ຂ່າວກ່ຽວກັບງານໂອລິມປິກລອນດອນໃນວັນທີ3ສິງຫານີ້
ຕາມຂ່າວCRI: ວັນທີ 3 ສິງຫານີ້ ຕາມເວລາທ້ອງຖິ່ນ, ການແຂ່ງຂັນກິລາປະເພດຕ່າງໆຂອງງານໂອລິມປິກລອນດອນໄດ້ດຳເນີນເປັນວັນທີ 7 , ເຊິ່ງໃນວັນນັ້ນມີການຊີງໄຊທັງໝົດ22ຫຼຽນຄຳ,ແມ່ນວັນໜຶ່ງທີ່ຊີງຫຼຽນຄຳຫຼາຍທີ່ສຸດນັບແຕ່ໄຂງານໂອລິມປິກເປັນຕົ້ນມາ, ອາເມລິກາຊີງໄດ້ຫຼຽນຄຳ 3 ຫຼຽນໃນການແຂ່ງຂັນລອຍນ້ຳ,ຈຳນວນຫຼຽນຄຳຂອງທິມອາເມລິກາເພິ່ມຂຶ້ນຮອດ 21 ຫຼຽນ,ໄດ້ລ້ຳໜ້າຈີນຄອງອັນດັບທີໜຶ່ງໃນປະເທດຕ່າງໆ. ມື້ດຽວກັນ, ນັກກິລາຈີນກໍ່ມີລີລາການສະແດງອັນຈົບາງາມ, ຊີງໄດ້ຫຼຽນຄຳ 2 ຫຼຽນໃນການແຂ່ງຂັນດອກປີກໄກ່ຕີຄູ່ຍິງຊາຍປະສົມແລະການແຂ່ງຂັນຕຽງສະປິງ,ຈຳນວນຫຼຽນຄຳຂອງທິມຈີນກໍ່ເພິ່ມຂຶ້ນຮອດ 20 ຫຼຽນ.
ງານໂອລິມປິກດຳເນີນມາຮອດວັນທີ 3 ສິງຫາ,ລວມມີທິມກິລາ 27 ປະເທດຫຼືເຂດແຄວ້ນຊີງໄດ້ຫຼຽນຄຳ, ມີທິມກິລາຂອງ 54 ປະເທດຫຼືເຂດແຄວ້ນຊີງໄດ້ຫຼຽນລາງວັນ.
