ຕາມຂ່າວCRI: ວັນທີ 6 ສິງຫານີ້ຕາມເວລາທ້ອງຖິ່ນ, ກິລາໂອລິມປິກລອນດອນໄດ້ດໍາເນີນການແຂ່ງຂັນເປັນມື້ທີ 10 ແລ້ວ, ໃນມື້ນັ້ນມີການຊິງໄຊທັງໝົດ 18 ຫຼຽນຄຳ. ໃນຈຳນວນນີ້ຄະນະນັກກິລາຈີນຊິງໄດ້ຫຼຽນຄຳ 1 ຫຼຽນແລະຫຼຽນເງິນ 2 ຫຼຽນ. ຍັງສືບຕໍ່ເປັນອັນດັບທີໜຶ່ງໃນຕາຕະລາງສະຫຼຸບຫຼຽນດ້ວຍຈຳນວນຫຼຽນຄຳ 31 ຫຼຽນ.
ນາງຊູລີ້ເຈ່ຍ, ນັກກິລາຈີນຊິງໄດ້ຫຼຽນຄຳໃນການແຂ່ງຂັນເຮືອໃບລະດັບLaser Radial ດ້ວຍເວລາ 30 ນາທີ 19 ວິນາທີ, ນີ້ແມ່ນຄັ້ງທຳອິດທີ່ນັກກິລາຈາກຈີນໄດ້ຫຼຽນຄຳໃນລາຍການນີ້.
ລາຍການກາຍະກຳຂອງງານກິລາໂອລິມປິກໄດ້ດຳເນີນການແຂ່ງຂັນໃນຮອບຊິງຊະນະເລີດ 3 ປະເພດໃນມື້ນັ້ນ, ໃນການແຂ່ງຂັນບ້ວງຫ້ອຍເພດຊາຍ, ທ້າວເສີງອີ່ປິ່ນ, ນັກກິລາຈີນໄດ້ຄະແນນຫຼຸດຄູ່ແຂ່ງຂັນ 0,1 ຄະແນນແລ້ວໄດ້ຫຼຽນເງິນ, ສ່ວນການແຂ່ງຂັນໃນລາຍການຮາວຕ່າງລະດັບ, ນາງມຸສຕາຟີນາ ອາລີວາ, ນັກກິລາທີ່ມີຊື່ສຽງຂອງຣັດເຊຍຊິງໄດ້ຫຼຽນຄຳ, ນາງເຫີເຂີ້ຊິນ, ນັກກິລາຈີນໄດ້ຫຼຽນເງິນ, ນັກກິລາອັງກິດໄດ້ຫຼຽນທອງ.
ນັບມາຮອດວັນທີ 6 ສິງຫານີ້, ໃນງານກິລາໂອລິມປິກເທື່ອນີ້, ມີ 70 ປະເທດໄດ້ຮັບຫຼຽນລາງວັນແລ້ວ, ໃນນັ້ນມີພຽງ 38 ປະເທດທີ່ຍາດໄດ້ຫຼຽນຄຳ.