີແທ້ໆ ທັງບໍ່ດີຕໍ່ພໍ່ແມ່ ທັງບໍ່ດີຕໍ່ຊີວິດອະນາຄົດໂຕເອງ! ອັນໃດບໍ່ດີ ອັນໃດຈະເຮັດໃຫ້ພໍ່ແມ່ອຸກໃຈ ເສຍໃຈ ເຈັບໃຈ ທໍລະມານໃຈນຳ ຫຼີກໃຫ້ໄດ້ທໍ່ໃດຍິ່ງດີ ບໍ່ວ່າຈະເປັນການມົວເມົາ ນຳສິ່ງເໜົ່າເໝັນ ເປື່ອຍເຍື່ອຍ ຕິດໝູ່ເຫຼົ້າເຂົ້າໝູ່ຢາ ຕິດການພະນັນ ຕິດສິ່ງເສບຕິດ ເປັນນັກເລງອັນຕະພານກວນເມືອງ ກວນສັງຄົມ ຫຼືຢວກຫັວງລວຍທາງລັດ ຈົນກາຍເປັນຄົນຂີ້ລັກ ຂະໂມຍ ດຶງກະເປົາ, ລັກລົດ ຂ້າເຈົ້າເອົາຂອງ ປຸ້ນຈີ້ແນວນີ້ລ້ວນແຕ່ເປັນການກະທຳທີ່ບໍ່ດີຕໍ່ຕົນເອງ ແລະ ເຮັດໃຫ້ພໍ່ແມ່ເສຍໃຈ ອັບອາຍຂາຍຂີ້ໜ້າ ແລະ ເຈັບປວດໃຈທັງນັ້ນ ຫຼີກສະ ເຊົາສະເນາະ ຖ້າບໍ່ຢາກໃຫ້ສັງຄົມເອີ້ນວ່າ: "ລູກອະກະຕັນຍູ"
