ຄະນະນັກກິລາຂອງອາເມລິກາເດີນທາງໄປຮອດລອນດອນແລ້ວໄດ້ຫຼົງທາງ 4 ຊົ່ວໂມງ
(GMT+08:00) 2012-07-19 16:07:45 cri
ໃນວັນຈັນທີ 16 ຜ່ານມານີ້, ນັກກິລາແລ່ນຂ້າມຮົ້ວ 400 ແມັດຂອງອາເມລິກາເປີດເຜີຍວ່າ, ພາຍຫຼັງຄະນະນັກກິລາຂອງອາເມລິກາເດີນທາງໄປຮອດລອນດອນແລ້ວໄດ້ຫຼົງທາງ, 4 ຊົ່ວໂມງຜ່ານໄປແລ້ວຈຶ່ງເດີນທາງເຖິງບ້ານໂອແລັມປິກ.
ຂ່າວແຈ້ງວ່າ, ທ້າວໄຄຼເມັນເຕ ນັກກິລາອາເມລິກາຂຽນຢູ່ເວັບໄຊທວີເທີວ່າ: "ຟ້າເອີຍ, ພວກເຮົາໄດ້ຫຼົງທາງຕັ້ງ 4 ຊົ່ວໂມງ, ເປັນພາບປະທັບໃຈທຳອິດທີ່ບໍ່ດີປານໃດຕໍ່ລອນດອນ, ນັກກິລາທຸກຄົນກໍເໝື່ອຍຫຼາຍ, ຫິວເຂົ້າຢູ່, ບາງຄົນຍັງຟ້າວຢາກໄປຫ້ອງນ້ຳ."
ພາຍຫຼັງຄະນະນັກກິລາຫຼົງທາງແລ້ວບໍ່ດົນ, ພະນັກງານສື່ມວນຊົນກໍໄດ້ຫຼົງທາງຄືກັນ, ລົດບັສຂອງສື່ມວນຊົນຄັນໜຶ່ງໃນເວລາແລ່ນໄປຫາສວນສາທາລະນະໂອແລັມປິກ, ຄົນຂັບລົດກໍຫຼົງທາງ. ຫຼັງຈາກນັ້ນ ຄົນຂັບລົດໄດ້ຮັບແຜນທີ່ ແລ້ວຊອກພົບເສັ້ນທາງທີ່ຖືກຕ້ອງ, ໃນທີ່ສຸດໄດ້ໄປຮອດຈຸດໝາຍປາຍທາງໂດຍຊ້າກວ່າເວລາກຳນົດເຄິ່ງຊົ່ວໂມງ.