ເປີດເຜີຍຖານະຂອງຜູ່ຍິງທີ່ເລິກລັບທີ່ປະກົດຕົວຢູ່ໃນຂະບວນຄະນະນັກກິລາອິນເດຍໃນພິທີໄຂງານໂອລິມປິກ
(GMT+08:00) 2012-08-01 10:36:51 cri
ເລີ່ມແຕ່ວັນທີ 27 ກໍລະກົດແລ້ວນີ້ເປັນຕົ້ນມາ, ການແຂ່ງຂັນກິລາປະເພດຕ່າງໆໃນໂອລິມປິກແມ່ນພວມດຳເນີນໄປຢ່າງດຸເດືອດຢູ່ນະຄອນຫລວງລອນດອນ, ມາຮອດປັດຈຸບັນ, ໄດ້ມີຫລາຍໆປະເທດຊິງໄດ້ຫລຽນມາຄອງແລ້ວ. ແຕ່ວັນນີຍັງຢາກຫວນຄືນເຖິງມື້ທີ່ຈັດພິທີໄຂງານໂອລິມປິກ, ບໍ່ຮູ້ວ່າທ່ານກໍ່ຍັງຈື່ບໍ່ວ່າເມື່ອເບິ່ງການຖ່າຍທອດສົດຂອງພິທີໄຂ, ເວລາຄະນະນັກກິລາອິນເດຍຍ່າງເຂົ້າສູ່ສະຫນາມກິລາກາງບ່ອນຈັດພິທີໄຂຢ່າງເປັນທາງການນັ້ນ, ມີຜູ່ຍິງຜູ່ຫນຶ່ງທີ່ນຸ່ງເຄື່ອງທີ່ມີສີແຕກຕ່າງຈາກນັກກິລາອິນເດຍໄດ້ຍ່າງຢູ່ທາງຫນ້າຂອງຄະນະນັກກິລາອິນເດຍ, ຜູ່ຍິງຜູ່ນີ້ທັງຍ່າງທັງໂບກມືຕໍ່ກ້ອງຖ່າຍຕ່າງໆ, ຍ້ອນຄະນະນັກກິລາອິນເດຍແມ່ນນຸ່ງເຄື່ອງສີເຫລືອງຫມົດ, ມີແຕ່ຜູ່ຍິງຜູ່ນີ້ນຸ່ງເສື້ອສີແດງແລະໂສ້ງສີຟ້າ, ຊະນັ້ນຈິ່ງເປັນທີ່ສະດຸດຕາຫລາຍ, ເຮັດໃຫ້ຜູ່ຊົມມີໃຫ້ຄວາມສົນໃຈຫລາຍ, ລາວແມ່ນໃຜແທ້? ນັກກິລາອິນເດຍບໍ່ຮູ້ຈັກລາວ,ສື່ມວນຊົນອິນເດຍຈົນເຖິງທົ່ວໂລກກໍ່ບໍ່ຮູ້ຄືກັນ.ຖາ ນະຂອງຜູ່ຍິງຜູ່ນີ້ຈິ່ງກາຍເປັນເລື່ອງທີ່ສື່ມວນຊົນປະເທດຕ່າງໆພາກັນໄປຊອກຮູ້.ຫນັງສືພິມອິນເດຍແທມສ໊ໄດ້ພິມຮູບແຜ່ນໃຫຍ່ແລ້ວພາດຫົວຂໍ້ວ່າ: ຜູ່ຍິງໃສ່ເສື້ອສີແດງລັກເຂົ້າຮ່ວມຄະນະນັກກິລາອິນເດຍ.ຫນັງສືພິມເທລິແກຼດຂອງອັງກິດກໍ່ພິມບົດຄວາມກ່າວວ່າ, ຜູ່ຍິງທີ່ເລິກລັບຜູ່ນີ້ໄດ້ຍາດເອົາເວລາສະແດງຕົວຂອງຄະນະນັກກິລາອິນເດຍໃນການຖ່າຍທອດສົດທີ່ເປັນເວລາ 10 ວິນາທີ.
ສ່ວນເຈົ້າຫນ້າທີ່ຄະນະນຳແລະນັກກິລາອິນເດຍກໍ່ຮູ້ສຶກບໍ່ພໍໃຈຫລາຍຕໍ່ເລື່ອງນີ້, ເຫັນວ່ານີ້ແມ່ນຍ້ອນການຮັກສາຄວາມປອດໄພຂອງງານໂອລິມປິກນັ້ນບໍ່ຮອບຄອບ,ແລະຈົ່ມວ່າຜູ່ຍິງຜູ່ນີ້ໄດ້ຍາດເອົາເວລາທີ່ແຕ່ເດີມຄວນແມ່ນເວລາທີ່ສື່ມວນຊົນທົ່ວໂລກໃຫ້ຄວາມສົນໃຈຕໍ່ຄະນະນັກກິລາອິນເດຍ.ຍ້ອນເລື່ອງນີ້, ຄະນະຜູ່ແທນອິນເດຍໄດ້ສົ່ງຈົດຫມາຍໄປຍັງຄະນະຈັດງານໂອລິມປິກລອນດອນເພື່ອຮຽກຮ້ອງໃຫ້ສືບສວນສອບສວນເລື່ອງນີ້ຢ່າງເຖິງຖອງແລະສະແດງຄວາມຂໍໂທດຢ່າງເປີດເຜີຍ.
