ກຳລັງການຊື້ຂອງຄົນຈີນໃນໄລຍະບຸນກຸດຈີນ
(GMT+08:00) 2012-04-26 15:41:16 cri
ສະບາຍດີມິດຮັກແຟນລາຍການເບິ່ງເມືອງຈີນທຸກທ່ານ! ໜຸ່ມໃຫຍ່ອາລົມດີສົ່ງສຽງມາທັກທາຍທ່ານອີກແລ້ວເປັນປະຈຳທຸກຄືນໃນເວລາ 19 ໂມງ ທາງ CRI FM 93Mhz ແຫ່ງນີ້! ພົບກັນຄືນນີ້ກໍ່ແມ່ນຄືນວັນພຸດ ທີ 8 ກຸມພາແລ້ວ! ມື້ພັກຢູ່ຈີນແທ້ໆກໍ່ແມ່ນ 7 ມື້ ແຕ່ 22 ຈົນຮອດ 28 ເດືອນແລ້ວນີ້! ແຕ່ວ່າໄລຍະບຸນກຸດຈີນໝົດແທ້ໆກໍ່ແມ່ນວັນຈັນຜ່ານມານີ້ລະ! ທີ່ເປັນບຸນໂຄມໄຟຫຼືບຸນກິນຂະໜົມບົວລອຍຖືວ່າເປັນມື້ປິດສາກຂອງການຫຼິ້ນບຸນກຸດຈີນໃນໄລຍະ 15 ມື້ແທ້ໆແຕ່ກິ່ນອາຍຂອງບຸນກຸດຈີນກໍ່ຍັງຫຼົງເຫຼືອໃຫ້ເວົ້າເຖິງຢູ່ໄດ໋ທ່ານຜູ້ຟັງ! ມື້ນີ້ມີ 2-3 ເລື່ອງທີ່ຈະເວົ້າໃຫ້ຟັງກ່ຽວກັບກິ່ນອາຍຂອງບຸນກຸດຈີນທີ່ຜ່ານມາ. ໂດຍສະເພາະກໍ່ແມ່ນກຳລັງຊື້ຂອງຄົນຈີນໃນໄລຍະບຸນກຸດຈີນຜ່ານມາທັງຊື້ຢູ່ພາຍໃນປະເທດທັງບິນໄປຊື້ເຄື່ອງລາຄາແພງໆຢູ່ຕ່າງປະເທດຈົນເຮັດໃຫ້ຕະຫຼາດສິນຄ້າຫຼູຫຼາ Brand name ຢູ່ເອີຣົບທີ່ຄອຍເຕີຍເຕະເຊາະຍ້ອນວິກິດການການເງິນຈົນໄດ້ເງີຍຄໍພໍ້ວໍ້ແພ້ແວ້ຂື້ນມາຟົດຟື້ນໄດ້! ເອົາ, ຈັກໜ້ອຍຟັງເພງມ່ວນໆກ່ອນແລ້ວຈະເວົ້າສູ່ຟັງ
ເພງ
ເວົ້າເລື່ອງການຈັບຈ່າຍຊື້ເຄື່ອງຂອງບໍ່ວ່າຈະເປັນເຄື່ອງນຸ່ງຂອງຖື ເຄື່ອງປະດັບປະມີຄ່າ ອາຫານການກິນໄປແຫຼ່ງບັນເທີງ, ເທັກບາ ຫຼື ແມ່ນແຕ່ລົງທຶນຊື້ປີ້ຍົນໄປທ່ຽວໄປຊື້ສິນຄ້າຫຼູຫຼາຟຸມເຟືອຍຢູ່ຕ່າງປະເທດແລ້ວ ເລື່ອງນີ້ສະພາບຕົວຈິງຂອງແຕ່ລະປະເທດມັນຕ່າງກັນໄດເນາະທ່ານຜູ້ຟັງ! ຍົກຕົວຢ່າງຢູ່ຈີນລັດຖະບານກະຕຸ້ນໃຫ້ປະຊາຊົນຈ່າຍເງິນເພື່ອໃຫ້ສິນຄ້າແລະເງິນໝູນວຽນຄ້ຳຊູຍູ້ກັນ ອັນນັ້ນກໍ່ແມ່ນຍ້ອນສະຫວັດດີການປະກັນໄພຂອງຄົນຈີນດີຂື້ນຫຼາຍ ໂດຍສະເພາະຄົນໃນເມືອງລາຍຮັບແຫ່ງເພີ່ມຂື້ນຫຼາຍ! ແຕ່ວ່າກົງກັນຂ້າມຢູ່ລາວການໃຊ້ຈ່າຍຍັງຕ້ອງໄດ້ລະມັດລະວັງຫຼາຍ ເພາະວ່າລາຍຮັບຍັງຕ່ຳບໍ່ວ່າຈະເປັນພະນັກງານ, ທະຫານ, ຕຳຫຼວດແລະປະຊາຊົນທົ່ວໄປຄັນສະຫວັດດີການຫຼືປະກັນໄພຊີວິດ ສຸຂະພາບບໍ່ດີພໍໃຜກໍ່ບໍ່ກ້າຈ່າຍຢ່າງມ່ວນຊື່ນລະນໍ້ມັນກໍ່ຕ້ອງມີການຄິດໄລ່ຄັກແນ່ວ່າອັນໃດຄວນຈ່າຍອັນໃດບໍ່ຄວນຈ່າຍ, ອັນໃດຈຳເປັນອັນໃດບໍ່ຈຳເປັນ! ອັນໃດຈ່າຍ ອັນໃດທ້ອນໂຮມໄວ້ໃນຍາມຈຳເປັນ ອັນໃດເອົາໄວ້ລົງທຶນເລື່ອງເຫຼົ່ານີ້ຕ້ອງໄດ້ຄິດຄັກໆໂລດລະເນາະ ຄັນບໍ່ຢາກເປັນໜີ້ອອ້ມຄໍຫອຍຫັ້ນນ່າ! ເລື່ອງທີ່ໜຸ່ມໃຫຍ່ຈະເວົ້າສູ່ຟັງຄືນນີ້ຄືກັນແມ່ນເລື່ອງການໃຊ້ຈ່າຍຢ່າງມັນມືຂອງຄົນຈີນຢູ່ປະເທດຈີນໃນໄລຍະປີໃໝ່ແຕ່ເອົາມາເວົ້າໃຫ້ຟັງ! ບໍ່ແມ່ນເພື່ອສະໜັບສະໜຸນໃຫ້ຄົນລາວໃຊ້ຈ່າຍຫຼິ້ນກິນຟຸມເຟືອຍໄດເດີ! ກໍ່ຄືບອກຫັ້ນລະວ່າສະພາບລາຍຮັບຂອງແຕ່ລະປະເທດບໍ່ຄືກັນ! ຟັງເພງກ່ອນເນາະແລ້ວຈຶ່ງກັບມາເວົ້າສູ່ຟັງວ່າການໃຊ້ຈ່າຍຂອງຄົນຈີນໃນໄລຍະບຸນກຸດຈີນຟົດຟື້ນຊ່ຳໃດ?
