ຈີນໄດ້4ຫຼຽນຄຳເປັນອັນດັບທີ1ໃນຕາຕະລາງສະຫຼຸບຫຼຽນໃນມື້ທຳອິດຂອງງານກິລາໂອລິມປິກ
(GMT+08:00) 2012-07-29 15:25:37 cri
ຕາມຂ່າວCRI, ວັນທີ28ກໍລະກົດນີ້ຕາມເວລາລອນດອນ, ງານກິລາໂອລິມປິກລອນດອນໄດ້ເຂົ້າສູ່ມື້ທຳອິດໃນການແຂ່ງຂັນພາຍຫຼັງພິທີໄຂງານ, ໃນມື້ນັ້ນ, ໄດ້ດຳເນີນການແຂ່ງຂັນຂອງ19ລາຍການໃຫຍ່, ແລະຊິງເອົາຫຼຽນຄຳ12ຫຼຽນ. ນັກກິລາຈີນ ໄດ້ຮັບຜົນງານທີ່ດີເດັ່ນ, ລວມຊິງໄດ້4ຫຼຽນຄຳແລະໄດ້ສ້າງສະຖິຕິໂລກລາຍໜຶ່ງ, ຄະນະນັກກິລາຈີນໄດ້ຫຼຽນຄຳ4ຫຼຽນເປັນອັນດັບ1ໃນຕາຕະລາງສະຫຼຸບຫຼຽນ.
ໃນການແຂ່ງຂັນປືນລົມນ້ອຍຍາວ10ແມັດເພດຍິງທີ່ຈັດຂຶ້ນໃນຕອນເຊົ້າ, ນາງອີ້ຊືຫຼິງ ນັກກິລາຈີນໄດ້ຄອງແຊມດ້ວຍຜົນງານ502,9ແຕ້ມ, ຊິງໄດ້ຫຼຽນຄຳຫຼຽນທຳອິດໃນງານໂອລິມປິກຄັ້ງນີ້. ມື້ດຽວກັນ, ທ້າວຊຸນຢາງ ນັກກິລາຈີນກໍໄດ້ສ້າງປະຫວັດສາດໃນສະລອຍນ້ຳ, ໃນການແຂ່ງຂັນການລອຍຕາມເສລີເພດຊາຍ400ແມັດ, ທ້າວຊຸນຢາງຊິງໄດ້ຫຼຽນຄຳດ້ວຍການເອົາຊະນະທ້າວປັກເຕຮວນ ນັກກິລາສ.ເກົາຫຼີ. ພາຍຫຼັງມາ, ນາງເຢ້ຊືເວິນ ນັກກິລາຈີນໄດ້ສ້າງສະຖິຕິໃໝ່ຂອງໂລກແລະຊິງໄດ້ຫຼຽນຄຳໃນການແຂ່ງຂັນຊະນະເລີດຂອງລາຍການລອຍປະສົມເພດຍິງ400ແມັດດ້ວຍເວລາ4ນາທີ28ວິລາທີ43ລິບດາ. ຫຼຽນຄຳອີກຫຼຽນໜຶ່ງຂອງທີມຈີນໄດ້ມາຈາກລາຍການຍົກນ້ຳໜັກ, ນາງວາງມິງຈ່ວນໄດ້ຄອງແຊມໃນການແຂ່ງຂັນຍົກນ້ຳໜັກເພດຍິງລະດັບ48ກິໂລ.
ມື້ດຽວກັນ, ທີມອີຕາລີໄດ້ເອົາຊະນະທີມສ.ເກົາຫຼີ ທີ່ໄດ້ຄອງແຊມປຽນມາຫຼາຍປີ, ຊິງໄດ້ຫຼຽນຄຳໃນການແຂ່ງຂັນຍິງທະນູຄະນະເພດຊາຍ.
ມື້ທຳອິດລວມມີ6ຄະນະນັກກິລາໄດ້ຫຼຽນຄຳ, 14ຄະນະໄດ້ຫຼຽນລາງວັນ, ປະຈຸບັນ, ຈີນ, ອີຕາລີແລະອາເມລິກາເປັນອັນດັບທີ1,2,3ໃນການລຽງອັນດັບຫຼຽນລາງວັນເປັນຊົ່ວຄາວ.