ຜູ່ຍິງຜູ່ນີ້ແມ່ນໃຜແທ້? ເມື່ອຜ່ານການສຳຫລວດກວດກາແລ້ວຈິ່ງຮູ້ວ່າ, ນາງຄົນນີ້ມີຊື່ວ່າ ມາຕູລາ, ປີນີ້ອາຍຸ 27 ປີ, ມາຈາກເມືອງບານກາໂຣທາງພາກໃຕ້ຂອງອິນເດຍໄປຮຽນຢູ່ອັງກິດ, ປັດຈຸບັນພວມຮຽນເອົາປະລິຍາໂທຂອງວິຊາ mba. ໃນມື້ທີ່ປະກົດຕົວໃນຄະນະນັກກິລາອິນເດຍນັ້ນ, ລາວແມ່ນຈະເຂົ້າຮ່ວມການສະແດງເຕັ້ນໃນພິທີໄຂງານ. ນີ້ແມ່ນຄຳອະທິບາຍຂອງຄະນະຈັດງານໂອລິມປິກລອນດອນ.
ຫລັງຈາກນັ້ນບໍ່ດົນ, ທ້າວນາເກັນເຕີ,ພໍ່ຄ້າທີ່ເຮັດທຸລະກິດຄ້າຂາຍເສື້ອຫນັງຢູ່ເມືອງບານກາໂຣ ພໍ່ຂອງນາງມາຕູລາກໍ່ຢືນຢັນຄຳເວົ້າຂອງຄະນະຈັດງານໂອລິມປິກລອນດອນວ່າ ຜູ່ຍິງທີ່ນຸ່ງເສື້ອສີແດງໂສ້ງສີຟ້າປະກົດຢູ່ໃນຂະບວນຄະນະນັກກິລາອິນເດຍນັ້ນແມ່ນລູກສາວຂອງຕົນເອງແທ້.ລາວບອກວ່າ: ລູກສາວຂອງຕົນເອງໄດ້ຮັບການຝຶກແອບການເຕັ້ນບູຮານຂອງອິນເດຍຕັ້ງແຕ່ນ້ອຍ, ແມ່ນນັກເຕັ້ນຜູ່ດີເດັ່ນຜູ່ຫນຶ່ງ. ເທື່ອນີ້ນາງມາຕູລາແມ່ນໄດ້ຮັບການຄັດເລືອກຫລາຍເທື່ອຈາກຄະນະຈັດງານໂອລິມປິກລອນດອນແລ້ວຈິ່ງມີໂອກາດເຂົ້າຮ່ວມການສະແດງໃນພິທີໄຂງານໂອລິມປິກ. ທ້າວນາເກັນເຕີ ພໍ່ຂອງນາງມາຕູລາຍັງເວົ້າຢ່າງເດັດດ່ຽວວ່າ:ລູກສາວຂອງຕົນເອງເດັດຂາດບໍ່ແມ່ນຜູ່ທີ່ກໍ່ເລື່ອງກໍ່ລາວ, ແລະບໍ່ໄດ້ລະເມີດຂໍ້ກຳນົດດ້ານຄວາມປອດໄພຕ່າງໆ.
ຢູ່ພາຍໃນປະເທດອິນເດຍ, ປະຊາຊົນອິນເດຍແມ່ນມີຄວາມເຫັນທີ່ຕ່າງກັນ, ບາງຄົນເຫັນວ່ານາງມາຕູລາເຮັດໃຫ້ປະເທດຊາດຕົນເອງຮູ້ສຶກອັບອາຍຂາຍຫນ້າ.ແຕ່ບາງຄົນກໍ່ເຫັນວ່າ,ພິທີໄຂງານໂອລິມປິກແມ່ນງານຊຸມນຸມທີ່ມ່ວນຊື່ນມາຕັ້ງແຕ່ດົນມາແລ້ວ, ສະນັ້ນ,ຕໍ່ເລື່ອງນີ້ກໍ່ຄວນມີທ່າທີທີ່ເປີດໃຈ.