ເພງ
ຢ່າລືມທ່ານຜູ້ຟັງ ມີຄຳຄິດເຫັນຫຍັງກະໂທເຂົ້າມາຫາພວກເຮົາໄດ້ 711477 ຫຼືຂໍ້ຄວາມສັ້ນກໍ່ແມ່ນ 9300 ເອົາ, ບັດນີ້ກໍ່ມາເວົ້າເລື່ອງການໃຊ້ຈ່າຍຫຼິ້ນບຸນກຸດຈີນປີນີ້ຂອງຄົນຈີນເນາະ! ເວົ້າຮອດເລື່ອງນີ້ແລ້ວຄັນຮອດບຸນກຸດຈີນຢູ່ເມືອງແທນທີ່ເຄື່ອງຊິແພງຂື້ນບໍ່ແມ່ນໄດທ່ານຜູ້ຟັງ ຄົນຈີນສ່ວນຫຼາຍຈະກຽມເງິນໄວ້ໄປຊື້ເຄື່ອງໃນວັນຊາດ ຕອນບຸນກຸດຈີນແນວນີ້ລະເພາະວ່າບໍລິສັດຫ້າງຮ້ານຕ່າງໆຈະຫຼຸດແລກແຈກແຖມຢ່າງຕະຫຼຸດແລ້ວໄລຍະນີ້ ສິນຄ້າບາງອັນຫຼຸດຮອດ 50% ພຸ້ນນະ! ຜູ້ຊື້ກໍ່ມ່ວນຜູ້ຂາຍກໍ່ມ່ວນວ່າຊັ້ນສະ! ເພາະວ່າໄດ້ຂາຍເຄື່ອງດີເປັນພິເສດເດ! ໃນວັນທີ 28 ເດືອນແລ້ວນີ້ທີ່ເປັນມື້ສຸດທ້າຍຂອງບຸນກຸດຈີນອາທິດໜຶ່ງຫັ້ນນະ ກະຊວງການຄ້າຈີນສະຫຼຸບຕົວເລກຄົນໄປຈັບຈ່າຍຊື້ເຄື່ອງມ່ວນຊື່ນບັນເທີງທົ່ວປະເທດຈີນມູນຄ່າຕັ້ງວ່າ 470 ຕື້ຢວນຫຼືປະມານ 74 ຕື້ໂດລາພຸ້ນແລ້ວ ລື່ນບຸນກຸດຈີນ 7 ມື້ໃນປີກາຍນີ້ຕັ້ງວ່າ 16.2% ຜູ້ທີ່ຂາຍດິບຂາຍດີແທ້ໆກໍ່ແມ່ນເສື້ອຜ້າໜ້າແພ, ເຫຼົ້າທຸກຊະນິດແລະຮ້ານອາຫານຕ່າງໆນິລະ ເຕັມອັດເຕັມອັດແລ້ວເພາະວ່າຕອນນີ້ຄົນຈີນຫຼາຍຄົນມີເງິນຫຼາຍແດ່ ສະຫຼອງກໍ່ບໍ່ຕ້ອງສະຫຼອງຢູ່ເຮືອນມັນແຄບ ມັນເປື້ອນ ຄ້ານມ້ຽນ ຊວນພໍ່-ແມ່ ຍາດຕິພີ່ນ້ອງໄປສະຫຼອງກັນຢູ່ຮ້ານອາຫານພຸ້ນມ່ວນເຕັມທີແລ້ວຈ່າຍເງິນປັດກົ້ນລ້າງມືໜີ ສະບາຍໄປຈັ່ງຊັ້ນໄດ໋! ທ່ານຜູ້ຟັງຄິດເບິ່ງໄລຍະແຕ່ວັນທີ 8 ມັງກອນຈົນຮອດ 16 ເດືອນນີ້ແມ່ນໄລຍະຄົນຈີນເດີນທາງໄປມາຫຼາຍທີ່ສຸດໃນໄລຍະບຸນກຸດຈີນບໍ່ວ່າຈະເປັນລົດໄຟ, ລົດເມ, ຍົນ, ເຮືອປະມານ 3 ຕື້ 200 ລ້ານເທື່ອພຸ້ນລະ! ແລ້ວການຈັບຈ່າຍຊື້-ຂາຍມັນຈະຟົດຟື້ນຂະໜາດໃດ? ກະຊວງການຄ້າຈີນຈັດອັນດັບສິນຄ້າທີ່ຂາຍດິບຂາຍດີໃນໄລຍະ 7 ມື້ພັກນັ້ນເສື້ອຜ້າເຄື່ອງນຸ່ງມາເປັນອັນດັບ 1 ເພີ່ມຂື້ນ 18.7% ຈາກປີກາຍ! ຮອງລົງມາກໍ່ແມ່ນເຄື່ອງປະດັບມີຄ່າບໍ່ວ່າຈະເປັນເພັດ, ພອຍ, ຍົກ, ຄຳ, ເງິນ, ທອງໝູ່ນີ້ລະ! ເພີ່ມຂື້ນ 16% ສ່ວນອາຫານການກິນກໍ່ເພີ່ມຂື້ນ 16.2% ເບິ່ງທໍ່ນີ້ກໍ່ຮູ້ແລ້ວວ່າໃນຂະນະທີ່ທົ່ວໂລກໂດຍສະເພາະອາເມລິກາ ເອີຣົບ ພວມປະເຊີນກັບວິກິດການການເງິນຢ່າງໜັກແຕ່ຄົນຈີນຍັງມີກຳລັງໃຈຊື້ຢ່າງມະຫາສານແລ້ວບໍລິສັດໃຫຍ່ໆທາງໃດຈະບໍ່ຢາກເຈາະເຂົ້າໄປຕະຫຼາດຈີນເນາະທ່ານຜູ້ຟັງ
