ຖະແຫຼງການອາຊຽນກ່ຽວກັບບັນຫາທະເລຈີນໃຕ້ເພື່ອປົກປັກຮັກສາຫຼັກການ
(GMT+08:00) 2012-07-23 16:20:03 cri
ຕາມບົດຄວາມຂອງໜັງສືພິມ《ຢື້ໝິນຢື້ປ້າວສະບັບຕ່າງປະເທດ》ຂອງຈີນ: ວັນທີ20ກໍລະກົດນີ້, ບັນດາລັດຖະມົນຕີການຕ່າງປະເທດອາຊຽນໄດ້ອອກຖະແຫຼງການ6ຫຼັກການຂອງອາຊຽນກ່ຽວກັບທະເລຈີນໃຕ້, ໄດ້ປັບປຸງຂໍ້ບົກພ່ອງທີ່ຍັງຄົງຄ້າງໃນລະດັບໃດໜຶ່ງທີ່ກອງປະຊຸມລັດຖະມົນຕີການຕ່າງປະເທດອາຊຽນທີ່ຈັດຂຶ້ນຢູ່ພະນົມເປັນບໍ່ດົນມານີ້ໂດຍທີ່ບໍ່ໄດ້ອອກຖະແຫຼງການຮ່ວມຕາມເວລາກຳນົດ
ຂ່າວແຈ້ງວ່າ, ຂໍ້ສຳຄັນດັ່ງກ່າວຖືກບັນຈຸວໄວ້ໃນຮ່າງຖະແຫຼງການຮ່ວມທີ່ກຳປູເຈຍໄດ້ຍື່ນຕໍ່ກອງປະຊຸມລັດຖະມົນຕີກ່ານຕ່າງປະເທດອາຊຽນ. ຍ້ອນວ່າຟິລິບປີນ, ຫວຽດນາມໄດ້ຍຶດໝັ້ນນຳເອົາສະຖານະການເກາະຫວງອຽນຂອງຈີນເຂົ້າໃນຖະແຫຼງການຮ່ວມ, ພຽງແຕ່ເອົາໃຈໃສ່ນຳແຕ່ສິດແລະຜົນປະໂຫຍດຂອງປະເທດຕົນເອງ, ຢາກປ່ຽນຫຼັກໝັ້ນພຽງຝ່າຍດຽວຂອງບາງປະເທດໃຫ້ກາຍເປັນ ຄວາມເຫັນເປັນເອກະສັນກັນໂດຍລວມຂອງອາຊຽນຢ່າງບໍ່ປ່ຽນແປງຈົນເຮັດໃຫ້ບໍ່ສາມາດອອກຖະແຫຼງການຮ່ວມໄດ້, ສະນັ້ນຈຶ່ງຖືກປະເທດອື່ນໆຂອງອາຊຽນຂວ້ຳບາດ. ຖະແຫຼງການ6ຫຼັກການຂອງອາຊຽນບໍ່ໄດ້ຮອງຮັບເອົາຄວາມຮຽກຮ້ອງຕ້ອງການພຽງຝ່າຍດຽວຂອງຟິລິບປີນແລະອື່ນໆ.
ການບໍ່ສາມາດອອກຖະແຫຼງການຮ່ວມໄດ້ນີ້ບໍ່ແມ່ນຄວາມຜິດພາດຂອງຈີນ. ບັນຫາທະເລຈີນໃຕ້ແມ່ນບັນຫາລະຫວ່າງຈີນກັບບາງປະເທດໃນອາຊຽນ, ບໍ່ແມ່ນບັນຫາລະຫວ່າງຈີນກັບອາຊຽນ. ຈີນໄດ້ເຕືອນໃຫ້ຝ່າຍຕ່າງໆທີ່ກ່ຽວຂ້ອງມາໂດຍຕະຫຼອດ, ການເຮັດໃຫ້ບັນຫາທະເລຈີນໃຕ້ກາຍເປັນບັນຫາສາກົນຈະເຮັດໃຫ້ມີຄວາມສັບສົນ. ການກາຍເປັນບັນຫາສາກົນບໍ່ມີຜົນປະໂຫຍດຫຍັງ, ພຽງແຕ່ຈະເພີ່ມຄວາມຫຍຸ້ງຍາກລະຫວ່າງຈີນກັບອາຊຽນແລະຢູ່ພາຍໃນອາຊຽນ.
ນອກນີ້, ຈີນໄດ້ສະໜັບສະໜູນຄວາມສາມັກຄີກັນແລະຖານະນຳພາຂອງອາຊຽນມາໂດຍຕະຫຼອດ, ແຕ່ວ່າຄວາມສາມັກຄີກັນແລະຖານະນຳກໍ່ຕ້ອງປະຕິບັດຕາມຫຼັກການ, ຕ້ອງພິຈາລະນາເຖິງສິດແລະຜົນປະໂຫຍດໂດຍລວມຂອງອາຊຽນ, ບໍ່ຄວນສະແດງອັນທີ່ວ່າຄວາມສາມັກຄີກັນຂອງອາຊຽນແຕ່ທຳລາຍສິດແລະຜົນປະໂຫຍດຂອງຈີນ,ຊຶ່ງເປັນສອດຄ່ອງກັບສິດແລະຜົນປະໂຫຍດໃນໄລຍະຍາວຂອງອາຊຽນແລະພາກພື້ນແຫ່ງນີ້.