ສ່ວນເຈົ້າຫນ້າທີ່ຄະນະນຳແລະນັກກິລາອິນເດຍກໍ່ຮູ້ສຶກບໍ່ພໍໃຈຫລາຍຕໍ່ເລື່ອງນີ້, ເຫັນວ່ານີ້ແມ່ນຍ້ອນການຮັກສາຄວາມປອດໄພຂອງງານໂອລິມປິກນັ້ນບໍ່ຮອບຄອບ,ແລະຈົ່ມວ່າຜູ່ຍິງຜູ່ນີ້ໄດ້ຍາດເອົາເວລາທີ່ແຕ່ເດີມຄວນແມ່ນເວລາທີ່ສື່ມວນຊົນທົ່ວໂລກໃຫ້ຄວາມສົນໃຈຕໍ່ຄະນະນັກກິລາອິນເດຍ.ຍ້ອນເລື່ອງນີ້, ຄະນະຜູ່ແທນອິນເດຍໄດ້ສົ່ງຈົດຫມາຍໄປຍັງຄະນະຈັດງານໂອລິມປິກລອນດອນເພື່ອຮຽກຮ້ອງໃຫ້ສືບສວນສອບສວນເລື່ອງນີ້ຢ່າງເຖິງຖອງແລະສະແດງຄວາມຂໍໂທດຢ່າງເປີດເຜີຍ.
ຜູ່ຍິງຜູ່ນີ້ແມ່ນໃຜແທ້? ເມື່ອຜ່ານການສຳຫລວດກວດກາແລ້ວຈິ່ງຮູ້ວ່າ, ນາງຄົນນີ້ມີຊື່ວ່າ ມາຕູລາ, ປີນີ້ອາຍຸ 27 ປີ, ມາຈາກເມືອງບານກາໂຣທາງພາກໃຕ້ຂອງອິນເດຍໄປຮຽນຢູ່ອັງກິດ, ປັດຈຸບັນພວມຮຽນເອົາປະລິຍາໂທຂອງວິຊາ mba. ໃນມື້ທີ່ປະກົດຕົວໃນຄະນະນັກກິລາອິນເດຍນັ້ນ, ລາວແມ່ນຈະເຂົ້າຮ່ວມການສະແດງເຕັ້ນໃນພິທີໄຂງານ. ນີ້ແມ່ນຄຳອະທິບາຍຂອງຄະນະຈັດງານໂອລິມປິກລອນດອນ.
ຫລັງຈາກນັ້ນບໍ່ດົນ, ທ້າວນາເກັນເຕີ,ພໍ່ຄ້າທີ່ເຮັດທຸລະກິດຄ້າຂາຍເສື້ອຫນັງຢູ່ເມືອງບານກາໂຣ ພໍ່ຂອງນາງມາຕູລາກໍ່ຢືນຢັນຄຳເວົ້າຂອງຄະນະຈັດງານໂອລິມປິກລອນດອນວ່າ ຜູ່ຍິງທີ່ນຸ່ງເສື້ອສີແດງໂສ້ງສີຟ້າປະກົດຢູ່ໃນຂະບວນຄະນະນັກກິລາອິນເດຍນັ້ນແມ່ນລູກສາວຂອງຕົນເອງແທ້.ລາວບອກວ່າ: ລູກສາວຂອງຕົນເອງໄດ້ຮັບການຝຶກແອບການເຕັ້ນບູຮານຂອງອິນເດຍຕັ້ງແຕ່ນ້ອຍ, ແມ່ນນັກເຕັ້ນຜູ່ດີເດັ່ນຜູ່ຫນຶ່ງ. ເທື່ອນີ້ນາງມາຕູລາແມ່ນໄດ້ຮັບການຄັດເລືອກຫລາຍເທື່ອຈາກຄະນະຈັດງານໂອລິມປິກລອນດອນແລ້ວຈິ່ງມີໂອກາດເຂົ້າຮ່ວມການສະແດງໃນພິທີໄຂງານໂອລິມປິກ. ທ້າວນາເກັນເຕີ ພໍ່ຂອງນາງມາຕູລາຍັງເວົ້າຢ່າງເດັດດ່ຽວວ່າ:ລູກສາວຂອງຕົນເອງເດັດຂາດບໍ່ແມ່ນຜູ່ທີ່ກໍ່ເລື່ອງກໍ່ລາວ, ແລະບໍ່ໄດ້ລະເມີດຂໍ້ກຳນົດດ້ານຄວາມປອດໄພຕ່າງໆ.
ຢູ່ພາຍໃນປະເທດອິນເດຍ, ປະຊາຊົນອິນເດຍແມ່ນມີຄວາມເຫັນທີ່ຕ່າງກັນ, ບາງຄົນເຫັນວ່ານາງມາຕູລາເຮັດໃຫ້ປະເທດຊາດຕົນເອງຮູ້ສຶກອັບອາຍຂາຍຫນ້າ.ແຕ່ບາງຄົນກໍ່ເຫັນວ່າ,ພິທີໄຂງານໂອລິມປິກແມ່ນງານຊຸມນຸມທີ່ມ່ວນຊື່ນມາຕັ້ງແຕ່ດົນມາແລ້ວ, ສະນັ້ນ,ຕໍ່ເລື່ອງນີ້ກໍ່ຄວນມີທ່າທີທີ່ເປີດໃຈ.