ເພງ
ຂະນະນີ້………….ເອົາ, ມື້ກີ້ກໍ່ເວົ້າເລື່ອງການຫຼິ້ນກິນຊື້ເຄື່ອງຊື້ຂອງຂອງຄົນຈີນຢູ່ພາຍໃນປະເທດໃນໄລຍະ 7 ມື້ພັກບຸນກຸດຈີນຜ່ານໄປແລ້ວ! ບັດນີ້ມາເບິ່ງວ່າໃນໄລຍະພັກນີ້ຍັງມີຄົນຈີນທີ່ມີລາຍຮັບສູງປະເພດພວກເງິນເຫຼືອຖົງແລ້ວວ່າຊັ້ນສະ! ບິນໄປທ່ຽວຢູ່ຕ່າງປະເທດພຸ້ນໄດ໋ທ່ານຜູ້ຟັງ! ຄືເວົ້າຫັ້ນລະວ່າໃນຂະນະທີ່ທົ່ວໂລກໂດຍສະເພາະອາເມລິກາກັບເອີຣົບພວມປະເຊີນກັບວິກິດການການເງິນຢ່າງໜັກໜ່ວງຢູ່ບຸນຄຣິສມາສ, ປີໃໝ່ສາກົນຈົນຮອດດຽວນີ້ນິລະ ຢູ່ປະເທດຕາເວັນຕົກກໍ່ບໍ່ມ່ວນປານໃດ ຍ້ອນຄົນຕາເວັນຕົກວິຕົກກັງວົນກັບລາຍຈ່າຍລາຍຮັບປະຈຳວັນຫຼາຍ ໄພຫ່ວາງງານກໍ່ເພີ່ມຂື້ນ, ຈົນມາຮອດບຸນກຸດຈີນຜ່ານມານີ້ເສດຖະກິດຂອງຫຼາຍປະເທດກໍ່ສົດຊື່ນຂື້ນຍ້ອນຄົນຈີນເດີນທາງໄປທ່ຽວຊື້ເຄື່ອງຊື້ຂອງຢ່າງເມົາມັນເລີຍ ຄິດເປັນມູນຄ່າລວມກັນແລ້ວຕັ້ງວ່ວາ 7 ຕື້ 200 ລ້ານໂດລາ ແລະໃນໄລຍະນີ້ຄົນຈີນກໍ່ກາຍເປັນກຸ່ມຜູ້ບໍລິໂພກສິນຄ້າຟຸມເຟືອຍອັນດັບ 1 ຂອງໂລກໄປເລີຍ! ໃນການຊື້ເຄື່ອງໃນໄລຍະກຸດຈີນຢູ່ເອີຣົບ 62% ແມ່ນຄົນຈີນ. ສະມາຄົມສິນຄ້າຫຼູຫຼາຂອງໂລກປະກາດຕົວເລກໃນວັນທີ 28 ເດືອນແລ້ວນີ້ທີ່ເປັນມື້ສຸດທ້າຍຂອງບຸນກຸດຈີນວ່າ: ຄົນຈີນໄດ້ຊື້ສິນຄ້າໃນຕອນທີ່ໄປທ່ຽວຕ່າງປະເທດເປັນມູນຄ່າ 7 ຕື້ 200 ລ້ານໂດລາຄືເວົ້າມາຫັ້ນລະ ເກີນຄາດໝາຍທີ່ຕັ້ງໄວ້ຄື 5 ຕື້ 700 ລ້ານໂດລາ. ທຳລາຍສະຖິຕິສູງສຸດຂອງປະຫັວດສາດ ການບໍລິໂພກສິນຄ້າໂລກ! ຕະຫຼາດທີ່ໄດ້ເງິນຈາກການນຳທ່ຽວການຊື້ຂອງຄົນຈີນຫຼາຍທີ່ສຸດໃນບຸນກຸດຈີນຜ່ານມານີ້ກໍ່ໄດ້ແກ່ເອີຣົບ 46% ອາເມຣິກາເໜືອ 19% ແລະຮົງກົງ, ມາເກົາ, ໃຕ້ຫວັນຂອງຈີນເອງ 25% ສິນຄ້າທີ່ນັກທ່ອງທ່ຽວລະດັບສູງຂອງຈີນມັກຊື້ທີ່ສຸດກໍ່ແມ່ນສິນຄ້າຍີ່ຫໍ້ Brand name ຂອງໂລກເປັນຕົ້ນວ່າ:ໂມງ, ເຄື່ອງໜັງ, ເສື້ອຜ້າ, ເຄື່ອງສຳອາງແລະນ້ຳຫອມ! ນ້ຳຫອມກໍ່ຄືຊິບໍ່ມົ້ມປະເທດຝລັ່ງລະເນາະທ່ານຜູ້ຟັງ! ບາງຄົນເພິ່ນຍັງເວົ້າຢອກກັນເດວ່າຊີວິດນີ້ຄັນໄດ້ເມຍຍີ່ປຸ່ນ ອາຫານຈີນ ນ້ຳຫອມຝລັ່ງ ລົດເຢຍລະມັນກໍ່ແມ່ນສຸດທໍ່ນັ້ນລະວ່າຊັ້ນເດ! ແຕ່ຄວາມຈິງເປັນແນວນັ້ນບໍ່ໜຸ່ມໃຫຍ່ກໍ່ບໍ່ຮັບປະກັນເດີ້! ເອົາ, ຟັງເພງອີກຊຸດໜຶ່ງກ່ອນເນາະແລ້ວຈັ່ງມາເວົ້າສູ່ຟັງຕໍ່
