ຜົນການແຂ່ງຂັນໃນວັນທີ30ກໍລະກົດນີ້ຕາມເວລາທ້ອງຖິ່ນຂອງງານກິລາໂອລິມປິກລອນດອນ
(GMT+08:00) 2012-07-31 16:05:15 cri
ຕອນຂ້ອນແຈ້ງຂອງວັນທີ30ກໍລະກົດນີ້ຕາມເວລາທ້ອງຖິ່ນ, ງານກິລາໂອລິມປິກລອນດອນປີ2012ໄດ້ເຂົ້າສູ່ມື້ທີສາມ. ຄະນະນັກກິລາຈີນໄດ້ຫຼຽນຄຳໃນການແຂ່ງຂັນຍົກນ້ຳໜັກ, ກາຍຍະກຳແລະໂດດນ້ຳທັງໝົດ3ຫຼຽນ, ມາຮອດເວລານີ້ຈີນໄດ້ຫຼຽນຄຳ9ຫຼຽນ, ຢູ່ໃນອັນດັບໜຶ່ງຂອງຕາຕະລາງສະຫຼຸບຫຼຽນ. ນອກນີ້, ທ້າວຊຸ່ນຢາງແລະນາງເຢ້ຊື່ເວີນກໍ່ມີຜົນງານທີ່ດີໃນການແຂ່ງຂັນລອຍນ້ຳ, ແຕ່ຍັງເສຍດາຍວ່າ, ມາຮອດປະຈຸບັນ, ທີມຍົກນ້ຳໜັກເພດຊາຍແລະທີມຍິງປືນ ເພດຊາຍຍັງບໍ່ໄດ້ຫຼຽນຄຳເທື່ອ. ມື້ນີ້, ຄະນະນັກກິລາອາເມລິກາໄດ້ຫຼຽນຄຳເພີ່ມອີກ2ຫຼຽນ, ລວມ5ຫຼຽນຄຳ, ເປັນອັນດັບ2 ຮອງຈາກຈີນ, ສ່ວນລວມຫຼຽນທັງໝົດ ທັງຫຼຽນຄຳ, ຫຼຽນເງິນແລະຫຼຽນທອງ, ຈີນແລະອາເມລິກາໄດ້ຈຳນວນເທົ່າກັນ ຄື: 17ຫຼຽນ.
