ທ້າວລິນຕ່ານປ້ອງກັນແຊັມໃນການແຂ່ງຂັນຕີດອກປີກໄກ່ປະເພດດ່ຽວຊາຍ
(GMT+08:00) 2012-08-06 14:48:57 cri
ໃນການແຂ່ງຂັນຕີດອກປີກໄກ່ໃນຮອບຊີງຊະນະເລີດປະເພດດ່ຽວຊາຍ, ທ້າວລິນຕ່ານ, ນັກກິລາຈີນສາມາດເອົາຊະນະທ້າວຫຼີ້ຈົ່ງເຫວີຍ, ນັກກິລາມາເລເຊຍ 2 ຕໍ່ 1 ເຊັດດ້ວຍຄະແນນ 15 ຕໍ່ 21 21 ຕໍ່ 10ແລະ 21 ຕໍ່ 19, ກາຍເປັນນັກກິລາຜູ້ທຳອິດທີ່ປ້ອງກັນແຊັມໃນລາຍການນີ້ໄວ້ໄດ້ໃນງານກິລາໂອລິມປິກ. ການແຂ່ງຂັນຂັດດອກປີກໄກ່ຄູ່ຊາຍຮອບຊິງຊະນະເລີດແມ່ນການແຂ່ງຂັນນັດສຸດທ້າຍຂອງລາຍການດອກປີກໄກ່ໃນງານກິລາໂອລິມປິກເທື່ອນີ້, ທ້າວຊ້າຍຢຸ່ນແລະທ້າວຟູ້ຫາຍເຟີ່ງສາມາດເອົາຊະນະນັກກິລາຈາກດານມາກໄດ້ຄອງຫຼຽນຄຳ. ຫຼຽນຄຳຂອງລາຍການດອກປີກໄກ່ແມ່ນນັກກິລາຈາກຈີນຍາດມາຄອງໄດ້ທັງໝົດ, ຊຶ່ງເປັນເຫດການທີ່ບໍ່ເຄີຍມີມາໃນປະຫວັດສາດຂອງງານກິລາໂອລິມປິກ.