ເພງ
ຂໍຂອບໃຈ................ເອົາ, ບັດນີ້ກໍ່ມາລົມກັນຕໍ່ກ່ຽວກັບຄົນຈີນໄປທ່ຽວຊື້ເຄື່ອງໄປຊື້ສິນຄ້າລາຄາແພງໆຫຼູຫຼາຢູ່ຕ່າງປະເທດໃນໄລຍະ 7 ມື້ນພັກບຸນກຸດຈີນໝົດເງິນໄປຕັ້ງວ່າ 7 ຕື້ 200 ລ້ານໂດລາ! ໂອ່!ຟັງລະກຳລັງຊື້ຂອງຄົນຈີນດຽວນີ້ບໍ່ແມ່ນທຳມະດາອີ່ຫຼີເນາະທ່ານຜູ້ຟັງ! ກະຊິແມ່ນຫັ້ນລະເພາະວ່າສະຖິຕິລ່າສຸດກ່ຽວກັບເສດຖີໃຫມ່ ເສດຖີໜຸ່ມທີ່ສຸດຂອງໂລກດຽວນີ້ກໍ່ແມ່ນຄົນຈີນເດ! ຄົນລະດັບກາງກໍ່ຫຼາຍຂື້ນຫຼາຍ! ປີໃໝ່ກຸດຈີນປີນີ້ຕະຫຼາດສິນຄ້າຫຼູຫຼາ Brand name ໃນເອີຣົບມີຊີວິດຊີວາທີ່ສຸດເລີຍ! ປະລິມານການຊື້-ຂາຍທຽບກັບປີຜ່ານມາເພີ່ມຂື້ນຕັ້ງ 12% ໃນປະເພດສິນຄ້າລາຄາແພງໆນັ້ນໂມງຂາຍດີທີ່ສຸດເລີຍ! ສ່ວນຢູ່ອາເມລິກາສິນຄ້າທີ່ຂາຍດີຫຼາຍກໍ່ແມ່ນເສື້ອຜ້າເຄື່ອງນຸ່ງຫົ່ມແລະເຄື່ອງໜັງ. ສ່ວນຢູ່ຮົງກົງ, ມາເກົາຂອງຈີນເອງສິນຄ້າປະເພດເຄື່ອງປະດັບຂາຍດີທີ່ສຸດ ບໍ່ວ່າຈະເປັນ ຍົກ, ເພັດພອຍ, ມຸກແລະອື່ນໆ! ຟັງເບິ່ງລະກະເປັນຕາສະອອນເນາະ! ແຕ່ຂໍຢ້້ຳວ່າໜຸ່ມໃຫຍ່ບໍ່ໄດ້ສະໜັບສະໜຸນໃຫ້ຄົນລາວໃຊ້ຈ່າຍຟຸມເຟືອຍເດີ້! ຊິຊື້ຊິຈ່າຍກະເບິ່ງລາຍຮັບຕົວຈິງຂອງຕົນເອງຫັ້ນລະ ຄັນຢາກເປັນໜີ້ ຢາກທຸກໃຈເອົາມືກ່າຍໜ້າຜາກກໍ່ເຮັດໂລດລະແບບໄດ້ 5 ຈ່າຍ 10 ຫັ້ນ! ໜຸ່ມໃຫຍ່ບໍ່ເຮັດນຳແລ້ວເວົ້າແທ້ຢູ່ລາວປີນີ້ເປັນປີທ່ອງທ່ຽວ ໂຄສະນາດຶງດູດນັກທ່ອງທ່ຽວຖົງໜັກໆຂອງຈີນເຂົ້າມາທ່ຽວຫຼາຍໆກະດີໄດ໋ເນາະ! ບ່ອນທ່ອງທ່ຽວກໍ່ງາມກໍ່ສົດກໍ່ໃໝ່ ສິນຄ້າເຄື່ອງປະດັບທີ່ມີຄ່າຂອງລາວຄຸນະພາບກໍ່ບໍ່ນ້ອຍໜ້າໃຜໄດ໋ເນາະ! ຫຼືວ່າຜ້າໄໝໝູ່ນີ້ນິເອົາພວກສ່ວນທ່ອງທ່ຽວບຸກຕະຫຼາດນັກທ່ອງທ່ຽວຈີນໃຫ້ໜັກຂື້ນຕື່ມເບິ່ງ! ຟັງເພງກ່ອນເນາະ
ເພງ
ເວລາກໍ່ຍັງບໍ່ຫຼາຍແລ້ວ! ເບິ່ງອາກາດມື້ນີ້ຮອດເວລາ 6 ໂມງແລງຍັງບໍ່ມືດຊຸ້ມລ້າວເທື່ອສົງໄສຍາມໜາວຢູ່ວຽງຈັນຊິໝົດແທ້ລະຕິນິ! ເວົ້າແທ້ເດືອນລາວກໍ່ເດືອນ 3 ແຮມ 1 ຄ່ຳລະເດເນາະ! ເລີ່ມມືດຊ້າລະໄດ໋ ເອົາໃນໄລຍະອາກາດປ່ຽນແປງແນວນີ້ກໍ່ຮັກສາສຸຂະພາບແດ່ເດີ້ມິດລາຍການ, ພະຍາດຕາມລະດູໜາວກໍ່ບໍ່ຄືກັນໄດເນາະ! ຍາມໜາວກໍ່ແມ່ນພະຍາດທາງເດີນຫາຍໃຈແມ່ນບໍ່ລະ? ບໍ່ວ່າຈະເປັນໄຂ້, ໄອ, ປອດອັກເສບ, ປອດບວມໄປຈັ່ງຊັ້ນລະ! ບາດເລີ່ມຮ້ອນຫຼືເຂົ້າສູ່ຍາມຮ້ອນແທ້ແລ້ວກໍ່ລະວັງຖອກທ້ອງກັບໄຂ້ເລືອດອອກໄດ໋ບາດນິ໋! ໜາວເຊົາແລ້ວຍຸງກໍ່ຊິຫຼາຍຂື້ນລະໄດບາດນິ! ໂດຍສະເພາະຕອນຫົວແລງແນວນີ້ແຫ່ງກະເຕັກລະ! ເອົາ, ລະມັດລະວັງເນາະ, ອາຫານການກິນຍາມຮ້ອນມັກບູດງ່າຍ ຢ່າເສຍດາຍຫຼາຍຈັກໜ່ອຍເຈັບທ້ອງ, ຖອກທ້ອງຊິຕາໂກນໄດ໋! ຂອງດິບຂອງແດງໝູ່ນີ້ກໍ່ລະວັງ ຫຼືຜູ້ສາວຜູ້ຍິງຊາວໜຸ່ມມັກກິນໝາກສົ້ມໝາກແສວນີ້ນະ! ລະວັງຄວາມສະອາດຕ້ອງມາກ່ອນຄັນບໍ່ຢາກເຈັບທ້ອງຖອກທ້ອງນະເນາະ! ເຕືອນດ້ວຍຄວາມເປັນຫ່ວງເປັນໄຍ
ເພງ
ຈົບ
ເພງ
ເວົ້າເລື່ອງການຈັບຈ່າຍຊື້ເຄື່ອງຂອງບໍ່ວ່າຈະເປັນເຄື່ອງນຸ່ງຂອງຖື ເຄື່ອງປະດັບປະມີຄ່າ ອາຫານການກິນໄປແຫຼ່ງບັນເທີງ, ເທັກບາ ຫຼື ແມ່ນແຕ່ລົງທຶນຊື້ປີ້ຍົນໄປທ່ຽວໄປຊື້ສິນຄ້າຫຼູຫຼາຟຸມເຟືອຍຢູ່ຕ່າງປະເທດແລ້ວ ເລື່ອງນີ້ສະພາບຕົວຈິງຂອງແຕ່ລະປະເທດມັນຕ່າງກັນໄດເນາະທ່ານຜູ້ຟັງ! ຍົກຕົວຢ່າງຢູ່ຈີນລັດຖະບານກະຕຸ້ນໃຫ້ປະຊາຊົນຈ່າຍເງິນເພື່ອໃຫ້ສິນຄ້າແລະເງິນໝູນວຽນຄ້ຳຊູຍູ້ກັນ ອັນນັ້ນກໍ່ແມ່ນຍ້ອນສະຫວັດດີການປະກັນໄພຂອງຄົນຈີນດີຂື້ນຫຼາຍ ໂດຍສະເພາະຄົນໃນເມືອງລາຍຮັບແຫ່ງເພີ່ມຂື້ນຫຼາຍ! ແຕ່ວ່າກົງກັນຂ້າມຢູ່ລາວການໃຊ້ຈ່າຍຍັງຕ້ອງໄດ້ລະມັດລະວັງຫຼາຍ ເພາະວ່າລາຍຮັບຍັງຕ່ຳບໍ່ວ່າຈະເປັນພະນັກງານ, ທະຫານ, ຕຳຫຼວດແລະປະຊາຊົນທົ່ວໄປຄັນສະຫວັດດີການຫຼືປະກັນໄພຊີວິດ ສຸຂະພາບບໍ່ດີພໍໃຜກໍ່ບໍ່ກ້າຈ່າຍຢ່າງມ່ວນຊື່ນລະນໍ້ມັນກໍ່ຕ້ອງມີການຄິດໄລ່ຄັກແນ່ວ່າອັນໃດຄວນຈ່າຍອັນໃດບໍ່ຄວນຈ່າຍ, ອັນໃດຈຳເປັນອັນໃດບໍ່ຈຳເປັນ! ອັນໃດຈ່າຍ ອັນໃດທ້ອນໂຮມໄວ້ໃນຍາມຈຳເປັນ ອັນໃດເອົາໄວ້ລົງທຶນເລື່ອງເຫຼົ່ານີ້ຕ້ອງໄດ້ຄິດຄັກໆໂລດລະເນາະ ຄັນບໍ່ຢາກເປັນໜີ້ອອ້ມຄໍຫອຍຫັ້ນນ່າ! ເລື່ອງທີ່ໜຸ່ມໃຫຍ່ຈະເວົ້າສູ່ຟັງຄືນນີ້ຄືກັນແມ່ນເລື່ອງການໃຊ້ຈ່າຍຢ່າງມັນມືຂອງຄົນຈີນຢູ່ປະເທດຈີນໃນໄລຍະປີໃໝ່ແຕ່ເອົາມາເວົ້າໃຫ້ຟັງ! ບໍ່ແມ່ນເພື່ອສະໜັບສະໜຸນໃຫ້ຄົນລາວໃຊ້ຈ່າຍຫຼິ້ນກິນຟຸມເຟືອຍໄດເດີ! ກໍ່ຄືບອກຫັ້ນລະວ່າສະພາບລາຍຮັບຂອງແຕ່ລະປະເທດບໍ່ຄືກັນ! ຟັງເພງກ່ອນເນາະແລ້ວຈຶ່ງກັບມາເວົ້າສູ່ຟັງວ່າການໃຊ້ຈ່າຍຂອງຄົນຈີນໃນໄລຍະບຸນກຸດຈີນຟົດຟື້ນຊ່ຳໃດ?
