ອຳລາທ່ານຜູ້ຟັງຊົ່ວຄາວ
(GMT+08:00) 2012-06-11 14:31:33 cri
ຍ້ອນບລອກນີ້, ວິໄລວັນໄດ້ຮັບເພື່ອນມິດທີ່ຈິງໃຈຫຼາຍໆຄົນ, ວິໄລວັນຮູ້ສຶກວ່າເປັນຄົນທີ່ໂຊກດີຫຼາຍ, ແລະຂອບໃຈນຳເພື່ອນມິດທຸກທ່ານທີ່ໃຫ້ກຳລັງໃຈ, ອັນໄດ້ເຮັດໃຫ້ວິໄລວັນມີຄວາມຮູ້ສຶກອົບອຸ່ນຫຼາຍ.
ແຕ່ວ່າ, ນັບແຕ່ອາທິດນີ້ເປັນຕົ້ນໄປ, ວິໄລວັນຕ້ອງໄດ້ອຳລາເພື່ອນມິດເປັນການຊົ່ວຄາວ, ປະມານ 7 ເດືອນ. ເພາະວ່າ, ຍັງອີກສອງອາທິດ, ວິໄລວັນຈະເກີດລູກແລ້ວ! ປີໜ້າຈຶ່ງຈະກັບມາເຮັດວຽກຕໍ່, ຮອດຍາມນັ້ນ, ວິໄລວັນຈະເອົາຮູບຖ່າຍຂອງລູກຂຶ້ນບລອກນີ້, ແຕ່ໄລຍະນີ້, ໃຫ້ເບິ່ງຜູ້ເປັນແມ່ໄປກ່ອນ, ເພື່ອແບ່ງປັນຄວາມສຸກກັບເພື່ອນມິດທັງຫຼາຍ! ສຸດທ້າຍ, ຂໍໃຫ້ເພື່ອນມິດທຸກຄົນຈົ່ງມີສຸຂະພາບແຂງແຮງ, ມີຄວາມມ່ວນຊື່ນໃນທຸກໆມື້! ຈົ່ງປະສົບແຕ່ຄວາມສຸກໃນຊີວິດ!
ໂຊກດີ!
