ມີຜູ້ເປັນພະຍາດຄວາມດັນເດືອດສູງ 1 ສ່ວນ 3 ໃນທົ່ວໂລກ
(GMT+08:00) 2012-05-24 10:52:19 cri
ອົງການອານາໄມໂລກ WTO ລາຍງານໃນວັນທີ 16 ພຶດສະພາທີ່ນະຄອນເຊີແນວວ່າ: ມີຜູ້ໃຫ່ຍເປັນຄວາມດັນເດືອດສູງປະມານ 1 ສ່ວນ 3 ໃນທົ່ວໂລກ, ເຊິ່ງເປັນສາເຫດຫຼັກຂອງພະຍາດຫົວໃຈ, ປະເທດພວມພັດທະນາມີຜູ້ເປັນພະຍາດດັ່ງກ່າຫຼາຍກວ່າປະເທດທີ່ພັດທະນາແລ້ວ.ອົງການອານາໄມໂລກລາຍງານວ່າ: ຜູ້ສູງອາຍຸມີໄຂມັນເພີ່ມຂື້ນແລະການປ່ຽນແປງຮູບແບບການດຳດົງຊີວິດເຮັດໃຫ້ເກີດພະຍາດຊຳເຮື້ອເຊັ່ນວ່າ: ພະຍາດຄວາມດັນເລືອດສູງ ຊຶ່ງແຕ່ກ່ອນພົບຫຼາຍທີ່ສຸດໃນປະເທດຝຮັ່ງມີຫຼືປະເທດທີ່ພັດທະນາແລ້ວ ແລະ ເລີ່ມພົບເຫັນຢູ່ໃນບັນດາປະເທດທີ່ມີລາຍໄດ້ໜ້ອຍເຊັ່ນກັນ. ນອກຈາກນີ້ ປະເທດທີ່ມີລາຍໄດ້ໜ້ອຍຍັງມີບັນຫາພະຍາດຕຸ້ຍ ແລະ ສູບຢາຫຼາຍທີ່ເຮັດໃຫ້ຕົວເລກຜູ້ເປັນພະຍາດຄວາມດັນເລືອດສູງເພີ່ມຂື້ນ, ອົງການອານາໄມໂລກກ່າວເຕືອນວ່າ ອາຫານສຳເລັດຮູບ, ອາຫານມີລົດຊາດເຄັມ, ມີຂາຍໃນວົງກ້ວາງເປັນສາເຫດທີ່ເຮັດໃຫ້ເປັນພະຍາດຫົວໃຈແລະ ພະຍາດມະເຮັງ.
ສະຖິຕິຂອງອົງການອານາໄມໂລກທີ່ເກັບກຳໄດ້ລະບຸວ່າ: ປະເທດການາດາ ແລະສະຫະລັດອາເມລິກາມີຜູ້ເປັນພະຍາດຄວາມດັນເລືດສູງໜ້ອຍທີ່ສຸດຄືບໍ່ເຖິງ 20 ສ່ວນຮ້ອຍ, ຂະນະທີ່ມີຫຼາຍປະເທດໃນທະວີບອາຟຼິກາມີຜູ້ເປັນພະຍາດກາຍເຄີ່ງໜຶ່ງເຊັ່ນ: ນີເຊ (50 ກວ່າສ່ວນຮ້ອຍ), ໂມຊຳບິກ (46 ກວ່າສ່ວນຮ້ອຍ), ມາລາວີ ( 44 ກວ່າສ່ວນຮ້ອຍ).
ໃນລະຫວ່າງປີ 1980 -2008 ທົ່ວໂລກມີຜູ້ເຈັບເປັນຍ້ອນພະຍາດຕຸ້ຍເພີ່ມຂື້ນເຖິງ 2 ເທົ່າແລະມີ 500 ລ້ານຄົນຂອງທົ່ວໂລກເຂົ້າກຸ່ມເປັນພະຍາດຕຸ້ຍ, ປະເທດສະຫະລັດອາເມລິກາມີຜູ້ໃຫ່ຍເປັນພະຍາດຕຸ້ຍຫຼາຍທີ່ສຸດຄື 26 ສ່ວນຮ້ອຍ, ສ່ວນຢູ່ອາຊີຕາເວັນອອກສ່ຽງໃຕ້ມີຄົນເປັນພະຍາດຕຸ້ຍໜ້ອຍທີ່ສຸດໃນໂລກ(3 ສ່ວນຮ້ອຍ)