ເພງ
ຢ່າລືມທ່ານຜູ້ຟັງ ມີຄຳຄິດເຫັນຫຍັງກະໂທເຂົ້າມາຫາພວກເຮົາໄດ້ 711477 ຫຼືຂໍ້ຄວາມສັ້ນກໍ່ແມ່ນ 9300 ເອົາ, ບັດນີ້ກໍ່ມາເວົ້າເລື່ອງການໃຊ້ຈ່າຍຫຼິ້ນບຸນກຸດຈີນປີນີ້ຂອງຄົນຈີນເນາະ! ເວົ້າຮອດເລື່ອງນີ້ແລ້ວຄັນຮອດບຸນກຸດຈີນຢູ່ເມືອງແທນທີ່ເຄື່ອງຊິແພງຂື້ນບໍ່ແມ່ນໄດທ່ານຜູ້ຟັງ ຄົນຈີນສ່ວນຫຼາຍຈະກຽມເງິນໄວ້ໄປຊື້ເຄື່ອງໃນວັນຊາດ ຕອນບຸນກຸດຈີນແນວນີ້ລະເພາະວ່າບໍລິສັດຫ້າງຮ້ານຕ່າງໆຈະຫຼຸດແລກແຈກແຖມຢ່າງຕະຫຼຸດແລ້ວໄລຍະນີ້ ສິນຄ້າບາງອັນຫຼຸດຮອດ 50% ພຸ້ນນະ! ຜູ້ຊື້ກໍ່ມ່ວນຜູ້ຂາຍກໍ່ມ່ວນວ່າຊັ້ນສະ! ເພາະວ່າໄດ້ຂາຍເຄື່ອງດີເປັນພິເສດເດ! ໃນວັນທີ 28 ເດືອນແລ້ວນີ້ທີ່ເປັນມື້ສຸດທ້າຍຂອງບຸນກຸດຈີນອາທິດໜຶ່ງຫັ້ນນະ ກະຊວງການຄ້າຈີນສະຫຼຸບຕົວເລກຄົນໄປຈັບຈ່າຍຊື້ເຄື່ອງມ່ວນຊື່ນບັນເທີງທົ່ວປະເທດຈີນມູນຄ່າຕັ້ງວ່າ 470 ຕື້ຢວນຫຼືປະມານ 74 ຕື້ໂດລາພຸ້ນແລ້ວ ລື່ນບຸນກຸດຈີນ 7 ມື້ໃນປີກາຍນີ້ຕັ້ງວ່າ 16.2% ຜູ້ທີ່ຂາຍດິບຂາຍດີແທ້ໆກໍ່ແມ່ນເສື້ອຜ້າໜ້າແພ, ເຫຼົ້າທຸກຊະນິດແລະຮ້ານອາຫານຕ່າງໆນິລະ ເຕັມອັດເຕັມອັດແລ້ວເພາະວ່າຕອນນີ້ຄົນຈີນຫຼາຍຄົນມີເງິນຫຼາຍແດ່ ສະຫຼອງກໍ່ບໍ່ຕ້ອງສະຫຼອງຢູ່ເຮືອນມັນແຄບ ມັນເປື້ອນ ຄ້ານມ້ຽນ ຊວນພໍ່-ແມ່ ຍາດຕິພີ່ນ້ອງໄປສະຫຼອງກັນຢູ່ຮ້ານອາຫານພຸ້ນມ່ວນເຕັມທີແລ້ວຈ່າຍເງິນປັດກົ້ນລ້າງມືໜີ ສະບາຍໄປຈັ່ງຊັ້ນໄດ໋! ທ່ານຜູ້ຟັງຄິດເບິ່ງໄລຍະແຕ່ວັນທີ 8 ມັງກອນຈົນຮອດ 16 ເດືອນນີ້ແມ່ນໄລຍະຄົນຈີນເດີນທາງໄປມາຫຼາຍທີ່ສຸດໃນໄລຍະບຸນກຸດຈີນບໍ່ວ່າຈະເປັນລົດໄຟ, ລົດເມ, ຍົນ, ເຮືອປະມານ 3 ຕື້ 200 ລ້ານເທື່ອພຸ້ນລະ! ແລ້ວການຈັບຈ່າຍຊື້-ຂາຍມັນຈະຟົດຟື້ນຂະໜາດໃດ? ກະຊວງການຄ້າຈີນຈັດອັນດັບສິນຄ້າທີ່ຂາຍດິບຂາຍດີໃນໄລຍະ 7 ມື້ພັກນັ້ນເສື້ອຜ້າເຄື່ອງນຸ່ງມາເປັນອັນດັບ 1 ເພີ່ມຂື້ນ 18.7% ຈາກປີກາຍ! ຮອງລົງມາກໍ່ແມ່ນເຄື່ອງປະດັບມີຄ່າບໍ່ວ່າຈະເປັນເພັດ, ພອຍ, ຍົກ, ຄຳ, ເງິນ, ທອງໝູ່ນີ້ລະ! ເພີ່ມຂື້ນ 16% ສ່ວນອາຫານການກິນກໍ່ເພີ່ມຂື້ນ 16.2% ເບິ່ງທໍ່ນີ້ກໍ່ຮູ້ແລ້ວວ່າໃນຂະນະທີ່ທົ່ວໂລກໂດຍສະເພາະອາເມລິກາ ເອີຣົບ ພວມປະເຊີນກັບວິກິດການການເງິນຢ່າງໜັກແຕ່ຄົນຈີນຍັງມີກຳລັງໃຈຊື້ຢ່າງມະຫາສານແລ້ວບໍລິສັດໃຫຍ່ໆທາງໃດຈະບໍ່ຢາກເຈາະເຂົ້າໄປຕະຫຼາດຈີນເນາະທ່ານຜູ້ຟັງ
ເພງ