ມື້ທຳອິດຍັງໄດ້ກວດພົບນັກກິລາໃຊ້ສານກະຕຸ້ນ. ວັນທີ28ກໍລະກົດນີ້, ຄະນະກຳມະການໂອລິມປິກສາກົນເປີດເຜີຍວ່າ, ທ້າວພຼາຄູ ນັກກິລາຍົກນ້ຳໜັກອານບານີຍ້ອນຖືກກວດພົບການໃຊ້ສານກະຕຸ້ນແລ້ວຖືກໄລ່ອອກຈາກງານໂອລິມປິກ.
ໃນການແຂ່ງຂັນປືນລົມນ້ອຍຍາວ10ແມັດເພດຍິງທີ່ຈັດຂຶ້ນໃນຕອນເຊົ້າ, ນາງອີ້ຊືຫຼິງ ນັກກິລາຈີນໄດ້ຄອງແຊມດ້ວຍຜົນງານ502,9ແຕ້ມ, ຊິງໄດ້ຫຼຽນຄຳຫຼຽນທຳອິດໃນງານໂອລິມປິກຄັ້ງນີ້. ມື້ດຽວກັນ, ທ້າວຊຸນຢາງ ນັກກິລາຈີນກໍໄດ້ສ້າງປະຫວັດສາດໃນສະລອຍນ້ຳ, ໃນການແຂ່ງຂັນການລອຍຕາມເສລີເພດຊາຍ400ແມັດ, ທ້າວຊຸນຢາງຊິງໄດ້ຫຼຽນຄຳດ້ວຍການເອົາຊະນະທ້າວປັກເຕຮວນ ນັກກິລາສ.ເກົາຫຼີ. ພາຍຫຼັງມາ, ນາງເຢ້ຊືເວິນ ນັກກິລາຈີນໄດ້ສ້າງສະຖິຕິໃໝ່ຂອງໂລກແລະຊິງໄດ້ຫຼຽນຄຳໃນການແຂ່ງຂັນຊະນະເລີດຂອງລາຍການລອຍປະສົມເພດຍິງ400ແມັດດ້ວຍເວລາ4ນາທີ28ວິລາທີ43ລິບດາ. ຫຼຽນຄຳອີກຫຼຽນໜຶ່ງຂອງທີມຈີນໄດ້ມາຈາກລາຍການຍົກນ້ຳໜັກ, ນາງວາງມິງຈ່ວນໄດ້ຄອງແຊມໃນການແຂ່ງຂັນຍົກນ້ຳໜັກເພດຍິງລະດັບ48ກິໂລ.
ມື້ດຽວກັນ, ທີມອີຕາລີໄດ້ເອົາຊະນະທີມສ.ເກົາຫຼີ ທີ່ໄດ້ຄອງແຊມປຽນມາຫຼາຍປີ, ຊິງໄດ້ຫຼຽນຄຳໃນການແຂ່ງຂັນຍິງທະນູຄະນະເພດຊາຍ.
ມື້ທຳອິດລວມມີ6ຄະນະນັກກິລາໄດ້ຫຼຽນຄຳ, 14ຄະນະໄດ້ຫຼຽນລາງວັນ, ປະຈຸບັນ, ຈີນ, ອີຕາລີແລະອາເມລິກາເປັນອັນດັບທີ1,2,3ໃນການລຽງອັນດັບຫຼຽນລາງວັນເປັນຊົ່ວຄາວ.
ມື້ທຳອິດຍັງໄດ້ກວດພົບນັກກິລາໃຊ້ສານກະຕຸ້ນ. ວັນທີ28ກໍລະກົດນີ້, ຄະນະກຳມະການໂອລິມປິກສາກົນເປີດເຜີຍວ່າ, ທ້າວພຼາຄູ ນັກກິລາຍົກນ້ຳໜັກອານບານີຍ້ອນຖືກກວດພົບການໃຊ້ສານກະຕຸ້ນແລ້ວຖືກໄລ່ອອກຈາກງານໂອລິມປິກ.
