ເຈົ້າໜ້າທີ່ກວດກາຄວາມປອດໄພທີ່ມີປະສົບການບໍ່ຢູ່ສະໜາມບິນຮີສໂລບາງໄດ້ໄດ້ປ່ອຍໃຫ້ຜູ້ຖືກສົງໄສວ່າຈະເປັນຜູ້ກໍ່ການຮ້າຍໃຫ້ເຂົ້າປະເທດຫຼາຍຄົນ
(GMT+08:00) 2012-07-19 16:03:22 cri
ໜັງສືພິມນັກສັງເກດການໄດ້ນຳເອົາຄວາມເວົ້າຂອງເຈົ້າໜ້າທີ່ອົງການຄຸ້ມຄອງຊາຍແດນອັງກິດທີ່ບໍ່ຍອມເປີດເຜີຍຊື່ 2 ຄົນມາລາຍງານວ່າ, ເລີ່ມແຕ່ຕົ້ນເດືອນນີ້ເປັນຕົ້ນມາ, ເຈົ້າໜ້າທີ່ກວດກາຄວາມປອດໄພທີ່ມີປະສົບການບໍ່ຢູ່ສະໜາມບິນຮີສໂລບາງໄດ້ໄດ້ປ່ອຍໃຫ້ຜູ້ຖືກສົງໄສວ່າຈະເປັນຜູ້ກໍ່ການຮ້າຍໃຫ້ເຂົ້າປະເທດຫຼາຍຄົນ, ໃນນັ້ນ ຫຼາຍທີ່ສຸດ ມື້ໜຶ່ງໄດ້ປ່ອຍໃຫ້ 5 ຄົນເຂົ້າສູ່ປະເທດ.
ເຈົ້າໜ້າທີ່ຂອງອົງການຄຸ້ມຄອງຊາຍແດນຜູ້ໜຶ່ງເວົ້າວ່າ, ເມື່ອເຈົ້າໜ້າທີ່ກວດ ກາໜັງສືເດີນທາງພົບເຫັນຜູ້ໂດຍສານທີ່ໜ້າສົງໄສເຂົ້າມາ, ຄວນແຈ້ງໃຫ້ກອງຕຳຫຼວດຕ້ານການກໍ່ການຮ້າຍຫຼືອົງການຄວາມປອດໄພຂອງອັງກິດຊາບໃນທັນທີ. ເຈົ້າໜ້າທີ່ຜູ້ນີ້ເວົ້າວ່າ, ອັນທີ່ວ່າ"ຜູ້ໂດຍສານທີ່ໜ້າສົງໄສ"ໝາຍເຖິງຜູ້ທີ່ຊື່ນາມສະກຸນຖືກຈັດເຂົ້າໃນບັນຊີລາຍຊື່ຜູ້ຖືກສົງໄສກໍ່ການຮ້າຍຂອງກະຊວງພາຍໃນຂອງອັງກິດ. ການທີ່ແຈ້ງຂໍ້ມູນຂ່າວສານກ່ຽວກັບຄົນເຫຼົ່ານີ້ເຂົ້າປະເທດນັ້ນໃຫ້ຝ່າຍຕຳຫຼວດຫຼືອົງການຂ່າວລັບ ແມ່ນເລື່ອງທີ່ສຳຄັນທີ່ສຸດ, ຖ້າບໍ່ດັ່ງນັ້ນ ຈະບໍ່ສາມາດຮູ້ວ່າ ເມື່ອເຂົາເຈົ້າເຂົ້າປະເທດອັງກິດແລ້ວໄດ້ໄປບ່ອນໃດອີກ.
ເຈົ້າໜ້າທີ່ຄຸ້ມຄອງຊາຍແດນອີກຜູ້ໜຶ່ງບອກນັກຂ່າວຂອງໜັງສືພິມນັກສັງເກດການວ່າ, ເມື່ອງານກິລາໂອແລັມປິກໃກ້ຈະໄຂຂຶ້ນ, ເພື່ອຜ່ອນຄາຍຄວາມກົດດັນທາງດ້ານຜູ້ໂດຍສານທີ່ຫຼວງຫຼາຍ, ສະໜາມບິນຮິສໂລໄດ້ສັບຊ້ອນໃຫ້ເຈົ້າໜ້າທີ່ທີ່ປະສົບການບໍ່ຫຼາຍຈຳນວນໜຶ່ງມາຊ່ວຍວຽກ. ເຂົາເຈົ້າແຕ່ກ່ອນແມ່ນເຮັດວຽກຢູ່ອົງການອື່ນໆທີ່ຂຶ້ນກັບກະຊວງພາຍໃນ, ຖືກສັບຊ້ອນມາຢູ່ສະໜາມບິນເປັນການຊົ່ວຄາວ.
ເຂົາເຈົ້າບາງຄົນຫາກໍ່ຮູ້ວຽກງານພື້ນຖານທີ່ກວດກາໜັງສືເດີນທາງ, ອີກສ່ວນໜຶ່ງພຽງແຕ່ໄດ້ຮັບການອົບຮົມເປັນເວລາມື້ໜຶ່ງເທົ່ານັ້ນ, ສ່ວນການອົບຮົມທຳມະດາຕ້ອງໃຊ້ເວລາ 6 ຫາ 8 ອາທິດ.