ຂະນະນີ້………….ເອົາ, ມື້ກີ້ກໍ່ເວົ້າເລື່ອງການຫຼິ້ນກິນຊື້ເຄື່ອງຊື້ຂອງຂອງຄົນຈີນຢູ່ພາຍໃນປະເທດໃນໄລຍະ 7 ມື້ພັກບຸນກຸດຈີນຜ່ານໄປແລ້ວ! ບັດນີ້ມາເບິ່ງວ່າໃນໄລຍະພັກນີ້ຍັງມີຄົນຈີນທີ່ມີລາຍຮັບສູງປະເພດພວກເງິນເຫຼືອຖົງແລ້ວວ່າຊັ້ນສະ! ບິນໄປທ່ຽວຢູ່ຕ່າງປະເທດພຸ້ນໄດ໋ທ່ານຜູ້ຟັງ! ຄືເວົ້າຫັ້ນລະວ່າໃນຂະນະທີ່ທົ່ວໂລກໂດຍສະເພາະອາເມລິກາກັບເອີຣົບພວມປະເຊີນກັບວິກິດການການເງິນຢ່າງໜັກໜ່ວງຢູ່ບຸນຄຣິສມາສ, ປີໃໝ່ສາກົນຈົນຮອດດຽວນີ້ນິລະ ຢູ່ປະເທດຕາເວັນຕົກກໍ່ບໍ່ມ່ວນປານໃດ ຍ້ອນຄົນຕາເວັນຕົກວິຕົກກັງວົນກັບລາຍຈ່າຍລາຍຮັບປະຈຳວັນຫຼາຍ ໄພຫ່ວາງງານກໍ່ເພີ່ມຂື້ນ, ຈົນມາຮອດບຸນກຸດຈີນຜ່ານມານີ້ເສດຖະກິດຂອງຫຼາຍປະເທດກໍ່ສົດຊື່ນຂື້ນຍ້ອນຄົນຈີນເດີນທາງໄປທ່ຽວຊື້ເຄື່ອງຊື້ຂອງຢ່າງເມົາມັນເລີຍ ຄິດເປັນມູນຄ່າລວມກັນແລ້ວຕັ້ງວ່ວາ 7 ຕື້ 200 ລ້ານໂດລາ ແລະໃນໄລຍະນີ້ຄົນຈີນກໍ່ກາຍເປັນກຸ່ມຜູ້ບໍລິໂພກສິນຄ້າຟຸມເຟືອຍອັນດັບ 1 ຂອງໂລກໄປເລີຍ! ໃນການຊື້ເຄື່ອງໃນໄລຍະກຸດຈີນຢູ່ເອີຣົບ 62% ແມ່ນຄົນຈີນ. ສະມາຄົມສິນຄ້າຫຼູຫຼາຂອງໂລກປະກາດຕົວເລກໃນວັນທີ 28 ເດືອນແລ້ວນີ້ທີ່ເປັນມື້ສຸດທ້າຍຂອງບຸນກຸດຈີນວ່າ: ຄົນຈີນໄດ້ຊື້ສິນຄ້າໃນຕອນທີ່ໄປທ່ຽວຕ່າງປະເທດເປັນມູນຄ່າ 7 ຕື້ 200 ລ້ານໂດລາຄືເວົ້າມາຫັ້ນລະ ເກີນຄາດໝາຍທີ່ຕັ້ງໄວ້ຄື 5 ຕື້ 700 ລ້ານໂດລາ. ທຳລາຍສະຖິຕິສູງສຸດຂອງປະຫັວດສາດ ການບໍລິໂພກສິນຄ້າໂລກ! ຕະຫຼາດທີ່ໄດ້ເງິນຈາກການນຳທ່ຽວການຊື້ຂອງຄົນຈີນຫຼາຍທີ່ສຸດໃນບຸນກຸດຈີນຜ່ານມານີ້ກໍ່ໄດ້ແກ່ເອີຣົບ 46% ອາເມຣິກາເໜືອ 19% ແລະຮົງກົງ, ມາເກົາ, ໃຕ້ຫວັນຂອງຈີນເອງ 25% ສິນຄ້າທີ່ນັກທ່ອງທ່ຽວລະດັບສູງຂອງຈີນມັກຊື້ທີ່ສຸດກໍ່ແມ່ນສິນຄ້າຍີ່ຫໍ້ Brand name ຂອງໂລກເປັນຕົ້ນວ່າ:ໂມງ, ເຄື່ອງໜັງ, ເສື້ອຜ້າ, ເຄື່ອງສຳອາງແລະນ້ຳຫອມ! ນ້ຳຫອມກໍ່ຄືຊິບໍ່ມົ້ມປະເທດຝລັ່ງລະເນາະທ່ານຜູ້ຟັງ! ບາງຄົນເພິ່ນຍັງເວົ້າຢອກກັນເດວ່າຊີວິດນີ້ຄັນໄດ້ເມຍຍີ່ປຸ່ນ ອາຫານຈີນ ນ້ຳຫອມຝລັ່ງ ລົດເຢຍລະມັນກໍ່ແມ່ນສຸດທໍ່ນັ້ນລະວ່າຊັ້ນເດ! ແຕ່ຄວາມຈິງເປັນແນວນັ້ນບໍ່ໜຸ່ມໃຫຍ່ກໍ່ບໍ່ຮັບປະກັນເດີ້! ເອົາ, ຟັງເພງອີກຊຸດໜຶ່ງກ່ອນເນາະແລ້ວຈັ່ງມາເວົ້າສູ່ຟັງຕໍ່
ເພງ
