ຕາມຂ່າວCRI: ວັນທີ4ສິງຫານີ້ຕາມເວລາທ້ອງຖິ່ນ, ງານກິລາໂອລິມປິກລອນດອນໄດ້ດໍາເນີນເປັນມື້ທີ8ແລ້ວ, ໝາຍຄວາມວ່າການແຂ່ງຂັນຂອງງານໂອລິມ ປິກຄັ້ງນີ້ດຳເນີນໄປກວ່າເຄິ່ງໜຶ່ງແລ້ວ. ໃນມື້ນັ້ນມີການຊິງໄຊທັງໝົດ25ຫຼຽນຄຳ, ອາເມລິກາໄດ້5ຫຼຽນຄຳ, ຈີນກໍ່ໄດ້5ຫຼຽນຄຳເຊັ່ນກັນ, ອາເມລິກາຢູ່ອັນດັບໜຶ່ງໃນຕາຕະລາງສະຫຼຸບຫຼຽນດ້ວຍຫຼຽນຄຳ21ຫຼຽນ, ຖັດລົງມາແມ່ນຈີນຢູ່ອັນດັບສອງດ້ວຍຫຼຽນຄຳ20ຫຼຽນ.
ວັນວັນນັ້ນ, ນັກກິລາຈີນຊີງໄດ້2ຫຼຽນຄຳໃນການແຂ່ງຂັນດອກປີກໄກ່ຕີດ່ຽວເພດຍິງແລະຕີຄູ່ເພດຍິງ. ໃນການແຂ່ງຂັນລອຍທ່າຟຣີສະໄຕ1500ແມັດເພດຊາຍ, ທ້າວຊຸ່ນຢາງ, ນັກກິລາຈີນໄດ້ຫຼຽນຄຳດ້ວຍຄວາມໄວ14ນາທີ31ວິນາທີ02, ຊຶ່ງໄດ້ສ້າງສະຖິຕິໃໝ່ຂອງໂລກ.
ໃນການແຂ່ງຂັນລອຍຜັດປະສົມ4×100ແມັດເພດຊາຍ, ທິມອາເມລິກາທີ່ມີທ້າວເຟັວສ໌ ມີແຄນ, ນັກກິລາລອຍນ້ຳທີ່ດີເດັ່ນເຂົ້າຮ່ວມນັ້ນຊີງໄດ້ຫຼຽນຄຳ, ທ້າວເຟັວສ໌ສຳເລັດການແຂ່ງຂັນໃນງານໂອລິມປິກຂອງຕົນຢ່າງຈົບງາມ, ໃນງານໂອ ລິມປິກລອນດອນຄັ້ງນີ້, ລາວຊີງໄດ້4ຫຼຽນຄຳແລະ2ຫຼຽນເງິນ. ທ້າວເຟັວສ໌ທີ່ມີອາຍຸ27ປີຕັດສິນໃຈຖອນຕົວອອກຈາກວົງການກິລາຫຼັງງານໂມລິມບິກລອນດອນ.
ສ່ວນໃນການແຂ່ງຂັນແລ່ນໄວ100ແມັດເພດຍິງ, ນາງຟຣາເຊີ ພຼິສ ເສລີອັນ, ນັກກິລາຈາໄມກາຊີງໄດ້ຫຼຽນຄຳດ້ວຍຄວາມໄວ10ວິນາທີ75, ກາຍເປັນຜູ້ຍິງທີ່ແລ່ນໄວທີ່ສຸດຄົນໃໝ່ໃນງານໂອລິມປິກ.
1 2 3 4 5 6 7