ຂໍຂອບໃຈ................ເອົາ, ບັດນີ້ກໍ່ມາລົມກັນຕໍ່ກ່ຽວກັບຄົນຈີນໄປທ່ຽວຊື້ເຄື່ອງໄປຊື້ສິນຄ້າລາຄາແພງໆຫຼູຫຼາຢູ່ຕ່າງປະເທດໃນໄລຍະ 7 ມື້ນພັກບຸນກຸດຈີນໝົດເງິນໄປຕັ້ງວ່າ 7 ຕື້ 200 ລ້ານໂດລາ! ໂອ່!ຟັງລະກຳລັງຊື້ຂອງຄົນຈີນດຽວນີ້ບໍ່ແມ່ນທຳມະດາອີ່ຫຼີເນາະທ່ານຜູ້ຟັງ! ກະຊິແມ່ນຫັ້ນລະເພາະວ່າສະຖິຕິລ່າສຸດກ່ຽວກັບເສດຖີໃຫມ່ ເສດຖີໜຸ່ມທີ່ສຸດຂອງໂລກດຽວນີ້ກໍ່ແມ່ນຄົນຈີນເດ! ຄົນລະດັບກາງກໍ່ຫຼາຍຂື້ນຫຼາຍ! ປີໃໝ່ກຸດຈີນປີນີ້ຕະຫຼາດສິນຄ້າຫຼູຫຼາ Brand name ໃນເອີຣົບມີຊີວິດຊີວາທີ່ສຸດເລີຍ! ປະລິມານການຊື້-ຂາຍທຽບກັບປີຜ່ານມາເພີ່ມຂື້ນຕັ້ງ 12% ໃນປະເພດສິນຄ້າລາຄາແພງໆນັ້ນໂມງຂາຍດີທີ່ສຸດເລີຍ! ສ່ວນຢູ່ອາເມລິກາສິນຄ້າທີ່ຂາຍດີຫຼາຍກໍ່ແມ່ນເສື້ອຜ້າເຄື່ອງນຸ່ງຫົ່ມແລະເຄື່ອງໜັງ. ສ່ວນຢູ່ຮົງກົງ, ມາເກົາຂອງຈີນເອງສິນຄ້າປະເພດເຄື່ອງປະດັບຂາຍດີທີ່ສຸດ ບໍ່ວ່າຈະເປັນ ຍົກ, ເພັດພອຍ, ມຸກແລະອື່ນໆ! ຟັງເບິ່ງລະກະເປັນຕາສະອອນເນາະ! ແຕ່ຂໍຢ້້ຳວ່າໜຸ່ມໃຫຍ່ບໍ່ໄດ້ສະໜັບສະໜຸນໃຫ້ຄົນລາວໃຊ້ຈ່າຍຟຸມເຟືອຍເດີ້! ຊິຊື້ຊິຈ່າຍກະເບິ່ງລາຍຮັບຕົວຈິງຂອງຕົນເອງຫັ້ນລະ ຄັນຢາກເປັນໜີ້ ຢາກທຸກໃຈເອົາມືກ່າຍໜ້າຜາກກໍ່ເຮັດໂລດລະແບບໄດ້ 5 ຈ່າຍ 10 ຫັ້ນ! ໜຸ່ມໃຫຍ່ບໍ່ເຮັດນຳແລ້ວເວົ້າແທ້ຢູ່ລາວປີນີ້ເປັນປີທ່ອງທ່ຽວ ໂຄສະນາດຶງດູດນັກທ່ອງທ່ຽວຖົງໜັກໆຂອງຈີນເຂົ້າມາທ່ຽວຫຼາຍໆກະດີໄດ໋ເນາະ! ບ່ອນທ່ອງທ່ຽວກໍ່ງາມກໍ່ສົດກໍ່ໃໝ່ ສິນຄ້າເຄື່ອງປະດັບທີ່ມີຄ່າຂອງລາວຄຸນະພາບກໍ່ບໍ່ນ້ອຍໜ້າໃຜໄດ໋ເນາະ! ຫຼືວ່າຜ້າໄໝໝູ່ນີ້ນິເອົາພວກສ່ວນທ່ອງທ່ຽວບຸກຕະຫຼາດນັກທ່ອງທ່ຽວຈີນໃຫ້ໜັກຂື້ນຕື່ມເບິ່ງ! ຟັງເພງກ່ອນເນາະ
ເພງ
ເວລາກໍ່ຍັງບໍ່ຫຼາຍແລ້ວ! ເບິ່ງອາກາດມື້ນີ້ຮອດເວລາ 6 ໂມງແລງຍັງບໍ່ມືດຊຸ້ມລ້າວເທື່ອສົງໄສຍາມໜາວຢູ່ວຽງຈັນຊິໝົດແທ້ລະຕິນິ! ເວົ້າແທ້ເດືອນລາວກໍ່ເດືອນ 3 ແຮມ 1 ຄ່ຳລະເດເນາະ! ເລີ່ມມືດຊ້າລະໄດ໋ ເອົາໃນໄລຍະອາກາດປ່ຽນແປງແນວນີ້ກໍ່ຮັກສາສຸຂະພາບແດ່ເດີ້ມິດລາຍການ, ພະຍາດຕາມລະດູໜາວກໍ່ບໍ່ຄືກັນໄດເນາະ! ຍາມໜາວກໍ່ແມ່ນພະຍາດທາງເດີນຫາຍໃຈແມ່ນບໍ່ລະ? ບໍ່ວ່າຈະເປັນໄຂ້, ໄອ, ປອດອັກເສບ, ປອດບວມໄປຈັ່ງຊັ້ນລະ! ບາດເລີ່ມຮ້ອນຫຼືເຂົ້າສູ່ຍາມຮ້ອນແທ້ແລ້ວກໍ່ລະວັງຖອກທ້ອງກັບໄຂ້ເລືອດອອກໄດ໋ບາດນິ໋! ໜາວເຊົາແລ້ວຍຸງກໍ່ຊິຫຼາຍຂື້ນລະໄດບາດນິ! ໂດຍສະເພາະຕອນຫົວແລງແນວນີ້ແຫ່ງກະເຕັກລະ! ເອົາ, ລະມັດລະວັງເນາະ, ອາຫານການກິນຍາມຮ້ອນມັກບູດງ່າຍ ຢ່າເສຍດາຍຫຼາຍຈັກໜ່ອຍເຈັບທ້ອງ, ຖອກທ້ອງຊິຕາໂກນໄດ໋! ຂອງດິບຂອງແດງໝູ່ນີ້ກໍ່ລະວັງ ຫຼືຜູ້ສາວຜູ້ຍິງຊາວໜຸ່ມມັກກິນໝາກສົ້ມໝາກແສວນີ້ນະ! ລະວັງຄວາມສະອາດຕ້ອງມາກ່ອນຄັນບໍ່ຢາກເຈັບທ້ອງຖອກທ້ອງນະເນາະ! ເຕືອນດ້ວຍຄວາມເປັນຫ່ວງເປັນໄຍ
ເພງ
ຈົບ
